UzbekAI

Ўзбекистон Республикаси Президентининг

Қарори

Қорақалпоғистон тиббиёт институтини ташкил этиш тўғрисида

Оролбўйи минтақаси учун тиббиёт соҳасида юқори малакали кадрлар тайёрлаш тизимини янада такомиллаштириш, ҳудуд аҳолисига кўрсатиладиган тиббий хизмат сифати ва кўламини ошириш, тиббий амалиётнинг таълим ва илм-фан билан ўзаро мустаҳкам интеграциясини таъминлаш, соҳадаги илғор ютуқ ва инновацияларни даволаш-ташхис жараёнига жорий этиш мақсадида, шунингдек, Ўзбекистон Республикаси олий таълим тизимини 2030 йилгача ривожлантириш концепциясига мувофиқ:

1. Ўзбекистон Республикаси Соғлиқни сақлаш вазирлиги, Иқтисодиёт ва саноат вазирлиги ҳамда Олий ва ўрта махсус таълим вазирлигининг:

Тошкент педиатрия тиббиёт институтининг Нукус филиали негизида Қорақалпоғистон тиббиёт институтини (кейинги ўринларда — Институт) ташкил этиш;

Қорақалпоғистон тиббиёт институти клиникасини (кейинги ўринларда — Институт клиникаси) ташкил этиш тўғрисидаги таклифларига розилик берилсин.

2. Қуйидагилар Институт фаолиятининг асосий йўналишлари этиб белгилансин:

узлуксиз тиббий-касбий таълим тизимида юқори малакали тиббиёт кадрларини тайёрлаш, қайта тайёрлаш ва малакасини ошириш;

ўқув жараёнини амалий кўникмаларни шакллантиришга йўналтириш, халқаро таълим стандартларига асосланган илғор педагогик технологиялар, ўқув дастурлари ва инновацион ўқув-услубий материалларни кенг жорий этиш, клиника ва ўқув базаси фаолиятида назарий билим ҳамда амалиётнинг уйғунлигини таъминлаш учун зарур шароитлар яратиш;

фундаментал, амалий ва инновацион илмий-тадқиқот ишларини тиббиёт амалиётидаги мавжуд муаммоларнинг ечимига қаратиш, тиббий таълим, фан, инновация ва илмий тадқиқотлар натижаларининг узвий боғлиқлигини назарда тутувчи фундаментал, амалий ва инновацион илмий-тадқиқот ишларини тиббиёт амалиётидаги мавжуд муаммоларнинг ечимига қаратиш, тиббий таълим, фан, инновация ва илмий тадқиқотлар натижаларининг узвий боғлиқлигини назарда тутувчи «Университет 3.0» концепциясини босқичма-босқич жорий этиш;

таълим муассасаси ва Институт клиникаси илмий салоҳиятини мунтазам равишда ошириб бориш, профессор-ўқитувчилар ва илмий изланувчиларнинг нуфузли халқаро илмий журналларда мақолалар чоп этишларини таъминлаш;

хорижий тиббиёт олий таълим муассасалари билан ҳамкорлик доирасида талабалар, профессор-ўқитувчилар ва илмий изланувчилар академик мобиллиги дастурлари ҳамда қўшма таълим дастурларини ривожлантириш;

талабаларда соғлом турмуш тарзини кенг тарғиб этиш учун шарт-шароитлар яратиш, ёшларни инсонпарварлик ва юксак маънавий ғоялар асосида ватанпарварлик руҳида тарбиялаш, уларда ёт ғоя ва мафкураларга қарши иммунитетни мустаҳкамлаш;

моддий-техник базани модернизация қилиш ва мустаҳкамлаш, симуляцион марказ, ўқув ва илмий-тадқиқот лабораторияларини замонавий асбоб-ускуналар билан жиҳозлаш.

3. Белгилансинки:

Институт Тошкент педиатрия тиббиёт институти Нукус филиалининг барча ҳуқуқлари, мажбуриятлари ва шартномалари бўйича ҳуқуқий вориси ҳисобланади;

Институтга қабул ҳар йили белгиланадиган Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари доирасида амалга оширилади;

Институт клиникаси муассиси Институт ҳисобланади ҳамда унинг фаолияти Институт томонидан мувофиқлаштирилади;

Институт ва Институт клиникаси — юридик шахс мақомига эга бўлган, тегишлича давлат олий таълим муассасаси ва давлат тиббиёт муассасаси ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, шахсий ғазна ҳисобварақларига, банк ҳисобварақларига, шу жумладан, хорижий валютадаги банк ҳисобварақларига эга бўлади;

Институт клиникаси бош шифокори яширин овоз бериш йўли орқали Институт илмий кенгашининг тақдимномасига кўра, Ўзбекистон Республикаси соғлиқни сақлаш вазири томонидан лавозимга тайинланади ва лавозимдан озод этилади.

