📅 2019-yil 30-dekabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 декабрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 30 декабря 2019 г. · Законы и кодексы
Официальный текст. Официальный документ. Редакционные примечания не включены.
📅 30 December 2019 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг Солиқ кодексига ўзгартиш ва қўшимчалар киритиш тўғрисида
Қонунчилик палатаси томонидан 2019 йил 9 декабрда қабул қилинган Сенат томонидан 2019 йил 14 декабрда маъқулланган
1-модда. Ўзбекистон Республикасининг 2007 йил 25 декабрда қабул қилинган ЎРҚ-136-сонли Қонуни билан тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2007 йил, 12-сонга 1-илова; 2008 йил, № 12, 639-модда; 2009 йил, № 9, 330, 331-моддалар, № 12, 470, 472, 473-моддалар; 2010 йил, № 5, 178-модда, № 9, 334, 335, 336, 337-моддалар, № 10, 380-модда, № 12, 474-модда; 2011 йил, № 1, 1-модда, № 9, 248-модда, № 12/2, 364, 365-моддалар; 2012 йил, № 4, 106-модда, № 9/1, 238-модда, № 12, 334, 336-моддалар; 2013 йил, № 10, 263-модда, № 12, 349-модда; 2014 йил, № 1, 2-модда, № 9, 244-модда, № 12, 341, 343-моддалар; 2015 йил, № 8, 312-модда, № 12, 452, 454-моддалар; 2016 йил, № 4, 125-модда, № 9, 276-модда, № 12, 383, 384, 385-моддалар; 2017 йил, № 4, 137-модда, № 6, 300-модда, № 9, 510-модда, № 10, 605-модда, № 12, 772, 773-моддалар; 2018 йил, № 1, 1, 4-моддалар, № 4, 224-модда, № 7, 431, 433-моддалар, № 10, 676-модда, № 12, 781, 783-моддалар; 2019 йил, № 1, 1, 2, 3-моддалар, № 2, 47-модда, № 3, 161, 166-моддалар, № 8, 471-модда, № 9, 589-модда, № 11, 792-модда) ўзгартиш ва қўшимчалар киритилиб, унинг янги таҳрири тасдиқлансин ( илова қилинади).
2-модда. Ўзбекистон Республикаси Вазирлар Маҳкамаси:
2020 ва 2021 йиллар давомида янги таҳрирдаги Ўзбекистон Республикаси Солиқ кодекси (бундан буён матнда Солиқ кодекси деб юритилади) нормаларининг амалий таъсири ва самарадорлиги доимий равишда ҳамда ҳар томонлама мониторинг ва таҳлил қилинишини таъминласин;
зарур бўлган тақдирда Солиқ кодексининг алоҳида нормаларини янада такомиллаштиришга қаратилган таклифларни белгиланган тартибда киритсин;
ҳукумат қарорларини Солиқ кодексига мувофиқлаштирсин;
давлат бошқаруви органлари Солиқ кодексига зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
3-модда. Ўзбекистон Республикаси Давлат солиқ қўмитаси Ўзбекистон Республикаси Молия вазирлиги, Адлия вазирлиги ҳамда бошқа манфаатдор вазирликлар, давлат қўмиталари ва идоралар билан биргаликда Солиқ кодексининг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Солиқлар ва бошқа мажбурий тўловлар бўйича:
Ўзбекистон Республикасининг 2007 йил 25 декабрда қабул қилинган ЎРҚ-136-сонли Қонуни билан тасдиқланган Ўзбекистон Республикасининг Солиқ кодексида назарда тутилган имтиёзлар 2020 йилнинг 1 апрелига қадар амал қилади;
2020 йилнинг 1 январигача қабул қилинган солиқ тўғрисидаги қонун ҳужжатларида, шу жумладан Ўзбекистон Республикаси Президентининг ва Ўзбекистон Республикаси Вазирлар Маҳкамасининг қарорларида назарда тутилган имтиёзлар уларнинг амал қилиш муддати тугагунига қадар амал қилади.
