📅 2019-yil 13-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2019 г. · Постановления Президента
Официальный текст. Официальный документ. Редакционные примечания не включены.
📅 13 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Оммавий қирғин қуроллари тарқалишининг олдини олиш ва ядровий ҳамда бошқа радиоактив моддаларнинг ноқонуний айланишига йўл қўймаслик соҳасида ҳамкорлик бўйича лойиҳани амалга ошириш чоралари тўғрисида
Ўзбекистон Республикаси Ҳукумати ва Америка Қўшма Штатлари Ҳукумати ўртасида 2001 йил 5 июндаги Мудофаа соҳасидаги муносабатларни ривожлантириш ва оммавий қирғин қуроллари тарқалишининг олдини олиш соҳасида ҳамкорлик тўғрисидаги битим (кейинги ўринларда — Битим) ва Ўзбекистон Республикаси Давлат божхона қўмитаси ва Америка Қўшма Штатларининг Энергетика вазирлиги (кейинги ўринларда — Иштирокчилар) ўртасида 2017 йил 1 августдаги Ядровий ва бошқа радиоактив моддалар ноқонуний айланишининг олдини олиш соҳасида ҳамкорлик тўғрисидаги ўзаро англашув меморандуми (кейинги ўринларда — Меморандум) бўйича Ўзбекистон Республикасининг мажбуриятларини бажариш мақсадида:
1. Қуйидагилар:
а) Битим ва Меморандум доирасида Америка Қўшма Штатлари Энергетика вазирлиги (кейинги ўринларда — АҚШ Энергетика вазирлиги) Ядровий хавфсизлик бўйича миллий маъмурият орқали Ўзбекистон Республикаси Давлат божхона қўмитасига Давлат чегарасидан ўтказиш пунктларида Иштирокчилар билан биргаликда аниқланадиган махсус ядровий ва бошқа радиоактив материалларнинг ноқонуний айланишини аниқлаш ва олдини олиш учун мўлжалланган асбоб-ускуналар ва материаллар, шунингдек, ўқитиш ва хизматлар кўрсатиш кўринишида техник кўмаклашиши (кейинги ўринларда — Лойиҳа);
б) АҚШ Энергетика вазирлиги томонидан «Apogee/URSFSII» (АҚШ) консорциуми Лойиҳа ижрочиси сифатида белгилангани;
в) Лойиҳани амалга ошириш доирасида Битим шартларига мувофиқ:
АҚШ Ҳукумати ҳисобидан импорт қилинадиган товарлар (ишлар, хизматлар) божхона ва бошқа мажбурий тўловлар ҳамда йиғимлардан озод этилиши;
«Apogee/URSFSII» (АҚШ) консорциуми, унинг пудратчи ташкилотлари, шунингдек, ушбу консорциум ва унинг пудратчи ташкилотларининг ходимлари Ўзбекистон Республикаси ҳудудида ундириладиган солиқлар, йиғимлар ва бошқа мажбурий тўловларни тўлашдан озод этилиши;
«Apogee/URSFSII» (АҚШ) консорциуми ва унинг пудратчи ташкилотлари томонидан Ўзбекистон Республикаси ҳудудида сотиб олинадиган товарлар ва хизматлар Ўзбекистон Республикаси ҳудудида ундириладиган солиқларни тўлашдан озод этилиши маълумот учун қабул қилинсин.
2. Ўзбекистон Республикаси Давлат божхона қўмитаси Лойиҳани амалга ошириш учун ижро этувчи масъул орган этиб белгилансин ва унга ўрнатиладиган асбоб-ускуналардан самарали фойдаланиш, уларни ҳисобга олиш ва назорат қилиш учун жавобгарлик юклансин.
3. Ўзбекистон Республикаси Ташқи ишлар вазирлиги Ўзбекистон Республикаси Давлат божхона қўмитасининг буюртманомаларига асосан Лойиҳада иштирок этадиган хорижий мутахассисларга кириш визалари Лойиҳани амалга ошириш муддатида консуллик йиғимлар ва бошқа йиғимлар ундирилмасдан расмийлаштирилишини таъминласин.
4. Ўзбекистон Республикаси Ички ишлар вазирлиги Ўзбекистон Республикаси Давлат божхона қўмитасининг буюртманомаларига асосан Лойиҳани амалга оширишга жалб қилинадиган хорижий мутахассисларга кўп марталик визалар давлат божи ундирилмасдан белгиланган тартибда берилиши ва муддати узайтирилишини, шунингдек, уларнинг турган жойи бўйича рўйхатдан ўтказилиши ҳамда муддати узайтирилишини таъминласин.
5. Ўзбекистон Республикаси Давлат хавфсизлик хизматининг Чегара қўшинлари Ўзбекистон Республикаси Давлат божхона қўмитасининг буюртманомаларига асосан Лойиҳани амалга ошириш муддатида унда иштирок этадиган хорижий мутахассисларга ва жалб этиладиган пудратчи ташкилотларнинг ходимларига чегара ўтказиш пунктларига кириш-чиқиш имкониятини белгиланган тартибда таъминласин.
