📅 2020-yil 7-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 7 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 января 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 7 January 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Хорижда ота-онаси қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш тартибини такомиллаштириш тўғрисида
Ўзбекистон Республикаси Президентининг «Етим болалар ва ота-онаси қарамоғидан маҳрум бўлган болаларни ижтимоий ҳимоя қилишни кучайтиришга оид қўшимча чора-тадбирлар тўғрисида» 2019 йил 11 февралдаги ПҚ-4185-сон қарорига мувофиқ Вазирлар Маҳкамаси қарор қилади:
1. Хорижда ота-онаси қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш тартиби тўғрисидаги низом иловага мувофиқ тасдиқлансин.
2. Белгилансинки:
Хорижда ота-онаси қарамоғидан маҳрум бўлган Ўзбекистон Республикаси фуқароларининг, шунингдек, Ўзбекистон Республикасида доимий яшаётган фуқаролиги бўлмаган шахсларнинг вояга етмаган болалари (кейинги ўринларда хорижда ота-онаси қарамоғидан маҳрум бўлган болалар деб аталади) Ўзбекистон Республикасига Ўзбекистон Республикаси Ички ишлар вазирлиги ва Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан қайтарилади;
хорижда ота-онаси қарамоғидан маҳрум бўлган 3 ёшгача бўлган болаларни Ўзбекистон Республикасига қайтариш Ўзбекистон Республикаси Ички ишлар вазирлиги ва Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан Соғлиқни сақлаш вазирлиги билан биргаликда ташкил этилади;
хорижий давлатлар ҳудудида ота-онаси қарамоғидан маҳрум бўлган болаларнинг шахсини тасдиқловчи ҳужжати бўлмаган тақдирда, уларнинг Ўзбекистон Республикаси фуқаролигига мансублигини тасдиқлаш, шунингдек, бола шахсини тасдиқловчи ҳамда унга Ўзбекистон Республикасига кириш (қайтиб келиш) ҳуқуқини берувчи вақтинчалик ҳужжатни расмийлаштириш ва бериш Ўзбекистон Республикасининг хориждаги дипломатик ваколатхоналари ва консуллик муассасалари томонидан амалга оширилади;
Болалар масалалари бўйича миллий комиссия, Болалар масалалари бўйича Қорақалпоғистон Республикаси, вилоятлар ва Тошкент шаҳар ҳамда туман (шаҳар) комиссиялари, таълимни давлат томонидан бошқариш органлари, таълим муассасалари, давлат соғлиқни сақлаш тизимини бошқариш органлари, соғлиқни сақлаш муассасалари, фуқаролик ҳолати далолатномаларини ёзиш органлари, фуқароларнинг ўзини ўзи бошқариш органлари, бошқа давлат органлари ва ташкилотлари хорижда ота-онаси қарамоғидан маҳрум бўлган болаларни Ўзбекистонга қайтаришда иштирок этувчилар ҳисобланади;
барча вазирлик ва идоралар ҳамда уларнинг ҳудудий ва таркибий тузилмалари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳамда туман (шаҳар) ҳокимликлари хорижда ота-онаси қарамоғидан маҳрум бўлган болалар бўйича ички ишлар органларининг сўровномаларини ўрганиб чиқиб, тегишли маълумотлар ўз вақтида тақдим этилишини таъминлайди.
3. Ўзбекистон Республикаси Ташқи ишлар вазирлиги Ички ишлар вазирлиги билан биргаликда бир ой муддатда ушбу қарор талабларидан келиб чиқиб, Ўзбекистон Республикаси иштирокчиси бўлган халқаро шартномаларга зарур ўзгартириш ва қўшимчалар киритиш ҳақидаги билдиришномаларни мазкур шартномалар депозитарийларига юборилишини таъминласин.
4. Ўзбекистон Республикаси Ички ишлар вазирлиги тегишли вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожланиш масалалари бўйича ўринбосари А.А. Абдухакимов, Ўзбекистон Республикаси ички ишлар вазири П.Р. Бобожонов ва Ўзбекистон Республикаси соғлиқни сақлаш вазири А.Қ. Шадманов зиммасига юклансин.
Вазирлар Маҳкамасининг 2020 йил 7 январдаги 6-сон қарорига ИЛОВА
Хорижда ота-онаси қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш тартиби тўғрисида
1-боб. Умумий қоидалар
1. Ушбу Низом хорижда ота-онаси қарамоғидан маҳрум бўлган Ўзбекистон Республикаси фуқароларининг, шунингдек, Ўзбекистон Республикасида доимий яшаётган фуқаролиги бўлмаган шахсларнинг вояга етмаган болаларини Ўзбекистон Республикасига қайтариш (кейинги ўринларда хорижда ота-онаси қарамоғидан маҳрум бўлган болаларни қайтариш деб аталади) ишларини амалга ошириш тартибини белгилайди.
