📅 2020-yil 12-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 12 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 февраля 2020 г. · Постановления Президента
Официальный текст. Официальный документ. Редакционные примечания не включены.
📅 12 February 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президенти ҳузуридаги Оролбўйи халқаро инновация марказининг фаолияти самарадорлигини оширишга доир қўшимча чора-тадбирлар тўғрисида
Ўзбекистон Республикаси Президенти ҳузуридаги Оролбўйи халқаро инновация марказининг молиявий ва моддий-техник таъминотини яхшилаш, унинг тажриба-синов майдонларини кенгайтириш ҳамда тузилмасини такомиллаштириш, Оролбўйи ҳудудида инновацион ва илмий ишланмаларни янада кенгроқ жорий этиш мақсадида:
1. Ўзбекистон Республикаси Президентининг 2018 йил 16 октябрдаги «Ўзбекистон Республикаси Президенти ҳузуридаги Оролбўйи халқаро инновация марказини ташкил этиш тўғрисида»ги ПҚ-3975-сон қарорига асосан ташкил этилган Ўзбекистон Республикаси Президенти ҳузуридаги Оролбўйи халқаро инновация маркази (кейинги ўринларда — Халқаро инновация маркази) томонидан:
Қорақалпоғистон Республикасининг Мўйноқ туманида 20,3 гектар майдонда «Мўйноқ» тажриба-синов майдони, Нукус туманида 20 гектар майдонда «Саманбай» тажриба-синов майдони ташкил этилганлиги;
шўрланиш ва қурғоқчиликка чидамли чўл ва манзарали ўсимликлар генофонди шакллантирилиб, унга киритилган 13 турдаги ўсимлик дунёси объектлари синовдан ўтказилаётганлиги маълумот учун қабул қилинсин.
2. Халқаро инновация маркази ва Ўзбекистон Республикаси Инновацион ривожланиш вазирлигининг Орол денгизи қуриши оқибатларини бартараф этиш ҳамда сайёҳлар сонини кўпайтиришга қаратилган «My garden in the Aral Sea» («Оролдаги боғим») агро ва экотуризм лойиҳасини амалга ошириш тўғрисидаги таклифига розилик берилсин.
3. Оролбўйи ҳудудида илмий-тадқиқот ва амалий ишларни олиб бориш, шунингдек, ўсимлик ва ҳайвонот дунёсини ривожлантириш бўйича инновацион лойиҳаларни амалга ошириш учун кўргазмали тажриба-синов майдонларини ташкил этиш мақсадида Халқаро инновация марказининг эҳтиёжларига мувофиқ равишда ушбу марказга икки ой муддатда доимий фойдаланиш ҳуқуқи асосида:
Қорақалпоғистон Республикаси Вазирлар Кенгаши — Қорақалпоғистон Республикаси ҳудудидаги захира ер майдонлари ҳамда Орол денгизининг қуриган тубидаги ҳудуддан;
Ўзбекистон Республикаси Ўрмон хўжалиги давлат қўмитаси ҳамда Экология ва атроф муҳитни муҳофаза қилиш давлат қўмитаси — Оролбўйи ҳудудидаги ўрмон фонди ерларидан ер майдонлари ажратилишини таъминласин.
