📅 2020-yil 27-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 января 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 27 January 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
АСОСИЙ ТЕХНИК-ИҚТИСОДИЙ ПАРАМЕТРЛАРИ
ПРОГНОЗ ЖАДВАЛИ
Европа тикланиш ва тараққиёт банки иштирокида «Тошкент шаҳрида сув қувурлари ва канализация тизимларини модернизация қилиш» лойиҳасини амалга ошириш чора-тадбирлари тўғрисида
Тошкент шаҳрида аҳоли ва хўжалик юритувчи субъектларни сифатли ичимлик сув ва канализация хизматлари билан таъминлашни янада яхшилаш, шунингдек, Европа тикланиш ва тараққиёт банки билан ҳамкорликни кенгайтириш мақсадида Вазирлар Маҳкамаси қарор қилади:
1. Қуйидагилар:
а) Европа тикланиш ва тараққиёт банки (кейинги ўринларда ЕТТБ деб аталади) билан Ўзбекистон Республикаси ўртасида 2018 йил 8 октябрда «Тошкент шаҳрида сув қувурлари ва канализация тизимларини модернизация қилиш» лойиҳасини (кейинги ўринларда лойиҳа деб аталади) амалга ошириш учун 4 йиллик имтиёзли даврни ўз ичига олган 15 йил мобайнида қайтариш муддати билан 30,0 млн АҚШ доллари миқдорида қарз бериш тўғрисида қарз битими имзоланганлиги;
б) лойиҳанинг умумий қиймати 37,2 млн АҚШ долларини, шу жумладан:
ЕТТБ қарзи — 30,0 млн АҚШ долларини ташкил этиши;
лойиҳани амалга оширишда Ўзбекистон Республикасининг ҳиссаси — 7,2 млн АҚШ долларини, шу жумладан, солиқ ва божхона имтиёзлари бериш тарзида 5,6 млн АҚШ долларини ва инвестиция даврида фоизлар ва воситачилик ҳақини қайтариш учун Тошкент шаҳар «Сувсоз» ДУКнинг ўз маблағлари — 1,6 млн АҚШ долларини ташкил этиши;
в) лойиҳани амалга ошириш даври 7 йилни (2020 — 2026 йиллар) ташкил этиши маълумот учун қабул қилинсин.
2. Белгилаб қўйилсинки:
«Ўзсувтаъминот» акциядорлик жамияти (кейинги ўринларда — «Ўзсувтаъминот» АЖ) лойиҳа амалга оширилиши, ЕТТБнинг қарз маблағларидан мақсадли ва самарали фойдаланиш учун масъул бўлган ижро этувчи орган ҳисобланади;
2018 йилдан бошлаб ҳисобланган фоизларни, воситачилик ҳақини тўлаш ва ЕТТБ қарзини қайтариш билан боғлиқ ҳаражатлар «Сувсоз» ДУК маблағлари ҳисобига амалга оширилади;
қарз умумий суммасининг 1,0 фоизи миқдорида ЕТТБ қарзининг бирйўла воситачилик ҳақини тўлаш ЕТТБнинг қарз маблағлари ҳисобига амалга оширилади.
3. Қуйидагилар:
«Тошкент шаҳрида сув қувурлари ва канализация тизимларини модернизация қилиш» лойиҳасининг техник-иқтисодий асосланишининг асосий техник-иқтисодий параметрлари 1-иловага мувофиқ;
«Тошкент шаҳрида сув қувурлари ва канализация тизимларини модернизация қилиш» лойиҳаси бўйича Европа тикланиш ва тараққиёт банки қарзини қайтариш, фоизлар ва воситачилик ҳақини тўлашнинг прогноз жадвали 2-иловага мувофиқ тасдиқлансин.
4. Ўзбекистан Республикаси молия вазирига ЕТТБ қарзини Ўзбекистон Республикаси, «Ўзсувтаъминот» АЖ, «Тошкент шаҳар ичимлик сув таъминоти» МЧЖ ва Тошкент шаҳар ҳокимлиги ўртасида қайта кредитлаш тўғрисидаги битимни (кейинги ўринларда Қайта кредитлаш тўғрисидаги битим деб аталади) имзолаш ваколати берилсин.
