📅 2020-yil 10-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 10 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 января 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 10 January 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
ТАРТИБИ
РЎЙХАТИ
СХЕМАСИ
ДАСТУРИ
ДАСТУРИ
Ўзбекистон Республикаси Давлат ўқ-гильзотекаси фаолиятини ташкил этиш чора-тадбирлари тўғрисида
«Қурол тўғрисида»ги Ўзбекистон Республикаси Қонунига мувофиқ, шунингдек, Ўзбекистон Республикаси Давлат ўқ-гильзотекаси фаолиятини самарали ташкил этиш тартибини белгилаш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикасининг Давлат ўқ-гильзотекасини юритиш тартиби тўғрисидаги низом 1-иловага мувофиқ;
Ўзбекистон Республикаси Давлат ўқ-гильзотекаси фаолиятини ташкил этиш чора-тадбирлар дастури 2-иловага мувофиқ;
Ўзбекистон Республикасининг Давлат ўқ-гильзотекасини моддий-техник таъминлаш чора-тадбирлар дастури 3-иловага мувофиқ тасдиқлансин.
2. Ўзбекистон Республикаси Мудофаа вазирлиги ҳузуридаги Мудофаа саноати агентлиги Ўзбекистон Республикаси Ички ишлар вазирлигининг зарур жиҳозлар билан таъминлаш бўйича буюртманомаси олинган кундан эътиборан олти ой муддатда Ўзбекистон Республикасининг Давлат ўқ-гильзотекасини моддий-техник таъминлаш дастурида назарда тутилган моддий-техника воситалари етказиб берилишини таъминласин.
3. Ўзбекистон Республикаси Ички ишлар вазирлиги икки ой муддатда Ўзбекистон Республикаси Давлат ўқ-гильзотекаси фаолиятини самарали ташкил этиш учун зарур хоналар ажратсин, уларни реконструкция қилиш, жиҳозлаш ва бошқа зарур шарт-шароитлар билан таъминлаш чораларини кўрсин.
4. Ушбу қарорда назарда тутилган тадбирларни амалга ошириш билан боғлиқ харажатлар Ўзбекистон Республикаси Ички ишлар вазирлигининг асосланган ҳисоб-китобларига биноан ҳар йили ажратиладиган Ўзбекистон Республикаси Давлат бюджети маблағлари ҳисобига босқичма-босқич, Ички ишлар вазирлигининг бюджетдан ташқари маблағлари, шунингдек, хорижий мамлакатлар кредитлари ва халқаро молия институтлари маблағлари ҳамда қонунчилик ҳужжатларида тақиқланмаган бошқа манбалар ҳисобига қопланади.
5. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
6. Ушбу қарорнинг фуқаровий ва хизмат ўқотар қуролини назорат тартибида отиш қисми 2020 йил 1 июндан кучга киради.
7. Ушбу қарорнинг бажарилишини назорат қилиш Ўзбекистон Республикаси Ички ишлар вазири П.Р. Бобожонов зиммасига юклансин.
Вазирлар Маҳкамасининг 2020 йил 10 январдаги 13-сон қарорига 1-ИЛОВА
Ўзбекистон Республикасининг Давлат ўқ-гильзотекасини юритиш тартиби тўғрисида
1-боб. Умумий қоидалар
1. Ушбу Низом «Қурол тўғрисида»ги Ўзбекистон Республикаси Қонунига мувофиқ Ўзбекистон Республикасининг Давлат ўқ-гильзотекасини (кейиги ўринларда Давлат ўқ-гильзотекаси деб аталади) юритиш тартибини белгилайди.
2. Давлат ўқ-гильзотекаси Ўзбекистон Республикаси Ички ишлар вазирлиги (кейинги ўринларда Ички ишлар вазирлиги деб аталади) томонидан юритилади.
Ички ишлар вазирлиги Эксперт-криминалистика бош маркази (кейинги ўринларда Эксперт-криминалистика бош маркази деб аталади) Давлат ўқ-гильзотекасини юритишни амалга оширади.
3. Қуйидагилар Давлат ўқ-гильзотекасини юритишнинг мақсади ҳисобланади:
ўғирланган сойли стволли ўқотар қуролни қидириш;
бир неча жиноятларни содир этишда битта ёки шу нусхадаги сойли стволли ўқотар қурол ишлатилганлиги ҳолатларини аниқлаш;
жиноятни содир этишда фуқаровий ва хизмат, аниқланган, олинган ёки ихтиёрий топширилган сойли стволли ўқотар қуролдан фойдаланилганлиги ҳолатини аниқлаш.
4. Ушбу Низом қоидалари жанговар ўқотар қуролларга нисбатан татбиқ қилинмайди.
5. Ушбу Низомда қуйидаги асосий тушунчалар қўлланилади:
баллистик экспертиза — илмий-асосланган фактик маълумотларни аниқлаш мақсадида ўқотар қурол, унинг ўқ-дорилари ва уларни ишлатиш изларини тадқиқ қилиш учун ўтказиладиган экспертиза тури;
идентификация тадқиқоти — суд-экспертиза муассасасининг давлат суд эксперти амалга оширадиган ва экспертизани ўтказиш жараёнида махсус билимларни қўллаш асосида объектнинг айнанлилигини аниқлаш;
комбинацияланган ов қуроли — стволи сойли ва силлиқ бўлган ўқотар ов қуроли;
криминалистик ўқ-гильзотека — ҳодиса жойини кўздан кечиришда олинган, сойли стволли ўқотар қурол излари бўлган ўқ, гильза ва патронлар маълумотлар базаси;
қайдлов ўқ-гильзотека — фуқаровий ва хизмат сойли стволли ўқотар қуролдан назорат тартибида отилган ўқ ва гильзалар маълумотлар базаси;
назорат ўқлари ва гильзалари — ушбу Низом талабларига мувофиқ сойли стволли ўқотар қуролдан назорат тартибида отилган ўқ ва гильзалар;
силлиқ стволли ўқотар қурол — сойли қисмининг узунлиги бир юз қирқ миллиметрдан ошмайдиган ўқотар қурол;
сойли стволи алмаштириладиган ёки жойлаштириладиган силлиқ стволли ов қуроли — сойли стволли ўқотар қуролдан отиш учун мўлжалланган патрондан отиш имконини берувчи, алмаштириладиган ёки олиб қўйиладиган (сойли ствол) мосламаси мавжуд бўлган силлиқ стволли ўқотар қурол;
сойли стволли ўқотар қурол — ўққа айланма ҳаракат бериш учун ствол каналининг бутун узунлигида бурама кертиклари мавжуд бўлган ўқотар қурол;
ўқ ва гильза клонлари (нусхалари) — ўқ ва гильзаларнинг идентификация қилиш имконини берувчи микроизлари акс этган нусхалари;
фуқаровий қурол — жисмоний шахсларнинг ов ва спорт билан шуғулланишда, шунингдек, ўзини ўзи ҳимоя қилиш мақсадида фойдаланиши учун мўлжалланган сойли стволли ўқотар қурол;
хизмат қуроли — фуқароларнинг ҳаёти ва соғлиғини, мол-мулкни ҳимоя қилишга, табиатни ва табиий ресурсларни, қимматбаҳо ва хавфли юкларни, махсус хат-хабарларни муҳофаза қилишга доир қонунлар билан юкланган махсус вазифаларни бажариш чоғида юридик шахсларнинг ходимлари томонидан, шунингдек, давлат органларининг мансабдор шахслари томонидан шахсий хавфсизликни таъминлаш мақсадида фойдаланиш учун мўлжалланган ўқ отар сойли стволли қурол;
экспертлар — лавозим регламенти (лавозим йўриқномаси)га мувофиқ Давлат ўқ-гильзотекасини шакллантириш бўйича вазифаларни бажарадиган, фуқаровий ва хизмат қуролини назорат тартибида отишни, Давлат ўқ-гильзотекаси бўйича текширишни амалга оширадиган ва автоматлаштирилган баллистик идентификация тизими ёрдамида ҳисобни юритадиган ички ишлар органлари эксперт-криминалистика бўлинмаларининг давлат суд экспертлари.
6. Давлат ўқ-гильзотекаси маълумотлар базаси калибри 11,56 мм дан ортиқ бўлмаган сойли стволли ўқотар қуролнинг излари бўлган ўқ, гильза ва патронлардан шакллантирилади.
7. Қуйидагилар Давлат ўқ-гильзотекасида текширишдан ўтказилиши шарт:
аниқланган, олинган ёки ихтиёрий топширилган сойли стволли ўқотар қурол;
сойли стволлари алмаштириладиган ёки жойлаштириладиган силлиқ стволли ов қуроли;
комбинацияланган ов қуроли;
ҳодиса жойини кўздан кечиришда олинган, сойли стволли ўқотар қурол излари бўлган ўқ, гильза ва патронлар;
фуқаровий ва хизмат, шунингдек, «Қурол тўғрисида»ги Ўзбекистон Республикаси Қонунининг 12-моддаси еттинчи қисмида назарда тутилган сойли стволли жанговар ўқотар қуролнинг алоҳида турларидан назорат тартибида отилган ўқ ва гильзалар.
8. Давлат ўқ-гильзотекаси бўйича қуйидагиларнинг текширилиши мажбурий ҳисобланмайди:
отиш учун мослаштирилмаган барча турдаги сойли стволли ўқув ўқотар қуроли;
қониқарли сифатдаги экспериментал отилган ўқ ва гильзаларни олиш учун синган (бузилган) деталларни алмаштиришни ёки мавжуд бўлмаган деталларни бутлаш имкони бўлмаган, шунингдек, қуролнинг из ҳосил қилувчи қисм ва деталлари тўлиқ занглаган носоз сойли стволли ўқотар қурол.
Сойли стволли ўқотар қуролни Давлат ўқ-гильзотекаси бўйича текшириш учун яроқсизлиги ҳақидаги хулоса Эксперт-криминалистика бош маркази томонидан берилади.
9. Давлат ўқ-гильзотекаси ҳисоби хорижий давлатлар ўқ-гильзотекаси бўйича текширишларни амалга оширишни ҳисобга олган ҳолда умумдавлат даражасида юритилади.
Эксперт-криминалистика бош маркази хорижий мамлакатлар ваколатли органларининг тегишли сўровларига асосан Ўзбекистон Республикасининг халқаро шартномаларига мувофиқ Давлат ўқ-гильзотекаси бўйича текширишларни ўтказиши мумкин.
Терговга қадар текширув, суриштирув ва дастлабки терговни амалга оширувчи органларнинг сўрови асосида Эксперт-криминалистика бош маркази ўқ ва гильзаларни хорижий мамлакатлар ўқ-гильзотекаси бўйича текширишни ташкил этади.
10. Давлат ўқ-гильзотекаси ҳисобини юритиш қўшимча равишда автоматлаштирилган баллистик идентификация тизими ёрдамида амалга оширилади. Автоматлаштирилган баллистик идентификация тизимидан фойдаланиш ушбу Низомда белгиланган тартибда ва автоматлаштирилган баллистик идентификация тизимининг фойдаланиш ҳужжатларига мувофиқ амалга оширилади.
2-боб. Давлат ўқ-гильзотекасини юритиш тартиби
11. Давлат ўқ-гильзотекаси маълумотлар базаси криминалистик ва қайдлов ўқ-гильзотекаси шаклларида юритилади.
12. Ҳодиса жойини кўздан кечиришда олинган сойли стволли ўқотар қурол излари тушган ўқ, гильза ва патронлар криминалистик ўқ-гильзотекага ҳисобга қўйиш учун юборилиши шарт.
Криминалистик ўқ-гильзотекасига ҳисобга қўйилганда ва у бўйича текширилганда йиғим ундирилмайди.
13. Қайдлов ўқ-гильзотекасига фуқаровий ва хизмат қуроллари, сойли стволи алмаштириладиган ёки жойлаштириладиган силлиқ стволли ов қуроли, комбинацияланган ов қуроли, шунингдек, «Қурол тўғрисида»ги Ўзбекистон Республикаси Қонунининг 12-моддаси еттинчи қисмида назарда тутилган калибри 11,56 ммдан ортиқ бўлмаган сойли стволли жанговар қуролнинг алоҳида турлари, назорат тартибида отилган ўқ ва гильзалар ҳисобга қўйилади.
Қайдлов ўқ-гильзотекасига ҳисобга қўйиш учун отиш тартиби ушбу Низомга 1-иловага мувофиқ амалга оширилади.
14. Фуқаровий ва хизмат қуролининг ҳар бири назорат тартибида отилганида базавий ҳисоблаш миқдорининг иккидан бир қисми миқдорида йиғим ундирилади.
Йиғим суммаси Эксперт-криминалистика бош марказининг ҳисоб рақамига ўтказилади.
15. Тўпланган маблағ Эксперт-криминалистика бош маркази ва унинг бўлинмаларининг моддий-техник базасини ривожлантиришга, шу жумладан, криминалистик лабораторияларнинг сарфлаш материаллари, ускуналари, жиҳозларини сотиб олишга, шунингдек, ушбу лабораторияларга бириктирилган ходимларни моддий рағбатлантириш тадбирларига сарфланади.
3-боб. Криминалистик ўқ-гильзотекани юритиш тартиби
16. Сойли стволли ўқотар қуролдан келгусида криминалистик ўқ-гильзотекаси бўйича текшириш учун отиш терговга қадар текширув, суриштирув ва дастлабки терговни амалга оширувчи органларнинг баллистика экспертизасини тайинлаш тўғрисидаги қарорига асосан ҳудудий эксперт-криминалистика бўлинмалари томонидан амалга оширилади.
Қуролдан отиш ва уни криминалистик ўқ-гильзотекаси бўйича текшириш ушбу Низомга 2-иловага мувофиқ шаклдаги сўров асосида ҳам амалга оширилиши мумкин.
Ҳудудий эксперт-криминалистика бўлинмаларида отишнинг имкони бўлмаганида (тегишли ўқ-дориларнинг йўқлиги, қурол нусхасининг носозлиги ва бирон-бир қисм ва деталларнинг йўқлиги учун нуқсонларини тиклашнинг имкони бўлмаганида) қурол, баллистика экспертизасини тайинлаш тўғрисидаги қарор, шунингдек, ушбу қурол юзасидан аввал ўтказилган тадқиқот бўйича эксперт хулосаси (далолатнома) нусхаси терговга қадар текширув, суриштирув ва дастлабки терговни амалга оширувчи орган томонидан Эксперт-криминалистика бош марказига юборилади.
Эксперт-криминалистика бош марказининг қурол коллекциясидаги деталлардан, синган (бузилган) деталлар алмаштирилганда ёки мавжуд эмаслари бутланганда, носоз қурол отилиб, текшириш натижалари эксперт хулосасида акс эттирилади.
