📅 2020-yil 17-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 17 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 февраля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 17 February 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Қурилиш учун мўлжалланган металл прокати ишлаб чиқаришни тартибга солиш ва сифатли металл прокатини қўллаш чора-тадбирлари тўғрисида
Мамлакатда тегишли қурилиш ишлари билан биргаликда амалга оширилаётган кенг кўламли инвестиция ва инфратузилма лойиҳалари қурилиш материаллари, металл маҳсулотлари сифати ва хавфсизлигини таъминлаш вазифаларида замонавий ёндашувларни қўллашни талаб этади.
Ўзбекистон Республикаси Вазирлар Маҳкамасининг «Қурилиш учун мўлжалланган металл прокатининг сифати ва хавфсизлигини ошириш бўйича қўшимча чора-тадбирлар тўғрисида» 2019 йил 14 декабрдаги 999-сон қарорига мувофиқ ташкил этилган идоралараро ишчи гуруҳлар томонидан жойларга чиқиб қурилиш учун мўлжалланган металл прокати ишлаб чиқарувчи 117 та корхонанинг фаолияти ўрганиб чиқилди.
Ушбу корхоналар фаолиятини ўрганиш тайёр маҳсулот ва бевосита ишлаб чиқариш жараёнлари хавфсизлигига таъсир кўрсатувчи камчиликлар мавжудлигини, шу жумладан, техник регламентлар йўқлигини, ишлаб чиқаришнинг экологик экспертизаси ўтказилмаслигини, синовлар ўтказиб ишлаб чиқарилаётган маҳсулотларнинг сифати ва хавфсизлиги назорат қилинмаслигини аниқлади. Айрим ҳолларда корхоналар томонидан мувофиқлик сертификати мавжуд бўлмаган маҳсулотлар сотилмоқда, шунингдек, даврий давлат текширувидан ўтмаган ўлчаш воситаларидан фойдаланилмоқда.
Қурилиш меъёрлари ва қоидалари талабларига мувофиқ хўжалик ва саноат объектлари қурилишида хавфсизликни таъминлаш, улар қулашининг олдини олиш, қурилишда ишлатилаётган металл маҳсулотлари сифатини, шунингдек, металл прокати ишлаб чиқарувчи корхоналар фаолиятини назорат қилиш мақсадида Вазирлар Маҳкамаси қарор қилади:
1. Белгилансинки, 2020 йил 1 июндан бошлаб:
сотилаётган ва ишлаб чиқаришда фойдаланилаётган металл прокатининг ҳар бир тўпига ишлаб чиқарувчи (импорт қилувчи) томонидан техник жиҳатдан тартибга солиш соҳасидаги норматив ҳужжатлар талабларига мувофиқлик юзасидан синовларнинг ижобий натижалари асосида расмийлаштириладиган сифат тўғрисидаги ҳужжат илова қилиниши керак. Бунда ишлаб чиқарувчиларда тегишли ишлаб чиқариш лабораториялари мавжуд бўлмаган тақдирда, металл прокатини бошқа синов лабораторияларида (шу жумладан, тузилган шартномалар асосида) синовдан ўтказишга йўл қўйилади;
Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликлари, вазирликлар ва идоралар ҳузуридаги марказлаштирилган инвестициялар ҳисобига молиялаштириладиган объектларни қуриш, реконструкция қилиш, мукаммал ва жорий таъмирлаш бўйича буюртмачи хизматлари техник жиҳатдан тартибга солиш соҳасида норматив ҳужжатлар талабларига мувофиқлик юзасидан сертификатлаштирилган қурилиш учун мўлжалланган металл маҳсулотлари харид қилиниши ва қўлланилиши учун жавоб берадилар.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари қурилиш соҳасида ҳудудий назорат инспекциялари билан биргаликда 2020 йил 1 апрелгача бўлган муддатда сифати техник жиҳатдан тартибга солиш соҳасидаги норматив ҳужжатлар талабларига мувофиқ бўлган металл прокати ва қурилиш учун мўлжалланган маҳсулотлар ишлаб чиқарувчи ташкилотлар реестрини шакллантирсинлар ва эълон қилсинлар, шунингдек, реестр ҳар йили янгиланишини таъминласинлар.