5. Ўзбекистон Республикаси Адлия вазирлиги Ўзбекистон Республикаси ва ЕТТБ ўртасидаги қарз битими, Қайта кредитлаш тўғрисидаги битим бўйича белгиланган тартибда юридик хулоса берсин.
6. «Ўзсувтаъминот» АЖ бошқарув раиси ва Тошкент шаҳар ҳокими зиммасига:
техник-иқтисодий асослашнинг тасдиқланган параметрларига мувофиқ лойиҳанинг ўз вақтида ва сифатли амалга оширилишини таъминлайдиган ташкилий-техник тадбирларни ўтказиш;
ЕТТБ қарзини Қайта кредитлаш тўғрисидаги битимга мувофиқ ЕТТБ қарзини қайтариш, у бўйича фоизлар ва воситачилик ҳақини тўлаш учун «Сувсоз» ДУК томонидан маблағлар ўз вақтида жамланиб борилиши юзасидан шахсий жавобгарлик юклансин.
7. Тошкент шаҳар ҳокимлиги белгиланган тартибда сув қувурлари ва канализация иншоотлари қуриш учун зарур бўлган ер участкалари ажратилишини, шунингдек, ер участкалари ажратилиши натижасида компенсация тўловлари тўланишини таъминласин.
8. Ўзбекистон Республикаси Инвестициялар ва ташқи савдо вазирлиги Молия вазирлиги билан биргаликда ҳар бир йил учун асосий кўрсаткичларни аниқлаштириб ва янгилаб борган ҳолда 2020 йил ва кейинги йиллар учун Ўзбекистон Республикаси Инвестиция дастурларини шакллантиришда ушбу лойиҳа доирасида ажратиладиган маблағларни инобатга олсин.
9. Европа тикланиш ва тараққиёт банки лойиҳаларини мувофиқлаштириш гуруҳига лойиҳани мувофиқлаштириш ва бошқариш функциялари юклансин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси уй-жой коммунал хизмат кўрсатиш вазири М.Х. Салиев ва Тошкент шаҳар ҳокими Ж.А. Артикходжаев зиммасига юклансин.
Вазирлар Маҳкамасининг 2020 йил 27 январдаги 38-сон қарорига 1-ИЛОВА
«Тошкент шаҳрида сув қувурлари ва канализация тизимларини модернизация қилиш» лойиҳасини техник-иқтисодий асослашнинг
Т/р Компонент номи Ўлчов бирлиги Ҳаммаси * Молиялаштириш манбаси, шу жумладан: ЕТТБнинг қарзи Ўзбекистон Республикаси ҳиссаси 1 . Лойиҳанинг умумий қиймати минг. АҚШ долл. экв. 37 222,33 30 000,00 7 222,33 2 . Капитал қўйилмалар суммаси, ҳаммаси минг. АҚШ долл. экв. 31 622,33 30 000,00 1 622,33 шу жумладан: 2.1 Товар ва хизматлар минг. АҚШ долл. экв. 25 600,00 25 600,00 2.2 Маслаҳат хизматлари минг. АҚШ долл. экв. 2 400,00 2 400,00 шу жумладан: Лойиҳани бошқаришни молиялаштириш ва қурилиш устидан назорат қилиш бўйича маслаҳатчининг хизматлари минг. АҚШ долл. экв. 2 200,00 2 200,00 Лойиҳани мувофиқлаштириш гуруҳини (ЛМГ) сақлаш минг. АҚШ долл. экв. 200,00 200,00 2.3 Тақсимланмаган маблағлар минг. АҚШ долл. экв. 1 700,00 1 700,00 2.4 Инвестиция даврида молиявий чиқимлар минг. АҚШ долл. экв. 1 922,33 300,00 1 622,33 3 . Солиқ ва божхона имтиёзлари минг. АҚШ долл. экв. 5 600,00 5 600,00
Вазирлар Маҳкамасининг 2020 йил 27 январдаги 38-сон қарорига 2-ИЛОВА
«Тошкент шаҳрида сув қувурлари ва канализация тизимларини модернизация қилиш» лойиҳаси бўйича Европа тикланиш ва тараққиёт банки қарзини қайтариш, фоизлар ва воситачилик ҳақини тўлашнинг
