📅 2019-yil 26-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 26 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 декабря 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 26 December 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлигининг ваколатхонаси фаолиятини ташкил этиш чора-тадбирлари тўғрисида
Ўзбекистон Республикаси Президентининг «Хитой Халқ Республикасига олий даражадаги ташрифи давомида эришилган келишувларни амалга ошириш чора–тадбирлари тўғрисида» 2019 йил 4 майдаги ПҚ-4308-сон қарорини ижро этиш юзасидан, шунингдек, йирик корхоналар, инвестиция фондлари ва молия институтлари билан тўғридан-тўғри алоқаларни йўлга қўйиш, Ўзбекистон Республикасига Хитой Халқ Республикасидан (кейинги ўринларда ХХР деб аталади) жалб этиладиган тўғридан-тўғри инвестициялар ҳажмларини кўпайтириш, ХХР бозорига маҳаллий товарлар ва хизматлар экспорти ҳажмини ошириш ва таркибини диверсификация қилиш, иқтисодий ҳамкорликни кенгайтириш ва чуқурлаштириш, икки мамлакат тадбиркорлик субъектлари ўртасидаги ҳамкорликни фаоллаштириш, шунингдек, Ўзбекистонда инвестиция фаолиятининг истиқболлари тўғрисида ХХРнинг истиқболли инвесторларини мунтазам хабардор қилиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Хитой Халқ Республикасига олий даражадаги ташриф давомида эришилган келишувларни амалга ошириш чора-тадбирлари тўғрисида» 2019 йил 4 майдаги ПҚ-4308-сон қарори билан Ўзбекистон Республикаси Инвестициялар ва ташқи савдо вазирлигининг ХХРдаги ваколатхонаси (кейинги ўринларда Ваколатхона деб аталади) Пекин шаҳрида ташкил этилганлиги маълумот учун қабул қилинсин.
2. Қуйидагилар Ваколатхона фаолиятининг асосий вазифалари ва йўналишлари этиб белгилансин:
олий даражадаги ташрифлар якунлари бўйича «йўл хариталари»га киритилган ХХР билан савдо-иқтисодий, инвестициявий ва молиявий-техник ҳамкорлик соҳасидаги аниқ лойиҳалар ва дастурлар амалга оширилишини ва самарали мониторинг олиб борилишини таъминлаш;
Ўзбекистон Республикаси иқтисодиёти тармоқлари ва инфратузилмасини ривожлантириш ва модернизация қилишга хорижий инвестициялар, шу жумладан, тўғридан-тўғри хорижий инвестициялар, илғор технологиялар ва молиявий-техник кўмак дастурлари, ХХРнинг инвестиция фондлари ва молия институтлари жалб этилишини таъминлаш, шунингдек, улар самарали ўзлаштирилишига кўмаклашиш;
Ўзбекистон Республикаси тадбиркорлик субъектларининг маҳсулотлари ва хизматлари ХХР бозорига олиб кирилишини ташкил этиш ҳисобига маҳаллий товарлар ва хизматлар экспорти ҳажмларини ошириш, ўзаро товар айланмаси номенклатурасини кенгайтиришга кўмаклашиш;
ХХР провинциялари маъмуриятлари ва ташкилотлари билан Ўзбекистон Республикаси давлат бошқаруви органлари ва ташкилотларининг ҳамкорлигини йўлга қўйишни тизимли ташкил этиш;
салоҳиятли инвесторларни излашда узоқ муддатли шериклик алоқаларини ўрнатиш, савдо ва инвестиция шартномаларини тузиш, ишбилармон доиралар иштирокида музокаралар ва бошқа тадбирларни ташкил этиш, қўшма корхоналар ташкил этиш ва тадбиркорликнинг бошқа шаклларини ривожлантириш, шунингдек, хорижий инвестицияларни жалб қилиш учун лойиҳа таклифлари ва бошқа зарур материалларни тайёрлашда тадбиркорлик субъектларини ҳар томонлама қўллаб-қувватлаш;
ташқи савдо инфратузилмасини ривожлантириш, транзит салоҳиятини ошириш, логистика ва транспорт йўлакларини такомиллаштириш, экспорт йўналишларини диверсификация қилиш, Ўзбекистон Республикаси ташқи савдо юкларини ташиш ва транзит қилиш учун имтиёзли режимларни қўллаш бўйича таъсирчан чоралар кўриш.
