📅 2019-yil 8-dekabr · Vazirlik va idoralar hujjatlari · Milliy gvardiyasi qoʻmondoni
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 декабрь · Вазирлик ва идоралар ҳужжатлари · Миллий гвардияси қўмондони
Расмий матн. Расмий ҳужжат. Таҳририй изоҳлар киритилмаган.
📅 8 декабря 2019 г. · Документы министерств и ведомств · Командующего Национальной гвардии
Официальный текст. Официальный документ. Редакционные примечания не включены.
📅 8 December 2019 · Ministry and agency documents · Milliy gvardiyasi qoʻmondoni
Official text. Official document. Editorial notes are not included.
Ўзбекистон Республикаси Миллий гвардияси қўмондонининг
буйруғи
НИЗОМ
РЎЙХАТИ
ЖУРНАЛИ
ВАРАҚАСИ
МЕТОДИКАСИ
ҚАЙДНОМА
ЖАДВАЛИ
ҚАЙДНОМА
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2019 йил 12 сентябрдаги ПҚ-4447-сон «Ўзбекистон Республикаси фуқароларининг ҳарбий хизматни ўташ тартиби тўғрисидаги низомни тасдиқлаш ҳақида»ги қарорига мувофиқ буюраман:
1. Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низом иловага мувофиқ тасдиқлансин.
2. Қуйидагилар ўз кучини йўқотган деб топилсин:
Ўзбекистон Республикаси Миллий гвардияси қўмондонининг 2018 йил 25 июлдаги 199-сон «Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни танлаш ва қабул қилиш тартиби тўғрисидаги низомни тасдиқлаш ҳақида»ги буйруғи (рўйхат рақами 3060, 2018 йил 28 август) (Қонун ҳужжатлари маълумотлари миллий базаси, 29.08.2018 й., 10/18/3060/1806-сон);
Ўзбекистон Республикаси Миллий гвардияси қўмондонининг 2018 йил 24 сентябрдаги 243-сон «Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни танлаш ва қабул қилиш тартиби тўғрисидаги низомга ўзгартириш ва қўшимчалар киритиш ҳақида»ги буйруғи (рўйхат рақами 3060-1, 2018 йил 10 октябрь) (Қонун ҳужжатлари маълумотлари миллий базаси, 10.10.2018 й., 10/18/3060-1/2031-сон).
3. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Миллий гвардияси қўмондонининг 2019 йил 8 декабрдаги 248-сон буйруғига ИЛОВА
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги
Мазкур Низом Ўзбекистон Республикаси Миллий гвардияси (бундан буён матнда Миллий гвардия деб юритилади) бўлинмаларига контракт бўйича ҳарбий хизматга номзодларни саралаш тартибини белгилайди.
1-боб. Умумий қоидалар
1. Ушбу Низомда қуйидаги асосий тушунчалардан фойдаланилади:
контракт бўйича ҳарбий хизмат — Қуролли Кучлар сафидаги ҳақиқий ҳарбий хизматга ихтиёрийлик асосида Миллий гвардия орқали давлат билан тузиладиган контрактга биноан кирган фуқаролар бажарадиган ҳарбий хизмат;
ҳарбий-касбий саралаш (бундан буён матнда саралаш деб юритилади) — фуқароларни (номзодларни) контракт бўйича ҳарбий хизматга қўйилган талабларга мос келишини аниқлашга қаратилган тадбирлар комплекси (интеллектуал ривожланганлик ва психоэмоционал барқарорлик даражасини психологик ўрганиш, тиббий кўрикдан ўтказиш, жисмоний имкониятларни баҳолаш, шунингдек ҳарбий хизмат учун касбий жиҳатдан муҳим бўлган бошқа сифатлар);
номзод — контракт бўйича ҳарбий хизматга кириш ҳақидаги аризаси кўриб чиқиш учун қабул қилинган фуқаро.
2. Номзодларни контракт бўйича ҳарбий хизматга қабул қилиш учун саралаш тадбирлари ташкил қилинади.
3. Номзодларни контракт бўйича ҳарбий хизматга саралаш тадбирлари қуйидаги босқичларни ўз ичига олади:
а) номзодни дастлабки ўрганиш (ҳужжатларни йиғиш ва ўрганиш, жисмоний тайёргарлик синови, суҳбат);
б) жисмоний тайёргарлик даражасини баҳолаш;
в) психологик ўрганиш (номзоднинг интеллектуал ривожланганлик даражаси ва психоэмоционал барқарорлигини баҳолаш);
г) тиббий кўрик;
д) махсус текширув.
4. Миллий гвардия учун зарур ҳолларда илмий даража ёки илмий унвонга эга бўлган фан арбоблари, шунингдек маданият вакиллари, сўнги беш йил давомида республика миқёсидаги спорт мусобақасининг ғолиби бўлган ёки халқаро миқёсдаги спорт мусобақасининг 1 — 3-ўринларидан бирини эгаллаган спортчилар истисно тариқасида саралашнинг фақатгина тиббий кўрик ва махсус текширув босқичларидан ўтадилар.
2-боб. Номзодларга қўйиладиган умумий талаблар
5. Саралашда Ўзбекистон Республикасининг умумий ўрта ёки ўрта махсус (бошланғич, ўрта, ўрта махсус профессионал) ёхуд олий маълумотга эга бўлган қуйидаги фуқаролари иштирок этишлари мумкин:
ўн саккиз ёшдан ўттиз ёшгача бўлган шахслар;
муқаддам контракт бўйича ҳарбий хизматни ўтаган қирқ ёшгача бўлган шахслар;
резервдаги ва захирадаги қирқ ёшгача бўлган офицерлар.
Бунда, эркак жинсидаги номзод Ўзбекистон Республикаси Қуролли Кучлари сафида муддатли ҳарбий хизматни ўтаган (ўтаётган) ёки сафарбарлик чақируви резервида ҳарбий хизматни ўтаган ёхуд олий таълим ташкилотлари ҳарбий тайёргарлик курсларида ўқишни тугатган бўлиши, шунингдек ҳарбий рўйхатда турган бўлиши керак.
Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга мувофиқ контракт бўйича ҳарбий хизматчилар лавозимларини бутлаш учун юксак касбий тайёргарлик ва фаолиятида катта тажрибага эга бўлган, контракт бўйича ҳарбий хизматда бўлишнинг белгиланган ёш чегарасига етмаган фуқароларни Ўзбекистон Республикаси Президенти ҳузуридаги Хавфсизлик кенгаши аппарати билан келишилган ҳолда Миллий гвардия қўмондонининг буйруғи асосида ҳарбий хизматга қабул қилишга рухсат этилади.
6. Контракт бўйича ҳарбий хизматга қабул қилишда номзод бўйининг баландлиги қуйидаги махсус антропометрик параметрларга жавоб бериши талаб этилади:
эркак жинсидаги номзоднинг бўйи — 180 сантиметрдан паст бўлмаслиги керак;
аёл жинсидаги номзоднинг бўйи — 175 сантиметрдан паст бўлмаслиги керак.
Ушбу бандда белгиланган талаблар мазкур Низомнинг 4-бандида кўрсатилган шахсларга ҳамда 1-иловасида назарда тутилган мутахассисликларга эга шахсларга нисбатан татбиқ этилмайди.
3-боб. Номзодни дастлабки ўрганишни ташкил этиш ва ўтказиш
8. Номзодни дастлабки ўрганиш босқичи ўтказилишини таъминлаш мақсадида Миллий гвардия бўлинмаларида тегишли бўлинма бошлиғи ёки командирининг буйруғи билан доимий фаолият юритадиган Номзодни дастлабки ўрганиш комиссияси (бундан буён матнда Ўрганиш комиссияси деб юритилади) ташкил этилади ҳамда номзодлар учун мунтазам қабул кунлари белгиланади (масалан, ҳафтанинг муайян кунлари ёки ойнинг муайян саналари).
9. Ўрганиш комиссияси таркиби Миллий гвардия бўлинмаси бошлиғи ёки командири, унинг ўринбосарлари ҳамда бўлинма ҳарбий хизматчилари орасидан шакллантирилади.
Миллий гвардия бўлинмаси бошлиғи ёки командири — Ўрганиш комиссияси раиси, кадр органи бошлиғи эса — Ўрганиш комиссияси котиби ҳисобланади.
10. Миллий гвардия бўлинмалари ҳудудига кириш жойларида номзодларни саралаш тартиби, уларга қўйиладиган талаблар ва мунтазам қабул кунлари ҳақидаги маълумотлар қайд этилган ахборот стендлари жойлаштирилиши лозим.
11. Контракт бўйича ҳарбий хизматга кириш истагини билдирган фуқаро яшаш жойидаги Миллий гвардия бўлинмасига мазкур Низомнинг 2-иловасига мувофиқ шаклдаги ариза билан мурожаат қилади. Турган жойи бўйича таҳсил олаётган ёки расмий меҳнат фаолияти билан шуғулланаётган фуқаролар ушбу ҳудуддаги Миллий гвардия бўлинмасига мурожаат қилишлари мумкин.
12. Номзод муқаддам контракт бўйича ҳарбий хизматни ўтаган бўлса, аризада контракт бўйича ҳарбий хизматдан бўшатилиш сабабини кўрсатиши лозим.
13. Навбатдаги қабул куни давомида номзодлар ҳужжатларини қабул қилиш ва ўрганиш, жисмоний тайёргарлик синови тадбирлари ҳамда суҳбат ўтказилади.
14. Ўрганиш комиссияси котиби саралаш учун ҳозир бўлган номзод ҳақидаги маълумотларни мазкур Низомнинг 3-иловасига мувофиқ шаклдаги Номзодларни рўйхатга олиш журналига қайд этади.
15. Номзод мазкур Низомнинг 6-бандида назарда тутилган талабга жавоб беришини аниқлаш мақсадида Ўрганиш комиссиясининг тегишли аъзоси томонидан унинг бўйи ўлчанади. Номзоднинг бўйи талабга жавоб бермаган ҳолларда, унга дастлабки ўрганиш тадбирларида иштирок этишга рухсат этилмайди.
16. Ўрганиш комиссияси котиби бўйга қўйилган талабларга мувофиқ келган номзоднинг ҳужжатларини комиссия кўриб чиқиши учун қабул қилади.
17. Номзод Ўрганиш комиссияси котибига қуйидаги ҳужжатларни тақдим этиши лозим:
паспорт ёки идентификация ID-картаси (нусхаси олиниб, асли қайтарилади) ёхуд мазкур ҳужжатлардан бирининг Ўзбекистон Республикаси Ягона интерактив давлат хизматлари портали ва (ёки) «Ижтимоий карта» мобил иловаси орқали бериладиган электрон шакли;
туғилганлик ҳақида гувоҳнома (нусхаси олиниб, асли қайтарилади) ёки унинг Ўзбекистон Республикаси Ягона интерактив давлат хизматлари портали ва (ёки) «Ижтимоий карта» мобил иловаси орқали бериладиган электрон шакли;
анкета-маълумотнома;
эркак жинсидаги номзодлар учун ҳарбий гувоҳнома (нусхаси олиниб, асли қайтарилади).
18. Номзод тақдим этган ҳужжатлар тўлиқ ва улардаги маълумотлар тўғри бўлиши зарур.
19. Ҳужжатлар тўлиқ ва улардаги маълумотлар тўғри бўлган ҳолларда номзод шу вақтнинг ўзида жисмоний тайёргарлик синовидан ўтказилади.
Ҳужжатларида камчилик аниқланган номзодга ушбу камчиликни бартараф этиши ва навбатдаги қабул кунида ҳозир бўлиши Ўрганиш комиссияси котиби томонидан тушунтирилади.
20. Жисмоний тайёргарлик синови Ўрганиш комиссиясининг масъул аъзоси (аъзолари) томонидан мазкур Низомнинг 6-иловасига мувофиқ Номзодларнинг жисмоний тайёргарлик даражасини баҳолаш бўйича тадбирларни ўтказиш методикаси ва баҳолаш мезонлари асосида ўтказилади ҳамда баҳоланади.
21. Жисмоний тайёргарлик синови номзод саралашнинг жисмоний тайёргарлик даражасини баҳолаш босқичига тайёр ёки тайёр эмаслигини аниқлаш мақсадида ўтказилади.
22. Жисмоний тайёргарлик синовидан муваффақиятли ўтган номзод суҳбатга киритилади.