3. Белгилансинки, 2020 йил 1 июндан бошлаб индукцион печлардан фойдаланган ҳолда тайёрланган қурилиш учун мўлжалланган металл прокатини ишлаб чиқариш ва қўллаш тақиқланади.
Бунда қурилиш учун мўлжалланган металл прокати ишлаб чиқарадиган корхоналарда саноат хавфсизлиги талабларига риоя этилишини назорат қилиш бўйича комиссиянинг хулосасига асосан белгиланган талабларни бажарган корхоналарга қурилиш учун мўлжалланган металл прокати ишлаб чиқаришга ҳамда қурилишдан бошқа мақсадлар учун металл маҳсулотларини ишлаб чиқариш ва қўллашда индукцион печлардан фойдаланишга йўл қўйилади.
4. Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекцияси ва қурилиш ва уй-жой коммунал хўжалиги соҳасида ҳудудий назорат инспекциялари металл прокати техник жиҳатдан тартибга солиш соҳасидаги норматив ҳужжатлар талабларига мувофиқ эмаслиги ҳамда объектларда бинолар ва иншоотларнинг зилзилага бардошлигига таъсир кўрсатувчи ҳамда инсоннинг ҳаёти ва соғлиғига хавф солувчи сифатсиз қурилиш материаллари ва буюмлар қўлланилиши аниқланган ҳолларда металл прокати ва ундан тайёрланган маҳсулотлар ишлаб чиқарилиши, сотилиши ва қўлланилишини тўхтатиш бўйича зарур чора-тадбирлар кўрсинлар.
5. Белгилансинки:
хавфли ишлаб чиқариш объектларини, шу жумладан, қора ва рангли металлар эритмалари ва ушбу эритмалар асосида қотишмалар олинадиган объектларни идентификациялаш фақат аккредитация қилинган эксперт ташкилоти томонидан амалга оширилади;
қора ва рангли металлар эритмалари ва ушбу эритмалар асосида қотишмалар олинадиган ишлаб чиқариш объектлари улар фойдаланишга топширилгунга қадар қонунчилик ҳужжатларига мувофиқ хавфли ишлаб чиқариш объектлари сифатида мажбурий идентификациядан ўтказилиши керак.
Ўзбекистон Республикаси Саноат хавфсизлиги давлат қўмитаси:
металлургия маҳсулотларини тайёрлаш ва металлургия ишлаб чиқаришларини ишлатиш билан шуғулланувчи корхоналар ва ташкилотларга хавфли ишлаб чиқариш объектларини идентификациялашда белгиланган тартибда кўмаклашсин;
Вазирлар Маҳкамасининг 2008 йил 10 декабрдаги 271-сон қарори билан тасдиқланган Хавфли ишлаб чиқариш объектларини идентификациялаш тартиби тўғрисидаги низомга ушбу қарор талабларини ҳисобга олган ҳолда ўзгартириш ва қўшимчалар киритиш бўйича икки ой муддатда Ўзбекистон Республикаси Вазирлар Маҳкамасига таклифлар киритсин.
6. Ўзбекистон Республикаси Қурилиш вазирлиги «Ўзстандарт» агентлиги, «Ўзсаноатқурилишматериаллари» уюшмаси, манфаатдор вазирликлар ва идоралар билан биргаликда икки ой муддатда «Руҳли ва полимер қопламали совутиб ёйилган листдан ишлаб чиқариладиган қурилиш маҳсулотлари тўғрисида»ги махсус техник регламентни ишлаб чиқсин ва белгиланган тартибда тасдиқласин;
амалдаги стандартларни қайта кўриб чиқсин ҳамда улар руҳланган ва полимер қопламали совутиб ёйилган листдан ишлаб чиқариладиган қурилиш маҳсулотларига, шунингдек, қурилиш арматурасига қўлланиладиган эътироф этилган халқаро стандартларга мувофиқлаштирилишини таъминлайдиган чора-тадбирлар кўрсин.
