📅 2020-yil 30-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 30 января 2020 г. · Указы Президента
Официальный текст. Официальный документ. Редакционные примечания не включены.
📅 30 January 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
РЎЙХАТИ
Ўзбекистон Республикаси Бош прокуратураси ҳайъатининг таркибини тасдиқлаш тўғрисида
Ўзбекистон Республикасининг «Прокуратура тўғрисида»ги Қонуни 19-моддасига мувофиқ, шунингдек мамлакатимизда қонунийлик ва жиноятчиликнинг ҳолатини, фуқароларнинг ҳуқуқ ва эркинликлари, жамият ва давлатнинг қонун билан қўриқланадиган манфаатларини ҳимоя қилишга қаратилган чора-тадбирларни ҳамда прокуратура органларининг фаолиятига доир масалаларни тизимли равишда танқидий муҳокама қилиш мақсадида:
1. Ўзбекистон Республикаси Бош прокуратураси ҳайъати аъзоларининг сони ўн бир нафардан иборат бўлиши белгилаб қўйилсин.
2. Ўзбекистон Республикаси Бош прокуратураси ҳайъатининг янгиланган таркиби 1-иловага мувофиқ тасдиқлансин.
3. Ўзбекистон Республикаси Бош прокуратураси ҳайъати (Н. Йўлдошев) ўн кун муддатда прокуратура органларида ҳайъат мажлисларини ўтказиш тартибини тасдиқласин.
Белгилаб қўйилсинки, прокуратура органларида ҳайъат фаолиятини ташкил этишда асосий эътибор:
ҳудудларда қонунийликни таъминлаш, ҳуқуқбузарликларнинг олдини олиш ва жиноятчиликка қарши курашиш борасидаги чора-тадбирларнинг самарали амалга оширилишига;
ҳар бир туман (шаҳар) прокурорининг секторларидаги ижтимоий-иқтисодий ривожлантириш бўйича ишларнинг ҳолатига;
қабул қилинган норматив-ҳуқуқий ҳужжатларнинг ўз вақтида ва сифатли ижро этилишини таъминлашга қаратилсин.
4. Ўзбекистон Республикаси Президентининг айрим фармонлари 2-иловага мувофиқ ўз кучини йўқотган деб ҳисоблансин.
5. Мазкур Фармоннинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Бош прокурори Н.Т. Йўлдошев зиммасига юклансин.
Ўзбекистон Республикаси Президентининг 2020 йил 30 январдаги ПФ-5929-сон Фармонига 1-ИЛОВА
Ўзбекистон Республикаси Бош прокуратураси ҳайъатининг
1. Йўлдошев Ниғматилла Тўлқинович — Бош прокурор, Ҳайъат раиси 2. Валиев Баҳриддин Бахадирович — Бош прокурорнинг биринчи ўринбосари 3. Самадов Салом Исматович — Бош прокурорнинг ўринбосари 4. Лавозимига кўра — Бош прокурорнинг ўринбосари 5. Лавозимига кўра — Бош прокурорнинг ўринбосари 6. Лавозимига кўра — Бош прокурорнинг ўринбосари 7. Артикова Светлана Баймирзаевна — Бош прокурорнинг ўринбосари 8. Аминов Шохрух Азаматович — Бош прокурорнинг ўринбосари 9. Кудратходжаев Ботир Бахромович — Бош прокурорнинг ўринбосари — Ўзбекистон Республикаси Ҳарбий прокурори 10. Рахимов Дилшод Фахриевич — Бош прокуратура ҳузуридаги Иқтисодий жиноятларга қарши курашиш департаменти бошлиғи 11. Эгамбердиев Музаффар Эминович — Бош прокуратура ҳузуридаги Мажбурий ижро бюроси директори 12. Таджиев Эркабай Аминович — Қорақалпоғистон Республикаси прокурори 13. Болтаев Ҳалим Хусанбоевич — Бош прокуратуранинг ташкилий-назорат ва таҳлил бошқармаси бошлиғи, Ҳайъат котиби
Ўзбекистон Республикаси Президентининг 2020 йил 30 январдаги ПФ-5929-сон Фармонига 2-ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим фармонлари
1. Ўзбекистон Республикаси Президентининг 2016 йил 20 декабрдаги «Ўзбекистон Республикаси Бош прокуратураси ҳайъатининг таркибига ўзгартиш киритиш тўғрисида»ги ПФ-4890-сон Фармони.
2. Ўзбекистон Республикаси Президентининг 2017 йил 26 ноябрдаги «Ўзбекистон Республикаси Бош прокуратураси ҳайъатининг таркибига ўзгартиш киритиш тўғрисида»ги ПФ-5263-сон Фармони.
3. Ўзбекистон Республикаси Президентининг 2018 йил 6 мартдаги «Ўзбекистон Республикаси Бош прокуратураси ҳайъатининг таркибига ўзгартиш киритиш тўғрисида»ги ПФ-5373-сон Фармони.