23. Номзодни суҳбатдан ўтказиш мазкур Низомнинг 4-иловасига мувофиқ Номзодлар билан суҳбат ўтказиш методикаси ва баҳолаш мезонлари асосида амалга оширилади.
24. Суҳбат бошланишидан аввал Ўрганиш комиссиясининг суҳбат ўтказилишига масъул бўлган аъзоси (аъзолари) томонидан номзодга мазкур Низом талаблари, ҳарбий хизматчининг ҳуқуқ ва мажбуриятлари, ҳарбий хизматни ўташ билан боғлиқ шартлар ва имтиёзлар тушунтирилиши ҳамда номзоднинг суҳбатни давом эттириш истаги бор ёки йўқлиги аниқланиши лозим.
Номзоднинг суҳбатни давом эттириш истаги бор бўлган тақдирда суҳбат ўтказилиши керак.
25. Ўрганиш комиссияси аъзолари томонидан номзодни дастлабки ўрганиш босқичида ўтказилган синов ва суҳбат натижалари умумлаштирилиб, шу куннинг ўзида номзодни саралашнинг кейинги босқичига ўтказиш ёки ўтказишни рад этиш ҳақида қарор қабул қилинади.
26. Ўрганиш комиссияси қарори асосида комиссия котиби томонидан мазкур Низомнинг 5-иловасига мувофиқ шаклдаги Суҳбат ўтказиш варақасига тегишли ёзув киритилади ва варақа номзодга таништирилади.
27. Номзод Суҳбат ўтказиш варақаси билан танишганлигини шу вақтнинг ўзида ўз имзоси билан тасдиқлаши лозим.
28. Миллий гвардия бўлинмасининг кадр органи саралашнинг дастлабки ўрганиш босқичидан муваффақиятли ўтган номзодларнинг ҳужжатлари ва Суҳбат ўтказиш варақаларини ягона йиғма жилдда жамлайди.
29. Миллий гвардия бўлинмаларининг кадр органлари дастлабки ўрганиш босқичидан муваффақиятли ўтган номзодлар ҳақидаги маълумотларни дастлабки ўрганиш ўтказилган кундан эътиборан уч кун ичида Миллий гвардиянинг Кадрлар бошқармасига тақдим этишлари лозим.
30. Муддатли ҳарбий хизматни ўтаётган ҳарбий хизматчилар орасидан контракт бўйича хизматга номзодларни кўриб чиқиш Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомда белгиланган тартибда амалга оширилади.
4-боб. Жисмоний тайёргарлик даражасини баҳолаш ва психологик ўрганишни ташкил этиш ҳамда ўтказиш
1-§. Умумий қоидалар
31. Саралашнинг дастлабки ўрганиш босқичидан муваффақиятли ўтган номзодларнинг жисмоний тайёргарлик даражасини баҳолаш ҳамда психологик ўрганиш мақсадида Миллий гвардия қўмондонининг буйруғи билан Номзодларни ҳарбий-касбий саралаш бўйича доимий комиссия (бундан буён матнда Доимий комиссия деб юрилади) ташкил этилади.
32. Доимий комиссия таркиби Миллий гвардия марказий аппаратининг тегишли бўлинмалари ҳамда ҳудудий бўлинмаларнинг ҳарбий хизматчилари орасидан шакллантирилади.
Миллий гвардия қўмондонининг тегишли ўринбосари — Доимий комиссия раиси, Миллий гвардия Кадрлар бошқармасининг масъул ходими ёки ҳудудий бўлинмасининг кадр органи масъул ходими — Доимий комиссия котиби ҳисобланади.
33. Саралашнинг жисмоний тайёргарлик даражасини баҳолаш ва психологик ўрганиш босқичлари Миллий гвардиянинг мавжуд бўш лавозимларидан келиб чиққан ҳолда ўтказилади.
34. Доимий комиссия котиби томонидан жисмоний тайёргарлик даражасини баҳолаш ва психологик ўрганиш тадбирларини ўтказиш бўйича режа-жадвал шакллантирилади ҳамда комиссия раиси томонидан тасдиқланади.
Режа-жадвалда саралаш тадбирларини ўтказиш жойи ва вақти кўрсатилиши керак.
35. Номзодлар саралашнинг навбатдаги босқичлари ўтказиладиган вақт ва жой ҳақида улар ўтказилишидан камида уч кун олдин Миллий гвардия бўлинмасининг кадр органи бошлиғи томонидан хабардор қилинади.
2-§. Номзодларнинг жисмоний тайёргарлик даражасини баҳолаш
36. Номзодларнинг жисмоний тайёргарлик даражасини аниқлаш мазкур Низомнинг 6-иловасига мувофиқ Номзодларнинг жисмоний тайёргарлик даражасини баҳолаш бўйича тадбирларни ўтказиш методикаси ва баҳолаш мезонлари асосида амалга оширилади.
37. Номзодлар томонидан машқларни бажариш бошланишидан олдин уларга машқларни бажаришга қўйиладиган талаблар, машқларни бажариш тартиби ҳамда баҳолаш мезонлари Доимий комиссия аъзолари томонидан тушунтирилади.
38. Номзодлар томонидан бажарилиши лозим бўлган жисмоний тайёргарлик машқлари ва уларни бажаришга қўйиладиган талаблар эркак ва аёл жинсидаги номзодлар учун алоҳида белгиланади.
39. Жисмоний тайёргарлик машқларини бажарган номзодлар шу вақтнинг ўзида Доимий комиссия аъзолари томонидан мазкур Низомнинг 6-иловасига мувофиқ Номзодларнинг жисмоний тайёргарлик даражасини баҳолаш бўйича тадбирларни ўтказиш методикаси ва баҳолаш мезонлари асосида баҳоланади.
40. Жисмоний тайёргарлик даражасини баҳолаш тадбирлари натижалари бўйича шу куннинг ўзида мазкур Низомнинг 7-иловасига мувофиқ шаклда қайднома расмийлаштирилади ва натижалар шу заҳоти номзодларга эълон қилинади.
Қайднома Доимий комиссиянинг жисмоний тайёргарлик даражасини баҳолаш бўйича синовда иштирок этган аъзолари томонидан имзоланади ҳамда шу куннинг ўзида комиссия котибига топширилади.
41. Жисмоний тайёргарлик даражаси бўйича қониқарсиз баҳоланган номзодлар саралашнинг кейинги босқичига ўтказилмайди.
42. Қониқарсиз баҳоланган номзод, жисмоний тайёргарлик даражасини баҳолаш машқларини у баҳоланган кундан бошлаб 1 йил давомида 2 маротаба қайта топшириши мумкин, бироқ шу куннинг ўзида қайта топширишга йўл қўйилмайди.
3-§. Номзодларни психологик ўрганиш
43. Номзодларни психологик ўрганиш тест ва топшириқлар (бундан буён матнда тест деб юритилади) шаклида амалга оширилади.
44. Тест саволлари Доимий комиссия раиси томонидан тасдиқланади.
45. Миллий гвардия Кадрлар бошқармасининг масъул ходими тест саволлари ва уларнинг жавоблари сақланиши ҳамда ошкор қилинмаслиги учун жавобгар ҳисобланади.
46. Тест синовлари мазкур Низомнинг 8-иловасига мувофиқ Психологик тест синовларини ўтказиш методикаси ва баҳолаш мезонлари асосида ўтказилади ва баҳоланади.
47. Психологик ўрганиш натижалари қониқарсиз бўлган номзод тест синовини у баҳоланган кундан бошлаб 1 йил давомида 2 маротаба қайта топшириши мумкин, бироқ шу куннинг ўзида қайта топширишга йўл қўйилмайди.
48. Тест синовининг натижалари бўйича, у ўтказилган кундан бошлаб 10 кун ичида Доимий комиссиянинг психологик ўрганиш тадбирларида иштирок этган аъзолари томонидан мазкур Низомнинг 9-иловасига мувофиқ шаклда қайднома расмийлаштирилади ва имзоланади ҳамда шу куннинг ўзида комиссия котибига топширилади.
49. Доимий комиссия томонидан психологик ўрганиш натижаларига асосан қуйидаги хулосалардан бири чиқарилади:
номзоднинг контракт бўйича ҳарбий хизмат талабларига мувофиқлиги ҳақида;
номзоднинг контракт бўйича ҳарбий хизмат талабларига номувофиқлиги ҳақида.
50. Доимий комиссия хулосасига мувофиқ комиссия котиби томонидан мазкур Низомнинг 10-иловасига мувофиқ шаклда баённома расмийлаштирилади.
51. Баённома Доимий комиссиянинг ҳар бир аъзоси томонидан имзоланади ҳамда тасдиқлаш учун комиссия раисига тақдим этилади.
52. Доимий комиссия котиби комиссия раиси томонидан тасдиқланган баённоманинг кўчирмаси (нусхаси) шу куннинг ўзида Миллий гвардия бўлинмалари кадр органларига юборилишини таъминлайди.
53. Миллий гвардия бўлинмаси кадр органи бошлиғи Доимий комиссия баённомасининг кўчирмасини (нусхасини) олган кундан бошлаб 5 кун ичида унинг номзодларга таништирилишини таъминлаши лозим.
54. Доимий комиссия баённомаси у тасдиқланган вақтдан бошлаб бир йил давомида ҳақиқий ҳисобланади.
5-боб. Номзодни тиббий кўрикдан ўтказиш
55. Номзодлар соғлиғининг ҳолатига кўра контракт бўйича ҳарбий хизматни ўташга яроқли ёки яроқсиз эканлигини аниқлаш мақсадида улар тиббий кўрикдан ўтказилади.
56. Номзодларга тиббий кўрикдан ўтиш учун йўлланмалар Миллий гвардия бўлинмалари тиббиёт хизматлари томонидан берилади.
57. Саралашнинг дастлабки ўрганиш, жисмоний тайёргарлик даражасини баҳолаш ва психологик ўрганиш босқичларидан муваффақиятли ўтган номзодлар гарнизон (ҳудудий) ҳарбий-тиббий комиссияларига тиббий кўрикдан ўтиш учун юборилади.
58. Тиббий кўрик Ўзбекистон Республикаси Президентининг 2018 йил 25 декабрдаги ПҚ-4076-сон қарори билан тасдиқланган Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низом ҳамда Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказишни ташкил этиш ва амалга ошириш тартиби тўғрисидаги низом (рўйхат рақами 3147, 2019 йил 3 апрель) талабларига мувофиқ ўтказилади.
59. Тиббий кўрик натижаларига кўра, ҳарбий хизматга яроқсиз ёки кейинчалик қайта тиббий кўрикдан ўтказиш шарти билан даволанишга муҳтож деб топилган номзодлар контракт бўйича ҳарбий хизматга қабул қилинмайди.
6-боб. Номзоднинг ҳужжатларини расмийлаштириш ва контракт бўйича ҳарбий хизматга қабул қилиш
60. Дастлабки ўрганиш, жисмоний тайёргарлик даражасини баҳолаш, психологик ўрганишдан муваффақиятли ўтган номзодлар Миллий гвардия томонидан белгиланадиган махсус текширувдан ўтказилади, шунингдек хизмат давомида давлат сири бўлган маълумотлар билан ишлайдиган лавозимларга қабул қилинадиган номзодларга давлат сири бўлган маълумотлар билан ишлаш учун рухсатнома расмийлаштирилади, бундан давлат сирларидан фойдаланишга доир рухсатномага эга бўлган номзодлар мустасно.
Махсус текширув ҳамда давлат сири билан ишлаш учун рухсатнома расмийлаштириш талаблари хизмат сири ҳисобланади ва ошкор қилиниши ман этилади.
61. Махсус текширув натижаларига кўра, контракт бўйича ҳарбий хизматга қабул қилиниши мақсадга мувофиқ эмас деб топилган номзодларга ёзма равишда хабарнома юборилади.
62. Саралаш натижаларига кўра контракт бўйича ҳарбий хизматга кирувчилар учун белгиланган талабларга мувофиқ деб топилган номзодга Миллий гвардия бўлинмалари кадр органлари томонидан шахсий йиғмажилд расмийлаштирилади.
63. Саралашдан ўтган номзоднинг шахсий йиғмажилди контракт бўйича ҳарбий хизматга қабул қилиш ва лавозимга тайинлаш тўғрисида якуний қарорни қабул қилиш учун бўйсунув бўйича юқори турувчи кадр органига тақдим қилинади. Бунда тиббий кўрик хулосасининг амал қилиш муддати инобатга олиниши лозим.