Эксперт-криминалистика бош марказининг қурол коллекциясида зарур деталь йўқлигида отиш амалга оширилмайди ва уч иш куни мобайнида терговга қадар текширув, суриштирув ва дастлабки терговни амалга оширувчи органга қурол, эксперт хулосаси, отишнинг имкони йўқлиги сабаблари ҳақида маълум қилади.
Қурол ва патронларни эксперт-криминалистика бўлинмаларига юбориш ва қайтариш тартиби қонунчилик ҳужжатларида белгиланган тартибда амалга оширилади.
17. Қуролдан отилган ўқ ва гильзалар отилган кундан бошлаб уч иш кунида Давлат ўқ-гильзатекасига қуролни отишни амалга оширган эксперт томонидан юборилади.
18. Назорат ўқ ва гильзалар Давлат ўқ-гильзотекасига тушган кундан бошлаб ўн беш иш куни мобайнида текширилади.
Тақдим этилган назорат ўқлари ва гильзалари кўп миқдорда (ўттиз донадан ортиқ) бўлган тақдирда, текширишни амалга ошириш муддати Эксперт-криминалистика бош маркази бошлиғи томонидан ўн иш кунидан ортиқ бўлмаган муддатга узайтирилиши мумкин.
19. Текшириш натижалари бўйича ушбу Низомга 3-иловага мувофиқ шаклдаги маълумотнома расмийлаштирилади.
20. Назорат тартибида отилган қурол отиш ва тадқиқот ўтказилгандан кейин хулоса ва (ёки) маълумотнома билан терговга қадар текширув, суриштирув ва дастлабки терговни амалга оширувчи органига тадқиқотга тақдим этилган ҳолатда қайтарилади.
21. Криминалистик ўқ-гильзотекаси маълумотлари ҳодиса тафсилоти, иш рақами, қурол, патрон, ўқ ва гильзаларнинг олинган жойи ва вақти, хусусияти ва миқдорига кўра тизимлаштирилади.
Ҳисоб қоғоз ва электрон шаклда юритилади. Қоғоздаги ва электрон манбалардаги ёзувлар ўртасида номувофиқлик мавжуд бўлган тақдирда, қоғоз манбалардаги ёзувлар устувор аҳамиятга эга бўлади.
22. Давлат ўқ-гильзатекаси бўйича текшириш жараёнларида ўқ ва гильзаларнинг клонлари (нусхалари) қўшимча равишда фойдаланилиши мумкин.
23. Сойли стволли ўқотар қуролдан, шунингдек, сойли стволлари алмаштириладиган ёки жойлаштириладиган ов силлиқ стволли қуролдан ва комбинацияланган ов қуролидан отишни амалга ошириш учун терговга қадар текширув, суриштирув ва дастлабки терговни амалга оширувчи орган томонидан тегишли ўқ-дорилар тақдим қилинмаганида, Эксперт-криминалистика марказида мавжуд бўлган ўқ-дорилардан фойдаланилади.
Эксперт-криминалистика бош марказига тақдим этилган қуролдан отиш учун зарур бўлган ўқ-дорилар мавжуд бўлмаганда отиш амалга оширилмайди. Тақдим этилган қурол уч иш куни мобайнида терговга қадар текширув, суриштирув ва дастлабки терговни амалга оширувчи органга отишнинг имкони йўқлиги сабаблари маълум қилинган ҳолда қайтарилади.
4-боб. Қайдлов гильзотекасини юритиш тартиби
24. Фуқаровий ва хизмат қуролидан назорат тартибида отишни амалга оширадиган эксперт-криминалистика бўлинмалари ушбу Низомга 4-иловадаги рўйхатга мувофиқ тақсимланади.
Фуқаровий ва хизмат қуролидан назорат тартибида отишга қуролнинг эгаси ёки юридик шахс вакилининг мурожаати ушбу Низомга 5-иловага мувофиқ шакл бўйича расмийлаштирилади.
Фуқаровий ва хизмат қуролидан назорат тартибида отиш қуролнинг қонуний эгалик ҳуқуқини тасдиқловчи ҳужжат тақдим этилганидан сўнг амалга оширилади.
Тўлов мурожаат қилинган кундан бошлаб уч иш куни мобайнида амалга оширилади.
Тўлов амалга оширилмаган ҳолатда эксперт-криминалистика бўлинмалари қуролнинг эгаси ёки юридик шахс вакилига назорат тартибида отиш бажарилмаганлиги ҳақида хабар қилиб, тақдим қилинган ҳужжатлар, қурол ва патронларни қайтаради.
25. Жисмоний ва юридик шахсларнинг сойли стволли ўқотар қуролини назорат тартибида отишни ўтказиш ушбу Низомга 6-иловада келтирилган схемага мувофиқ амалга оширилади.
26. Фуқаровий ва хизмат қуролидан назорат тартибида отиш ушбу Низомга 7-иловада келтирилган шаклдаги далолатнома билан уч нусхада расмийлаштиради.
Далолатноманинг биринчи нусхаси ҳудудий ички ишлар органига — қурол эгасининг назорат-кузатув йиғма жилдига киритиш учун, иккинчи нусхаси — қурол ва сарфланмаган патронлар билан юридик шахсга ёки эгасига ҳамда учинчи нусхаси эса назорат ўқлари ва гильзалари билан Давлат ўқ-гильзотекасига юборилади.
Далолатнома фуқаровий ва хизмат қуролидан назорат тартибида отишни амалга оширган эксперт томонидан тузилади.
Фуқаровий қуроллар бўйича далолатномани бериш билан бирга қурол эгасининг ов билетига эксперт-криминалистика бўлинмаларининг штампи босилиб ва экспертнинг имзоси қўйилиб, назорат тартибида отилганлиги тасдиқланади.
27. Қайдлов ўқ-гильзотекасидаги ахборотлар қуролнинг тури, русуми, калибри, серияси, рақами, ишлаб чиқарилган йили, эгаси, назорат отиш ўтказилган санаси ва назорат ўқ ҳамда гильза ҳисобга қўйилганлиги, уларни ҳисобдан чиқаришнинг асоси ва санаси тўғрисидаги маълумотлари тизимлаштирилган ҳолда ҳисобга қўйилади.
Ҳисоб қоғоз ва электрон шаклда юритилади. Қоғоздаги ва электрон манбалардаги ёзувлар ўртасида номувофиқлик мавжуд бўлган тақдирда, қоғоз манбалардаги ёзувлар устувор аҳамиятга эга бўлади.
28. Фуқаровий ва хизмат қуролини назорат тартибида отишни ўтказиш учун қурол эгаси ёки юридик шахс вакили эксперт-криминалистика бўлинмасига қуролнинг сойли стволи каналини отилган ўқлардаги изларни ўзгаришига сабаб бўлувчи ифлосланишлардан ва заводдаги консервациялаш мойидан механик таъсирга йўл қўймайдиган усулда тозаланган ҳолда соз ўқотар қуролини, шунингдек, ҳар бир қурол нусхасига беш дона, қўшимча алмаштириладиган сойли ствол ва ўқдон мавжуд бўлганида ҳам беш дона патрон, револьверлардан отишда эса барабаннинг ҳар бир каморига иккитадан патрон тақдим этади.
Ушбу талаблар бажарилмаганда отиш амалга оширилмайди, қурол ва патронларни қурол эгасига ёки юридик шахс вакилига отишнинг имкони йўқлиги сабаблари маълум қилинган хат билан қайтаради.
29. Назорат тартибида отиладиган фуқаровий ва хизмат қуроли ҳамда унинг патронлари қурол эгаси ёки юридик шахс вакили томонидан назорат отиш ўтказиладиган эксперт-криминалистика бўлинмасига мустақил равишда етказилади.
30. Фуқаровий ва хизмат қуроллари, сойли стволи алмаштириладиган ёки жойлаштириладиган силлиқ стволли ов қуроли, комбинацияланган ов қуроли, шунингдек, «Қурол тўғрисида»ги Ўзбекистон Республикаси Қонунининг 12-моддаси еттинчи қисмида назарда тутилган калибри 11,56 ммдан ортиқ бўлмаган сойли стволли жанговар қуролнинг алоҳида турларидан отиш, қуролни отиш учун тўлов амалга оширилгандан бошлаб 7 иш кунидан кўп бўлмаган муддатда амалга оширилади.
31. Жисмоний ва юридик шахс отишни ўтказишни рад этишга асос бўлган сабаблар бартараф этилган тақдирда, ҳужжатларни қайта тақдим этиш ҳуқуқига эга бўлади.
5-боб. Қуролдан отиш тартиби
32. Қуролдан отиш қурол билан муомала қилишнинг хавфсизлик чораларига риоя қилинган ҳолда идентификациявий тадқиқотлар учун яроқли бўлган ўқ ва гильзалардаги изларни олиш имконини берувчи ўқушлагичлар билан махсус жиҳозланган баллистик лабораторияларда амалга оширилади.
33. Отиш вақтида бегона шахсларнинг, шу жумладан, қурол эгаси ёки юридик шахс вакилининг иштироки тақиқланади.
34. Давлат ўқ-гильзотекасига ҳисобга қўйиш ва ундан текшириш учун тақдим қилинган қуролларни отиш тартиби Ички ишлар вазирлиги томонидан тасдиқланган йўриқнома асосида амалга оширилади.
6-боб. Ҳодиса жойидан олинган сойли стволли ўқотар қуролнинг излари бўлган ўқ, гильза ва патронларни Давлат ўқ-гильзотекасига тақдим этиш тартиби
35. Ҳодиса жойидан олинган сойли стволли ўқотар қуролнинг излари бўлган ўқ, гильза ва патронлар уч иш куни мобайнида терговга қадар текширув, суриштирув ва дастлабки терговни амалга оширувчи органлар томонидан баллистика экспертизасини тайинлаш тўғрисидаги қарорга асосан Давлат ўқ-гильзотекасига ҳисобга қўйиш ва у бўйича текшириш учун Эксперт-криминалистика бош марказига юборилади.
Давлат ўқ-гильзотекаси ҳисобига қўйиш ва у бўйича текшириш ушбу Низомга 8-иловага мувофиқ шаклдаги сўров асосида амалга оширилади.
Ҳодиса жойидан олинган сойли стволли ўқотар қуролнинг излари бўлган ўқ, гильза ва патронлар мустаҳкам полиэтилен пакетларга жойланади, бунда ҳар бир ўқ, гильза ва патрон қуруқ юмшоқ қоғозга ёки бинтга ўралади.
Пакет қоғоз конвертга солиниб, ҳодиса жойини кўздан кечириш иштирокчилари томонидан имзоланади ва муҳр билан тасдиқланади.
36. Ўқ, гильза ва патронлар Давлат ўқ-гильзотекасига тушган кундан бошлаб ўн беш иш куни мобайнида текширилади.
Давлат ўқ-гильзотекасига юборилган ўқ, гильза ва патронлар кўп миқдорда (ўттиз донадан ортиқ) бўлганда текширишни амалга ошириш муддати Эксперт-криминалистика бош маркази бошлиғи томонидан ўн иш кунидан ортиқ бўлмаган муддатга узайтирилиши мумкин.
37. Давлат ўқ-гильзотекаси бўйича текшириш натижалари юзасидан Эксперт-криминалистика бош маркази эксперти томонидан Давлат ўқ-гильзотекаси маълумотлар базаси бўйича мос келишлар бор ёки йўқлиги тўғрисидаги хулоса ва (ёки) ушбу Низомга 9-иловага мувофиқ шакл бўйича маълумотнома берилади.
38. Давлат ўқ-гильзотекасидан сойли стволли ўқотар қуролнинг излари бўлган ўқ, гильза ва патронлар терговга қадар текширув, суриштирув ва дастлабки терговни амалга оширувчи органнинг қарори ёки суднинг ажрими асосида зарур процессуал ҳаракатларни амалга ошириш учун вақтинча олиниши мумкин, бунда сойли стволли ўқотар қуролнинг излари бўлган ўқ, гильза ва патронлар бўлган пакет ушбу Низомга 10-иловага мувофиқ шаклдаги назорат карточкаси билан алмаштирилади.
Вақтинча олинган ўқ, гильза ва патронлар зарур процессуал ҳаракатлар якунланганидан сўнг ўн иш куни мобайнида Давлат ўқ-гильзотекасига қайтарилиши шарт.
39. Ҳодиса жойидан олинган сойли стволли ўқотар қуролнинг излари бўлган ўқ, гильза ва патронларнинг Давлат ўқ-гильзотекасига юборилиши ва текширув натижалари бўйича ҳужжатлар терговга қадар текширув, суриштирув ва дастлабки терговни амалга оширувчи орган томонидан иш ҳужжатларига қўшиб қўйилади.
40. Ички ишлар вазирлиги Интерпол миллий марказий бюроси йўналиши бўйича Ўзбекистон Республикасидан ташқаридаги ҳодиса жойларидан олинган сойли стволли ўқотар қуролнинг излари бўлган ўқ, гильза ва патронларнинг электрон ёки клон (нусха) шакли Давлат ўқ-гильзотекаси бўйича текшириш учун қабул қилиниши мумкин.
7-боб. Сойли стволли ўқотар қуролнинг излари бўлган ўқ, гильза ва патронларни сақлаш тартиби
41. Ҳодиса жойидан олинган сойли стволли ўқотар қуролнинг излари бўлган ўқ, гильза ва патронлар ўттиз йил давомида сақланади.
42. Фуқаровий ва хизмат қуролидан назорат тартибида отилган ўқ ва гильзалар ушбу Низомнинг 14-бандига мувофиқ уч йил давомида ёки қайта назорат отиш амалга оширилгунга қадар сақланади.
Қурол эгаси ёки юридик шахс вакили ушбу Низомнинг 14-бандида белгиланган муддатда қайта отишни амалга ошириш учун мурожаат қилмаганида, Эксперт-криминалистика бош маркази ҳудудий ички ишлар органига 20 иш кунидан кеч бўлмаган муддатда қурол эгаси, у ҳисобга олинган жой, қурол тури, русуми, калибри, серияси, рақами ва ишлаб чиқарилган йили, шунингдек, қуролдан қачон назорат отишни амалга ошириш лозимлиги тўғрисидаги маълумот кўрсатилган билдириш хати юборади.
43. Сойли стволли ўқотар қуролнинг излари бўлган ўқ, гильза ва патронлар Давлат ўқ-гильзотекасида сақланади.
44. Қайта назорат отиш ўтказилиши муносабати билан назорат ўқ ва гильзалар алмаштирилганида қайдлов ўқ-гильзотекасини рўйхатга олиш журналига тегишли белги қўйилади.
45. Ҳодиса жойларидан олинган сойли стволли ўқотар қуролнинг излари бўлган ўқ, гильза ва патронларни сақлаш муддати ўтганида, шунингдек, қайта назорат отиш муносабати билан назорат ўқ ва гильзалар алмаштирилганида, улар Эксперт-криминалистика бош марказининг уч нафардан кам бўлмаган таркибдаги комиссияси томонидан ушбу Низомга 11-иловага мувофиқ шаклдаги отилган ўқ ва гильзани ҳисобдан чиқариш далолатномасини расмийлаштириш билан ҳисобдан чиқарилади.
