📅 2020-yil 6-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 6 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 февраля 2020 г. · Постановления Президента
Официальный текст. Официальный документ. Редакционные примечания не включены.
📅 6 February 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Юқори қўшилган қийматли минерал ўғитлар ишлаб чиқаришни кенгайтириш чора-тадбирлари тўғрисида
Кимё тармоғига тўғридан-тўғри хорижий инвестицияларни кенг жалб қилиш, юқори қўшилган қийматли мураккаб ва фосфорли минерал ўғитлар ишлаб чиқариш ҳажмларини янада ошириш мақсадида ҳамда Ўзбекистон Республикаси Солиқ кодексининг 75-моддасига мувофиқ:
1. Ўзбекистон Республикаси Вазирлар Маҳкамасининг «Самарқанд вилоятида мураккаб минерал ўғитлар ишлаб чиқариш кимёвий мажмуасини барпо этиш» инвестиция лойиҳасини амалга ошириш доирасида 2023 йил 1 февралга қадар қуйидаги солиқ ва божхона имтиёзларини тақдим этиш тўғрисидаги таклифига розилик берилсин:
жалб қилинадиган Ўзбекистон Республикаси норезидентлари — юридик шахслари учун фойда солиғи (шу жумладан, тўлов манбаида ушлаб қолинадиган фойда солиғи) ставкасини ҳамда Ўзбекистон Республикаси норезиденти — жисмоний шахслар учун жисмоний шахслардан олинадиган даромад солиғи ставкасини 50 фоизга камайтириш;
белгиланган тартибда шакллантириладиган рўйхатга мувофиқ олиб кириладиган Ўзбекистон Республикасида ишлаб чиқарилмайдиган асбоб-ускуналар, махсус техникалар, машина ва механизмлар, комплект буюмлар ва узеллар, бутловчи қисмлар, хом ашё ва материаллар, технологик ускуналар, приборлар, дастурий таъминот, техник ҳужжатлар ҳамда ёқилғи-мойлаш материалларини божхона божидан озод қилиш ҳамда ушбу товарлар учун акциз солиғи ставкасини 50 фоизга камайтириш.
2. Мазкур қарор ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 6 февраль,
ПҚ-4587-сон
Oʻzbekiston Respublikasi Prezidentining
Qarori
Yuqori qoʻshilgan qiymatli mineral oʻgʻitlar ishlab chiqarishni kengaytirish chora-tadbirlari toʻgʻrisida
Kimyo tarmogʻiga toʻgʻridan-toʻgʻri xorijiy investitsiyalarni keng jalb qilish, yuqori qoʻshilgan qiymatli murakkab va fosforli mineral oʻgʻitlar ishlab chiqarish hajmlarini yanada oshirish maqsadida hamda Oʻzbekiston Respublikasi Soliq kodeksining 75-moddasiga muvofiq:
1. Oʻzbekiston Respublikasi Vazirlar Mahkamasining “Samarqand viloyatida murakkab mineral oʻgʻitlar ishlab chiqarish kimyoviy majmuasini barpo etish” investitsiya loyihasini amalga oshirish doirasida 2023-yil 1-fevralga qadar quyidagi soliq va bojxona imtiyozlarini taqdim etish toʻgʻrisidagi taklifiga rozilik berilsin:
jalb qilinadigan Oʻzbekiston Respublikasi norezidentlari — yuridik shaxslari uchun foyda soligʻi (shu jumladan, toʻlov manbaida ushlab qolinadigan foyda soligʻi) stavkasini hamda Oʻzbekiston Respublikasi norezidenti — jismoniy shaxslar uchun jismoniy shaxslardan olinadigan daromad soligʻi stavkasini 50 foizga kamaytirish;
belgilangan tartibda shakllantiriladigan roʻyxatga muvofiq olib kiriladigan Oʻzbekiston Respublikasida ishlab chiqarilmaydigan asbob-uskunalar, maxsus texnikalar, mashina va mexanizmlar, komplekt buyumlar va uzellar, butlovchi qismlar, xom ashyo va materiallar, texnologik uskunalar, priborlar, dasturiy taʼminot, texnik hujjatlar hamda yoqilgʻi-moylash materiallarini bojxona bojidan ozod qilish hamda ushbu tovarlar uchun aksiz soligʻi stavkasini 50 foizga kamaytirish.
2. Mazkur qaror ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 6-fevral,
PQ-4587-son
Президента Республики Узбекистан
Постановление
О мерах по расширению производства минеральных удобрений с высокой добавленной стоимостью
В целях широкого привлечения прямых иностранных инвестиций в химическую отрасль, дальнейшего увеличения объемов производства сложных и фосфорных минеральных удобрений с высокой добавленной стоимостью, а также в соответствии со статьей 75 Налогового кодекса Республики Узбекистан:
1. Согласиться с предложением Кабинета Министров Республики Узбекистан о предоставлении до 1 февраля 2023 года в рамках реализации инвестиционного проекта «Строительство химического комплекса по производству сложных минеральных удобрений в Самаркандской области» следующих налоговых и таможенных льгот:
уменьшение на 50 процентов ставки налога на прибыль для привлекаемых юридических лиц — нерезидентов Республики Узбекистан (в том числе налога на прибыль, удерживаемого у источника выплаты), а также налога на доходы физических лиц для физических лиц — нерезидентов Республики Узбекистан;
освобождение от таможенных пошлин и уменьшение на 50 процентов ставки акцизного налога за ввозимые оборудование, специальную технику, машины и механизмы, комплектующие изделия и узлы, запасные части, сырье и материалы, технологическое оборудование, приборы, программное обеспечение, техническую документацию и горюче-смазочные материалы, не производимые в Республике Узбекистан, по перечням, формируемым в установленном порядке.
2. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
6 февраля 2020 г.,
№ ПП-4587