📅 2020-yil 31-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 31 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 января 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 31 January 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАШКИЛИЙ ТУЗИЛМАСИ
Ўзбекистон Нотариал палатаси фаолиятини ташкил этиш чора-тадбирлари тўғрисида
«Нотариат тўғрисида»ги Ўзбекистон Республикасининг Қонунига мувофиқ, шунингдек Ўзбекистон Республикаси Президентининг «Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида» 2019 йил 9 сентябрдаги ПФ-5816-сон Фармони ижросини таъминлаш юзасидан Вазирлар Маҳкамаси қарор қилади:
1. Қуйидагилар:
а) Ўзбекистон Республикаси Президентининг «Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида» 2019 йил 9 сентябрдаги ПФ-5816-сон Фармони билан барча нотариал идоралар нотариусларининг аъзолигига асосланган Ўзбекистон Нотариал палатаси (кейинги ўринларда Нотариал палата деб аталади) ташкил этилиши ҳамда унинг асосий вазифалари ва фаолият йўналишлари белгиланганлиги;
б) «Нотариат тўғрисида»ги Ўзбекистон Республикасининг Қонунининг 22 4 ва 22 6 -моддаларига мувофиқ:
Нотариал палата:
хусусий амалиёт билан шуғулланувчи барча нотариусларнинг аъзолигига асосланган нотижорат ташкилоти ҳисобланиши, бунда давлат нотариал идораси нотариуси ихтиёрийлик асосида ушбу палата аъзоси бўлиши мумкинлиги;
нотариусларнинг қонунчилик ҳужжатларига мувофиқ амалга ошириладиган фаолиятига аралашмаслик принципи асосида иш юритиши;
Қорақалпоғистон Республикаси, вилоятлар ва Тошкент шаҳрида тузиладиган ҳудудий бошқармалари билан биргаликда нотариатнинг ягона ўзини ўзи бошқариш тизимини ташкил этиши;
Нотариал палатанинг илова қилинаётган ташкилий тузилмасига мувофиқ Конференция ушбу палатанинг юқори органи, Бошқарув — ижро этувчи органи, Тафтиш комиссияси — молиявий назорат органи ҳисобланиши;
Нотариал палата конференцияси томонидан миқдори белгиланадиган кириш ва аъзолик бадаллари ҳамда қонунчилик ҳужжатларида тақиқланмаган бошқа маблағлар ҳисобидан молиялаштирилиши;
Нотариал палатанинг раиси Ўзбекистон Республикаси Адлия вазирлигининг тақдимномасига биноан Нотариал палатанинг конференцияси томонидан ушбу конференция сайлаган Нотариал палата бошқаруви аъзолари орасидан беш йил муддатга сайланиши;
в) Нотариал палатанинг таъсис Конференцияси ўтказилганлиги, унда Нотариал палата таъсис этилганлиги, унинг устави тасдиқланганлиги, Бошқарув аъзолари, шу жумладан Нотариал палатанинг раиси сайланганлиги маълумот учун қабул қилинсин.
2. Ўзбекистон Республикаси Адлия вазирлиги:
а) икки ҳафта муддатда Нотариал палатанинг белгиланган тартибда давлат рўйхатидан ўтказилишини таъминласин;
б) Нотариал палата ва унинг ҳудудий бошқармаларини тегишли адлия органларининг биноларига текин фойдаланиш ҳуқуқи асосида жойлаштириш чораларини кўрсин;
в) Нотариал палата ва унинг ҳудудий бошқармалари моддий-техник базасини шакллантириш, шу жумладан компьютер ва нусха кўчириш техникаси, алоқа воситалари, мебель ҳамда Нотариал палатанинг марказий аппаратига 2 та енгил хизмат автотранспорт воситалари сотиб олиш учун маблағларни:
Вазирлар Маҳкамасининг «Ўзбекистон Республикаси Президентининг «Ўзбекистон Республикасида нотариат институтини янада такомиллаштириш чоралари тўғрисида» 2010 йил 5 майдаги ПФ-4216-сон Фармонини амалга ошириш чора-тадбирлари ҳақида» 2010 йил 2 июндаги 104-сон қарорининг 2-бандига мувофиқ нотариал ҳаракатларни амалга оширганлик учун ундириладиган давлат божининг;
Ўзбекистон Республикаси Президентининг 2018 йил 13 апрелдаги ПҚ-3666-сон қарори билан тасдиқланган Ўзбекистон Республикаси Адлия вазирлиги тўғрисида низомнинг 10-банди ўнинчи кичик бандига мувофиқ ундириладиган ҳуқуқий ва техник тусдаги қўшимча ҳаракатларни амалга оширганлик учун ҳақнинг — ҳудудий адлия органлари шахсий ғазна ҳисобварақларида жамланадиган маблағлари ҳисобидан ажратсин.
3. Ўзбекистон Республикаси Ахборот технологиялари ва коммуникацияларини ривожлантириш вазирлиги Нотариал палатани зарур алоқа воситалари, шу жумладан, ҳукумат алоқаси билан белгиланган тартибда таъминласин.
4. Мазкур қарорнинг ижросини назорат қилиш Ўзбекистон Республикаси адлия вазири Р.К. Давлетов зиммасига юклансин.
