UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

Республика болалар ижтимоий мослашуви марказининг Нукус минтақавий филиали фаолиятини ташкил этиш чора-тадбирлари тўғрисида

Республика болалар ижтимоий мослашуви маркази фаолиятини янада ривожлантириш ва Қорақалпоғистон Республикасида имконияти чекланган, ижтимоий ва ҳуқуқий жиҳатдан хатар гуруҳларига кирадиган болаларга ва уларнинг оилаларига, шунингдек, иқтидорли болаларга кўрсатилаётган ижтимоий-педагогик, ҳуқуқий, тиббий-реабилитация ва ахборот-таълим ёрдамини кенгайтириш учун зарур шарт-шароитлар яратиш мақсадида Вазирлар Маҳкамаси қарор қилади:

1. Ўзбекистон Республикаси Халқ таълими вазирлиги, Республика болалар ижтимоий мослашуви маркази (кейинги ўринларда Марказ деб аталади) ва Қорақалпоғистон Республикаси Вазирлар Кенгашининг Нукус шаҳрида Республика болалар ижтимоий мослашуви маркази минтақавий филиалини (кейинги ўринларда Филиал деб аталади) ташкил этиш тўғрисидаги таклифига розилик берилсин.

2. Вазирлар Маҳкамасининг «Республика болалар ижтимоий мослашуви марказининг ҳудудий филиаллари фаолиятини ташкил этиш чора-тадбирлари тўғрисида» 2013 йил 6 мартдаги 68-сон қарорига мувофиқ:

Марказ минтақавий филиаллари ходимларининг умумий чекланган сони 43 нафар, шу жумладан, бошқарув ходимлари сони 9 нафар бўлган намунавий тузилмаси тасдиқланганлиги;

Марказнинг минтақавий филиаллари фаолиятини молиялаштириш, шу жумладан, битта хизмат енгил автотранспорт воситаси билан таъминлаш, Ўзбекистон Республикаси Давлат бюджети параметрларининг тегишлийилга «Таълим» соҳасида назарда тутиладиган бюджет маблағлари ҳисобидан амалга оширилиши маълумот учун қабул қилинсин.

3. Марказ бир ой муддатда мазкур қарорнинг 2-бандида кўрсатилган намунавий тузилма асосида Филиалнинг тузилмасини тасдиқлаш чораларини кўрсин.

4. Ўзбекистон Республикаси Молия вазирлиги 2020 йилда Филиални сақлаш харажатлари учун Ўзбекистон Республикаси Давлат бюджети параметрлари доирасида маблағлар ажратсин ҳамда ҳар йили зарур бўладиган бюджет маблағларини назарда тутсин.

5. Марказ Ўзбекистон Республикаси Бандлик ва меҳнат муносабатлари вазирлиги билан биргаликда Филиални замонавий фикрловчи, юқори малакали ва масъулият туйғуси юқори бўлган, имконияти чекланган, ижтимоий ва ҳуқуқий жиҳатдан хатар гуруҳларидан бўлган болалар ва уларнинг оилаларига, шунингдек, иқтидорли болаларга ижтимоий-педагогик, ҳуқуқий, тиббий-реабилитация ва ахборот-таълим ёрдами кўрсатиш соҳасида тегишли амалий иш тажрибасига эга бўлган ходимлар билан таъминлаш юзасидан зарур чораларни кўрсин.

6. Қорақалпоғистон Республикаси Вазирлар Кенгаши:

Филиални жойлаштириш учун мос бино ажратсин;

Марказ Ўзбекистон Республикаси Инвестициялар ва ташқи савдо вазирлиги билан биргаликда Филиални зарур жиҳозлар билан таъминлаш учун таклифларни ишлаб чиқиб, хорижий ва маҳаллий ташкилотларнинг грантларини жалб этиш юзасидан тегишли чоралар кўрсин.

7. Вазирлар Маҳкамасининг «Республика болалар ижтимоий мослашуви маркази фаолиятини янада такомиллаштириш тўғрисида» 2012 йил 28 июндаги 185-сон қарорига (Ўзбекистон Республикаси ҚҲТ, 2012 йил, 26-27-сон, 295-модда) иловага мувофиқ ўзгартириш киритилсин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Қорақалпоғистон Республикаси Вазирлар Кенгаши раиси Қ.Р. Сариев зиммасига юклансин.

Вазирлар Маҳкамасининг 2020 йил 9 январдаги 11-сон қарорига ИЛОВА

Вазирлар Маҳкамасининг «Республика болалар ижтимоий мослашуви маркази фаолиятини янада такомиллаштириш тўғрисида» 2012 йил 28 июндаги 185-сон қарорига киритилаётган ўзгартириш

1-илованинг матни қуйидаги таҳрирда баён этилсин:

«Республика болалар ижтимоий мослашуви марказининг

Ўзбекистон Республикасининг Бош вазири А. АРИПОВ

Тошкент ш.,

2020 йил 9 январь,

11-сон

(Қонун ҳужжатлари маълумотлари миллий базаси, 10.01.2020 й., 09/20/11/0032-сон)