Қарз миқдори — 30,0 млн. АҚШ долл. Қарз муддати — 15 йил * Имтиёзли давр — 4 йил Фоиз ставкаси ** — Ўзгарувчан фоиз ставкаси (LIBOR USD 6 m + 1 %) Мажбурият учун воситачилик ҳақи — 0,50 _ % (минг АҚШ долл.) Йиллар Тўланадиган фоизлар Мажбурият учун воситачилик ҳақи Асосий қарзни қайтариш Жами қайтариладиган маблағ 07.12.2018 15.10.2019 0,0 130,0 130,0 15.04.2020 10,2 75,0 85,1 15.10.2020 46,8 70,4 117,2 15.04.2021 82,9 65,5 148,4 15.10.2021 216,4 49,2 265,6 15.04.2022 347,6 32,4 380,0 15.10.2022 479,7 16,3 1 363,6 1 859,7 15.04.2023 579,1 1 363,6 1 942,7 15.10.2023 554,5 1 363,6 1 918,2 15.04.2024 526,8 1 363,6 1 890,5 15.10.2024 499,1 1 363,6 1 862,7 15.04.2025 468,8 1 363,6 1 832,4 15.10.2025 443,6 1 363,6 1 807,3 15.04.2026 413,6 1 363,6 1 777,3 15.10.2026 388,2 1 363,6 1 751,8 15.04.2027 358,5 1 363,6 1 722,1 15.10.2027 332,7 1 363,6 1 696,4 15.04.2028 305,0 1 363,6 1 668,6 15.10.2028 277,3 1 363,6 1 640,9 15.04.2029 248,2 1 363,6 1 611,8 15.10.2029 221,8 1 363,6 1 585,5 15.04.2030 193,0 1 363,6 1 556,7 15.10.2030 166,4 1 363,6 1 530,0 15.04.2031 137,9 1 363,6 1 501,5 15.10.2031 110,9 1 363,6 1 474,5 15.04.2032 83,2 1 363,6 1 446,8 15.10.2032 55,5 1 363,6 1 419,1 15.04.2033 27,6 1 363,6 1 391,2 Жами 7 575,3 438,7 30 000,0 38 014,0
Ўзбекистон Республикасининг Бош вазири А. АРИПОВ
Тошкент ш.,
2020 йил 27 январь,
38-сон
Oʻzbekiston Respublikasi Vazirlar Mahkamasining
qarori
ASOSIY TEXNIK-IQTISODIY PARAMETRLARI
PROGNOZ JADVALI
Yevropa tiklanish va taraqqiyot banki ishtirokida “Toshkent shahrida suv quvurlari va kanalizatsiya tizimlarini modernizatsiya qilish” loyihasini amalga oshirish chora-tadbirlari toʻgʻrisida
Toshkent shahrida aholi va xoʻjalik yurituvchi subyektlarni sifatli ichimlik suv va kanalizatsiya xizmatlari bilan taʼminlashni yanada yaxshilash, shuningdek, Yevropa tiklanish va taraqqiyot banki bilan hamkorlikni kengaytirish maqsadida Vazirlar Mahkamasi qaror qiladi:
1. Quyidagilar:
a) Yevropa tiklanish va taraqqiyot banki (keyingi oʻrinlarda YETTB deb ataladi) bilan Oʻzbekiston Respublikasi oʻrtasida 2018-yil 8-oktabrda “Toshkent shahrida suv quvurlari va kanalizatsiya tizimlarini modernizatsiya qilish” loyihasini (keyingi oʻrinlarda loyiha deb ataladi) amalga oshirish uchun 4 yillik imtiyozli davrni oʻz ichiga olgan 15 yil mobaynida qaytarish muddati bilan 30,0 mln AQSH dollari miqdorida qarz berish toʻgʻrisida qarz bitimi imzolanganligi;
b) loyihaning umumiy qiymati 37,2 mln AQSH dollarini, shu jumladan:
YETTB qarzi — 30,0 mln AQSH dollarini tashkil etishi;
loyihani amalga oshirishda Oʻzbekiston Respublikasining hissasi — 7,2 mln AQSH dollarini, shu jumladan, soliq va bojxona imtiyozlari berish tarzida 5,6 mln AQSH dollarini va investitsiya davrida foizlar va vositachilik haqini qaytarish uchun Toshkent shahar “Suvsoz” DUKning oʻz mablagʻlari — 1,6 mln AQSH dollarini tashkil etishi;
v) loyihani amalga oshirish davri 7 yilni (2020 — 2026-yillar) tashkil etishi maʼlumot uchun qabul qilinsin.
