📅 2019-yil 8-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июля 2019 г. · Постановления Президента
Официальный текст. Официальный документ. Редакционные примечания не включены.
📅 8 July 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси давлат мустақиллигининг йигирма саккиз йиллик байрамига тайёргарлик кўриш ва уни ўтказиш тўғрисида
Мамлакатимиз тарихида ўчмас саҳифа очган буюк истиқлол туфайли Ўзбекистон ўтган давр мобайнида жаҳон ҳамжамиятидан муносиб ўрин эгаллаб, миллий тикланишдан миллий юксалиш сари дадил илгарилаб бормокда.
Бугунги кунда юртимизда тинчлик ва барқарорликни мустаҳкамлаш, инсон ҳуқуқлари, эркинликлари ва манфаатларини таъминлаш, Ватанимизни ҳар томонлама тараққий эттириш, унинг халқаро майдондаги обрў-эътиборини юксалтириш борасида кенг кўламли ислоҳотлар амалга оширилмоқда. Биз учун устувор аҳамиятга эга бўлган вазифалар — аҳолининг ҳаёт даражаси ва сифатини яхшилаш, тадбиркорлик ва хусусий мулк ривожига кенг имконият очиб бериш, ёшлар, хотин-кизлар, кекса авлод вакиллари, ижтимоий химояга муҳтож инсонларга доимий эътибор ва ғамхўрлик кўрсатишга қаратилган дастурларимизнинг ижобий натижалари нафақат мамлакатимиз, балки халқаро жамоатчилик томонидан ҳам эътироф этилмоқда.
Халқимиз учун энг улуғ, энг азиз айём, эркин, обод ва фаровон ҳаёт куриш йўлидаги барча ютуқ ва муваффақиятларимизнинг асосий манбаи бўлган Ватанимиз мустақиллигининг йигирма саккиз йиллигини катта тайёргарлик билан кутиб олиш, бу қутлуғ санани унинг мохияти ва аҳамиятига, халқимизнинг фидокорона мехнати, эзгу орзу-интилишларига муносиб тарзда нишонлаш мақсадида:
1. Ўзбекистон Республикаси давлат мустақиллигининг йигирма саккиз йиллик байрамига тайёргарлик кўриш ва уни ўтказиш бўйича республика комиссиясининг таркиби иловага мувофиқ тасдиқлансин.
2. Республика комиссияси бир ҳафта муддатда «Жонажон Ўзбекистоним, мангу бўл омон!» деган бош ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари дастурини ишлаб чиқсин.
Ушбу дастурда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси , шунингдек, «Фаол инвестициялар ва ижтимоий ривожланиш йили» давлат дастури , « Обод қишлоқ », « Обод маҳалла », « Ҳар бир оила — тадбиркор », « Ёшлар — келажагимиз », «Беш ижобий ташаббус» каби муҳим дастур ва режалар доирасида олиб борилаётган туб ислоҳотларнинг маъно-мазмуни ва рухи мужассам этилишига алоҳида эътибор қаратилсин.
Айниқса, охирги йилларда сиёсий-ижтимоий, иктисодий муносабатларнинг мазмун-моҳияти, жамиятимиз қиёфаси бутунлай ўзгаргани, бу ижобий ўзгаришлар юртдошларимиз ҳаётида ўз ифодасини топаёттани, халқимизнинг турмуш даражасини, онгу тафаккури, билим ва маданиятини ошириш бўйича килинган ишларни конкрет далил ва мисоллар, чуқур илмий таҳлиллар ва экспертлик баҳолари орқали мамлакатимиз ва халқаро жамоатчиликка етказиш муҳим аҳамиятга эгадир.
3. Республика комиссияси томонидан Қорақалпоғистон Республикаси, вилоятлар ва Тошкент шаҳрида Мустақиллик байрамига бағишлаб аҳолининг кенг катламлари ўртасида маърифий учрашувлар, очик мулоқот ва суҳбатлар, адабий-бадиий кечалар, долзарб мавзулар бўйича фикр алмашувлар, маданий тадбирларни самарали ўтказиш максадида таниқли олимлар, ижодкор зиёлилар ва санъаткорлардан иборат тарғибот гурухлари ташкил этилсин ҳамда уларнинг аниқ режа асосида фаолият олиб бориши таъминлансин.