2. Хорижда ота-онаси қарамоғидан маҳрум бўлган болаларни қайтариш борасидаги фаолият Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ҳукумат қарорлари ва фармойишларига, Ўзбекистон Республикаси иштирокчиси бўлган халқаро шартномаларга, шунингдек, ушбу Низомга мувофиқ амалга оширилади.
3. Ўзбекистон Республикаси Ички ишлар вазирлиги, Ўзбекистон Республикаси Президенти ҳузуридаги Ижтимоий ҳимоя миллий агентлиги, Ташқи ишлар вазирлиги ва Соғлиқни сақлаш вазирлиги (кейинги ўринларда ваколатли органлар деб аталади) хорижда ота-онаси қарамоғидан маҳрум бўлган болаларни қайтариш бўйича ваколатли органлар ҳисобланади.
Хорижда ота-онаси қарамоғидан маҳрум бўлган болаларни қайтариш борасидаги фаолият Ўзбекистон Республикаси Ички ишлар вазирлигининг Ҳуқуқбузарликлар профилактикаси бош бошқармаси (кейинги ўринларда Ҳуқуқбузарликлар профилактикаси бош бошқармаси деб аталади) томонидан мувофиқлаштирилиб борилади.
4. Хорижда ота-онаси қарамоғидан маҳрум бўлган болаларни қайтариш борасидаги тадбирлар мазкур Низомга иловага мувофиқ схема асосида амалга оширилади.
2-боб. Хорижда ота-онаси қарамоғидан маҳрум бўлган болаларни қайтариш борасида ўзаро ахборот алмашиш тартиби
5. Хорижда ота-онаси қарамоғидан маҳрум бўлган болалар бўйича маълумотлар ушбу давлатларнинг ваколатли органларидан Ўзбекистон Республикасининг хориждаги дипломатик ваколатхоналари ва консуллик муассасаларига келиб тушганда ёхуд уларнинг ота-оналари ёки уларнинг ўрнини босувчи шахслар, васийлик ва ҳомийлик органлари ёки бошқа яқин қариндошларининг мурожаатлари Ўзбекистон Республикаси Ташқи ишлар вазирлигига келиб тушган куни зудлик билан Ўзбекистон Республикаси Ташқи ишлар вазирлигининг Консуллик-ҳуқуқий департаментига (кейинги ўринларда Консуллик-ҳуқуқий департаменти деб аталади) юборилади.
6. Ваколатли органлар хорижда ота-онаси қарамоғидан маҳрум бўлган болалар бўйича маълумотларни Ўзбекистон Республикаси иштирокчиси бўлган халқаро шартномаларда белгиланган тартибда ўзаро ахборот алмашиш йўли билан ҳам олиши мумкин.
7. Консуллик-ҳуқуқий департаменти Ўзбекистон Республикасининг хориждаги дипломатик ваколатхоналари ва консуллик муассасаларидан хорижда ота-онаси қарамоғидан маҳрум бўлган болалар бўйича олган маълумотларни бир иш куни мобайнида Ўзбекистон Республикаси Ички ишлар вазирлигининг Ҳуқуқбузарликлар профилактикаси бош бошқармасига ва Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)га юборади.
3-боб. Хорижда ота-онаси қарамоғидан маҳрум бўлган болаларни қайтариш тартиби
8. Бошқа давлатлардаги ваколатли органлар томонидан хорижда ота-онаси қарамоғидан маҳрум бўлган болаларни қайтариш тўғрисида юборилган маълумот Ҳуқуқбузарликлар профилактикаси бош бошқармасига келиб тушган вақтдан бошлаб, Агентлик ва унинг ҳудудий бўлинмалари билан биргаликда болага оид барча маълумотлар ўн беш кун ичида жамланади.
9. Ҳуқуқбузарликлар профилактикаси бош бошқармаси ва унинг ҳудудий бўлинмалари Агентликнинг ҳудудий бўлинмалари билан биргаликда қайтарилиши лозим бўлган бола тўғрисида фуқаролар йиғинидан, доимий ёки вақтинча яшаганлиги, яқин қариндошлари, ота-онаси тўғрисида, ФҲДЁ органларидан туғилганлик гувоҳномаси, халқ таълими бўлимидан ўқиган таълим муассасаси тўғрисидаги маълумотлар олинишини таъминлайди.