4. Шундай тартиб ўрнатилсинки, унга мувофиқ Институт ректори Институтнинг бюджетдан ташқари маблағлари ҳисобидан қуйидагиларни амалга ошириш ҳуқуқига эга:

таълим жараёнини самарали ташкил этиш, даволаш ишларига замонавий усулларни татбиқ этиш ҳамда талабалар ва профессор-ўқитувчиларга қўшимча шароитлар яратиш мақсадида Институт клиникаси ва ўқув базаларидаги ўқув хоналарини таъмирлаш, жиҳозлаш ва моддий-техник базасини мустаҳкамлаш;

Институт клиникасида юқори технологияли ташхис қўйиш ва даволаш усулларини жорий этиш ҳамда Институтга қўшимча маблағлар тушириш мақсадида Институт клиникаси билан ўзаро шартномалар асосида ҳамкорликда пуллик асосда тиббий хизматлар кўрсатиш бўлинмаларини ташкил этиш.

5. Институт клиникаси фаолияти:

Соғлиқни сақлаш вазирлиги томонидан тасдиқланган ташхис қўйиш (диагностика) ва даволаш стандартларига риоя қилган ҳолда имтиёзли тоифага кирувчи беморларга ордер бериш, уларни шифохонага жойлаштириш ва Давлат бюджети маблағлари ҳисобига даволаш қийматини тўлаш, шунингдек, аҳолига пуллик асосда юқори малакали ихтисослаштирилган тиббий ёрдам кўрсатиш;

шошилинч тиббий ёрдамга муҳтож беморларни шифохонага жойлаштириш;

республика ихтисослаштирилган тиббиёт марказлари даромадларини шакллантиришнинг асосий манбалари ва улар фаолиятини молиялаштириш бўйича норматив-ҳуқуқий ҳужжатларда белгиланган қоидалар асосида ташкил этилади.

6. Белгилаб қўйилсинки, Институт клиникаси қуйидаги ҳуқуқларга эга:

ўзига бириктирилган давлат мулкидан самарали фойдаланиш ва уни бошқариш бўйича ишларни ташкил этиш ҳамда амалга ошириш;

Институт билан келишилган ҳолда лавозимлар рўйхати ва сонини ишлаб чиқиш ва тасдиқлаш;

ходимлар меҳнатига ҳақ тўлаш ва моддий рағбатлантириш шартларини бажариладиган ишларнинг мураккаблик даражаси, сифати ва ҳажмига нисбатан табақалаштирилган тарзда белгилаш.

7. Қуйидагилар:

а) Институт фаолиятини молиялаштириш манбалари этиб белгилансин:

Ўзбекистон Республикаси Давлат бюджети маблағлари;

талабаларнинг тўлов-контракт асосида таълим олишидан, шартномалар асосида хизматлар кўрсатишдан тушадиган маблағлар;

жисмоний ва юридик шахсларнинг ҳомийлик хайриялари;

халқаро молия ва хорижий ташкилотларнинг грантлари;

қонун ҳужжатлари билан тақиқланмаган бошқа манбалар;

б) Институт клиникаси фаолиятини молиялаштириш манбалари этиб белгилансин:

Ўзбекистон Республикасининг Давлат бюджети маблағлари;

амалга оширилган ва кўрсатилган тиббий хизматлардан тушадиган маблағлар;

жисмоний ва юридик шахсларнинг ҳомийлик хайриялари;

халқаро молия ва хорижий ташкилотларнинг грантлари;

қонун ҳужжатлари билан тақиқланмаган бошқа манбалар.

8. Ўзбекистон Республикасининг Давлат бюджети маблағлари Институт клиникасига Соғлиқни сақлаш вазирлиги томонидан ҳақиқатда имтиёзли даволанган беморлар бўйича Институт клиникаси тақдим этган чораклик ҳисоботлардан келиб чиққан ҳолда ажратилади.

9. Ўзбекистон Республикаси Соғлиқни сақлаш вазирлиги:

бир ой муддатда олий таълим муассасалари учун белгиланган нормативлар асосида Институт тузилмаси белгиланган тартибда тасдиқланиши;

Тошкент педиатрия тиббиёт институти Нукус филиалининг барча талабалари Институтнинг мос таълим йўналиши ва мутахассисликларига ўтказилиши ҳамда битирувчи курс талабаларига белгиланган тартибда Институт дипломи берилиши;

Институт клиникасини Ўзбекистон Республикаси Президентининг 2017 йил 22 майдаги «Тошкент педиатрия тиббиёт институтининг Нукус филиали моддий-техника базасини мустаҳкамлаш чора-тадбирлари тўғрисида»ги Ф-4947-сон фармойиши асосида барпо этилган бино ва иншоотларга жойлаштирилишини таъминласин.