Комиссия таркиби Эксперт-криминалистика бош маркази бошлиғининг фармойиши билан тасдиқланади.
46. Ҳисобдан чиқарилган ўқ ва гильзалар Ички ишлар вазирлиги томонидан белгиланган тартибда йўқ қилинади.
47. Фуқаровий ва хизмат қуролини, шунингдек, «Қурол тўғрисида»ги Ўзбекистон Республикаси Қонунининг 12-моддаси еттинчи қисмида кўзда тутилган сойли стволли жанговар қуролнинг алоҳида турларини ўз вақтида назорат тартибида отишга риоя қилиш устидан назорат Ўзбекистон Республикаси Ички ишлар вазирлиги Патруль-пост хизмати ва жамоат тартибини сақлаш бош бошқармаси томонидан амалга оширилади.
8-боб. Якунловчи қоидалар
48. Отилган ўқ ва гильзаларни Давлат ўқ-гильзотекасига етказиш белгиланган тартибда расмийлаштирилиб, Ўзбекистон Республикаси Ахборот технологиялари ва коммуникацияларини ривожлантириш вазирлиги Давлат фельдегерлик хизмати орқали ёки қўлда ваколатли шахс томонидан амалга оширилади.
Қурол ва патронларни Ўзбекистон Республикаси Ахборот технологиялари ва коммуникацияларини ривожлантириш вазирлиги Давлат фельдегерлик хизмати ва почта орқали жўнатиш тақиқланади.
49. Терговга қадар текширув, суриштирув ва дастлабки терговни амалга оширувчи органлар сойли стволли ўқотар қуролни қўллаш билан боғлиқ жиноятлар фош этилиши ҳолатлари тўғрисида беш иш куни мобайнида Эксперт-криминалистика бош марказини ёзма равишда хабардор қилиши шарт.
50. Фуқаровий ва хизмат қуроли ҳисобдан чиқарилганда (йўқ қилиш, сотиш, Ўзбекистон Республикасидан ташқарига ўтказиш ва ҳ.к.) Ўзбекистон Республикаси Ички ишлар вазирлиги Патруль-пост хизмати ва жамоат тартибини сақлаш бош бошқармаси назорат-лицензиялаш фаолияти бўлими қуролни ҳисобдан чиқариш сабабларини, фуқаро ёки юридик шахс ҳақидаги маълумотларни, ҳар бир қурол нусхаси тури, русуми, калибри, серияси, рақами ва ишлаб чиқарилган йилини кўрсатган ҳолда бу ҳақда Эксперт-криминалистика бош марказини беш иш куни мобайнида ёзма равишда хабардор қилади.
51. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 1-ИЛОВА
Қайдлов ўқ-гильзотекасига ҳисобга қўйиш учун отиш
Т/р Қайдлов ўқ-гильзотекасига қўйиладиган қуроллар Назорат тартибида отиладиган давр 1 . Жисмоний ва юридик шахслар томонидан сотиб олинган қурол Ички ишлар органларида қуролни рўйхатдан ўтказишдан олдин 2 . Жисмоний шахсларга тегишли бўлган қурол Уч йилда бир маротаба, қуролни реализация қилиш ҳолатида эса — ички ишлар органларида қуролни қайта рўйхатдан ўтказишдан олдин 3 . Мукофот қуроли Ички ишлар органларида қуролни рўйхатдан ва қайта рўйхатдан ўтказишдан олдин 4 . Жисмоний ва юридик шахслар томонидан коллекциялаш ва кўргазмага қўйиш қуроли Ички ишлар органларида қуролни рўйхатдан ва қайта рўйхатдан ўтказишдан олдин 5 . Фуқаровий ва хизмат қуроли ҳамда уларнинг ўқ-дорилари реализациясини амалга оширадиган юридик шахслар томонидан олиб кирилган қурол Реализация қилишдан олдин 6 . Юридик шахслар эгалигида бўлган қурол Уч йилда бир маротаба, қуролни реализация қилиш ҳолатида эса — ички ишлар органларида қуролни қайта рўйхатдан ўтказишдан олдин 7 . Чет эл фуқаролари ва фуқаролиги бўлмаган шахслар Ўзбекистон Республикаси ҳудудига ов билан шуғулланиш учун вақтинчалик кирганида уларга тегишли бўлган қуроллар Ташишга рухсатномани расмийлаштириш ва рўйхатдан ўтказишдан олдин 8 . Жисмоний ва юридик шахсларга тегишли бўлган қуроллар таъмирланганда ёки ўзгартириш киритилганда (агар уриб-қўйиб юборувчи механизм, патрондон ва ствол каналига таъсир қилса) Реализация қилиш ёки э гасига беришдан олдин 9 . Ўзбекистон Республикаси ҳудудида реализация қилиш учун мўлжалланган, юридик шахсларнинг қурол ишлаб чиқарувчи корхоналарида тайёрланган қуроллар Реализация қилишдан олдин
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 2-ИЛОВА
ШАКЛ ___________________________ (ИИО ЭКБ номланиши) бошлиғи __________________________ (унвони) __________________________ га (Ф.И.О.) Қуролдан отиш ва уни криминалистик ўқ-гильзотекадан текшириш учун СЎРОВНОМА Жиноят ишини тергов қилиш давомида ________(терговга қадар текширув, тинтув ва ҳ.к.) _____________ (иш рақами) __________________________________________________________________________ ҳолати бўйича (ишнинг қисқача тафсилоти) ______________________________________________________________________ ______________________________________________________________________ ______________________________________________________________________ ______________________________________________________________________ Сиздан _____________ тўппонча(лар), автомат(лар), винтовка (лар), карабин(лар)ни отишни амалга ошириб, (объект миқдори) Ўзбекистон Республикасининг Давлат ўқ-гильзотекаси бўйича текширилишини сўрайман. Бошлиқ ______________________________________________________________ (бўлинма, лавозим, унвон (мавжуд бўлганда), имзо, Ф.И.О.)
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 3-ИЛОВА
ШАКЛ __________________________________ (бўлинманинг номланиши) бошлиғи ___________________________________ _________________________________ га (бўлинма раҳбарининг Ф.И.О. кўрсатилади) Криминалистик ўқ-гильзотека маълумотлар базасидан текшириш натижалари ҳақида МАЪЛУМОТНОМА Сиз юборган қурол (ёки назорат тартибида отилган ўқотар қуролнинг ____ дона ўқ ва гильзалари)_____________________________________________________________________________________ ______________________________________________________________________ (қуролнинг тури, русуми, калибри, серияси, рақами ва ишлаб чиқарилган йили кўрсатилади) Ўзбекистон Республикаси Давлат ўқ-гильзотекаси бўйича текширилди. Давлат ўқ-гильзотекаси маълумотлар базасида ________________________________________________ ______________________________________________________________________ (мос келган қурол тури, жиноят иши рақами ва бошқа тафсилотлари) аниқланди (ёки мослик аниқланмади) Текширувни амалга оширди: ___________________________ (лавозими, Ф.И.О., имзо) Бошлиқ ___________________________ (бўлинма, лавозим, унвон, имзо, Ф.И.О.)
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 4-ИЛОВА
Қуролни назорат тартибида отишни ўтказадиган ички ишлар органлари эксперт-криминалистика бўлинмалари
Т/р Ҳудуд Ички ишлар органи 1. Тошкент шаҳри Тошкент шаҳар Ички ишлар бош бошқармаси Эксперт-криминалистика маркази 2. Тошкент вилояти Тошкент вилояти Ички ишлар бош бошқармаси Эксперт-криминалистика бўлими 3. Сирдарё вилояти Сирдарё вилояти Ички ишлар бошқармаси Эксперт-криминалистика бўлими 4. Андижон вилояти Андижон вилояти Ички ишлар бошқармаси Эксперт-криминалистика бўлими 5. Наманган вилояти Наманган вилояти Ички ишлар бошқармаси Эксперт-криминалистика бўлими 6. Фарғона вилояти Фарғона вилояти Ички ишлар бошқармаси Эксперт-криминалистика бўлими 7. Навоий вилояти Навоий вилояти Ички ишлар бошқармаси Эксперт-криминалистика бўлими 8. Жиззах вилояти Жиззах вилояти Ички ишлар бошқармаси Эксперт-криминалистика бўлими 9. Қашқадарё вилояти Қашқадарё вилояти Ички ишлар бошқармаси Эксперт-криминалистика бўлими 10. Хоразм вилояти Хоразм вилояти Ички ишлар бошқармаси Эксперт-криминалистика бўлими 11. Самарқанд вилояти Самарқанд вилояти Ички ишлар бошқармаси Эксперт-криминалистика бўлими 12. Сурхондарё вилояти Сурхондарё вилояти Ички ишлар бошқармаси Эксперт-криминалистика бўлими 13. Бухоро вилояти Бухоро вилояти Ички ишлар бошқармаси Эксперт-криминалистика бўлими 14. Қорақалпоғистон Республикаси Қорақалпоғистон Республикаси Ички ишлар вазирлиги Эксперт-криминалистика бўлими
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 5-ИЛОВА
ШАКЛ __________________________________ (ИИО ЭКБ номланиши) бошлиғига _________________________________ ________________________________ дан (қурол эгасининг ёки юридик шахс раҳбарининг Ф.И.О. (мавжуд бўлганда) кўрсатилади) __________________________________ (манзили) __________________________________ (қурол эгасининг ёки юридик шахс вакилининг телефон рақами) Фуқаровий ва хизмат қуролини назорат тартибида отишни амалга ошириш учун АРИЗА Сиздан ______ та ўқотар қуролдан назорат тартибида отишни амалга оширишни сўрайман. ______________________________________________________________________ (қуролнинг тури, русуми, калибри, серияси, рақами ва ишлаб чиқарилган йили кўрсатилади) ______________________________________________________________________ ______________________________________________________________________ __________________________________________ фамилияси, исми, отасининг исми (имзо) 20___ йил «____» ______________
Ўзбекистон Републикаси Давлат ўқ-гильзотекасини юритиш тартиби тўғрисидаги низомга 6-ИЛОВА
Ўқотар қуролдан назорат тартибида отиш жараёнлари
Босқичлар Субъектлар Тадбир Бажариш муддатлари 1-босқич Жисмоний ва юридик шахс (ариза берувчи) 1. Фуқаровий ва хизмат сойли стволли ўқотар қуролдан назорат тартибида отиш далолатномасини олиш учун қурол ва унинг патронларини, зарур ҳужжатларни тайёрлайди. 2. Бевосита (жисмоний шахслар учун) ёки ишончли вакил (юридик шахслар учун) орқали ҳужжатларни, қурол ва унинг патронларини ички ишлар органларининг эксперт-криминалистика бўлинмаларига тақдим этади. Ушбу низомга 1-иловада белгиланган муддатларда 2-босқич Эксперт-криминалистика бўлинмалари 1. Ҳужжатларни кўриб чиқиб ҳамда қурол ва унинг ўқ-дориларини кўздан кечириб, қуролдан отишни амалга ошириш бўйича қарор қабул қилади ёки отишнинг имкони бўлмаганлиги сабаблари маълум қилинган хат билан материалларни ижросиз қайтаради. 2. Ҳужжатлар, қурол ва унинг ўқ-дориларини рўйхат бўйичақабул қилиб, ҳужжатларни қабул қилиш санаси, қурол ва унинг ўқ-дорилари тури, рақами ва миқдори тўғрисида белги қўйилган нусхасини ариза берувчига юборади (топширади). 3. Ариза берувчига йиғимни тўлаш учун квитанция беради. Ҳужжатлар, қурол ва унинг патронлари қабул қилинган кунда 3-босқич Ариза берувчи Қуролдан отиш бўйича тўловни амалга оширади Мурожаат этилган кундан бошлаб уч иш куни мобайнида 4-босқич Эксперт-криминалистика бўлинмалари Тўлов амалга оширилмаган ҳолатда эксперт-криминалистика бўлинмалари қуролнинг эгаси ёки юридик шахс вакилига назорат тартибида отиш бажарилмаганлиги ҳақида хабар қилиб, тақдим қилинган ҳужжатлар, қурол ва патронларни қайтаради. Мурожаат этилган кундан бошлаб уч иш кунида 5-босқич Ариза берувчи Отиш амалга оширилиши рад этилишига асос бўлган сабаблар бартараф этилган тақдирда, ариза берувчи ҳужжатларни қайта топшириши мумкин. Отишни ўтказишни рад этишга асос бўлган сабаблар бартараф этилганда 6-босқич Эксперт-криминалистика бўлинмалари 1. Эксперт назорат ўқ ва гильзаларни олиб қуролдан отишни амалга оширади. 2. Қуролдан отишни амалга оширган эксперт қуролдан отиш далолатномасини расмийлаштиради. 3. Далолатноманинг биринчи нусхаси ҳудудий ички ишлар органига эгасининг назорат-кузатув йиғмажилдига киритиш учун юборилади. Иккинчи нусхаси қурол ва сарфланмаган патронлар билан юридик шахсга ёки эгасига берилади. Учинчи нусхаси назорат ўқлари ва гильзалар билан Давлат ўқ-гильзотекасига юборилади. 4. Далолатномани бериш билан бир вақтда ов билетига эксперт-криминалистика бўлинмаларининг штампи босилиб ва экспертнинг имзоси қўйилиб, фуқаровий қуролдан назорат тартибида отилганлиги тасдиқланади. Қуролдан отиш бўйича тўловни тасдиқловчи ҳужжат тақдим этилган кундан бошлаб етти иш куни мобайнида.
