📅 2020-yil 13-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 13 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 января 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 13 January 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасининг Бирлашган Араб Амирликларининг Абу-Даби шаҳридаги Элчихонаси бинолар комплексини қуриш ва жиҳозлаш бўйича ташкилий чора-тадбирлар тўғрисида
Ўзбекистон Республикаси Президентининг « Ўзбекистон Республикаси ва Бирлашган Араб Амирликлари ўртасидаги икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида » 2019 йил 2 апрелдаги ПҚ-4256-сон ҳамда « Халқаро шартномаларни тасдиқлаш тўғрисида » 2019 йил 21 июндаги ПҚ-4361-сон қарорларига мувофиқ Вазирлар Маҳкамаси қарор қилади:
1. Ўзбекистон Республикаси Ҳукумати билан Бирлашган Араб Амирликлари Ҳукумати ўртасида 2019 йил 25 мартда Абу-Даби шаҳрида имзоланган, Ўзбекистон Республикасининг Бирлашган Араб Амирликларидаги Элчихонасини жойлаштириш учун ер участкасини тақдим этиш тўғрисидаги битимни (кейинги ўринларда Битим деб аталади) амалга ошириш мақсадида, Ўзбекистон Республикасига Абу-Даби шаҳрида Ўзбекистон Республикасининг Элчихонаси бинолари комплексини қуриш ва жиҳозлаш учун Абу-Даби шаҳри, диломатик тумани, Ғарбий Ҳавзада (W59/2) жойлашган умумий майдони 5575 кв.м бўлган 9-сонли ер участкаси ажратилганлиги маълумот учун қабул қилинсин.
2. Ўзбекистон Республикаси Ташқи ишлар вазирлигининг 2020-2021 йилларда Ўзбекистон Республикасининг Бирлашган Араб Амирликларидаги Элчихонасининг элчихона биноси, консуллик масалалари бўйича фуқароларни қабул қилиш учун алоҳида бино, элчи учун қароргоҳ, назорат-ўтказиш пунктлари, муҳандислик-техник блок, спорт иншоотлари, 6 та машина учун ёпиқ гараж, элчихона ходимлари ва ташриф буюрувчилар учун очиқ автотурар жой каби объектлардан иборат бинолари комплексини (кейинги ўринларда комплекс деб аталади) қуриш ва жиҳозлаш тўғрисидаги таклифига розилик берилсин.
3. Комплексни қуриш ва жиҳозлаш доирасида:
Ўзбекистон Республикаси Ташқи ишлар вазирлиги — буюртмачи;
«ЎзшаҳарсозликЛИТИ» ДУК — бош лойиҳачи ташкилот;
«Трест-12» АЖ — бош пудратчи ташкилот;
2022 йил 1 декабрь — фойдаланишга топшириш муддати этиб белгилансин.
4. Ўзбекистон Республикаси Ташқи ишлар вазирлиги:
суғурта ташкилоти билан комплексни қуриш ва жиҳозлашга жалб этиладиган шахслар Бирлашган Араб Амирликлари ҳудудида бўлиш даврида уларнинг ҳаёти ва соғлиғини суғурталаш шартномаси ҳамда комплексни қуриш ва жиҳозлаш даврида қурилиш хавфларини суғурталаш шартномалари тузилишини;
бош лойиҳачи ва пудратчи ташкилотларга комплексни қуриш ҳамда жиҳозлаш давомида сафарбарлик ишларини ташкил этишга кўмаклашишни;
комплексни қуриш бўйича шаҳарсозлик ҳужжатларини ишлаб чиқилиши ва ваколатли органларда экспертизадан ўтказилишини белгиланган тартибда таъминласин.
5. Бош пудратчи ташкилотга Абу-Даби банкларида ҳисобварақлар очиш ва ажратилган маблағлар доирасида хорижий валютани белгиланган тартибда харид қилиш ҳамда тасдиқловчи ҳужжатлар мавжуд бўлганда, валюта маблағларини комплексни қуриш ва жиҳозлаш билан боғлиқ харажатларни қоплаш (Бирлашган Араб Амирликлари ҳудудида ундириладиган йиғимлар, солиқлар ва тўловлар, шунингдек, товарлар ва хизматлар) учун кейинчалик ушбу ҳисобварақларга ўтказишга рухсат берилсин.
Буюртмачи ва бош пудратчи ташкилотга валюта маблағларидан мақсадли ва оқилона фойдаланиш бўйича масъулият юклансин.
