📅 2019-yil 14-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 сентября 2019 г. · Постановления Президента
Официальный текст. Официальный документ. Редакционные примечания не включены.
📅 14 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ахборот технологиялари ва коммуникацияларининг жорий этилишини назорат қилиш, уларни ҳимоя қилиш тизимини такомиллаштиришга оид қўшимча чора-тадбирлар тўғрисида
[Кўчирма]
Ўзбекистон Республикаси Президентининг 2018 йил 21 ноябрдаги «Ахборот технологиялари ва коммуникацияларининг жорий этилишини назорат қилиш, уларни ҳимоя қилиш тизимини такомиллаштириш чора-тадбирлари тўғрисида»ги ПҚ-4024-сон қарори ижросини таъминлаш ҳамда ахборот технологиялари ва коммуникацияларининг жорий этилишини назорат қилиш тизимининг самарадорлигини ошириш, ахборот ва киберхавфсизликни таъминлаш мақсадида:
2. Ўзбекистон Республикаси Вазирлар Маҳкамаси, Давлат хавфсизлик хизмати ҳамда Ахборот технологиялари ва коммуникацияларини ривожлантириш вазирлигининг:
«Техник кўмаклашиш маркази» давлат унитар корхонасини штат бирликлари ва амалдаги молиялаштириш тартибини сақлаб қолган ҳолда Ўзбекистон Республикаси Давлат хавфсизлик хизматига бериш ва уни «Киберхавфсизлик маркази» давлат унитар корхонаси этиб қайта номлаш;
3. Белгилансинки, Марказ ўзига юкланган вазифаларга мувофиқ:
техник воситалардан фойдаланиш, веб-сайтлар яратиш, шунингдек, ахборот порталлари ва веб-ресурсларни ривожлантириш ва жадаллаштириш масалаларида техник кўмак беради;
давлат органлари ва бошқа ташкилотлар фаолиятининг очиқлигини таъминлаш мақсадида «рақамли ва ахборот жамияти»ни шакллантириш, шунингдек, техник инфратузилмани ривожлантиришнинг муҳим масалалари бўйича таҳлилий материалларни тайёрлайди;
ахборот тизимлари ва ахборот ресурсларини яратиш, улар ўртасида хавфсиз маълумот алмашинувини таъминлаш, ташқи хостинг майдончалари билан интеграция масалалари бўйича консалтинг хизматлари кўрсатишни ташкил этади;
ахборотлаштириш ва телекоммуникациялар соҳасида қонунлар ва норматив ҳужжатлар лойиҳалари, техник шартлар лойиҳалари, лицензиялаш ва тартибга солиш меъёрлари ва қоидалари юзасидан таклифлар тайёрлайди ва уларни ишлаб чиқишда иштирок этади.
4. Ўзкомназорат бир ой муддатда Ахборот технологиялари ва ахборот ресурсларини ривожлантириш марказининг низомини ва тузилмасини тасдиқласин.
5. Шундай тартиб ўрнатилсинки, унга кўра:
Ўзбекистон Республикаси Давлат хавфсизлик хизмати киберхавфсизликни тартибга солиш соҳасида ваколатли орган ҳисобланади;
Ўзкомназорат «Киберхавфсизлик маркази» ДУК билан биргаликда давлат ва хўжалик бошқаруви органлари, маҳаллий давлат ҳокимияти органлари, бошқа ташкилотлар ва идораларда ахборот-коммуникация технологияларини жорий этиш ва ривожлантириш ҳамда ахборот хавфсизлиги ҳолатини назорат қилиш, мониторинг қилиш, ўрганиш ва текширишни амалга оширади.
Ўзкомназорат ва марказларнинг жорий таъминоти (иш ҳақининг амалдаги тартиби, давлат устамалари ва қўшимчаларни сақлаб қолган ҳолда), моддий-техник базасини мустаҳкамлаш ҳамда уларнинг ходимлари меҳнатини қўшимча моддий рағбатлантириш бўйича харажатларни молиялаштириш Ўзбекистон Республикаси Ахборот технологиялари ва коммуникацияларини ривожлантириш вазирлигининг Ахборот-коммуникация технологияларини ривожлантириш жамғармаси маблағлари ҳисобидан амалга оширилади.
6. Белгилансинки, Ўзкомназорат:
қонун ҳужжатлари талабларига риоя этилишини таъминлаш масалалари юзасидан Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги билан ҳамкорлик қилади;
Ахборот ва оммавий коммуникациялар агентлиги тақдимномасига кўра Ўзбекистон Республикаси қонун ҳужжатлари талабларини бузган ахборот соҳаси субъектларига нисбатан белгиланган тартибда чоралар кўради;
ўз фаолиятида Ўзбекистон Республикаси Вазирлар Маҳкамасига ҳисобот беради.