Белгилаб қўйилсинки, ягона ижтимоий тўлов, ягона солиқ тўлови ва қатъий белгиланган солиқ ўрнига тегишинча ижтимоий солиқ, айланмадан олинадиган солиқ ҳамда қатъий белгиланган миқдорда жисмоний шахслардан олинадиган даромад солиғи киритилмоқда, уларнинг тўловчиларига қонун ҳужжатларида илгари белгилаб қўйилган имтиёзлар ва алоҳида ҳисоблаш тартиби татбиқ этилади.
5-модда. Белгилаб қўйилсинки, ҳисобланган солиқ суммасидан ҳисобга олинадиган қўшилган қиймат солиғи суммасининг ошиб кетиши натижасида ҳосил бўлган қўшилган қиймат солиғи суммасининг ўрнини қоплаш 2020 йил 1 июлдан эътиборан амалга оширилади.
6-модда. Ушбу Қонун 2020 йил 1 январдан эътиборан кучга киради.
Солиқ кодексининг 69-боби қоидалари 2020 йил 1 январдан кейин тузиладиган маҳсулот тақсимоти тўғрисидаги битимларга нисбатан қўлланилади.
Ўзбекистон Республикасининг халқаро шартномалари бўйича 2020 йил 1 июлга қадар маъқулланган, тўлиқ ёки қисман халқаро молия институтларининг ва хорижий ҳукумат молиявий ташкилотларининг маблағлари (қарзлари, кредитлари) ҳисобидан Ўзбекистон Республикасида амалга ошириладиган лойиҳалар доирасида юридик шахслар томонидан сотиб олинадиган товарларни (хизматларни) реализация қилишга доир айланмага, шунингдек уларни олиб киришга қўшилган қиймат солиғи ва акциз солиғи солинмайди. Бунда ушбу солиқ имтиёзлари Ўзбекистон Республикасининг тижорат банклари орқали қайта молиялаштириладиган ёки қайта кредитланадиган халқаро молия институтларининг ва хорижий ҳукумат молия ташкилотларининг маблағлари (қарзлари, кредитлари) ҳисобидан сотиб олинадиган товарларга (хизматларга) нисбатан қўлланилмайди.
2022 йил 1 январга қадар бўлган даврда янги тартиб жорий этилади, унга мувофиқ давлат солиқ хизмати органлари Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни солиқ аудити тайинланганлиги тўғрисида қонун ҳужжатларида белгиланган тартибда хабардор қилади.
Солиқ тўловчи 2020 йил 1 январга қадар ҳосил бўлган зарарни келгусига, ушбу зарар кўрилган солиқ давридан кейинги беш йилдан кўп бўлмаган муддатда кўчиришни амалга оширишга ҳақли. Ҳар бир кейинги солиқ даврида ҳисобга олинадиган ўтказилаётган зарарнинг жами суммаси жорий солиқ давридаги солиқ базасининг 50 фоизидан ошиши мумкин эмас.
Солиқ кодексининг VI , VII бўлимлари ва 5-боби 2022 йил 1 январдан эътиборан амалга киритилади.
Солиқ кодекси 40-моддаси биринчи қисмининг 1-банди 2023 йил 1 январдан эътиборан амалга киритилади. 2023 йил 1 январга қадар чет эл компаниясидаги иштироки улуши 50 фоиздан кўпроқни ташкил этадиган юридик ёки жисмоний шахс чет эл компаниясининг назорат қилувчи шахси деб эътироф этилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2019 йил 30 декабрь,
ЎРҚ-599-сон
Oʻzbekiston Respublikasining Qonuni
Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida
Qonunchilik palatasi tomonidan 2019-yil 9-dekabrda qabul qilingan Senat tomonidan 2019-yil 14-dekabrda maʼqullangan
1-modda. Oʻzbekiston Respublikasining 2007-yil 25-dekabrda qabul qilingan OʻRQ-136-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar, № 12, 470, 472, 473-moddalar; 2010-yil, № 5, 178-modda, № 9, 334, 335, 336, 337-moddalar, № 10, 380-modda, № 12, 474-modda; 2011-yil, № 1, 1-modda, № 9, 248-modda, № 12/2, 364, 365-moddalar; 2012-yil, № 4, 106-modda, № 9/1, 238-modda, № 12, 334, 336-moddalar; 2013-yil, № 10, 263-modda, № 12, 349-modda; 2014-yil, № 1, 2-modda, № 9, 244-modda, № 12, 341, 343-moddalar; 2015-yil, № 8, 312-modda, № 12, 452, 454-moddalar; 2016-yil, № 4, 125-modda, № 9, 276-modda, № 12, 383, 384, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda, № 12, 772, 773-moddalar; 2018-yil, № 1, 1, 4-moddalar, № 4, 224-modda, № 7, 431, 433-moddalar, № 10, 676-modda, № 12, 781, 783-moddalar; 2019-yil, № 1, 1, 2, 3-moddalar, № 2, 47-modda, № 3, 161, 166-moddalar, № 8, 471-modda, № 9, 589-modda, № 11, 792-modda) oʻzgartish va qoʻshimchalar kiritilib, uning yangi tahriri tasdiqlansin ( ilova qilinadi).