64. Саралаш якунига кўра энг юқори натижаларга эришган номзодлар бўш лавозимлар мавжуд бўлган тақдирда контракт бўйича ҳарбий хизматга қабул қилинади.
7-боб. Якуний қоида
65. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 1-ИЛОВА
Махсус антропометрик параметрлар татбиқ этилмайдиган мутахассисликлар
I. Қуйидаги мутахассисликлар бўйича олий маълумотга эга бўлганлар:
1. Халқаро муносабатлар ва ташқи сиёсат.
2. Санъат йўналишида: актёрлик санъати, вокал санъати, чолғу ижрочилиги, хореография.
3. Кино-телеоператорлик.
4. Психология.
5. Журналистика.
6. Молия.
7. Юриспруденция.
8. Портлатиш иши.
9. Компьютер технологиялари ва информатика.
10. Архитектура ва қурилиш.
11. Алоқа ва ахборотлаштириш, телекоммуникация технологиялари.
12. Ветеринария.
13. Даволаш иши, тиббий профилактика иши, фармация.
II. Қуйидаги мутахассисликлар бўйича ўрта-махсус маълумотга эга бўлганлар:
1. Санъат йўналишида: вокал санъати, чолғу ижрочилиги, хореография.
2. Ветеринария.
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 2-ИЛОВА
_______________________-ҳарбий қисм ________________________________га (ҳарбий унвони, Ф.И.О) А Р И З А Мен__________________________________________________________________________________ (ҳарбий унвони, Ф.И.О) ______________________________________________________________________ (туғилган йили, куни, ойи ва жойи) ______________________________________________________________________ (яшаш жойи ёки турган жойи манзили) ______________________________________________________________________ (қайси МИБда ҳарбий ҳисобда туради) ______________________________________________________________________ (маълумоти — қайси ўқув юртини қачон ва қандай мутахассислик бўйича тамомлаган) ______________________________________________________________________ ______________________________________________________________________ (муддатли ҳарбий хизматни қаерда ва қайси лавозимда ўтаган) ______________________________________________________________________ (илгари контракт бўйича ҳарбий хизматни ўтаганлар қаерда ва қайси лавозимда контракт бўйича ҳарбий хизматни ўтаганлигини, қандай сабаблар ва асосларга кўра ҳарбий хизматдан Қуролли Кучлар резервига бўшатилганликларини қайд этишлари лозим) Менга Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тадбирларида қатнашишга рухсат беришингизни сўрайман. Хизматни ўташ талаблари ва шароитлари билан танишдим. Ўзбекистон Республикасининг исталган ҳудудида контракт бўйича ҳарбий хизматни ўташга тайёрман. Синовларни __________ тилида топшираман. Кун, ой, йил (имзо) Ф.И.О
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 3-ИЛОВА
Номзодларни рўйхатга олиш
Т/р Сана Ф.И.О. Туғилган йили ва куни Маълумоти ва мутахассислиги Яшаш манзили ва телефон рақами Суҳбат натижаси 1. 2. 3. ...
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 4-ИЛОВА
Номзодлар билан суҳбат ўтказиш методикаси ва баҳолаш мезонлари
1. Номзод суҳбатга кириш учун Номзодни дастлабки ўрганиш комиссиясига оғзаки шаклда мурожаат қилади. Бунда номзод суҳбат бошланишидан олдин комиссиянинг масъул аъзоларига ўзини таништириши ва шахсини тасдиқловчи ҳужжатни комиссия котибига кўрсатиши лозим.
2. Суҳбатни бошлашдан аввал номзодга мазкур Низом, суҳбат ўтказиш методикаси ва баҳолаш мезонлари талаблари, ҳарбий хизматчининг ҳуқуқ ва мажбуриятлари, ҳарбий хизматни ўташ билан боғлиқ шартлар ва имтиёзлар тушунтирилиши ҳамда номзоднинг суҳбатни давом эттириш истаги бор ёки йўқлиги аниқланиши лозим.
Номзоднинг суҳбатни давом эттириш истаги бор бўлган тақдирда суҳбат ўтказилиши керак.
3. Ҳар бир номзод билан суҳбат якка тартибда ўтказилади.
4. Номзодни дастлабки ўрганиш комиссияси аъзолари суҳбатга кирган ҳар бир номзодга унинг маълумотидан келиб чиққан ҳолда 10 та савол беради.
5. Номзодга берилган саволларга жавоб бериши учун ўн дақиқагача умумий вақт тақдим этилади.
6. Номзодга савол берган Ўрганиш комиссиянинг ҳар бир аъзоси номзодни унинг жавобларига кўра умумий баҳолайди.
7. Агар номзод тўғри, ишонч билан 50 фоиз ва ундан юқори маълумотлар ҳажмини келтириб жавоб берса, ижобий баҳоланади. Агар у нотўғри, ишончсиз, 50 фоиздан кам ҳажмдаги маълумотлар ҳажмини келтириб жавоб берса, салбий баҳоланади.
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 5-ИЛОВА
Номзод билан суҳбат ўтказиш
Олд томони Номзоднинг (Ф.И.О.): ___________________________________________________________________ Туғилган санаси ва жойи: _________________________________________________________________ Суҳбат ўтказилган вақт: __________________________________________________________________ Номзодга берилган саволлар ва уларнинг жавоблари: ___________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ Орқа томони Номзоднинг имзоси: _____________________________________________________________________ ______________________________________________________________________ Номзоднинг эътироз ва таклифлари: _________________________________________________________ ______________________________________________________________________ ______________________________________________________________________ Номзодни дастлабки ўрганиш комиссияси аъзолари Т/р Лавозими, Ф.И.О. Таклиф Имзо 1. 2. 3. ... Қабул қилинган қарор ____________________________________________________________________ ______________________________________________________________________ Комиссия раиси ____________________ _____________ (ҳарбий унвони, Ф.И.О.) (имзо)
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 6-ИЛОВА
Номзодларнинг жисмоний тайёргарлик даражасини баҳолаш бўйича тадбирларни ўтказиш
1. Номзодларнинг Жисмоний тайёргарлик даражасини баҳолаш уларнинг мазкур Методикада назарда тутилган машқларни бажаришларини текшириш орқали амалга оширилади.
2. Жисмоний тайёргарлик даражасини баҳолаш тадбирлари бошланишидан олдин номзод комиссиянинг масъул аъзоларига ўзини таништиради, бунда номзод ўзининг шахсини тасдиқловчи ҳужжатини кўрсатиши лозим.
3. Жисмоний тайёргарлик даражасини баҳолаш машқларини бажариш бошланишидан олдин номзодларга машқларни бажаришга қўйиладиган талаблар, машқларни бажариш тартиби ҳамда баҳолаш мезонлари комиссия аъзолари томонидан тушунтирилади.
4. Номзодлар томонидан бажарилиши лозим бўлган жисмоний тайёргарлик машқлари ва уларни бажаришга қўйиладиган талаблар эркак ва аёл жинсидаги номзодлар учун алоҳида белгиланади.
5. Номзодлар машқларни спорт кийимида бажаришлари тавсия этилади.
6. Жисмоний тайёргарлик машқларини бажаришда номзодлар қуйидаги ёш гуруҳларига бўлинади:
1-гуруҳ: 25 ёшгача бўлганлар;
2-гуруҳ: 25 ёшдан — 30 ёшгача бўлганлар;
3-гуруҳ: 30 ёшдан — 35 ёшгача бўлганлар;
4-гуруҳ: 35 ёшдан — 40 ёшгача бўлганлар;
5-гуруҳ: 40 ёшдан — 45 ёшгача бўлганлар;
6-гуруҳ: 45 ёшдан — 50 ёшгача бўлганлар;
7-гуруҳ: 50 ёшдан — 55 ёшгача бўлганлар.
7. Қуйидагилар эркак жинсидаги номзодлар томонидан бажарилиши лозим бўлган жисмоний тайёргарлик машқлари ҳисобланади:
тўсинда (турникда) тортилиш ёки тиралиб ётган ҳолда қўлни букиш ва ростлаш * ;
100 метрга югуриш ** ;
3000 ёки 1000 метрга югуриш *** .
8. Қуйидагилар аёл жинсидаги номзодлар томонидан бажарилиши лозим бўлган жисмоний тайёргарлик машқлари ҳисобланади:
куч ишлатиш машқлари комплекси;
100 метрга югуриш **** ;
1000 метрга югуриш.
9. Жисмоний тайёргарлик машқларини бажариш оралиғида номзодларга дам олиш учун камида 20 дақиқа вақт берилади.
10. Жисмоний тайёргарлик машқларини узрсиз сабабларга кўра бажармаган, шунингдек машқларни бажариши «қониқарсиз» баҳо билан баҳоланган номзодларга жисмоний тайёргарлик машқларини шу куннинг ўзида қайта топширишга рухсат берилмайди.
«Қониқарсиз» баҳо билан баҳоланган номзод, жисмоний тайёргарлик даражасини баҳолаш машқларини у баҳоланган кундан бошлаб 1 йил давомида 2 маротаба қайта топшириши мумкин, бироқ шу куннинг ўзида қайта топширишга йўл қўйилмайди.
11. Қуйидагилар тўсинда (турникда) тортилиш машқига қўйиладиган талаблар ҳисобланади:
бош бармоқ поя ичкарисидан ушланади, тана бироз ростланади, тизза бўғими тўғирланади, оёқ учлари чўзилади, товонлар бирлаштирилади;
ияк тўсин (турник) поясидан ўтгунга қадар қўллар букилади;
ҳаракат тўлиқ амалга оширилиши билан дастлабки ҳолатга қайтилади (осилиш ҳолати 1-2 сония давом этиши мумкин);
оёқларни 45° га кўтаришга рухсат этилади.
Ушбу машқни бажаришда оёқларни букиш ва кериш, танани ҳаракатсиз ҳолатда эгиш ҳамда оёқлар билан силтанма ҳаракатлар қилиш тақиқланади.
12. Қуйидагилар тиралиб ётган ҳолда қўлни букиш ва ростлаш машқига қўйиладиган талаблар ҳисобланади:
тиралиб ётиш (оёқлар бирга, тана тўғри ҳолатда);
кўкрак ерга тиралгунча қўлларни букиш, қўлларни ростлаш, тиралиб ётиш ҳолатига қайтиш;
машқни тўхтовсиз амалга ошириш.
Ушбу машқни бажариш вақтида қўллар чала букилиб ёзилиши, бел ва елкалар ҳар хил тушиб чиқиши, тиззаларнинг ерга тегиши тақиқланади.
13. 100 метрга югуриш машқи стадионнинг югуриш йўлакчасида ёки қаттиқ қопламли текис жойларда юқори ёки қуйи стартдан қуйидагича амалга оширилади:
«Старт» командаси бўйича старт олиш чизиғига яқинлашиш;
«Диққат» командаси бўйича тананинг оғирлигини олдинда турган оёққа ўтказиш, гавда ва бошни олдинга эгиш, қўлларни тирсакка букиш;
«Марш» командаси бўйича югуришни бошлаш.
14. 3000 ва 1000 метрга югуриш машқлари стадионнинг югуриш йўлакчалари ёки текис жойларда, умумий ёки алоҳида старт берилган ҳолда ўтказилади.
Старт ва марра чизиқлари бир жойда белгиланиши мумкин. Бунда, югуриш ҳудудидан чиқиб кетган ёки югуришдан юриш ҳолатига ўтган иштирокчи машқни бажармаган ҳисобланади.
15. Номзод томонидан куч ишлатиш машқлари комплексини бажаришда 1 дақиқа ичида 2 та машқ узлуксиз бажарилади.
Ҳар бир машқни бажариш учун 30 сониядан вақт ажратилади.
Биринчи машқни бажариш учун ажратилган 30 сония вақт тугаганлиги эълон қилинганда, номзод дарҳол иккинчи машқни бажаришга киришади.
Қуйидагилар биринчи машқни бажаришга қўйиладиган талаблар ҳисобланади:
чалқанча ётилади;
қўллар белда, тиззалар букилмаган ҳолда оёқлар тўпиқ қисмидан бошқа одам ёрдамида ушланади;
дастлабки ҳолатдан гавда олдинга кўтарилиб, қўллар оёқ учига теккандан сўнг, дастлабки ҳолатга қайтилади.
Ушбу машқни бажариш вақтида тиззаларни букиш ва шерик томонидан оёқларни қўйиб юбориш тақиқланади.
