UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

АРИЗА

Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низомни тасдиқлаш ҳақида

Ўзбекистон Республикаси Президентининг «Солиқ ва божхона имтиёзлари берилишини янада тартибга солиш чора-тадбирлари тўғрисида» 2019 йил 27 июндаги ПФ-5755-сон Фармонини ижро этиш юзасидан Вазирлар Маҳкамаси қарор қилади:

1. Ўзбекистон Республикаси Президентининг «Солиқ ва божхона имтиёзлари берилишини янада тартибга солиш чора-тадбирлари тўғрисида» 2019 йил 27 июндаги ПФ-5755-сон Фармонига мувофиқ илгари берилган имтиёзларни бекор қилиш бўйича қўшилган қиймат солиғи тўловчиси бўлган хўжалик юритувчи субъектларга товарларни олиб киришда, шунингдек, ишлар (хизматлар)ни импорт қилишда қўшилган қиймат солиғи бўйича имтиёз ўрнига 120 кунгача бўлган муддатга қўшилган қиймат солиғи тўлашни кечиктириш механизмларидан фойдаланилиши белгилаганлиги маълумот учун қабул қилинсин.

2. Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низом иловага мувофиқ тасдиқлансин.

3. Ўзбекистон Республикаси Давлат божхона қўмитаси ва Давлат солиқ қўмитаси:

Ахборот технологиялари ва коммуникацияларини ривожлантириш вазирлиги билан биргаликда 2020 йил 1 октябрга қадар товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш жараёнининг автоматлаштирилишини таъминласин;

манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Давлат божхона қўмитаси раиси М.Б. Азимов ва Ўзбекистон Республикаси Давлат солиқ қўмитаси раиси Б.А. Мусаев зиммасига юклансин.

Вазирлар Маҳкамасининг 2020 йил 10 февралдаги 76-сон қарорига ИЛОВА

Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисида

1-боб. Умумий қоидалар

1. Ушбу Низом товарлар (ишлар, хизматлар)ни импорт қилишда қўшилган қиймат солиғи (кейинги ўринларда ҚҚС деб аталади) тўловчилар учун қўшилган қиймат солиғини тўлаш муддатини узайтириш (120 кун муддатгача) тартибини белгилайди.

2. Ушбу Низомнинг амал қилиши давлат солиқ хизмати органларида ҚҚС тўловчи сифатида рўйхатдан ўтган юридик шахслар ва якка тартибдаги тадбиркорларга (кейинги ўринларда солиқ тўловчилар деб аталади) нисбатан татбиқ этилади.

3. Солиқ тўловчилар, шу жумладан, Ўзбекистон Республикаси Давлат солиқ қўмитасининг Йирик солиқ тўловчилар бўйича ҳудудлараро давлат солиқ инспекцияси (кейинги ўринларда Йирик солиқ тўловчилар бўйича инспекция) ҳисобида турувчи солиқ тўловчиларнинг реестри Ўзбекистон Республикаси Давлат солиқ қўмитасининг расмий веб-сайтида жойлаштирилади.

4. Товарларни импорт қилишда, солиқ тўловчиларга ҚҚС тўлаш муддатини узайтириш имконияти ушбу Низом талабларига риоя қилинган тақдирда давлат божхона хизмати органлари томонидан берилади.

5. Ўзбекистон Республикаси норезидентларидан ишлар (хизматлар)ни сотиб олишда ҚҚСни тўлаш бўйича мажбурият юзага келган тақдирда, ҚҚС тўлаш муддатини узайтириш имконияти ушбу Низом талабларига риоя қилинган холда давлат солиқ хизмати органлари томонидан берилади.

6. Товарларни импорт қилишда ҚҚС суммаси божхона тўғрисидаги қонунчилик ҳужжатларига, Ўзбекистон Республикаси норезидентларидан ишлар (хизматлар)ни сотиб олишда эса — солиқ тўғрисидаги қонун ҳужжатларига мувофиқ аниқланади.

7. Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш ушбу Низомга 1-иловада келтирилган схемага мувофиқ амалга оширилади.

2-боб. Товарларни импорт қилишда тўлов муддатини узайтириш

8. Товарларни импорт қилишда солиқ тўловчиларга ҚҚС тўлов муддатини узайтириш имконияти давлат божхона хизмати органининг қарори билан берилади.

9. ҚҚСни тўлаш муддатининг узайтирилиши божхона декларацияси расмийлаштирилган кундан бошлаб 120 кундан ошмаслиги керак.