3. Қуйидагилар:
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонасининг тузилмаси 1-иловага мувофиқ;
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонасининг штат жадвали 2-иловага мувофиқ;
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонасининг харажатлари сметаси 3-иловага мувофиқ тасдиқлансин.
4. Ўзбекистон Республикаси Давлат бюджети маблағлари, шунингдек, қонунчилик ҳужжатларида тақиқланмаган бошқа манбалар Ваколатхона фаолиятини молиялаштириш манбалари этиб белгилансин.
2024 йилдан бошлаб ҳар йили Ваколатхонанинг харажатлар сметаси тасдиқлангандан сўнг Инвестициялар, саноат ва савдо вазирлиги сўровига асосан 10 кун муддатда Энергетика, Рақамли технологиялар, Қишлоқ хўжалиги, Сув хўжалиги вазирликлари ҳамда «Ўзэлтехсаноат» уюшмаси томонидан мақсадли пул маблағлари ўтказиб берилиши таъминлансин.
5. Ўзбекистон Республикаси Молия вазирлиги:
2019 йилда штат жадвалига мувофиқ меҳнатга ҳақ тўлаган ҳолда Ваколатхона фаолиятини молиялаштириш учун Ўзбекистон Республикаси Инвестициялар ва ташқи савдо вазирлиги харажатлари сметасига қўшимча маблағ ажратсин;
2020 йилдан бошлаб Ваколатхона харажатларини ҳисобга олган ҳолда Ўзбекистон Республикаси Инвестициялар ва ташқи савдо вазирлигини молиялаштиришни амалга оширсин;
Ваколатхонага еттита, шу жумладан, бюджет маблағлари ҳисобидан учта автотранспорт воситасини сақлаш учун лимит ажратсин.
6. Ўзбекистон Республикаси Инвестициялар, саноат ва савдо вазирлиги:
икки ой муддатда Ваколатхона раҳбари ва ходимлари жавобгарлиги ва фаолиятини баҳолаш мезонларини назарда тутувчи Ваколатхона тўғрисидаги низомни ишлаб чиқсин ва белгиланган тартибда тасдиқласин;
бир ой муддатда штатлар жадвалига мувофиқ мутасаддилик қилинадиган йўналишлар бўйича Ваколатхонани малакали мутахассислар билан тўлдирсин;
Ўзбекистон Республикаси Молия вазирлиги ва Ташқи ишлар вазирлиги билан биргаликда Ваколатхонанинг Пекин шаҳрида жойлаштирилиши ва жиҳозланишини таъминласин, халқаро ҳуқуқнинг умумэътироф этилган нормаларига мувофиқ унинг фаолиятини ташкил этиш билан боғлиқ бошқа масалаларни ҳал этсин.
7. Белгилансинки:
Ваколатхона Ўзбекистон Республикаси Инвестициялар, саноат ва савдо вазирлигига ҳисобот беради ва ўз фаолиятини вазирнинг умумий раҳбарлиги остида амалга оширади;
Ваколатхонага Ўзбекистон Республикаси Инвестициялар, саноат ва савдо вазири томонидан лавозимга тайинланадиган ва лавозимидан озод этиладиган директор раҳбарлик қилади;
Ваколатхона директори ўз даражаси бўйича Ўзбекистон Республикасининг ХХРдаги элчихонаси маслаҳатчиси лавозимига тенглаштирилади ва ўз фаолиятини Ўзбекистон Республикасининг хориждаги муассасалари билан яқин ҳамкорликда амалга оширади;
Ваколатхона Ўзбекистон Республикасининг ХХРдаги хорижий ташкилотларига республикага инвестицияларни, асосан тўғридан-тўғри инвестицияларни, молиявий-техник кўмак маблағларини ва маҳаллий ишлаб чиқарувчилар товарлари экспортини рағбатлантиришда, шунингдек, туристлар оқимини жалб қилиш масалаларида ҳар томонлама кўмаклашади.
8. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ғаниев, Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси инвестициялар ва ташқи савдо вазири С.У. Умурзоқов зиммасига юклансин.
Вазирлар Маҳкамасининг 2019 йил 26 декабрдаги 1041-сон қарорига 1-ИЛОВА
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонасининг тузилмаси
Директор Директор ўринбосари Инфратузилма (коммунал хизмат, йўл қурилиши ва бошқалар) бўйича менежер (1) Инвестициялар бўйича менежер (1) Энергетика бўйича менежер (1) Молия институтлари билан ишлаш бўйича менежер (1) Рақамли технологиялар бўйича менежер (1) Экспорт ва импорт операциялари бўйича менежер (1) Қишлоқ ва сув хўжалиги бўйича менежер (1) Бухгалтер ва хўжалик мудири (1) Электротехника бўйича менежер (1)
Вазирлар Маҳкамасининг 2019 йил 26 декабрдаги 1041-сон қарорига 2-ИЛОВА
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонасининг штат жадвали
АҚШ доллари T/р Лавозими Штатлар сони Ойлик маош Иш ҳақи фонди 1. Директор 1 2 805,0 33 660,0 2. Директор ўринбосари 1 2 475,0 29 700,0 3. Инвестициялар бўйича менежер 1 2 475,0 29 700,0 4. Инфратузилма (коммунал хизмат, йўл қурилиши ва бошқалар) бўйича менежер 1 2 475,0 29 700,0 5. Энергетика бўйича менежер 1 2 475,0 29 700,0 6. Рақамли технологиялар бўйича менежер 1 2 475,0 29 700,0 7. Қишлоқ ва сув хўжалиги бўйича менежер 1 2 475,0 29 700,0 8. Электротехника ва енгил саноат бўйича менежер 1 2 475,0 29 700,0 9. Молия институтлари билан ишлаш бўйича менежер 1 1 980,0 23 760,0 10. Экспорт ва импорт операциялари бўйича менежер 1 1 980,0 23 760,0 11. Бухгалтер ва хўжалик мудири 1 1 980,0 23 760,0 Жами: 11 26 070,0 312 840,0
Вазирлар Маҳкамасининг 2019 йил 26 декабрдаги 1041-сон қарорига 3-ИЛОВА
Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонасининг харажатлари сметаси
Т/р Харажатлар Категория Модда 3 ойлик харажатлар миқдори АҚШ долларида сўмда * 1. Иш хақи 41 10 46 035,0 2. Ижтимоий эҳтиёжлар учун бошқа бадаллар ва ажратмалар 41 21 3 500,0 3. Хизмат сафари харажатлари 42 10 46 890,0 450 144,0 4. Коммунал хизматлар учун харажатлар 42 20 6 278,5 5. Сақлаб туриш ва жорий таъмирлаш 42 30 4 375,0 6. Ижара харажатлари 42 40 59 400,0 7. Моддий айланма маблағлар захираларига харажатлар 42 50 5 305,2 8. Товарлар ва хизматларни сотиб олиш учун бошқа харажатлар 42 90 5 100,0 9. Асосий фондларни сотиб олиш 43 50 207 300,0 10. Бошқа харажатлар 48 00 9 750,0 Итого: 393 933,7 450 144,0
Ўзбекистон Республикасининг Бош вазири А. АРИПОВ
Тошкент ш.,
2019 йил 26 декабрь,
1041-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligining vakolatxonasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Xitoy Xalq Respublikasiga oliy darajadagi tashrifi davomida erishilgan kelishuvlarni amalga oshirish chora–tadbirlari toʻgʻrisida” 2019-yil 4-maydagi PQ-4308-son qarorini ijro etish yuzasidan, shuningdek, yirik korxonalar, investitsiya fondlari va moliya institutlari bilan toʻgʻridan-toʻgʻri aloqalarni yoʻlga qoʻyish, Oʻzbekiston Respublikasiga