4. Белгилаб қўйилсинки:
Халқаро инновация марказининг бино ва иншоотларини сақлаш, шунингдек, ходимлар меҳнатига ҳақ тўлаш бўйича харажатлар 2020 йил 1 январдан Ўзбекистон Республикасининг Давлат бюджети маблағлари ҳисобидан молиялаштирилади ҳамда шу муносабат билан ушбу харажатларни Инновацион ривожланиш ва новаторлик ғояларини қўллаб-қувватлаш жамғармаси маблағлари ҳисобидан молиялаштириш тўхтатилади;
Қорақалпоғистон Республикаси Мўйноқ тумани «Мўйноқ» тажриба-синов майдонида маъмурий ва ишлаб чиқариш биноларини қуриш, шунингдек, Нукус тумани «Саманбай» тажриба-синов майдонида лаборатория биноси ва хостел қуриш ҳамда ушбу ҳудудни ободонлаштириш бўйича харажатлар Қорақалпоғистон Республикаси республика бюджети, тижорат банклари кредитлари ва қонун ҳужжатлари билан тақиқланмаган бошқа манбалар ҳисобидан молиялаштирилади;
Халқаро инновация марказининг илмий лабораторияларини замонавий ускуналар билан жиҳозлаш, шу билан бирга зарур сарфланадиган материаллар ва бутловчи буюмлар билан узлуксиз равишда таъминлаш, шунингдек, «My garden in the Aral Sea» («Оролдаги боғим») агро ва экотуризм лойиҳасини амалга ошириш бўйича харажатлар Илм-фанни молиялаштириш ва инновацияларни қўллаб-қувватлаш жамғарма маблағлари ҳисобидан молиялаштирилади.
5. Халқаро инновация маркази директорига, зарур ҳолларда, Ўзбекистон Республикаси Президенти Администрацияси ҳамда Олий таълим, фан ва инновациялар вазирлиг билан келишилган ҳолда Халқаро инновация марказининг ижро аппарати тузилмасига Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан молиялаштириладиган қўшимча штат бирликларини киритиш ҳуқуқи берилсин.
6. Халқаро инновация маркази Ўзбекистон Республикаси Инновацион ривожланиш вазирлиги, Молия вазирлиги, Инвестициялар ва ташқи савдо вазирлиги билан биргаликда 2020 йил 1 майга қадар Халқаро инновация маркази ҳузуридаги Оролбўйида инновацияларни қўллаб-қувватлаш жамғармаси маблағлари ҳисобига амалга ошириладиган лойиҳаларни молиялаштириш тартибини назарда тутган ҳолда ушбу жамғарма тўғрисидаги низомнинг янги таҳрири лойиҳасини ишлаб чиқсин ва тасдиқлаш учун Вазирлар Маҳкамасига киритсин.
7. Халқаро инновация маркази Ўзбекистон Республикаси Инвестициялар, саноат ва савдо вазирлиги билан биргаликда доимий равишда вазирликлар, идоралар, илмий-тадқиқот ва олий таълим муассасалари томонидан ишлаб чиқилган Орол фожиаси оқибатларини юмшатишга қаратилган илмий-инновацион лойиҳалар, шу жумладан Бирлашган Миллатлар Ташкилотининг Оролбўйи ҳудуди учун инсон хавфсизлиги бўйича кўп шериклик Траст фонди грантлари ва улардан мақсадли фойдаланилиши тўғрисидаги маълумотларни Ўзбекистон Республикаси Президенти Администрацияси ҳамда Вазирлар Маҳкамасига тақдим этиб борсин.
8. «Ҳудудий электр тармоқлари» АЖ икки ой муддатда Халқаро инновация марказининг маъмурий биноси ва унга туташ ҳудудларни барча зарур асбоб-ускуналарни ўрнатган ҳолда электр энергия билан таъминлашни ўз маблағлари ҳисобидан амалга ошириши маълумот учун қабул қилинсин.
9. Ўзбекистон Республикаси Транспорт вазирлиги ҳузуридаги Автомобиль йўллари қўмитаси уч ой муддатда мавжуд тасдиқланган лойиҳа-смета ҳужжатлари асосида Қорақалпоғистон Республикаси Мўйноқ туманида «Мўйноқ» тажриба-синов майдонига олиб борувчи ички йўл ва Нукус туманида «Саманбай» тажриба-синов майдонига олиб борувчи 2,1 км узунликдаги йўл (4R 176-Г), шунингдек, Халқаро инновация маркази маъмурий биносига киришдаги 650 м узунликдаги йўлларда Қорақалпоғистон Республикаси республика бюджети маблағлари ҳисобидан таъмирлаш ишлари амалга оширилишини таъминласин.
