📅 2020-yil 29-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 января 2020 г. · Постановления Президента
Официальный текст. Официальный документ. Редакционные примечания не включены.
📅 29 January 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Чорвачилик тармоғини давлат томонидан кўллаб-қувватлашнинг қўшимча чора-тадбирлари тўғрисида
Чорвачилик тармоғини жадал ривожлантириш, замонавий ва инновацион услубларни жорий этиш, маҳсулотлар ишлаб чиқариш ҳажмини ошириш ва турларини кенгайтириш, шунингдек, аҳолини маҳаллий шароитда ишлаб чиқарилган сифатли ва арзон чорва маҳсулотлари билан узлуксиз таъминлаш ҳамда чорвачиликка ихтисослашган корхоналарни давлат томонидан қўллаб-қувватлаш мақсадида:
3. Шундай тартиб ўрнатилсинки, унга мувофиқ 2020 — 2022 йилларда:
а) чорвачилик маҳсулотлари етиштирувчи хўжаликларга давлат томонидан қуйидаги тартибда субсидия ажратилади:
республика ҳудудида фаолият юритаётган наслчилик хўжаликларидан сотиб олинган наслдор қорамолнинг ҳар бир бошига 1 миллион сўм миқдорида;
хорижий давлатлардан импорт қилинган наслдор қорамолнинг ҳар бир бошига 2 миллион сўм, наслдор қўй ва эчкининг ҳар бир бошига 400 минг сўм миқдорида;
б) «Ўзбекбалиқсаноат» уюшмасига аъзо бўлган интенсив усулда балиқ етиштирувчи хўжаликларга Ўзбекистон Республикаси ҳудудига импорт қилинган 1 дона наслдор она балиқнинг 3,5 миллион сўмгача бўлган харажатлари 50 фоизи миқдорида давлат томонидан субсидия ажратилади.
в) «Паррандасаноат» уюшмасига аъзо бўлган паррандачилик хўжаликларига ҳар бир бош 1 кунлик наслдор жўжани импорт қилиш билан боғлиқ харажатларнинг 9 минг сўмини қоплаш учун давлат томонидан субсидия ажратилади.
4. 2020 йилда сотиб олинадиган наслдор:
а) қорамоллар учун ажратиладиган субсидиянинг умумий суммаси:
республика ҳудудида фаолият юритаётган наслчилик хўжаликларидан сотиб олиш учун 10 миллиард сўм миқдорида;
хорижий давлатлардан импорт қилиш учун 40 миллиард сўм миқдорида;
б) қўй ва эчкиларни импорт қилиш учун ажратиладиган субсидиянинг умумий суммаси 6 миллиард сўм миқдорида белгилансин.
5. Ўзбекистон Республикаси Молия вазирлиги чорвачилик маҳсулотлари етиштирувчи хўжаликларга, интенсив усулда балиқ етиштирувчи ва паррандачилик хўжаликларга субсидия бериш харажатларини 2020 йилда Ўзбекистон Республикаси республика бюджетида Ўзбекистон Республикаси Президенти топшириқларига мувофиқ ҳудудларни ижтимоий-иқтисодий ривожлантириш бўйича харажатлар учун кўзда тутилган маблағлар ҳисобидан қопланишини таъминласин ва 2021-2022 йилларда Ўзбекистон Республикаси Давлат бюджети параметрларида тегишли маблағ ажратилишини назарда тутсин.
6. Ўзбекистон Республикаси Ветеринария ва чорвачиликни ривожлантириш давлат қўмитаси ҳамда Қишлоқ хўжалиги вазирлиги:
а) чорвачилик соҳасини ривожлантириш стратегиясини, шу жумладан соҳани давлат томонидан қўллаб-қувватлаш йўналишларини ишлаб чиқиш учун мустақил консалтинг компанияларини ўрнатилган тартибда жалб қилган ҳолда таклифлар ишлаб чиқсин ва 2020 йил 1 июлга қадар Ўзбекистон Республикаси Президенти Администрациясига кўриб чиқиш учун киритсин.
Бунда, мустақил консалтинг компанияларини жалб қилиш билан боғлиқ харажатлар Ўзбекистон Республикаси Вазирлар Маҳкамаси захира жамғармасидан қоплансин;
б) Молия вазирлиги, Иқтисодиёт ва саноат вазирлиги, Давлат божхона қўмитаси, «Ўзбекбалиқсаноат» уюшмаси ва «Паррандасаноат» уюшмаси билан биргаликда ўн беш кун муддатда мазкур қарорнинг 3-бандида белгиланган чорвачилик маҳсулотлари етиштирувчи хўжаликларга, интенсив усулда балиқ етиштирувчи ва паррандачилик хўжаликларига Ўзбекистон Республикаси Давлат бюджети маблағлари ҳисобидан субсидия бериш тартибларини ишлаб чиқсин ва Вазирлар Маҳкамасига киритсин. Бунда, субсидия бериш «Ўзбекчорванасл» агентлиги томонидан амалга оширилади.
7. Ўзбекистон Республикаси Ветеринария ва чорвачиликни ривожлантириш давлат қўмитаси чорвачилик соҳасини ривожлантириш стратегиясига асосланган ҳолда 2020 йил 1 июлга қадар 2021-2022 йилларда республикада фаолият юритаётган наслчилик хўжаликлари томонидан сотиладиган ва импорт қилинадиган наслдор қорамоллар, қўй ва эчкилар ҳамда жўжалар сонидан келиб чиқиб, ажратилиши керак бўлган субсидия ҳисоб-китобини Ўзбекистон Республикаси Давлат бюджети параметрларини шакллантиришда инобатга олиш учун Молия вазирлигига киритсин.