2-modda. Oʻzbekiston Respublikasi Vazirlar Mahkamasi:
2020 va 2021-yillar davomida yangi tahrirdagi Oʻzbekiston Respublikasi Soliq kodeksi (bundan buyon matnda Soliq kodeksi deb yuritiladi) normalarining amaliy taʼsiri va samaradorligi doimiy ravishda hamda har tomonlama monitoring va tahlil qilinishini taʼminlasin;
zarur boʻlgan taqdirda Soliq kodeksining alohida normalarini yanada takomillashtirishga qaratilgan takliflarni belgilangan tartibda kiritsin;
hukumat qarorlarini Soliq kodeksiga muvofiqlashtirsin;
davlat boshqaruvi organlari Soliq kodeksiga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
3-modda. Oʻzbekiston Respublikasi Davlat soliq qoʻmitasi Oʻzbekiston Respublikasi Moliya vazirligi, Adliya vazirligi hamda boshqa manfaatdor vazirliklar, davlat qoʻmitalari va idoralar bilan birgalikda Soliq kodeksining ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Soliqlar va boshqa majburiy toʻlovlar boʻyicha:
Oʻzbekiston Respublikasining 2007-yil 25-dekabrda qabul qilingan OʻRQ-136-sonli Qonuni bilan tasdiqlangan Oʻzbekiston Respublikasining Soliq kodeksida nazarda tutilgan imtiyozlar 2020-yilning 1-apreliga qadar amal qiladi;
2020-yilning 1-yanvarigacha qabul qilingan soliq toʻgʻrisidagi qonun hujjatlarida, shu jumladan Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining qarorlarida nazarda tutilgan imtiyozlar ularning amal qilish muddati tugaguniga qadar amal qiladi.
Belgilab qoʻyilsinki, yagona ijtimoiy toʻlov, yagona soliq toʻlovi va qatʼiy belgilangan soliq oʻrniga tegishincha ijtimoiy soliq, aylanmadan olinadigan soliq hamda qatʼiy belgilangan miqdorda jismoniy shaxslardan olinadigan daromad soligʻi kiritilmoqda, ularning toʻlovchilariga qonun hujjatlarida ilgari belgilab qoʻyilgan imtiyozlar va alohida hisoblash tartibi tatbiq etiladi.
5-modda. Belgilab qoʻyilsinki, hisoblangan soliq summasidan hisobga olinadigan qoʻshilgan qiymat soligʻi summasining oshib ketishi natijasida hosil boʻlgan qoʻshilgan qiymat soligʻi summasining oʻrnini qoplash 2020-yil 1-iyuldan eʼtiboran amalga oshiriladi.
6-modda. Ushbu Qonun 2020-yil 1-yanvardan eʼtiboran kuchga kiradi.
Soliq kodeksining 69-bobi qoidalari 2020-yil 1-yanvardan keyin tuziladigan mahsulot taqsimoti toʻgʻrisidagi bitimlarga nisbatan qoʻllaniladi.