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 7-ИЛОВА
ШАКЛ «ТАСДИҚЛАЙМАН» ___________________________ (лавозими, унвони), ___________________________ (ваколатли мансабдор шахснинг Ф.И.О.) ___________________________ М.Ў. Фуқаровий ва хизмат сойли стволли ўқотар қуролдан назорат тартибида отишнинг _______-сон ДАЛОЛАТНОМАСИ 20_____йил ___________ Ушбу далолатнома шу ҳақдаки, комиссия томонидан ҳисобда, саноқда (эгаликда мавжуд) бўлган _______та ўқотар қуролдан назорат тартибида отилганлиги ҳақида тузилди. ______________________________________________________________________ (юридик шахснинг номланиши) ______________________________________________________________________ (қуролнинг эгаси — фуқаронинг Ф.И.О.) Ўқотар қуролнинг тури Русуми Калибри Серияси, рақами Ишлаб чиқарилган йили Назорат тартибида отишлар сони Назорат тартибида отиш бошланди _________________________________________________ (санаси, вақти) Тугади _______________________________________________________________________________ (санаси, вақти) Ўқлари ва гильзалари мавжуд бўлган пакетлар сақлаш учун ______________________________________ ______________________________________________________________ га қўйилди. Тақдим этилган патронлар сони: ____________________________________________________________ Қайтарилган сарфланмаган патронларнинг сони: ________________________________________________ Изоҳ: ________________________________________________________________________________ Эксперт: ________________(имзо) __________________________________________(фамилияси, исми, отасининг исми) Бошлиқ: ________________(имзо) __________________________________________(фамилияси, исми, отасининг исми)
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 8-ИЛОВА
ШАКЛ ___________________________ (ИИО ЭКБ номланиши) бошлиғи __________________________ (унвони) _________________________ га (Ф.И.О.) Ҳодиса жойидан олинган сойли стволли ўқотар қуролнинг излари бўлган ўқ, гильза ва патронларни Давлат ўқ-гильзотекасига ҳисобга қўйиш ва ундан текшириш учун СЎРОВНОМА Терговга қадар текширувни амалга ошириш (суриштирув, дастлабки тергов) _________________________, (иш рақами) _____________________________ ҳолати бўйича _____________________________________ (ишнинг қисқача тафсилоти) ______________________________________________________________________ ______________________________________________________________________ ______________________________________________________________________ ______________________________________________________________________ Сиздан ҳодиса жойидан (мурдадан, фуқаро Ф.И.О.нинг танасидан ва ҳ.к.) олинган сойли стволли ўқотар қуролнинг изи бўлган _________________ ўқ, (гильза, патрон) Ўзбекистон Республикасининг (объект сони) Давлат ўқ-гильзотекаси бўйича ҳисобга қўйилишини ва текширилишини сўрайман. Бошлиқ ___________________________________________________ (бўлинма, лавозими, унвони (мавжуд бўлганда), имзо, Ф.И.О.)
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 9-ИЛОВА
ШАКЛ ___________________________ (бўлинманинг номланиши) бошлиғи __________________________ __________________________ га (бўлинма раҳбарининг Ф.И.О. кўрсатилади) Ҳодиса жойидан олинган сойли стволли ўқотар қуролнинг излари бўлган ўқ, гильза ва патронларни Давлат ўқ-гильзотекасига ҳисобга қўйилганлиги ва ундан текширилганлиги ҳақида МАЪЛУМОТНОМА Сизнинг ______________________________________________________________________________ (ҳодисанинг қисқача тафсилоти кўрсатилади) ҳодиса жойидан олиниб юборилган сойли стволли ўқотар қуролнинг изи бўлган ўқ (гильза, патрон) Ўзбекистон Республикаси Давлат ўқ-гильзотекаси бўйича текширилди. Давлат ўқ-гильзотекаси маълумотлар базаси бўйича ____________________________________________ ______________________________________________________________________ (мос келган қурол тури, жиноят иши рақами ва бошқа тафсилотлар) аниқланди (ёки мослик аниқланмади) Текширувни амалга оширди: ____________________________ (лавозими, Ф.И.О., имзо) Бошлиқ ___________________________ (бўлинма, лавозими, унвони, имзо, Ф.И.О.)
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 10-ИЛОВА
ШАКЛ Сойли стволли ўқотар қуролнинг изи бўлган ўқ, гильза ва патронларни олиш НАЗОРАТ ВАРАҚАСИ Жиноят иши рақами ____________________ Ҳодисанинг қисқача тафсилоти ___________________________________ Олиш санаси ______________ Олиш жойи ___________________________________________________________________ Ўқлар сони _________ Гильзалар сони _________ Патронлар сони _________ Объектлар тавсифномаси _______________________________________________________ Олиш санаси Ўқлар ва гильзалар юборилган ташкилотнинг номи Олиш асоси, ҳужжатнинг рақами ва санаси Қайтариш санаси, Топширдим___________________________________________________________ Қабул қилдим_________________________________________________________
Ўзбекистон Республикаси Давлат ўқ-гильзотекасини юритиш тартиби тўғрисидаги низомга 11-ИЛОВА
ШАКЛ «ТАСДИҚЛАЙМАН» ___________________________ (лавозими, унвони), ___________________________ (ваколатли мансабдор шахснинг Ф.И.О.) ___________________________ М.Ў. Отилган ўқ ва гильзани Давлат ўқ-гильзотекасидан ҳисобдан чиқаришнинг _______-сон ДАЛОЛАТНОМАСИ 20 ___йил _____________ Ушбу далолатнома сойли стволли ўқотар қуролдан назорат тартибида отиш натижасида олинган ўқлар ва гильзалар ҳисобдан чиқарилганлиги ва йўқ қилиш учун ______________________________________га берилганлиги ҳақида тузилди. ______________________________________________________________________ (ҳисобдан чиқариш асоси) Т/р Ўқотар қуролнинг тури Русуми Калибри Серияси, рақами Ишлаб чиқарилган йили Назорат тартибида отишлар сони Комиссия аъзолари: ____________(имзо) __________________________________________(фамилияси, исми, отасининг исми) ____________(имзо) __________________________________________(фамилияси, исми, отасининг исми) ____________(имзо) __________________________________________(фамилияси, исми, отасининг исми)
Вазирлар Маҳкамасининг 2020 йил 10 январдаги 13-сон қарорига 2-ИЛОВА
Ўзбекистон Республикаси Давлат ўқ-гильзотекаси фаолиятини ташкил этиш чора-тадбирлари
Т/р Тадбирларнинг номи Амалга ошириш шакли Бажариш муддатлари Масъул ижрочилар I. Ички ишлар органлари эксперт-криминалистика бўлинмаларининг норматив-ҳуқуқий ва методик базасини такомиллаштириш 1. Терговга қадар текширув, суриштирув ва дастлабки терговни амалга ошириш давомида аниқланган, олинган ва ихтиёрий топширилган ўқотар қуроллар ва ўқ-дориларни Ўзбекистон Республикаси Давлат ўқ-гильзотекасига ҳисобга қўйиш учун юбориш ва қайтариш тартибини белгилаб берувчи идоралараро йўриқномани ишлаб чиқиш. Идоравий ҳужжат 2020 йил февраль Ички ишлар вазирлиги (П. Бобожонов), Бош прокуратура (Н. Йўлдошев), Давлат хавфсизлик хизмати (А. Азизов), Давлат божхона қўмитаси (М. Азимов), Олий суд (К. Камилов), Миллий гвардия (Б. Ташматов) 2. Ички ишлар органларининг мавжуд штат бирлигидан Ўзбекистон Республикаси Давлат ўқ-гильзотекасини шакллантириш бўйича умумий сони 32 та ходимдан иборат қўшимча эксперт лавозимини жорий этишни назарда тутувчи ички ишлар органлари эксперт-криминалистика бўлинмалари штат тақсимотига ўзгартириш киритиш. Ички ишлар вазирининг буйруғи Бир ой муддатда Ички ишлар вазирлиги (П. Бобожонов) II. Ўзбекистон Республикаси Давлат ўқ-гильзотекаси фаолияти сифати ва ишончлилигини ошириш ҳамда инновацион ишланмаларни жорий этиш 3. Ўзбекистон Республикаси Давлат ўқ-гильзотекаси лабораториясини ISO/IEC 17025 «Тадқиқот ва калибровка лабораторияларининг ваколатлилига қўйиладиган умумий талаблар» халқаро стандарти бўйича аккредитация қилиш масаласини кўриб чиқиш. Чора-тадбирлар режаси Режа бўйича Ички ишлар вазирлиги (П. Бобожонов) 4. Ўзбекистон Республикаси Давлат ўқ-гильзотекасини шакллантириш бўйича киритилаётган экспертлар лавозимларини қўйилган топшириқларни самарали бажаришга лаёқатли, психологик барқарор, юқори маънавий-иродали ва маънавий сифатларга, зарур билимлар ва кўникмаларга эга бўлган, касбий тайёрланган ходимлар билан жамлаш бўйича чораларини кўриш. Чора-тадбирлар режаси Режа бўйича Ички ишлар вазирлиги (П. Бобожонов) 5. Ўзбекистон Республикаси Давлат ўқ-гильзотекасини шакллантириш бўйича эксперт лавозимига тайинланган ҳудудий ички ишлар органлари эксперт-криминалистика бўлинмалари ходимларини Ўзбекистон Республикаси Ички ишлар вазирлиги Малака ошириш институти базасида ўқитиш. Чора-тадбирлар режаси Режа бўйича Ички ишлар вазирлиги (П. Бобожонов) 6. Терговга қадар текширув, суриштирув ва дастлабки терговни амалга оширувчи органлар ҳамда суд ходимлари учун Ўзбекистон Республикаси Давлат ўқ-гильзотекасига объектларни йиғиш, сақлаш ва тақдим қилиш усуллари тўғрисида ҳудудий семинарлар ўтказиш. Чора-тадбирлар режаси Режа бўйича Ички ишлар вазирлиги (П. Бобожонов) III. Ўзбекистон Республикаси Давлат ўқ-гильзотекаси моддий-техника базасини мустаҳкамлаш ва фаолиятига ахборот-коммуникация технологияларини жорий қилиш 7. Ўзбекистон Республикаси Давлат ўқ-гильзотекасини қўшимча аппарат-дастурий комплекслар, техник жиҳозлар билан таъминлашга, шунингдек, Давлат ўқ-гильзотекасининг фаолиятини самарали ташкил этиш учун хоналарни реконструкция қилишга техник топшириқни ва лойиҳа-смета ҳужжатларини тайёрлаш. Чора-тадбирлар режаси Бир ой муддатда Ички ишлар вазирлиги (П. Бобожонов) 8. Хоналар ажратиш, уларни Ўзбекистон Республикаси Ички ишлар вазирлиги Эксперт-криминалистика бош маркази томонидан тайёрланган техник топшириқ ва лойиҳа-смета ҳужжатларига мувофиқ реконструкция қилиш ва махсус мебель, ташкилий техника вазамонавий асбоб-ускуналар билан жиҳозлаш. Ташкилий чора-тадбирлар 2020 йил февраль Ички ишлар вазирлиги (П. Бобожонов) 9. Ўзбекистон Республикаси Давлат ўқ-гильзотекаси тизими базаси маълумотларига рухсат этилмаган мурожаат ва уланишлардан, шунингдек, ахборотлар чиқиб кетишидан ҳимоя қилиш бўйича чоралар кўриш. Ташкилий чора-тадбирлар Тасдиқланган режа-графикка асосан Ички ишлар вазирлиги (П. Бобожонов) 10. Жисмоний ва юридик шахсларнинг ички ишлар органларига қуролдан отиш учун мурожаат қилиш тартибини тушунтириш бўйича телевидение ва бошқа ОАВларида чиқишлар ва махсус видеороликларни тайёрлаш. Ташкилий чора-тадбирлар 2020 йил март Ички ишлар вазирлиги (П. Бобожонов) IV. Ўқ-гильзотекаси ва қурол назорати фаолияти соҳасида халқаро ҳамкорликни ривожлантириш 11. Ички ишлар вазирлиги экспертлари хорижий мамлакатлар ҳуқуқни муҳофаза қилувчи органларининг ўқ-гильзотекалари билан кўргазмали танишишини ташкил этиш. Ташкилий чора-тадбирлар Тасдиқланган режа-графикка асосан Ички ишлар вазирлиги (П. Бобожонов) 12. Етакчи суд-экспертиза, илмий-тадқиқот ташкилотлари ва бошқа ташкилотлар билан ўзаро ҳамкорлик битимлари тузиш, қўшма дастурларни амалга ошириш. Ташкилий чора-тадбирлар Тасдиқланган режа-графикка асосан Ички ишлар вазирлиги (П. Бобожонов) 13. ИИВ экспертлари хорижий давлатларнинг суд-экспертиза муассасаларида стажировка ўташини, шунингдек, қурол назоратининг долзарб масалалари бўйича халқаро илмий-амалий конференция, форум, семинар, курс, тренингларда мунтазам иштирок этишини ташкил қилиш. Ташкилий чора-тадбирлар Тасдиқланган режа-графикка асосан Ички ишлар вазирлиги (П. Бобожонов)
Вазирлар Маҳкамасининг 2020 йил 10 январдаги 13-сон қарорига 3-ИЛОВА
Ўзбекистон Республикасининг Давлат ўқ-гильзотекасини моддий-техник таъминлаш чора-тадбирлари
Т/р Мол-мулкнинг номланиши Ўлчов бирлиги Умумий эҳтиёж Пул ўлчов бирлиги Биттасининг тахминий нархи Умумий сумма Масъул вазирлик ва идоралар АППАРАТ-ДАСТУРИЙ КОМПЛЕКСИ 1 . Интеграция қилинган баллистик идентификация тизими ёки унинг аналоги дона 3 АҚШ доллари 120 000 360 000 Мудофаа вазирлиги ҳузуридаги Мудофаа саноати агентлиги (М. Ибодуллаев) , Ички ишлар вазирлиги (П. Бобожонов), Молия вазирлиги (Т. Ишметов) Жами 360 000 ИНВЕНТАРЬ 2 . Ўқотар қуролнинг назорат ўқ ва гильзаларини сақлаш учун 3000 та катакли металл жавон дона 5 сўм 18 200 000 91 000 000 Мудофаа вазирлиги ҳузуридаги Мудофаа саноати агентлиги (М. Ибодуллаев) , Ички ишлар вазирлиги (П. Бобожонов), Молия вазирлиги (Т. Ишметов) 3 . Узун стволли ўқотар қуролни сақлаш учун 20 дона қуролга таглик ва жойли (ложемент) деворининг қалинлиги 3 мм кам бўлмаган металл жавон дона 10 сўм 10 320 000 103 200 000 4 . Қисқа стволли ўқотар қуролни сақлаш учун 80 дона қуролга таглик ва жойли (ложемент) деворининг қалинлиги 3 мм кам бўлмаган металл жавон дона 5 сўм 11 560 000 57 800 000 5 . Ўқотар қуролнинг ўқ-дориларни сақлаш учун деворининг қалинлиги 3 мм кам бўлмаган металл жавон дона 3 сўм 3 580 000 10 740 000 Жами 262 740 000
Ўзбекистон Республикасининг Бош вазири А. АРИПОВ
Тошкент ш.,
2020 йил 10 январь,
13-сон
Oʻzbekiston Respublikasi Vazirlar Mahkamasining
qarori
NIZOM
TARTIBI
ROʻYXATI
SXEMASI
DASTURI
DASTURI
Oʻzbekiston Respublikasi Davlat oʻq-gilzotekasi faoliyatini tashkil etish chora-tadbirlari toʻgʻrisida
“Qurol toʻgʻrisida”gi Oʻzbekiston Respublikasi Qonuniga muvofiq, shuningdek, Oʻzbekiston Respublikasi Davlat oʻq-gilzotekasi faoliyatini samarali tashkil etish tartibini belgilash maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasining Davlat oʻq-gilzotekasini yuritish tartibi toʻgʻrisidagi nizom 1-ilovaga muvofiq;
Oʻzbekiston Respublikasi Davlat oʻq-gilzotekasi faoliyatini tashkil etish chora-tadbirlar dasturi 2-ilovaga muvofiq;
Oʻzbekiston Respublikasining Davlat oʻq-gilzotekasini moddiy-texnik taʼminlash chora-tadbirlar dasturi 3-ilovaga muvofiq tasdiqlansin.