8. Ўзбекистон Республикаси Қишлоқ хўжалиги вазирлиги Ветеринария ва чорвачиликни ривожлантириш давлат қўмитаси билан биргаликда чорвачилик соҳасида амалга ошириладиган инвестиция лойиҳалари ва чора-тадбирларга Осиё тараққиёт банкининг чорвачиликни ривожлантириш учун 150,0 миллион АҚШ доллари миқдоридаги кредит маблағлари йўналтирилишини таъминласин.
9. Ўзбекистон Республикаси Ветеринария ва чорвачиликни ривожлантириш давлат қўмитаси, «Ўзбекбалиқсаноат» уюшмаси билан биргаликда 2020 йил 1 майга қадар сунъий сув ҳавзаларининг ҳосилдорлигидан келиб чиқиб, ушбу майдонларга ер солиғининг табақалаштирилган ставкаларини қўллаш бўйича асосланган таклифларини Молия вазирлигига киритсин.
Ўзбекистон Республикаси Молия вазирлиги киритилган таклифлар асосида ер солиғининг табақалаштирилган ставкаларини қўллашни 2021 йил бюджети лойиҳасини тайёрлашда инобатга олсин.
10. Ўзбекистон Республикаси Ер ресурслари, геодезия, картография ва давлат кадастри давлат қўмитаси «Ўзбекбалиқсаноат» уюшмаси билан биргаликда 2020 йил 1 июнга қадар балиқ етиштирувчи хўжаликларга бириктирилган сунъий ва табиий сув ҳавзаларининг кадастр ҳужжатларини «Ўздаверлойиҳа» институти билан ўзаро шартнома асосида расмийлаштирилишини таъминласин.
11. Қорақалпоғистон Республикаси Вазирлар Кенгаши, вилоятлар ҳокимликлари:
б) Ўзбекистон Республикаси Ветеринария ва чорвачиликни ривожлантириш давлат қўмитаси ҳамда Ер ресурслари, геодезия, картография ва давлат кадастри давлат қўмитаси билан биргаликда пахта-тўқимачилик кластерлари ва пахтачилик-ғаллачилик йўналишидаги фермер хўжаликлари экин майдонининг 10 фоизига беда экилишини таъминласин.
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси Ер ресурслари, геодезия, картография ва давлат кадастри давлат қўмитаси ҳамда Ветеринария ва чорвачиликни ривожлантириш давлат қўмитаси билан биргаликда ушбу топшириқ ижроси юзасидан Республика кенгашига 2020 йил 1 майга қадар ахборот киритсин.
12. Озиқ-овқат хавфсизлигини таъминлаш бўйича республика комиссияси Қорақалпоғистон Республикаси Вазирлар Кенгаши ва вилоятлар ҳокимликлари томонидан чорвачилик, шу жумладан паррандачилик хўжаликларига озуқабоп экинлар экиш учун чорва моллари ва парранда бош сонига мутаносиб равишда экин ерлари ажратилишини доимий равишда назорат қилиб борсин.
13. Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси:
Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти ходимларини жалб қилган ҳолда, жойларда сут соғувчиларни тайёрлаш ҳамда уларнинг малакасини ошириш бўйича қисқа муддатли ўқув курсларини ташкил этсин;
Қорақалпоғистон Республикаси Вазирлар Кенгаши, Андижон, Жиззах, Навоий, Сурхондарё, Қашқадарё вилоятлари ҳокимликлари ва «Паррандасаноат» уюшмаси билан биргаликда паррандаларнинг юқори маҳсулдор зотлари ва кроссларини урчитиш билан шуғулланувчи гўшт йўналишидаги II тартибли репродуктор наслчилик паррандачилик корхоналари фаолиятини йўлга қўйсин.
14. Ўзбекистон Республикаси Транспорт вазирлиги ва «Uzbekistan Airways» АЖнинг 2022 йил 1 январга қадар «Паррандасаноат» уюшмаси таркибидаги паррандачилик корхоналарига ўзи ишлаб чиқарган тухум ва гўшт маҳсулотларини экспорт қилишда, наслдор инкубацион тухум ва наслдор бир кунлик жўжаларни, вакцина, ветеринария дори воситаларини импорт қилишда, истисно тариқасида, амалдаги ҳаво транспортида ташиш тарифларига нисбатан 20 фоизлик чегирма бериш тўғрисидаги таклифи маъқуллансин.
15. Ўзбекистон Республикаси Қишлоқ хўжалиги вазирлиги, Ветеринария ва чорвачиликни ривожлантириш давлат қўмитаси, Сув хўжалиги вазирлиги, Ер ресурслари, геодезия, картография ва давлат кадастри давлат қўмитаси билан биргаликда бир ой муддатда озуқа экин майдонларидан келиб чиққан ҳолда 2020 — 2022 йиллар учун озуқабоп экинлар уруғчилигини ривожлантириш дастурини ишлаб чиқсин ва тасдиқлаш учун Вазирлар Маҳкамасига киритсин.
16. Тошкент вилояти ҳокимлиги:
10 кун муддатда Ўзбекистон Республикаси Ветеринария ва чорвачиликни ривожлантириш давлат қўмитаси ҳузуридаги Самарқанд ветеринария медицинаси институтининг Тошкент филиалига ўқув-тажриба участкаси учун Янгийўл тумани ҳудудидан 30 гектар;
бир ой муддатда «Ўзбекчорванасл» агентлиги ҳузуридаги «Ўзнаслчилик» давлат корхонасидаги наслдор буқаларни озиқлантириш учун озуқабоп экинлар экишга Қибрай, Юқоричирчиқ ва Ўртачирчиқ туманлари ҳудудидан 80 гектар суғориладиган ер майдони ажратилишини таъминласин.
19. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 2-иловага мувофиқ ўзгартиришлар киритилсин.
20. Мазкур қарор ижроси юзасидан қуйидагилар:
Ўзбекистон Республикаси Бош вазири ўринбосари Ж.А. Қўчқоров — мазкур қарорда белгиланган чорвачилик маҳсулотлари етиштирувчи хўжаликларга, интенсив усулда балиқ етиштирувчи ва паррандачилик хўжаликларга Ўзбекистон Республикаси Давлат бюджети маблағлари ҳисобидан субсидиялар ажратилишини таъминласин;
Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов — чорва хўжаликларига ер майдонларини ажратишни таъминласин, мазкур қарорда белгиланган чора-тадбирларни амалга ошириш юзасидан масъул вазирлик, идора ва ташкилотлар фаолиятини самарали ташкил қилсин, ҳар ойда уларнинг бажарган ишлари тўғрисидаги ҳисоботларини эшитсин ҳамда аниқланган камчиликларни ўз вақтида бартараф этсин;
Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Т. Норқобилов — чорвачиликнинг барча тармоқларини, шу жумладан қорамолчилик, қўйчилик, паррандачилик, балиқчилик ва қуёнчилик йўналишидаги инвестиция лойиҳалари амалга оширилишини ҳамда ажратилаётган субсидия маблағларидан самарали фойдаланилишини таъминласин, чорвачилик хўжаликларига маҳсулдорликни оширишга кўмаклашсин, наслчилик-селекция ишларини мувофиқлаштирсин;
Қорақалпоғистон Республикаси Вазирлар Кенгаши Раиси ва вилоятлар ҳокимлари — чорвачиликнинг барча тармоқлари, шу жумладан қорамолчилик, қўйчилик, паррандачилик, балиқчилик ва қуёнчилик йўналишида лойиҳаларни амалга оширадиган ташаббускорларга ҳар томонлама амалий ёрдам кўрсатсин;
Ўзбекистон Миллий ахборот агентлиги бош директори А.К. Кўчимов ҳамда Ўзбекистон Миллий телерадиокомпанияси раиси вазифасини бажарувчи А.Д. Хаджаев — мазкур қарорнинг мазмун-моҳияти ва амалий аҳамиятини ёритишга оид мақолалар, брифинглар, пресс-конференциялар, тематик телекўрсатувлар ташкил этсинлар.
Ўзбекистон Республикаси Президентининг 2020 йил 29 январдаги ПҚ-4576-сон қарорига 2-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартиришлар
2. Ўзбекистон Республикаси Президентининг 2018 йил 13 ноябрдаги «Паррандачиликни янада ривожлантириш бўйича қўшимча чора-тадбирлар тўғрисида»ги ПҚ-4015-сон қарори 13-банди қуйидаги таҳрирда баён этилсин:
«13. Ўзбекистон Республикаси Транспорт вазирлиги ва «Ўзбекистон темир йўллари» АЖнинг «Паррандасаноат» уюшмаси таркибидаги паррандачилик ва ем ишлаб чиқарувчи корхоналарига 2022 йил 1 январга қадар ўз эҳтиёжи учун мақсадли равишда озуқа компонентлари ва қўшимчаларини (ТИФ ТН коди 1001, 1005, 1201, 1206, 2304, 2306, 2309, 2835, 2922, 2930) темир йўл орқали ташишда, истисно тариқасида, Мустақил Давлатлар Ҳамдўстлиги темир йўллари тариф сиёсатининг 35 фоизидан кўп бўлмаган миқдорда чегирма бериш тўғрисидаги таклифи маъқуллансин».
3. Ўзбекистон Республикаси Вазирлар Маҳкамасининг 2005 йил 5 августдаги «Ўзбекистон Республикаси божхона ҳудудига вақтинчалик тирик товуқ, товуқ гўшти, тухум ва товуқ маҳсулотлари киритмаслик тўғрисида»ги 188-сон қарори (Ўзбекистон Республикаси ҚТ, 2005 й., 30-31-сон, 236-модда) ўз кучини йўқотган деб топилсин.
4. Ўзбекистон Республикаси Вазирлар Маҳкамасининг 2005 йил 13 октябрдаги «Ўзбекистон Республикаси божхона ҳудудига вақтинчалик тирик товуқ, товуқ гўшти, тухум ва товуқ маҳсулотлари киритмаслик тўғрисида» 2005 йил 5 августдаги 188-сон қарорига ўзгартиришлар киритиш ҳақида»ги 226-сон қарори (Ўзбекистон Республикаси ҚТ, 2005 й., 41-42-сон, 318-модда) ўз кучини йўқотган деб топилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 29 январь,
ПҚ-4576-сон
Oʻzbekiston Respublikasi Prezidentining
Qarori
Chorvachilik tarmogʻini davlat tomonidan koʻllab-quvvatlashning qoʻshimcha chora-tadbirlari toʻgʻrisida
Chorvachilik tarmogʻini jadal rivojlantirish, zamonaviy va innovatsion uslublarni joriy etish, mahsulotlar ishlab chiqarish hajmini oshirish va turlarini kengaytirish, shuningdek, aholini mahalliy sharoitda ishlab chiqarilgan sifatli va arzon chorva mahsulotlari bilan uzluksiz taʼminlash hamda chorvachilikka ixtisoslashgan korxonalarni davlat tomonidan qoʻllab-quvvatlash maqsadida:
3. Shunday tartib oʻrnatilsinki, unga muvofiq 2020 — 2022-yillarda:
a) chorvachilik mahsulotlari yetishtiruvchi xoʻjaliklarga davlat tomonidan quyidagi tartibda subsidiya ajratiladi:
respublika hududida faoliyat yuritayotgan naslchilik xoʻjaliklaridan sotib olingan nasldor qoramolning har bir boshiga 1 million soʻm miqdorida;
xorijiy davlatlardan import qilingan nasldor qoramolning har bir boshiga 2 million soʻm, nasldor qoʻy va echkining har bir boshiga 400 ming soʻm miqdorida;
b) “Oʻzbekbaliqsanoat” uyushmasiga aʼzo boʻlgan intensiv usulda baliq yetishtiruvchi xoʻjaliklarga Oʻzbekiston Respublikasi hududiga import qilingan 1 dona nasldor ona baliqning 3,5 million soʻmgacha boʻlgan xarajatlari 50 foizi miqdorida davlat tomonidan subsidiya ajratiladi.