Белгилаб қўйилсинки, комплексни қуриш ва жиҳозлаш ишлари якунлангач, шунингдек, Абу-Даби банкларидаги ҳисобварақлар ёпилгандан сўнгбош пудратчи ташкилот фойдаланилмай қолган валюта маблағларини Ўзбекистон Республикасининг Давлат бюджетига қайтариш учун буюртмачига қайтариб беради.
6. Ўзбекистон Республикаси Ташқи ишлар вазирлиги бош лойиҳачи ва бош пудратчи ташкилот билан биргаликда икки ой муддатда Бирлашган Араб Амирликларининг қурилиш меъёрлари ва стандартларига мувофиқ тегишли лойиҳа ва қурилиш-монтаж ҳужжатларини ишлаб чиқиш учун Амирликнинг муҳандислик компанияси белгиланган тартибда жалб қилинишини таъминласин.
7. Ўзбекистон Республикаси Давлат божхона қўмитасикомплексни қуриш ва жиҳозлаш ишлари учун олиб чиқиладиган зарур қурилиш техникаси, машиналар ва механизмлар, қурилиш материаллари, ускуна ҳамда бошқа товарларнинг белгиланган тартибда тезкор божхона расмийлаштирувини амалга оширсин.
8. Ўзбекистон Республикаси Иқтисодиёт ва саноат вазирлиги, Молия вазирлиги Ўзбекистон Республикасининг 2020 — 2022 йилларга мўлжалланган Инвестиция дастурини шакллантиришда тасдиқланган лойиҳа-смета ҳужжатлари асосида комплексни қуриш ва жиҳозлаш учун марказлаштирилган капитал қўйилмаларининг тегишли лимитларини белгиланган тартибда назарда тутсин.
Ўзбекистон Республикаси Молия вазирлиги 2020 йилда ушбу қарорнинг 6-бандида назарда тутилган ишларга 2020 — 2022 йилларда марказлаштирилган капитал қўйилмалар лимитидан Ўзбекистон Республикаси Ташқи ишлар вазирлигига комплексни қуриш ва жиҳозлаш учун маблағ ажратишни назарда тутсин.
9. «Ўзбекистон темир йўллари» АЖ ва «Uzbekistan Airways» АЖ буюртмачи, бош пудратчи ва бош лойиҳачи ташкилотларнинг буюртманомалари бўйича:
комплексни қуриш ва жиҳозлаш учун қурилиш техникаси, машиналар ва механизмлар, қурилиш материаллари, ускуналар ва бошқа товарларни Ўзбекистон Республикаси ҳудуди бўйлаб ва транзит мамлакатлар орқали Абу-Даби шаҳрига ташиб бориш ва қайтариб олиб келишни таъминласин. Заруратга кўра, чартер ҳаво юк ташувини ташкил этишни назарда тутсин;
комплексни лойиҳалаштириш, қуриш ва жиҳозлаш ишларини бажаришга жалб этиладиган шахслар учун ҳаракатланиш ҳужжатлари брон қилиниши ва сотиб олинишини таъминласин.
10. Ўзбекистон Республикаси Ички ишлар вазирлиги ва Ташқи ишлар вазирлиги буюртмачи, бош пудратчи ва бош лойиҳачи ташкилотларнинг буюртманомалари бўйича комплексни қуриш ҳамда жиҳозлаш ишларини бажаришда иштирок этадиган шахсларга чиқиш ҳужжатлари расмийлаштирилишини таъминласин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси ташқи ишлар вазири А.Х. Камилов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 13 январь,
20-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasining Birlashgan Arab Amirliklarining Abu-Dabi shahridagi Elchixonasi binolar kompleksini qurish va jihozlash boʻyicha tashkiliy chora-tadbirlar toʻgʻrisida
Oʻzbekiston Respublikasi Prezidentining “ Oʻzbekiston Respublikasi va Birlashgan Arab Amirliklari oʻrtasidagi ikki tomonlama hamkorlikni yanada kengaytirish va mustahkamlash chora-tadbirlari toʻgʻrisida ” 2019-yil 2-apreldagi PQ-4256-son hamda “ Xalqaro shartnomalarni tasdiqlash toʻgʻrisida ” 2019-yil 21-iyundagi PQ-4361-son qarorlariga muvofiq Vazirlar Mahkamasi qaror qiladi:
1. Oʻzbekiston Respublikasi Hukumati bilan Birlashgan Arab Amirliklari Hukumati oʻrtasida 2019-yil 25-martda Abu-Dabi shahrida imzolangan, Oʻzbekiston Respublikasining Birlashgan Arab Amirliklaridagi Elchixonasini joylashtirish uchun yer uchastkasini taqdim etish toʻgʻrisidagi bitimni (keyingi oʻrinlarda Bitim deb ataladi) amalga oshirish maqsadida, Oʻzbekiston Respublikasiga Abu-Dabi shahrida Oʻzbekiston Respublikasining Elchixonasi binolari kompleksini qurish va jihozlash uchun Abu-Dabi shahri, dilomatik tumani, Gʻarbiy Havzada (W59/2) joylashgan umumiy maydoni 5575 kv.m boʻlgan 9-sonli yer uchastkasi ajratilganligi maʼlumot uchun qabul qilinsin.