2. Oʻzbekiston Respublikasi Mudofaa vazirligi huzuridagi Mudofaa sanoati agentligi Oʻzbekiston Respublikasi Ichki ishlar vazirligining zarur jihozlar bilan taʼminlash boʻyicha buyurtmanomasi olingan kundan eʼtiboran olti oy muddatda Oʻzbekiston Respublikasining Davlat oʻq-gilzotekasini moddiy-texnik taʼminlash dasturida nazarda tutilgan moddiy-texnika vositalari yetkazib berilishini taʼminlasin.
3. Oʻzbekiston Respublikasi Ichki ishlar vazirligi ikki oy muddatda Oʻzbekiston Respublikasi Davlat oʻq-gilzotekasi faoliyatini samarali tashkil etish uchun zarur xonalar ajratsin, ularni rekonstruksiya qilish, jihozlash va boshqa zarur shart-sharoitlar bilan taʼminlash choralarini koʻrsin.
4. Ushbu qarorda nazarda tutilgan tadbirlarni amalga oshirish bilan bogʻliq xarajatlar Oʻzbekiston Respublikasi Ichki ishlar vazirligining asoslangan hisob-kitoblariga binoan har yili ajratiladigan Oʻzbekiston Respublikasi Davlat budjeti mablagʻlari hisobiga bosqichma-bosqich, Ichki ishlar vazirligining budjetdan tashqari mablagʻlari, shuningdek, xorijiy mamlakatlar kreditlari va xalqaro moliya institutlari mablagʻlari hamda qonunchilik hujjatlarida taqiqlanmagan boshqa manbalar hisobiga qoplanadi.
5. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
6. Ushbu qarorning fuqaroviy va xizmat oʻqotar qurolini nazorat tartibida otish qismi 2020-yil 1-iyundan kuchga kiradi.
7. Ushbu qarorning bajarilishini nazorat qilish Oʻzbekiston Respublikasi Ichki ishlar vaziri P.R. Bobojonov zimmasiga yuklansin.
Vazirlar Mahkamasining 2020-yil 10-yanvardagi 13-son qaroriga 1-ILOVA
Oʻzbekiston Respublikasining Davlat oʻq-gilzotekasini yuritish tartibi toʻgʻrisida
1-bob. Umumiy qoidalar
1. Ushbu Nizom “Qurol toʻgʻrisida”gi Oʻzbekiston Respublikasi Qonuniga muvofiq Oʻzbekiston Respublikasining Davlat oʻq-gilzotekasini (keyigi oʻrinlarda Davlat oʻq-gilzotekasi deb ataladi) yuritish tartibini belgilaydi.
2. Davlat oʻq-gilzotekasi Oʻzbekiston Respublikasi Ichki ishlar vazirligi (keyingi oʻrinlarda Ichki ishlar vazirligi deb ataladi) tomonidan yuritiladi.
Ichki ishlar vazirligi Ekspert-kriminalistika bosh markazi (keyingi oʻrinlarda Ekspert-kriminalistika bosh markazi deb ataladi) Davlat oʻq-gilzotekasini yuritishni amalga oshiradi.
3. Quyidagilar Davlat oʻq-gilzotekasini yuritishning maqsadi hisoblanadi:
oʻgʻirlangan soyli stvolli oʻqotar qurolni qidirish;
bir necha jinoyatlarni sodir etishda bitta yoki shu nusxadagi soyli stvolli oʻqotar qurol ishlatilganligi holatlarini aniqlash;
jinoyatni sodir etishda fuqaroviy va xizmat, aniqlangan, olingan yoki ixtiyoriy topshirilgan soyli stvolli oʻqotar quroldan foydalanilganligi holatini aniqlash.
4. Ushbu Nizom qoidalari jangovar oʻqotar qurollarga nisbatan tatbiq qilinmaydi.
5. Ushbu Nizomda quyidagi asosiy tushunchalar qoʻllaniladi:
ballistik ekspertiza — ilmiy-asoslangan faktik maʼlumotlarni aniqlash maqsadida oʻqotar qurol, uning oʻq-dorilari va ularni ishlatish izlarini tadqiq qilish uchun oʻtkaziladigan ekspertiza turi;
identifikatsiya tadqiqoti — sud-ekspertiza muassasasining davlat sud eksperti amalga oshiradigan va ekspertizani oʻtkazish jarayonida maxsus bilimlarni qoʻllash asosida obyektning aynanliligini aniqlash;
kombinatsiyalangan ov quroli — stvoli soyli va silliq boʻlgan oʻqotar ov quroli;
kriminalistik oʻq-gilzoteka — hodisa joyini koʻzdan kechirishda olingan, soyli stvolli oʻqotar qurol izlari boʻlgan oʻq, gilza va patronlar maʼlumotlar bazasi;
qaydlov oʻq-gilzoteka — fuqaroviy va xizmat soyli stvolli oʻqotar quroldan nazorat tartibida otilgan oʻq va gilzalar maʼlumotlar bazasi;
nazorat oʻqlari va gilzalari — ushbu Nizom talablariga muvofiq soyli stvolli oʻqotar quroldan nazorat tartibida otilgan oʻq va gilzalar;
silliq stvolli oʻqotar qurol — soyli qismining uzunligi bir yuz qirq millimetrdan oshmaydigan oʻqotar qurol;
soyli stvoli almashtiriladigan yoki joylashtiriladigan silliq stvolli ov quroli — soyli stvolli oʻqotar quroldan otish uchun moʻljallangan patrondan otish imkonini beruvchi, almashtiriladigan yoki olib qoʻyiladigan (soyli stvol) moslamasi mavjud boʻlgan silliq stvolli oʻqotar qurol;
soyli stvolli oʻqotar qurol — oʻqqa aylanma harakat berish uchun stvol kanalining butun uzunligida burama kertiklari mavjud boʻlgan oʻqotar qurol;
oʻq va gilza klonlari (nusxalari) — oʻq va gilzalarning identifikatsiya qilish imkonini beruvchi mikroizlari aks etgan nusxalari;
fuqaroviy qurol — jismoniy shaxslarning ov va sport bilan shugʻullanishda, shuningdek, oʻzini oʻzi himoya qilish maqsadida foydalanishi uchun moʻljallangan soyli stvolli oʻqotar qurol;
xizmat quroli — fuqarolarning hayoti va sogʻligʻini, mol-mulkni himoya qilishga, tabiatni va tabiiy resurslarni, qimmatbaho va xavfli yuklarni, maxsus xat-xabarlarni muhofaza qilishga doir qonunlar bilan yuklangan maxsus vazifalarni bajarish chogʻida yuridik shaxslarning xodimlari tomonidan, shuningdek, davlat organlarining mansabdor shaxslari tomonidan shaxsiy xavfsizlikni taʼminlash maqsadida foydalanish uchun moʻljallangan oʻq otar soyli stvolli qurol;
ekspertlar — lavozim reglamenti (lavozim yoʻriqnomasi)ga muvofiq Davlat oʻq-gilzotekasini shakllantirish boʻyicha vazifalarni bajaradigan, fuqaroviy va xizmat qurolini nazorat tartibida otishni, Davlat oʻq-gilzotekasi boʻyicha tekshirishni amalga oshiradigan va avtomatlashtirilgan ballistik identifikatsiya tizimi yordamida hisobni yuritadigan ichki ishlar organlari ekspert-kriminalistika boʻlinmalarining davlat sud ekspertlari.
6. Davlat oʻq-gilzotekasi maʼlumotlar bazasi kalibri 11,56 mm dan ortiq boʻlmagan soyli stvolli oʻqotar qurolning izlari boʻlgan oʻq, gilza va patronlardan shakllantiriladi.
7. Quyidagilar Davlat oʻq-gilzotekasida tekshirishdan oʻtkazilishi shart:
aniqlangan, olingan yoki ixtiyoriy topshirilgan soyli stvolli oʻqotar qurol;
soyli stvollari almashtiriladigan yoki joylashtiriladigan silliq stvolli ov quroli;
kombinatsiyalangan ov quroli;
hodisa joyini koʻzdan kechirishda olingan, soyli stvolli oʻqotar qurol izlari boʻlgan oʻq, gilza va patronlar;
fuqaroviy va xizmat, shuningdek, “Qurol toʻgʻrisida”gi Oʻzbekiston Respublikasi Qonunining 12-moddasi yettinchi qismida nazarda tutilgan soyli stvolli jangovar oʻqotar qurolning alohida turlaridan nazorat tartibida otilgan oʻq va gilzalar.
8. Davlat oʻq-gilzotekasi boʻyicha quyidagilarning tekshirilishi majburiy hisoblanmaydi:
otish uchun moslashtirilmagan barcha turdagi soyli stvolli oʻquv oʻqotar quroli;
qoniqarli sifatdagi eksperimental otilgan oʻq va gilzalarni olish uchun singan (buzilgan) detallarni almashtirishni yoki mavjud boʻlmagan detallarni butlash imkoni boʻlmagan, shuningdek, qurolning iz hosil qiluvchi qism va detallari toʻliq zanglagan nosoz soyli stvolli oʻqotar qurol.
Soyli stvolli oʻqotar qurolni Davlat oʻq-gilzotekasi boʻyicha tekshirish uchun yaroqsizligi haqidagi xulosa Ekspert-kriminalistika bosh markazi tomonidan beriladi.
9. Davlat oʻq-gilzotekasi hisobi xorijiy davlatlar oʻq-gilzotekasi boʻyicha tekshirishlarni amalga oshirishni hisobga olgan holda umumdavlat darajasida yuritiladi.
Ekspert-kriminalistika bosh markazi xorijiy mamlakatlar vakolatli organlarining tegishli soʻrovlariga asosan Oʻzbekiston Respublikasining xalqaro shartnomalariga muvofiq Davlat oʻq-gilzotekasi boʻyicha tekshirishlarni oʻtkazishi mumkin.
Tergovga qadar tekshiruv, surishtiruv va dastlabki tergovni amalga oshiruvchi organlarning soʻrovi asosida Ekspert-kriminalistika bosh markazi oʻq va gilzalarni xorijiy mamlakatlar oʻq-gilzotekasi boʻyicha tekshirishni tashkil etadi.
10. Davlat oʻq-gilzotekasi hisobini yuritish qoʻshimcha ravishda avtomatlashtirilgan ballistik identifikatsiya tizimi yordamida amalga oshiriladi. Avtomatlashtirilgan ballistik identifikatsiya tizimidan foydalanish ushbu Nizomda belgilangan tartibda va avtomatlashtirilgan ballistik identifikatsiya tizimining foydalanish hujjatlariga muvofiq amalga oshiriladi.
2-bob. Davlat oʻq-gilzotekasini yuritish tartibi
11. Davlat oʻq-gilzotekasi maʼlumotlar bazasi kriminalistik va qaydlov oʻq-gilzotekasi shakllarida yuritiladi.
12. Hodisa joyini koʻzdan kechirishda olingan soyli stvolli oʻqotar qurol izlari tushgan oʻq, gilza va patronlar kriminalistik oʻq-gilzotekaga hisobga qoʻyish uchun yuborilishi shart.
Kriminalistik oʻq-gilzotekasiga hisobga qoʻyilganda va u boʻyicha tekshirilganda yigʻim undirilmaydi.
13. Qaydlov oʻq-gilzotekasiga fuqaroviy va xizmat qurollari, soyli stvoli almashtiriladigan yoki joylashtiriladigan silliq stvolli ov quroli, kombinatsiyalangan ov quroli, shuningdek, “Qurol toʻgʻrisida”gi Oʻzbekiston Respublikasi Qonunining 12-moddasi yettinchi qismida nazarda tutilgan kalibri 11,56 mmdan ortiq boʻlmagan soyli stvolli jangovar qurolning alohida turlari, nazorat tartibida otilgan oʻq va gilzalar hisobga qoʻyiladi.
Qaydlov oʻq-gilzotekasiga hisobga qoʻyish uchun otish tartibi ushbu Nizomga 1-ilovaga muvofiq amalga oshiriladi.
14. Fuqaroviy va xizmat qurolining har biri nazorat tartibida otilganida bazaviy hisoblash miqdorining ikkidan bir qismi miqdorida yigʻim undiriladi.
Yigʻim summasi Ekspert-kriminalistika bosh markazining hisob raqamiga oʻtkaziladi.
15. Toʻplangan mablagʻ Ekspert-kriminalistika bosh markazi va uning boʻlinmalarining moddiy-texnik bazasini rivojlantirishga, shu jumladan, kriminalistik laboratoriyalarning sarflash materiallari, uskunalari, jihozlarini sotib olishga, shuningdek, ushbu laboratoriyalarga biriktirilgan xodimlarni moddiy ragʻbatlantirish tadbirlariga sarflanadi.
3-bob. Kriminalistik oʻq-gilzotekani yuritish tartibi
16. Soyli stvolli oʻqotar quroldan kelgusida kriminalistik oʻq-gilzotekasi boʻyicha tekshirish uchun otish tergovga qadar tekshiruv, surishtiruv va dastlabki tergovni amalga oshiruvchi organlarning ballistika ekspertizasini tayinlash toʻgʻrisidagi qaroriga asosan hududiy ekspert-kriminalistika boʻlinmalari tomonidan amalga oshiriladi.
Quroldan otish va uni kriminalistik oʻq-gilzotekasi boʻyicha tekshirish ushbu Nizomga 2-ilovaga muvofiq shakldagi soʻrov asosida ham amalga oshirilishi mumkin.
Hududiy ekspert-kriminalistika boʻlinmalarida otishning imkoni boʻlmaganida (tegishli oʻq-dorilarning yoʻqligi, qurol nusxasining nosozligi va biron-bir qism va detallarning yoʻqligi uchun nuqsonlarini tiklashning imkoni boʻlmaganida) qurol, ballistika ekspertizasini tayinlash toʻgʻrisidagi qaror, shuningdek, ushbu qurol yuzasidan avval oʻtkazilgan tadqiqot boʻyicha ekspert xulosasi (dalolatnoma) nusxasi tergovga qadar tekshiruv, surishtiruv va dastlabki tergovni amalga oshiruvchi organ tomonidan Ekspert-kriminalistika bosh markaziga yuboriladi.
Ekspert-kriminalistika bosh markazining qurol kolleksiyasidagi detallardan, singan (buzilgan) detallar almashtirilganda yoki mavjud emaslari butlanganda, nosoz qurol otilib, tekshirish natijalari ekspert xulosasida aks ettiriladi.
Ekspert-kriminalistika bosh markazining qurol kolleksiyasida zarur detal yoʻqligida otish amalga oshirilmaydi va uch ish kuni mobaynida tergovga qadar tekshiruv, surishtiruv va dastlabki tergovni amalga oshiruvchi organga qurol, ekspert xulosasi, otishning imkoni yoʻqligi sabablari haqida maʼlum qiladi.