v) “Parrandasanoat” uyushmasiga aʼzo boʻlgan parrandachilik xoʻjaliklariga har bir bosh 1 kunlik nasldor joʻjani import qilish bilan bogʻliq xarajatlarning 9 ming soʻmini qoplash uchun davlat tomonidan subsidiya ajratiladi.
4. 2020-yilda sotib olinadigan nasldor:
a) qoramollar uchun ajratiladigan subsidiyaning umumiy summasi:
respublika hududida faoliyat yuritayotgan naslchilik xoʻjaliklaridan sotib olish uchun 10 milliard soʻm miqdorida;
xorijiy davlatlardan import qilish uchun 40 milliard soʻm miqdorida;
b) qoʻy va echkilarni import qilish uchun ajratiladigan subsidiyaning umumiy summasi 6 milliard soʻm miqdorida belgilansin.
5. Oʻzbekiston Respublikasi Moliya vazirligi chorvachilik mahsulotlari yetishtiruvchi xoʻjaliklarga, intensiv usulda baliq yetishtiruvchi va parrandachilik xoʻjaliklarga subsidiya berish xarajatlarini 2020-yilda Oʻzbekiston Respublikasi respublika budjetida Oʻzbekiston Respublikasi Prezidenti topshiriqlariga muvofiq hududlarni ijtimoiy-iqtisodiy rivojlantirish boʻyicha xarajatlar uchun koʻzda tutilgan mablagʻlar hisobidan qoplanishini taʼminlasin va 2021-2022-yillarda Oʻzbekiston Respublikasi Davlat budjeti parametrlarida tegishli mablagʻ ajratilishini nazarda tutsin.
6. Oʻzbekiston Respublikasi Veterinariya va chorvachilikni rivojlantirish davlat qoʻmitasi hamda Qishloq xoʻjaligi vazirligi:
a) chorvachilik sohasini rivojlantirish strategiyasini, shu jumladan sohani davlat tomonidan qoʻllab-quvvatlash yoʻnalishlarini ishlab chiqish uchun mustaqil konsalting kompaniyalarini oʻrnatilgan tartibda jalb qilgan holda takliflar ishlab chiqsin va 2020-yil 1-iyulga qadar Oʻzbekiston Respublikasi Prezidenti Administratsiyasiga koʻrib chiqish uchun kiritsin.
Bunda, mustaqil konsalting kompaniyalarini jalb qilish bilan bogʻliq xarajatlar Oʻzbekiston Respublikasi Vazirlar Mahkamasi zaxira jamgʻarmasidan qoplansin;
b) Moliya vazirligi, Iqtisodiyot va sanoat vazirligi, Davlat bojxona qoʻmitasi, “Oʻzbekbaliqsanoat” uyushmasi va “Parrandasanoat” uyushmasi bilan birgalikda oʻn besh kun muddatda mazkur qarorning 3-bandida belgilangan chorvachilik mahsulotlari yetishtiruvchi xoʻjaliklarga, intensiv usulda baliq yetishtiruvchi va parrandachilik xoʻjaliklariga Oʻzbekiston Respublikasi Davlat budjeti mablagʻlari hisobidan subsidiya berish tartiblarini ishlab chiqsin va Vazirlar Mahkamasiga kiritsin. Bunda, subsidiya berish “Oʻzbekchorvanasl” agentligi tomonidan amalga oshiriladi.
7. Oʻzbekiston Respublikasi Veterinariya va chorvachilikni rivojlantirish davlat qoʻmitasi chorvachilik sohasini rivojlantirish strategiyasiga asoslangan holda 2020-yil 1-iyulga qadar 2021-2022-yillarda respublikada faoliyat yuritayotgan naslchilik xoʻjaliklari tomonidan sotiladigan va import qilinadigan nasldor qoramollar, qoʻy va echkilar hamda joʻjalar sonidan kelib chiqib, ajratilishi kerak boʻlgan subsidiya hisob-kitobini Oʻzbekiston Respublikasi Davlat budjeti parametrlarini shakllantirishda inobatga olish uchun Moliya vazirligiga kiritsin.
8. Oʻzbekiston Respublikasi Qishloq xoʻjaligi vazirligi Veterinariya va chorvachilikni rivojlantirish davlat qoʻmitasi bilan birgalikda chorvachilik sohasida amalga oshiriladigan investitsiya loyihalari va chora-tadbirlarga Osiyo taraqqiyot bankining chorvachilikni rivojlantirish uchun 150,0 million AQSH dollari miqdoridagi kredit mablagʻlari yoʻnaltirilishini taʼminlasin.