Бу тадбирларни ташкил этишда мамлакатимизни модернизация қилиш, турли соҳа ва тармоқларни либераллаштириш борасида қўлга киритилган ютуқ ва натижалар бу йўлдаги дастлабки қадамлар эканини таъкидлаган ҳолда, баландпарвозлик, расмиятчилик ва юзакилик ҳолатларига йўл қўймасдан, холислик ва ҳаққонийлик тамойиллари асосида иш олиб боришга алоҳида эътибор қаратилсин.
4. Республика комиссияси ўз йиғилишларида белгиланган чора-тадбирлар мамлакатимиз пойтахти, вилоят ва туманларида қандай амалга оширилаётгани юзасидан ҳар бир ҳудуд, вазирлик ва идора раҳбарларининг ҳисоботларини мунтазам равишда эшитиб борсин.
5. Қорақалпоғистон Республикаси, вилоятлар ва Тошкент шаҳрида ўтказиладиган байрам дастурларини тайёрлашга оммавий томошалар бўйича юксак маҳорат ва тажрибага эга бўлган сценарист ва режиссёрлар, ёзувчи ва шоирлар, композитор ва балетмейстерлар, саҳна рассомлари, истеъдодли ёш ижрочилар, мақом ва бахшичилик санъати вакилларидан иборат ижодий гурухлар кенг жалб этилсин.
6. Ўзбекистон Республикаси Маданият вазирлиги Ўзбекистон Ёзувчилар уюшмаси, Ўзбекистон композиторлари ва бастакорлари уюшмаси билан биргаликда юртимиз истиқлолини тараннум этадиган энг яхши кўшик ва мусиқа асарлари учун «Ягонасан, муқаддас Ватан!» республика танловининг якуний боскичини ўтказсин.
Танлов ғолиблари ва совриндорлари Мустақиллик байрами арафасида эълон қилинсин ва тақдирлансин.
7. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Ўзбекистон Республикаси Маданият вазирлиги, Ўзбекистон Ёзувчилар уюшмаси, Ўзбекистон Журналистлари ижодий уюшмаси, Ўзбекистон Бадиий академияси, «Тасвирий oйинa» ижодий уюшмаси ва бошқа тегишли ташкилотлар билан биргаликда «Энг улуғ, энг азиз», «Ранглар жилосида — она диёр», «Ватан учун яшайлик!» каби анъанавий кўрик-танловларни юқори даражада ўтказишни таъминласин.
8. Белгилаб қўйилсинки, ўтказиладиган байрам тадбирлари:
Қорақалпоғистон Республикаси ва вилоятларда маҳаллий бюджетлар ҳамда ҳомийлик хайриялари ҳисобидан;
Тошкент шаҳрида Ўзбекистон Республикасининг Давлат бюджети ва Тошкент шаҳар маҳаллий бюджети маблағлари ҳисобидан тенг улушларда қопланади.
9. Ўзбекистон Республикаси Президенти Администрацияси хузуридаги Ахборот ва оммавий коммуникациялар агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлиги ва бошка оммавий ахборот воситаларига Ўзбекистон Республикаси мустақиллигининг йигирма саккиз йиллик байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.
10. Мазкур карорнинг ижросини назорат қилиш Ўзбекистон Республикаси Бош вазири А. Арипов зиммасига юклансин.