10. Қорақалпоғистон Республикаси Вазирлар Кенгаши Ўзбекистон Республикаси Транспорт вазирлиги билан биргаликда икки ой муддатда Нукус шаҳар Марказий бозоридан Нукус туманидаги Халқаро инновация маркази ҳудудигача бўлган йўналишда мунтазам жамоат транспорти қатнови ташкил этилишини таъминласин.
11. Ўзбекистон Республикаси Президентининг 2018 йил 16 октябрдаги «Ўзбекистон Республикаси Президенти ҳузуридаги Оролбўйи халқаро инновация марказини ташкил этиш тўғрисида»ги ПҚ-3975-сон қарорига иловага мувофиқ ўзгартириш ва қўшимчалар киритилсин.
12. Мазкур қарор ижроси қуйидаги тартибда амалга оширилсин:
Ўзбекистон Республикаси Президентининг маслаҳатчиси А.А. Абдувахитов — мазкур қарор ижросининг масъул вазирлик, идора ва ташкилотлар томонидан сифатли, тўлиқ ва ўз вақтида бажарилишини ташкил қилсин, улар раҳбарларининг бажарилган ишлар тўғрисидаги ҳисоботларини қабул қилсин ҳамда аниқланган камчиликларни ўз вақтида бартараф этсин;
Ўзбекистон Республикаси инновацион ривожланиш вазири И.Ю. Абдураҳмонов — Оролбўйи ҳудудида инновацион ва илмий ишланмаларни кенг жорий этсин, Халқаро инновация марказининг инновацион ва илмий фаолиятини мувофиқлаштирсин, мазкур қарорда белгиланган вазифаларни ўз вақтида ва сифатли амалга оширишда масъул вазирлик, идора ва ташкилотларга услубий ва амалий ёрдам кўрсатсин ҳамда унинг ижроси бўйича 2020 йил 1 июнга қадар Ўзбекистон Республикаси Президенти Администрациясига якуний ахборот киритсин;
Қорақалпоғистон Республикаси Вазирлар Кенгаши раиси Қ.Р. Сариев — Халқаро инновация марказининг самарали фаолият кўрсатиши учун зарур шарт-шароитлар яратилиши, шу жумладан тегишли инфратузилма объектларининг барпо этилишини, ушбу тадбирларнинг мазкур қарорга мувофиқ Қорақалпоғистон Республикасининг республика бюджети маблағлари ҳисобидан ўз вақтида молиялаштирилишини таъминласин.
Ўзбекистон Республикаси Президентининг 2020 йил 12 февралдаги ПҚ-4597-сон қарорига ИЛОВА
Ўзбекистон Республикаси Президентининг 2018 йил 16 октябрдаги «Ўзбекистон Республикаси Президенти ҳузуридаги Оролбўйи халқаро инновация марказини ташкил этиш тўғрисида»ги ПҚ-3975-сон қарорига киритилаётган ўзгартириш ва қўшимчалар
1. 6-банднинг «б» кичик бандидаги «(2018 йилда ва 2019 йилнинг биринчи ярим йиллигида)» сўзлари «(2018-2019 йилларда)» сўзлари билан алмаштирилсин.
