UzbekAI

Ўзбекистон Республикаси Вазирлар Маҳкамасининг

қарори

Вазирлар Маҳкамасининг «Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида» 1996 йил 21 ноябрдаги 408-сон қарорига қўшимча киритиш ҳақида

Бирлашган Араб Амирликларидан мамлакатимизга тўғридан-тўғри хорижий инвестицияларни жалб қилиш салоҳиятини инобатга олиб, шунингдек, Бирлашган Араб Амирликлари резиденти мақомини олган хорижий инвесторлар билан савдо-иқтисодий алоқаларни рағбатлантириш мақсадида Вазирлар Маҳкамаси қарор қилади:

1. Вазирлар Маҳкамасининг «Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида» 1996 йил 21 ноябрдаги 408-сон қарорининг 5-иловасига изоҳга қуйидаги мазмундаги 6-банд қўшилсин:

«6. Бирлашган Араб Амирликлари фуқаролари учун Ўзбекистон Республикаси ҳудудига кирган кундан эътиборан 30 кун муддатга визасиз режим 2020 йил 1 январдан бошлаб Бирлашган Араб Амирликлари резиденти мақомини олган хорижий давлатлар фуқароларига нисбатан ҳам қўлланилади. Бирлашган Араб Амирликлари резиденти мақомини олган хорижий давлатлар фуқаролари Ўзбекистон Республикасига киришда амал қилиш муддати 90 кундан кам бўлмаган резидентлик визасининг асл нусхасини тақдим этадилар».

2. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдуҳакимов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 30 декабрь,

1050-сон

(Қонун ҳужжатлари маълумотлари миллий базаси, 30.12.2019 й., 09/19/1050/4253-сон)

lex.uz

Oʻzbekiston Respublikasi Vazirlar Mahkamasining

qarori

Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida” 1996-yil 21-noyabrdagi 408-son qaroriga qoʻshimcha kiritish haqida

Birlashgan Arab Amirliklaridan mamlakatimizga toʻgʻridan-toʻgʻri xorijiy investitsiyalarni jalb qilish salohiyatini inobatga olib, shuningdek, Birlashgan Arab Amirliklari rezidenti maqomini olgan xorijiy investorlar bilan savdo-iqtisodiy aloqalarni ragʻbatlantirish maqsadida Vazirlar Mahkamasi qaror qiladi:

1. Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida” 1996-yil 21-noyabrdagi 408-son qarorining 5-ilovasiga izohga quyidagi mazmundagi 6-band qoʻshilsin:

“6. Birlashgan Arab Amirliklari fuqarolari uchun Oʻzbekiston Respublikasi hududiga kirgan kundan eʼtiboran 30 kun muddatga vizasiz rejim 2020-yil 1-yanvardan boshlab Birlashgan Arab Amirliklari rezidenti maqomini olgan xorijiy davlatlar fuqarolariga nisbatan ham qoʻllaniladi. Birlashgan Arab Amirliklari rezidenti maqomini olgan xorijiy davlatlar fuqarolari Oʻzbekiston Respublikasiga kirishda amal qilish muddati 90 kundan kam boʻlmagan rezidentlik vizasining asl nusxasini taqdim etadilar”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduhakimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 30-dekabr,

1050-son

(Qonun hujjatlari maʼlumotlari milliy bazasi, 30.12.2019-y., 09/19/1050/4253-son)

lex.uz

Кабинета Министров Республики Узбекистан

Постановление

О внесении дополнения в постановление Кабинета Министров от 21 ноября 1996 года № 408 «О порядке въезда, выезда, пребывания и транзитного проезда иностранных граждан и лиц без гражданства в Республике Узбекистан»

Принимая во внимание потенциал привлечения прямых иностранных инвестиций из Объединенных Арабских Эмиратов, а также в целях поощрения торгово-экономических связей с иностранными инвесторами, получившими статус резидента Объединенных Арабских Эмиратов, Кабинет Министров постановляет:

1. Примечание приложения № 5 к постановлению Кабинета Министров от 21 ноября 1996 года № 408 «О порядке въезда, выезда, пребывания и транзитного проезда иностранных граждан и лиц без гражданства в Республике Узбекистан» дополнить пунктом 6 следующего содержания:

«6. Безвизовый режим въезда в Республику Узбекистан сроком на 30 дней для граждан Объединенных Арабских Эмиратов с 1 января 2020 года также распространяется на иностранных граждан, получивших статус резидента Объединенных Арабских Эмиратов. При въезде в Республику Узбекистан иностранные граждане, получившие статус резидента Объединенных Арабских Эмиратов, предоставляют оригинал резидентской визы, срок действия которой на момент обращения составляет не менее 90 дней».

2. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова.

Премьер-министр Республики Узбекистан А. АРИПОВ

г. Ташкент,

30 декабря 2019 г.,

№ 1050

(Национальная база данных законодательства, 30.12.2019 г., № 09/19/1050/4253)

lex.uz