10. ҚҚСни тўлаш муддатини узайтириш имкониятига эга бўлиш учун солиқ тўловчи давлат божхона хизмати органига қуйидагиларни тақдим этади:

ҚҚС суммасини тўлаш бўйича ёзма мажбуриятни ўз ичига олган ушбу Низомга 2-иловага мувофиқ ариза;

Ўзбекистон Республикаси Божхона кодексининг 47-бобига мувофиқ ҚҚС тўланишининг таъминланишини тасдиқловчи ҳужжат, Йирик солиқ тўловчилар бўйича ҳудудлараро давлат солиқ инспексиясида ҳисобда турувчи солиқ тўловчилар, шунингдек, охирги ўн икки ой давомида қиймати 1 миллион AҚШ долларидан ортиқ тайёр тўқимачилик маҳсулотларини экспорт қилган, асосий ва ёрдамчи ишлаб чиқариш учун бутловчи буюмлар, хомашё ва материалларни олиб кираётган корхоналар бундан мустасно.

11. Давлат божхона хизмати органи томонидан ҚҚСни тўлаш муддатини узайтириш имкониятини бериш ёки уни рад этиш тўғрисидаги қарор ушбу Низомнинг 10-бандида белгиланган зарур ҳужжатлар тақдим этилган кундан бошлаб беш иш куни мобайнида қабул қилинади.

Давлат божхона хизмати органининг қарорида ҚҚСни тўлаш муддатини узайтириш имконияти берилаётган муддат, узайтириш имконияти берилиши рад этилган тақдирда эса — бир иш куни ичида рад этиш сабаблари кўрсатилган ҳолда қабул қилинган қарор тўғрисида солиқ тўловчини ёзма равишда хабардор қилади.

12. Қуйидагилар ҚҚС тўлов муддатини узайтириш имкониятини беришни рад этиш учун асос ҳисобланади:

ушбу Низомнинг 10-бандида белгиланган талабларга риоя қилмаслик;

ҚҚСни тўлаш бўйича олдин тақдим этилган узайтирилган тўлов муддатини бузиш ҳолатлари мавжудлиги.

13. ҚҚСни тўлаш муддатини узайтириш имкониятининг берилган ҳар бир куни учун тўланадиган ҚҚС суммасидан Ўзбекистон Республикаси Марказий банки томонидан белгиланган, қайта молиялаштириш ставкасининг бир кун учун қайта ҳисобланган фоизининг эллик фоизи миқдорида фоизлар ундирилади.

Охирги ўн икки ой давомида қиймати 1 миллион AҚШ долларидан ортиқ тайёр тўқимачилик маҳсулотларини экспорт қилган корхоналарга асосий ва ёрдамчи ишлаб чиқариш учун бутловчи буюмлар, хомашё ва материаллар олиб киришда божхона тўловларини тўлаш бўйича фоиз ҳисобланмаган ҳолда тўловни кечиктириш (бўлиб-бўлиб тўлаш) имконияти берилади.

Бунда 120 кун ичида тўлов муддати узайтирилган ҚҚС суммаси тўланмаган тақдирда, ушбу бандга мувофиқ фоизлар ҳисобланиши тўхтатилади.

14. ҚҚСни тўлаш бўйича тақдим этилган узайтирилган тўлов муддати даврида ҚҚС тўлови солиқ тўловчи томонидан тўлов муддатини узайтириш имкониятининг охирги кунидан кечиктирмай амалга оширилади.

Тўлов муддатини узайтириш имконияти берилган солиқ тўловчи томонидан ҚҚС суммаси ўз вақтида тўланмаган тақдирда, божхона органлари қонунчилик ҳужжатларида белгиланган тартибда ҚҚС тўлови бўйича қарздорликнинг тўлиқ миқдорини ундириш чораларини кўрадилар.

15. Берилган тўлов муддатини узайтириш даврида ҚҚС суммасининг (ёки унинг бир қисмининг) тўланиши солиқ тўловчига Ўзбекистон Республикаси Давлат бюджетига тўланадиган ҚҚСни ҳисоблашда ушбу суммани Ўзбекистон Республикаси Солиқ кодексига мувофиқ ҳисобга олиш ҳуқуқини беради.

Тўлов муддати узайтирилган даврда сумма қуйидагилар мавжуд бўлганда тўланган ҳисобланади ва божхона органи томонидан ҳисобдан чиқарилади:

товарлар амалда экспорт қилинганда;

Ўзбекистон Республикаси Давлат солиқ қўмитаси томонидан ҚҚСни тўлаш муддатини узайтириш имконияти берилган солиқ тўловчида товарлар экспорти муносабати билан ҚҚСнинг салбий қолдиғи мавжудлиги тўғрисида маълумотлар бўлганда.