10. Ҳуқуқбузарликлар профилактикаси бош бошқармаси ёки унинг ҳудудий бўлинмалари зарурат туғилганда, олиб келиниши лозим бўлган бола тўғрисида давлат органларидан, бошқа ташкилотлардан ҳамда фуқаролардан маълумотлар, бошқа зарур ҳужжатлар ҳамда материалларни сўраш ва олиш ҳуқуқига эга бўлиб, бунинг учун уларга сўров хати билан мурожаат қилади.
11. Барча маълумотлар тўплангандан сўнг:
3 ёшдан катта болаларни олиб келиш учун Ўзбекистон Республикаси Ички ишлар вазирлиги раҳбарияти ва Агентлик раҳбариятининг тегишли кўрсатмасига асосан ички ишлар органлари ва Агентлик ҳудудий бўлинмалари масъул ходимларига;
3 ёшга тўлмаган болаларни олиб келиш бўйича Ички ишлар вазирлиги, Агентлик ҳамда Соғлиқни сақлаш вазирлиги раҳбариятининг тегишли кўрсатмасига асосан ички ишлар, Агентлик ҳудудий бўлинмалари ва соғлиқни сақлаш органлари масъул ходимларига шу куннинг ўзида хизмат сафари гувоҳномаси расмийлаштирилади ҳамда болаларни қайтариш учун ушбу болалар ушлаб турилган давлатга хизмат сафарига юборилади.
12. Хорижда ота-онаси қарамоғидан маҳрум бўлган 3 ёшга тўлмаган болаларни қайтариш борасидаги тадбирлар ҳуқуқбузарликлар профилактикаси бўлинмалари ва Агентликнинг ҳудудий бўлинмалари томонидан соғлиқни сақлаш органлари (болалар уйлари)нинг тиббиёт ходимлари кузатувида амалга оширилади.
13. Хорижда ота-онаси қарамоғидан маҳрум бўлган болаларни қайтаришда ички ишлар, Агентлик ва соғлиқни сақлаш органларининг масъул ходимлари қуйидагича ажратилади:
1-2 нафар вояга етмаганни олиб келиш учун 1 нафардан;
3-4 нафар вояга етмаганни олиб келиш учун 2 нафардан;
5 нафар ва ундан кўп вояга етмаганни олиб келиш учун 3 нафардан.
14. Хорижда ота-онаси қарамоғидан маҳрум бўлган болаларни қайтаришда икки ёки ундан ортиқ ходим иштирок этаётган бўлса, ваколатли органлар раҳбарияти томонидан гуруҳ раҳбари тайинланади.
15. Ваколатли органлар раҳбарияти хизмат сафарига юборилаётган ходимлар билан болаларни қайтариш юзасидан белгиланган тартибда йўриқнома ўтказади.
4-боб. Ўзбекистонга қайтариб олиб келинган болалар билан профилактик тадбирларни ташкил этиш тартиби
16. Хорижда ота-онаси қарамоғидан маҳрум бўлган болалар олиб келингандан сўнг доимий яшаш жойи бўйича Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари Агентлик ҳудудий бўлинмалари билан биргаликда уларни ота-оналари ёки уларнинг ўрнини босувчи шахсларга қайтариш, муқобил жойлаштириш шаклларига ёхуд Ички ишлар органларининг вояга етмаганларга ижтимоий-ҳуқуқий ёрдам кўрсатиш марказларига (кейинги ўринларда вояга етмаганларга ижтимоий-ҳуқуқий ёрдам кўрсатиш маркази деб аталади) қонунчилик ҳужжатларига мувофиқ жойлаштириш чораларини кўради.
17. Вояга етмаганларга ижтимоий-ҳуқуқий ёрдам кўрсатиш марказига жойлаштирилган хорижда ота-онаси қарамоғидан маҳрум бўлган 3 ёшдан катта болалар билан ушбу марказнинг психологи ҳамда ижтимоий ходими томонидан қонунчилик ҳужжатларига мувофиқ профилактик тадбирлар амалга оширилади.
18. Хорижда ота-онаси қарамоғидан маҳрум бўлган 3 ёшга тўлмаган болалар олиб келингандан сўнг шу куннинг ўзида қонунчилик ҳужжатларига мувофиқ болалар уйларига жойлаштирилади.