Ўзбекистон Республикаси Президентининг 2019 йил 8 июлдаги ПҚ-4386-сон қарорига ИЛОВА
Ўзбекистон Республикаси давлат мустақиллнгининг йигирма саккиз йиллик байрамига тайёргарлик кўриш ва уни ўтказиш бўйича республика комиссияси таркиби
А. Арипов — Ўзбекистон Республикасининг Бош вазири, комиссия раиси Х. Султонов — Ўзбекистон Республикаси Президентининг маслаҳатчиси А. Абдувахитов — Ўзбекистон Республикаси Президентининг маслаҳатчиси Ф. Маҳмудов — Ўзбекистон Республикаси Президентининг маслаҳатчиси ўринбосари Э. Боситхонова — Ўзбекистон Республикаси Бош вазирининг ўринбосари, Хотин-қизлар қўмитаси раиси Ж. Артикходжаев — Тошкент шаҳар ҳокими, комиссия раисииинг ўринбосари Б. Сайфуллаев — Маданият вазири А. Комилов — Ташқи ишлар вазири П. Бобожонов — Ички ишлар вазири И. Маджидов — Олий ва ўрта махсус таълим вазири Ш. Шерматов — Халқтаълими вазири А. Шодмонов — Соғлиқни саклаш вазири К. Алламжонов — Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори А. Кўчимов — Ўзбекистон Миллий ахборот агентлиги бош директори А. Хаджаев — Ўзбекистон Миллий телерадиокомпанияси раиси в.в.б С. Саидов — Ўзбекистон Ёзувчилар уюшмаси раиси Р. Абдуллаев — Ўзбекистон композиторлари ва бастакорлари уюшмаси раиси Қ. Рафиқов — Ўзбекистон Касаба уюшмалари федерацияси кенгаши раиси Б. Юлдашев — Ўзбекистон Фанлар академияси президенти А. Саъдуллаев — Ўзбекистон Ёшлар иттифоки Марказий кенгаши раисининг биринчи ўринбосари А. Кадиров — Республика Маънавият ва маърифат маркази раҳбари Ш. Жавлонов — «Маҳалла» хайрия жамоат фонди раиси Ш. Жалилов — «Нуроний» жамғармаси раиси Р. Қурбонов — Миллатлараро муносабатлар ва хорижий мамлакатлар билан дўстлик алоқалари кўмитаси раиси А. Нуриддинов — Ўзбекистон Бадиий академияси раиси Қорақалпоғистон Республикаси Вазирлар Кенгаши раиси ва вилоятлар ҳокимлари
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 8 июль,
ПҚ-4386-сон
Oʻzbekiston Respublikasi Prezidentining
Qarori
Oʻzbekiston Respublikasi davlat mustaqilligining yigirma sakkiz yillik bayramiga tayyorgarlik koʻrish va uni oʻtkazish toʻgʻrisida
Mamlakatimiz tarixida oʻchmas sahifa ochgan buyuk istiqlol tufayli Oʻzbekiston oʻtgan davr mobaynida jahon hamjamiyatidan munosib oʻrin egallab, milliy tiklanishdan milliy yuksalish sari dadil ilgarilab bormokda.
Bugungi kunda yurtimizda tinchlik va barqarorlikni mustahkamlash, inson huquqlari, erkinliklari va manfaatlarini taʼminlash, Vatanimizni har tomonlama taraqqiy ettirish, uning xalqaro maydondagi obroʻ-eʼtiborini yuksaltirish borasida keng koʻlamli islohotlar amalga oshirilmoqda. Biz uchun ustuvor ahamiyatga ega boʻlgan vazifalar — aholining hayot darajasi va sifatini yaxshilash, tadbirkorlik va xususiy mulk rivojiga keng imkoniyat ochib berish, yoshlar, xotin-kizlar, keksa avlod vakillari, ijtimoiy ximoyaga muhtoj insonlarga doimiy eʼtibor va gʻamxoʻrlik koʻrsatishga qaratilgan dasturlarimizning ijobiy natijalari nafaqat mamlakatimiz, balki xalqaro jamoatchilik tomonidan ham eʼtirof etilmoqda.
Xalqimiz uchun eng ulugʻ, eng aziz ayyom, erkin, obod va farovon hayot kurish yoʻlidagi barcha yutuq va muvaffaqiyatlarimizning asosiy manbai boʻlgan Vatanimiz mustaqilligining yigirma sakkiz yilligini katta tayyorgarlik bilan kutib olish, bu qutlugʻ sanani uning moxiyati va ahamiyatiga, xalqimizning fidokorona mexnati, ezgu orzu-intilishlariga munosib tarzda nishonlash maqsadida:
1. Oʻzbekiston Respublikasi davlat mustaqilligining yigirma sakkiz yillik bayramiga tayyorgarlik koʻrish va uni oʻtkazish boʻyicha respublika komissiyasining tarkibi ilovaga muvofiq tasdiqlansin.
2. Respublika komissiyasi bir hafta muddatda “Jonajon Oʻzbekistonim, mangu boʻl omon!” degan bosh gʻoyani oʻzida mujassam etgan tashkiliy-amaliy, maʼnaviy-maʼrifiy tadbirlar hamda targʻibot-tashviqot ishlari dasturini ishlab chiqsin.
Ushbu dasturda 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi , shuningdek, “Faol investitsiyalar va ijtimoiy rivojlanish yili” davlat dasturi , “ Obod qishloq ”, “ Obod mahalla ”, “ Har bir oila — tadbirkor ”, “ Yoshlar — kelajagimiz ”, “Besh ijobiy tashabbus” kabi muhim dastur va rejalar doirasida olib borilayotgan tub islohotlarning maʼno-mazmuni va ruxi mujassam etilishiga alohida eʼtibor qaratilsin.