16. Солиқ тўловчи томонидан тўлов муддати узайтирилган даврда ҚҚС суммаси ўз вақтида тўланмаган тақдирда, давлат божхона хизмати органлари тўлов муддати узайтирилган ҚҚС суммаси бўйича қарзларни қонунчилик ҳужжатларида белгиланган тартибда ундириш чораларини кўрадилар.

3-боб. Ўзбекистон Республикаси норезидентларидан ишлар (хизматлар)ни сотиб олишда тўлов муддатини узайтириш

17. Солиқ тўловчи Ўзбекистон Республикаси норезидентларидан ишлар (хизматлар)ни сотиб олишда ҚҚСни тўлаш муддатини узайтириш учун давлат солиқ хизмати органига ушбу Низомга 3-иловага мувофиқ шаклда ариза тақдим этади.

ҚҚСни тўлаш муддатини узайтириш имкониятини бериш тўғрисидаги аризага ҚҚС суммаси тўланиши таъминланишини тасдиқловчи ҳужжат илова қилинади. Йирик солиқ тўловчилар бўйича инспекцияда ҳисобда турувчи солиқ тўловчилар бундан мустасно.

Тўланиши таъминланганини тасдиқловчи ҳужжатларга ҚҚСни тўлаш бўйича мажбуриятлар суммасидан кам бўлмаган гаров билан таъминланган мол-мулк ва банк кафолати киради.

18. Давлат солиқ хизмати органи ушбу Низомнинг 17-бандида белгиланган зарур ҳужжатлар тақдим қилинган кундан бошлаб 5 иш куни мобайнида тўлов муддатини узайтириш имкониятини бериш ёки уни рад этиш тўғрисида қарор қабул қилади.

19. Қуйидагилар ҚҚС тўлов муддатини узайтириш имкониятини беришни рад этиш учун асос ҳисобланади:

ушбу Низомнинг 17-бандида белгиланган талабларга риоя қилмаслик;

солиқ ва молиявий ҳисоботларни тақдим қилиш ҳамда солиқлар ва йиғимларни тўлаш муддатларининг ариза берилган санадан олдинги 12 ой мобайнида бузилганлиги.

20. Тўлов муддатини узайтириш имконияти беришни рад этиш тўғрисида қарор қабул қилинган тақдирда, давлат солиқ хизмати органи бир иш куни мобайнида солиқ тўловчини рад этиш сабабларини кўрсатган ҳолда қабул қилинган қарор тўғрисида ёзма равишда хабардор қилади.

21. Норезидентлардан олинган ишлар (хизматлар) бўйича ҚҚСни тўлаш муддатини узайтириш имкониятини бериш тўғрисида қарор қабул қилинган тақдирда, солиқ тўловчи ҚҚС суммасини ушбу сумма ҳақиқатда тўланган ҳисобот давригача ҳисобга олишга ҳақли эмас.

Тўлов муддати узайтирилган сумма солиқ ҳисоботида алоҳида кўрсатилади.

22. Норезидентлардан олинган ишлар (хизматлар) бўйича ҚҚС ни тўлаш муддатини узайтириш имконияти 120 кун муддатгача берилади.

23. ҚҚСни тўлаш муддатини узайтириш имконияти берилган ҳар бир кун учун тўланадиган ҚҚС суммасидан Ўзбекистон Республикаси Марказий банки томонидан белгиланган қайта молиялаштириш ставкасининг бир кун учун қайта ҳисобланган фоизининг эллик фоизи миқдорида фоизлар ундирилади.

Бунда 120 кун ичида тўлов муддати узайтирилган ҚҚС суммаси тўланмаган тақдирда, ушбу бандга мувофиқ фоизлар ҳисобланиши тўхтатилади.

24. ҚҚСни тўлаш бўйича тақдим этилган узайтирилган тўлов муддати даврида ҚҚС тўлови солиқ тўловчи томонидан муддатни узайтириш имконияти берилган охирги куни тугашидан кечиктирмай тўланади.

Тўлов муддатини узайтириш имконияти берилган солиқ тўловчи томонидан ҚҚС суммаси ўз вақтида тўланмаган тақдирда, солиқ хизмати органлари қонунчилик ҳужжатларида белгиланган тартибда ҚҚС тўлови бўйича қарздорликни тўлиқ миқдорини ундириш чораларини кўрадилар.

4-боб. Якунловчи қоида

25. Солиқ тўловчилар ушбу Низом талабларига риоя қилиниши учун қонунчилик ҳужжатларида белгиланган тартибда жавоб берадилар.

Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низомга 1-ИЛОВА

Товарлар (ишлар, хизматлар)ни импорт қилишда кўшилган қиймат солиғи тўловчилар учун қўшилган қиймат солиғини тўлаш муддатини узайтириш имкониятини бериш

Босқичлар Субъектлар Тадбирлар Муддатлар 1 -босқич Қўшилган қиймат солиғи тўловчилар Товарларни импорт қилишда қўшилган қиймат солиғини тўлаш муддатини узайтириш имкониятига эга бўлиш учун давлат божхона хизмати органларига ариза (қоғоз ёки электрон шаклда) ҳамда ҚҚС тўланиши таъминланишини тасдиқловчи ҳужжатни топширадилар. Норезидентлардан иш (хизмат)ларни сотиб олганда қўшилган қиймат солиғини тўлаш муддатини узайтириш имкониятига эга бўлиш учун давлат солиқ хизмати органларига ариза (қоғоз ёки электрон шаклда) топширадилар. Зарур бўлганда 2-босқич Божхона ва солиқ хизмати органлари Ариза ва унга илова қилинган ҳужжатлар Низом талабларига мувофиқлигини кўриб чиқадилар. Беш иш куни мобайнида 3-босқич Божхона ва (ёки) солиқ хизмати органлари 1. Тақдим этилган ҳужжатлар Низом талабларига мувофиқ бўлганда давлат божхона (товарларни импорт қилишда) ёки солиқ (норезидентлардан ишлар, хизматларни сотиб олишда) хизмати органлари томонидан қўшилган қиймат солиғини тўлаш муддатини узайтириш имкониятини бериш ёки уни рад этиш тўғрисида қарор қабул қилинади. Беш иш куни мобайнида 2. Тўлов муддатини узайтириш имкониятининг берилиши рад этилган тақдирда, ариза берувчига рад этиш сабаблари кўрсатилган ҳолда ёзма равишда хабар берадилар. 3. Тўлов муддатини узайтириш имконияти берилган такдирда, унинг суммаси ва тугаш муддати кўрсатилади. Бир иш куни мобайнида

Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низомга 2-ИЛОВА

Ўзбекистон Республикасига импорт қилинган товарлар учун тўланишн лозим бўлган қўшилган қиймат солиғини тўлаш муддатнни кечиктириш тўғрисида ‎АРИЗА _______________________________________________________________________________________________________ (вилоят. шаҳар, туман), ____________________________________________________________________________________манзилда жойлашган кўчанинг номи ва уй (хонадон)нинг рақами ______________________________________________________________________________________амалга оширадиган (асосий фаолият (ихтисослиги) тури) _______________________________________________________________________________________________________ (солиқ тўловчининг тўлиқ номи) Сиздан импорт қилинган товарлар учун қўшилган қиймат солиғининг тўлов муддатини _____________________дан ________________________гача (120 кундан ортиқ бўлмаган) муддатга кечиктиришга рухсат беришингизни сўрайди. Импорт қилинган товарлар бўйича импорт шартномаси тўғрисидаги маълумотлар ‎Шартнома санаси ва рақами _______________________ йил __________________-сон ‎Хорижий ҳамкор________________________________________________________ ‎давлати ___________________________________ ‎Товарнинг тури ______________________________________________ шартнома бўйича ‎қиймати _______________________ ‎эквиватентда (сўмда) ____________________________сўм ‎Товарлар импорт қилинган сана _______________________ йил ‎Қўшилган қиймат солиғининг ҳисобланган суммаси ‎_____________________________________сўм ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ташкилот раҳбари ‎ ‎ ‎ ________________ ‎ ‎ ‎ ____________________________________________ ‎ (М.Ў.) ‎ ‎ (имзо) ‎ ‎ (Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Сана ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (кк/оо/йй) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низомга 3-ИЛОВА

Ўзбекистон Республикаси норезидентларидан олинган ишлар, хизматлар бўйича бюджетга тўланиши лозим бўлган қўшилган қиймат солиғини тўлов муддатини кечиктириш тўғрисида

Ўзбекистон Республикасининг Бош вазири А. АРИПОВ

Тошкент ш.,

2020 йил 10 февраль,

76-сон

(Қонун ҳужжатлари маълумотлари миллий базаси, 11.02.2020 й., 09/20/76/0149-сон; Қонунчилик маълумотлари миллий базаси, 23.11.2021 й., 09/21/705/1082-сон; 05.04.2022 й., 09/22/153/0266-сон; 13.05.2022 й., 09/22/255/0412-сон )

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

ARIZA

Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Soliq va bojxona imtiyozlari berilishini yanada tartibga solish chora-tadbirlari toʻgʻrisida” 2019-yil 27-iyundagi PF-5755-son Farmonini ijro etish yuzasidan Vazirlar Mahkamasi qaror qiladi:

1. Oʻzbekiston Respublikasi Prezidentining “Soliq va bojxona imtiyozlari berilishini yanada tartibga solish chora-tadbirlari toʻgʻrisida” 2019-yil 27-iyundagi PF-5755-son Farmoniga muvofiq ilgari berilgan imtiyozlarni bekor qilish boʻyicha qoʻshilgan qiymat soligʻi toʻlovchisi boʻlgan xoʻjalik yurituvchi subyektlarga tovarlarni olib kirishda, shuningdek, ishlar (xizmatlar)ni import qilishda qoʻshilgan qiymat soligʻi boʻyicha imtiyoz oʻrniga 120 kungacha boʻlgan muddatga qoʻshilgan qiymat soligʻi toʻlashni kechiktirish mexanizmlaridan foydalanilishi belgilaganligi maʼlumot uchun qabul qilinsin.

2. Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizom ilovaga muvofiq tasdiqlansin.

3. Oʻzbekiston Respublikasi Davlat bojxona qoʻmitasi va Davlat soliq qoʻmitasi:

Axborot texnologiyalari va kommunikatsiyalarini rivojlantirish vazirligi bilan birgalikda 2020-yil 1-oktabrga qadar tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish jarayonining avtomatlashtirilishini taʼminlasin;

manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Davlat bojxona qoʻmitasi raisi M.B. Azimov va Oʻzbekiston Respublikasi Davlat soliq qoʻmitasi raisi B.A. Musayev zimmasiga yuklansin.

Vazirlar Mahkamasining 2020-yil 10-fevraldagi 76-son qaroriga ILOVA

Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisida

1-bob. Umumiy qoidalar

1. Ushbu Nizom tovarlar (ishlar, xizmatlar)ni import qilishda qoʻshilgan qiymat soligʻi (keyingi oʻrinlarda QQS deb ataladi) toʻlovchilar uchun qoʻshilgan qiymat soligʻini toʻlash muddatini uzaytirish (120 kun muddatgacha) tartibini belgilaydi.

2. Ushbu Nizomning amal qilishi davlat soliq xizmati organlarida QQS toʻlovchi sifatida roʻyxatdan oʻtgan yuridik shaxslar va yakka tartibdagi tadbirkorlarga (keyingi oʻrinlarda soliq toʻlovchilar deb ataladi) nisbatan tatbiq etiladi.

3. Soliq toʻlovchilar, shu jumladan, Oʻzbekiston Respublikasi Davlat soliq qoʻmitasining Yirik soliq toʻlovchilar boʻyicha hududlararo davlat soliq inspeksiyasi (keyingi oʻrinlarda Yirik soliq toʻlovchilar boʻyicha inspeksiya) hisobida turuvchi soliq toʻlovchilarning reyestri Oʻzbekiston Respublikasi Davlat soliq qoʻmitasining rasmiy veb-saytida joylashtiriladi.

4. Tovarlarni import qilishda, soliq toʻlovchilarga QQS toʻlash muddatini uzaytirish imkoniyati ushbu Nizom talablariga rioya qilingan taqdirda davlat bojxona xizmati organlari tomonidan beriladi.

5. Oʻzbekiston Respublikasi norezidentlaridan ishlar (xizmatlar)ni sotib olishda QQSni toʻlash boʻyicha majburiyat yuzaga kelgan taqdirda, QQS toʻlash muddatini uzaytirish imkoniyati ushbu Nizom talablariga rioya qilingan xolda davlat soliq xizmati organlari tomonidan beriladi.

6. Tovarlarni import qilishda QQS summasi bojxona toʻgʻrisidagi qonunchilik hujjatlariga, Oʻzbekiston Respublikasi norezidentlaridan ishlar (xizmatlar)ni sotib olishda esa — soliq toʻgʻrisidagi qonun hujjatlariga muvofiq aniqlanadi.

7. Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish ushbu Nizomga 1-ilovada keltirilgan sxemaga muvofiq amalga oshiriladi.

2-bob. Tovarlarni import qilishda toʻlov muddatini uzaytirish

8. Tovarlarni import qilishda soliq toʻlovchilarga QQS toʻlov muddatini uzaytirish imkoniyati davlat bojxona xizmati organining qarori bilan beriladi.

9. QQSni toʻlash muddatining uzaytirilishi bojxona deklaratsiyasi rasmiylashtirilgan kundan boshlab 120 kundan oshmasligi kerak.