19. Қайтарилган болаларнинг ота-онаси (ота-оналарнинг ўрнини босувчи шахслар) ёхуд улардан бири Ўзбекистон Республикасида бўлган ҳолларда, олиб келинган болалар қонунчилик ҳужжатларига мувофиқ шу куннинг ўзида ота-онаси ёки уларнинг ўрнини босувчи шахсларга топширилади.
5-боб. Якунловчи қоидалар
20. Мазкур Низом бандлари ва Ўзбекистон Республикаси иштирокчиси бўлган халқаро шартномаларнинг бандлари ўртасида зиддият юзага келганда, Ўзбекистон Республикасининг халқаро шартномалари амал қилади.
21. Болаларни қайтариш борасидаги сарф-харажатлар қонунчилик ҳужжатларига мувофиқ ваколатли органларнинг бюджет ва бюджетдан ташқари маблағлари ҳисобидан амалга оширилади.
Хорижда ота-онаси қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш тартиби тўғрисидаги низомга ИЛОВА
Хорижда ота-онаси қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш
Босқичлар Субъект Бажариш механизми Бажариш муддатлари 1-босқич Ўзбекистон Республикасининг хориждаги дипломатик ваколатхоналари ва консуллик муассасалари Хорижда ота-онаси қарамоғидан маҳрум болаларнинг ота-онаси, уларнинг ўрнини босувчи шахслар. васийлик ва ҳомийлик органлари ёки бошқа яқин қариндоши 1. Хорижда ота-онаси қарамоғидан маҳрум бўлган Ўзбекистон Республикаси фуқароларининг, шунингдек, Ўзбекистон Республикасида доимий яшаётган фуқаролиги бўлмаган шахсларнинг болалари бўйича олинган маълумотларни Ташқи ишлар вазирлигининг Консуллик-ҳуқуқий департаментига юборади. Маълумот олинган кулга 2. Хорижда ота-онаси қарамоғидан маҳрум бўлган болалар бўйича маълумотларни тўғридан-тўғри Ташқи ишлар вазирлигига (Консуллик-ҳуқуқий департаментига) тақдим этади. 2-босқич Ташқи ишлар вазирлигининг Консуллик-ҳуқуқий департаменти Ўзбекистон Республикасининг хориждаги дипломатик ваколатхоналари ва консуллик муассасаларидан хорижда ота-онаси қарамоғидан маҳрум бўлган болалар бўйича олинган маълумотларни Ички ишлар вазирлигининг Ҳуқуқбузарликлар профилактикаси бош бошқармасига ва Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)га юборади. 1 иш кунида 3-босқич Ички ишлар вазирлигининг Ҳуқуқбузарликлар профилактикаси бош бошқармаси Агентлик ва унинг ҳудудий бўлинмалари Хорижда ота-онаси қарамоғидан маҳрум бўлган болаларни қайтариш тўғрисидаги маълумот келиб тушган вақтдан бошлаб болага оид барча маълумотларни жамлайди. 15 кун ичида 4-босқич Ички ишлар вазирлиги, Агентлик, Соғлиқни сақлаш вазирлиги 1. Барча маълумотлар тўплангандан сўнг Ички ишлар вазирлиги, Агентлик ҳамда Соғлиқни сақлаш вазирлиги раҳбарияти тегишли кўрсатмасига асосан хизмат сафари гувоҳномаси расмийлаштиради. Шу куннинг ўзида 2. Болаларни қайтариш учун масъул ходимлар ушбу болалар ушлаб турилган давлатга хизмат сафарига юборилади. Белгиланган муддатда 5-босқич Ички ишлар органлари, Агентлик ва унинг ҳудудий бўлинмалари Хорижда ота-онаси қарамоғидан маҳрум бўлган болалар олиб келингандан сўнг доимий яшаш жойи бўйича уларни ота-оналари ёки уларнинг ўрнини босувчи шахсларга қайтариш, муқобил жойлаштириш шаклларига ёхуд Вояга етмаганларга ижтимоий-ҳуқуқий ёрдам кўрсатиш марказларига қонунчилик ҳужжатларига мувофиқ жойлаштириш чораларини кўради. Шу куннинг ўзида
Ўзбекистон Республикасининг Бош вазири А. АРИПОВ
Тошкент ш.,
2020 йил 7 январь,
6-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining bolalarini Oʻzbekiston Respublikasiga qaytarish tartibini takomillashtirish toʻgʻrisida
Oʻzbekiston Respublikasi Prezidentining “Yetim bolalar va ota-onasi qaramogʻidan mahrum boʻlgan bolalarni ijtimoiy himoya qilishni kuchaytirishga oid qoʻshimcha chora-tadbirlar toʻgʻrisida” 2019-yil 11-fevraldagi PQ-4185-son qaroriga muvofiq Vazirlar Mahkamasi qaror qiladi:
1. Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining bolalarini Oʻzbekiston Respublikasiga qaytarish tartibi toʻgʻrisidagi nizom ilovaga muvofiq tasdiqlansin.