7. Ўзбекистон техник жиҳатдан тартибга солиш агентлиги металл прокатини мажбурий сертификатлаш ва синашда иштирок этадиган объектлар фаолияти хавф-таҳлил асосида давлат назоратидан ўтказилишини белгиланган тартибда таъминласин.
8. Ўзбекистон Республикаси Саноат хавфсизлиги давлат қўмитаси, «Ўзстандарт» агентлиги, Қурилиш вазирлиги Бош прокуратура ва Адлия вазирлиги билан биргаликда икки ой муддатда Ўзбекистон Республикаси Вазирлар Маҳкамасига объектларнинг саноат хавфсизлиги, шаҳарсозлик тўғрисидаги қонунчилик талаблари бузилганлиги, техник регламентларга ва стандартларнинг мажбурий талабларига риоя қилинмаганлиги учун жавобгарликни кучайтиришни назарда тутадиган қонун лойиҳасини киритсинлар.
9. 2020 йил 1 июндан бошлаб Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси қурилиш вазири Б.И. Закиров зиммасига юклансин.
Вазирлар Маҳкамасининг 2020 йил 17 февралдаги 89-сон қарорига ИЛОВА
Ўзбекистон Республикаси Ҳукуматининг айрим қарорларига 2020 йил 1 июндан бошлаб киритилаётган ўзгартириш ва қўшимчалар
2. Вазирлар Маҳкамасининг «Қурилиш учун мўлжалланган металл прокатининг сифати ва хавфсизлигини ошириш бўйича қўшимча чора-тадбирлар тўғрисида» 2019 йил 14 декабрдаги 999-сон қарорининг 7-бандида :
а) учинчи хатбоши қуйидаги таҳрирда баён қилинсин:
«2020 йил 1 июлгача бўлган муддатда «Ўзбекистон» илмий синовлар ва металл прокати, шунингдек, руҳланган ва полимер қопламали совутиб ёйилган листнинг сифати ва хавфсизлигини назорат қилиш бўйича маркази» давлат корхонасининг синов лабораторияларини модернизация қилиш чора-тадбирларини кўрсин»;
б) тўртинчи хатбошига «вилоятларидаги» сўзидан кейин «Ўзбекистон» илмий синовлар ва сифат назорати» давлат корхонасининг» сўзлари қўшилсин.
Ўзбекистон Республикасининг Бош вазири А. АРИПОВ
Тошкент ш.,
2020 йил 17 февраль,
89-сон
Oʻzbekiston Respublikasi Vazirlar Mahkamasining
qarori
Qurilish uchun moʻljallangan metall prokati ishlab chiqarishni tartibga solish va sifatli metall prokatini qoʻllash chora-tadbirlari toʻgʻrisida
Mamlakatda tegishli qurilish ishlari bilan birgalikda amalga oshirilayotgan keng koʻlamli investitsiya va infratuzilma loyihalari qurilish materiallari, metall mahsulotlari sifati va xavfsizligini taʼminlash vazifalarida zamonaviy yondashuvlarni qoʻllashni talab etadi.
Oʻzbekiston Respublikasi Vazirlar Mahkamasining “Qurilish uchun moʻljallangan metall prokatining sifati va xavfsizligini oshirish boʻyicha qoʻshimcha chora-tadbirlar toʻgʻrisida” 2019-yil 14-dekabrdagi 999-son qaroriga muvofiq tashkil etilgan idoralararo ishchi guruhlar tomonidan joylarga chiqib qurilish uchun moʻljallangan metall prokati ishlab chiqaruvchi 117 ta korxonaning faoliyati oʻrganib chiqildi.
Ushbu korxonalar faoliyatini oʻrganish tayyor mahsulot va bevosita ishlab chiqarish jarayonlari xavfsizligiga taʼsir koʻrsatuvchi kamchiliklar mavjudligini, shu jumladan, texnik reglamentlar yoʻqligini, ishlab chiqarishning ekologik ekspertizasi oʻtkazilmasligini, sinovlar oʻtkazib ishlab chiqarilayotgan mahsulotlarning sifati va xavfsizligi nazorat qilinmasligini aniqladi. Ayrim hollarda korxonalar tomonidan muvofiqlik sertifikati mavjud boʻlmagan mahsulotlar sotilmoqda, shuningdek, davriy davlat tekshiruvidan oʻtmagan oʻlchash vositalaridan foydalanilmoqda.