10. QQSni toʻlash muddatini uzaytirish imkoniyatiga ega boʻlish uchun soliq toʻlovchi davlat bojxona xizmati organiga quyidagilarni taqdim etadi:

QQS summasini toʻlash boʻyicha yozma majburiyatni oʻz ichiga olgan ushbu Nizomga 2-ilovaga muvofiq ariza;

Oʻzbekiston Respublikasi Bojxona kodeksining 47-bobiga muvofiq QQS toʻlanishining taʼminlanishini tasdiqlovchi hujjat, Yirik soliq toʻlovchilar boʻyicha hududlararo davlat soliq inspeksiyasida hisobda turuvchi soliq toʻlovchilar, shuningdek, oxirgi oʻn ikki oy davomida qiymati 1 million AQSH dollaridan ortiq tayyor toʻqimachilik mahsulotlarini eksport qilgan, asosiy va yordamchi ishlab chiqarish uchun butlovchi buyumlar, xomashyo va materiallarni olib kirayotgan korxonalar bundan mustasno.

11. Davlat bojxona xizmati organi tomonidan QQSni toʻlash muddatini uzaytirish imkoniyatini berish yoki uni rad etish toʻgʻrisidagi qaror ushbu Nizomning 10-bandida belgilangan zarur hujjatlar taqdim etilgan kundan boshlab besh ish kuni mobaynida qabul qilinadi.

Davlat bojxona xizmati organining qarorida QQSni toʻlash muddatini uzaytirish imkoniyati berilayotgan muddat, uzaytirish imkoniyati berilishi rad etilgan taqdirda esa — bir ish kuni ichida rad etish sabablari koʻrsatilgan holda qabul qilingan qaror toʻgʻrisida soliq toʻlovchini yozma ravishda xabardor qiladi.

12. Quyidagilar QQS toʻlov muddatini uzaytirish imkoniyatini berishni rad etish uchun asos hisoblanadi:

ushbu Nizomning 10-bandida belgilangan talablarga rioya qilmaslik;

QQSni toʻlash boʻyicha oldin taqdim etilgan uzaytirilgan toʻlov muddatini buzish holatlari mavjudligi.

13. QQSni toʻlash muddatini uzaytirish imkoniyatining berilgan har bir kuni uchun toʻlanadigan QQS summasidan Oʻzbekiston Respublikasi Markaziy banki tomonidan belgilangan, qayta moliyalashtirish stavkasining bir kun uchun qayta hisoblangan foizining ellik foizi miqdorida foizlar undiriladi.

Oxirgi oʻn ikki oy davomida qiymati 1 million AQSH dollaridan ortiq tayyor toʻqimachilik mahsulotlarini eksport qilgan korxonalarga asosiy va yordamchi ishlab chiqarish uchun butlovchi buyumlar, xomashyo va materiallar olib kirishda bojxona toʻlovlarini toʻlash boʻyicha foiz hisoblanmagan holda toʻlovni kechiktirish (boʻlib-boʻlib toʻlash) imkoniyati beriladi.

Bunda 120 kun ichida toʻlov muddati uzaytirilgan QQS summasi toʻlanmagan taqdirda, ushbu bandga muvofiq foizlar hisoblanishi toʻxtatiladi.

14. QQSni toʻlash boʻyicha taqdim etilgan uzaytirilgan toʻlov muddati davrida QQS toʻlovi soliq toʻlovchi tomonidan toʻlov muddatini uzaytirish imkoniyatining oxirgi kunidan kechiktirmay amalga oshiriladi.

Toʻlov muddatini uzaytirish imkoniyati berilgan soliq toʻlovchi tomonidan QQS summasi oʻz vaqtida toʻlanmagan taqdirda, bojxona organlari qonunchilik hujjatlarida belgilangan tartibda QQS toʻlovi boʻyicha qarzdorlikning toʻliq miqdorini undirish choralarini koʻradilar.

15. Berilgan toʻlov muddatini uzaytirish davrida QQS summasining (yoki uning bir qismining) toʻlanishi soliq toʻlovchiga Oʻzbekiston Respublikasi Davlat budjetiga toʻlanadigan QQSni hisoblashda ushbu summani Oʻzbekiston Respublikasi Soliq kodeksiga muvofiq hisobga olish huquqini beradi.

Toʻlov muddati uzaytirilgan davrda summa quyidagilar mavjud boʻlganda toʻlangan hisoblanadi va bojxona organi tomonidan hisobdan chiqariladi:

tovarlar amalda eksport qilinganda;

Oʻzbekiston Respublikasi Davlat soliq qoʻmitasi tomonidan QQSni toʻlash muddatini uzaytirish imkoniyati berilgan soliq toʻlovchida tovarlar eksporti munosabati bilan QQSning salbiy qoldigʻi mavjudligi toʻgʻrisida maʼlumotlar boʻlganda.