6. Лойиҳани амалга ошириш доирасида импорт қилинадиган асбоб-ускуналар, сарфлаш ва бошқа материаллар, бутловчи буюмлар, приборлар, эҳтиёт қисмлар ва асбоблар, истисно тариқасида, мажбурий сертификатлаштириш тартиботидан озод этилсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 13 сентябрь,
ПҚ-4451-сон
Oʻzbekiston Respublikasi Prezidentining
Qarori
Ommaviy qirgʻin qurollari tarqalishining oldini olish va yadroviy hamda boshqa radioaktiv moddalarning noqonuniy aylanishiga yoʻl qoʻymaslik sohasida hamkorlik boʻyicha loyihani amalga oshirish choralari toʻgʻrisida
Oʻzbekiston Respublikasi Hukumati va Amerika Qoʻshma Shtatlari Hukumati oʻrtasida 2001-yil 5-iyundagi Mudofaa sohasidagi munosabatlarni rivojlantirish va ommaviy qirgʻin qurollari tarqalishining oldini olish sohasida hamkorlik toʻgʻrisidagi bitim (keyingi oʻrinlarda — Bitim) va Oʻzbekiston Respublikasi Davlat bojxona qoʻmitasi va Amerika Qoʻshma Shtatlarining Energetika vazirligi (keyingi oʻrinlarda — Ishtirokchilar) oʻrtasida 2017-yil 1-avgustdagi Yadroviy va boshqa radioaktiv moddalar noqonuniy aylanishining oldini olish sohasida hamkorlik toʻgʻrisidagi oʻzaro anglashuv memorandumi (keyingi oʻrinlarda — Memorandum) boʻyicha Oʻzbekiston Respublikasining majburiyatlarini bajarish maqsadida:
1. Quyidagilar:
a) Bitim va Memorandum doirasida Amerika Qoʻshma Shtatlari Energetika vazirligi (keyingi oʻrinlarda — AQSH Energetika vazirligi) Yadroviy xavfsizlik boʻyicha milliy maʼmuriyat orqali Oʻzbekiston Respublikasi Davlat bojxona qoʻmitasiga Davlat chegarasidan oʻtkazish punktlarida Ishtirokchilar bilan birgalikda aniqlanadigan maxsus yadroviy va boshqa radioaktiv materiallarning noqonuniy aylanishini aniqlash va oldini olish uchun moʻljallangan asbob-uskunalar va materiallar, shuningdek, oʻqitish va xizmatlar koʻrsatish koʻrinishida texnik koʻmaklashishi (keyingi oʻrinlarda — Loyiha);
b) AQSH Energetika vazirligi tomonidan “Apogee/URSFSII” (AQSH) konsorsiumi Loyiha ijrochisi sifatida belgilangani;
v) Loyihani amalga oshirish doirasida Bitim shartlariga muvofiq:
AQSH Hukumati hisobidan import qilinadigan tovarlar (ishlar, xizmatlar) bojxona va boshqa majburiy toʻlovlar hamda yigʻimlardan ozod etilishi;
“Apogee/URSFSII” (AQSH) konsorsiumi, uning pudratchi tashkilotlari, shuningdek, ushbu konsorsium va uning pudratchi tashkilotlarining xodimlari Oʻzbekiston Respublikasi hududida undiriladigan soliqlar, yigʻimlar va boshqa majburiy toʻlovlarni toʻlashdan ozod etilishi;
“Apogee/URSFSII” (AQSH) konsorsiumi va uning pudratchi tashkilotlari tomonidan Oʻzbekiston Respublikasi hududida sotib olinadigan tovarlar va xizmatlar Oʻzbekiston Respublikasi hududida undiriladigan soliqlarni toʻlashdan ozod etilishi maʼlumot uchun qabul qilinsin.
2. Oʻzbekiston Respublikasi Davlat bojxona qoʻmitasi Loyihani amalga oshirish uchun ijro etuvchi masʼul organ etib belgilansin va unga oʻrnatiladigan asbob-uskunalardan samarali foydalanish, ularni hisobga olish va nazorat qilish uchun javobgarlik yuklansin.
3. Oʻzbekiston Respublikasi Tashqi ishlar vazirligi Oʻzbekiston Respublikasi Davlat bojxona qoʻmitasining buyurtmanomalariga asosan Loyihada ishtirok etadigan xorijiy mutaxassislarga kirish vizalari Loyihani amalga oshirish muddatida konsullik yigʻimlar va boshqa yigʻimlar undirilmasdan rasmiylashtirilishini taʼminlasin.