Oʻzbekiston Respublikasi Vazirlar Mahkamasining

qarori

TUZILMASI

Respublika bolalar ijtimoiy moslashuvi markazining Nukus mintaqaviy filiali faoliyatini tashkil etish chora-tadbirlari toʻgʻrisida

Respublika bolalar ijtimoiy moslashuvi markazi faoliyatini yanada rivojlantirish va Qoraqalpogʻiston Respublikasida imkoniyati cheklangan, ijtimoiy va huquqiy jihatdan xatar guruhlariga kiradigan bolalarga va ularning oilalariga, shuningdek, iqtidorli bolalarga koʻrsatilayotgan ijtimoiy-pedagogik, huquqiy, tibbiy-reabilitatsiya va axborot-taʼlim yordamini kengaytirish uchun zarur shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Xalq taʼlimi vazirligi, Respublika bolalar ijtimoiy moslashuvi markazi (keyingi oʻrinlarda Markaz deb ataladi) va Qoraqalpogʻiston Respublikasi Vazirlar Kengashining Nukus shahrida Respublika bolalar ijtimoiy moslashuvi markazi mintaqaviy filialini (keyingi oʻrinlarda Filial deb ataladi) tashkil etish toʻgʻrisidagi taklifiga rozilik berilsin.

2. Vazirlar Mahkamasining “Respublika bolalar ijtimoiy moslashuvi markazining hududiy filiallari faoliyatini tashkil etish chora-tadbirlari toʻgʻrisida” 2013-yil 6-martdagi 68-son qaroriga muvofiq:

Markaz mintaqaviy filiallari xodimlarining umumiy cheklangan soni 43 nafar, shu jumladan, boshqaruv xodimlari soni 9 nafar boʻlgan namunaviy tuzilmasi tasdiqlanganligi;

Markazning mintaqaviy filiallari faoliyatini moliyalashtirish, shu jumladan, bitta xizmat yengil avtotransport vositasi bilan taʼminlash, Oʻzbekiston Respublikasi Davlat budjeti parametrlarining tegishliyilga “Taʼlim” sohasida nazarda tutiladigan budjet mablagʻlari hisobidan amalga oshirilishi maʼlumot uchun qabul qilinsin.

3. Markaz bir oy muddatda mazkur qarorning 2-bandida koʻrsatilgan namunaviy tuzilma asosida Filialning tuzilmasini tasdiqlash choralarini koʻrsin.

4. Oʻzbekiston Respublikasi Moliya vazirligi 2020-yilda Filialni saqlash xarajatlari uchun Oʻzbekiston Respublikasi Davlat budjeti parametrlari doirasida mablagʻlar ajratsin hamda har yili zarur boʻladigan budjet mablagʻlarini nazarda tutsin.

5. Markaz Oʻzbekiston Respublikasi Bandlik va mehnat munosabatlari vazirligi bilan birgalikda Filialni zamonaviy fikrlovchi, yuqori malakali va masʼuliyat tuygʻusi yuqori boʻlgan, imkoniyati cheklangan, ijtimoiy va huquqiy jihatdan xatar guruhlaridan boʻlgan bolalar va ularning oilalariga, shuningdek, iqtidorli bolalarga ijtimoiy-pedagogik, huquqiy, tibbiy-reabilitatsiya va axborot-taʼlim yordami koʻrsatish sohasida tegishli amaliy ish tajribasiga ega boʻlgan xodimlar bilan taʼminlash yuzasidan zarur choralarni koʻrsin.

6. Qoraqalpogʻiston Respublikasi Vazirlar Kengashi:

Filialni joylashtirish uchun mos bino ajratsin;

Markaz Oʻzbekiston Respublikasi Investitsiyalar va tashqi savdo vazirligi bilan birgalikda Filialni zarur jihozlar bilan taʼminlash uchun takliflarni ishlab chiqib, xorijiy va mahalliy tashkilotlarning grantlarini jalb etish yuzasidan tegishli choralar koʻrsin.

7. Vazirlar Mahkamasining “Respublika bolalar ijtimoiy moslashuvi markazi faoliyatini yanada takomillashtirish toʻgʻrisida” 2012-yil 28-iyundagi 185-son qaroriga (Oʻzbekiston Respublikasi QHT, 2012-yil, 26-27-son, 295-modda) ilovaga muvofiq oʻzgartirish kiritilsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Qoraqalpogʻiston Respublikasi Vazirlar Kengashi raisi Q.R. Sariyev zimmasiga yuklansin.

Vazirlar Mahkamasining 2020-yil 9-yanvardagi 11-son qaroriga ILOVA

Vazirlar Mahkamasining “Respublika bolalar ijtimoiy moslashuvi markazi faoliyatini yanada takomillashtirish toʻgʻrisida” 2012-yil 28-iyundagi 185-son qaroriga kiritilayotgan oʻzgartirish

1-ilovaning matni quyidagi tahrirda bayon etilsin:

“Respublika bolalar ijtimoiy moslashuvi markazining

Oʻzbekiston Respublikasining Bosh vaziri A. ARIPOV

Toshkent sh.,

2020-yil 9-yanvar,

11-son

(Qonun hujjatlari maʼlumotlari milliy bazasi, 10.01.2020-y., 09/20/11/0032-son)