10. Ўзбекистон Республикаси Ахборот технологиялари ва коммуникацияларини ривожлантириш вазирлиги Соғлиқни сақлаш вазирлиги билан биргаликда бир ой муддатда Тошкент тиббиёт академияси, Тошкент педиатрия тиббиёт институти ва бошқа тиббиёт олий таълим муассасалари томонидан уларнинг юқори малакали профессор-ўқитувчиларини жалб қилган ҳолда Институтда масофавий таълим орқали дарс машғулотларини ўтказиш, шунингдек, Институт клиникасида телемедицина имкониятларидан кенг фойдаланган ҳолда аҳолига сифатли тиббий ёрдам кўрсатиш ва тиббиёт амалиётларини олиб бориш учун зарур шарт-шароитлар яратиш чораларини кўрсин.

11. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.

12. Ўзбекистон Республикаси Соғлиқни сақлаш вазирлиги манфаатдор вазирлик ва идоралар билан биргаликда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига икки ой муддатда таклифлар киритсин.

13. Мазкур қарор ижросини назорат қилишнинг қуйидаги тартиби ўрнатилсин:

Ўзбекистон Республикасининг Бош вазири А.Н. Арипов — ушбу қарор ижросини ўз вақтида, тўлиқ ва сифатли амалга оширилишини таъминласин, белгиланган чора-тадбирларни амалга ошириш юзасидан масъул вазирлик, идора ва ташкилотларнинг фаолиятини мувофиқлаштирсин, ҳар чоракда улар раҳбарларининг ҳисоботларини қабул қилсин ҳамда аниқланган камчиликларни бартараф этиш чораларини кўрсин;

Ўзбекистон Республикаси соғлиқни сақлаш вазири А.К. Шадманов — Институт ва Институт клиникаси фаолиятини самарали ташкил этсин, мазкур қарорни ижро этиш юзасидан барча зарур чоралар кўрилишини таъминласин, белгиланган вазифаларни ўз вақтида ва сифатли амалга оширишда масъул ташкилотларга услубий ва амалий ёрдам кўрсатсин ҳамда унинг ижроси бўйича ҳар чоракда Вазирлар Маҳкамасига ахборот киритиб борсин;

Қорақалпоғистон Республикаси Вазирлар Кенгаши раиси Қ.Р. Сариев — ташкил этилаётган Институт клиникаси жойлаштирилиши, унинг бино ва иншоотларини белгиланган муддатларда фойдаланишга топширилиши ҳамда қабул қилинишини таъминласин;

Ўзбекистон Миллий ахборот агентлиги бош директори А.К. Кўчимов, Ўзбекистон Миллий телерадиокомпанияси раиси в.б. А.Д. Хаджаев — ушбу қарорнинг мазмун-моҳияти, амалий аҳамияти ҳамда Оролбўйи минтақаси учун юқори малакали тиббиёт кадрларини тайёрлаш тизимини такомиллаштириш, ҳудуд аҳолисига кўрсатиладиган тиббий хизмат сифати ва кўламини ошириш борасида амалга оширилаётган ишларни мунтазам ёритиб борсин.

Ўзбекистон Республикаси Президентининг 2020 йил 14 февралдаги ПҚ-4598-сон қарорига ИЛОВА

Ўзбекистон Республикаси Президентининг айрим қарорларига киритилаётган ўзгартиришлар

1. Ўзбекистон Республикаси Президентининг 2018 йил 5 июлдаги «Иммунология ва инсон геномикаси соҳасида фундаментал ва амалий тадқиқотлар ҳамда инновацион ишларни ривожлантириш бўйича қўшимча чора-тадбирлар тўғрисида»ги ПҚ-3838-сон қарори 8-бандининг тўртинчи хатбошисидаги «Тошкент педиатрия тиббиёт институти Нукус филиалининг» сўзлари «Қорақалпоғистон тиббиёт институтининг» сўзлари билан алмаштирилсин.

2. Ўзбекистон Республикаси Президентининг 2019 йил 6 майдаги «Тиббиёт ва фармацевтика таълими ва илм-фани тизимини янада ривожлантириш чора-тадбирлари тўғрисида»ги ПҚ-4310-сон қарори 5-иловасининг «Тиббиёт ва фармацевтика олий таълим муассасалари, уларнинг филиаллари ва клиникалари» блоки қуйидаги таҳрирда баён қилинсин:

«1. Тошкент тиббиёт академияси

2. Тошкент педиатрия тиббиёт институти

3. Тошкент фармацевтика институти

4. Тошкент давлат стоматология институти

5. Андижон давлат тиббиёт институти

6. Самарқанд давлат тиббиёт институти

7. Бухоро давлат тиббиёт институти

8. Қорақалпоғистон тиббиёт институти

9. Тошкент тиббиёт академиясининг Урганч филиали

10. Тошкент тиббиёт академиясининг Термиз филиали

11. Тошкент тиббиёт академиясининг Фарғона филиали».