Қуйидагилар иккинчи машқни бажаришга қўйиладиган талаблар ҳисобланади:
таяниб ётилади, қўллар елка кенглигида тиззалар букилмаган ҳолатда бўлади;
қўллар букилиб ёзилади (бунда бел ҳамда елка қисмлари биргаликда ва текис тушиб чиқиши шарт);
қўллар букилиб тана ерга нисбатан параллел ҳолатга келтирилгандан сўнг, дастлабки ҳолатга қайтилади.
Ушбу машқни бажариш вақтида қўллар чала букилиб ёзилиши, бел ва елкалар ҳар хил тушиб чиқиши, тиззаларнинг ерга тегиши тақиқланади.
16. 1 — 5-ёш гуруҳлари бўйича эркак жинсидаги ҳамда 1 — 4-ёш гуруҳлари бўйича аёл жинсидаги номзодларнинг жисмоний тайёргарлик даражасини якуний баҳолаш қуйидагича амалга оширилади:
«аъло» — учта машқдан «аъло» баҳоланган ёки иккита машқдан «аъло», қолган машқдан «яхши» баҳоланган бўлса;
«яхши» — учта машқдан «яхши» баҳодан паст бўлмаган ёки иккита машқдан «яхши» қолган машқдан эса «қониқарли» баҳоланган бўлса;
«қониқарли» — агар баҳоларнинг иккитаси «қониқарли» бўлиб, «қониқарсиз» баҳо бўлмаса ёки баҳоларнинг фақат биттаси «қониқарсиз» бўлиб, қолган баҳолардан камида биттаси «яхши» баҳоланган бўлса;
«қониқарсиз» — агар баҳолардан иккитаси «қониқарсиз» бўлса ёки иккита баҳо «қониқарли» бўлиб, қолган битта баҳо «қониқарсиз» бўлса ёхуд номзод жисмоний тайёргарлик машқларининг биттасини бажаришдан бош тортса.
17. 6 ва 7-ёш гуруҳлари бўйича эркак жинсидаги ҳамда 5 — 7-ёш гуруҳлари бўйича аёл жинсидаги номзодларнинг жисмоний тайёргарлик даражасини якуний баҳолаш қуйидагича амалга оширилади:
«аъло» — иккита машқдан «аъло» баҳоланган ёки битта машқдан «аъло», қолган машқдан «яхши» баҳоланган бўлса;
«яхши» — иккита машқдан «яхши» баҳоланган ёки битта машқдан «яхши» қолган машқдан эса «қониқарли» баҳоланган бўлса;
«қониқарли» — иккита машқдан «қониқарли» баҳоланган ёки битта машқдан «яхши» қолган машқдан эса «қониқарсиз» баҳоланган бўлса;
«қониқарсиз» — иккита машқдан «қониқарсиз» баҳоланган ёки битта баҳо «қониқарли» бўлиб, қолган биттаси «қониқарсиз» бўлса ёхуд номзод жисмоний тайёргарлик машқларининг биттасини бажаришдан бош тортса.
18. Номзодларнинг жисмоний тайёргарлик даражасини баҳолаш мазкур Методиканинг иловасига мувофиқ амалга оширилади.
19. Мазкур Методикада назарда тутилган машқларни бажариш тартибини бузган номзодга шу машқ бўйича «қониқарсиз» баҳо қўйилади.
Номзодларнинг жисмоний тайёргарлик даражасини баҳолаш бўйича тадбирларни ўтказиш методикасига ИЛОВА
Номзодларнинг жисмоний тайёргарлик даражасини баҳолаш мезонлари
1. Эркак жинсидаги номзодлар учун:
Машқнинг номланиши Ўлчов бирлиги Ёш гуруҳи Баҳолаш мезонлари Аъло Яхши Қониқарли Тўсинда (турникда) тортилиш марта 1 14 12 10 2 13 11 9 3 12 10 8 4 10 8 6 5 8 6 4 6 7 5 3 7 6 4 2 Тиралиб ётган ҳолатда қўлларни букиш ва ростлаш марта 1 40 35 30 2 35 30 25 3 30 25 20 4 25 20 18 5 22 18 16 6 20 16 14 7 18 14 12 100 метрга югуриш секунд 1 14,0 14,4 15,2 2 14,2 14,6 15,4 3 14,4 14,8 15,6 4 14,8 15,4 16,0 5 15,4 16,0 16,6 3000 метрга югуриш дақиқа, секунд 1 12,40 13,00 13,35 2 13,00 13,20 13,55 3 13,20 13,40 14,10 4 14,20 14,50 15,30 1000 метрга югуриш дақиқа, секунд 5 4,15 4,35 5,00 6 4,25 5,00 5,30 7 5,10 5,40 6,00
2. Аёл жинсидаги номзодлар учун:
Машқнинг номланиши Ўлчов бирлиги Ёш гуруҳи Баҳолаш мезонлари Аъло Яхши Қониқарли Комплекс куч ишлатиш машқлари марта 1 32 29 26 2 30 27 24 3 28 25 22 4 25 22 19 5 23 20 17 6 21 18 15 7 17 14 11 100 метрга югуриш секунд 1 16,8 17,4 18,0 2 17,4 18,0 18,6 3 18,0 18,6 19,2 4 18,6 19,6 20,6 1000 метрга югуриш дақиқа, секунд 1 4,25 4,40 5,00 2 4,35 4,50 5,20 3 4,50 5,05 5,40 4 5,10 5,30 6,00 5 5,20 5,40 6,10 6 5,30 5,50 6,20 7 6,00 6,10 6,30
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 7-ИЛОВА
Номзодларнинг жисмоний тайёргарлик даражаси натижалари бўйича
20__ йил «____» ____________. Эркак жинсидаги номзодлар учун: Т/р Номзодларнинг Ф.И.О. Машқларнинг номи ва баҳолаш Умумий баҳолаш тўсинда (турникда) тортилиш тиралиб ётган ҳолатда қўлларни букиш ва ростлаш 100 метрга югуриш 3000 метрга югуриш натижа баҳо натижа баҳо натижа баҳо натижа баҳо 1. 2. 3. 4. 5. 6. 7. 8. 9. ... Аёл жинсидаги номзодлар учун: Т/р Номзодларнинг Ф.И.О. Машқларнинг номи ва баҳолаш Умумий баҳолаш комплекс куч ишлатиш машқлари 100 метрга югуриш 3000 метрга югуриш натижа баҳо натижа баҳо натижа баҳо 1. 2. 3. 4. 5. 6. 7. 8. 9. ... Комиссия аъзолари: __________________________ (имзо) _______________________ (Ф.И.О.) __________________________ (имзо) _______________________ (Ф.И.О.) __________________________ (имзо) _______________________ (Ф.И.О.)
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 8-ИЛОВА
Психологик тест синовларини ўтказиш методикаси
1. Номзодлар махсус хонага ўзининг шахсини тасдиқловчи ҳужжатини кўрсатган ҳолда киритилади.
2. Тест синовлари ўтказилаётган хонага жадвал, китоб, уяли телефон, компьютер, калькулятор, телекоммуникация воситалари ва шпаргалкалар олиб кириш тақиқланади.
3. Тест синовларини ўтказишни бошлашдан аввал Номзодларни ҳарбий-касбий саралаш бўйича доимий комиссия аъзолари номзодларга тест синовларини ўтказиш тартибини тушунтириши шарт.
4. Номзодлар барча ҳаракатларни Номзодларни ҳарбий-касбий саралаш бўйича доимий комиссия аъзолари кўрсатмаларига мувофиқ бажаради. Мазкур кўрсатмаларга амал қилмаган номзод хонадан чиқариб юборилади ва психологик ўрганиш иштирокчилари рўйхатидан ўчирилади.
5. Номзод бериладиган саволларга жавобларни белгилаш ҳамда вазифаларни бажариш орқали тест синовларидан ўтади.
6. Номзодга олдиндан тайёрланган психологик тест саволлари бўйича 2 та вазифа берилади. Бунда биринчи вазифа номзоднинг интеллектуал ривожланганлик даражасини ўрганишга қаратилган бўлиб, ҳар бир тўғри жавоб учун 1 балл бериладиган 52 та топшириқдан иборат.
Иккинчи вазифа номзоднинг психоэмоционал барқарорлик даражасини ўрганишга қаратилган бўлиб, жавобларнинг самимийлигини аниқлаш учун 13 та савол ҳамда ҳар бир нотўғри жавоб учун 1 балл бериладиган 152 та саволдан иборат сўровномани ўз ичига олади.
Номзодга вазифаларни бажариш учун жами 1 соат вақт берилади. Бунда биринчи вазифани бажариш учун 20 дақиқа, иккинчи вазифани бажариш учун 40 дақиқа вақт ажратилади. Номзодга, шунингдек, ҳар бир вазифа бўйича йўриқномани ўқиб чиқиш учун қўшимча равишда 2 дақиқадан вақт берилади.
7. Тест саволида машқнинг ўзига хослигидан келиб чиқиб жавоб вариантлари берилиши мумкин. Номзодлар тест саволларига жавоб вариантларини белгилашда жавоблар варақасидаги вариантлардан фақат битта тўғри жавобни белгилаши лозим.
8. Тест синовларини топшириш вақтида номзоднинг хонадан чиқиши тақиқланади, номзоднинг соғлиғи ёмонлашган ҳолатлар бундан мустасно. Тест синови тугагунга қадар хонани тарк этган номзод хонага такроран киритилмайди.
9. Тест синовларини ўтказиш вақтида тест синовлари ўтказилаётган хонада номзодлар ҳамда Номзодларни ҳарбий-касбий саралаш бўйича доимий комиссия аъзоларидан ташқари бошқа шахсларнинг бўлиши тақиқланади.
10. Жавоблар тўғри белгиланиши учун номзод шахсан жавобгардир. Жавобларни нотўғри белгилаган номзодларнинг эътирози кўриб чиқилмайди.
11. Номзод, тест синовини у баҳоланган кундан бошлаб 1 йил давомида 2 маротаба қайта топшириши мумкин, бироқ шу куннинг ўзида қайта топширишга йўл қўйилмайди.
12. Номзоднинг психологик тест саволларига берган жавоблари 10 кун ичида мазкур методиканинг иловасига мувофиқ Психологик тест натижаларини ҳисоблаш жадвали асосида Номзодларни ҳарбий-касбий саралаш бўйича доимий комиссия аъзолари томонидан ҳисоблаб чиқилади.
Психологик тест синовларини ўтказиш методикасига ИЛОВА
Психологик тест натижаларини ҳисоблаш
1-вазифа 2-вазифа Натижа 1-кўрсаткич бўйича 2-кўрсаткич бўйича 8 балл ва ундан юқори 0 — 11 баллгача 0 — 62 баллгача Номзод контракт бўйича ҳарбий хизмат талабларига мувофиқ 0 — 8 баллгача 11 балл ва ундан юқори 62 балл ва ундан юқори Номзод контракт бўйича ҳарбий хизмат талабларига номувофиқ
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 9-ИЛОВА
Психологик тест синовлари натижалари бўйича
20__ йил « ____ » ____________. Т/р Номзоднинг Ф.И.О. Номзодни психологик ўрганиш натижаси 1. 2. 3. ... Комиссия аъзолари: _________________ (имзо) ________________________ (Ф.И.О.) _________________ (имзо) ________________________ (Ф.И.О.) _________________ (имзо) ________________________ (Ф.И.О.)
Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низомга 10-ИЛОВА
«ТАСДИҚЛАЙМАН» Ўзбекистон Республикаси Миллий гвардия қўмондонининг ўринбосари ____________ ____________ (имзо) (Ф.И.О.) 20__ йил «___» _____________ Номзодларни ҳарбий-касбий саралаш бўйича доимий комиссиянинг _____-сон БАЁННОМАСИ Т/р Номзоднинг Ф.И.О. Туғилган куни, ойи, йили ва жойи Ҳарбий-касбий саралаш натижалари Комиссия хулосаси жисмоний тайёргарлик даражаси психологик ўрганиш натижаси 1. 2. 3. ... Комиссия аъзолари: ______________ (имзо) ______________________ (Ф.И.О.) ______________ (имзо) ______________________ (Ф.И.О.) ______________ (имзо) ______________________ (Ф.И.О.) Комиссия котиби: ______________ (имзо) ______________________ (Ф.И.О.)