9. Oʻzbekiston Respublikasi Veterinariya va chorvachilikni rivojlantirish davlat qoʻmitasi, “Oʻzbekbaliqsanoat” uyushmasi bilan birgalikda 2020-yil 1-mayga qadar sunʼiy suv havzalarining hosildorligidan kelib chiqib, ushbu maydonlarga yer soligʻining tabaqalashtirilgan stavkalarini qoʻllash boʻyicha asoslangan takliflarini Moliya vazirligiga kiritsin.
Oʻzbekiston Respublikasi Moliya vazirligi kiritilgan takliflar asosida yer soligʻining tabaqalashtirilgan stavkalarini qoʻllashni 2021-yil budjeti loyihasini tayyorlashda inobatga olsin.
10. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi “Oʻzbekbaliqsanoat” uyushmasi bilan birgalikda 2020-yil 1-iyunga qadar baliq yetishtiruvchi xoʻjaliklarga biriktirilgan sunʼiy va tabiiy suv havzalarining kadastr hujjatlarini “Oʻzdaverloyiha” instituti bilan oʻzaro shartnoma asosida rasmiylashtirilishini taʼminlasin.
11. Qoraqalpogʻiston Respublikasi Vazirlar Kengashi, viloyatlar hokimliklari:
b) Oʻzbekiston Respublikasi Veterinariya va chorvachilikni rivojlantirish davlat qoʻmitasi hamda Yer resurslari, geodeziya, kartografiya va davlat kadastri davlat qoʻmitasi bilan birgalikda paxta-toʻqimachilik klasterlari va paxtachilik-gʻallachilik yoʻnalishidagi fermer xoʻjaliklari ekin maydonining 10 foiziga beda ekilishini taʼminlasin.
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi Yer resurslari, geodeziya, kartografiya va davlat kadastri davlat qoʻmitasi hamda Veterinariya va chorvachilikni rivojlantirish davlat qoʻmitasi bilan birgalikda ushbu topshiriq ijrosi yuzasidan Respublika kengashiga 2020-yil 1-mayga qadar axborot kiritsin.
12. Oziq-ovqat xavfsizligini taʼminlash boʻyicha respublika komissiyasi Qoraqalpogʻiston Respublikasi Vazirlar Kengashi va viloyatlar hokimliklari tomonidan chorvachilik, shu jumladan parrandachilik xoʻjaliklariga ozuqabop ekinlar ekish uchun chorva mollari va parranda bosh soniga mutanosib ravishda ekin yerlari ajratilishini doimiy ravishda nazorat qilib borsin.
13. Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi:
Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti xodimlarini jalb qilgan holda, joylarda sut sogʻuvchilarni tayyorlash hamda ularning malakasini oshirish boʻyicha qisqa muddatli oʻquv kurslarini tashkil etsin;
Qoraqalpogʻiston Respublikasi Vazirlar Kengashi, Andijon, Jizzax, Navoiy, Surxondaryo, Qashqadaryo viloyatlari hokimliklari va “Parrandasanoat” uyushmasi bilan birgalikda parrandalarning yuqori mahsuldor zotlari va krosslarini urchitish bilan shugʻullanuvchi goʻsht yoʻnalishidagi II tartibli reproduktor naslchilik parrandachilik korxonalari faoliyatini yoʻlga qoʻysin.
14. Oʻzbekiston Respublikasi Transport vazirligi va “Uzbekistan Airways” AJning 2022-yil 1-yanvarga qadar “Parrandasanoat” uyushmasi tarkibidagi parrandachilik korxonalariga oʻzi ishlab chiqargan tuxum va goʻsht mahsulotlarini eksport qilishda, nasldor inkubatsion tuxum va nasldor bir kunlik joʻjalarni, vaksina, veterinariya dori vositalarini import qilishda, istisno tariqasida, amaldagi havo transportida tashish tariflariga nisbatan 20 foizlik chegirma berish toʻgʻrisidagi taklifi maʼqullansin.
15. Oʻzbekiston Respublikasi Qishloq xoʻjaligi vazirligi, Veterinariya va chorvachilikni rivojlantirish davlat qoʻmitasi, Suv xoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda ozuqa ekin maydonlaridan kelib chiqqan holda 2020 — 2022-yillar uchun ozuqabop ekinlar urugʻchiligini rivojlantirish dasturini ishlab chiqsin va tasdiqlash uchun Vazirlar Mahkamasiga kiritsin.
16. Toshkent viloyati hokimligi:
10 kun muddatda Oʻzbekiston Respublikasi Veterinariya va chorvachilikni rivojlantirish davlat qoʻmitasi huzuridagi Samarqand veterinariya meditsinasi institutining Toshkent filialiga oʻquv-tajriba uchastkasi uchun Yangiyoʻl tumani hududidan 30 gektar;
bir oy muddatda “Oʻzbekchorvanasl” agentligi huzuridagi “Oʻznaslchilik” davlat korxonasidagi nasldor buqalarni oziqlantirish uchun ozuqabop ekinlar ekishga Qibray, Yuqorichirchiq va Oʻrtachirchiq tumanlari hududidan 80 gektar sugʻoriladigan yer maydoni ajratilishini taʼminlasin.
19. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirishlar kiritilsin.