Qurilish meʼyorlari va qoidalari talablariga muvofiq xoʻjalik va sanoat obyektlari qurilishida xavfsizlikni taʼminlash, ular qulashining oldini olish, qurilishda ishlatilayotgan metall mahsulotlari sifatini, shuningdek, metall prokati ishlab chiqaruvchi korxonalar faoliyatini nazorat qilish maqsadida Vazirlar Mahkamasi qaror qiladi:
1. Belgilansinki, 2020-yil 1-iyundan boshlab:
sotilayotgan va ishlab chiqarishda foydalanilayotgan metall prokatining har bir toʻpiga ishlab chiqaruvchi (import qiluvchi) tomonidan texnik jihatdan tartibga solish sohasidagi normativ hujjatlar talablariga muvofiqlik yuzasidan sinovlarning ijobiy natijalari asosida rasmiylashtiriladigan sifat toʻgʻrisidagi hujjat ilova qilinishi kerak. Bunda ishlab chiqaruvchilarda tegishli ishlab chiqarish laboratoriyalari mavjud boʻlmagan taqdirda, metall prokatini boshqa sinov laboratoriyalarida (shu jumladan, tuzilgan shartnomalar asosida) sinovdan oʻtkazishga yoʻl qoʻyiladi;
Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari, vazirliklar va idoralar huzuridagi markazlashtirilgan investitsiyalar hisobiga moliyalashtiriladigan obyektlarni qurish, rekonstruksiya qilish, mukammal va joriy taʼmirlash boʻyicha buyurtmachi xizmatlari texnik jihatdan tartibga solish sohasida normativ hujjatlar talablariga muvofiqlik yuzasidan sertifikatlashtirilgan qurilish uchun moʻljallangan metall mahsulotlari xarid qilinishi va qoʻllanilishi uchun javob beradilar.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari qurilish sohasida hududiy nazorat inspeksiyalari bilan birgalikda 2020-yil 1-aprelgacha boʻlgan muddatda sifati texnik jihatdan tartibga solish sohasidagi normativ hujjatlar talablariga muvofiq boʻlgan metall prokati va qurilish uchun moʻljallangan mahsulotlar ishlab chiqaruvchi tashkilotlar reyestrini shakllantirsinlar va eʼlon qilsinlar, shuningdek, reyestr har yili yangilanishini taʼminlasinlar.
3. Belgilansinki, 2020-yil 1-iyundan boshlab induksion pechlardan foydalangan holda tayyorlangan qurilish uchun moʻljallangan metall prokatini ishlab chiqarish va qoʻllash taqiqlanadi.
Bunda qurilish uchun moʻljallangan metall prokati ishlab chiqaradigan korxonalarda sanoat xavfsizligi talablariga rioya etilishini nazorat qilish boʻyicha komissiyaning xulosasiga asosan belgilangan talablarni bajargan korxonalarga qurilish uchun moʻljallangan metall prokati ishlab chiqarishga hamda qurilishdan boshqa maqsadlar uchun metall mahsulotlarini ishlab chiqarish va qoʻllashda induksion pechlardan foydalanishga yoʻl qoʻyiladi.
4. Oʻzbekiston Respublikasi Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasi va qurilish va uy-joy kommunal xoʻjaligi sohasida hududiy nazorat inspeksiyalari metall prokati texnik jihatdan tartibga solish sohasidagi normativ hujjatlar talablariga muvofiq emasligi hamda obyektlarda binolar va inshootlarning zilzilaga bardoshligiga taʼsir koʻrsatuvchi hamda insonning hayoti va sogʻligʻiga xavf soluvchi sifatsiz qurilish materiallari va buyumlar qoʻllanilishi aniqlangan hollarda metall prokati va undan tayyorlangan mahsulotlar ishlab chiqarilishi, sotilishi va qoʻllanilishini toʻxtatish boʻyicha zarur chora-tadbirlar koʻrsinlar.