Қўмондон Б. ТАШМАТОВ
Тошкент ш.,
2019 йил 8 декабрь,
248-сон
Oʻzbekiston Respublikasi Milliy gvardiyasi qoʻmondonining
buyrugʻi
NIZOM
ROʻYXATI
JURNALI
VARAQASI
METODIKASI
QAYDNOMA
JADVALI
QAYDNOMA
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2019-yil 12-sentabrdagi PQ-4447-son “Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomni tasdiqlash haqida”gi qaroriga muvofiq buyuraman:
1. Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizom ilovaga muvofiq tasdiqlansin.
2. Quyidagilar oʻz kuchini yoʻqotgan deb topilsin:
Oʻzbekiston Respublikasi Milliy gvardiyasi qoʻmondonining 2018-yil 25-iyuldagi 199-son “Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni tanlash va qabul qilish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 3060, 2018-yil 28-avgust) (Qonun hujjatlari maʼlumotlari milliy bazasi, 29.08.2018-y., 10/18/3060/1806-son);
Oʻzbekiston Respublikasi Milliy gvardiyasi qoʻmondonining 2018-yil 24-sentabrdagi 243-son “Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni tanlash va qabul qilish tartibi toʻgʻrisidagi nizomga oʻzgartirish va qoʻshimchalar kiritish haqida”gi buyrugʻi (roʻyxat raqami 3060-1, 2018-yil 10-oktabr) (Qonun hujjatlari maʼlumotlari milliy bazasi, 10.10.2018-y., 10/18/3060-1/2031-son).
3. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Milliy gvardiyasi qoʻmondonining 2019-yil 8-dekabrdagi 248-son buyrugʻiga ILOVA
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi
Mazkur Nizom Oʻzbekiston Respublikasi Milliy gvardiyasi (bundan buyon matnda Milliy gvardiya deb yuritiladi) boʻlinmalariga kontrakt boʻyicha harbiy xizmatga nomzodlarni saralash tartibini belgilaydi.
1-bob. Umumiy qoidalar
1. Ushbu Nizomda quyidagi asosiy tushunchalardan foydalaniladi:
kontrakt boʻyicha harbiy xizmat — Qurolli Kuchlar safidagi haqiqiy harbiy xizmatga ixtiyoriylik asosida Milliy gvardiya orqali davlat bilan tuziladigan kontraktga binoan kirgan fuqarolar bajaradigan harbiy xizmat;
harbiy-kasbiy saralash (bundan buyon matnda saralash deb yuritiladi) — fuqarolarni (nomzodlarni) kontrakt boʻyicha harbiy xizmatga qoʻyilgan talablarga mos kelishini aniqlashga qaratilgan tadbirlar kompleksi (intellektual rivojlanganlik va psixoemotsional barqarorlik darajasini psixologik oʻrganish, tibbiy koʻrikdan oʻtkazish, jismoniy imkoniyatlarni baholash, shuningdek harbiy xizmat uchun kasbiy jihatdan muhim boʻlgan boshqa sifatlar);
nomzod — kontrakt boʻyicha harbiy xizmatga kirish haqidagi arizasi koʻrib chiqish uchun qabul qilingan fuqaro.
2. Nomzodlarni kontrakt boʻyicha harbiy xizmatga qabul qilish uchun saralash tadbirlari tashkil qilinadi.
3. Nomzodlarni kontrakt boʻyicha harbiy xizmatga saralash tadbirlari quyidagi bosqichlarni oʻz ichiga oladi:
a) nomzodni dastlabki oʻrganish (hujjatlarni yigʻish va oʻrganish, jismoniy tayyorgarlik sinovi, suhbat);
b) jismoniy tayyorgarlik darajasini baholash;
v) psixologik oʻrganish (nomzodning intellektual rivojlanganlik darajasi va psixoemotsional barqarorligini baholash);
g) tibbiy koʻrik;
d) maxsus tekshiruv.
4. Milliy gvardiya uchun zarur hollarda ilmiy daraja yoki ilmiy unvonga ega boʻlgan fan arboblari, shuningdek madaniyat vakillari, soʻngi besh yil davomida respublika miqyosidagi sport musobaqasining gʻolibi boʻlgan yoki xalqaro miqyosdagi sport musobaqasining 1 — 3-oʻrinlaridan birini egallagan sportchilar istisno tariqasida saralashning faqatgina tibbiy koʻrik va maxsus tekshiruv bosqichlaridan oʻtadilar.
2-bob. Nomzodlarga qoʻyiladigan umumiy talablar
5. Saralashda Oʻzbekiston Respublikasining umumiy oʻrta yoki oʻrta maxsus (boshlangʻich, oʻrta, oʻrta maxsus professional) yoxud oliy maʼlumotga ega boʻlgan quyidagi fuqarolari ishtirok etishlari mumkin:
oʻn sakkiz yoshdan oʻttiz yoshgacha boʻlgan shaxslar;
muqaddam kontrakt boʻyicha harbiy xizmatni oʻtagan qirq yoshgacha boʻlgan shaxslar;
rezervdagi va zaxiradagi qirq yoshgacha boʻlgan ofitserlar.
Bunda, erkak jinsidagi nomzod Oʻzbekiston Respublikasi Qurolli Kuchlari safida muddatli harbiy xizmatni oʻtagan (oʻtayotgan) yoki safarbarlik chaqiruvi rezervida harbiy xizmatni oʻtagan yoxud oliy taʼlim tashkilotlari harbiy tayyorgarlik kurslarida oʻqishni tugatgan boʻlishi, shuningdek harbiy roʻyxatda turgan boʻlishi kerak.
Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga muvofiq kontrakt boʻyicha harbiy xizmatchilar lavozimlarini butlash uchun yuksak kasbiy tayyorgarlik va faoliyatida katta tajribaga ega boʻlgan, kontrakt boʻyicha harbiy xizmatda boʻlishning belgilangan yosh chegarasiga yetmagan fuqarolarni Oʻzbekiston Respublikasi Prezidenti huzuridagi Xavfsizlik kengashi apparati bilan kelishilgan holda Milliy gvardiya qoʻmondonining buyrugʻi asosida harbiy xizmatga qabul qilishga ruxsat etiladi.
6. Kontrakt boʻyicha harbiy xizmatga qabul qilishda nomzod boʻyining balandligi quyidagi maxsus antropometrik parametrlarga javob berishi talab etiladi:
erkak jinsidagi nomzodning boʻyi — 180 santimetrdan past boʻlmasligi kerak;
ayol jinsidagi nomzodning boʻyi — 175 santimetrdan past boʻlmasligi kerak.
Ushbu bandda belgilangan talablar mazkur Nizomning 4-bandida koʻrsatilgan shaxslarga hamda 1-ilovasida nazarda tutilgan mutaxassisliklarga ega shaxslarga nisbatan tatbiq etilmaydi.
3-bob. Nomzodni dastlabki oʻrganishni tashkil etish va oʻtkazish
8. Nomzodni dastlabki oʻrganish bosqichi oʻtkazilishini taʼminlash maqsadida Milliy gvardiya boʻlinmalarida tegishli boʻlinma boshligʻi yoki komandirining buyrugʻi bilan doimiy faoliyat yuritadigan Nomzodni dastlabki oʻrganish komissiyasi (bundan buyon matnda Oʻrganish komissiyasi deb yuritiladi) tashkil etiladi hamda nomzodlar uchun muntazam qabul kunlari belgilanadi (masalan, haftaning muayyan kunlari yoki oyning muayyan sanalari).
9. Oʻrganish komissiyasi tarkibi Milliy gvardiya boʻlinmasi boshligʻi yoki komandiri, uning oʻrinbosarlari hamda boʻlinma harbiy xizmatchilari orasidan shakllantiriladi.
Milliy gvardiya boʻlinmasi boshligʻi yoki komandiri — Oʻrganish komissiyasi raisi, kadr organi boshligʻi esa — Oʻrganish komissiyasi kotibi hisoblanadi.
10. Milliy gvardiya boʻlinmalari hududiga kirish joylarida nomzodlarni saralash tartibi, ularga qoʻyiladigan talablar va muntazam qabul kunlari haqidagi maʼlumotlar qayd etilgan axborot stendlari joylashtirilishi lozim.
11. Kontrakt boʻyicha harbiy xizmatga kirish istagini bildirgan fuqaro yashash joyidagi Milliy gvardiya boʻlinmasiga mazkur Nizomning 2-ilovasiga muvofiq shakldagi ariza bilan murojaat qiladi. Turgan joyi boʻyicha tahsil olayotgan yoki rasmiy mehnat faoliyati bilan shugʻullanayotgan fuqarolar ushbu hududdagi Milliy gvardiya boʻlinmasiga murojaat qilishlari mumkin.
12. Nomzod muqaddam kontrakt boʻyicha harbiy xizmatni oʻtagan boʻlsa, arizada kontrakt boʻyicha harbiy xizmatdan boʻshatilish sababini koʻrsatishi lozim.
13. Navbatdagi qabul kuni davomida nomzodlar hujjatlarini qabul qilish va oʻrganish, jismoniy tayyorgarlik sinovi tadbirlari hamda suhbat oʻtkaziladi.
14. Oʻrganish komissiyasi kotibi saralash uchun hozir boʻlgan nomzod haqidagi maʼlumotlarni mazkur Nizomning 3-ilovasiga muvofiq shakldagi Nomzodlarni roʻyxatga olish jurnaliga qayd etadi.
15. Nomzod mazkur Nizomning 6-bandida nazarda tutilgan talabga javob berishini aniqlash maqsadida Oʻrganish komissiyasining tegishli aʼzosi tomonidan uning boʻyi oʻlchanadi. Nomzodning boʻyi talabga javob bermagan hollarda, unga dastlabki oʻrganish tadbirlarida ishtirok etishga ruxsat etilmaydi.
16. Oʻrganish komissiyasi kotibi boʻyga qoʻyilgan talablarga muvofiq kelgan nomzodning hujjatlarini komissiya koʻrib chiqishi uchun qabul qiladi.
17. Nomzod Oʻrganish komissiyasi kotibiga quyidagi hujjatlarni taqdim etishi lozim:
pasport yoki identifikatsiya ID-kartasi (nusxasi olinib, asli qaytariladi) yoxud mazkur hujjatlardan birining Oʻzbekiston Respublikasi Yagona interaktiv davlat xizmatlari portali va (yoki) “Ijtimoiy karta” mobil ilovasi orqali beriladigan elektron shakli;
tugʻilganlik haqida guvohnoma (nusxasi olinib, asli qaytariladi) yoki uning Oʻzbekiston Respublikasi Yagona interaktiv davlat xizmatlari portali va (yoki) “Ijtimoiy karta” mobil ilovasi orqali beriladigan elektron shakli;
anketa-maʼlumotnoma;
erkak jinsidagi nomzodlar uchun harbiy guvohnoma (nusxasi olinib, asli qaytariladi).
18. Nomzod taqdim etgan hujjatlar toʻliq va ulardagi maʼlumotlar toʻgʻri boʻlishi zarur.
19. Hujjatlar toʻliq va ulardagi maʼlumotlar toʻgʻri boʻlgan hollarda nomzod shu vaqtning oʻzida jismoniy tayyorgarlik sinovidan oʻtkaziladi.
Hujjatlarida kamchilik aniqlangan nomzodga ushbu kamchilikni bartaraf etishi va navbatdagi qabul kunida hozir boʻlishi Oʻrganish komissiyasi kotibi tomonidan tushuntiriladi.
20. Jismoniy tayyorgarlik sinovi Oʻrganish komissiyasining masʼul aʼzosi (aʼzolari) tomonidan mazkur Nizomning 6-ilovasiga muvofiq Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasi va baholash mezonlari asosida oʻtkaziladi hamda baholanadi.
21. Jismoniy tayyorgarlik sinovi nomzod saralashning jismoniy tayyorgarlik darajasini baholash bosqichiga tayyor yoki tayyor emasligini aniqlash maqsadida oʻtkaziladi.
22. Jismoniy tayyorgarlik sinovidan muvaffaqiyatli oʻtgan nomzod suhbatga kiritiladi.
23. Nomzodni suhbatdan oʻtkazish mazkur Nizomning 4-ilovasiga muvofiq Nomzodlar bilan suhbat oʻtkazish metodikasi va baholash mezonlari asosida amalga oshiriladi.
24. Suhbat boshlanishidan avval Oʻrganish komissiyasining suhbat oʻtkazilishiga masʼul boʻlgan aʼzosi (aʼzolari) tomonidan nomzodga mazkur Nizom talablari, harbiy xizmatchining huquq va majburiyatlari, harbiy xizmatni oʻtash bilan bogʻliq shartlar va imtiyozlar tushuntirilishi hamda nomzodning suhbatni davom ettirish istagi bor yoki yoʻqligi aniqlanishi lozim.