4. Ўзбекистон Республикаси Президентининг 2018 йил 17 апрелдаги «Ўзбекистон Республикаси Бош прокуратураси ҳайъатининг таркибига ўзгартиш киритиш тўғрисида»ги ПФ-5419-сон Фармони.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 30 январь,
ПФ-5929-сон
Oʻzbekiston Respublikasi Prezidentining
Farmoni
TARKIBI
ROʻYXATI
Oʻzbekiston Respublikasi Bosh prokuraturasi hayʼatining tarkibini tasdiqlash toʻgʻrisida
Oʻzbekiston Respublikasining “Prokuratura toʻgʻrisida”gi Qonuni 19-moddasiga muvofiq, shuningdek mamlakatimizda qonuniylik va jinoyatchilikning holatini, fuqarolarning huquq va erkinliklari, jamiyat va davlatning qonun bilan qoʻriqlanadigan manfaatlarini himoya qilishga qaratilgan chora-tadbirlarni hamda prokuratura organlarining faoliyatiga doir masalalarni tizimli ravishda tanqidiy muhokama qilish maqsadida:
1. Oʻzbekiston Respublikasi Bosh prokuraturasi hayʼati aʼzolarining soni oʻn bir nafardan iborat boʻlishi belgilab qoʻyilsin.
2. Oʻzbekiston Respublikasi Bosh prokuraturasi hayʼatining yangilangan tarkibi 1-ilovaga muvofiq tasdiqlansin.
3. Oʻzbekiston Respublikasi Bosh prokuraturasi hayʼati (N. Yoʻldoshev) oʻn kun muddatda prokuratura organlarida hayʼat majlislarini oʻtkazish tartibini tasdiqlasin.
Belgilab qoʻyilsinki, prokuratura organlarida hayʼat faoliyatini tashkil etishda asosiy eʼtibor:
hududlarda qonuniylikni taʼminlash, huquqbuzarliklarning oldini olish va jinoyatchilikka qarshi kurashish borasidagi chora-tadbirlarning samarali amalga oshirilishiga;
har bir tuman (shahar) prokurorining sektorlaridagi ijtimoiy-iqtisodiy rivojlantirish boʻyicha ishlarning holatiga;
qabul qilingan normativ-huquqiy hujjatlarning oʻz vaqtida va sifatli ijro etilishini taʼminlashga qaratilsin.
4. Oʻzbekiston Respublikasi Prezidentining ayrim farmonlari 2-ilovaga muvofiq oʻz kuchini yoʻqotgan deb hisoblansin.
5. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Bosh prokurori N.T. Yoʻldoshev zimmasiga yuklansin.
Oʻzbekiston Respublikasi Prezidentining 2020-yil 30-yanvardagi PF-5929-son Farmoniga 1-ILOVA
Oʻzbekiston Respublikasi Bosh prokuraturasi hayʼatining
1. Yoʻldoshev Nigʻmatilla Toʻlqinovich — Bosh prokuror, Hayʼat raisi 2. Valiyev Bahriddin Baxadirovich — Bosh prokurorning birinchi oʻrinbosari 3. Samadov Salom Ismatovich — Bosh prokurorning oʻrinbosari 4. Lavozimiga koʻra — Bosh prokurorning oʻrinbosari 5. Lavozimiga koʻra — Bosh prokurorning oʻrinbosari 6. Lavozimiga koʻra — Bosh prokurorning oʻrinbosari 7. Artikova Svetlana Baymirzayevna — Bosh prokurorning oʻrinbosari 8. Aminov Shoxrux Azamatovich — Bosh prokurorning oʻrinbosari 9. Kudratxodjayev Botir Baxromovich — Bosh prokurorning oʻrinbosari — Oʻzbekiston Respublikasi Harbiy prokurori 10. Raximov Dilshod Faxriyevich — Bosh prokuratura huzuridagi Iqtisodiy jinoyatlarga qarshi kurashish departamenti boshligʻi 11. Egamberdiyev Muzaffar Eminovich — Bosh prokuratura huzuridagi Majburiy ijro byurosi direktori 12. Tadjiyev Erkabay Aminovich — Qoraqalpogʻiston Respublikasi prokurori 13. Boltayev Halim Xusanboyevich — Bosh prokuraturaning tashkiliy-nazorat va tahlil boshqarmasi boshligʻi, Hayʼat kotibi
Oʻzbekiston Respublikasi Prezidentining 2020-yil 30-yanvardagi PF-5929-son Farmoniga 2-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim farmonlari
1. Oʻzbekiston Respublikasi Prezidentining 2016-yil 20-dekabrdagi “Oʻzbekiston Respublikasi Bosh prokuraturasi hayʼatining tarkibiga oʻzgartish kiritish toʻgʻrisida”gi PF-4890-son Farmoni.