2. 7-бандда :
а) иккинчи хатбоши «тузилмасига» сўзидан кейин «Ўзбекистон Республикаси Президенти Администрацияси билан келишилган ҳолда» сўзлари билан тўлдирилсин;
б) қуйидаги мазмундаги учинчи хатбоши билан тўлдирилсин:
«зарур ҳолларда, Ўзбекистон Республикаси Президенти Администрацияси ҳамда Инновацион ривожланиш вазирлиги билан келишилган ҳолда Халқаро инновация марказининг ижро аппарати тузилмасига Инновацион ривожланиш ва новаторлик ғояларини қўллаб-қувватлаш жамғармаси маблағлари ҳисобидан молиялаштириладиган қўшимча штат бирликларини киритиш»;
в) учинчи хатбоши тўртинчи хатбоши деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 12 февраль,
ПҚ-4597-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidenti huzuridagi Orolboʻyi xalqaro innovatsiya markazining faoliyati samaradorligini oshirishga doir qoʻshimcha chora-tadbirlar toʻgʻrisida
Oʻzbekiston Respublikasi Prezidenti huzuridagi Orolboʻyi xalqaro innovatsiya markazining moliyaviy va moddiy-texnik taʼminotini yaxshilash, uning tajriba-sinov maydonlarini kengaytirish hamda tuzilmasini takomillashtirish, Orolboʻyi hududida innovatsion va ilmiy ishlanmalarni yanada kengroq joriy etish maqsadida:
1. Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasi Prezidenti huzuridagi Orolboʻyi xalqaro innovatsiya markazini tashkil etish toʻgʻrisida”gi PQ-3975-son qaroriga asosan tashkil etilgan Oʻzbekiston Respublikasi Prezidenti huzuridagi Orolboʻyi xalqaro innovatsiya markazi (keyingi oʻrinlarda — Xalqaro innovatsiya markazi) tomonidan:
Qoraqalpogʻiston Respublikasining Moʻynoq tumanida 20,3 gektar maydonda “Moʻynoq” tajriba-sinov maydoni, Nukus tumanida 20 gektar maydonda “Samanbay” tajriba-sinov maydoni tashkil etilganligi;
shoʻrlanish va qurgʻoqchilikka chidamli choʻl va manzarali oʻsimliklar genofondi shakllantirilib, unga kiritilgan 13 turdagi oʻsimlik dunyosi obyektlari sinovdan oʻtkazilayotganligi maʼlumot uchun qabul qilinsin.
2. Xalqaro innovatsiya markazi va Oʻzbekiston Respublikasi Innovatsion rivojlanish vazirligining Orol dengizi qurishi oqibatlarini bartaraf etish hamda sayyohlar sonini koʻpaytirishga qaratilgan “My garden in the Aral Sea” (“Oroldagi bogʻim”) agro va ekoturizm loyihasini amalga oshirish toʻgʻrisidagi taklifiga rozilik berilsin.
3. Orolboʻyi hududida ilmiy-tadqiqot va amaliy ishlarni olib borish, shuningdek, oʻsimlik va hayvonot dunyosini rivojlantirish boʻyicha innovatsion loyihalarni amalga oshirish uchun koʻrgazmali tajriba-sinov maydonlarini tashkil etish maqsadida Xalqaro innovatsiya markazining ehtiyojlariga muvofiq ravishda ushbu markazga ikki oy muddatda doimiy foydalanish huquqi asosida:
Qoraqalpogʻiston Respublikasi Vazirlar Kengashi — Qoraqalpogʻiston Respublikasi hududidagi zaxira yer maydonlari hamda Orol dengizining qurigan tubidagi hududdan;
Oʻzbekiston Respublikasi Oʻrmon xoʻjaligi davlat qoʻmitasi hamda Ekologiya va atrof muhitni muhofaza qilish davlat qoʻmitasi — Orolboʻyi hududidagi oʻrmon fondi yerlaridan yer maydonlari ajratilishini taʼminlasin.
4. Belgilab qoʻyilsinki:
Xalqaro innovatsiya markazining bino va inshootlarini saqlash, shuningdek, xodimlar mehnatiga haq toʻlash boʻyicha xarajatlar 2020-yil 1-yanvardan Oʻzbekiston Respublikasining Davlat budjeti mablagʻlari hisobidan moliyalashtiriladi hamda shu munosabat bilan ushbu xarajatlarni Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari hisobidan moliyalashtirish toʻxtatiladi;
Qoraqalpogʻiston Respublikasi Moʻynoq tumani “Moʻynoq” tajriba-sinov maydonida maʼmuriy va ishlab chiqarish binolarini qurish, shuningdek, Nukus tumani “Samanbay” tajriba-sinov maydonida laboratoriya binosi va xostel qurish hamda ushbu hududni obodonlashtirish boʻyicha xarajatlar Qoraqalpogʻiston Respublikasi respublika budjeti, tijorat banklari kreditlari va qonun hujjatlari bilan taqiqlanmagan boshqa manbalar hisobidan moliyalashtiriladi;
Xalqaro innovatsiya markazining ilmiy laboratoriyalarini zamonaviy uskunalar bilan jihozlash, shu bilan birga zarur sarflanadigan materiallar va butlovchi buyumlar bilan uzluksiz ravishda taʼminlash, shuningdek, “My garden in the Aral Sea” (“Oroldagi bogʻim”) agro va ekoturizm loyihasini amalga oshirish boʻyicha xarajatlar Ilm-fanni moliyalashtirish va innovatsiyalarni qoʻllab-quvvatlash jamgʻarma mablagʻlari hisobidan moliyalashtiriladi.