2. Oʻzbekiston Respublikasi Tashqi ishlar vazirligining 2020-2021-yillarda Oʻzbekiston Respublikasining Birlashgan Arab Amirliklaridagi Elchixonasining elchixona binosi, konsullik masalalari boʻyicha fuqarolarni qabul qilish uchun alohida bino, elchi uchun qarorgoh, nazorat-oʻtkazish punktlari, muhandislik-texnik blok, sport inshootlari, 6 ta mashina uchun yopiq garaj, elchixona xodimlari va tashrif buyuruvchilar uchun ochiq avtoturar joy kabi obyektlardan iborat binolari kompleksini (keyingi oʻrinlarda kompleks deb ataladi) qurish va jihozlash toʻgʻrisidagi taklifiga rozilik berilsin.
3. Kompleksni qurish va jihozlash doirasida:
Oʻzbekiston Respublikasi Tashqi ishlar vazirligi — buyurtmachi;
“OʻzshaharsozlikLITI” DUK — bosh loyihachi tashkilot;
“Trest-12” AJ — bosh pudratchi tashkilot;
2022-yil 1-dekabr — foydalanishga topshirish muddati etib belgilansin.
4. Oʻzbekiston Respublikasi Tashqi ishlar vazirligi:
sugʻurta tashkiloti bilan kompleksni qurish va jihozlashga jalb etiladigan shaxslar Birlashgan Arab Amirliklari hududida boʻlish davrida ularning hayoti va sogʻligʻini sugʻurtalash shartnomasi hamda kompleksni qurish va jihozlash davrida qurilish xavflarini sugʻurtalash shartnomalari tuzilishini;
bosh loyihachi va pudratchi tashkilotlarga kompleksni qurish hamda jihozlash davomida safarbarlik ishlarini tashkil etishga koʻmaklashishni;
kompleksni qurish boʻyicha shaharsozlik hujjatlarini ishlab chiqilishi va vakolatli organlarda ekspertizadan oʻtkazilishini belgilangan tartibda taʼminlasin.
5. Bosh pudratchi tashkilotga Abu-Dabi banklarida hisobvaraqlar ochish va ajratilgan mablagʻlar doirasida xorijiy valyutani belgilangan tartibda xarid qilish hamda tasdiqlovchi hujjatlar mavjud boʻlganda, valyuta mablagʻlarini kompleksni qurish va jihozlash bilan bogʻliq xarajatlarni qoplash (Birlashgan Arab Amirliklari hududida undiriladigan yigʻimlar, soliqlar va toʻlovlar, shuningdek, tovarlar va xizmatlar) uchun keyinchalik ushbu hisobvaraqlarga oʻtkazishga ruxsat berilsin.
Buyurtmachi va bosh pudratchi tashkilotga valyuta mablagʻlaridan maqsadli va oqilona foydalanish boʻyicha masʼuliyat yuklansin.
Belgilab qoʻyilsinki, kompleksni qurish va jihozlash ishlari yakunlangach, shuningdek, Abu-Dabi banklaridagi hisobvaraqlar yopilgandan soʻngbosh pudratchi tashkilot foydalanilmay qolgan valyuta mablagʻlarini Oʻzbekiston Respublikasining Davlat budjetiga qaytarish uchun buyurtmachiga qaytarib beradi.