Вазирлар Маҳкамасининг 2020 йил 31 январдаги 54-сон қарорига ИЛОВА
Ўзбекистон Нотариал палатасининг
Ўзбекистон Республикасининг Бош вазири А. АРИПОВ
Тошкент ш.,
2020 йил 31 январь,
54-сон
Oʻzbekiston Respublikasi Vazirlar Mahkamasining
qarori
TAShKILIY TUZILMASI
Oʻzbekiston Notarial palatasi faoliyatini tashkil etish chora-tadbirlari toʻgʻrisida
“Notariat toʻgʻrisida”gi Oʻzbekiston Respublikasining Qonuniga muvofiq, shuningdek Oʻzbekiston Respublikasi Prezidentining “Oʻzbekiston Respublikasida notariat tizimini tubdan isloh qilish chora-tadbirlari toʻgʻrisida” 2019-yil 9-sentabrdagi PF-5816-son Farmoni ijrosini taʼminlash yuzasidan Vazirlar Mahkamasi qaror qiladi:
1. Quyidagilar:
a) Oʻzbekiston Respublikasi Prezidentining “Oʻzbekiston Respublikasida notariat tizimini tubdan isloh qilish chora-tadbirlari toʻgʻrisida” 2019-yil 9-sentabrdagi PF-5816-son Farmoni bilan barcha notarial idoralar notariuslarining aʼzoligiga asoslangan Oʻzbekiston Notarial palatasi (keyingi oʻrinlarda Notarial palata deb ataladi) tashkil etilishi hamda uning asosiy vazifalari va faoliyat yoʻnalishlari belgilanganligi;
b) “Notariat toʻgʻrisida”gi Oʻzbekiston Respublikasining Qonunining 22 4 va 22 6 -moddalariga muvofiq:
Notarial palata:
xususiy amaliyot bilan shugʻullanuvchi barcha notariuslarning aʼzoligiga asoslangan notijorat tashkiloti hisoblanishi, bunda davlat notarial idorasi notariusi ixtiyoriylik asosida ushbu palata aʼzosi boʻlishi mumkinligi;
notariuslarning qonunchilik hujjatlariga muvofiq amalga oshiriladigan faoliyatiga aralashmaslik prinsipi asosida ish yuritishi;
Qoraqalpogʻiston Respublikasi, viloyatlar va Toshkent shahrida tuziladigan hududiy boshqarmalari bilan birgalikda notariatning yagona oʻzini oʻzi boshqarish tizimini tashkil etishi;
Notarial palataning ilova qilinayotgan tashkiliy tuzilmasiga muvofiq Konferensiya ushbu palataning yuqori organi, Boshqaruv — ijro etuvchi organi, Taftish komissiyasi — moliyaviy nazorat organi hisoblanishi;
Notarial palata konferensiyasi tomonidan miqdori belgilanadigan kirish va aʼzolik badallari hamda qonunchilik hujjatlarida taqiqlanmagan boshqa mablagʻlar hisobidan moliyalashtirilishi;
Notarial palataning raisi Oʻzbekiston Respublikasi Adliya vazirligining taqdimnomasiga binoan Notarial palataning konferensiyasi tomonidan ushbu konferensiya saylagan Notarial palata boshqaruvi aʼzolari orasidan besh yil muddatga saylanishi;
v) Notarial palataning taʼsis Konferensiyasi oʻtkazilganligi, unda Notarial palata taʼsis etilganligi, uning ustavi tasdiqlanganligi, Boshqaruv aʼzolari, shu jumladan Notarial palataning raisi saylanganligi maʼlumot uchun qabul qilinsin.
2. Oʻzbekiston Respublikasi Adliya vazirligi:
a) ikki hafta muddatda Notarial palataning belgilangan tartibda davlat roʻyxatidan oʻtkazilishini taʼminlasin;
b) Notarial palata va uning hududiy boshqarmalarini tegishli adliya organlarining binolariga tekin foydalanish huquqi asosida joylashtirish choralarini koʻrsin;
v) Notarial palata va uning hududiy boshqarmalari moddiy-texnik bazasini shakllantirish, shu jumladan kompyuter va nusxa koʻchirish texnikasi, aloqa vositalari, mebel hamda Notarial palataning markaziy apparatiga 2 ta yengil xizmat avtotransport vositalari sotib olish uchun mablagʻlarni:
Vazirlar Mahkamasining “Oʻzbekiston Respublikasi Prezidentining “Oʻzbekiston Respublikasida notariat institutini yanada takomillashtirish choralari toʻgʻrisida” 2010-yil 5-maydagi PF-4216-son Farmonini amalga oshirish chora-tadbirlari haqida” 2010-yil 2-iyundagi 104-son qarorining 2-bandiga muvofiq notarial harakatlarni amalga oshirganlik uchun undiriladigan davlat bojining;
Oʻzbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan Oʻzbekiston Respublikasi Adliya vazirligi toʻgʻrisida nizomning 10-bandi oʻninchi kichik bandiga muvofiq undiriladigan huquqiy va texnik tusdagi qoʻshimcha harakatlarni amalga oshirganlik uchun haqning — hududiy adliya organlari shaxsiy gʻazna hisobvaraqlarida jamlanadigan mablagʻlari hisobidan ajratsin.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Notarial palatani zarur aloqa vositalari, shu jumladan, hukumat aloqasi bilan belgilangan tartibda taʼminlasin.
4. Mazkur qarorning ijrosini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Vazirlar Mahkamasining 2020-yil 31-yanvardagi 54-son qaroriga ILOVA
Oʻzbekiston Notarial palatasining
Oʻzbekiston Respublikasining Bosh vaziri A. ARIPOV
Toshkent sh.,
2020-yil 31-yanvar,
54-son