5. Xalqaro innovatsiya markazi direktoriga, zarur hollarda, Oʻzbekiston Respublikasi Prezidenti Administratsiyasi hamda Oliy taʼlim, fan va innovatsiyalar vazirlig bilan kelishilgan holda Xalqaro innovatsiya markazining ijro apparati tuzilmasiga Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan moliyalashtiriladigan qoʻshimcha shtat birliklarini kiritish huquqi berilsin.
6. Xalqaro innovatsiya markazi Oʻzbekiston Respublikasi Innovatsion rivojlanish vazirligi, Moliya vazirligi, Investitsiyalar va tashqi savdo vazirligi bilan birgalikda 2020-yil 1-mayga qadar Xalqaro innovatsiya markazi huzuridagi Orolboʻyida innovatsiyalarni qoʻllab-quvvatlash jamgʻarmasi mablagʻlari hisobiga amalga oshiriladigan loyihalarni moliyalashtirish tartibini nazarda tutgan holda ushbu jamgʻarma toʻgʻrisidagi nizomning yangi tahriri loyihasini ishlab chiqsin va tasdiqlash uchun Vazirlar Mahkamasiga kiritsin.
7. Xalqaro innovatsiya markazi Oʻzbekiston Respublikasi Investitsiyalar, sanoat va savdo vazirligi bilan birgalikda doimiy ravishda vazirliklar, idoralar, ilmiy-tadqiqot va oliy taʼlim muassasalari tomonidan ishlab chiqilgan Orol fojiasi oqibatlarini yumshatishga qaratilgan ilmiy-innovatsion loyihalar, shu jumladan Birlashgan Millatlar Tashkilotining Orolboʻyi hududi uchun inson xavfsizligi boʻyicha koʻp sheriklik Trast fondi grantlari va ulardan maqsadli foydalanilishi toʻgʻrisidagi maʼlumotlarni Oʻzbekiston Respublikasi Prezidenti Administratsiyasi hamda Vazirlar Mahkamasiga taqdim etib borsin.
8. “Hududiy elektr tarmoqlari” AJ ikki oy muddatda Xalqaro innovatsiya markazining maʼmuriy binosi va unga tutash hududlarni barcha zarur asbob-uskunalarni oʻrnatgan holda elektr energiya bilan taʼminlashni oʻz mablagʻlari hisobidan amalga oshirishi maʼlumot uchun qabul qilinsin.
9. Oʻzbekiston Respublikasi Transport vazirligi huzuridagi Avtomobil yoʻllari qoʻmitasi uch oy muddatda mavjud tasdiqlangan loyiha-smeta hujjatlari asosida Qoraqalpogʻiston Respublikasi Moʻynoq tumanida “Moʻynoq” tajriba-sinov maydoniga olib boruvchi ichki yoʻl va Nukus tumanida “Samanbay” tajriba-sinov maydoniga olib boruvchi 2,1 km uzunlikdagi yoʻl (4R 176-G), shuningdek, Xalqaro innovatsiya markazi maʼmuriy binosiga kirishdagi 650 m uzunlikdagi yoʻllarda Qoraqalpogʻiston Respublikasi respublika budjeti mablagʻlari hisobidan taʼmirlash ishlari amalga oshirilishini taʼminlasin.