Nomzodning suhbatni davom ettirish istagi bor boʻlgan taqdirda suhbat oʻtkazilishi kerak.
25. Oʻrganish komissiyasi aʼzolari tomonidan nomzodni dastlabki oʻrganish bosqichida oʻtkazilgan sinov va suhbat natijalari umumlashtirilib, shu kunning oʻzida nomzodni saralashning keyingi bosqichiga oʻtkazish yoki oʻtkazishni rad etish haqida qaror qabul qilinadi.
26. Oʻrganish komissiyasi qarori asosida komissiya kotibi tomonidan mazkur Nizomning 5-ilovasiga muvofiq shakldagi Suhbat oʻtkazish varaqasiga tegishli yozuv kiritiladi va varaqa nomzodga tanishtiriladi.
27. Nomzod Suhbat oʻtkazish varaqasi bilan tanishganligini shu vaqtning oʻzida oʻz imzosi bilan tasdiqlashi lozim.
28. Milliy gvardiya boʻlinmasining kadr organi saralashning dastlabki oʻrganish bosqichidan muvaffaqiyatli oʻtgan nomzodlarning hujjatlari va Suhbat oʻtkazish varaqalarini yagona yigʻma jildda jamlaydi.
29. Milliy gvardiya boʻlinmalarining kadr organlari dastlabki oʻrganish bosqichidan muvaffaqiyatli oʻtgan nomzodlar haqidagi maʼlumotlarni dastlabki oʻrganish oʻtkazilgan kundan eʼtiboran uch kun ichida Milliy gvardiyaning Kadrlar boshqarmasiga taqdim etishlari lozim.
30. Muddatli harbiy xizmatni oʻtayotgan harbiy xizmatchilar orasidan kontrakt boʻyicha xizmatga nomzodlarni koʻrib chiqish Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda belgilangan tartibda amalga oshiriladi.
4-bob. Jismoniy tayyorgarlik darajasini baholash va psixologik oʻrganishni tashkil etish hamda oʻtkazish
1-§. Umumiy qoidalar
31. Saralashning dastlabki oʻrganish bosqichidan muvaffaqiyatli oʻtgan nomzodlarning jismoniy tayyorgarlik darajasini baholash hamda psixologik oʻrganish maqsadida Milliy gvardiya qoʻmondonining buyrugʻi bilan Nomzodlarni harbiy-kasbiy saralash boʻyicha doimiy komissiya (bundan buyon matnda Doimiy komissiya deb yuriladi) tashkil etiladi.
32. Doimiy komissiya tarkibi Milliy gvardiya markaziy apparatining tegishli boʻlinmalari hamda hududiy boʻlinmalarning harbiy xizmatchilari orasidan shakllantiriladi.
Milliy gvardiya qoʻmondonining tegishli oʻrinbosari — Doimiy komissiya raisi, Milliy gvardiya Kadrlar boshqarmasining masʼul xodimi yoki hududiy boʻlinmasining kadr organi masʼul xodimi — Doimiy komissiya kotibi hisoblanadi.
33. Saralashning jismoniy tayyorgarlik darajasini baholash va psixologik oʻrganish bosqichlari Milliy gvardiyaning mavjud boʻsh lavozimlaridan kelib chiqqan holda oʻtkaziladi.
34. Doimiy komissiya kotibi tomonidan jismoniy tayyorgarlik darajasini baholash va psixologik oʻrganish tadbirlarini oʻtkazish boʻyicha reja-jadval shakllantiriladi hamda komissiya raisi tomonidan tasdiqlanadi.
Reja-jadvalda saralash tadbirlarini oʻtkazish joyi va vaqti koʻrsatilishi kerak.
35. Nomzodlar saralashning navbatdagi bosqichlari oʻtkaziladigan vaqt va joy haqida ular oʻtkazilishidan kamida uch kun oldin Milliy gvardiya boʻlinmasining kadr organi boshligʻi tomonidan xabardor qilinadi.
2-§. Nomzodlarning jismoniy tayyorgarlik darajasini baholash
36. Nomzodlarning jismoniy tayyorgarlik darajasini aniqlash mazkur Nizomning 6-ilovasiga muvofiq Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasi va baholash mezonlari asosida amalga oshiriladi.
37. Nomzodlar tomonidan mashqlarni bajarish boshlanishidan oldin ularga mashqlarni bajarishga qoʻyiladigan talablar, mashqlarni bajarish tartibi hamda baholash mezonlari Doimiy komissiya aʼzolari tomonidan tushuntiriladi.
38. Nomzodlar tomonidan bajarilishi lozim boʻlgan jismoniy tayyorgarlik mashqlari va ularni bajarishga qoʻyiladigan talablar erkak va ayol jinsidagi nomzodlar uchun alohida belgilanadi.
39. Jismoniy tayyorgarlik mashqlarini bajargan nomzodlar shu vaqtning oʻzida Doimiy komissiya aʼzolari tomonidan mazkur Nizomning 6-ilovasiga muvofiq Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasi va baholash mezonlari asosida baholanadi.
40. Jismoniy tayyorgarlik darajasini baholash tadbirlari natijalari boʻyicha shu kunning oʻzida mazkur Nizomning 7-ilovasiga muvofiq shaklda qaydnoma rasmiylashtiriladi va natijalar shu zahoti nomzodlarga eʼlon qilinadi.
Qaydnoma Doimiy komissiyaning jismoniy tayyorgarlik darajasini baholash boʻyicha sinovda ishtirok etgan aʼzolari tomonidan imzolanadi hamda shu kunning oʻzida komissiya kotibiga topshiriladi.
41. Jismoniy tayyorgarlik darajasi boʻyicha qoniqarsiz baholangan nomzodlar saralashning keyingi bosqichiga oʻtkazilmaydi.
42. Qoniqarsiz baholangan nomzod, jismoniy tayyorgarlik darajasini baholash mashqlarini u baholangan kundan boshlab 1 yil davomida 2 marotaba qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
3-§. Nomzodlarni psixologik oʻrganish
43. Nomzodlarni psixologik oʻrganish test va topshiriqlar (bundan buyon matnda test deb yuritiladi) shaklida amalga oshiriladi.
44. Test savollari Doimiy komissiya raisi tomonidan tasdiqlanadi.
45. Milliy gvardiya Kadrlar boshqarmasining masʼul xodimi test savollari va ularning javoblari saqlanishi hamda oshkor qilinmasligi uchun javobgar hisoblanadi.
46. Test sinovlari mazkur Nizomning 8-ilovasiga muvofiq Psixologik test sinovlarini oʻtkazish metodikasi va baholash mezonlari asosida oʻtkaziladi va baholanadi.
47. Psixologik oʻrganish natijalari qoniqarsiz boʻlgan nomzod test sinovini u baholangan kundan boshlab 1 yil davomida 2 marotaba qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
48. Test sinovining natijalari boʻyicha, u oʻtkazilgan kundan boshlab 10 kun ichida Doimiy komissiyaning psixologik oʻrganish tadbirlarida ishtirok etgan aʼzolari tomonidan mazkur Nizomning 9-ilovasiga muvofiq shaklda qaydnoma rasmiylashtiriladi va imzolanadi hamda shu kunning oʻzida komissiya kotibiga topshiriladi.
49. Doimiy komissiya tomonidan psixologik oʻrganish natijalariga asosan quyidagi xulosalardan biri chiqariladi:
nomzodning kontrakt boʻyicha harbiy xizmat talablariga muvofiqligi haqida;
nomzodning kontrakt boʻyicha harbiy xizmat talablariga nomuvofiqligi haqida.
50. Doimiy komissiya xulosasiga muvofiq komissiya kotibi tomonidan mazkur Nizomning 10-ilovasiga muvofiq shaklda bayonnoma rasmiylashtiriladi.
51. Bayonnoma Doimiy komissiyaning har bir aʼzosi tomonidan imzolanadi hamda tasdiqlash uchun komissiya raisiga taqdim etiladi.
52. Doimiy komissiya kotibi komissiya raisi tomonidan tasdiqlangan bayonnomaning koʻchirmasi (nusxasi) shu kunning oʻzida Milliy gvardiya boʻlinmalari kadr organlariga yuborilishini taʼminlaydi.
53. Milliy gvardiya boʻlinmasi kadr organi boshligʻi Doimiy komissiya bayonnomasining koʻchirmasini (nusxasini) olgan kundan boshlab 5 kun ichida uning nomzodlarga tanishtirilishini taʼminlashi lozim.
54. Doimiy komissiya bayonnomasi u tasdiqlangan vaqtdan boshlab bir yil davomida haqiqiy hisoblanadi.
5-bob. Nomzodni tibbiy koʻrikdan oʻtkazish
55. Nomzodlar sogʻligʻining holatiga koʻra kontrakt boʻyicha harbiy xizmatni oʻtashga yaroqli yoki yaroqsiz ekanligini aniqlash maqsadida ular tibbiy koʻrikdan oʻtkaziladi.
56. Nomzodlarga tibbiy koʻrikdan oʻtish uchun yoʻllanmalar Milliy gvardiya boʻlinmalari tibbiyot xizmatlari tomonidan beriladi.
57. Saralashning dastlabki oʻrganish, jismoniy tayyorgarlik darajasini baholash va psixologik oʻrganish bosqichlaridan muvaffaqiyatli oʻtgan nomzodlar garnizon (hududiy) harbiy-tibbiy komissiyalariga tibbiy koʻrikdan oʻtish uchun yuboriladi.
58. Tibbiy koʻrik Oʻzbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizom hamda Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazishni tashkil etish va amalga oshirish tartibi toʻgʻrisidagi nizom (roʻyxat raqami 3147, 2019-yil 3-aprel) talablariga muvofiq oʻtkaziladi.
59. Tibbiy koʻrik natijalariga koʻra, harbiy xizmatga yaroqsiz yoki keyinchalik qayta tibbiy koʻrikdan oʻtkazish sharti bilan davolanishga muhtoj deb topilgan nomzodlar kontrakt boʻyicha harbiy xizmatga qabul qilinmaydi.
6-bob. Nomzodning hujjatlarini rasmiylashtirish va kontrakt boʻyicha harbiy xizmatga qabul qilish
60. Dastlabki oʻrganish, jismoniy tayyorgarlik darajasini baholash, psixologik oʻrganishdan muvaffaqiyatli oʻtgan nomzodlar Milliy gvardiya tomonidan belgilanadigan maxsus tekshiruvdan oʻtkaziladi, shuningdek xizmat davomida davlat siri boʻlgan maʼlumotlar bilan ishlaydigan lavozimlarga qabul qilinadigan nomzodlarga davlat siri boʻlgan maʼlumotlar bilan ishlash uchun ruxsatnoma rasmiylashtiriladi, bundan davlat sirlaridan foydalanishga doir ruxsatnomaga ega boʻlgan nomzodlar mustasno.
Maxsus tekshiruv hamda davlat siri bilan ishlash uchun ruxsatnoma rasmiylashtirish talablari xizmat siri hisoblanadi va oshkor qilinishi man etiladi.
61. Maxsus tekshiruv natijalariga koʻra, kontrakt boʻyicha harbiy xizmatga qabul qilinishi maqsadga muvofiq emas deb topilgan nomzodlarga yozma ravishda xabarnoma yuboriladi.
62. Saralash natijalariga koʻra kontrakt boʻyicha harbiy xizmatga kiruvchilar uchun belgilangan talablarga muvofiq deb topilgan nomzodga Milliy gvardiya boʻlinmalari kadr organlari tomonidan shaxsiy yigʻmajild rasmiylashtiriladi.
63. Saralashdan oʻtgan nomzodning shaxsiy yigʻmajildi kontrakt boʻyicha harbiy xizmatga qabul qilish va lavozimga tayinlash toʻgʻrisida yakuniy qarorni qabul qilish uchun boʻysunuv boʻyicha yuqori turuvchi kadr organiga taqdim qilinadi. Bunda tibbiy koʻrik xulosasining amal qilish muddati inobatga olinishi lozim.
64. Saralash yakuniga koʻra eng yuqori natijalarga erishgan nomzodlar boʻsh lavozimlar mavjud boʻlgan taqdirda kontrakt boʻyicha harbiy xizmatga qabul qilinadi.