Xitoy Xalq Respublikasidan (keyingi oʻrinlarda XXR deb ataladi) jalb etiladigan toʻgʻridan-toʻgʻri investitsiyalar hajmlarini koʻpaytirish, XXR bozoriga mahalliy tovarlar va xizmatlar eksporti hajmini oshirish va tarkibini diversifikatsiya qilish, iqtisodiy hamkorlikni kengaytirish va chuqurlashtirish, ikki mamlakat tadbirkorlik subyektlari oʻrtasidagi hamkorlikni faollashtirish, shuningdek, Oʻzbekistonda investitsiya faoliyatining istiqbollari toʻgʻrisida XXRning istiqbolli investorlarini muntazam xabardor qilish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Xitoy Xalq Respublikasiga oliy darajadagi tashrif davomida erishilgan kelishuvlarni amalga oshirish chora-tadbirlari toʻgʻrisida” 2019-yil 4-maydagi PQ-4308-son qarori bilan Oʻzbekiston Respublikasi Investitsiyalar va tashqi savdo vazirligining XXRdagi vakolatxonasi (keyingi oʻrinlarda Vakolatxona deb ataladi) Pekin shahrida tashkil etilganligi maʼlumot uchun qabul qilinsin.
2. Quyidagilar Vakolatxona faoliyatining asosiy vazifalari va yoʻnalishlari etib belgilansin:
oliy darajadagi tashriflar yakunlari boʻyicha “yoʻl xaritalari”ga kiritilgan XXR bilan savdo-iqtisodiy, investitsiyaviy va moliyaviy-texnik hamkorlik sohasidagi aniq loyihalar va dasturlar amalga oshirilishini va samarali monitoring olib borilishini taʼminlash;
Oʻzbekiston Respublikasi iqtisodiyoti tarmoqlari va infratuzilmasini rivojlantirish va modernizatsiya qilishga xorijiy investitsiyalar, shu jumladan, toʻgʻridan-toʻgʻri xorijiy investitsiyalar, ilgʻor texnologiyalar va moliyaviy-texnik koʻmak dasturlari, XXRning investitsiya fondlari va moliya institutlari jalb etilishini taʼminlash, shuningdek, ular samarali oʻzlashtirilishiga koʻmaklashish;
Oʻzbekiston Respublikasi tadbirkorlik subyektlarining mahsulotlari va xizmatlari XXR bozoriga olib kirilishini tashkil etish hisobiga mahalliy tovarlar va xizmatlar eksporti hajmlarini oshirish, oʻzaro tovar aylanmasi nomenklaturasini kengaytirishga koʻmaklashish;
XXR provinsiyalari maʼmuriyatlari va tashkilotlari bilan Oʻzbekiston Respublikasi davlat boshqaruvi organlari va tashkilotlarining hamkorligini yoʻlga qoʻyishni tizimli tashkil etish;
salohiyatli investorlarni izlashda uzoq muddatli sheriklik aloqalarini oʻrnatish, savdo va investitsiya shartnomalarini tuzish, ishbilarmon doiralar ishtirokida muzokaralar va boshqa tadbirlarni tashkil etish, qoʻshma korxonalar tashkil etish va tadbirkorlikning boshqa shakllarini rivojlantirish, shuningdek, xorijiy investitsiyalarni jalb qilish uchun loyiha takliflari va boshqa zarur materiallarni tayyorlashda tadbirkorlik subyektlarini har tomonlama qoʻllab-quvvatlash;
tashqi savdo infratuzilmasini rivojlantirish, tranzit salohiyatini oshirish, logistika va transport yoʻlaklarini takomillashtirish, eksport yoʻnalishlarini diversifikatsiya qilish, Oʻzbekiston Respublikasi tashqi savdo yuklarini tashish va tranzit qilish uchun imtiyozli rejimlarni qoʻllash boʻyicha taʼsirchan choralar koʻrish.
