📅 2020-yil 16-yanvar · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 16 январь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 16 января 2020 г. · Документы Центрального банка
Официальный текст. Официальный документ. Редакционные примечания не включены.
📅 16 January 2020 · Central Bank documents
Official text. Official document. Editorial notes are not included.
Ўзбекистон Республикаси Марказий банки Бошқарувининг
Қарори
Банкларнинг депозит (омонат) сертификатларини чиқариш ва муомалада бўлиш тартиби тўғрисидаги низомга ўзгартиришлар киритиш ҳақида
Ўзбекистон Республикасининг «Ўзбекистон Республикасининг Марказий банки тўғрисида»ги, «Банклар ва банк фаолияти тўғрисида»ги қонунлари ва Ўзбекистон Республикаси Президентининг 2019 йил 20 ноябрдаги ПҚ-4525-сонли «Мамлакатда бизнес муҳитини янада яхшилаш ва тадбиркорликни қўллаб-қувватлаш тизимини такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Марказий банки Бошқаруви қарор қилади:
1. Ўзбекистон Республикаси Марказий банки Бошқарувининг 2008 йил 14 августдаги 17/2-сон қарори (рўйхат рақами 1859, 2008 йил 24 сентябрь) (Ўзбекистон Республикаси қонун ҳужжатлари тўплами, 2008 й., 39-сон, 400-модда) билан тасдиқланган Банкларнинг депозит (омонат) сертификатларини чиқариш ва муомалада бўлиш тартиби тўғрисидаги низомга иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Марказий банки Бошқарувининг 2020 йил 16 январдаги 1/4-сон қарорига ИЛОВА
Банкларнинг депозит (омонат) сертификатларини чиқариш ва муомалада бўлиш тартиби тўғрисидаги низомга киритилаётган ўзгартиришлар
1. 24-банднинг иккинчи хатбошисидан «ва юридик шахсларнинг муҳрлари (муҳрлар мавжуд бўлган тақдирда) билан тасдиқланади» деган сўзлар чиқариб ташлансин.
2. 26-банддан «ва муҳрланиши (муҳр мавжуд бўлган тақдирда)» деган сўзлар чиқариб ташлансин.
3. 31-банднинг учинчи хатбошиси қўйидаги таҳрирда баён этилсин:
«депозит сертификатлари бўйича — охирги цессияда қайд этилган цессионарий ваколатли шахсининг имзоси ва номи сертификат тўлаб берилиши ҳақидаги аризада ваколатли шахс имзоси, юридик шахснинг номи мос келмаган тақдирда, сертификат сақловчиси томонидан сертификат суммасини талаб қилиб олиш ҳуқуқини тасдиқловчи ҳужжат(лар) тақдим этилиши лозим.».
4. 3-иловадаги «(цедентнинг ёки унинг ваколатига эга шахснинг имзоси) М.Ў.» ва «(цессионарийнинг ёки унинг ваколатига эга шахснинг имзоси) М.Ў.» деган сўзлар тегишли равишда «(цедентнинг ёки унинг ваколатига эга шахснинг имзоси)» ва «(цессионарийнинг ёки унинг ваколатига эга шахснинг имзоси)» деган сўзлар билан алмаштирилсин.
Марказий банк раиси М. НУРМУРАТОВ
Тошкент ш.,
2020 йил 16 январь,
1/4-сон
Oʻzbekiston Respublikasi Markaziy banki Boshqaruvining
Qarori
Banklarning depozit (omonat) sertifikatlarini chiqarish va muomalada boʻlish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi qonunlari va Oʻzbekiston Respublikasi Prezidentining 2019-yil 20-noyabrdagi PQ-4525-sonli “Mamlakatda biznes muhitini yanada yaxshilash va tadbirkorlikni qoʻllab-quvvatlash tizimini takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2008-yil 14-avgustdagi 17/2-son qarori (roʻyxat raqami 1859, 2008-yil 24-sentabr) (Oʻzbekiston Respublikasi qonun hujjatlari toʻplami, 2008-y., 39-son, 400-modda) bilan tasdiqlangan Banklarning depozit (omonat) sertifikatlarini chiqarish va muomalada boʻlish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Markaziy banki Boshqaruvining 2020-yil 16-yanvardagi 1/4-son qaroriga ILOVA
Banklarning depozit (omonat) sertifikatlarini chiqarish va muomalada boʻlish tartibi toʻgʻrisidagi nizomga kiritilayotgan oʻzgartirishlar
1. 24-bandning ikkinchi xatboshisidan “va yuridik shaxslarning muhrlari (muhrlar mavjud boʻlgan taqdirda) bilan tasdiqlanadi” degan soʻzlar chiqarib tashlansin.
2. 26-banddan “va muhrlanishi (muhr mavjud boʻlgan taqdirda)” degan soʻzlar chiqarib tashlansin.
3. 31-bandning uchinchi xatboshisi qoʻyidagi tahrirda bayon etilsin:
“depozit sertifikatlari boʻyicha — oxirgi tsessiyada qayd etilgan tsessionariy vakolatli shaxsining imzosi va nomi sertifikat toʻlab berilishi haqidagi arizada vakolatli shaxs imzosi, yuridik shaxsning nomi mos kelmagan taqdirda, sertifikat saqlovchisi tomonidan sertifikat summasini talab qilib olish huquqini tasdiqlovchi hujjat(lar) taqdim etilishi lozim.”.
4. 3-ilovadagi “(tsedentning yoki uning vakolatiga ega shaxsning imzosi) M.Oʻ.” va “(tsessionariyning yoki uning vakolatiga ega shaxsning imzosi) M.Oʻ.” degan soʻzlar tegishli ravishda “(tsedentning yoki uning vakolatiga ega shaxsning imzosi)” va “(tsessionariyning yoki uning vakolatiga ega shaxsning imzosi)” degan soʻzlar bilan almashtirilsin.
Markaziy bank raisi M. NURMURATOV
Toshkent sh.,
2020-yil 16-yanvar,
1/4-son