6. Oʻzbekiston Respublikasi Tashqi ishlar vazirligi bosh loyihachi va bosh pudratchi tashkilot bilan birgalikda ikki oy muddatda Birlashgan Arab Amirliklarining qurilish meʼyorlari va standartlariga muvofiq tegishli loyiha va qurilish-montaj hujjatlarini ishlab chiqish uchun Amirlikning muhandislik kompaniyasi belgilangan tartibda jalb qilinishini taʼminlasin.
7. Oʻzbekiston Respublikasi Davlat bojxona qoʻmitasikompleksni qurish va jihozlash ishlari uchun olib chiqiladigan zarur qurilish texnikasi, mashinalar va mexanizmlar, qurilish materiallari, uskuna hamda boshqa tovarlarning belgilangan tartibda tezkor bojxona rasmiylashtiruvini amalga oshirsin.
8. Oʻzbekiston Respublikasi Iqtisodiyot va sanoat vazirligi, Moliya vazirligi Oʻzbekiston Respublikasining 2020 — 2022-yillarga moʻljallangan Investitsiya dasturini shakllantirishda tasdiqlangan loyiha-smeta hujjatlari asosida kompleksni qurish va jihozlash uchun markazlashtirilgan kapital qoʻyilmalarining tegishli limitlarini belgilangan tartibda nazarda tutsin.
Oʻzbekiston Respublikasi Moliya vazirligi 2020-yilda ushbu qarorning 6-bandida nazarda tutilgan ishlarga 2020 — 2022-yillarda markazlashtirilgan kapital qoʻyilmalar limitidan Oʻzbekiston Respublikasi Tashqi ishlar vazirligiga kompleksni qurish va jihozlash uchun mablagʻ ajratishni nazarda tutsin.
9. “Oʻzbekiston temir yoʻllari” AJ va “Uzbekistan Airways” AJ buyurtmachi, bosh pudratchi va bosh loyihachi tashkilotlarning buyurtmanomalari boʻyicha:
kompleksni qurish va jihozlash uchun qurilish texnikasi, mashinalar va mexanizmlar, qurilish materiallari, uskunalar va boshqa tovarlarni Oʻzbekiston Respublikasi hududi boʻylab va tranzit mamlakatlar orqali Abu-Dabi shahriga tashib borish va qaytarib olib kelishni taʼminlasin. Zaruratga koʻra, charter havo yuk tashuvini tashkil etishni nazarda tutsin;
kompleksni loyihalashtirish, qurish va jihozlash ishlarini bajarishga jalb etiladigan shaxslar uchun harakatlanish hujjatlari bron qilinishi va sotib olinishini taʼminlasin.
10. Oʻzbekiston Respublikasi Ichki ishlar vazirligi va Tashqi ishlar vazirligi buyurtmachi, bosh pudratchi va bosh loyihachi tashkilotlarning buyurtmanomalari boʻyicha kompleksni qurish hamda jihozlash ishlarini bajarishda ishtirok etadigan shaxslarga chiqish hujjatlari rasmiylashtirilishini taʼminlasin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi tashqi ishlar vaziri A.X. Kamilov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 13-yanvar,
20-son
Кабинета Министров Республики Узбекистан
Постановление
Об организационных мерах по строительству и оснащению комплекса зданий Посольства Республики Узбекистан в Объединенных Арабских Эмиратах
В соответствии постановлениями Президента Республики Узбекистан от 2 апреля 2019 года № ПП-4256 « О мерах по дальнейшему расширению и укреплению двустороннего сотрудничества между Республикой Узбекистан и Объединенными Арабскими Эмиратами » и от 21 июня 2019 года № ПП-4361 « Об утверждении международных договоров » Кабинет Министров постановляет:
1. Принять к сведению, что в целях реализации Соглашения между Правительством Республики Узбекистан и Правительством Объединенных Арабских Эмиратов о выделении земельного участка для размещения посольства Республики Узбекистан в Объединенных Арабских Эмиратах, подписанного в городе Абу-Даби 25 марта 2019 года (далее — Соглашение), Правительством Объединенных Арабских Эмиратов предоставлен Республике Узбекистан земельный участок № 9, расположенный в г. Абу-Даби (запад 59/2), общей площадью 5575 кв.м, для строительства и оснащения комплекса зданий Посольства Республики Узбекистан в Объединенных Арабских Эмиратах.