Qurol va patronlarni ekspert-kriminalistika boʻlinmalariga yuborish va qaytarish tartibi qonunchilik hujjatlarida belgilangan tartibda amalga oshiriladi.
17. Quroldan otilgan oʻq va gilzalar otilgan kundan boshlab uch ish kunida Davlat oʻq-gilzatekasiga qurolni otishni amalga oshirgan ekspert tomonidan yuboriladi.
18. Nazorat oʻq va gilzalar Davlat oʻq-gilzotekasiga tushgan kundan boshlab oʻn besh ish kuni mobaynida tekshiriladi.
Taqdim etilgan nazorat oʻqlari va gilzalari koʻp miqdorda (oʻttiz donadan ortiq) boʻlgan taqdirda, tekshirishni amalga oshirish muddati Ekspert-kriminalistika bosh markazi boshligʻi tomonidan oʻn ish kunidan ortiq boʻlmagan muddatga uzaytirilishi mumkin.
19. Tekshirish natijalari boʻyicha ushbu Nizomga 3-ilovaga muvofiq shakldagi maʼlumotnoma rasmiylashtiriladi.
20. Nazorat tartibida otilgan qurol otish va tadqiqot oʻtkazilgandan keyin xulosa va (yoki) maʼlumotnoma bilan tergovga qadar tekshiruv, surishtiruv va dastlabki tergovni amalga oshiruvchi organiga tadqiqotga taqdim etilgan holatda qaytariladi.
21. Kriminalistik oʻq-gilzotekasi maʼlumotlari hodisa tafsiloti, ish raqami, qurol, patron, oʻq va gilzalarning olingan joyi va vaqti, xususiyati va miqdoriga koʻra tizimlashtiriladi.
Hisob qogʻoz va elektron shaklda yuritiladi. Qogʻozdagi va elektron manbalardagi yozuvlar oʻrtasida nomuvofiqlik mavjud boʻlgan taqdirda, qogʻoz manbalardagi yozuvlar ustuvor ahamiyatga ega boʻladi.
22. Davlat oʻq-gilzatekasi boʻyicha tekshirish jarayonlarida oʻq va gilzalarning klonlari (nusxalari) qoʻshimcha ravishda foydalanilishi mumkin.
23. Soyli stvolli oʻqotar quroldan, shuningdek, soyli stvollari almashtiriladigan yoki joylashtiriladigan ov silliq stvolli quroldan va kombinatsiyalangan ov qurolidan otishni amalga oshirish uchun tergovga qadar tekshiruv, surishtiruv va dastlabki tergovni amalga oshiruvchi organ tomonidan tegishli oʻq-dorilar taqdim qilinmaganida, Ekspert-kriminalistika markazida mavjud boʻlgan oʻq-dorilardan foydalaniladi.
Ekspert-kriminalistika bosh markaziga taqdim etilgan quroldan otish uchun zarur boʻlgan oʻq-dorilar mavjud boʻlmaganda otish amalga oshirilmaydi. Taqdim etilgan qurol uch ish kuni mobaynida tergovga qadar tekshiruv, surishtiruv va dastlabki tergovni amalga oshiruvchi organga otishning imkoni yoʻqligi sabablari maʼlum qilingan holda qaytariladi.
4-bob. Qaydlov gilzotekasini yuritish tartibi
24. Fuqaroviy va xizmat qurolidan nazorat tartibida otishni amalga oshiradigan ekspert-kriminalistika boʻlinmalari ushbu Nizomga 4-ilovadagi roʻyxatga muvofiq taqsimlanadi.
Fuqaroviy va xizmat qurolidan nazorat tartibida otishga qurolning egasi yoki yuridik shaxs vakilining murojaati ushbu Nizomga 5-ilovaga muvofiq shakl boʻyicha rasmiylashtiriladi.
Fuqaroviy va xizmat qurolidan nazorat tartibida otish qurolning qonuniy egalik huquqini tasdiqlovchi hujjat taqdim etilganidan soʻng amalga oshiriladi.
Toʻlov murojaat qilingan kundan boshlab uch ish kuni mobaynida amalga oshiriladi.
Toʻlov amalga oshirilmagan holatda ekspert-kriminalistika boʻlinmalari qurolning egasi yoki yuridik shaxs vakiliga nazorat tartibida otish bajarilmaganligi haqida xabar qilib, taqdim qilingan hujjatlar, qurol va patronlarni qaytaradi.
25. Jismoniy va yuridik shaxslarning soyli stvolli oʻqotar qurolini nazorat tartibida otishni oʻtkazish ushbu Nizomga 6-ilovada keltirilgan sxemaga muvofiq amalga oshiriladi.
26. Fuqaroviy va xizmat qurolidan nazorat tartibida otish ushbu Nizomga 7-ilovada keltirilgan shakldagi dalolatnoma bilan uch nusxada rasmiylashtiradi.
Dalolatnomaning birinchi nusxasi hududiy ichki ishlar organiga — qurol egasining nazorat-kuzatuv yigʻma jildiga kiritish uchun, ikkinchi nusxasi — qurol va sarflanmagan patronlar bilan yuridik shaxsga yoki egasiga hamda uchinchi nusxasi esa nazorat oʻqlari va gilzalari bilan Davlat oʻq-gilzotekasiga yuboriladi.
Dalolatnoma fuqaroviy va xizmat qurolidan nazorat tartibida otishni amalga oshirgan ekspert tomonidan tuziladi.
Fuqaroviy qurollar boʻyicha dalolatnomani berish bilan birga qurol egasining ov biletiga ekspert-kriminalistika boʻlinmalarining shtampi bosilib va ekspertning imzosi qoʻyilib, nazorat tartibida otilganligi tasdiqlanadi.
27. Qaydlov oʻq-gilzotekasidagi axborotlar qurolning turi, rusumi, kalibri, seriyasi, raqami, ishlab chiqarilgan yili, egasi, nazorat otish oʻtkazilgan sanasi va nazorat oʻq hamda gilza hisobga qoʻyilganligi, ularni hisobdan chiqarishning asosi va sanasi toʻgʻrisidagi maʼlumotlari tizimlashtirilgan holda hisobga qoʻyiladi.
Hisob qogʻoz va elektron shaklda yuritiladi. Qogʻozdagi va elektron manbalardagi yozuvlar oʻrtasida nomuvofiqlik mavjud boʻlgan taqdirda, qogʻoz manbalardagi yozuvlar ustuvor ahamiyatga ega boʻladi.
28. Fuqaroviy va xizmat qurolini nazorat tartibida otishni oʻtkazish uchun qurol egasi yoki yuridik shaxs vakili ekspert-kriminalistika boʻlinmasiga qurolning soyli stvoli kanalini otilgan oʻqlardagi izlarni oʻzgarishiga sabab boʻluvchi ifloslanishlardan va zavoddagi konservatsiyalash moyidan mexanik taʼsirga yoʻl qoʻymaydigan usulda tozalangan holda soz oʻqotar qurolini, shuningdek, har bir qurol nusxasiga besh dona, qoʻshimcha almashtiriladigan soyli stvol va oʻqdon mavjud boʻlganida ham besh dona patron, revolverlardan otishda esa barabanning har bir kamoriga ikkitadan patron taqdim etadi.
Ushbu talablar bajarilmaganda otish amalga oshirilmaydi, qurol va patronlarni qurol egasiga yoki yuridik shaxs vakiliga otishning imkoni yoʻqligi sabablari maʼlum qilingan xat bilan qaytaradi.
29. Nazorat tartibida otiladigan fuqaroviy va xizmat quroli hamda uning patronlari qurol egasi yoki yuridik shaxs vakili tomonidan nazorat otish oʻtkaziladigan ekspert-kriminalistika boʻlinmasiga mustaqil ravishda yetkaziladi.
30. Fuqaroviy va xizmat qurollari, soyli stvoli almashtiriladigan yoki joylashtiriladigan silliq stvolli ov quroli, kombinatsiyalangan ov quroli, shuningdek, “Qurol toʻgʻrisida”gi Oʻzbekiston Respublikasi Qonunining 12-moddasi yettinchi qismida nazarda tutilgan kalibri 11,56 mmdan ortiq boʻlmagan soyli stvolli jangovar qurolning alohida turlaridan otish, qurolni otish uchun toʻlov amalga oshirilgandan boshlab 7 ish kunidan koʻp boʻlmagan muddatda amalga oshiriladi.
31. Jismoniy va yuridik shaxs otishni oʻtkazishni rad etishga asos boʻlgan sabablar bartaraf etilgan taqdirda, hujjatlarni qayta taqdim etish huquqiga ega boʻladi.
5-bob. Quroldan otish tartibi
32. Quroldan otish qurol bilan muomala qilishning xavfsizlik choralariga rioya qilingan holda identifikatsiyaviy tadqiqotlar uchun yaroqli boʻlgan oʻq va gilzalardagi izlarni olish imkonini beruvchi oʻqushlagichlar bilan maxsus jihozlangan ballistik laboratoriyalarda amalga oshiriladi.
33. Otish vaqtida begona shaxslarning, shu jumladan, qurol egasi yoki yuridik shaxs vakilining ishtiroki taqiqlanadi.
34. Davlat oʻq-gilzotekasiga hisobga qoʻyish va undan tekshirish uchun taqdim qilingan qurollarni otish tartibi Ichki ishlar vazirligi tomonidan tasdiqlangan yoʻriqnoma asosida amalga oshiriladi.
6-bob. Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlarni Davlat oʻq-gilzotekasiga taqdim etish tartibi
35. Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlar uch ish kuni mobaynida tergovga qadar tekshiruv, surishtiruv va dastlabki tergovni amalga oshiruvchi organlar tomonidan ballistika ekspertizasini tayinlash toʻgʻrisidagi qarorga asosan Davlat oʻq-gilzotekasiga hisobga qoʻyish va u boʻyicha tekshirish uchun Ekspert-kriminalistika bosh markaziga yuboriladi.
Davlat oʻq-gilzotekasi hisobiga qoʻyish va u boʻyicha tekshirish ushbu Nizomga 8-ilovaga muvofiq shakldagi soʻrov asosida amalga oshiriladi.
Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlar mustahkam polietilen paketlarga joylanadi, bunda har bir oʻq, gilza va patron quruq yumshoq qogʻozga yoki bintga oʻraladi.
Paket qogʻoz konvertga solinib, hodisa joyini koʻzdan kechirish ishtirokchilari tomonidan imzolanadi va muhr bilan tasdiqlanadi.
36. Oʻq, gilza va patronlar Davlat oʻq-gilzotekasiga tushgan kundan boshlab oʻn besh ish kuni mobaynida tekshiriladi.
Davlat oʻq-gilzotekasiga yuborilgan oʻq, gilza va patronlar koʻp miqdorda (oʻttiz donadan ortiq) boʻlganda tekshirishni amalga oshirish muddati Ekspert-kriminalistika bosh markazi boshligʻi tomonidan oʻn ish kunidan ortiq boʻlmagan muddatga uzaytirilishi mumkin.
37. Davlat oʻq-gilzotekasi boʻyicha tekshirish natijalari yuzasidan Ekspert-kriminalistika bosh markazi eksperti tomonidan Davlat oʻq-gilzotekasi maʼlumotlar bazasi boʻyicha mos kelishlar bor yoki yoʻqligi toʻgʻrisidagi xulosa va (yoki) ushbu Nizomga 9-ilovaga muvofiq shakl boʻyicha maʼlumotnoma beriladi.
38. Davlat oʻq-gilzotekasidan soyli stvolli oʻqotar qurolning izlari boʻlgan oʻq, gilza va patronlar tergovga qadar tekshiruv, surishtiruv va dastlabki tergovni amalga oshiruvchi organning qarori yoki sudning ajrimi asosida zarur protsessual harakatlarni amalga oshirish uchun vaqtincha olinishi mumkin, bunda soyli stvolli oʻqotar qurolning izlari boʻlgan oʻq, gilza va patronlar boʻlgan paket ushbu Nizomga 10-ilovaga muvofiq shakldagi nazorat kartochkasi bilan almashtiriladi.
Vaqtincha olingan oʻq, gilza va patronlar zarur protsessual harakatlar yakunlanganidan soʻng oʻn ish kuni mobaynida Davlat oʻq-gilzotekasiga qaytarilishi shart.
39. Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlarning Davlat oʻq-gilzotekasiga yuborilishi va tekshiruv natijalari boʻyicha hujjatlar tergovga qadar tekshiruv, surishtiruv va dastlabki tergovni amalga oshiruvchi organ tomonidan ish hujjatlariga qoʻshib qoʻyiladi.
40. Ichki ishlar vazirligi Interpol milliy markaziy byurosi yoʻnalishi boʻyicha Oʻzbekiston Respublikasidan tashqaridagi hodisa joylaridan olingan soyli stvolli oʻqotar qurolning izlari boʻlgan oʻq, gilza va patronlarning elektron yoki klon (nusxa) shakli Davlat oʻq-gilzotekasi boʻyicha tekshirish uchun qabul qilinishi mumkin.
7-bob. Soyli stvolli oʻqotar qurolning izlari boʻlgan oʻq, gilza va patronlarni saqlash tartibi
41. Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlar oʻttiz yil davomida saqlanadi.
42. Fuqaroviy va xizmat qurolidan nazorat tartibida otilgan oʻq va gilzalar ushbu Nizomning 14-bandiga muvofiq uch yil davomida yoki qayta nazorat otish amalga oshirilgunga qadar saqlanadi.
Qurol egasi yoki yuridik shaxs vakili ushbu Nizomning 14-bandida belgilangan muddatda qayta otishni amalga oshirish uchun murojaat qilmaganida, Ekspert-kriminalistika bosh markazi hududiy ichki ishlar organiga 20 ish kunidan kech boʻlmagan muddatda qurol egasi, u hisobga olingan joy, qurol turi, rusumi, kalibri, seriyasi, raqami va ishlab chiqarilgan yili, shuningdek, quroldan qachon nazorat otishni amalga oshirish lozimligi toʻgʻrisidagi maʼlumot koʻrsatilgan bildirish xati yuboradi.
43. Soyli stvolli oʻqotar qurolning izlari boʻlgan oʻq, gilza va patronlar Davlat oʻq-gilzotekasida saqlanadi.
44. Qayta nazorat otish oʻtkazilishi munosabati bilan nazorat oʻq va gilzalar almashtirilganida qaydlov oʻq-gilzotekasini roʻyxatga olish jurnaliga tegishli belgi qoʻyiladi.
45. Hodisa joylaridan olingan soyli stvolli oʻqotar qurolning izlari boʻlgan oʻq, gilza va patronlarni saqlash muddati oʻtganida, shuningdek, qayta nazorat otish munosabati bilan nazorat oʻq va gilzalar almashtirilganida, ular Ekspert-kriminalistika bosh markazining uch nafardan kam boʻlmagan tarkibdagi komissiyasi tomonidan ushbu Nizomga 11-ilovaga muvofiq shakldagi otilgan oʻq va gilzani hisobdan chiqarish dalolatnomasini rasmiylashtirish bilan hisobdan chiqariladi.