20. Mazkur qaror ijrosi yuzasidan quyidagilar:
Oʻzbekiston Respublikasi Bosh vaziri oʻrinbosari J.A. Qoʻchqorov — mazkur qarorda belgilangan chorvachilik mahsulotlari yetishtiruvchi xoʻjaliklarga, intensiv usulda baliq yetishtiruvchi va parrandachilik xoʻjaliklarga Oʻzbekiston Respublikasi Davlat budjeti mablagʻlari hisobidan subsidiyalar ajratilishini taʼminlasin;
Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov — chorva xoʻjaliklariga yer maydonlarini ajratishni taʼminlasin, mazkur qarorda belgilangan chora-tadbirlarni amalga oshirish yuzasidan masʼul vazirlik, idora va tashkilotlar faoliyatini samarali tashkil qilsin, har oyda ularning bajargan ishlari toʻgʻrisidagi hisobotlarini eshitsin hamda aniqlangan kamchiliklarni oʻz vaqtida bartaraf etsin;
Oʻzbekiston Respublikasi Veterinariya va chorvachilikni rivojlantirish davlat qoʻmitasi raisi B.T. Norqobilov — chorvachilikning barcha tarmoqlarini, shu jumladan qoramolchilik, qoʻychilik, parrandachilik, baliqchilik va quyonchilik yoʻnalishidagi investitsiya loyihalari amalga oshirilishini hamda ajratilayotgan subsidiya mablagʻlaridan samarali foydalanilishini taʼminlasin, chorvachilik xoʻjaliklariga mahsuldorlikni oshirishga koʻmaklashsin, naslchilik-seleksiya ishlarini muvofiqlashtirsin;
Qoraqalpogʻiston Respublikasi Vazirlar Kengashi Raisi va viloyatlar hokimlari — chorvachilikning barcha tarmoqlari, shu jumladan qoramolchilik, qoʻychilik, parrandachilik, baliqchilik va quyonchilik yoʻnalishida loyihalarni amalga oshiradigan tashabbuskorlarga har tomonlama amaliy yordam koʻrsatsin;
Oʻzbekiston Milliy axborot agentligi bosh direktori A.K. Koʻchimov hamda Oʻzbekiston Milliy teleradiokompaniyasi raisi vazifasini bajaruvchi A.D. Xadjayev — mazkur qarorning mazmun-mohiyati va amaliy ahamiyatini yoritishga oid maqolalar, brifinglar, press-konferensiyalar, tematik telekoʻrsatuvlar tashkil etsinlar.
Oʻzbekiston Respublikasi Prezidentining 2020-yil 29-yanvardagi PQ-4576-son qaroriga 2-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirishlar
2. Oʻzbekiston Respublikasi Prezidentining 2018-yil 13-noyabrdagi “Parrandachilikni yanada rivojlantirish boʻyicha qoʻshimcha chora-tadbirlar toʻgʻrisida”gi PQ-4015-son qarori 13-bandi quyidagi tahrirda bayon etilsin:
“13. Oʻzbekiston Respublikasi Transport vazirligi va “Oʻzbekiston temir yoʻllari” AJning “Parrandasanoat” uyushmasi tarkibidagi parrandachilik va yem ishlab chiqaruvchi korxonalariga 2022-yil 1-yanvarga qadar oʻz ehtiyoji uchun maqsadli ravishda ozuqa komponentlari va qoʻshimchalarini (TIF TN kodi 1001, 1005, 1201, 1206, 2304, 2306, 2309, 2835, 2922, 2930) temir yoʻl orqali tashishda, istisno tariqasida, Mustaqil Davlatlar Hamdoʻstligi temir yoʻllari tarif siyosatining 35 foizidan koʻp boʻlmagan miqdorda chegirma berish toʻgʻrisidagi taklifi maʼqullansin”.
3. Oʻzbekiston Respublikasi Vazirlar Mahkamasining 2005-yil 5-avgustdagi “Oʻzbekiston Respublikasi bojxona hududiga vaqtinchalik tirik tovuq, tovuq goʻshti, tuxum va tovuq mahsulotlari kiritmaslik toʻgʻrisida”gi 188-son qarori (Oʻzbekiston Respublikasi QT, 2005-y., 30-31-son, 236-modda) oʻz kuchini yoʻqotgan deb topilsin.
4. Oʻzbekiston Respublikasi Vazirlar Mahkamasining 2005-yil 13-oktabrdagi “Oʻzbekiston Respublikasi bojxona hududiga vaqtinchalik tirik tovuq, tovuq goʻshti, tuxum va tovuq mahsulotlari kiritmaslik toʻgʻrisida” 2005-yil 5-avgustdagi 188-son qaroriga oʻzgartirishlar kiritish haqida”gi 226-son qarori (Oʻzbekiston Respublikasi QT, 2005-y., 41-42-son, 318-modda) oʻz kuchini yoʻqotgan deb topilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 29-yanvar,
PQ-4576-son
Президента Республики Узбекистан
Постановление
О дополнительных мерах государственной поддержки животноводческой отрасли
В целях ускоренного развития животноводческой отрасли, внедрения современных и инновационных методов, увеличения объема и расширения ассортимента производимой продукции, а также бесперебойного обеспечения населения качественной и доступной животноводческой продукцией, произведенной в местных условиях, государственной поддержки предприятий, специализирующихся на животноводстве:
3. Установить порядок, согласно которому в 2020 — 2022 годах:
а) хозяйствам, производящим животноводческую продукцию, государством выделяются субсидии в следующем порядке:
в размере 1 миллиона сумов за каждую единицу племенного скота, приобретенного у племенных хозяйств, осуществляющих деятельность на территории республики;
в размере 2 миллионов сумов за каждую единицу племенного скота, в размере 400 тысяч сумов за каждую племенную овцу и козу, импортируемых из зарубежных государств;
б) хозяйствам — членам Ассоциации «Узбекбаликсаноат», выращивающим рыбу интенсивным методом, государством выделяются субсидии в размере 50 процентов расходов до 3,5 миллиона сумов за 1 племенное маточное поголовье рыб, импортированное на территорию Республики Узбекистан.