Oʻzbekiston Respublikasining xalqaro shartnomalari boʻyicha 2020-yil 1-iyulga qadar maʼqullangan, toʻliq yoki qisman xalqaro moliya institutlarining va xorijiy hukumat moliyaviy tashkilotlarining mablagʻlari (qarzlari, kreditlari) hisobidan Oʻzbekiston Respublikasida amalga oshiriladigan loyihalar doirasida yuridik shaxslar tomonidan sotib olinadigan tovarlarni (xizmatlarni) realizatsiya qilishga doir aylanmaga, shuningdek ularni olib kirishga qoʻshilgan qiymat soligʻi va aksiz soligʻi solinmaydi. Bunda ushbu soliq imtiyozlari Oʻzbekiston Respublikasining tijorat banklari orqali qayta moliyalashtiriladigan yoki qayta kreditlanadigan xalqaro moliya institutlarining va xorijiy hukumat moliya tashkilotlarining mablagʻlari (qarzlari, kreditlari) hisobidan sotib olinadigan tovarlarga (xizmatlarga) nisbatan qoʻllanilmaydi.
2022-yil 1-yanvarga qadar boʻlgan davrda yangi tartib joriy etiladi, unga muvofiq davlat soliq xizmati organlari Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni soliq auditi tayinlanganligi toʻgʻrisida qonun hujjatlarida belgilangan tartibda xabardor qiladi.
Soliq toʻlovchi 2020-yil 1-yanvarga qadar hosil boʻlgan zararni kelgusiga, ushbu zarar koʻrilgan soliq davridan keyingi besh yildan koʻp boʻlmagan muddatda koʻchirishni amalga oshirishga haqli. Har bir keyingi soliq davrida hisobga olinadigan oʻtkazilayotgan zararning jami summasi joriy soliq davridagi soliq bazasining 50 foizidan oshishi mumkin emas.
Soliq kodeksining VI , VII boʻlimlari va 5-bobi 2022-yil 1-yanvardan eʼtiboran amalga kiritiladi.
Soliq kodeksi 40-moddasi birinchi qismining 1-bandi 2023-yil 1-yanvardan eʼtiboran amalga kiritiladi. 2023-yil 1-yanvarga qadar chet el kompaniyasidagi ishtiroki ulushi 50 foizdan koʻproqni tashkil etadigan yuridik yoki jismoniy shaxs chet el kompaniyasining nazorat qiluvchi shaxsi deb eʼtirof etiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2019-yil 30-dekabr,
OʻRQ-599-son
Закон Республики Узбекистан
О внесении изменений и дополнений в Налоговый кодекс Республики Узбекистан
Принят Законодательной палатой 9 декабря 2019 года Одобрен Сенатом 14 декабря 2019 года
Статья 1. Внести в Налоговый кодекс Республики Узбекистан, утвержденный Законом Республики Узбекистан от 25 декабря 2007 года № ЗРУ-136 (Ведомости палат Олий Мажлиса Республики Узбекистан, 2007 г., приложение 1 к № 12; 2008 г., № 12, ст. 639; 2009 г., № 9, ст.ст. 330, 331, № 12, ст.ст. 470, 472, 473; 2010 г., № 5, ст. 178, № 9, ст.ст. 334, 335, 336, 337, № 10, ст. 380, № 12, ст. 474; 2011 г., № 1, ст. 1, № 9, ст. 248, № 12/2, ст.ст. 364, 365; 2012 г., № 4, ст. 106, № 9/1, ст. 238, № 12, ст.ст. 334, 336; 2013 г., № 10, ст. 263, № 12, ст. 349; 2014 г., № 1, ст. 2, № 9, ст. 244, № 12, ст.ст. 341, 343; 2015 г., № 8, ст. 312, № 12, ст.ст. 452, 454; 2016 г., № 4, ст. 125, № 9, ст. 276, № 12, ст.ст. 383, 384, 385; 2017 г., № 4, ст. 137, № 6, ст. 300, № 9, ст. 510, № 10, ст. 605, № 12, ст.ст. 772, 773; 2018 г., № 1, ст.ст. 1, 4, № 4, ст. 224, № 7, ст.ст. 431, 433, № 10, ст. 676, № 12, ст.ст. 781, 783; 2019 г., № 1, ст.ст. 1, 2, 3, № 2, ст. 47, № 3, ст.ст. 161, 166, № 8, ст. 471, № 9, ст. 589, № 11, ст. 792), изменения и дополнения, утвердив его новую редакцию ( прилагается ).