9. Қуйидагилар:
Ўзкомназорат ва «Ахборот технологиялари ва ахборот ресурсларини ривожлантириш маркази» ДУК Тошкент шаҳри, Дўрмон йўли кўчаси, 29-уй манзилидаги бинода оператив бошқариш ҳуқуқи асосида;
«Киберхавфсизлик маркази» ДУК Тошкент шаҳри, Дўрмон йўли кўчаси, 31-уй манзилидаги бинода оператив бошқариш ҳуқуқи асосида жойлаштирилсин.
10. Ўзкомназорат манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 14 сентябрь,
ПҚ-4452-сон
Oʻzbekiston Respublikasi Prezidentining
Qarori
Axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirishga oid qoʻshimcha chora-tadbirlar toʻgʻrisida
[Koʻchirma]
Oʻzbekiston Respublikasi Prezidentining 2018-yil 21-noyabrdagi “Axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirish chora-tadbirlari toʻgʻrisida”gi PQ-4024-son qarori ijrosini taʼminlash hamda axborot texnologiyalari va kommunikatsiyalarining joriy etilishini nazorat qilish tizimining samaradorligini oshirish, axborot va kiberxavfsizlikni taʼminlash maqsadida:
2. Oʻzbekiston Respublikasi Vazirlar Mahkamasi, Davlat xavfsizlik xizmati hamda Axborot texnologiyalari va kommunikatsiyalarini rivojlantirish vazirligining:
“Texnik koʻmaklashish markazi” davlat unitar korxonasini shtat birliklari va amaldagi moliyalashtirish tartibini saqlab qolgan holda Oʻzbekiston Respublikasi Davlat xavfsizlik xizmatiga berish va uni “Kiberxavfsizlik markazi” davlat unitar korxonasi etib qayta nomlash;
3. Belgilansinki, Markaz oʻziga yuklangan vazifalarga muvofiq:
texnik vositalardan foydalanish, veb-saytlar yaratish, shuningdek, axborot portallari va veb-resurslarni rivojlantirish va jadallashtirish masalalarida texnik koʻmak beradi;
davlat organlari va boshqa tashkilotlar faoliyatining ochiqligini taʼminlash maqsadida “raqamli va axborot jamiyati”ni shakllantirish, shuningdek, texnik infratuzilmani rivojlantirishning muhim masalalari boʻyicha tahliliy materiallarni tayyorlaydi;
axborot tizimlari va axborot resurslarini yaratish, ular oʻrtasida xavfsiz maʼlumot almashinuvini taʼminlash, tashqi xosting maydonchalari bilan integratsiya masalalari boʻyicha konsalting xizmatlari koʻrsatishni tashkil etadi;
axborotlashtirish va telekommunikatsiyalar sohasida qonunlar va normativ hujjatlar loyihalari, texnik shartlar loyihalari, litsenziyalash va tartibga solish meʼyorlari va qoidalari yuzasidan takliflar tayyorlaydi va ularni ishlab chiqishda ishtirok etadi.
4. Oʻzkomnazorat bir oy muddatda Axborot texnologiyalari va axborot resurslarini rivojlantirish markazining nizomini va tuzilmasini tasdiqlasin.
5. Shunday tartib oʻrnatilsinki, unga koʻra:
Oʻzbekiston Respublikasi Davlat xavfsizlik xizmati kiberxavfsizlikni tartibga solish sohasida vakolatli organ hisoblanadi;
Oʻzkomnazorat “Kiberxavfsizlik markazi” DUK bilan birgalikda davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar va idoralarda axborot-kommunikatsiya texnologiyalarini joriy etish va rivojlantirish hamda axborot xavfsizligi holatini nazorat qilish, monitoring qilish, oʻrganish va tekshirishni amalga oshiradi.
Oʻzkomnazorat va markazlarning joriy taʼminoti (ish haqining amaldagi tartibi, davlat ustamalari va qoʻshimchalarni saqlab qolgan holda), moddiy-texnik bazasini mustahkamlash hamda ularning xodimlari mehnatini qoʻshimcha moddiy ragʻbatlantirish boʻyicha xarajatlarni moliyalashtirish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot-kommunikatsiya texnologiyalarini rivojlantirish jamgʻarmasi mablagʻlari hisobidan amalga oshiriladi.