Ayniqsa, oxirgi yillarda siyosiy-ijtimoiy, iktisodiy munosabatlarning mazmun-mohiyati, jamiyatimiz qiyofasi butunlay oʻzgargani, bu ijobiy oʻzgarishlar yurtdoshlarimiz hayotida oʻz ifodasini topayottani, xalqimizning turmush darajasini, ongu tafakkuri, bilim va madaniyatini oshirish boʻyicha kilingan ishlarni konkret dalil va misollar, chuqur ilmiy tahlillar va ekspertlik baholari orqali mamlakatimiz va xalqaro jamoatchilikka yetkazish muhim ahamiyatga egadir.
3. Respublika komissiyasi tomonidan Qoraqalpogʻiston Respublikasi, viloyatlar va Toshkent shahrida Mustaqillik bayramiga bagʻishlab aholining keng katlamlari oʻrtasida maʼrifiy uchrashuvlar, ochik muloqot va suhbatlar, adabiy-badiiy kechalar, dolzarb mavzular boʻyicha fikr almashuvlar, madaniy tadbirlarni samarali oʻtkazish maksadida taniqli olimlar, ijodkor ziyolilar va sanʼatkorlardan iborat targʻibot guruxlari tashkil etilsin hamda ularning aniq reja asosida faoliyat olib borishi taʼminlansin.
Bu tadbirlarni tashkil etishda mamlakatimizni modernizatsiya qilish, turli soha va tarmoqlarni liberallashtirish borasida qoʻlga kiritilgan yutuq va natijalar bu yoʻldagi dastlabki qadamlar ekanini taʼkidlagan holda, balandparvozlik, rasmiyatchilik va yuzakilik holatlariga yoʻl qoʻymasdan, xolislik va haqqoniylik tamoyillari asosida ish olib borishga alohida eʼtibor qaratilsin.
4. Respublika komissiyasi oʻz yigʻilishlarida belgilangan chora-tadbirlar mamlakatimiz poytaxti, viloyat va tumanlarida qanday amalga oshirilayotgani yuzasidan har bir hudud, vazirlik va idora rahbarlarining hisobotlarini muntazam ravishda eshitib borsin.
5. Qoraqalpogʻiston Respublikasi, viloyatlar va Toshkent shahrida oʻtkaziladigan bayram dasturlarini tayyorlashga ommaviy tomoshalar boʻyicha yuksak mahorat va tajribaga ega boʻlgan ssenarist va rejissorlar, yozuvchi va shoirlar, kompozitor va baletmeysterlar, sahna rassomlari, isteʼdodli yosh ijrochilar, maqom va baxshichilik sanʼati vakillaridan iborat ijodiy guruxlar keng jalb etilsin.
6. Oʻzbekiston Respublikasi Madaniyat vazirligi Oʻzbekiston Yozuvchilar uyushmasi, Oʻzbekiston kompozitorlari va bastakorlari uyushmasi bilan birgalikda yurtimiz istiqlolini tarannum etadigan eng yaxshi koʻshik va musiqa asarlari uchun “Yagonasan, muqaddas Vatan!” respublika tanlovining yakuniy boskichini oʻtkazsin.
Tanlov gʻoliblari va sovrindorlari Mustaqillik bayrami arafasida eʼlon qilinsin va taqdirlansin.
7. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Oʻzbekiston Respublikasi Madaniyat vazirligi, Oʻzbekiston Yozuvchilar uyushmasi, Oʻzbekiston Jurnalistlari ijodiy uyushmasi, Oʻzbekiston Badiiy akademiyasi, “Tasviriy oyina” ijodiy uyushmasi va boshqa tegishli tashkilotlar bilan birgalikda “Eng ulugʻ, eng aziz”, “Ranglar jilosida — ona diyor”, “Vatan uchun yashaylik!” kabi anʼanaviy koʻrik-tanlovlarni yuqori darajada oʻtkazishni taʼminlasin.
8. Belgilab qoʻyilsinki, oʻtkaziladigan bayram tadbirlari:
Qoraqalpogʻiston Respublikasi va viloyatlarda mahalliy budjetlar hamda homiylik xayriyalari hisobidan;
Toshkent shahrida Oʻzbekiston Respublikasining Davlat budjeti va Toshkent shahar mahalliy budjeti mablagʻlari hisobidan teng ulushlarda qoplanadi.