Статья 2. Кабинету Министров Республики Узбекистан:
в течение 2020 и 2021 годов обеспечить постоянный и всесторонний мониторинг и анализ практического действия и эффективности норм Налогового кодекса Республики Узбекистан в новой редакции (далее — Налоговый кодекс);
при необходимости вносить в установленном порядке предложения, направленные на дальнейшее совершенствование отдельных норм Налогового кодекса;
привести решения правительства в соответствие с Налоговым кодексом;
обеспечить пересмотр и отмену органами государственного управления их нормативно-правовых актов, противоречащих Налоговому кодексу.
Статья 3. Государственному налоговому комитету Республики Узбекистан совместно с Министерством финансов, Министерством юстиции Республики Узбекистан и другими заинтересованными министерствами, государственными комитетами и ведомствами обеспечить исполнение, доведение до исполнителей и разъяснение сути и значения Налогового кодекса.
Статья 4. Льготы по налогам и другим обязательным платежам, предусмотренные:
Налоговым кодексом Республики Узбекистан, утвержденным Законом Республики Узбекистан от 25 декабря 2007 года № ЗРУ-136, действуют до 1 апреля 2020 года;
актами налогового законодательства, в том числе решениями Президента Республики Узбекистан и Кабинета Министров Республики Узбекистан, принятыми до 1 января 2020 года, действуют до истечения срока их действия.
Установить, что взамен единого социального платежа, единого налогового платежа и фиксированного налога вводится социальный налог, налог с оборота и налог на доходы физических лиц в фиксированном размере соответственно с распространением на их плательщиков ранее предоставленных законодательством льгот и особенностей исчисления.
Статья 5. Установить, что возмещение суммы налога на добавленную стоимость, образовавшейся в результате превышения суммы налога на добавленную стоимость, относимого в зачет, над суммой начисленного налога, осуществляется с 1 июля 2020 года.
Статья 6. Настоящий Закон вступает в силу с 1 января 2020 года.
Положения главы 69 Налогового кодекса применяются к соглашениям о разделе продукции, заключаемым после 1 января 2020 года.
Ввоз товаров, а также оборот по реализации товаров (услуг), приобретаемых юридическими лицами в рамках проектов, реализуемых в Республике Узбекистан полностью или частично за счет средств (займов, кредитов) международных финансовых институтов и зарубежных правительственных финансовых организаций, одобренных до 1 июля 2020 года по международным договорам Республики Узбекистан, не облагаются налогом на добавленную стоимость и акцизным налогом. При этом настоящие налоговые льготы не применяются в отношении товаров (услуг), приобретаемых за счет средств (займов, кредитов) международных финансовых институтов и зарубежных правительственных финансовых организаций, рефинансируемых или перекредитуемых через коммерческие банки Республики Узбекистан.
На период до 1 января 2022 года вводится порядок, в соответствии с которым органы государственной налоговой службы уведомляют Уполномоченного при Президенте Республики Узбекистан по защите прав и законных интересов субъектов предпринимательства о назначении налогового аудита в порядке, установленном законодательством.
Налогоплательщик вправе осуществлять перенос убытка, образовавшегося до 1 января 2020 года, на будущее в течение не более пяти лет, следующих за тем налоговым периодом, в котором получен этот убыток. Совокупная сумма переносимого убытка, учитываемая в каждом последующем налоговом периоде, не может превышать 50 процентов налоговой базы текущего налогового периода.
Разделы VI , VII и глава 5 Налогового кодекса вводятся в действие с 1 января 2022 года.
Пункт 1 части первой статьи 40 Налогового кодекса вводится в действие с 1 января 2023 года. До 1 января 2023 года контролирующим лицом иностранной компании признается юридическое или физическое лицо, доля участия которого в иностранной компании составляет более 50 процентов.
Президент Республики Узбекистан Ш. МИРЗИЁЕВ
г. Ташкент,
30 декабря 2019 г.,
№ ЗРУ-599