3. Quyidagilar:
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligi vakolatxonasining tuzilmasi 1-ilovaga muvofiq;
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligi vakolatxonasining shtat jadvali 2-ilovaga muvofiq;
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar va tashqi savdo vazirligi vakolatxonasining xarajatlari smetasi 3-ilovaga muvofiq tasdiqlansin.
4. Oʻzbekiston Respublikasi Davlat budjeti mablagʻlari, shuningdek, qonunchilik hujjatlarida taqiqlanmagan boshqa manbalar Vakolatxona faoliyatini moliyalashtirish manbalari etib belgilansin.
2024-yildan boshlab har yili Vakolatxonaning xarajatlar smetasi tasdiqlangandan soʻng Investitsiyalar, sanoat va savdo vazirligi soʻroviga asosan 10 kun muddatda Energetika, Raqamli texnologiyalar, Qishloq xoʻjaligi, Suv xoʻjaligi vazirliklari hamda “Oʻzeltexsanoat” uyushmasi tomonidan maqsadli pul mablagʻlari oʻtkazib berilishi taʼminlansin.
5. Oʻzbekiston Respublikasi Moliya vazirligi:
2019-yilda shtat jadvaliga muvofiq mehnatga haq toʻlagan holda Vakolatxona faoliyatini moliyalashtirish uchun Oʻzbekiston Respublikasi Investitsiyalar va tashqi savdo vazirligi xarajatlari smetasiga qoʻshimcha mablagʻ ajratsin;
2020-yildan boshlab Vakolatxona xarajatlarini hisobga olgan holda Oʻzbekiston Respublikasi Investitsiyalar va tashqi savdo vazirligini moliyalashtirishni amalga oshirsin;
Vakolatxonaga yettita, shu jumladan, budjet mablagʻlari hisobidan uchta avtotransport vositasini saqlash uchun limit ajratsin.
6. Oʻzbekiston Respublikasi Investitsiyalar, sanoat va savdo vazirligi:
ikki oy muddatda Vakolatxona rahbari va xodimlari javobgarligi va faoliyatini baholash mezonlarini nazarda tutuvchi Vakolatxona toʻgʻrisidagi nizomni ishlab chiqsin va belgilangan tartibda tasdiqlasin;
bir oy muddatda shtatlar jadvaliga muvofiq mutasaddilik qilinadigan yoʻnalishlar boʻyicha Vakolatxonani malakali mutaxassislar bilan toʻldirsin;
Oʻzbekiston Respublikasi Moliya vazirligi va Tashqi ishlar vazirligi bilan birgalikda Vakolatxonaning Pekin shahrida joylashtirilishi va jihozlanishini taʼminlasin, xalqaro huquqning umumeʼtirof etilgan normalariga muvofiq uning faoliyatini tashkil etish bilan bogʻliq boshqa masalalarni hal etsin.
7. Belgilansinki:
Vakolatxona Oʻzbekiston Respublikasi Investitsiyalar, sanoat va savdo vazirligiga hisobot beradi va oʻz faoliyatini vazirning umumiy rahbarligi ostida amalga oshiradi;
Vakolatxonaga Oʻzbekiston Respublikasi Investitsiyalar, sanoat va savdo vaziri tomonidan lavozimga tayinlanadigan va lavozimidan ozod etiladigan direktor rahbarlik qiladi;
Vakolatxona direktori oʻz darajasi boʻyicha Oʻzbekiston Respublikasining XXRdagi elchixonasi maslahatchisi lavozimiga tenglashtiriladi va oʻz faoliyatini Oʻzbekiston Respublikasining xorijdagi muassasalari bilan yaqin hamkorlikda amalga oshiradi;
Vakolatxona Oʻzbekiston Respublikasining XXRdagi xorijiy tashkilotlariga respublikaga investitsiyalarni, asosan toʻgʻridan-toʻgʻri investitsiyalarni, moliyaviy-texnik koʻmak mablagʻlarini va mahalliy ishlab chiqaruvchilar tovarlari eksportini ragʻbatlantirishda, shuningdek, turistlar oqimini jalb qilish masalalarida har tomonlama koʻmaklashadi.
8. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi investitsiyalar va tashqi savdo vaziri S.U. Umurzoqov zimmasiga yuklansin.
Vazirlar Mahkamasining 2019-yil 26-dekabrdagi 1041-son qaroriga 1-ILOVA
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligi vakolatxonasining tuzilmasi
Direktor Direktor oʻrinbosari Infratuzilma (kommunal xizmat, yoʻl qurilishi va boshqalar) boʻyicha menejer (1) Investitsiyalar boʻyicha menejer (1) Energetika boʻyicha menejer (1) Moliya institutlari bilan ishlash boʻyicha menejer (1) Raqamli texnologiyalar boʻyicha menejer (1) Eksport va import operatsiyalari boʻyicha menejer (1) Qishloq va suv xoʻjaligi boʻyicha menejer (1) Buxgalter va xoʻjalik mudiri (1) Elektrotexnika boʻyicha menejer (1)
Vazirlar Mahkamasining 2019-yil 26-dekabrdagi 1041-son qaroriga 2-ILOVA
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligi vakolatxonasining shtat jadvali
AQSh dollari T/r Lavozimi Shtatlar soni Oylik maosh Ish haqi fondi 1. Direktor 1 2 805,0 33 660,0 2. Direktor oʻrinbosari 1 2 475,0 29 700,0 3. Investitsiyalar boʻyicha menejer 1 2 475,0 29 700,0 4. Infratuzilma (kommunal xizmat, yoʻl qurilishi va boshqalar) boʻyicha menejer 1 2 475,0 29 700,0 5. Energetika boʻyicha menejer 1 2 475,0 29 700,0 6. Raqamli texnologiyalar boʻyicha menejer 1 2 475,0 29 700,0 7. Qishloq va suv xoʻjaligi boʻyicha menejer 1 2 475,0 29 700,0 8. Elektrotexnika va yengil sanoat boʻyicha menejer 1 2 475,0 29 700,0 9. Moliya institutlari bilan ishlash boʻyicha menejer 1 1 980,0 23 760,0 10. Eksport va import operatsiyalari boʻyicha menejer 1 1 980,0 23 760,0 11. Buxgalter va xoʻjalik mudiri 1 1 980,0 23 760,0 Jami: 11 26 070,0 312 840,0
Vazirlar Mahkamasining 2019-yil 26-dekabrdagi 1041-son qaroriga 3-ILOVA
Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligi vakolatxonasining xarajatlari smetasi
T/r Xarajatlar Kategoriya Modda 3 oylik xarajatlar miqdori AQSh dollarida soʻmda * 1. Ish xaqi 41 10 46 035,0 2. Ijtimoiy ehtiyojlar uchun boshqa badallar va ajratmalar 41 21 3 500,0 3. Xizmat safari xarajatlari 42 10 46 890,0 450 144,0 4. Kommunal xizmatlar uchun xarajatlar 42 20 6 278,5 5. Saqlab turi� va joriy taʼmirlash 42 30 4 375,0 6. Ijara xarajatlari 42 40 59 400,0 7. Moddiy aylanma mablagʻlar zaxiralariga xarajatlar 42 50 5 305,2 8. Tovarlar va xizmatlarni sotib olish uchun boshqa xarajatlar 42 90 5 100,0 9. Asosiy fondlarni sotib olish 43 50 207 300,0 10. Boshqa xarajatlar 48 00 9 750,0 Itogo: 393 933,7 450 144,0
Oʻzbekiston Respublikasining Bosh vaziri A. ARIPOV
Toshkent sh.,
2019-yil 26-dekabr,
1041-son