9. Oʻzbekiston Respublikasi Prezidenti Administratsiyasi xuzuridagi Axborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligi va boshka ommaviy axborot vositalariga Oʻzbekiston Respublikasi mustaqilligining yigirma sakkiz yillik bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borish tavsiya etilsin.
10. Mazkur karorning ijrosini nazorat qilish Oʻzbekiston Respublikasi Bosh vaziri A. Aripov zimmasiga yuklansin.
Oʻzbekiston Respublikasi Prezidentining 2019-yil 8-iyuldagi PQ-4386-son qaroriga ILOVA
Oʻzbekiston Respublikasi davlat mustaqillngining yigirma sakkiz yillik bayramiga tayyorgarlik koʻrish va uni oʻtkazish boʻyicha respublika komissiyasi tarkibi
A. Aripov — Oʻzbekiston Respublikasining Bosh vaziri, komissiya raisi X. Sultonov — Oʻzbekiston Respublikasi Prezidentining maslahatchisi A. Abduvaxitov — Oʻzbekiston Respublikasi Prezidentining maslahatchisi F. Mahmudov — Oʻzbekiston Respublikasi Prezidentining maslahatchisi oʻrinbosari E. Bositxonova — Oʻzbekiston Respublikasi Bosh vazirining oʻrinbosari, Xotin-qizlar qoʻmitasi raisi J. Artikxodjayev — Toshkent shahar hokimi, komissiya raisiiing oʻrinbosari B. Sayfullayev — Madaniyat vaziri A. Komilov — Tashqi ishlar vaziri P. Bobojonov — Ichki ishlar vaziri I. Madjidov — Oliy va oʻrta maxsus taʼlim vaziri Sh. Shermatov — Xalqtaʼlimi vaziri A. Shodmonov — Sogʻliqni saklash vaziri K. Allamjonov — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori A. Koʻchimov — Oʻzbekiston Milliy axborot agentligi bosh direktori A. Xadjayev — Oʻzbekiston Milliy teleradiokompaniyasi raisi v.v.b S. Saidov — Oʻzbekiston Yozuvchilar uyushmasi raisi R. Abdullayev — Oʻzbekiston kompozitorlari va bastakorlari uyushmasi raisi Q. Rafiqov — Oʻzbekiston Kasaba uyushmalari federatsiyasi kengashi raisi B. Yuldashev — Oʻzbekiston Fanlar akademiyasi prezidenti A. Saʼdullayev — Oʻzbekiston Yoshlar ittifoki Markaziy kengashi raisining birinchi oʻrinbosari A. Kadirov — Respublika Maʼnaviyat va maʼrifat markazi rahbari Sh. Javlonov — “Mahalla” xayriya jamoat fondi raisi Sh. Jalilov — “Nuroniy” jamgʻarmasi raisi R. Qurbonov — Millatlararo munosabatlar va xorijiy mamlakatlar bilan doʻstlik aloqalari koʻmitasi raisi A. Nuriddinov — Oʻzbekiston Badiiy akademiyasi raisi Qoraqalpogʻiston Respublikasi Vazirlar Kengashi raisi va viloyatlar hokimlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 8-iyul,
PQ-4386-son
Президента Республики Узбекистан
Постановление
О подготовке и проведении празднования 28-летия государственной независимости Республики Узбекистан
Узбекистан благодаря независимости, являющейся бесценным достоянием нашего народа и открывшей новую яркую страницу в истории страны, занял достойное место в мировом сообществе и уверенно идет по пути от национального возрождения к национальному прогрессу.
Сегодня в республике осуществляются широкомасштабные реформы, направленные на укрепление мира и стабильности, обеспечение прав, свобод и интересов человека, всестороннее развитие страны, рост ее авторитета на международной арене. В числе главных приоритетов — повышение уровня и качества жизни наших граждан, создание новых возможностей для предпринимательства и частной собственности, оказание постоянной заботы и внимания молодежи, женщинам, старшему поколению, социально уязвимым слоям населения. Позитивные результаты всех этих преобразований получают признание не только в стране, но и у мировой общественности.