10. Qoraqalpogʻiston Respublikasi Vazirlar Kengashi Oʻzbekiston Respublikasi Transport vazirligi bilan birgalikda ikki oy muddatda Nukus shahar Markaziy bozoridan Nukus tumanidagi Xalqaro innovatsiya markazi hududigacha boʻlgan yoʻnalishda muntazam jamoat transporti qatnovi tashkil etilishini taʼminlasin.
11. Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasi Prezidenti huzuridagi Orolboʻyi xalqaro innovatsiya markazini tashkil etish toʻgʻrisida”gi PQ-3975-son qaroriga ilovaga muvofiq oʻzgartirish va qoʻshimchalar kiritilsin.
12. Mazkur qaror ijrosi quyidagi tartibda amalga oshirilsin:
Oʻzbekiston Respublikasi Prezidentining maslahatchisi A.A. Abduvaxitov — mazkur qaror ijrosining masʼul vazirlik, idora va tashkilotlar tomonidan sifatli, toʻliq va oʻz vaqtida bajarilishini tashkil qilsin, ular rahbarlarining bajarilgan ishlar toʻgʻrisidagi hisobotlarini qabul qilsin hamda aniqlangan kamchiliklarni oʻz vaqtida bartaraf etsin;
Oʻzbekiston Respublikasi innovatsion rivojlanish vaziri I.Yu. Abdurahmonov — Orolboʻyi hududida innovatsion va ilmiy ishlanmalarni keng joriy etsin, Xalqaro innovatsiya markazining innovatsion va ilmiy faoliyatini muvofiqlashtirsin, mazkur qarorda belgilangan vazifalarni oʻz vaqtida va sifatli amalga oshirishda masʼul vazirlik, idora va tashkilotlarga uslubiy va amaliy yordam koʻrsatsin hamda uning ijrosi boʻyicha 2020-yil 1-iyunga qadar Oʻzbekiston Respublikasi Prezidenti Administratsiyasiga yakuniy axborot kiritsin;
Qoraqalpogʻiston Respublikasi Vazirlar Kengashi raisi Q.R. Sariyev — Xalqaro innovatsiya markazining samarali faoliyat koʻrsatishi uchun zarur shart-sharoitlar yaratilishi, shu jumladan tegishli infratuzilma obyektlarining barpo etilishini, ushbu tadbirlarning mazkur qarorga muvofiq Qoraqalpogʻiston Respublikasining respublika budjeti mablagʻlari hisobidan oʻz vaqtida moliyalashtirilishini taʼminlasin.
Oʻzbekiston Respublikasi Prezidentining 2020-yil 12-fevraldagi PQ-4597-son qaroriga ILOVA
Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasi Prezidenti huzuridagi Orolboʻyi xalqaro innovatsiya markazini tashkil etish toʻgʻrisida”gi PQ-3975-son qaroriga kiritilayotgan oʻzgartirish va qoʻshimchalar
1. 6-bandning “b” kichik bandidagi “(2018-yilda va 2019-yilning birinchi yarim yilligida)” soʻzlari “(2018-2019-yillarda)” soʻzlari bilan almashtirilsin.
2. 7-bandda :
a) ikkinchi xatboshi “tuzilmasiga” soʻzidan keyin “Oʻzbekiston Respublikasi Prezidenti Administratsiyasi bilan kelishilgan holda” soʻzlari bilan toʻldirilsin;
b) quyidagi mazmundagi uchinchi xatboshi bilan toʻldirilsin:
“zarur hollarda, Oʻzbekiston Respublikasi Prezidenti Administratsiyasi hamda Innovatsion rivojlanish vazirligi bilan kelishilgan holda Xalqaro innovatsiya markazining ijro apparati tuzilmasiga Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari hisobidan moliyalashtiriladigan qoʻshimcha shtat birliklarini kiritish”;
v) uchinchi xatboshi toʻrtinchi xatboshi deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 12-fevral,
PQ-4597-son
Президента Республики Узбекистан
Постановление
О дополнительных мерах по повышению эффективности деятельности Международного инновационного центра Приаралья при Президенте Республики Узбекистан
В целях улучшения финансового и материально-технического обеспечения, расширения опытно-экспериментальных площадей и совершенствования структуры Международного инновационного центра Приаралья при Президенте Республики Узбекистан, а также более широкого внедрения инновационных и научных разработок в регионе Приаралья:
1. Принять к сведению, что Международным инновационным центром Приаралья при Президенте Республики Узбекистан (далее — Международный инновационный центр), созданным в соответствии с постановлением Президента Республики Узбекистан от 16 октября 2018 года № ПП-3975 «Об образовании Международного инновационного центра Приаралья при Президенте Республики Узбекистан»:
созданы опытно-экспериментальная площадка «Муйнак» на площади 20,3 гектара в Муйнакском районе и опытно-экспериментальная площадка «Саманбай» на площади 20 гектаров в Нукусском районе Республики Каракалпакстан;
сформирован генофонд соле и засухоустойчивых пустынных и декоративных растений, проводятся испытания внесенных в него 13 видов объектов растительного мира.