2. Belgilansinki:
Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining, shuningdek, Oʻzbekiston Respublikasida doimiy yashayotgan fuqaroligi boʻlmagan shaxslarning voyaga yetmagan bolalari (keyingi oʻrinlarda xorijda ota-onasi qaramogʻidan mahrum boʻlgan bolalar deb ataladi) Oʻzbekiston Respublikasiga Oʻzbekiston Respublikasi Ichki ishlar vazirligi va Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan qaytariladi;
xorijda ota-onasi qaramogʻidan mahrum boʻlgan 3 yoshgacha boʻlgan bolalarni Oʻzbekiston Respublikasiga qaytarish Oʻzbekiston Respublikasi Ichki ishlar vazirligi va Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan Sogʻliqni saqlash vazirligi bilan birgalikda tashkil etiladi;
xorijiy davlatlar hududida ota-onasi qaramogʻidan mahrum boʻlgan bolalarning shaxsini tasdiqlovchi hujjati boʻlmagan taqdirda, ularning Oʻzbekiston Respublikasi fuqaroligiga mansubligini tasdiqlash, shuningdek, bola shaxsini tasdiqlovchi hamda unga Oʻzbekiston Respublikasiga kirish (qaytib kelish) huquqini beruvchi vaqtinchalik hujjatni rasmiylashtirish va berish Oʻzbekiston Respublikasining xorijdagi diplomatik vakolatxonalari va konsullik muassasalari tomonidan amalga oshiriladi;
Bolalar masalalari boʻyicha milliy komissiya, Bolalar masalalari boʻyicha Qoraqalpogʻiston Respublikasi, viloyatlar va Toshkent shahar hamda tuman (shahar) komissiyalari, taʼlimni davlat tomonidan boshqarish organlari, taʼlim muassasalari, davlat sogʻliqni saqlash tizimini boshqarish organlari, sogʻliqni saqlash muassasalari, fuqarolik holati dalolatnomalarini yozish organlari, fuqarolarning oʻzini oʻzi boshqarish organlari, boshqa davlat organlari va tashkilotlari xorijda ota-onasi qaramogʻidan mahrum boʻlgan bolalarni Oʻzbekistonga qaytarishda ishtirok etuvchilar hisoblanadi;
barcha vazirlik va idoralar hamda ularning hududiy va tarkibiy tuzilmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari xorijda ota-onasi qaramogʻidan mahrum boʻlgan bolalar boʻyicha ichki ishlar organlarining soʻrovnomalarini oʻrganib chiqib, tegishli maʼlumotlar oʻz vaqtida taqdim etilishini taʼminlaydi.
3. Oʻzbekiston Respublikasi Tashqi ishlar vazirligi Ichki ishlar vazirligi bilan birgalikda bir oy muddatda ushbu qaror talablaridan kelib chiqib, Oʻzbekiston Respublikasi ishtirokchisi boʻlgan xalqaro shartnomalarga zarur oʻzgartirish va qoʻshimchalar kiritish haqidagi bildirishnomalarni mazkur shartnomalar depozitariylariga yuborilishini taʼminlasin.
4. Oʻzbekiston Respublikasi Ichki ishlar vazirligi tegishli vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlanish masalalari boʻyicha oʻrinbosari A.A. Abduxakimov, Oʻzbekiston Respublikasi ichki ishlar vaziri P.R. Bobojonov va Oʻzbekiston Respublikasi sogʻliqni saqlash vaziri A.Q. Shadmanov zimmasiga yuklansin.
Vazirlar Mahkamasining 2020-yil 7-yanvardagi 6-son qaroriga ILOVA
Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining bolalarini Oʻzbekiston Respublikasiga qaytarish tartibi toʻgʻrisida
1-bob. Umumiy qoidalar
1. Ushbu Nizom xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining, shuningdek, Oʻzbekiston Respublikasida doimiy yashayotgan fuqaroligi boʻlmagan shaxslarning voyaga yetmagan bolalarini Oʻzbekiston Respublikasiga qaytarish (keyingi oʻrinlarda xorijda ota-onasi qaramogʻidan mahrum boʻlgan bolalarni qaytarish deb ataladi) ishlarini amalga oshirish tartibini belgilaydi.