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 14 февраль,

ПҚ-4598-сон

(Қонун ҳужжатлари маълумотлари миллий базаси, 15.02.2020 й., 07/20/4598/0170-сон)

lex.uz

Oʻzbekiston Respublikasi Prezidentining

Qarori

Qoraqalpogʻiston tibbiyot institutini tashkil etish toʻgʻrisida

Orolboʻyi mintaqasi uchun tibbiyot sohasida yuqori malakali kadrlar tayyorlash tizimini yanada takomillashtirish, hudud aholisiga koʻrsatiladigan tibbiy xizmat sifati va koʻlamini oshirish, tibbiy amaliyotning taʼlim va ilm-fan bilan oʻzaro mustahkam integratsiyasini taʼminlash, sohadagi ilgʻor yutuq va innovatsiyalarni davolash-tashxis jarayoniga joriy etish maqsadida, shuningdek, Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasiga muvofiq:

1. Oʻzbekiston Respublikasi Sogʻliqni saqlash vazirligi, Iqtisodiyot va sanoat vazirligi hamda Oliy va oʻrta maxsus taʼlim vazirligining:

Toshkent pediatriya tibbiyot institutining Nukus filiali negizida Qoraqalpogʻiston tibbiyot institutini (keyingi oʻrinlarda — Institut) tashkil etish;

Qoraqalpogʻiston tibbiyot instituti klinikasini (keyingi oʻrinlarda — Institut klinikasi) tashkil etish toʻgʻrisidagi takliflariga rozilik berilsin.

2. Quyidagilar Institut faoliyatining asosiy yoʻnalishlari etib belgilansin:

uzluksiz tibbiy-kasbiy taʼlim tizimida yuqori malakali tibbiyot kadrlarini tayyorlash, qayta tayyorlash va malakasini oshirish;

oʻquv jarayonini amaliy koʻnikmalarni shakllantirishga yoʻnaltirish, xalqaro taʼlim standartlariga asoslangan ilgʻor pedagogik texnologiyalar, oʻquv dasturlari va innovatsion oʻquv-uslubiy materiallarni keng joriy etish, klinika va oʻquv bazasi faoliyatida nazariy bilim hamda amaliyotning uygʻunligini taʼminlash uchun zarur sharoitlar yaratish;

fundamental, amaliy va innovatsion ilmiy-tadqiqot ishlarini tibbiyot amaliyotidagi mavjud muammolarning yechimiga qaratish, tibbiy taʼlim, fan, innovatsiya va ilmiy tadqiqotlar natijalarining uzviy bogʻliqligini nazarda tutuvchi fundamental, amaliy va innovatsion ilmiy-tadqiqot ishlarini tibbiyot amaliyotidagi mavjud muammolarning yechimiga qaratish, tibbiy taʼlim, fan, innovatsiya va ilmiy tadqiqotlar natijalarining uzviy bogʻliqligini nazarda tutuvchi “Universitet 3.0” konsepsiyasini bosqichma-bosqich joriy etish;

taʼlim muassasasi va Institut klinikasi ilmiy salohiyatini muntazam ravishda oshirib borish, professor-oʻqituvchilar va ilmiy izlanuvchilarning nufuzli xalqaro ilmiy jurnallarda maqolalar chop etishlarini taʼminlash;

xorijiy tibbiyot oliy taʼlim muassasalari bilan hamkorlik doirasida talabalar, professor-oʻqituvchilar va ilmiy izlanuvchilar akademik mobilligi dasturlari hamda qoʻshma taʼlim dasturlarini rivojlantirish;

talabalarda sogʻlom turmush tarzini keng targʻib etish uchun shart-sharoitlar yaratish, yoshlarni insonparvarlik va yuksak maʼnaviy gʻoyalar asosida vatanparvarlik ruhida tarbiyalash, ularda yot gʻoya va mafkuralarga qarshi immunitetni mustahkamlash;

moddiy-texnik bazani modernizatsiya qilish va mustahkamlash, simulyatsion markaz, oʻquv va ilmiy-tadqiqot laboratoriyalarini zamonaviy asbob-uskunalar bilan jihozlash.

3. Belgilansinki:

Institut Toshkent pediatriya tibbiyot instituti Nukus filialining barcha huquqlari, majburiyatlari va shartnomalari boʻyicha huquqiy vorisi hisoblanadi;

Institutga qabul har yili belgilanadigan Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari doirasida amalga oshiriladi;

Institut klinikasi muassisi Institut hisoblanadi hamda uning faoliyati Institut tomonidan muvofiqlashtiriladi;

Institut va Institut klinikasi — yuridik shaxs maqomiga ega boʻlgan, tegishlicha davlat oliy taʼlim muassasasi va davlat tibbiyot muassasasi hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, shaxsiy gʻazna hisobvaraqlariga, bank hisobvaraqlariga, shu jumladan, xorijiy valyutadagi bank hisobvaraqlariga ega boʻladi;

Institut klinikasi bosh shifokori yashirin ovoz berish yoʻli orqali Institut ilmiy kengashining taqdimnomasiga koʻra, Oʻzbekiston Respublikasi sogʻliqni saqlash vaziri tomonidan lavozimga tayinlanadi va lavozimdan ozod etiladi.

