UzbekAI

Ўзбекистон Республикаси Вазирлар Маҳкамасининг

қарори

Вазирлар Маҳкамасининг «ОПЕК xaлқаро тараққиёт жамғармаси иштирокида «Наманган вилоятининг Заркент, Ходикент, Исқовот, Булоқбоши, Ёшлик шаҳарчалари ва Наманган шаҳрининг сув таъминотини яхшилаш» лойиҳасини амалга ошириш чора-тадбирлари тўғрисида» 2019 йил 5 сентябрдаги 739-сон қарорига ўзгартириш киритиш ҳақида

Наманган вилоятининг аҳолиси ва хўжалик юритувчи субъектларининг сифатли ичимлик суви билан таъминланишини янада яхшилаш, шунингдек ОПЕК халқаро тараққиёт жамғармаси билан ҳамкорликни кенгайтириш мақсадида Вазирлар Маҳкамаси қарор қилади:

1. Вазирлар Маҳкамасининг «Наманган вилоятининг Заркент, Ходикент, Исқовот, Булоқбоши, Ёшлик шаҳарчалари ва Наманган шаҳрининг сув таъминотини яхшилаш» лойиҳасини амалга ошириш чора-тадбирлари тўғрисида» 2019 йил 5 сентябрдаги 739-сон қарорининг 4-банди қуйидаги таҳрирда баён қилинсин:

«4. Қуйидагиларга:

Ўзбекистон Республикасининг Австрия Республикасидаги Фавқулодда ва Муҳтор Элчисига — Ўзбекистон Республикаси номидан ОПЕК жамғармаси билан лойиҳани амалга ошириш бўйича карз битимини имзолаш;

Ўзбекистон Республикаси молия вазирига — ОПЕК жамғармасининг қарз маблағларини Ўзбекистон Республикаси, «Коммунхизмат» агентлиги, Наманган вилояти «Сувоқова» ДУК ва Наманган вилояти ҳокимлиги ўртасида қайта кредитлаш тўғрисидаги битимни имзолаш ваколати берилсин».

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 29 январь,

41-сон

lex.uz

Oʻzbekiston Respublikasi Vazirlar Mahkamasining

qarori

Vazirlar Mahkamasining “OPEK xalqaro taraqqiyot jamgʻarmasi ishtirokida “Namangan viloyatining Zarkent, Xodikent, Isqovot, Buloqboshi, Yoshlik shaharchalari va Namangan shahrining suv taʼminotini yaxshilash” loyihasini amalga oshirish chora-tadbirlari toʻgʻrisida” 2019-yil 5-sentabrdagi 739-son qaroriga oʻzgartirish kiritish haqida

Namangan viloyatining aholisi va xoʻjalik yurituvchi subyektlarining sifatli ichimlik suvi bilan taʼminlanishini yanada yaxshilash, shuningdek OPEK xalqaro taraqqiyot jamgʻarmasi bilan hamkorlikni kengaytirish maqsadida Vazirlar Mahkamasi qaror qiladi:

1. Vazirlar Mahkamasining “Namangan viloyatining Zarkent, Xodikent, Isqovot, Buloqboshi, Yoshlik shaharchalari va Namangan shahrining suv taʼminotini yaxshilash” loyihasini amalga oshirish chora-tadbirlari toʻgʻrisida” 2019-yil 5-sentabrdagi 739-son qarorining 4-bandi quyidagi tahrirda bayon qilinsin:

“4. Quyidagilarga:

Oʻzbekiston Respublikasining Avstriya Respublikasidagi Favqulodda va Muhtor Elchisiga — Oʻzbekiston Respublikasi nomidan OPEK jamgʻarmasi bilan loyihani amalga oshirish boʻyicha karz bitimini imzolash;

Oʻzbekiston Respublikasi moliya vaziriga — OPEK jamgʻarmasining qarz mablagʻlarini Oʻzbekiston Respublikasi, “Kommunxizmat” agentligi, Namangan viloyati “Suvoqova” DUK va Namangan viloyati hokimligi oʻrtasida qayta kreditlash toʻgʻrisidagi bitimni imzolash vakolati berilsin”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 29-yanvar,

41-son

lex.uz