2. Xorijda ota-onasi qaramogʻidan mahrum boʻlgan bolalarni qaytarish borasidagi faoliyat Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Hukumat qarorlari va farmoyishlariga, Oʻzbekiston Respublikasi ishtirokchisi boʻlgan xalqaro shartnomalarga, shuningdek, ushbu Nizomga muvofiq amalga oshiriladi.
3. Oʻzbekiston Respublikasi Ichki ishlar vazirligi, Oʻzbekiston Respublikasi Prezidenti huzuridagi Ijtimoiy himoya milliy agentligi, Tashqi ishlar vazirligi va Sogʻliqni saqlash vazirligi (keyingi oʻrinlarda vakolatli organlar deb ataladi) xorijda ota-onasi qaramogʻidan mahrum boʻlgan bolalarni qaytarish boʻyicha vakolatli organlar hisoblanadi.
Xorijda ota-onasi qaramogʻidan mahrum boʻlgan bolalarni qaytarish borasidagi faoliyat Oʻzbekiston Respublikasi Ichki ishlar vazirligining Huquqbuzarliklar profilaktikasi bosh boshqarmasi (keyingi oʻrinlarda Huquqbuzarliklar profilaktikasi bosh boshqarmasi deb ataladi) tomonidan muvofiqlashtirilib boriladi.
4. Xorijda ota-onasi qaramogʻidan mahrum boʻlgan bolalarni qaytarish borasidagi tadbirlar mazkur Nizomga ilovaga muvofiq sxema asosida amalga oshiriladi.
2-bob. Xorijda ota-onasi qaramogʻidan mahrum boʻlgan bolalarni qaytarish borasida oʻzaro axborot almashish tartibi
5. Xorijda ota-onasi qaramogʻidan mahrum boʻlgan bolalar boʻyicha maʼlumotlar ushbu davlatlarning vakolatli organlaridan Oʻzbekiston Respublikasining xorijdagi diplomatik vakolatxonalari va konsullik muassasalariga kelib tushganda yoxud ularning ota-onalari yoki ularning oʻrnini bosuvchi shaxslar, vasiylik va homiylik organlari yoki boshqa yaqin qarindoshlarining murojaatlari Oʻzbekiston Respublikasi Tashqi ishlar vazirligiga kelib tushgan kuni zudlik bilan Oʻzbekiston Respublikasi Tashqi ishlar vazirligining Konsullik-huquqiy departamentiga (keyingi oʻrinlarda Konsullik-huquqiy departamenti deb ataladi) yuboriladi.
6. Vakolatli organlar xorijda ota-onasi qaramogʻidan mahrum boʻlgan bolalar boʻyicha maʼlumotlarni Oʻzbekiston Respublikasi ishtirokchisi boʻlgan xalqaro shartnomalarda belgilangan tartibda oʻzaro axborot almashish yoʻli bilan ham olishi mumkin.
7. Konsullik-huquqiy departamenti Oʻzbekiston Respublikasining xorijdagi diplomatik vakolatxonalari va konsullik muassasalaridan xorijda ota-onasi qaramogʻidan mahrum boʻlgan bolalar boʻyicha olgan maʼlumotlarni bir ish kuni mobaynida Oʻzbekiston Respublikasi Ichki ishlar vazirligining Huquqbuzarliklar profilaktikasi bosh boshqarmasiga va Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ga yuboradi.
3-bob. Xorijda ota-onasi qaramogʻidan mahrum boʻlgan bolalarni qaytarish tartibi
8. Boshqa davlatlardagi vakolatli organlar tomonidan xorijda ota-onasi qaramogʻidan mahrum boʻlgan bolalarni qaytarish toʻgʻrisida yuborilgan maʼlumot Huquqbuzarliklar profilaktikasi bosh boshqarmasiga kelib tushgan vaqtdan boshlab, Agentlik va uning hududiy boʻlinmalari bilan birgalikda bolaga oid barcha maʼlumotlar oʻn besh kun ichida jamlanadi.
9. Huquqbuzarliklar profilaktikasi bosh boshqarmasi va uning hududiy boʻlinmalari Agentlikning hududiy boʻlinmalari bilan birgalikda qaytarilishi lozim boʻlgan bola toʻgʻrisida fuqarolar yigʻinidan, doimiy yoki vaqtincha yashaganligi, yaqin qarindoshlari, ota-onasi toʻgʻrisida, FHDY organlaridan tugʻilganlik guvohnomasi, xalq taʼlimi boʻlimidan oʻqigan taʼlim muassasasi toʻgʻrisidagi maʼlumotlar olinishini taʼminlaydi.