5. Belgilansinki:
xavfli ishlab chiqarish obyektlarini, shu jumladan, qora va rangli metallar eritmalari va ushbu eritmalar asosida qotishmalar olinadigan obyektlarni identifikatsiyalash faqat akkreditatsiya qilingan ekspert tashkiloti tomonidan amalga oshiriladi;
qora va rangli metallar eritmalari va ushbu eritmalar asosida qotishmalar olinadigan ishlab chiqarish obyektlari ular foydalanishga topshirilgunga qadar qonunchilik hujjatlariga muvofiq xavfli ishlab chiqarish obyektlari sifatida majburiy identifikatsiyadan oʻtkazilishi kerak.
Oʻzbekiston Respublikasi Sanoat xavfsizligi davlat qoʻmitasi:
metallurgiya mahsulotlarini tayyorlash va metallurgiya ishlab chiqarishlarini ishlatish bilan shugʻullanuvchi korxonalar va tashkilotlarga xavfli ishlab chiqarish obyektlarini identifikatsiyalashda belgilangan tartibda koʻmaklashsin;
Vazirlar Mahkamasining 2008-yil 10-dekabrdagi 271-son qarori bilan tasdiqlangan Xavfli ishlab chiqarish obyektlarini identifikatsiyalash tartibi toʻgʻrisidagi nizomga ushbu qaror talablarini hisobga olgan holda oʻzgartirish va qoʻshimchalar kiritish boʻyicha ikki oy muddatda Oʻzbekiston Respublikasi Vazirlar Mahkamasiga takliflar kiritsin.
6. Oʻzbekiston Respublikasi Qurilish vazirligi “Oʻzstandart” agentligi, “Oʻzsanoatqurilishmateriallari” uyushmasi, manfaatdor vazirliklar va idoralar bilan birgalikda ikki oy muddatda “Ruhli va polimer qoplamali sovutib yoyilgan listdan ishlab chiqariladigan qurilish mahsulotlari toʻgʻrisida”gi maxsus texnik reglamentni ishlab chiqsin va belgilangan tartibda tasdiqlasin;
amaldagi standartlarni qayta koʻrib chiqsin hamda ular ruhlangan va polimer qoplamali sovutib yoyilgan listdan ishlab chiqariladigan qurilish mahsulotlariga, shuningdek, qurilish armaturasiga qoʻllaniladigan eʼtirof etilgan xalqaro standartlarga muvofiqlashtirilishini taʼminlaydigan chora-tadbirlar koʻrsin.
7. Oʻzbekiston texnik jihatdan tartibga solish agentligi metall prokatini majburiy sertifikatlash va sinashda ishtirok etadigan obyektlar faoliyati xavf-tahlil asosida davlat nazoratidan oʻtkazilishini belgilangan tartibda taʼminlasin.
8. Oʻzbekiston Respublikasi Sanoat xavfsizligi davlat qoʻmitasi, “Oʻzstandart” agentligi, Qurilish vazirligi Bosh prokuratura va Adliya vazirligi bilan birgalikda ikki oy muddatda Oʻzbekiston Respublikasi Vazirlar Mahkamasiga obyektlarning sanoat xavfsizligi, shaharsozlik toʻgʻrisidagi qonunchilik talablari buzilganligi, texnik reglamentlarga va standartlarning majburiy talablariga rioya qilinmaganligi uchun javobgarlikni kuchaytirishni nazarda tutadigan qonun loyihasini kiritsinlar.
9. 2020-yil 1-iyundan boshlab Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi qurilish vaziri B.I. Zakirov zimmasiga yuklansin.