2. Согласиться с предложением Международного инновационного центра и Министерства инновационного развития Республики Узбекистан о реализации агро и экотуристского проекта «My Garden in the Aral Sea» («Мой сад в Аральском море»), направленного на ликвидацию последствий высыхания Аральского моря и увеличение числа туристов.
3. В целях проведения научно-исследовательских и практических работ в регионе Приаралья, создания показательных опытно-экспериментальных площадок для реализации инновационных проектов по развитию растительного и животного мира в соответствии с потребностями Международного инновационного центра в двухмесячный срок обеспечить выделение данному центру земельных площадей на основе права постоянного пользования:
Совету Министров Республики Каракалпакстан — за счет резервных земельных площадей на территории Республики Каракалпакстан, а также территории осушенного дна Аральского моря;
Государственному комитету Республики Узбекистан по лесному хозяйству и Государственному комитету Республики Узбекистан по экологии и охране окружающей среды — за счет земель лесного фонда на территории Приаралья.
4. Установить, что:
с 1 января 2020 года расходы на содержание зданий и сооружений, а также оплату труда работников Международного инновационного центра финансируются за счет средств Государственного бюджета Республики Узбекистан, в связи с этим приостанавливается финансирование данных расходов за счет средств Фонда поддержки инновационного развития и новаторских идей;
расходы на строительство административных и производственных зданий на опытно-экспериментальной площадке «Муйнак» в Муйнакском районе, а также здания лаборатории и хостела, благоустройство территории опытно-экспериментальной площадки «Саманбай» в Нукусском районе Республики Каракалпакстан финансируются за счет республиканского бюджета Республики Каракалпакстан, кредитов коммерческих банков и иных источников, не запрещенных законодательством;
расходы на оснащение научных лабораторий Международного инновационного центра современным оборудованием, бесперебойное обеспечение их необходимыми расходными материалами и комплектующими, а также реализацию агро- и экотуристского проекта «My garden in the Aral Sea» («Мой сад в Аральском море») финансируются за счет средств Фонда финансирования науки и поддержки инноваций.
5. Предоставить право директору Международного инновационного центра, при необходимости, по согласованию с Администрацией Президента Республики Узбекистан и Министерством высшего образования, науки и инноваций вводить в структуру исполнительного аппарата Международного инновационного центра дополнительные штатные единицы, финансируемые за счет средств Фонда финансирования науки и поддержки инноваций.
6. Международному инновационному центру совместно с Министерством инновационного развития, Министерством финансов и Министерством инвестиций и внешней торговли Республики Узбекистан в срок до 1 мая 2020 года разработать и внести на утверждение в Кабинет Министров проект Положения о Фонде поддержки инноваций в Приаралье при Международном инновационном центре в новой редакции, предусматривающий порядок финансирования проектов, реализуемых за счет средств данного фонда.