2. Согласиться с предложением Министерства иностранных дел Республики Узбекистан об осуществлении строительства и оснащении в 2020-2021 годах комплекса зданий Посольства Республики Узбекистан в Объединенных Арабских Эмиратах в составе следующих объектов: здание посольства, отдельное здание для приема граждан по консульским вопросам, резиденция главы дипмиссии, контрольно-пропускные пункты, инженерно-технический блок, спортивные сооружения, крытый гараж на 6 машин, открытые автостоянки для служащих посольства и посетителей (далее — комплекс).
3. Определить в рамках осуществления строительства и оснащения комплекса:
заказчиком — Министерство иностранных дел Республики Узбекистан;
генеральной проектной организацией — ГУП «УзшахарсозликЛИТИ»;
генеральной подрядной организацией — АО «Трест-12»;
срок ввода в эксплуатацию — 1 декабря 2022 года.
4. Министерству иностранных дел Республики Узбекистан обеспечить в установленном порядке в рамках строительства комплекса:
заключение со страховой компанией договора по страхованию жизни и здоровья лиц, привлекаемых к строительству и оснащению комплекса, в период их пребывания на территории Объединенных Арабских Эмиратов и договора по страхованию строительных рисков — на период строительства и оснащения комплекса;
оказание генеральным подрядной и проектной организациям содействия в организации мобилизационных работ в ходе осуществления строительства и оснащения комплекса;
разработку градостроительной документации по строительству комплекса, согласование и проведение ее экспертизы в уполномоченных органах экспертизы.
5. Разрешить генеральной подрядной организации открывать счета в банках города Абу-Даби и в пределах выделенных средств в установленном порядке осуществлять покупку иностранной валюты с последующим зачислением на данные счета для покрытия расходов, связанных с организацией строительства и оснащением комплекса (сборы, налоги, платежи, а также товары и услуги, получаемые на территории Объединенных Арабских Эмиратов), при наличии подтверждающих документов.
Возложить на заказчика и генеральную подрядную организацию персональную ответственность за целевое и рациональное использование валютных средств.
Установить, что по итогам завершения строительства и оснащения комплекса, а также закрытия счетов в банках города Абу-Даби, генеральная подрядная организация возвращает заказчику неиспользованные остатки валютных средств для их последующего возврата в Государственный бюджет Республики Узбекистан в установленном порядке.
6. Министерству иностранных дел Республики Узбекистан совместно с проектной и подрядной организациями в двухмесячный срок в установленном порядке обеспечить привлечение эмиратской инжиниринговой компании для разработки соответствующей проектной и строительно-монтажной документации в соответствии со строительными нормами и стандартами Объединенных Арабских Эмиратов.
7. Государственному таможенному комитету Республики Узбекистан в установленном порядке произвести оперативное таможенное оформление вывозимых строительной техники, машин и механизмов, строительных материалов, оборудования и других товаров, необходимых для строительства и оснащения комплекса.
8. Министерству экономики и промышленности и Министерству финансов Республики Узбекистан при формировании Инвестиционной программы Республики Узбекистан на 2020 — 2022 годы на основании утвержденной проектно-сметной документации предусматривать в установленном порядке соответствующие лимиты централизованных капитальных вложений на осуществление строительства и оснащения комплекса.
Министерству финансов Республики Узбекистан предусмотреть в 2020 году выделение средств на оплату мероприятий, предусмотренных пунктом 6 настоящего постановления, в счет лимитов централизованных капитальных вложений 2020 — 2022 годов, выделяемых Министерству иностранных дел Республики Узбекистан на строительство и оснащение комплекса.
9. АО «Узбекистон темир йуллари» и АО «Uzbekistan Airways» по заявкам заказчика, генеральных проектной и подрядной организации обеспечить:
транспортировку по территории Республики Узбекистан и транзитных государств строительной техники, машин и механизмов, строительных материалов, оборудования и других товаров, необходимых для строительства и оснащения комплекса, назначениемв городе Абу-Даби и обратно. При необходимости предусмотреть организацию чартерных грузовых авиаперевозок;
бронирование и приобретение проездных документов лицам, привлекаемым к выполнению работ по проектированию, строительству и оснащению комплекса.
10. Министерству внутренних дел и Министерству иностранных дел Республики Узбекистанпо заявкам заказчика, генеральных подрядной и проектной организаций обеспечить оформление выездных документов лицам, участвующим в выполнении работ по строительству и оснащению комплекса.
11. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и министра иностранных дел Республики Узбекистан А.Х. Камилова.
Премьер-министр Республики Узбекистан А. АРИПОВ
г. Ташкент,
13 января 2020 г.,
№ 20