📅 2020-yil 17-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 17 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 февраля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 17 February 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Спорт-таълим муассасалари фаолиятини янада такомиллаштириш чора-тадбирлари тўғрисида
Спорт-таълим муассасаларидан фойдаланиш даражасини ва улар фаолияти самарадорлигини янада ошириш, болаларни спорт билан мунтазам равишда шуғулланишга жалб этишни кенгайтириш, шунингдек, Ўзбекистон Республикаси Президентининг 5 та муҳим ташаббусида белгиланган вазифалар ҳамда Ўзбекистон Республикаси Президентининг «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида« 2019 йил 4 декабрдаги ПФ-5887-сон Фармони ижросини таъминлаш мақсадида Вазирлар Маҳкамаси қарор қилади:
3. Белгилаб қўйилсинки, 2020 йилда ташкил этилиши режалаштирилаётган болалар ва ўсмирлар спорт мактабларини сақлаш харажатлари Қорақалпоғистон Республикаси республика бюджети, вилоятлар ва Тошкент шаҳар маҳаллий бюджетларига ажратилган маблағлар доирасида амалга оширилади, 2021 йилдан бошлаб эса — Ўзбекистон Республикаси Давлат бюджетида назарда тутилади.
4. Ўзбекистон Республикаси Жисмоний тарбия ва спорт вазирлиги:
Иқтисодиёт ва саноат вазирлиги билан биргаликда Ўзбекистон Республикасининг инвестиция дастурлари лойиҳаларини шакллантиришда ушбу қарорга мувофиқ ташкил этиладиган спорт объектлари белгиланган тартибда киритилишини таъминласин;
янгидан ташкил этиладиган болалар ва ўсмирлар спорт мактаблари уставларини белгиланган тартибда тасдиқласин ва уларнинг давлат рўйхатидан ўтказилишини таъминласин;
янгидан ташкил этиладиган болалар ва ўсмирлар спорт мактабларини ҳамда болалар ва ўсмирлар спорт мактаблари филиалларини юқори малакали бошқарув кадрлари ва тренерлар билан таъминлаш чораларини кўрсин;
Бандлик ва меҳнат муносабатлари вазирлиги, Молия вазирлиги билан биргаликда 2020 йил 1 апрелгача болалар ва ўсмирлар спорт мактабларининг намунавий штатлар меъёрларини қайта кўриб чиқиш чораларини кўрсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Туризмни ривожлантириш давлат қўмитаси раиси А.А. Абдуҳакимов ҳамда Ўзбекистон Республикаси жисмоний тарбия ва спорт вазири Д.Х. Набиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 17 февраль,
90-сон
Oʻzbekiston Respublikasi Vazirlar Mahkamasining
qarori
Sport-taʼlim muassasalari faoliyatini yanada takomillashtirish chora-tadbirlari toʻgʻrisida
Sport-taʼlim muassasalaridan foydalanish darajasini va ular faoliyati samaradorligini yanada oshirish, bolalarni sport bilan muntazam ravishda shugʻullanishga jalb etishni kengaytirish, shuningdek, Oʻzbekiston Respublikasi Prezidentining 5 ta muhim tashabbusida belgilangan vazifalar hamda Oʻzbekiston Respublikasi Prezidentining “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida“ 2019-yil 4-dekabrdagi PF-5887-son Farmoni ijrosini taʼminlash maqsadida Vazirlar Mahkamasi qaror qiladi:
3. Belgilab qoʻyilsinki, 2020-yilda tashkil etilishi rejalashtirilayotgan bolalar va oʻsmirlar sport maktablarini saqlash xarajatlari Qoraqalpogʻiston Respublikasi respublika budjeti, viloyatlar va Toshkent shahar mahalliy budjetlariga ajratilgan mablagʻlar doirasida amalga oshiriladi, 2021-yildan boshlab esa — Oʻzbekiston Respublikasi Davlat budjetida nazarda tutiladi.
4. Oʻzbekiston Respublikasi Jismoniy tarbiya va sport vazirligi:
Iqtisodiyot va sanoat vazirligi bilan birgalikda Oʻzbekiston Respublikasining investitsiya dasturlari loyihalarini shakllantirishda ushbu qarorga muvofiq tashkil etiladigan sport obyektlari belgilangan tartibda kiritilishini taʼminlasin;
yangidan tashkil etiladigan bolalar va oʻsmirlar sport maktablari ustavlarini belgilangan tartibda tasdiqlasin va ularning davlat roʻyxatidan oʻtkazilishini taʼminlasin;
yangidan tashkil etiladigan bolalar va oʻsmirlar sport maktablarini hamda bolalar va oʻsmirlar sport maktablari filiallarini yuqori malakali boshqaruv kadrlari va trenerlar bilan taʼminlash choralarini koʻrsin;
Bandlik va mehnat munosabatlari vazirligi, Moliya vazirligi bilan birgalikda 2020-yil 1-aprelgacha bolalar va oʻsmirlar sport maktablarining namunaviy shtatlar meʼyorlarini qayta koʻrib chiqish choralarini koʻrsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Turizmni rivojlantirish davlat qoʻmitasi raisi A.A. Abduhakimov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 17-fevral,
90-son