Vazirlar Mahkamasining 2020-yil 17-fevraldagi 89-son qaroriga ILOVA
Oʻzbekiston Respublikasi Hukumatining ayrim qarorlariga 2020-yil 1-iyundan boshlab kiritilayotgan oʻzgartirish va qoʻshimchalar
2. Vazirlar Mahkamasining “Qurilish uchun moʻljallangan metall prokatining sifati va xavfsizligini oshirish boʻyicha qoʻshimcha chora-tadbirlar toʻgʻrisida” 2019-yil 14-dekabrdagi 999-son qarorining 7-bandida :
a) uchinchi xatboshi quyidagi tahrirda bayon qilinsin:
“2020-yil 1-iyulgacha boʻlgan muddatda “Oʻzbekiston” ilmiy sinovlar va metall prokati, shuningdek, ruhlangan va polimer qoplamali sovutib yoyilgan listning sifati va xavfsizligini nazorat qilish boʻyicha markazi” davlat korxonasining sinov laboratoriyalarini modernizatsiya qilish chora-tadbirlarini koʻrsin”;
b) toʻrtinchi xatboshiga “viloyatlaridagi” soʻzidan keyin “Oʻzbekiston” ilmiy sinovlar va sifat nazorati” davlat korxonasining” soʻzlari qoʻshilsin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 17-fevral,
89-son
Кабинета Министров Республики Узбекистан
Постановление
О мерах по упорядочению производства и применения качественной металлопродукции строительного назначения
Реализуемые в стране масштабные инвестиционные и инфраструктурные проекты с соответствующими объемами строительства требуют применения современных подходов в задачах по обеспечению качества и безопасности строительных материалов, металлопродукции.
В соответствии с постановлением Кабинета Министров Республики Узбекистан от 14 декабря 2019 года № 999 «О дополнительных мерах по повышению качества и безопасности металлопроката строительного назначения» созданными межведомственными рабочими группами с выездом на места проведено изучение деятельности 117 предприятий, производящих металлопрокат строительного назначения (далее — металлопрокат).
Изучение деятельности данных предприятий выявило недостатки, влияющие на безопасность готовой продукции и непосредственно производственных процессов, в том числе отсутствие технических регламентов, экологической экспертизы производства, контроля качества и безопасности выпускаемой продукции с проведением испытаний. В отдельных случаях предприятиями реализуется продукция без наличия сертификата соответствия, а также используются средства измерения, не прошедшие периодическую государственную поверку.
В целях обеспечения безопасности в строительстве гражданских и промышленных объектов в соответствии с требованиями строительных норм и правил, предотвращения их обрушения, контроля качества металлопродукции, используемой в строительстве, а также деятельности самих предприятий, выпускающих металлопрокат, Кабинет Министров постановляет:
1. Установить, что с 1 июня 2020 года:
каждая партия реализуемого и используемого в производстве металлопроката должна сопровождаться документом о качестве, оформляемым производителем (импортером) на основании положительных результатов испытаний на соответствие требованиям нормативных документов в области технического регулирования. При этом допускается проведение испытаний металлопроката в иных испытательных лабораториях (в том числе на основе заключенных договоров) в случае отсутствия у производителей соответствующих производственных лабораторий;
службы заказчика по строительству, реконструкции, капитальному и текущему ремонту объектов, финансируемых за счет централизованных инвестиций, при Совете Министров Республики Каракалпакстан, хокимиятах областей, г. Ташкента, министерствах и ведомствах несут ответственность за закупку и применение металлопродукции строительного назначения, сертифицированного на соответствие требованиям нормативных документов в области технического регулирования.
2. Совету Министров Республики Каракалпакстан, хокимиятам областей и г. Ташкента совместно с территориальными инспекциями по контролю в сфере строительства в срок до 1 апреля 2020 года сформировать и опубликовать реестр организаций, производящих металлопрокат и продукцию строительного назначения из него, качество которых соответствует требованиям нормативных документов в области технического регулирования, а также обеспечить ежегодное обновление реестра.
3. Установить, что с 1 июня 2020 года запрещается производство и применение металлопроката строительного назначения, изготовленного с использованием индукционных печей.
При этом допускается производство металлопроката строительного назначения предприятиями, выполнившими требования, определенные в соответствии с заключением комиссии по контролю за соблюдением требований промышленной безопасности на предприятиях, производящих металлопрокат строительного назначения, а также использование индукционных печей для производства и применения металлопродукции не строительного назначения.