2. Oʻzbekiston Respublikasi Prezidentining 2017-yil 26-noyabrdagi “Oʻzbekiston Respublikasi Bosh prokuraturasi hayʼatining tarkibiga oʻzgartish kiritish toʻgʻrisida”gi PF-5263-son Farmoni.
3. Oʻzbekiston Respublikasi Prezidentining 2018-yil 6-martdagi “Oʻzbekiston Respublikasi Bosh prokuraturasi hayʼatining tarkibiga oʻzgartish kiritish toʻgʻrisida”gi PF-5373-son Farmoni.
4. Oʻzbekiston Respublikasi Prezidentining 2018-yil 17-apreldagi “Oʻzbekiston Respublikasi Bosh prokuraturasi hayʼatining tarkibiga oʻzgartish kiritish toʻgʻrisida”gi PF-5419-son Farmoni.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 30-yanvar,
PF-5929-son
Президента Республики Узбекистан
Указ
СОСТАВ
ПЕРЕЧЕНЬ
Об утверждении состава коллегии Генеральной прокуратуры Республики Узбекистан
В соответствии со статьей 19 Закона Республики Узбекистан «О прокуратуре», а также в целях критического обсуждения на системной основе состояния законности и преступности в стране, мер, направленных на защиту прав и свобод граждан, охраняемых законом интересов общества и государства, и вопросов деятельности органов прокуратуры:
1. Определить количество членов коллегии Генеральной прокуратуры Республики Узбекистан из одиннадцати человек.
2. Утвердить обновленный состав коллегии Генеральной прокуратуры Республики Узбекистан согласно приложению № 1 .
3. Коллегии Генеральной прокуратуры Республики Узбекистан (Н. Йулдошев) в десятидневный срок утвердить порядок проведения заседания коллегии в органах прокуратуры.
Установить, что при организации деятельности коллегии в органах прокуратуры основное внимание уделяется:
эффективной реализации мер по обеспечению законности, предотвращению правонарушений и борьбе с преступностью в регионах;
состоянию дел по социально-экономическому развитию сектора прокурора каждого района (города);
обеспечению своевременного и качественного исполнения принятых нормативно-правовых актов.
4. Признать утратившими силу некоторые указы Президента Республики Узбекистан согласно приложению № 2 .
5. Контроль за исполнением настоящего Указа возложить на руководителя Администрации Президента Республики Узбекистан З.Ш. Низомиддинова и Генерального прокурора Республики Узбекистан Н.Т. Йулдошева.
ПРИЛОЖЕНИЕ № 1 к Указу Президента Республики Узбекистан от 30 января 2020 года № УП-5929
коллегии Генеральной прокуратуры Республики Узбекистан
1. Йулдошев Нигматилла Тулкинович — Генеральный прокурор, председатель Коллегии 2. Валиев Бахриддин Бахадирович — первый заместитель Генерального прокурора 3. Самадов Салом Исматович — заместитель Генерального прокурора 4. По должности — заместитель Генерального прокурора 5. По должности — заместитель Генерального прокурора 6. По должности — заместитель Генерального прокурора 7. Артикова Светлана Баймирзаевна — заместитель Генерального прокурора 8. Аминов Шохрух Азаматович — заместитель Генерального прокурора 9. Кудратходжаев Ботир Бахромович — заместитель Генерального прокурора — Военный прокурор Республики Узбекистан 10. Рахимов Дилшод Фахриевич — начальник Департамента по борьбе с экономическими преступлениями при Генеральной прокуратуре 11. Эгамбердиев Музаффар Эминович — директор Бюро принудительного исполнения при Генеральной прокуратуре 12. Таджиев Эркабай Аминович — прокурор Республики Каракалпакстан 13. Болтаев Халим Хусанбоевич — начальник Организационно-контрольного и аналитического управления Генеральной прокуратуры, секретарь Коллегии
ПРИЛОЖЕНИЕ № 2 к Указу Президента Республики Узбекистан от 30 января 2020 года № УП-5929
некоторых указов Президента Республики Узбекистан, признаваемых утратившими силу
1. Указ Президента Республики Узбекистан от 20 декабря 2016 года № УП-4890 «О внесении изменения в состав коллегии Генеральной прокуратуры Республики Узбекистан».
2. Указ Президента Республики Узбекистан от 29 ноября 2017 года № УП-5263 «О внесении изменения в состав коллегии Генеральной прокуратуры Республики Узбекистан».
3. Указ Президента Республики Узбекистан от 6 марта 2018 года № УП-5373 «О внесении изменения в состав коллегии Генеральной прокуратуры Республики Узбекистан».
4. Указ Президента Республики Узбекистан от 17 апреля 2018 года № УП-5419 «О внесении изменения в состав коллегии Генеральной прокуратуры Республики Узбекистан».
Президент Республики Узбекистан Ш. МИРЗИЁЕВ
г. Ташкент,
30 января 2020 г.,
№ УП-5929