📅 2019-yil 26-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 26 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 декабря 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 26 December 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ходимларининг меҳнатини рағбатлантиришга доир ўзгартиришлар киритиш тўғрисида
Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ходимларининг меҳнатини рағбатлантириш ва уларни ижтимоий ҳимоя қилишни янада кучайтириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг айрим қарорларига иловага мувофиқ ўзгартиришлар киритилсин.
2. Манфаатдор вазирлик ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Ёшлар сиёсати, маданият, маърифат, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 26 декабрдаги 1040-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий таълим муассасалари тузилмасида Қатағон қурбонлари хотираси музейларини ташкил этиш чора-тадбирлари тўғрисида» 2017 йил 22 ноябрдаги 936-сон қарорида :
a) 7-банднинг олтинчи хатбошиси қуйидаги таҳрирда баён этилсин:
«Музей раҳбари ва илмий ходимларининг иш ҳақи Ўзбекистон Республикаси Давлат бюджети маблағлари ҳисобига фундаментал, амалий тадқиқотлар ва инновацион ишларнинг илмий-техника дастурларини амалга оширишда қатнашувчи илмий-тадқиқот муассасалари раҳбар ходимларининг базавий лавозим маошлари миқдорларига тенглаштирилади. Музей директори ўринбосарларининг базавий лавозим маоши Музей директорининг лавозим маошига нисбатан 5 фоизга камайтирилган ҳолда белгиланади»;
б) 1-илованинг матни қуйидаги таҳрирда баён этилсин:
«Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейининг ТУЗИЛМАСИ
Директор Музей ва ҳудудий музейлар директорлари кенгаши Илмий кенгаш Директорнинг илмий ишлар бўйича ўринбосари Директорнинг умумий ишлар бўйича ўринбосари Юрисконсульт 1 Фонд бўлими 2 Бухгалтерия 2 Ходимлар билан ишлаш бўлими 1 Экскурсоводлар бўлими 4 Техник ва хизмат кўрсатувчи ходимлар * Илмий бўлим 3 Экспозицияларни лойиҳалаш ва безаш бўлими 4
2. Вазирлар Маҳкамасининг «Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида» 2018 йил 19 июндаги 458-сон қарорига 7-илова изоҳ қисми учинчи хатбошининг рус тилидаги матнидаги «Музеи жертв репресси при Кабинете Министров» сўзлари «Государственного музея Памяти жертв репрессий при Кабинете Министров Республики Узбекистан и территориальных музеев «Памяти жертв репрессий» при высших образовательных учреждениях» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2019 йил 26 декабрь,
1040-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi xodimlarining mehnatini ragʻbatlantirishga doir oʻzgartirishlar kiritish toʻgʻrisida
Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi xodimlarining mehnatini ragʻbatlantirish va ularni ijtimoiy himoya qilishni yanada kuchaytirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar kiritilsin.
2. Manfaatdor vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Yoshlar siyosati, madaniyat, maʼrifat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 26-dekabrdagi 1040-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmasida Qatagʻon qurbonlari xotirasi muzeylarini tashkil etish chora-tadbirlari toʻgʻrisida” 2017-yil 22-noyabrdagi 936-son qarorida :
a) 7-bandning oltinchi xatboshisi quyidagi tahrirda bayon etilsin:
“Muzey rahbari va ilmiy xodimlarining ish haqi Oʻzbekiston Respublikasi Davlat budjeti mablagʻlari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot muassasalari rahbar xodimlarining bazaviy lavozim maoshlari miqdorlariga tenglashtiriladi. Muzey direktori oʻrinbosarlarining bazaviy lavozim maoshi Muzey direktorining lavozim maoshiga nisbatan 5 foizga kamaytirilgan holda belgilanadi”;
b) 1-ilovaning matni quyidagi tahrirda bayon etilsin:
“Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyining TUZILMASI
Direktor Muzey va hududiy muzeylar direktorlari kengashi Ilmiy kengash Direktorning ilmiy ishlar boʻyicha oʻrinbosari Direktorning umumiy ishlar boʻyicha oʻrinbosari Yuriskonsult 1 Fond boʻlimi 2 Buxgalteriya 2 Xodimlar bilan ishlash boʻlimi 1 Ekskursovodlar boʻlimi 4 Texnik va xizmat koʻrsatuvchi xodimlar * Ilmiy boʻlim 3 Ekspozitsiyalarni loyihalash va bezash boʻlimi 4
2. Vazirlar Mahkamasining “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida” 2018-yil 19-iyundagi 458-son qaroriga 7-ilova izoh qismi uchinchi xatboshining rus tilidagi matnidagi “Muzei jertv repressi pri Kabinete Ministrov” soʻzlari “Gosudarstvennogo muzeya Pamyati jertv repressiy pri Kabinete Ministrov Respubliki Uzbekistan i territorialnix muzeyev “Pamyati jertv repressiy” pri visshix obrazovatelnix uchrejdeniyax” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 26-dekabr,
1040-son