10. Huquqbuzarliklar profilaktikasi bosh boshqarmasi yoki uning hududiy boʻlinmalari zarurat tugʻilganda, olib kelinishi lozim boʻlgan bola toʻgʻrisida davlat organlaridan, boshqa tashkilotlardan hamda fuqarolardan maʼlumotlar, boshqa zarur hujjatlar hamda materiallarni soʻrash va olish huquqiga ega boʻlib, buning uchun ularga soʻrov xati bilan murojaat qiladi.
11. Barcha maʼlumotlar toʻplangandan soʻng:
3 yoshdan katta bolalarni olib kelish uchun Oʻzbekiston Respublikasi Ichki ishlar vazirligi rahbariyati va Agentlik rahbariyatining tegishli koʻrsatmasiga asosan ichki ishlar organlari va Agentlik hududiy boʻlinmalari masʼul xodimlariga;
3 yoshga toʻlmagan bolalarni olib kelish boʻyicha Ichki ishlar vazirligi, Agentlik hamda Sogʻliqni saqlash vazirligi rahbariyatining tegishli koʻrsatmasiga asosan ichki ishlar, Agentlik hududiy boʻlinmalari va sogʻliqni saqlash organlari masʼul xodimlariga shu kunning oʻzida xizmat safari guvohnomasi rasmiylashtiriladi hamda bolalarni qaytarish uchun ushbu bolalar ushlab turilgan davlatga xizmat safariga yuboriladi.
12. Xorijda ota-onasi qaramogʻidan mahrum boʻlgan 3 yoshga toʻlmagan bolalarni qaytarish borasidagi tadbirlar huquqbuzarliklar profilaktikasi boʻlinmalari va Agentlikning hududiy boʻlinmalari tomonidan sogʻliqni saqlash organlari (bolalar uylari)ning tibbiyot xodimlari kuzatuvida amalga oshiriladi.
13. Xorijda ota-onasi qaramogʻidan mahrum boʻlgan bolalarni qaytarishda ichki ishlar, Agentlik va sogʻliqni saqlash organlarining masʼul xodimlari quyidagicha ajratiladi:
1-2 nafar voyaga yetmaganni olib kelish uchun 1 nafardan;
3-4 nafar voyaga yetmaganni olib kelish uchun 2 nafardan;
5 nafar va undan koʻp voyaga yetmaganni olib kelish uchun 3 nafardan.
14. Xorijda ota-onasi qaramogʻidan mahrum boʻlgan bolalarni qaytarishda ikki yoki undan ortiq xodim ishtirok etayotgan boʻlsa, vakolatli organlar rahbariyati tomonidan guruh rahbari tayinlanadi.
15. Vakolatli organlar rahbariyati xizmat safariga yuborilayotgan xodimlar bilan bolalarni qaytarish yuzasidan belgilangan tartibda yoʻriqnoma oʻtkazadi.
4-bob. Oʻzbekistonga qaytarib olib kelingan bolalar bilan profilaktik tadbirlarni tashkil etish tartibi
16. Xorijda ota-onasi qaramogʻidan mahrum boʻlgan bolalar olib kelingandan soʻng doimiy yashash joyi boʻyicha Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari Agentlik hududiy boʻlinmalari bilan birgalikda ularni ota-onalari yoki ularning oʻrnini bosuvchi shaxslarga qaytarish, muqobil joylashtirish shakllariga yoxud Ichki ishlar organlarining voyaga yetmaganlarga ijtimoiy-huquqiy yordam koʻrsatish markazlariga (keyingi oʻrinlarda voyaga yetmaganlarga ijtimoiy-huquqiy yordam koʻrsatish markazi deb ataladi) qonunchilik hujjatlariga muvofiq joylashtirish choralarini koʻradi.
17. Voyaga yetmaganlarga ijtimoiy-huquqiy yordam koʻrsatish markaziga joylashtirilgan xorijda ota-onasi qaramogʻidan mahrum boʻlgan 3 yoshdan katta bolalar bilan ushbu markazning psixologi hamda ijtimoiy xodimi tomonidan qonunchilik hujjatlariga muvofiq profilaktik tadbirlar amalga oshiriladi.
18. Xorijda ota-onasi qaramogʻidan mahrum boʻlgan 3 yoshga toʻlmagan bolalar olib kelingandan soʻng shu kunning oʻzida qonunchilik hujjatlariga muvofiq bolalar uylariga joylashtiriladi.