6. Belgilansinki, Oʻzkomnazorat:
qonun hujjatlari talablariga rioya etilishini taʼminlash masalalari yuzasidan Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan hamkorlik qiladi;
Axborot va ommaviy kommunikatsiyalar agentligi taqdimnomasiga koʻra Oʻzbekiston Respublikasi qonun hujjatlari talablarini buzgan axborot sohasi subyektlariga nisbatan belgilangan tartibda choralar koʻradi;
oʻz faoliyatida Oʻzbekiston Respublikasi Vazirlar Mahkamasiga hisobot beradi.
9. Quyidagilar:
Oʻzkomnazorat va “Axborot texnologiyalari va axborot resurslarini rivojlantirish markazi” DUK Toshkent shahri, Doʻrmon yoʻli koʻchasi, 29-uy manzilidagi binoda operativ boshqarish huquqi asosida;
“Kiberxavfsizlik markazi” DUK Toshkent shahri, Doʻrmon yoʻli koʻchasi, 31-uy manzilidagi binoda operativ boshqarish huquqi asosida joylashtirilsin.
10. Oʻzkomnazorat manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 14-sentabr,
PQ-4452-son
Президента Республики Узбекистан
Постановление
О дополнительных мерах по совершенствованию системы контроля за внедрением информационных технологий и коммуникаций, организации их защиты
[Извлечение]
Во исполнение постановления Президента Республики Узбекистан от 21 ноября 2018 года № ПП-4024 «О мерах по совершенствованию системы контроля за внедрением информационных технологий и коммуникаций, организации их защиты», а также в целях повышения эффективности системы контроля в сфере внедрения информационных технологий и коммуникаций, обеспечения информационной и кибербезопасности:
2. Согласиться с предложениями Кабинета Министров, Службы государственной безопасности и Министерства по развитию информационных технологий и коммуникаций Республики Узбекистан:
о передаче ГУП «Центр технического содействия» Службе государственной безопасности Республики Узбекистан, переименовав его в ГУП «Центр кибербезопасности», сохранив штатную численность и действующий порядок финансирования;
3. Установить, что в соответствии с возложенными на него задачами, Центр:
оказывает техническое содействие в вопросах эксплуатации технических средств, создании веб-сайтов, а также развития и продвижения информационных порталов и веб-ресурсов;
готовит аналитические материалы по актуальным вопросам формирования «цифрового и информационного общества», а также развития технической инфраструктуры для обеспечения открытости деятельности государственных органов и других организаций;
организует оказание консалтинговых услуг по вопросам создания информационных систем и информационных ресурсов, обеспечения безопасного обмена данными между ними, интеграции с внешними хостинговыми площадками;
готовит предложения и участвует в разработке проектов законов, нормативных актов и технических условий, порядка и правил лицензирования и регулирования в сфере информатизации и телекоммуникаций.
4. Узкомназорат в месячный срок утвердить положение и структуру Центра развития информационных технологий и информационных ресурсов.
5. Определить порядок, согласно которому:
уполномоченным органом в сфере регулирования кибербезопасности является Служба государственной безопасности Республики Узбекистан;
Узкомназорат осуществляет контроль, мониторинг, изучение и проверку состояния внедрения и развития информационно-коммуникационных технологий, информационной безопасности в органах государственного и хозяйственного управления, органах государственной власти на местах, других организациях и ведомствах совместно с ГУП «Центр кибербезопасности»;
финансирование расходов по текущему содержанию (при сохранении действующего порядка, государственных надбавок и доплат к заработной плате), укреплению материально-технической базы и дополнительному материальному стимулированию труда работников Узкомназорат и центров осуществляется из средств Фонда развития информационно-коммуникационных технологий Мининфоком.
6. Установить, что Узкомназорат:
взаимодействует с Агентством информации и массовых коммуникаций при Администрации Президента Республики Узбекистан по вопросам обеспечения соблюдения требований законодательства;
по представлению Агентства информации и массовых коммуникаций принимает меры в установленном порядке в отношении субъектов информационной сферы, нарушивших законодательство Республики Узбекистан;
подотчетен в своей деятельности Кабинету Министров Республики Узбекистан.
9. Разместить:
Узкомназорат и ГУП «Центр развития информационных технологий и информационных ресурсов» в здании, расположенном по адресу: город Ташкент, улица Дурмон йули, дом 29, на праве оперативного управления;
ГУП «Центр кибербезопасности» в здании, расположенном по адресу: город Ташкент, улица Дурмон йули, дом 31, на праве оперативного управления.
10. Узкомназорат совместно с другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
14 сентября 2019 г.,
№ ПП-4452