16. Soliq toʻlovchi tomonidan toʻlov muddati uzaytirilgan davrda QQS summasi oʻz vaqtida toʻlanmagan taqdirda, davlat bojxona xizmati organlari toʻlov muddati uzaytirilgan QQS summasi boʻyicha qarzlarni qonunchilik hujjatlarida belgilangan tartibda undirish choralarini koʻradilar.

3-bob. Oʻzbekiston Respublikasi norezidentlaridan ishlar (xizmatlar)ni sotib olishda toʻlov muddatini uzaytirish

17. Soliq toʻlovchi Oʻzbekiston Respublikasi norezidentlaridan ishlar (xizmatlar)ni sotib olishda QQSni toʻlash muddatini uzaytirish uchun davlat soliq xizmati organiga ushbu Nizomga 3-ilovaga muvofiq shaklda ariza taqdim etadi.

QQSni toʻlash muddatini uzaytirish imkoniyatini berish toʻgʻrisidagi arizaga QQS summasi toʻlanishi taʼminlanishini tasdiqlovchi hujjat ilova qilinadi. Yirik soliq toʻlovchilar boʻyicha inspeksiyada hisobda turuvchi soliq toʻlovchilar bundan mustasno.

Toʻlanishi taʼminlanganini tasdiqlovchi hujjatlarga QQSni toʻlash boʻyicha majburiyatlar summasidan kam boʻlmagan garov bilan taʼminlangan mol-mulk va bank kafolati kiradi.

18. Davlat soliq xizmati organi ushbu Nizomning 17-bandida belgilangan zarur hujjatlar taqdim qilingan kundan boshlab 5 ish kuni mobaynida toʻlov muddatini uzaytirish imkoniyatini berish yoki uni rad etish toʻgʻrisida qaror qabul qiladi.

19. Quyidagilar QQS toʻlov muddatini uzaytirish imkoniyatini berishni rad etish uchun asos hisoblanadi:

ushbu Nizomning 17-bandida belgilangan talablarga rioya qilmaslik;

soliq va moliyaviy hisobotlarni taqdim qilish hamda soliqlar va yigʻimlarni toʻlash muddatlarining ariza berilgan sanadan oldingi 12 oy mobaynida buzilganligi.

20. Toʻlov muddatini uzaytirish imkoniyati berishni rad etish toʻgʻrisida qaror qabul qilingan taqdirda, davlat soliq xizmati organi bir ish kuni mobaynida soliq toʻlovchini rad etish sabablarini koʻrsatgan holda qabul qilingan qaror toʻgʻrisida yozma ravishda xabardor qiladi.

21. Norezidentlardan olingan ishlar (xizmatlar) boʻyicha QQSni toʻlash muddatini uzaytirish imkoniyatini berish toʻgʻrisida qaror qabul qilingan taqdirda, soliq toʻlovchi QQS summasini ushbu summa haqiqatda toʻlangan hisobot davrigacha hisobga olishga haqli emas.

Toʻlov muddati uzaytirilgan summa soliq hisobotida alohida koʻrsatiladi.

22. Norezidentlardan olingan ishlar (xizmatlar) boʻyicha QQS ni toʻlash muddatini uzaytirish imkoniyati 120 kun muddatgacha beriladi.

23. QQSni toʻlash muddatini uzaytirish imkoniyati berilgan har bir kun uchun toʻlanadigan QQS summasidan Oʻzbekiston Respublikasi Markaziy banki tomonidan belgilangan qayta moliyalashtirish stavkasining bir kun uchun qayta hisoblangan foizining ellik foizi miqdorida foizlar undiriladi.

Bunda 120 kun ichida toʻlov muddati uzaytirilgan QQS summasi toʻlanmagan taqdirda, ushbu bandga muvofiq foizlar hisoblanishi toʻxtatiladi.

24. QQSni toʻlash boʻyicha taqdim etilgan uzaytirilgan toʻlov muddati davrida QQS toʻlovi soliq toʻlovchi tomonidan muddatni uzaytirish imkoniyati berilgan oxirgi kuni tugashidan kechiktirmay toʻlanadi.

Toʻlov muddatini uzaytirish imkoniyati berilgan soliq toʻlovchi tomonidan QQS summasi oʻz vaqtida toʻlanmagan taqdirda, soliq xizmati organlari qonunchilik hujjatlarida belgilangan tartibda QQS toʻlovi boʻyicha qarzdorlikni toʻliq miqdorini undirish choralarini koʻradilar.

4-bob. Yakunlovchi qoida

25. Soliq toʻlovchilar ushbu Nizom talablariga rioya qilinishi uchun qonunchilik hujjatlarida belgilangan tartibda javob beradilar.

Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomga 1-ILOVA

Tovarlar (ishlar, xizmatlar)ni import qilishda koʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish imkoniyatini berish

Bosqichlar Subyektlar Tadbirlar Muddatlar 1 -bosqich Qoʻshilgan qiymat soligʻi toʻlovchilar Tovarlarni import qilishda qoʻshilgan qiymat soligʻini toʻlash muddatini uzaytirish imkoniyatiga ega boʻlish uchun davlat bojxona xizmati organlariga ariza (qogʻoz yoki elektron shaklda) hamda QQS toʻlanishi taʼminlanishini tasdiqlovchi hujjatni topshiradilar. Norezidentlardan ish (xizmat)larni sotib olganda qoʻshilgan qiymat soligʻini toʻlash muddatini uzaytirish imkoniyatiga ega boʻlish uchun davlat soliq xizmati organlariga ariza (qogʻoz yoki elektron shaklda) topshiradilar. Zarur boʻlganda 2-bosqich Bojxona va soliq xizmati organlari Ariza va unga ilova qilingan hujjatlar Nizom talablariga muvofiqligini koʻrib chiqadilar. Besh ish kuni mobaynida 3-bosqich Bojxona va (yoki) soliq xizmati organlari 1. Taqdim etilgan hujjatlar Nizom talablariga muvofiq boʻlganda davlat bojxona (tovarlarni import qilishda) yoki soliq (norezidentlardan ishlar, xizmatlarni sotib olishda) xizmati organlari tomonidan qoʻshilgan qiymat soligʻini toʻlash muddatini uzaytirish imkoniyatini berish yoki uni rad etish toʻgʻrisida qaror qabul qilinadi. Besh ish kuni mobaynida 2. Toʻlov muddatini uzaytirish imkoniyatining berilishi rad etilgan taqdirda, ariza beruvchiga rad etish sabablari koʻrsatilgan holda yozma ravishda xabar beradilar. 3. Toʻlov muddatini uzaytirish imkoniyati berilgan takdirda, uning summasi va tugash muddati koʻrsatiladi. Bir ish kuni mobaynida

Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomga 2-ILOVA

Oʻzbekiston Respublikasiga import qilingan tovarlar uchun toʻlanishn lozim boʻlgan qoʻshilgan qiymat soligʻini toʻlash muddatnni kechiktirish toʻgʻrisida ‎ARIZA _______________________________________________________________________________________________________ (viloyat. shahar, tuman), ____________________________________________________________________________________manzilda joylashgan koʻchaning nomi va uy (xonadon)ning raqami ______________________________________________________________________________________amalga oshiradigan (asosiy faoliyat (ixtisosligi) turi) _______________________________________________________________________________________________________ (soliq toʻlovchining toʻliq nomi) Sizdan import qilingan tovarlar uchun qoʻshilgan qiymat soligʻining toʻlov muddatini _____________________dan ________________________gacha (120 kundan ortiq boʻlmagan) muddatga kechiktirishga ruxsat berishingizni soʻraydi. Import qilingan tovarlar boʻyicha import shartnomasi toʻgʻrisidagi maʼlumotlar ‎Shartnoma sanasi va raqami _______________________ yil __________________-son ‎Xorijiy hamkor________________________________________________________ ‎davlati ___________________________________ ‎Tovarning turi ______________________________________________ shartnoma boʻyicha ‎qiymati _______________________ ‎ekvivatentda (soʻmda) ____________________________soʻm ‎Tovarlar import qilingan sana _______________________ yil ‎Qoʻshilgan qiymat soligʻining hisoblangan summasi ‎_____________________________________soʻm ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Tashkilot rahbari ‎ ‎ ‎ ________________ ‎ ‎ ‎ ____________________________________________ ‎ (M.Oʻ.) ‎ ‎ (imzo) ‎ ‎ (F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Sana ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (kk/oo/yy) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomga 3-ILOVA

Oʻzbekiston Respublikasi norezidentlaridan olingan ishlar, xizmatlar boʻyicha budjetga toʻlanishi lozim boʻlgan qoʻshilgan qiymat soligʻini toʻlov muddatini kechiktirish toʻgʻrisida

Oʻzbekiston Respublikasining Bosh vaziri A. ARIPOV

Toshkent sh.,

2020-yil 10-fevral,

76-son

(Qonun hujjatlari maʼlumotlari milliy bazasi, 11.02.2020-y., 09/20/76/0149-son; Qonunchilik maʼlumotlari milliy bazasi, 23.11.2021-y., 09/21/705/1082-son; 05.04.2022-y., 09/22/153/0266-son; 13.05.2022-y., 09/22/255/0412-son )

lex.uz