Komissiya tarkibi Ekspert-kriminalistika bosh markazi boshligʻining farmoyishi bilan tasdiqlanadi.
46. Hisobdan chiqarilgan oʻq va gilzalar Ichki ishlar vazirligi tomonidan belgilangan tartibda yoʻq qilinadi.
47. Fuqaroviy va xizmat qurolini, shuningdek, “Qurol toʻgʻrisida”gi Oʻzbekiston Respublikasi Qonunining 12-moddasi yettinchi qismida koʻzda tutilgan soyli stvolli jangovar qurolning alohida turlarini oʻz vaqtida nazorat tartibida otishga rioya qilish ustidan nazorat Oʻzbekiston Respublikasi Ichki ishlar vazirligi Patrul-post xizmati va jamoat tartibini saqlash bosh boshqarmasi tomonidan amalga oshiriladi.
8-bob. Yakunlovchi qoidalar
48. Otilgan oʻq va gilzalarni Davlat oʻq-gilzotekasiga yetkazish belgilangan tartibda rasmiylashtirilib, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Davlat feldegerlik xizmati orqali yoki qoʻlda vakolatli shaxs tomonidan amalga oshiriladi.
Qurol va patronlarni Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Davlat feldegerlik xizmati va pochta orqali joʻnatish taqiqlanadi.
49. Tergovga qadar tekshiruv, surishtiruv va dastlabki tergovni amalga oshiruvchi organlar soyli stvolli oʻqotar qurolni qoʻllash bilan bogʻliq jinoyatlar fosh etilishi holatlari toʻgʻrisida besh ish kuni mobaynida Ekspert-kriminalistika bosh markazini yozma ravishda xabardor qilishi shart.
50. Fuqaroviy va xizmat quroli hisobdan chiqarilganda (yoʻq qilish, sotish, Oʻzbekiston Respublikasidan tashqariga oʻtkazish va h.k.) Oʻzbekiston Respublikasi Ichki ishlar vazirligi Patrul-post xizmati va jamoat tartibini saqlash bosh boshqarmasi nazorat-litsenziyalash faoliyati boʻlimi qurolni hisobdan chiqarish sabablarini, fuqaro yoki yuridik shaxs haqidagi maʼlumotlarni, har bir qurol nusxasi turi, rusumi, kalibri, seriyasi, raqami va ishlab chiqarilgan yilini koʻrsatgan holda bu haqda Ekspert-kriminalistika bosh markazini besh ish kuni mobaynida yozma ravishda xabardor qiladi.
51. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 1-ILOVA
Qaydlov oʻq-gilzotekasiga hisobga qoʻyish uchun otish
T/r Qaydlov oʻq-gilzotekasiga qoʻyiladigan qurollar Nazorat tartibida otiladigan davr 1 . Jismoniy va yuridik shaxslar tomonidan sotib olingan qurol Ichki ishlar organlarida qurolni roʻyxatdan oʻtkazishdan oldin 2 . Jismoniy shaxslarga tegishli boʻlgan qurol Uch yilda bir marotaba, qurolni realizatsiya qilish holatida esa — ichki ishlar organlarida qurolni qayta roʻyxatdan oʻtkazishdan oldin 3 . Mukofot quroli Ichki ishlar organlarida qurolni roʻyxatdan va qayta roʻyxatdan oʻtkazishdan oldin 4 . Jismoniy va yuridik shaxslar tomonidan kolleksiyalash va koʻrgazmaga qoʻyish quroli Ichki ishlar organlarida qurolni roʻyxatdan va qayta roʻyxatdan oʻtkazishdan oldin 5 . Fuqaroviy va xizmat quroli hamda ularning oʻq-dorilari realizatsiyasini amalga oshiradigan yuridik shaxslar tomonidan olib kirilgan qurol Realizatsiya qilishdan oldin 6 . Yuridik shaxslar egaligida boʻlgan qurol Uch yilda bir marotaba, qurolni realizatsiya qilish holatida esa — ichki ishlar organlarida qurolni qayta roʻyxatdan oʻtkazishdan oldin 7 . Chet el fuqarolari va fuqaroligi boʻlmagan shaxslar Oʻzbekiston Respublikasi hududiga ov bilan shugʻullanish uchun vaqtinchalik kirganida ularga tegishli boʻlgan qurollar Tashishga ruxsatnomani rasmiylashtirish va roʻyxatdan oʻtkazishdan oldin 8 . Jismoniy va yuridik shaxslarga tegishli boʻlgan qurollar taʼmirlanganda yoki oʻzgartirish kiritilganda (agar urib-qoʻyib yuboruvchi mexanizm, patrondon va stvol kanaliga taʼsir qilsa) Realizatsiya qilish yoki e gasiga berishdan oldin 9 . Oʻzbekiston Respublikasi hududida realizatsiya qilish uchun moʻljallangan, yuridik shaxslarning qurol ishlab chiqaruvchi korxonalarida tayyorlangan qurollar Realizatsiya qilishdan oldin
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 2-ILOVA
ShAKL ___________________________ (IIO EKB nomlanishi) boshligʻi __________________________ (unvoni) __________________________ ga (F.I.O.) Quroldan otish va uni kriminalistik oʻq-gilzotekadan tekshirish uchun SOʻROVNOMA Jinoyat ishini tergov qilish davomida ________(tergovga qadar tekshiruv, tintuv va h.k.) _____________ (ish raqami) __________________________________________________________________________ holati boʻyicha (ishning qisqacha tafsiloti) ______________________________________________________________________ ______________________________________________________________________ ______________________________________________________________________ ______________________________________________________________________ Sizdan _____________ toʻpponcha(lar), avtomat(lar), vintovka (lar), karabin(lar)ni otishni amalga oshirib, (obyekt miqdori) Oʻzbekiston Respublikasining Davlat oʻq-gilzotekasi boʻyicha tekshirilishini soʻrayman. Boshliq ______________________________________________________________ (boʻlinma, lavozim, unvon (mavjud boʻlganda), imzo, F.I.O.)
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 3-ILOVA
ShAKL __________________________________ (boʻlinmaning nomlanishi) boshligʻi ___________________________________ _________________________________ ga (boʻlinma rahbarining F.I.O. koʻrsatiladi) Kriminalistik oʻq-gilzoteka maʼlumotlar bazasidan tekshirish natijalari haqida MAʼLUMOTNOMA Siz yuborgan qurol (yoki nazorat tartibida otilgan oʻqotar qurolning ____ dona oʻq va gilzalari)_____________________________________________________________________________________ ______________________________________________________________________ (qurolning turi, rusumi, kalibri, seriyasi, raqami va ishlab chiqarilgan yili koʻrsatiladi) Oʻzbekiston Respublikasi Davlat oʻq-gilzotekasi boʻyicha tekshirildi. Davlat oʻq-gilzotekasi maʼlumotlar bazasida ________________________________________________ ______________________________________________________________________ (mos kelgan qurol turi, jinoyat ishi raqami va boshqa tafsilotlari) aniqlandi (yoki moslik aniqlanmadi) Tekshiruvni amalga oshirdi: ___________________________ (lavozimi, F.I.O., imzo) Boshliq ___________________________ (boʻlinma, lavozim, unvon, imzo, F.I.O.)
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 4-ILOVA
Qurolni nazorat tartibida otishni oʻtkazadigan ichki ishlar organlari ekspert-kriminalistika boʻlinmalari
T/r Hudud Ichki ishlar organi 1. Toshkent shahri Toshkent shahar Ichki ishlar bosh boshqarmasi Ekspert-kriminalistika markazi 2. Toshkent viloyati Toshkent viloyati Ichki ishlar bosh boshqarmasi Ekspert-kriminalistika boʻlimi 3. Sirdaryo viloyati Sirdaryo viloyati Ichki ishlar boshqarmasi Ekspert-kriminalistika boʻlimi 4. Andijon viloyati Andijon viloyati Ichki ishlar boshqarmasi Ekspert-kriminalistika boʻlimi 5. Namangan viloyati Namangan viloyati Ichki ishlar boshqarmasi Ekspert-kriminalistika boʻlimi 6. Fargʻona viloyati Fargʻona viloyati Ichki ishlar boshqarmasi Ekspert-kriminalistika boʻlimi 7. Navoiy viloyati Navoiy viloyati Ichki ishlar boshqarmasi Ekspert-kriminalistika boʻlimi 8. Jizzax viloyati Jizzax viloyati Ichki ishlar boshqarmasi Ekspert-kriminalistika boʻlimi 9. Qashqadaryo viloyati Qashqadaryo viloyati Ichki ishlar boshqarmasi Ekspert-kriminalistika boʻlimi 10. Xorazm viloyati Xorazm viloyati Ichki ishlar boshqarmasi Ekspert-kriminalistika boʻlimi 11. Samarqand viloyati Samarqand viloyati Ichki ishlar boshqarmasi Ekspert-kriminalistika boʻlimi 12. Surxondaryo viloyati Surxondaryo viloyati Ichki ishlar boshqarmasi Ekspert-kriminalistika boʻlimi 13. Buxoro viloyati Buxoro viloyati Ichki ishlar boshqarmasi Ekspert-kriminalistika boʻlimi 14. Qoraqalpogʻiston Respublikasi Qoraqalpogʻiston Respublikasi Ichki ishlar vazirligi Ekspert-kriminalistika boʻlimi
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 5-ILOVA
ShAKL __________________________________ (IIO EKB nomlanishi) boshligʻiga _________________________________ ________________________________ dan (qurol egasining yoki yuridik shaxs rahbarining F.I.O. (mavjud boʻlganda) koʻrsatiladi) __________________________________ (manzili) __________________________________ (qurol egasining yoki yuridik shaxs vakilining telefon raqami) Fuqaroviy va xizmat qurolini nazorat tartibida otishni amalga oshirish uchun ARIZA Sizdan ______ ta oʻqotar quroldan nazorat tartibida otishni amalga oshirishni soʻrayman. ______________________________________________________________________ (qurolning turi, rusumi, kalibri, seriyasi, raqami va ishlab chiqarilgan yili koʻrsatiladi) ______________________________________________________________________ ______________________________________________________________________ __________________________________________ familiyasi, ismi, otasining ismi (imzo) 20___ yil “____” ______________
Oʻzbekiston Republikasi Davlat oʻq-gilzotekasini yuritish tartibi toʻgʻrisidagi nizomga 6-ILOVA
Oʻqotar quroldan nazorat tartibida otish jarayonlari
Bosqichlar Subyektlar Tadbir Bajarish muddatlari 1-bosqich Jismoniy va yuridik shaxs (ariza beruvchi) 1. Fuqaroviy va xizmat soyli stvolli oʻqotar quroldan nazorat tartibida otish dalolatnomasini olish uchun qurol va uning patronlarini, zarur hujjatlarni tayyorlaydi. 2. Bevosita (jismoniy shaxslar uchun) yoki ishonchli vakil (yuridik shaxslar uchun) orqali hujjatlarni, qurol va uning patronlarini ichki ishlar organlarining ekspert-kriminalistika boʻlinmalariga taqdim etadi. Ushbu nizomga 1-ilovada belgilangan muddatlarda 2-bosqich Ekspert-kriminalistika boʻlinmalari 1. Hujjatlarni koʻrib chiqib hamda qurol va uning oʻq-dorilarini koʻzdan kechirib, quroldan otishni amalga oshirish boʻyicha qaror qabul qiladi yoki otishning imkoni boʻlmaganligi sabablari maʼlum qilingan xat bilan materiallarni ijrosiz qaytaradi. 2. Hujjatlar, qurol va uning oʻq-dorilarini roʻyxat boʻyichaqabul qilib, hujjatlarni qabul qilish sanasi, qurol va uning oʻq-dorilari turi, raqami va miqdori toʻgʻrisida belgi qoʻyilgan nusxasini ariza beruvchiga yuboradi (topshiradi). 3. Ariza beruvchiga yigʻimni toʻlash uchun kvitansiya beradi. Hujjatlar, qurol va uning patronlari qabul qilingan kunda 3-bosqich Ariza beruvchi Quroldan otish boʻyicha toʻlovni amalga oshiradi Murojaat etilgan kundan boshlab uch ish kuni mobaynida 4-bosqich Ekspert-kriminalistika boʻlinmalari Toʻlov amalga oshirilmagan holatda ekspert-kriminalistika boʻlinmalari qurolning egasi yoki yuridik shaxs vakiliga nazorat tartibida otish bajarilmaganligi haqida xabar qilib, taqdim qilingan hujjatlar, qurol va patronlarni qaytaradi. Murojaat etilgan kundan boshlab uch ish kunida 5-bosqich Ariza beruvchi Otish amalga oshirilishi rad etilishiga asos boʻlgan sabablar bartaraf etilgan taqdirda, ariza beruvchi hujjatlarni qayta topshirishi mumkin. Otishni oʻtkazishni rad etishga asos boʻlgan sabablar bartaraf etilganda 6-bosqich Ekspert-kriminalistika boʻlinmalari 1. Ekspert nazorat oʻq va gilzalarni olib quroldan otishni amalga oshiradi. 2. Quroldan otishni amalga oshirgan ekspert quroldan otish dalolatnomasini rasmiylashtiradi. 3. Dalolatnomaning birinchi nusxasi hududiy ichki ishlar organiga egasining nazorat-kuzatuv yigʻmajildiga kiritish uchun yuboriladi. Ikkinchi nusxasi qurol va sarflanmagan patronlar bilan yuridik shaxsga yoki egasiga beriladi. Uchinchi nusxasi nazorat oʻqlari va gilzalar bilan Davlat oʻq-gilzotekasiga yuboriladi. 4. Dalolatnomani berish bilan bir vaqtda ov biletiga ekspert-kriminalistika boʻlinmalarining shtampi bosilib va ekspertning imzosi qoʻyilib, fuqaroviy quroldan nazorat tartibida otilganligi tasdiqlanadi. Quroldan otish boʻyicha toʻlovni tasdiqlovchi hujjat taqdim etilgan kundan boshlab yetti ish kuni mobaynida.