7. Международному инновационному центру совместно с Министерством инвестиций, промышленности и торговли Республики Узбекистан на регулярной основе предоставлять в Администрацию Президента Республики Узбекистан и Кабинет Министров информацию о научно-инновационных проектах, разработанных министерствами, ведомствами, научно-исследовательскими и высшими образовательными учреждениями, направленных на смягчение последствий Аральской катастрофы, в том числе о грантах Многопартнерского трастового фонда Организации Объединенных Наций по человеческой безопасности для региона Приаралья и их целевом использовании.
8. Принять к сведению, что АО «Региональные электрические сети» в двухмесячный срок обеспечивает электрической энергией административное здание Международного инновационного центра и прилегающие к нему территории за счет собственных средств с установкой всего необходимого оборудования.
9. Комитету по автомобильным дорогам при Министерстве транспорта Республики Узбекистан в трехмесячный срок на основании утвержденной проектно-сметной документации обеспечить проведение ремонтных работ на внутренней дороге, ведущей к опытно-экспериментальной площадке «Муйнак» в Муйнакском районе, и дороге (4R 176-Г) протяженностью 2,1 км, ведущей к опытно-экспериментальной площадке «Саманбай» в Нукусском районе Республики Каракалпакстан, а также на подъездных дорогах к административному зданию Международного инновационного центра протяженностью 650 м за счет средств республиканского бюджета Республики Каракалпакстан.
10. Совету Министров Республики Каракалпакстан совместно с Министерством транспорта Республики Узбекистан в двухмесячный срок обеспечить организацию регулярного движения общественного транспорта в направлении от Центрального рынка города Нукуса до территории Международного инновационного центра в Нукусском районе.
11. Внести изменения и дополнения в постановление Президента Республики Узбекистан от 16 октября 2018 года № ПП-3975 «Об образовании Международного инновационного центра Приаралья при Президенте Республики Узбекистан» согласно приложению .
12. Установить следующий порядок исполнения настоящего постановления:
советнику Президента Республики Узбекистан Абдувахитову А.А. — организовать качественное, полноценное и своевременное исполнение ответственными министерствами, ведомствами и организациями настоящего постановления, принимать отчеты их руководителей о выполненной работе, а также своевременно устранять выявленные недостатки;
министру инновационного развития Республики Узбекистан Абдурахмонову И.Ю. — широко внедрять инновационные и научные разработки в регионе Приаралья, координировать инновационную и научную деятельность Международного инновационного центра, оказывать методическую и практическую помощь ответственным министерствам, ведомствам и организациям по своевременной и качественной реализации задач, определенных в настоящем постановлении, в срок до 1 июня 2020 года внести в Администрацию Президента Республики Узбекистан итоговую информацию о его исполнении;
председателю Совета Министров Республики Каракалпакстан Сариеву К.Р. — обеспечить создание необходимых условий для эффективной деятельности Международного инновационного центра, в том числе строительство соответствующих объектов инфраструктуры и своевременное финансирование данных мероприятий за счет средств республиканского бюджета Республики Каракалпакстан в соответствии с настоящим постановлением.
ПРИЛОЖЕНИЕ к постановлению Президента Республики Узбекистан от 12 февраля 2020 года № ПП-4597
Изменения и дополнения, вносимые в постановление Президента Республики Узбекистан от 16 октября 2018 года № ПП-3975 «Об образовании Международного инновационного центра Приаралья при Президенте Республики Узбекистан»
1. В подпункте «б» пункта 6 слова «(в 2018 году и первом полугодии 2019 года)» заменить словами «(в 2018–2019 годах)».
2. В пункте 7 :
а) абзац второй после слова «центра» дополнить словами «по согласованию с Администрацией Президента Республики Узбекистан»;
б) дополнить абзацем третьим следующего содержания:
«при необходимости по согласованию с Администрацией Президента Республики Узбекистан и Министерством инновационного развития вводить в структуру исполнительного аппарата Международного инновационного центра дополнительные штатные единицы, финансируемые за счет средств Фонда поддержки инновационного развития и новаторских идей»;
в) абзац третий считать абзацем четвертым.
Президент Республики Узбекистан Ш. МИРЗИЁЕВ
г. Ташкент,
12 февраля 2020 г.,
№ ПП-4597