7-bob. Yakuniy qoida
65. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 1-ILOVA
Maxsus antropometrik parametrlar tatbiq etilmaydigan mutaxassisliklar
I. Quyidagi mutaxassisliklar boʻyicha oliy maʼlumotga ega boʻlganlar:
1. Xalqaro munosabatlar va tashqi siyosat.
2. Sanʼat yoʻnalishida: aktyorlik sanʼati, vokal sanʼati, cholgʻu ijrochiligi, xoreografiya.
3. Kino-teleoperatorlik.
4. Psixologiya.
5. Jurnalistika.
6. Moliya.
7. Yurisprudensiya.
8. Portlatish ishi.
9. Kompyuter texnologiyalari va informatika.
10. Arxitektura va qurilish.
11. Aloqa va axborotlashtirish, telekommunikatsiya texnologiyalari.
12. Veterinariya.
13. Davolash ishi, tibbiy profilaktika ishi, farmatsiya.
II. Quyidagi mutaxassisliklar boʻyicha oʻrta-maxsus maʼlumotga ega boʻlganlar:
1. Sanʼat yoʻnalishida: vokal sanʼati, cholgʻu ijrochiligi, xoreografiya.
2. Veterinariya.
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 2-ILOVA
_______________________-harbiy qism ________________________________ga (harbiy unvoni, F.I.O) A R I Z A Men__________________________________________________________________________________ (harbiy unvoni, F.I.O) ______________________________________________________________________ (tugʻilgan yili, kuni, oyi va joyi) ______________________________________________________________________ (yashash joyi yoki turgan joyi manzili) ______________________________________________________________________ (qaysi MIBda harbiy hisobda turadi) ______________________________________________________________________ (maʼlumoti — qaysi oʻquv yurtini qachon va qanday mutaxassislik boʻyicha tamomlagan) ______________________________________________________________________ ______________________________________________________________________ (muddatli harbiy xizmatni qayerda va qaysi lavozimda oʻtagan) ______________________________________________________________________ (ilgari kontrakt boʻyicha harbiy xizmatni oʻtaganlar qayerda va qaysi lavozimda kontrakt boʻyicha harbiy xizmatni oʻtaganligini, qanday sabablar va asoslarga koʻra harbiy xizmatdan Qurolli Kuchlar rezerviga boʻshatilganliklarini qayd etishlari lozim) Menga Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tadbirlarida qatnashishga ruxsat berishingizni soʻrayman. Xizmatni oʻtash talablari va sharoitlari bilan tanishdim. Oʻzbekiston Respublikasining istalgan hududida kontrakt boʻyicha harbiy xizmatni oʻtashga tayyorman. Sinovlarni __________ tilida topshiraman. Kun, oy, yil (imzo) F.I.O
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 3-ILOVA
Nomzodlarni roʻyxatga olish
T/r Sana F.I.O. Tugʻilgan yili va kuni Maʼlumoti va mutaxassisligi Yashash manzili va telefon raqami Suhbat natijasi 1. 2. 3. ...
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 4-ILOVA
Nomzodlar bilan suhbat oʻtkazish metodikasi va baholash mezonlari
1. Nomzod suhbatga kirish uchun Nomzodni dastlabki oʻrganish komissiyasiga ogʻzaki shaklda murojaat qiladi. Bunda nomzod suhbat boshlanishidan oldin komissiyaning masʼul aʼzolariga oʻzini tanishtirishi va shaxsini tasdiqlovchi hujjatni komissiya kotibiga koʻrsatishi lozim.
2. Suhbatni boshlashdan avval nomzodga mazkur Nizom, suhbat oʻtkazish metodikasi va baholash mezonlari talablari, harbiy xizmatchining huquq va majburiyatlari, harbiy xizmatni oʻtash bilan bogʻliq shartlar va imtiyozlar tushuntirilishi hamda nomzodning suhbatni davom ettirish istagi bor yoki yoʻqligi aniqlanishi lozim.
Nomzodning suhbatni davom ettirish istagi bor boʻlgan taqdirda suhbat oʻtkazilishi kerak.
3. Har bir nomzod bilan suhbat yakka tartibda oʻtkaziladi.
4. Nomzodni dastlabki oʻrganish komissiyasi aʼzolari suhbatga kirgan har bir nomzodga uning maʼlumotidan kelib chiqqan holda 10 ta savol beradi.
5. Nomzodga berilgan savollarga javob berishi uchun oʻn daqiqagacha umumiy vaqt taqdim etiladi.
6. Nomzodga savol bergan Oʻrganish komissiyaning har bir aʼzosi nomzodni uning javoblariga koʻra umumiy baholaydi.
7. Agar nomzod toʻgʻri, ishonch bilan 50 foiz va undan yuqori maʼlumotlar hajmini keltirib javob bersa, ijobiy baholanadi. Agar u notoʻgʻri, ishonchsiz, 50 foizdan kam hajmdagi maʼlumotlar hajmini keltirib javob bersa, salbiy baholanadi.
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 5-ILOVA
Nomzod bilan suhbat oʻtkazish
Old tomoni Nomzodning (F.I.O.): ___________________________________________________________________ Tugʻilgan sanasi va joyi: _________________________________________________________________ Suhbat oʻtkazilgan vaqt: __________________________________________________________________ Nomzodga berilgan savollar va ularning javoblari: ___________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ Orqa tomoni Nomzodning imzosi: _____________________________________________________________________ ______________________________________________________________________ Nomzodning eʼtiroz va takliflari: _________________________________________________________ ______________________________________________________________________ ______________________________________________________________________ Nomzodni dastlabki oʻrganish komissiyasi aʼzolari T/r Lavozimi, F.I.O. Taklif Imzo 1. 2. 3. ... Qabul qilingan qaror ____________________________________________________________________ ______________________________________________________________________ Komissiya raisi ____________________ _____________ (harbiy unvoni, F.I.O.) (imzo)
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 6-ILOVA
Nomzodlarning jismoniy tayyorgarlik darajasini baholash boʻyicha tadbirlarni oʻtkazish
1. Nomzodlarning Jismoniy tayyorgarlik darajasini baholash ularning mazkur Metodikada nazarda tutilgan mashqlarni bajarishlarini tekshirish orqali amalga oshiriladi.
2. Jismoniy tayyorgarlik darajasini baholash tadbirlari boshlanishidan oldin nomzod komissiyaning masʼul aʼzolariga oʻzini tanishtiradi, bunda nomzod oʻzining shaxsini tasdiqlovchi hujjatini koʻrsatishi lozim.
3. Jismoniy tayyorgarlik darajasini baholash mashqlarini bajarish boshlanishidan oldin nomzodlarga mashqlarni bajarishga qoʻyiladigan talablar, mashqlarni bajarish tartibi hamda baholash mezonlari komissiya aʼzolari tomonidan tushuntiriladi.
4. Nomzodlar tomonidan bajarilishi lozim boʻlgan jismoniy tayyorgarlik mashqlari va ularni bajarishga qoʻyiladigan talablar erkak va ayol jinsidagi nomzodlar uchun alohida belgilanadi.
5. Nomzodlar mashqlarni sport kiyimida bajarishlari tavsiya etiladi.
6. Jismoniy tayyorgarlik mashqlarini bajarishda nomzodlar quyidagi yosh guruhlariga boʻlinadi:
1-guruh: 25 yoshgacha boʻlganlar;
2-guruh: 25 yoshdan — 30 yoshgacha boʻlganlar;
3-guruh: 30 yoshdan — 35 yoshgacha boʻlganlar;
4-guruh: 35 yoshdan — 40 yoshgacha boʻlganlar;
5-guruh: 40 yoshdan — 45 yoshgacha boʻlganlar;
6-guruh: 45 yoshdan — 50 yoshgacha boʻlganlar;
7-guruh: 50 yoshdan — 55 yoshgacha boʻlganlar.
7. Quyidagilar erkak jinsidagi nomzodlar tomonidan bajarilishi lozim boʻlgan jismoniy tayyorgarlik mashqlari hisoblanadi:
toʻsinda (turnikda) tortilish yoki tiralib yotgan holda qoʻlni bukish va rostlash * ;
100 metrga yugurish ** ;
3000 yoki 1000 metrga yugurish *** .
8. Quyidagilar ayol jinsidagi nomzodlar tomonidan bajarilishi lozim boʻlgan jismoniy tayyorgarlik mashqlari hisoblanadi:
kuch ishlatish mashqlari kompleksi;
100 metrga yugurish **** ;
1000 metrga yugurish.
9. Jismoniy tayyorgarlik mashqlarini bajarish oraligʻida nomzodlarga dam olish uchun kamida 20 daqiqa vaqt beriladi.
10. Jismoniy tayyorgarlik mashqlarini uzrsiz sabablarga koʻra bajarmagan, shuningdek mashqlarni bajarishi “qoniqarsiz” baho bilan baholangan nomzodlarga jismoniy tayyorgarlik mashqlarini shu kunning oʻzida qayta topshirishga ruxsat berilmaydi.
“Qoniqarsiz” baho bilan baholangan nomzod, jismoniy tayyorgarlik darajasini baholash mashqlarini u baholangan kundan boshlab 1 yil davomida 2 marotaba qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
11. Quyidagilar toʻsinda (turnikda) tortilish mashqiga qoʻyiladigan talablar hisoblanadi:
bosh barmoq poya ichkarisidan ushlanadi, tana biroz rostlanadi, tizza boʻgʻimi toʻgʻirlanadi, oyoq uchlari choʻziladi, tovonlar birlashtiriladi;
iyak toʻsin (turnik) poyasidan oʻtgunga qadar qoʻllar bukiladi;
harakat toʻliq amalga oshirilishi bilan dastlabki holatga qaytiladi (osilish holati 1-2 soniya davom etishi mumkin);
oyoqlarni 45° ga koʻtarishga ruxsat etiladi.
Ushbu mashqni bajarishda oyoqlarni bukish va kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.
12. Quyidagilar tiralib yotgan holda qoʻlni bukish va rostlash mashqiga qoʻyiladigan talablar hisoblanadi:
tiralib yotish (oyoqlar birga, tana toʻgʻri holatda);
koʻkrak yerga tiralguncha qoʻllarni bukish, qoʻllarni rostlash, tiralib yotish holatiga qaytish;
mashqni toʻxtovsiz amalga oshirish.
Ushbu mashqni bajarish vaqtida qoʻllar chala bukilib yozilishi, bel va yelkalar har xil tushib chiqishi, tizzalarning yerga tegishi taqiqlanadi.
13. 100 metrga yugurish mashqi stadionning yugurish yoʻlakchasida yoki qattiq qoplamli tekis joylarda yuqori yoki quyi startdan quyidagicha amalga oshiriladi:
“Start” komandasi boʻyicha start olish chizigʻiga yaqinlashish;
“Diqqat” komandasi boʻyicha tananing ogʻirligini oldinda turgan oyoqqa oʻtkazish, gavda va boshni oldinga egish, qoʻllarni tirsakka bukish;
“Marsh” komandasi boʻyicha yugurishni boshlash.
14. 3000 va 1000 metrga yugurish mashqlari stadionning yugurish yoʻlakchalari yoki tekis joylarda, umumiy yoki alohida start berilgan holda oʻtkaziladi.
Start va marra chiziqlari bir joyda belgilanishi mumkin. Bunda, yugurish hududidan chiqib ketgan yoki yugurishdan yurish holatiga oʻtgan ishtirokchi mashqni bajarmagan hisoblanadi.
15. Nomzod tomonidan kuch ishlatish mashqlari kompleksini bajarishda 1 daqiqa ichida 2 ta mashq uzluksiz bajariladi.
Har bir mashqni bajarish uchun 30 soniyadan vaqt ajratiladi.
Birinchi mashqni bajarish uchun ajratilgan 30 soniya vaqt tugaganligi eʼlon qilinganda, nomzod darhol ikkinchi mashqni bajarishga kirishadi.
Quyidagilar birinchi mashqni bajarishga qoʻyiladigan talablar hisoblanadi:
chalqancha yotiladi;
qoʻllar belda, tizzalar bukilmagan holda oyoqlar toʻpiq qismidan boshqa odam yordamida ushlanadi;
dastlabki holatdan gavda oldinga koʻtarilib, qoʻllar oyoq uchiga tekkandan soʻng, dastlabki holatga qaytiladi.
Ushbu mashqni bajarish vaqtida tizzalarni bukish va sherik tomonidan oyoqlarni qoʻyib yuborish taqiqlanadi.