2. Belgilab qoʻyilsinki:
“Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ) loyiha amalga oshirilishi, YETTBning qarz mablagʻlaridan maqsadli va samarali foydalanish uchun masʼul boʻlgan ijro etuvchi organ hisoblanadi;
2018-yildan boshlab hisoblangan foizlarni, vositachilik haqini toʻlash va YETTB qarzini qaytarish bilan bogʻliq harajatlar “Suvsoz” DUK mablagʻlari hisobiga amalga oshiriladi;
qarz umumiy summasining 1,0 foizi miqdorida YETTB qarzining biryoʻla vositachilik haqini toʻlash YETTBning qarz mablagʻlari hisobiga amalga oshiriladi.
3. Quyidagilar:
“Toshkent shahrida suv quvurlari va kanalizatsiya tizimlarini modernizatsiya qilish” loyihasining texnik-iqtisodiy asoslanishining asosiy texnik-iqtisodiy parametrlari 1-ilovaga muvofiq;
“Toshkent shahrida suv quvurlari va kanalizatsiya tizimlarini modernizatsiya qilish” loyihasi boʻyicha Yevropa tiklanish va taraqqiyot banki qarzini qaytarish, foizlar va vositachilik haqini toʻlashning prognoz jadvali 2-ilovaga muvofiq tasdiqlansin.
4. Oʻzbekistan Respublikasi moliya vaziriga YETTB qarzini Oʻzbekiston Respublikasi, “Oʻzsuvtaʼminot” AJ, “Toshkent shahar ichimlik suv taʼminoti” MCHJ va Toshkent shahar hokimligi oʻrtasida qayta kreditlash toʻgʻrisidagi bitimni (keyingi oʻrinlarda Qayta kreditlash toʻgʻrisidagi bitim deb ataladi) imzolash vakolati berilsin.
5. Oʻzbekiston Respublikasi Adliya vazirligi Oʻzbekiston Respublikasi va YETTB oʻrtasidagi qarz bitimi, Qayta kreditlash toʻgʻrisidagi bitim boʻyicha belgilangan tartibda yuridik xulosa bersin.
6. “Oʻzsuvtaʼminot” AJ boshqaruv raisi va Toshkent shahar hokimi zimmasiga:
texnik-iqtisodiy asoslashning tasdiqlangan parametrlariga muvofiq loyihaning oʻz vaqtida va sifatli amalga oshirilishini taʼminlaydigan tashkiliy-texnik tadbirlarni oʻtkazish;
YETTB qarzini Qayta kreditlash toʻgʻrisidagi bitimga muvofiq YETTB qarzini qaytarish, u boʻyicha foizlar va vositachilik haqini toʻlash uchun “Suvsoz” DUK tomonidan mablagʻlar oʻz vaqtida jamlanib borilishi yuzasidan shaxsiy javobgarlik yuklansin.
7. Toshkent shahar hokimligi belgilangan tartibda suv quvurlari va kanalizatsiya inshootlari qurish uchun zarur boʻlgan yer uchastkalari ajratilishini, shuningdek, yer uchastkalari ajratilishi natijasida kompensatsiya toʻlovlari toʻlanishini taʼminlasin.
8. Oʻzbekiston Respublikasi Investitsiyalar va tashqi savdo vazirligi Moliya vazirligi bilan birgalikda har bir yil uchun asosiy koʻrsatkichlarni aniqlashtirib va yangilab borgan holda 2020-yil va keyingi yillar uchun Oʻzbekiston Respublikasi Investitsiya dasturlarini shakllantirishda ushbu loyiha doirasida ajratiladigan mablagʻlarni inobatga olsin.
9. Yevropa tiklanish va taraqqiyot banki loyihalarini muvofiqlashtirish guruhiga loyihani muvofiqlashtirish va boshqarish funksiyalari yuklansin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi uy-joy kommunal xizmat koʻrsatish vaziri M.X. Saliyev va Toshkent shahar hokimi J.A. Artikxodjayev zimmasiga yuklansin.