4. Shunday tartib oʻrnatilsinki, unga muvofiq Institut rektori Institutning budjetdan tashqari mablagʻlari hisobidan quyidagilarni amalga oshirish huquqiga ega:

taʼlim jarayonini samarali tashkil etish, davolash ishlariga zamonaviy usullarni tatbiq etish hamda talabalar va professor-oʻqituvchilarga qoʻshimcha sharoitlar yaratish maqsadida Institut klinikasi va oʻquv bazalaridagi oʻquv xonalarini taʼmirlash, jihozlash va moddiy-texnik bazasini mustahkamlash;

Institut klinikasida yuqori texnologiyali tashxis qoʻyish va davolash usullarini joriy etish hamda Institutga qoʻshimcha mablagʻlar tushirish maqsadida Institut klinikasi bilan oʻzaro shartnomalar asosida hamkorlikda pullik asosda tibbiy xizmatlar koʻrsatish boʻlinmalarini tashkil etish.

5. Institut klinikasi faoliyati:

Sogʻliqni saqlash vazirligi tomonidan tasdiqlangan tashxis qoʻyish (diagnostika) va davolash standartlariga rioya qilgan holda imtiyozli toifaga kiruvchi bemorlarga order berish, ularni shifoxonaga joylashtirish va Davlat budjeti mablagʻlari hisobiga davolash qiymatini toʻlash, shuningdek, aholiga pullik asosda yuqori malakali ixtisoslashtirilgan tibbiy yordam koʻrsatish;

shoshilinch tibbiy yordamga muhtoj bemorlarni shifoxonaga joylashtirish;

respublika ixtisoslashtirilgan tibbiyot markazlari daromadlarini shakllantirishning asosiy manbalari va ular faoliyatini moliyalashtirish boʻyicha normativ-huquqiy hujjatlarda belgilangan qoidalar asosida tashkil etiladi.

6. Belgilab qoʻyilsinki, Institut klinikasi quyidagi huquqlarga ega:

oʻziga biriktirilgan davlat mulkidan samarali foydalanish va uni boshqarish boʻyicha ishlarni tashkil etish hamda amalga oshirish;

Institut bilan kelishilgan holda lavozimlar roʻyxati va sonini ishlab chiqish va tasdiqlash;

xodimlar mehnatiga haq toʻlash va moddiy ragʻbatlantirish shartlarini bajariladigan ishlarning murakkablik darajasi, sifati va hajmiga nisbatan tabaqalashtirilgan tarzda belgilash.

7. Quyidagilar:

a) Institut faoliyatini moliyalashtirish manbalari etib belgilansin:

Oʻzbekiston Respublikasi Davlat budjeti mablagʻlari;

talabalarning toʻlov-kontrakt asosida taʼlim olishidan, shartnomalar asosida xizmatlar koʻrsatishdan tushadigan mablagʻlar;

jismoniy va yuridik shaxslarning homiylik xayriyalari;

xalqaro moliya va xorijiy tashkilotlarning grantlari;

qonun hujjatlari bilan taqiqlanmagan boshqa manbalar;

b) Institut klinikasi faoliyatini moliyalashtirish manbalari etib belgilansin:

Oʻzbekiston Respublikasining Davlat budjeti mablagʻlari;

amalga oshirilgan va koʻrsatilgan tibbiy xizmatlardan tushadigan mablagʻlar;

jismoniy va yuridik shaxslarning homiylik xayriyalari;

xalqaro moliya va xorijiy tashkilotlarning grantlari;

qonun hujjatlari bilan taqiqlanmagan boshqa manbalar.

8. Oʻzbekiston Respublikasining Davlat budjeti mablagʻlari Institut klinikasiga Sogʻliqni saqlash vazirligi tomonidan haqiqatda imtiyozli davolangan bemorlar boʻyicha Institut klinikasi taqdim etgan choraklik hisobotlardan kelib chiqqan holda ajratiladi.

9. Oʻzbekiston Respublikasi Sogʻliqni saqlash vazirligi:

bir oy muddatda oliy taʼlim muassasalari uchun belgilangan normativlar asosida Institut tuzilmasi belgilangan tartibda tasdiqlanishi;

Toshkent pediatriya tibbiyot instituti Nukus filialining barcha talabalari Institutning mos taʼlim yoʻnalishi va mutaxassisliklariga oʻtkazilishi hamda bitiruvchi kurs talabalariga belgilangan tartibda Institut diplomi berilishi;

Institut klinikasini Oʻzbekiston Respublikasi Prezidentining 2017-yil 22-maydagi “Toshkent pediatriya tibbiyot institutining Nukus filiali moddiy-texnika bazasini mustahkamlash chora-tadbirlari toʻgʻrisida”gi F-4947-son farmoyishi asosida barpo etilgan bino va inshootlarga joylashtirilishini taʼminlasin.