4. Oʻzbekiston Respublikasi Ichki ishlar vazirligi Oʻzbekiston Respublikasi Davlat bojxona qoʻmitasining buyurtmanomalariga asosan Loyihani amalga oshirishga jalb qilinadigan xorijiy mutaxassislarga koʻp martalik vizalar davlat boji undirilmasdan belgilangan tartibda berilishi va muddati uzaytirilishini, shuningdek, ularning turgan joyi boʻyicha roʻyxatdan oʻtkazilishi hamda muddati uzaytirilishini taʼminlasin.
5. Oʻzbekiston Respublikasi Davlat xavfsizlik xizmatining Chegara qoʻshinlari Oʻzbekiston Respublikasi Davlat bojxona qoʻmitasining buyurtmanomalariga asosan Loyihani amalga oshirish muddatida unda ishtirok etadigan xorijiy mutaxassislarga va jalb etiladigan pudratchi tashkilotlarning xodimlariga chegara oʻtkazish punktlariga kirish-chiqish imkoniyatini belgilangan tartibda taʼminlasin.
6. Loyihani amalga oshirish doirasida import qilinadigan asbob-uskunalar, sarflash va boshqa materiallar, butlovchi buyumlar, priborlar, ehtiyot qismlar va asboblar, istisno tariqasida, majburiy sertifikatlashtirish tartibotidan ozod etilsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 13-sentabr,
PQ-4451-son
Президента Республики Узбекистан
Постановление
О мерах по реализации проекта по предотвращению распространения оружия массового поражения и осуществлению сотрудничества в области предотвращения незаконного оборота ядерных и других радиоактивных материалов
Во исполнение обязательств Республики Узбекистан по Соглашению между Правительством Республики Узбекистан и Правительством Соединенных Штатов Америки о сотрудничестве в области развития отношений в оборонной сфере и предотвращения распространения оружия массового поражения от 5 июня 2001 года (далее — Соглашение) и Меморандуму о взаимопонимании между Государственным таможенным комитетом Республики Узбекистан и Министерством энергетики Соединенных Штатов Америки (далее — Участники) о сотрудничестве в области предотвращения незаконного оборота ядерных и других радиоактивных материалов от 1 августа 2017 года (далее — Меморандум):
1. Принять к сведению, что:
а) в рамках Соглашения и Меморандума Министерство энергетики Соединенных Штатов Америки (далее — Министерство энергетики США) посредством Национальной администрации по ядерной безопасности оказывает Государственному таможенному комитету Республики Узбекистан техническое содействие в виде оборудования и материалов, а также обучения и услуг, предназначенных для обнаружения и пресечения незаконного оборота специальных ядерных и других радиоактивных материалов в пунктах пропуска через Государственную границу, которые совместно определяются Участниками (далее — Проект);
б) Министерством энергетики США в качестве исполнителя Проекта определен консорциум «Apogee/URSFSII» (США);
в) в рамках реализации Проекта в соответствии с условиями Соглашения:
товары (работы, услуги), импортируемые за счет средств Правительства США, освобождаются от таможенных и иных обязательных платежей и сборов;
консорциум «Apogee/URSFSII» (США), его подрядные организации, а также сотрудники данного консорциума и его подрядных организаций освобождаются от уплаты налогов, сборов и иных обязательных платежей, взимаемых на территории Республики Узбекистан;
товары и услуги, приобретаемые на территории Республики Узбекистан консорциумом «Apogee/URSFSII» (США) и его подрядными организациями, освобождаются от уплаты налогов, взимаемых на территории Республики Узбекистан.
2. Определить исполнительным органом, ответственным за реализацию Проекта, Государственный таможенный комитет Республики Узбекистан, возложив на него ответственность за обеспечение эффективной эксплуатации, учета и контроля использования устанавливаемого оборудования.
3. Министерству иностранных дел Республики Узбекистан по заявкам Государственного таможенного комитета Республики Узбекистан обеспечить оформление въездных виз иностранным специалистам, принимающим участие в Проекте, без взимания консульских и иных сборов на срок реализации Проекта.
4. Министерству внутренних дел Республики Узбекистан по заявкам Государственного таможенного комитета Республики Узбекистан обеспечить в установленном порядке без взимания государственной пошлины выдачу и продление многократных виз, а также оформление регистрации по месту пребывания и продление ее срока иностранным специалистам, привлекаемым для участия в реализации Проекта.
5. Пограничным войскам Службы государственной безопасности Республики Узбекистан по заявкам Государственного таможенного комитета Республики Узбекистан в установленном порядке обеспечить доступ на приграничные пункты пропуска иностранным специалистам и сотрудникам привлекаемых подрядных организаций, принимающим участие в Проекте, на срок его реализации.
6. Освободить в рамках реализации Проекта, в порядке исключения, от процедуры обязательной сертификации импортируемые оборудование, расходные и другие материалы, комплектующие изделия, приборы, запасные части и инструменты.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
13 сентября 2019 г.,
№ ПП-4451