Vazirlar Mahkamasining 2020-yil 27-yanvardagi 38-son qaroriga 1-ILOVA
“Toshkent shahrida suv quvurlari va kanalizatsiya tizimlarini modernizatsiya qilish” loyihasini texnik-iqtisodiy asoslashning
T/r Komponent nomi Oʻlchov birligi Hammasi * Moliyalashtirish manbasi, shu jumladan: YETTBning qarzi Oʻzbekiston Respublikasi hissasi 1 . Loyihaning umumiy qiymati ming. AQSH doll. ekv. 37 222,33 30 000,00 7 222,33 2 . Kapital qoʻyilmalar summasi, hammasi ming. AQSH doll. ekv. 31 622,33 30 000,00 1 622,33 shu jumladan: 2.1 Tovar va xizmatlar ming. AQSH doll. ekv. 25 600,00 25 600,00 2.2 Maslahat xizmatlari ming. AQSH doll. ekv. 2 400,00 2 400,00 shu jumladan: Loyihani boshqarishni moliyalashtirish va qurilish ustidan nazorat qilish boʻyicha maslahatchining xizmatlari ming. AQSH doll. ekv. 2 200,00 2 200,00 Loyihani muvofiqlashtirish guruhini (LMG) saqlash ming. AQSH doll. ekv. 200,00 200,00 2.3 Taqsimlanmagan mablagʻlar ming. AQSH doll. ekv. 1 700,00 1 700,00 2.4 Investitsiya davrida moliyaviy chiqimlar ming. AQSH doll. ekv. 1 922,33 300,00 1 622,33 3 . Soliq va bojxona imtiyozlari ming. AQSH doll. ekv. 5 600,00 5 600,00
Vazirlar Mahkamasining 2020-yil 27-yanvardagi 38-son qaroriga 2-ILOVA
“Toshkent shahrida suv quvurlari va kanalizatsiya tizimlarini modernizatsiya qilish” loyihasi boʻyicha Yevropa tiklanish va taraqqiyot banki qarzini qaytarish, foizlar va vositachilik haqini toʻlashning
Qarz miqdori — 30,0 mln. AQSH doll. Qarz muddati — 15 yil * Imtiyozli davr — 4 yil Foiz stavkasi ** — Oʻzgaruvchan foiz stavkasi (LIBOR USD 6 m + 1 %) Majburiyat uchun vositachilik haqi — 0,50 _ % (ming AQSH doll.) Yillar Toʻlanadigan foizlar Majburiyat uchun vositachilik haqi Asosiy qarzni qaytarish Jami qaytariladigan mablagʻ 07.12.2018 15.10.2019 0,0 130,0 130,0 15.04.2020 10,2 75,0 85,1 15.10.2020 46,8 70,4 117,2 15.04.2021 82,9 65,5 148,4 15.10.2021 216,4 49,2 265,6 15.04.2022 347,6 32,4 380,0 15.10.2022 479,7 16,3 1 363,6 1 859,7 15.04.2023 579,1 1 363,6 1 942,7 15.10.2023 554,5 1 363,6 1 918,2 15.04.2024 526,8 1 363,6 1 890,5 15.10.2024 499,1 1 363,6 1 862,7 15.04.2025 468,8 1 363,6 1 832,4 15.10.2025 443,6 1 363,6 1 807,3 15.04.2026 413,6 1 363,6 1 777,3 15.10.2026 388,2 1 363,6 1 751,8 15.04.2027 358,5 1 363,6 1 722,1 15.10.2027 332,7 1 363,6 1 696,4 15.04.2028 305,0 1 363,6 1 668,6 15.10.2028 277,3 1 363,6 1 640,9 15.04.2029 248,2 1 363,6 1 611,8 15.10.2029 221,8 1 363,6 1 585,5 15.04.2030 193,0 1 363,6 1 556,7 15.10.2030 166,4 1 363,6 1 530,0 15.04.2031 137,9 1 363,6 1 501,5 15.10.2031 110,9 1 363,6 1 474,5 15.04.2032 83,2 1 363,6 1 446,8 15.10.2032 55,5 1 363,6 1 419,1 15.04.2033 27,6 1 363,6 1 391,2 Jami 7 575,3 438,7 30 000,0 38 014,0
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-yanvar,
38-son