10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Sogʻliqni saqlash vazirligi bilan birgalikda bir oy muddatda Toshkent tibbiyot akademiyasi, Toshkent pediatriya tibbiyot instituti va boshqa tibbiyot oliy taʼlim muassasalari tomonidan ularning yuqori malakali professor-oʻqituvchilarini jalb qilgan holda Institutda masofaviy taʼlim orqali dars mashgʻulotlarini oʻtkazish, shuningdek, Institut klinikasida telemeditsina imkoniyatlaridan keng foydalangan holda aholiga sifatli tibbiy yordam koʻrsatish va tibbiyot amaliyotlarini olib borish uchun zarur shart-sharoitlar yaratish choralarini koʻrsin.

11. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.

12. Oʻzbekiston Respublikasi Sogʻliqni saqlash vazirligi manfaatdor vazirlik va idoralar bilan birgalikda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga ikki oy muddatda takliflar kiritsin.

13. Mazkur qaror ijrosini nazorat qilishning quyidagi tartibi oʻrnatilsin:

Oʻzbekiston Respublikasining Bosh vaziri A.N. Aripov — ushbu qaror ijrosini oʻz vaqtida, toʻliq va sifatli amalga oshirilishini taʼminlasin, belgilangan chora-tadbirlarni amalga oshirish yuzasidan masʼul vazirlik, idora va tashkilotlarning faoliyatini muvofiqlashtirsin, har chorakda ular rahbarlarining hisobotlarini qabul qilsin hamda aniqlangan kamchiliklarni bartaraf etish choralarini koʻrsin;

Oʻzbekiston Respublikasi sogʻliqni saqlash vaziri A.K. Shadmanov — Institut va Institut klinikasi faoliyatini samarali tashkil etsin, mazkur qarorni ijro etish yuzasidan barcha zarur choralar koʻrilishini taʼminlasin, belgilangan vazifalarni oʻz vaqtida va sifatli amalga oshirishda masʼul tashkilotlarga uslubiy va amaliy yordam koʻrsatsin hamda uning ijrosi boʻyicha har chorakda Vazirlar Mahkamasiga axborot kiritib borsin;

Qoraqalpogʻiston Respublikasi Vazirlar Kengashi raisi Q.R. Sariyev — tashkil etilayotgan Institut klinikasi joylashtirilishi, uning bino va inshootlarini belgilangan muddatlarda foydalanishga topshirilishi hamda qabul qilinishini taʼminlasin;

Oʻzbekiston Milliy axborot agentligi bosh direktori A.K. Koʻchimov, Oʻzbekiston Milliy teleradiokompaniyasi raisi v.b. A.D. Xadjayev — ushbu qarorning mazmun-mohiyati, amaliy ahamiyati hamda Orolboʻyi mintaqasi uchun yuqori malakali tibbiyot kadrlarini tayyorlash tizimini takomillashtirish, hudud aholisiga koʻrsatiladigan tibbiy xizmat sifati va koʻlamini oshirish borasida amalga oshirilayotgan ishlarni muntazam yoritib borsin.

Oʻzbekiston Respublikasi Prezidentining 2020-yil 14-fevraldagi PQ-4598-son qaroriga ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirishlar

1. Oʻzbekiston Respublikasi Prezidentining 2018-yil 5-iyuldagi “Immunologiya va inson genomikasi sohasida fundamental va amaliy tadqiqotlar hamda innovatsion ishlarni rivojlantirish boʻyicha qoʻshimcha chora-tadbirlar toʻgʻrisida”gi PQ-3838-son qarori 8-bandining toʻrtinchi xatboshisidagi “Toshkent pediatriya tibbiyot instituti Nukus filialining” soʻzlari “Qoraqalpogʻiston tibbiyot institutining” soʻzlari bilan almashtirilsin.

2. Oʻzbekiston Respublikasi Prezidentining 2019-yil 6-maydagi “Tibbiyot va farmatsevtika taʼlimi va ilm-fani tizimini yanada rivojlantirish chora-tadbirlari toʻgʻrisida”gi PQ-4310-son qarori 5-ilovasining “Tibbiyot va farmatsevtika oliy taʼlim muassasalari, ularning filiallari va klinikalari” bloki quyidagi tahrirda bayon qilinsin:

“1. Toshkent tibbiyot akademiyasi

2. Toshkent pediatriya tibbiyot instituti

3. Toshkent farmatsevtika instituti

4. Toshkent davlat stomatologiya instituti

5. Andijon davlat tibbiyot instituti

6. Samarqand davlat tibbiyot instituti

7. Buxoro davlat tibbiyot instituti

8. Qoraqalpogʻiston tibbiyot instituti

9. Toshkent tibbiyot akademiyasining Urganch filiali

10. Toshkent tibbiyot akademiyasining Termiz filiali

11. Toshkent tibbiyot akademiyasining Fargʻona filiali”.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 14-fevral,

PQ-4598-son

(Qonun hujjatlari maʼlumotlari milliy bazasi, 15.02.2020-y., 07/20/4598/0170-son)

lex.uz

Президента Республики Узбекистан

Постановление

О создании Медицинского института Каракалпакстана

В целях дальнейшего совершенствования системы подготовки высококвалифицированных кадров в сфере здравоохранения для региона Приаралья, повышения качества и охвата медицинскими услугами, оказываемыми населению региона, обеспечения взаимной прочной интеграции медицинской практики с образованием и наукой, внедрения передовых достижений и инноваций в лечебно-диагностический процесс, а также в соответствии с Концепцией развития системы высшего образования Республики Узбекистан до 2030 года:

1. Согласиться с предложениями Министерства здравоохранения, Министерства экономики и промышленности, а также Министерства высшего и среднего специального образования Республики Узбекистан о создании:

Медицинского института Каракалпакстана (далее — Институт) на базе Нукусского филиала Ташкентского педиатрического медицинского института;

Клиники Медицинского института Каракалпакстана (далее — Клиника института).

2. Определить основными направлениями деятельности Института:

подготовку, переподготовку и повышение квалификации высококвалифицированных медицинских кадров в системе непрерывного медико-профессионального образования;

направление учебного процесса на формирование практических навыков, широкое внедрение передовых педагогических технологий, учебных программ и инновационных учебно-методических материалов, основанных на международных образовательных стандартах, создание необходимых условий для обеспечения тесной связи теоретических знаний и практики в деятельности клиники и учебной базы;

направление фундаментальных, прикладных и инновационных научных исследований на решение существующих проблем в медицинской практике, поэтапное внедрение концепции «Университет 3.0», предусматривающей тесную связь медицинского образования, науки, инноваций и результатов научных исследований;

повышение на регулярной основе научного потенциала образовательного учреждения и Клиники института, обеспечение опубликования статей профессоров-преподавателей и научных соискателей в авторитетных международных научных журналах;

развитие программ академической мобильности студентов, профессоров-преподавателей и научных соискателей, а также совместных образовательных программ в рамках сотрудничества с зарубежными медицинскими высшими образовательными учреждениями;

создание условий для широкой пропаганды здорового образа жизни среди студентов, воспитание молодежи в духе патриотизма на основе идей гуманизма и высокой духовности, укрепление иммунитета от чуждых идей и идеологий;

модернизация и укрепление материально-технической базы, оснащение современным оборудованием симуляционного центра, учебных и научно-исследовательских лабораторий.

3. Установить, что:

Институт является правопреемником Нукусского филиала Ташкентского педиатрического медицинского института по всем правам, обязанностям и договорам;

прием в Институт осуществляется в рамках ежегодно определяемых параметров государственного заказа по приему на учебу в высшие образовательные учреждения Республики Узбекистан;

Институт является учредителем Клиники института, ее деятельность координируется Институтом;

Институт и Клиника института являются соответственно государственным высшим образовательным учреждением и государственным медицинским учреждением со статусом юридического лица, имеют печать и бланки с изображением Государственного герба Республики Узбекистан и своим наименованием на государственном языке, самостоятельный баланс, казначейские лицевые счета, банковские счета, в том числе в иностранной валюте;

главный врач Клиники института назначается на должность и освобождается от должности министром здравоохранения Республики Узбекистан по представлению научного совета Института путем тайного голосования.

4. Установить порядок, в соответствии с которым ректор Института имеет право за счет внебюджетных средств Института:

проводить ремонт, оснащение, а также укрепление материально-технической базы учебных аудиторий Клиники института и учебных баз в целях эффективной организации образовательного процесса, внедрения современных методов в лечебную деятельность и создания дополнительных условий для студентов и профессоров-преподавателей;

создавать подразделения по оказанию платных медицинских услуг на основе взаимных договоров с Клиникой института в целях внедрения в Клинике института высокотехнологических методов диагностики и лечения, а также поступления в Институт дополнительных средств.

5. Деятельность Клиники института организуется на основе правил, установленных в нормативно-правовых актах по:

выдаче ордеров, госпитализации и оплате стоимости медицинских услуг льготному контингенту больных за счет средств Государственного бюджета с соблюдением стандартов диагностики и лечения, утвержденных Министерством здравоохранения, а также оказанию населению высококвалифицированной специализированной медицинской помощи на платной основе;

госпитализации больных, нуждающихся в экстренной медицинской помощи;

основным источникам формирования доходов и финансирования деятельности республиканских специализированных медицинских центров.

6. Установить, что Клиника института имеет право:

организовывать и проводить работы по эффективному использованию и управлению закрепленным за ним государственным имуществом;

разрабатывать и утверждать перечень и количество должностей по согласованию с Институтом;

устанавливать дифференцированные условия оплаты труда и материального стимулирования работников исходя из категории сложности, качества и объема выполняемой работы.