19. Qaytarilgan bolalarning ota-onasi (ota-onalarning oʻrnini bosuvchi shaxslar) yoxud ulardan biri Oʻzbekiston Respublikasida boʻlgan hollarda, olib kelingan bolalar qonunchilik hujjatlariga muvofiq shu kunning oʻzida ota-onasi yoki ularning oʻrnini bosuvchi shaxslarga topshiriladi.
5-bob. Yakunlovchi qoidalar
20. Mazkur Nizom bandlari va Oʻzbekiston Respublikasi ishtirokchisi boʻlgan xalqaro shartnomalarning bandlari oʻrtasida ziddiyat yuzaga kelganda, Oʻzbekiston Respublikasining xalqaro shartnomalari amal qiladi.
21. Bolalarni qaytarish borasidagi sarf-xarajatlar qonunchilik hujjatlariga muvofiq vakolatli organlarning budjet va budjetdan tashqari mablagʻlari hisobidan amalga oshiriladi.
Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining bolalarini Oʻzbekiston Respublikasiga qaytarish tartibi toʻgʻrisidagi nizomga ILOVA
Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining bolalarini Oʻzbekiston Respublikasiga qaytarish
Bosqichlar Subyekt Bajarish mexanizmi Bajarish muddatlari 1-bosqich Oʻzbekiston Respublikasining xorijdagi diplomatik vakolatxonalari va konsullik muassasalari Xorijda ota-onasi qaramogʻidan mahrum bolalarning ota-onasi, ularning oʻrnini bosuvchi shaxslar. vasiylik va homiylik organlari yoki boshqa yaqin qarindoshi 1. Xorijda ota-onasi qaramogʻidan mahrum boʻlgan Oʻzbekiston Respublikasi fuqarolarining, shuningdek, Oʻzbekiston Respublikasida doimiy yashayotgan fuqaroligi boʻlmagan shaxslarning bolalari boʻyicha olingan maʼlumotlarni Tashqi ishlar vazirligining Konsullik-huquqiy departamentiga yuboradi. Maʼlumot olingan kulga 2. Xorijda ota-onasi qaramogʻidan mahrum boʻlgan bolalar boʻyicha maʼlumotlarni toʻgʻridan-toʻgʻri Tashqi ishlar vazirligiga (Konsullik-huquqiy departamentiga) taqdim etadi. 2-bosqich Tashqi ishlar vazirligining Konsullik-huquqiy departamenti Oʻzbekiston Respublikasining xorijdagi diplomatik vakolatxonalari va konsullik muassasalaridan xorijda ota-onasi qaramogʻidan mahrum boʻlgan bolalar boʻyicha olingan maʼlumotlarni Ichki ishlar vazirligining Huquqbuzarliklar profilaktikasi bosh boshqarmasiga va Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ga yuboradi. 1 ish kunida 3-bosqich Ichki ishlar vazirligining Huquqbuzarliklar profilaktikasi bosh boshqarmasi Agentlik va uning hududiy boʻlinmalari Xorijda ota-onasi qaramogʻidan mahrum boʻlgan bolalarni qaytarish toʻgʻrisidagi maʼlumot kelib tushgan vaqtdan boshlab bolaga oid barcha maʼlumotlarni jamlaydi. 15 kun ichida 4-bosqich Ichki ishlar vazirligi, Agentlik, Sogʻliqni saqlash vazirligi 1. Barcha maʼlumotlar toʻplangandan soʻng Ichki ishlar vazirligi, Agentlik hamda Sogʻliqni saqlash vazirligi rahbariyati tegishli koʻrsatmasiga asosan xizmat safari guvohnomasi rasmiylashtiradi. Shu kunning oʻzida 2. Bolalarni qaytarish uchun masʼul xodimlar ushbu bolalar ushlab turilgan davlatga xizmat safariga yuboriladi. Belgilangan muddatda 5-bosqich Ichki ishlar organlari, Agentlik va uning hududiy boʻlinmalari Xorijda ota-onasi qaramogʻidan mahrum boʻlgan bolalar olib kelingandan soʻng doimiy yashash joyi boʻyicha ularni ota-onalari yoki ularning oʻrnini bosuvchi shaxslarga qaytarish, muqobil joylashtirish shakllariga yoxud Voyaga yetmaganlarga ijtimoiy-huquqiy yordam koʻrsatish markazlariga qonunchilik hujjatlariga muvofiq joylashtirish choralarini koʻradi. Shu kunning oʻzida
Oʻzbekiston Respublikasining Bosh vaziri A. ARIPOV
Toshkent sh.,
2020-yil 7-yanvar,
6-son