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 7-ILOVA
ShAKL “TASDIQLAYMAN” ___________________________ (lavozimi, unvoni), ___________________________ (vakolatli mansabdor shaxsning F.I.O.) ___________________________ M.Oʻ. Fuqaroviy va xizmat soyli stvolli oʻqotar quroldan nazorat tartibida otishning _______-son DALOLATNOMASI 20_____yil ___________ Ushbu dalolatnoma shu haqdaki, komissiya tomonidan hisobda, sanoqda (egalikda mavjud) boʻlgan _______ta oʻqotar quroldan nazorat tartibida otilganligi haqida tuzildi. ______________________________________________________________________ (yuridik shaxsning nomlanishi) ______________________________________________________________________ (qurolning egasi — fuqaroning F.I.O.) Oʻqotar qurolning turi Rusumi Kalibri Seriyasi, raqami Ishlab chiqarilgan yili Nazorat tartibida otishlar soni Nazorat tartibida otish boshlandi _________________________________________________ (sanasi, vaqti) Tugadi _______________________________________________________________________________ (sanasi, vaqti) Oʻqlari va gilzalari mavjud boʻlgan paketlar saqlash uchun ______________________________________ ______________________________________________________________ ga qoʻyildi. Taqdim etilgan patronlar soni: ____________________________________________________________ Qaytarilgan sarflanmagan patronlarning soni: ________________________________________________ Izoh: ________________________________________________________________________________ Ekspert: ________________(imzo) __________________________________________(familiyasi, ismi, otasining ismi) Boshliq: ________________(imzo) __________________________________________(familiyasi, ismi, otasining ismi)
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 8-ILOVA
ShAKL ___________________________ (IIO EKB nomlanishi) boshligʻi __________________________ (unvoni) _________________________ ga (F.I.O.) Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlarni Davlat oʻq-gilzotekasiga hisobga qoʻyish va undan tekshirish uchun SOʻROVNOMA Tergovga qadar tekshiruvni amalga oshirish (surishtiruv, dastlabki tergov) _________________________, (ish raqami) _____________________________ holati boʻyicha _____________________________________ (ishning qisqacha tafsiloti) ______________________________________________________________________ ______________________________________________________________________ ______________________________________________________________________ ______________________________________________________________________ Sizdan hodisa joyidan (murdadan, fuqaro F.I.O.ning tanasidan va h.k.) olingan soyli stvolli oʻqotar qurolning izi boʻlgan _________________ oʻq, (gilza, patron) Oʻzbekiston Respublikasining (obyekt soni) Davlat oʻq-gilzotekasi boʻyicha hisobga qoʻyilishini va tekshirilishini soʻrayman. Boshliq ___________________________________________________ (boʻlinma, lavozimi, unvoni (mavjud boʻlganda), imzo, F.I.O.)
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 9-ILOVA
ShAKL ___________________________ (boʻlinmaning nomlanishi) boshligʻi __________________________ __________________________ ga (boʻlinma rahbarining F.I.O. koʻrsatiladi) Hodisa joyidan olingan soyli stvolli oʻqotar qurolning izlari boʻlgan oʻq, gilza va patronlarni Davlat oʻq-gilzotekasiga hisobga qoʻyilganligi va undan tekshirilganligi haqida MAʼLUMOTNOMA Sizning ______________________________________________________________________________ (hodisaning qisqacha tafsiloti koʻrsatiladi) hodisa joyidan olinib yuborilgan soyli stvolli oʻqotar qurolning izi boʻlgan oʻq (gilza, patron) Oʻzbekiston Respublikasi Davlat oʻq-gilzotekasi boʻyicha tekshirildi. Davlat oʻq-gilzotekas� maʼlumotlar bazasi boʻyicha ____________________________________________ ______________________________________________________________________ (mos kelgan qurol turi, jinoyat ishi raqami va boshqa tafsilotlar) aniqlandi (yoki moslik aniqlanmadi) Tekshiruvni amalga oshirdi: ____________________________ (lavozimi, F.I.O., imzo) Boshliq ___________________________ (boʻlinma, lavozimi, unvoni, imzo, F.I.O.)
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 10-ILOVA
ShAKL Soyli stvolli oʻqotar qurolning izi boʻlgan oʻq, gilza va patronlarni olish NAZORAT VARAQASI Jinoyat ishi raqami ____________________ Hodisaning qisqacha tafsiloti ___________________________________ Olish sanasi ______________ Olish joyi ___________________________________________________________________ Oʻqlar soni _________ Gilzalar soni _________ Patronlar soni _________ Obyektlar tavsifnomasi _______________________________________________________ Olish sanasi Oʻqlar va gilzalar yuborilgan tashkilotning nomi Olish asosi, hujjatning raqami va sanasi Qaytarish sanasi, Topshirdim___________________________________________________________ Qabul qildim_________________________________________________________
Oʻzbekiston Respublikasi Davlat oʻq-gilzotekasini yuritish tartibi toʻgʻrisidagi nizomga 11-ILOVA
ShAKL “TASDIQLAYMAN” ___________________________ (lavozimi, unvoni), ___________________________ (vakolatli mansabdor shaxsning F.I.O.) ___________________________ M.Oʻ. Otilgan oʻq va gilzani Davlat oʻq-gilzotekasidan hisobdan chiqarishning _______-son DALOLATNOMASI 20 ___yil _____________ Ushbu dalolatnoma soyli stvolli oʻqotar quroldan nazorat tartibida otish natijasida olingan oʻqlar va gilzalar hisobdan chiqarilganligi va yoʻq qilish uchun ______________________________________ga berilganligi haqida tuzildi. ______________________________________________________________________ (hisobdan chiqarish asosi) T/r Oʻqotar qurolning turi Rusumi Kalibri Seriyasi, raqami Ishlab chiqarilgan yili Nazorat tartibida otishlar soni Komissiya aʼzolari: ____________(imzo) __________________________________________(familiyasi, ismi, otasining ismi) ____________(imzo) __________________________________________(familiyasi, ismi, otasining ismi) ____________(imzo) __________________________________________(familiyasi, ismi, otasining ismi)
Vazirlar Mahkamasining 2020-yil 10-yanvardagi 13-son qaroriga 2-ILOVA
Oʻzbekiston Respublikasi Davlat oʻq-gilzotekasi faoliyatini tashkil etish chora-tadbirlari
T/r Tadbirlarning nomi Amalga oshirish shakli Bajarish muddatlari Masʼul ijrochilar I. Ichki ishlar organlari ekspert-kriminalistika boʻlinmalarining normativ-huquqiy va metodik bazasini takomillashtirish 1. Tergovga qadar tekshiruv, surishtiruv va dastlabki tergovni amalga oshirish davomida aniqlangan, olingan va ixtiyoriy topshirilgan oʻqotar qurollar va oʻq-dorilarni Oʻzbekiston Respublikasi Davlat oʻq-gilzotekasiga hisobga qoʻyish uchun yuborish va qaytarish tart�bini belgilab beruvchi idoralararo yoʻriqnomani ishlab chiqish. Idoraviy hujjat 2020-yil fevral Ichki ishlar vazirligi (P. Bobojonov), Bosh prokuratura (N. Yoʻldoshev), Davlat xavfsizlik xizmati (A. Azizov), Davlat bojxona qoʻmitasi (M. Azimov), Oliy sud (K. Kamilov), Milliy gvardiya (B. Tashmatov) 2. Ichki ishlar organlarining mavjud shtat birligidan Oʻzbekiston Respublikasi Davlat oʻq-gilzotekasini shakllantirish boʻyicha umumiy soni 32 ta xodimdan iborat qoʻshimcha ekspert lavozimini joriy etishni nazarda tutuvchi ichki ishlar organlari ekspert-kriminalistika boʻlinmalari shtat taqsimotiga oʻzgartirish kiritish. Ichki ishlar vazirining buyrugʻi Bir oy muddatda Ichki ishlar vazirligi (P. Bobojonov) II. Oʻzbekiston Respublikasi Davlat oʻq-gilzotekasi faoliyati sifati va ishonchliligini oshirish hamda innovatsion ishlanmalarni joriy etish 3. Oʻzbekiston Respublikasi Davlat oʻq-gilzotekasi laboratoriyasini ISO/IEC 17025 “Tadqiqot va kalibrovka laboratoriyalarining vakolatliliga qoʻyiladigan umumiy talablar” xalqaro standarti boʻyicha akkreditatsiya qilish masalasini koʻrib chiqish. Chora-tadbirlar rejasi Reja boʻyicha Ichki ishlar vazirligi (P. Bobojonov) 4. Oʻzbekiston Respublikasi Davlat oʻq-gilzotekasini shakllantirish boʻyicha kiritilayotgan ekspertlar lavozimlarini qoʻyilgan topshiriqlarni samarali bajarishga layoqatli, psixologik barqaror, yuqori maʼnaviy-irodali va maʼnaviy sifatlarga, zarur bilimlar va koʻnikmalarga ega boʻlgan, kasbiy tayyorlangan xodimlar bilan jamlash boʻyicha choralarini koʻrish. Chora-tadbirlar rejasi Reja boʻyicha Ichki ishlar vazirligi (P. Bobojonov) 5. Oʻzbekiston Respublikasi Davlat oʻq-gilzotekasini shakllantirish boʻyicha ekspert lavozimiga tayinlangan hududiy ichki ishlar organlari ekspert-kriminalistika boʻlinmalari xodimlarini Oʻzbekiston Respublikasi Ichki ishlar vazirligi Malaka oshirish instituti bazasida oʻqitish. Chora-tadbirlar rejasi Reja boʻyicha Ichki ishlar vazirligi (P. Bobojonov) 6. Tergovga qadar tekshiruv, surishtiruv va dastlabki tergovni amalga oshiruvchi organlar hamda sud xodimlari uchun Oʻzbekiston Respublikasi Davlat oʻq-gilzotekasiga obyektlarni yigʻish, saqlash va taqdim qilish usullari toʻgʻrisida hududiy seminarlar oʻtkazish. Chora-tadbirlar rejasi Reja boʻyicha Ichki ishlar vazirligi (P. Bobojonov) III. Oʻzbekiston Respublikasi Davlat oʻq-gilzotekasi moddiy-texnika bazasini mustahkamlash va faoliyatiga axborot-kommunikatsiya texnologiyalarini joriy qilish 7. Oʻzbekiston Respublikasi Davlat oʻq-gilzotekasini qoʻshimcha apparat-dasturiy komplekslar, texnik jihozlar bilan taʼminlashga, shuningdek, Davlat oʻq-gilzotekasining faoliyatini samarali tashkil etish uchun xonalarni rekonstruksiya qilishga texnik topshiriqni va loyiha-smeta hujjatlarini tayyorlash. Chora-tadbirlar rejasi Bir oy muddatda Ichki ishlar vazirligi (P. Bobojonov) 8. Xonalar ajratish, ularni Oʻzbekiston Respublikasi Ichki ishlar vazirligi Ekspert-kriminalistika bosh markazi tomonidan tayyorlangan texnik topshiriq va loyiha-smeta hujjatlariga muvofiq rekonstruksiya qilish va maxsus mebel, tashkiliy texnika vazamonaviy asbob-uskunalar bilan jihozlash. Tashkiliy chora-tadbirlar 2020-yil fevral Ichki ishlar vazirligi (P. Bobojonov) 9. Oʻzbekiston Respublikasi Davlat oʻq-gilzotekasi tizimi bazasi maʼlumotlariga ruxsat etilmagan murojaat va ulanishlardan, shuningdek, axborotlar chiqib ketishidan himoya qilish boʻyicha choralar koʻrish. Tashkiliy chora-tadbirlar Tasdiqlangan reja-grafikka asosan Ichki ishlar vazirligi (P. Bobojonov) 10. Jismoniy va yuridik shaxslarning ichki ishlar organlariga quroldan otish uchun murojaat qilish tartibini tushuntirish boʻyicha televideniye va boshqa OAVlarida chiqishlar va maxsus videoroliklarni tayyorlash. Tashkiliy chora-tadbirlar 2020-yil mart Ichki ishlar vazirligi (P. Bobojonov) IV. Oʻq-gilzotekasi va qurol nazorati faoliyati sohasida xalqaro hamkorlikni rivojlantirish 11. Ichki ishlar vazirligi ekspertlari xorijiy mamlakatlar huquqni muhofaza qiluvchi organlarining oʻq-gilzotekalari bilan koʻrgazmali tanishishini tashkil etish. Tashkiliy chora-tadbirlar Tasdiqlangan reja-grafikka asosan Ichki ishlar vazirligi (P. Bobojonov) 12. Yetakchi sud-ekspertiza, ilmiy-tadqiqot tashkilotlari va boshqa tashkilotlar bilan oʻzaro hamkorlik bitimlari tuzish, qoʻshma dasturlarni amalga oshirish. Tashkiliy chora-tadbirlar Tasdiqlangan reja-grafikka asosan Ichki ishlar vazirligi (P. Bobojonov) 13. IIV ekspertlari xorijiy davlatlarning sud-ekspertiza muassasalarida stajirovka oʻtashini, shuningdek, qurol nazoratining dolzarb masalalari boʻyicha xalqaro ilmiy-amaliy konferensiya, forum, seminar, kurs, treninglarda muntazam ishtirok etishini tashkil qilish. Tashkiliy chora-tadbirlar Tasdiqlangan reja-grafikka asosan Ichki ishlar vazirligi (P. Bobojonov)
Vazirlar Mahkamasining 2020-yil 10-yanvardagi 13-son qaroriga 3-ILOVA
Oʻzbekiston Respublikasining Davlat oʻq-gilzotekasini moddiy-texnik taʼminlash chora-tadbirlari
T/r Mol-mulkning nomlanishi Oʻlchov birligi Umumiy ehtiyoj Pul oʻlchov birligi Bittasining taxminiy narxi Umumiy summa Masʼul vazirlik va idoralar APPARAT-DASTURIY KOMPLEKSI 1 . Integratsiya qilingan ballistik identifikatsiya tizimi yoki uning analogi dona 3 AQSh dollari 120 000 360 000 Mudofaa vazirligi huzuridagi Mudofaa sanoati agentligi (M. Ibodullayev) , Ichki ishlar vazirligi (P. Bobojonov), Moliya vazirligi (T. Ishmetov) Jami 360 000 INVENTAR 2 . Oʻqotar qurolning nazorat oʻq va gilzalarini saqlash uchun 3000 ta katakli metall javon dona 5 soʻm 18 200 000 91 000 000 Mudofaa vazirligi huzuridagi Mudofaa sanoati agentligi (M. Ibodullayev) , Ichki ishlar vazirligi (P. Bobojonov), Moliya vazirligi (T. Ishmetov) 3 . Uzun stvolli oʻqotar qurolni saqlash uchun 20 dona qurolga taglik va joyli (lojement) devorining qalinligi 3 mm kam boʻlmagan metall javon dona 10 soʻm 10 320 000 103 200 000 4 . Qisqa stvolli oʻqotar qurolni saqlash uchun 80 dona qurolga taglik va joyli (lojement) devorining qalinligi 3 mm kam boʻlmagan metall javon dona 5 soʻm 11 560 000 57 800 000 5 . Oʻqotar qurolning oʻq-dorilarni saqlash uchun devorining qalinligi 3 mm kam boʻlmagan metall javon dona 3 soʻm 3 580 000 10 740 000 Jami 262 740 000
Oʻzbekiston Respublikasining Bosh vaziri A. ARIPOV
Toshkent sh.,
2020-yil 10-yanvar,
13-son