в) птицеводческим хозяйствам — членам Ассоциации «Паррандасаноат» для компенсации 9 тысяч сумов расходов, связанных с импортом каждого однодневного породистого цыпленка.
4. Установить в 2020 году общую сумму субсидий:
а) выделяемых на закупку племенного скота:
в размере 10 миллиардов сумов на закупку у племенных хозяйств, осуществляющих деятельность на территории республики;
в размере 40 миллиардов сумов на импорт из зарубежных государств;
б) выделяемых на импорт племенных овец и коз в размере 6 миллиардов сумов.
5. Министерству финансов Республики Узбекистан обеспечить покрытие расходов по выделению субсидий хозяйствам, производящим животноводческую продукцию, выращивающим рыбу интенсивным методом, и птицеводческим хозяйствам за счет средств, предусмотренных в республиканском бюджете Республики Узбекистан на 2020 год на расходы по социально-экономическому развитию регионов, согласно поручениям Президента Республики Узбекистан, при этом предусмотреть выделение соответствующих средств в параметрах Государственного бюджета Республики Узбекистан на 2021-2022 годы.
6. Государственному комитету ветеринарии и развития животноводства и Министерству сельского хозяйства Республики Узбекистан:
а) разработать предложения по разработке Стратегии развития животноводческой отрасли, в том числе направлений государственной поддержки данной отрасли, с привлечением в установленном порядке независимых консалтинговых компаний и в срок до 1 июля 2020 года внести их на рассмотрение в Администрацию Президента Республики Узбекистан.
При этом расходы, связанные с привлечением независимых консалтинговых компаний, покрыть за счет средств резервного фонда Кабинета Министров Республики Узбекистан;
б) совместно с Министерством финансов, Министерством экономики и промышленности, Государственным таможенным комитетом, Ассоциацией «Узбекбаликсаноат» и Ассоциацией «Паррандасаноат» в пятнадцатидневный срок разработать и внести в Кабинет Министров порядок выделения за счет средств Государственного бюджета Республики Узбекистан субсидий хозяйствам, производящим животноводческую продукцию, выращивающим рыбу интенсивным методом, и птицеводческим хозяйствам, предусмотренный в пункте 3 настоящего постановления. При этом выделение субсидий осуществляется Агентством «Узбекчорванасл».
7. Государственному комитету ветеринарии и развития животноводства Республики Узбекистан, основываясь на Стратегии развития животноводческой отрасли, в срок до 1 июля 2020 года внести в Министерство финансов расчет субсидий, подлежащих выделению в 2021-2022 годах, исходя из численности реализуемого и импортируемого племенными хозяйствами, осуществляющими деятельность на территории республики, племенного скота, овец, коз и цыплят для принятия во внимание при формировании параметров Государственного бюджета Республики Узбекистан.
8. Министерству сельского хозяйства совместно с Государственным комитетом ветеринарии и развития животноводства Республики Узбекистан обеспечить направление кредитных средств Азиатского банка развития в размере 150,0 миллионов долларов США, предусмотренных для развития животноводства, на инвестиционные проекты и мероприятия, реализуемые в животноводческой отрасли.
9. Государственному комитету ветеринарии и развития животноводства Республики Узбекистан совместно с Ассоциацией «Узбекбаликсаноат» в срок до 1 мая 2020 года, исходя из производительности искусственных водоемов, внести в Министерство финансов обоснованные предложения по применению к данным площадям дифференцированных ставок земельного налога.
Министерству финансов Республики Узбекистан при подготовке проекта бюджета на 2021 год принять во внимание применение дифференцированных ставок земельного налога на основе внесенных предложений.
10. Государственному комитету Республики Узбекистан по земельным ресурсам, геодезии, картографии и государственному кадастру совместно с Ассоциацией «Узбекбаликсаноат» в срок до 1 июня 2020 года на основе взаимного соглашения с институтом «Уздаверлойиха» обеспечить оформление кадастровых документов на искусственные и природные водоемы, закрепленные за рыбоводческими хозяйствами.
11. Совету Министров Республики Каракалпакстан и хокимиятам областей:
б) Государственному комитету ветеринарии и развития животноводства совместно с Государственным комитетом Республики Узбекистан по земельным ресурсам, геодезии, картографии и государственному кадастру обеспечить засев люцерной 10 процентов посевной площади хлопково-текстильных кластеров и фермерских хозяйств хлопководческого и зерноводческого направления.
Государственной инспекции по контролю за агропромышленным комплексом при Кабинете Министров Республики Узбекистан совместно с Государственным комитетом по земельным ресурсам, геодезии, картографии и государственному кадастру и Государственным комитетом ветеринарии и развития животноводства в срок до 1 мая 2020 года внести в Республиканский совет информацию об исполнении настоящего поручения.
12. Республиканской комиссии по обеспечению продовольственной безопасности на постоянной основе осуществлять контроль за выделением Советом Министров Республики Каракалпакстан и хокимиятами животноводческим, в том числе птицеводческим хозяйствам посевных земель для посева кормовых культур пропорционально поголовью скота и птицы.
13. Комитету ветеринарии и развития животноводства при Министерстве сельского хозяйства Республики Узбекистан:
организовать на местах краткосрочные учебные курсы по подготовке и повышению квалификации доярок с привлечением работников Института переподготовки и повышения квалификации педагогических кадров и специалистов в сфере ветеринарии и животноводства;
совместно с Советом Министров Республики Каракалпакстан, хокимиятами Андижанской, Джизакской, Навоийской, Сурхандарьинской, Кашкадарьинской областей и Ассоциацией «Паррандасаноат» наладить деятельность племенных птицеводческих предприятий II порядкового репродуктора мясного направления, занимающихся скрещиванием высокопродуктивных пород и кроссов птицы.