7. Определить источниками финансирования деятельности:

а) Института:

средства Государственного бюджета Республики Узбекистан;

средства, поступающие от обучения студентов на платно-контрактной основе и оказания услуг на основе договоров;

благотворительные пожертвования физических и юридических лиц;

гранты международных финансовых и зарубежных организаций;

иные источники, не запрещенные законодательством;

б) Клиники института:

средства Государственного бюджета Республики Узбекистан;

средства, поступающие от оказанных и оказываемых медицинских услуг;

благотворительные пожертвования физических и юридических лиц;

гранты международных финансовых и зарубежных организаций;

иные источники, не запрещенные законодательством.

8. Средства Государственного бюджета Республики Узбекистан выделяются Клинике института Министерством здравоохранения исходя из представленного Клиникой института квартального отчета о больных, фактически получивших льготное лечение.

9. Министерству здравоохранения Республики Узбекистан обеспечить:

в месячный срок утверждение в установленном порядке структуры Института на основе нормативов, установленных для высших образовательных учреждений;

перевод всех студентов Нукусского филиала Ташкентского педиатрического медицинского института на соответствующие направления образования и специальности Института, а также выдачу диплома Института студентам выпускных курсов в установленном порядке;

размещение Клиники института в зданиях и помещениях, построенных на основании распоряжения Президента Республики Узбекистан от 22 мая 2017 года № Р-4947 «О мерах по укреплению материально-технической базы Нукусского филиала Ташкентского педиатрического медицинского института».

10. Министерству по развитию информационных технологий и коммуникаций совместно с Министерством здравоохранения Республики Узбекистан в месячный срок принять меры по созданию необходимых условий для проведения учебных занятий в Институте посредством дистанционного обучения с привлечением высококвалифицированных профессоров-преподавателей Ташкентской медицинской академии, Ташкентского педиатрического медицинского института и других медицинских высших образовательных учреждений, а также оказанию населению качественной медицинской помощи и проведению медицинских практик в Клинике института с широким использованием возможностей телемедицины.

11. Внести изменения в некоторые постановления Президента Республики Узбекистан согласно приложению .

12. Министерству здравоохранения Республики Узбекистан совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.

13. Установить следующий порядок контроля за исполнением настоящего постановления:

Премьер-министру Республики Узбекистан А.Н. Арипову — обеспечить своевременное, полноценное и качественное исполнение данного постановления, координировать деятельность министерств, ведомств и организаций, ответственных за исполнение установленных мер, ежеквартально принимать отчеты их руководителей и меры по устранению выявленных недостатков;

министру здравоохранения Республики Узбекистан А.К. Шадманову — эффективно организовать деятельность Института и Клиники института, обеспечить принятие всех необходимых мер по исполнению настоящего постановления, оказывать методическую и практическую помощь ответственным организациям по своевременному и качественному выполнению установленных задач, ежеквартально вносить в Кабинет Министров информацию об исполнении данного постановления;

председателю Совета Министров Республики Каракалпакстан К.Р. Сариеву — обеспечить размещение создаваемой Клиники института, сдачу и прием в эксплуатацию ее зданий и сооружений в установленные сроки;

генеральному директору Национального информационного агентства Узбекистана А.К. Кучимову, и. о. председателя Национальной телерадиокомпании Узбекистана А.Д. Хаджаеву — регулярно освещать суть, содержание и практическое значение данного постановления, а также проводимую работу по совершенствованию системы подготовки высококвалифицированных медицинских кадров для региона Приаралья, повышению качества и охвата медицинскими услугами, оказываемыми населению региона.

ПРИЛОЖЕНИЕ к постановлению Президента Республики Узбекистан от 14 февраля 2020 года № ПП-4598

Изменения, вносимые в некоторые постановления Президента Республики Узбекистан

1. В абзаце четвертом пункта 8 постановления Президента Республики Узбекистан от 5 июля 2018 года № ПП-3838 «О дополнительных мерах по развитию фундаментальных и прикладных исследований, а также инновационных работ в области иммунологии и геномики человека» слова «Нукусского филиала Ташкентского педиатрического медицинского института» заменить словами «Медицинского института Каракалпакстана».

2. В приложении № 5 к постановлению Президента Республики Узбекистан от 6 мая 2019 года № ПП-4310 «О мерах по дальнейшему развитию системы медицинского и фармацевтического образования и науки» блок «Высшие медицинские и фармацевтические образовательные учреждения, их филиалы и клиники» изложить в следующей редакции:

«1. Ташкентская медицинская академия

2. Ташкентский педиатрический медицинский институт

3. Ташкентский фармацевтический институт

4. Ташкентский государственный стоматологический институт

5. Андижанский государственный медицинский институт

6. Самаркандский государственный медицинский институт

7. Бухарский государственный медицинский институт

8. Медицинский институт Каракалпакстана

9. Ургенчский филиал Ташкентской медицинской академии

10. Термезский филиал Ташкентской медицинской академии

11. Ферганский филиал Ташкентской медицинской академии».

Президент Республики Узбекистан Ш. МИРЗИЁЕВ

г. Ташкент,

14 февраля 2020 г.,

№ ПП-4598

(Национальная база данных законодательства, 15.02.2020 г., № 07/20/4598/0170)

lex.uz