Quyidagilar ikkinchi mashqni bajarishga qoʻyiladigan talablar hisoblanadi:
tayanib yotiladi, qoʻllar yelka kengligida tizzalar bukilmagan holatda boʻladi;
qoʻllar bukilib yoziladi (bunda bel hamda yelka qismlari birgalikda va tekis tushib chiqishi shart);
qoʻllar bukilib tana yerga nisbatan parallel holatga keltirilgandan soʻng, dastlabki holatga qaytiladi.
Ushbu mashqni bajarish vaqtida qoʻllar chala bukilib yozilishi, bel va yelkalar har xil tushib chiqishi, tizzalarning yerga tegishi taqiqlanadi.
16. 1 — 5-yosh guruhlari boʻyicha erkak jinsidagi hamda 1 — 4-yosh guruhlari boʻyicha ayol jinsidagi nomzodlarning jismoniy tayyorgarlik darajasini yakuniy baholash quyidagicha amalga oshiriladi:
“aʼlo” — uchta mashqdan “aʼlo” baholangan yoki ikkita mashqdan “aʼlo”, qolgan mashqdan “yaxshi” baholangan boʻlsa;
“yaxshi” — uchta mashqdan “yaxshi” bahodan past boʻlmagan yoki ikkita mashqdan “yaxshi” qolgan mashqdan esa “qoniqarli” baholangan boʻlsa;
“qoniqarli” — agar baholarning ikkitasi “qoniqarli” boʻlib, “qoniqarsiz” baho boʻlmasa yoki baholarning faqat bittasi “qoniqarsiz” boʻlib, qolgan baholardan kamida bittasi “yaxshi” baholangan boʻlsa;
“qoniqarsiz” — agar baholardan ikkitasi “qoniqarsiz” boʻlsa yoki ikkita baho “qoniqarli” boʻlib, qolgan bitta baho “qoniqarsiz” boʻlsa yoxud nomzod jismoniy tayyorgarlik mashqlarining bittasini bajarishdan bosh tortsa.
17. 6 va 7-yosh guruhlari boʻyicha erkak jinsidagi hamda 5 — 7-yosh guruhlari boʻyicha ayol jinsidagi nomzodlarning jismoniy tayyorgarlik darajasini yakuniy baholash quyidagicha amalga oshiriladi:
“aʼlo” — ikkita mashqdan “aʼlo” baholangan yoki bitta mashqdan “aʼlo”, qolgan mashqdan “yaxshi” baholangan boʻlsa;
“yaxshi” — ikkita mashqdan “yaxshi” baholangan yoki bitta mashqdan “yaxshi” qolgan mashqdan esa “qoniqarli” baholangan boʻlsa;
“qoniqarli” — ikkita mashqdan “qoniqarli” baholangan yoki bitta mashqdan “yaxshi” qolgan mashqdan esa “qoniqarsiz” baholangan boʻlsa;
“qoniqarsiz” — ikkita mashqdan “qoniqarsiz” baholangan yoki bitta baho “qoniqarli” boʻlib, qolgan bittasi “qoniqarsiz” boʻlsa yoxud nomzod jismoniy tayyorgarlik mashqlarining bittasini bajarishdan bosh tortsa.
18. Nomzodlarning jismoniy tayyorgarlik darajasini baholash mazkur Metodikaning ilovasiga muvofiq amalga oshiriladi.
19. Mazkur Metodikada nazarda tutilgan mashqlarni bajarish tartibini buzgan nomzodga shu mashq boʻyicha “qoniqarsiz” baho qoʻyiladi.
Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasiga ILOVA
Nomzodlarning jismoniy tayyorgarlik darajasini baholash mezonlari
1. Erkak jinsidagi nomzodlar uchun:
Mashqning nomlanishi Oʻlchov birligi Yosh guruhi Baholash mezonlari Aʼlo Yaxshi Qoniqarli Toʻsinda (turnikda) tortilish marta 1 14 12 10 2 13 11 9 3 12 10 8 4 10 8 6 5 8 6 4 6 7 5 3 7 6 4 2 Tiralib yotgan holatda qoʻllarni bukish va rostlash marta 1 40 35 30 2 35 30 25 3 30 25 20 4 25 20 18 5 22 18 16 6 20 16 14 7 18 14 12 100 metrga yugurish sekund 1 14,0 14,4 15,2 2 14,2 14,6 15,4 3 14,4 14,8 15,6 4 14,8 15,4 16,0 5 15,4 16,0 16,6 3000 metrga yugurish daqiqa, sekund 1 12,40 13,00 13,35 2 13,00 13,20 13,55 3 13,20 13,40 14,10 4 14,20 14,50 15,30 1000 metrga yugurish daqiqa, sekund 5 4,15 4,35 5,00 6 4,25 5,00 5,30 7 5,10 5,40 6,00
2. Ayol jinsidagi nomzodlar uchun:
Mashqning nomlanishi Oʻlchov birligi Yosh guruhi Baholash mezonlari Aʼlo Yaxshi Qoniqarli Kompleks kuch ishlatish mashqlari marta 1 32 29 26 2 30 27 24 3 28 25 22 4 25 22 19 5 23 20 17 6 21 18 15 7 17 14 11 100 metrga yugurish sekund 1 16,8 17,4 18,0 2 17,4 18,0 18,6 3 18,0 18,6 19,2 4 18,6 19,6 20,6 1000 metrga yugurish daqiqa, sekund 1 4,25 4,40 5,00 2 4,35 4,50 5,20 3 4,50 5,05 5,40 4 5,10 5,30 6,00 5 5,20 5,40 6,10 6 5,30 5,50 6,20 7 6,00 6,10 6,30
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 7-ILOVA
Nomzodlarning jismoniy tayyorgarlik darajasi natijalari boʻyicha
20__ yil “____” ____________. Erkak jinsidagi nomzodlar uchun: T/r Nomzodlarning F.I.O. Mashqlarning nomi va baholash Umumiy baholash toʻsinda (turnikda) tortilish tiralib yotgan holatda qoʻllarni bukish va rostlash 100 metrga yugurish 3000 metrga yugurish natija baho natija baho natija baho natija baho 1. 2. 3. 4. 5. 6. 7. 8. 9. ... Ayol jinsidagi nomzodlar uchun: T/r Nomzodlarning F.I.O. Mashqlarning nomi va baholash Umumiy baholash kompleks kuch ishlatish mashqlari 100 metrga yugurish 3000 metrga yugurish natija baho natija baho natija baho 1. 2. 3. 4. 5. 6. 7. 8. 9. ... Komissiya aʼzolari: __________________________ (imzo) _______________________ (F.I.O.) __________________________ (imzo) _______________________ (F.I.O.) __________________________ (imzo) _______________________ (F.I.O.)
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 8-ILOVA
Psixologik test sinovlarini oʻtkazish metodikasi
1. Nomzodlar maxsus xonaga oʻzining shaxsini tasdiqlovchi hujjatini koʻrsatgan holda kiritiladi.
2. Test sinovlari oʻtkazilayotgan xonaga jadval, kitob, uyali telefon, kompyuter, kalkulyator, telekommunikatsiya vositalari va shpargalkalar olib kirish taqiqlanadi.
3. Test sinovlarini oʻtkazishni boshlashdan avval Nomzodlarni harbiy-kasbiy saralash boʻyicha doimiy komissiya aʼzolari nomzodlarga test sinovlarini oʻtkazish tartibini tushuntirishi shart.
4. Nomzodlar barcha harakatlarni Nomzodlarni harbiy-kasbiy saralash boʻyicha doimiy komissiya aʼzolari koʻrsatmalariga muvofiq bajaradi. Mazkur koʻrsatmalarga amal qilmagan nomzod xonadan chiqarib yuboriladi va psixologik oʻrganish ishtirokchilari roʻyxatidan oʻchiriladi.
5. Nomzod beriladigan savollarga javoblarni belgilash hamda vazifalarni bajarish orqali test sinovlaridan oʻtadi.
6. Nomzodga oldindan tayyorlangan psixologik test savollari boʻyicha 2 ta vazifa beriladi. Bunda birinchi vazifa nomzodning intellektual rivojlanganlik darajasini oʻrganishga qaratilgan boʻlib, har bir toʻgʻri javob uchun 1 ball beriladigan 52 ta topshiriqdan iborat.
Ikkinchi vazifa nomzodning psixoemotsional barqarorlik darajasini oʻrganishga qaratilgan boʻlib, javoblarning samimiyligini aniqlash uchun 13 ta savol hamda har bir notoʻgʻri javob uchun 1 ball beriladigan 152 ta savoldan iborat soʻrovnomani oʻz ichiga oladi.
Nomzodga vazifalarni bajarish uchun jami 1 soat vaqt beriladi. Bunda birinchi vazifani bajarish uchun 20 daqiqa, ikkinchi vazifani bajarish uchun 40 daqiqa vaqt ajratiladi. Nomzodga, shuningdek, har bir vazifa boʻyicha yoʻriqnomani oʻqib chiqish uchun qoʻshimcha ravishda 2 daqiqadan vaqt beriladi.
7. Test savolida mashqning oʻziga xosligidan kelib chiqib javob variantlari berilishi mumkin. Nomzodlar test savollariga javob variantlarini belgilashda javoblar varaqasidagi variantlardan faqat bitta toʻgʻri javobni belgilashi lozim.
8. Test sinovlarini topshirish vaqtida nomzodning xonadan chiqishi taqiqlanadi, nomzodning sogʻligʻi yomonlashgan holatlar bundan mustasno. Test sinovi tugagunga qadar xonani tark etgan nomzod xonaga takroran kiritilmaydi.
9. Test sinovlarini oʻtkazish vaqtida test sinovlari oʻtkazilayotgan xonada nomzodlar hamda Nomzodlarni harbiy-kasbiy saralash boʻyicha doimiy komissiya aʼzolaridan tashqari boshqa shaxslarning boʻlishi taqiqlanadi.
10. Javoblar toʻgʻri belgilanishi uchun nomzod shaxsan javobgardir. Javoblarni notoʻgʻri belgilagan nomzodlarning eʼtirozi koʻrib chiqilmaydi.
11. Nomzod, test sinovini u baholangan kundan boshlab 1 yil davomida 2 marotaba qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
12. Nomzodning psixologik test savollariga bergan javoblari 10 kun ichida mazkur metodikaning ilovasiga muvofiq Psixologik test natijalarini hisoblash jadvali asosida Nomzodlarni harbiy-kasbiy saralash boʻyicha doimiy komissiya aʼzolari tomonidan hisoblab chiqiladi.
Psixologik test sinovlarini oʻtkazish metodikasiga ILOVA
Psixologik test natijalarini hisoblash
1-vazifa 2-vazifa Natija 1-koʻrsatkich boʻyicha 2-koʻrsatkich boʻyicha 8 ball va undan yuqori 0 — 11 ballgacha 0 — 62 ballgacha Nomzod kontrakt boʻyicha harbiy xizmat talablariga muvofiq 0 — 8 ballgacha 11 ball va undan yuqori 62 ball va undan yuqori Nomzod kontrakt boʻyicha harbiy xizmat talablariga nomuvofiq
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 9-ILOVA
Psixologik test sinovlari natijalari boʻyicha
20__ yil “ ____ ” ____________. T/r Nomzodning F.I.O. Nomzodni psixologik oʻrganish natijasi 1. 2. 3. ... Komissiya aʼzolari: _________________ (imzo) ________________________ (F.I.O.) _________________ (imzo) ________________________ (F.I.O.) _________________ (imzo) ________________________ (F.I.O.)
Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 10-ILOVA
“TASDIQLAYMAN” Oʻzbekiston Respublikasi Milliy gvardiya qoʻmondonining oʻrinbosari ____________ ____________ (imzo) (F.I.O.) 20__ yil “___” _____________ Nomzodlarni harbiy-kasbiy saralash boʻyicha doimiy komissiyaning _____-son BAYONNOMASI T/r Nomzodning F.I.O. Tugʻilgan kuni, oyi, yili va joyi Harbiy-kasbiy saralash natijalari Komissiya xulosasi jismoniy tayyorgarlik darajasi psixologik oʻrganish natijasi 1. 2. 3. ... Komissiya aʼzolari: ______________ (imzo) ______________________ (F.I.O.) ______________ (imzo) ______________________ (F.I.O.) ______________ (imzo) ______________________ (F.I.O.) Komissiya kotibi: ______________ (imzo) ______________________ (F.I.O.)
Qoʻmondon B. TASHMATOV
Toshkent sh.,
2019-yil 8-dekabr,
248-son