14. Одобрить предложение Министерства транспорта Республики Узбекистан и АО «Uzbekistan Airways» о предоставлении на срок до 1 января 2022 года птицеводческим предприятиям Ассоциации «Паррандасаноат», в порядке исключения, 20-процентной скидки на действующие тарифы на перевозку воздушным транспортом при экспорте яиц и мясной продукции собственного производства, импорте племенных инкубационных яиц, породистых однодневных цыплят, вакцин и ветеринарных лекарственных средств.
15. Министерству сельского хозяйства Республики Узбекистан совместно с Государственным комитетом ветеринарии и развития животноводства, Министерством водного хозяйства, Государственным комитетом по земельным ресурсам, геодезии, картографии и государственному кадастру в месячный срок, исходя из площадей кормовых культур, разработать и внести на утверждение в Кабинет Министров Республики Узбекистан Программу развития семеноводства кормовых культур на 2020 — 2022 годы.
16. Хокимияту Ташкентской области обеспечить выделение:
в десятидневный срок 30 гектаров на территории Янгиюльского района для учебно-экспериментального участка Ташкентского филиала Самаркандского института ветеринарной медицины при Государственном комитете ветеринарии и развития животноводства Республики Узбекистан;
в месячный срок 80 гектаров орошаемых земельных площадей на территории Кибрайского, Юкоричирчикского и Уртачирчикского районов для посева кормовых культур с целью кормления племенных быков в государственном предприятии «Узнаслчилик» при Агентстве «Узбекчорванасл».
19. Внести изменения в некоторые акты Президента Республики Узбекистан и Правительства Республики Узбекистан согласно приложению № 2 .
20. Установить следующий порядок контроля за исполнением настоящего постановления:
заместителю Премьер-министра Республики Узбекистан Д.А. Кучкарову — обеспечить выделение субсидий хозяйствам, производящим животноводческую продукцию, выращивающим рыбу интенсивным методом, и птицеводческим хозяйствам, определенных в настоящем постановлении, за счет средств Государственного бюджета Республики Узбекистан;
советнику Премьер-Министра Республики Узбекистан по вопросам развития аграрной и продовольственной сфер А.Д. Вахабову — обеспечить выделение земельных участков животноводческим хозяйствам, организовать эффективную деятельность министерств, ведомств и организаций, ответственных за реализацию мероприятий, определенных настоящим постановлением, ежемесячно заслушивать отчеты о проделанной ими работе, своевременно устранять выявленные недостатки;
председателю Государственного комитета ветеринарии и развития животноводства Республики Узбекистан Б.Т. Норкобилову — обеспечить реализацию инвестиционных проектов во всех отраслях животноводства, в том числе в направлении скотоводства, овцеводства, птицеводства, рыбоводства и кролиководства, а также эффективное использование выделяемых средств субсидий, оказывать содействие животноводческим хозяйствам в повышении продуктивности, осуществлять координацию селекционно-племенных работ;
Председателю Совета Министров Республики Каракалпакстан и хокимам областей — оказывать всестороннюю практическую помощь инициаторам реализации проектов во всех отраслях животноводства, в том числе в направлении скотоводства, овцеводства, птицеводства, рыбоводства и кролиководства;
генеральному директору Национального информационного агентства Узбекистана А.К. Кучимову и исполняющему обязанности председателя Национальной телерадиокомпании Узбекистана А.Д. Хаджаеву — организовать статьи, брифинги, пресс-конференции, тематические телепередачи по освещению сути и содержания, а также практического значения настоящего постановления.
ПРИЛОЖЕНИЕ № 2 к постановлению Президента Республики Узбекистан от 29 января 2020 года № ПП-4576
Изменения, вносимые в некоторые акты Президента Республики Узбекистан и Правительства Республики Узбекистан
2. Пункт 13 постановления Президента Республики Узбекистан от 13 ноября 2018 года № ПП-4015 «О дополнительных мерах по дальнейшему развитию птицеводства» изложить в следующей редакции:
«13. Одобрить предложение Министерства транспорта Республики Узбекистан и АО «Узбекистон темир йуллари» о предоставлении на срок до 1 января 2022 года птицеводческим предприятиям и предприятиям по производству кормов, входящих в состав Ассоциации «Паррандасаноат», в порядке исключения, скидки в размере не более 35 процентов тарифной политики железных дорог Содружества Независимых Государств на железнодорожные перевозки пищевых компонентов и добавок (код ТН ВЭД 1001, 1005, 1201, 1206, 2304, 2306, 2309, 2835, 2922, 2930) с целью удовлетворения собственных нужд».
3. Признать утратившим силу постановление Кабинета Министров Республики Узбекистан от 5 августа 2005 года № 188 «О временном запрещении ввоза на таможенную территорию Республики Узбекистан живых кур, куриного мяса, яиц и субпродуктов» (СЗ Республики Узбекистан, 2005 г., № 30-31, ст. 236).
4. Признать утратившим силу постановление Кабинета Министров Республики Узбекистан от 13 октября 2005 года № 226 «О внесении изменения в постановление Кабинета Министров от 5 августа 2005 года № 188 «О временном запрещении ввоза на таможенную территорию Республики Узбекистан живых кур, куриного мяса, яиц и субпродуктов» (СЗ Республики Узбекистан, 2005 г., № 41-42, ст. 318).
Президент Республики Узбекистан Ш. МИРЗИЁЕВ
г. Ташкент,
29 января 2020 г.,
№ ПП-4576