В целях широкого празднования 28-летия государственной независимости Республики Узбекистан, ставшей главным источником всех наших успехов на пути построения свободной, процветающей и благополучной жизни, достойной встречи этой самой великой, самой дорогой для нас даты:
1. Утвердить состав Республиканской комиссии по подготовке и проведению празднования 28-летия государственной независимости Республики Узбекистан согласно приложению * .
2. Республиканской комиссии в недельный срок разработать программу организационно-практических, духовно-просветительских и информационно-разъяснительных мероприятий под девизом «Вечно процветай, мой родной Узбекистан!».
При подготовке программы исходить из основных положений Стратегии действий по пяти приоритетным направлениям развития Республики Узбекистан в 2017 — 2021 годах и Государственной программы Года активных инвестиций и социального развития, сути и содержания коренных реформ, осуществляемых в рамках выполнения таких важных программ, как « Благоустроенное село », « Благоустроенная махалля », « Каждая семья — предприниматель », « Молодежь — наше будущее », «Пять инициатив».
Большое значение в этом плане имеет широкое информирование отечественной и зарубежной общественности — на основе конкретных фактов и практических примеров, глубокого научного анализа, оценок экпертов — о наиболее важных результатах проводимой в последние годы работы по коренному реформированию социально-политических и экономических отношений, всего нашего общества в целом. Особое внимание следует уделить влиянию этих позитивных преобразований на повышение уровня и качества жизни соотечественников, расширение мировоззрения, развитие интеллектуального, культурного и духовного потенциала нашего народа.
3. Республиканской комиссии в целях организации в Республике Каракалпакстан, областях и городе Ташкенте с участием широких слоев населения просветительских встреч, открытых бесед по актуальным вопросам, литературно¬художественных вечеров, других культурных мероприятий, посвященных Дню независимости, образовать духовно-просветительские группы из числа известных ученых, представителей творческой интеллигенции, деятелей культуры и обеспечить их работу на основе конкретного плана.
При этом надо учесть, что достигнутые успехи в модернизации страны, либерализации различных сфер и отраслей являются лишь первыми шагами в данном направлении, и при организации таких мероприятий не допускать высокопарности и формализма, поверхностного подхода, а проводить их на основе принципов достоверности и объективности.
4. Республиканской комиссии на своих заседаниях регулярно заслушивать отчеты руководителей каждого региона, министерств и ведомств о ходе выполнения в центре и на местах намеченных мероприятий.
5. Широко привлекать к подготовке праздничных программ в Республике Каракалпакстан, областях и городе Ташкенте творческие группы из числа обладающих высоким мастерством сценаристов и режиссеров, писателей и поэтов, композиторов и балетмейстеров, сценических художников, представителей искусства макома и бахши, талантливых молодых исполнителей.
6. Министерству культуры Республики Узбекистан совместно с Союзом писателей, Союзом композиторов и бастакоров Узбекистана обеспечить проведение заключительного этапа республиканского конкурса «Ты единственная, священная Родина!» на лучшую песню и музыкальное произведение, воспевающие независимость нашей страны.
Имена победителей и призеров конкурса объявить накануне праздника Независимости.
7. Агентству информации и массовых коммуникаций при Администрации Президента Республики Узбекистан, Министерству культуры совместно с Союзом писателей, Творческим союзом журналистов, Академией художеств Узбекистана, творческой ассоциацией «Тасвирий ойина» и другими соответствующими организациями обеспечить проведение на высоком уровне традиционных смотров-конкурсов «Самый великий, самый дорогой», «Образ Родины — глазами художника», «Жить во имя Родины!».
8. Определить, что расходы на проведение праздничных мероприятий покрываются:
в Республике Каракалпакстан и областях — за счет местных бюджетов, а также благотворительных средств;
в городе Ташкенте — в равных долях за счет средств Государственного бюджета Республики Узбекистан и местного бюджета города Ташкента.
9. Агентству информации и массовых коммуникаций при Администрации Президента Республики Узбекистан, Национальной телерадиокомпании Узбекистана, Национальному информационному агентству Узбекистана, информационному агентству «Дунё» и другим средствам массовой информации рекомендовать всесторонне освещать работу по подготовке и проведению празднования 28-летия государственной независимости Республики Узбекистан.
10. Контроль за исполнением настоящего постановления возложить на Премьер-министра Республики Узбекистан А. Арипова.
Президент Республики Узбекистан Ш. МИРЗИЁЕВ
г. Ташкент,
8 июля 2019 г.,
№ ПП-4386