4. Инспекции по контролю в сфере строительства и жилищно-коммунального хозяйства при Министерстве строительства и жилищно-коммунального хозяйства Республики Узбекистан и территориальным инспекциям по контролю в сфере строительства и жилищно-коммунального хозяйства принять необходимые меры по приостановлению выпуска, реализации и применения металлопроката и продукции из него в случаях выявления несоответствия металлопроката требованиям нормативных документов в области технического регулирования и применения на объектах некачественных строительных материалов и изделий, влияющих на сейсмостойкость зданий и сооружений, а также создающих угрозу жизни и здоровью человека.
5. Определить, что:
идентификация опасных производственных объектов, в том числе объектов, на которых получаются расплавы черных и цветных металлов и сплавы на основе этих расплавов, осуществляется исключительно аккредитованной экспертной организацией;
производственные объекты, на которых получаются расплавы черных и цветных металлов и сплавы на основе этих расплавов, до ввода их в эксплуатацию подлежат обязательной идентификации в качестве опасных производственных объектов в соответствии с законодательством.
Государственному комитету промышленной безопасности Республики Узбекистан:
в установленном порядке оказать содействие предприятиям и организациям, занимающимся изготовлением и эксплуатацией металлургических производств, в проведении идентификации опасных производственных объектов;
в двухмесячный срок внести в Кабинет Министров Республики Узбекистан предложения по внесению изменений и дополнений в Положение о порядке идентификации опасных производственных объектов, утвержденное постановлением Кабинета Министров от 10 декабря 2008 года № 271, с учетом требований настоящего постановления.
6. Министерству строительства Республики Узбекистан совместно с Агентством «Узстандарт», Ассоциацией «Узпромстройматериалы», заинтересованными министерствами и ведомствами в двухмесячный срок:
разработать и утвердить в установленном порядке специальный технический регламент «О безопасности строительной продукции, производимой из холоднокатаного листа с оцинкованным и полимерным покрытием»;
пересмотреть действующие стандарты и принять меры, обеспечивающие приведение их в соответствие с признанными международными стандартами, применяемыми к строительной продукции, производимой из холоднокатаного листа с оцинкованным и полимерным покрытием, а также строительной арматуры.
7. Узбекскому агентству по техническому регулированию в установленном порядке обеспечить проведение государственного контроля деятельности объектов, участвующих в обязательной сертификации и испытании металлопроката, на основе риск-анализа.
8. Государственному комитету промышленной безопасности, Агентству «Узстандарт», Министерству строительства совместно с Генеральной прокуратурой и Министерством юстиции Республики Узбекистан в двухмесячный срок внести в Кабинет Министров Республики Узбекистан проект закона, предусматривающий усиление ответственности за нарушение требований промышленной безопасности объектов, законодательства о градостроительстве, несоблюдение технических регламентов или обязательных требований стандартов.
9. Внести с 1 июня 2020 года изменение и дополнения в некоторые решения Правительства Республики Узбекистан согласно приложению .
10. Контроль за исполнением настоящего постановления возложить на Первого заместителя Премьер-министра Республики Узбекистан А.Ж. Раматова и министра строительства Республики Узбекистан Б.И. Закирова.
ПРИЛОЖЕНИЕ к постановлению Кабинета Министров от 17 февраля 2020 года № 89
Изменение и дополнения, вносимые в некоторые решения Правительства Республики Узбекистан начиная с 1 июня 2020 года
2. В пункте 7 постановления Кабинета Министров от 14 декабря 2019 г. № 999 «О дополнительных мерах по повышению качества и безопасности металлопроката строительного назначения»:
а) абзац третий изложить в следующей редакции:
«в срок до 1 июля 2020 года принять меры по модернизации испытательных лабораторий государственного предприятия «Узбекский центр научных испытаний и контроля качества» по контролю качества и безопасности металлопроката, а также холоднокатаного листа с оцинкованным и полимерным покрытием»;
б) абзац четвертый после слова «лабораторий» дополнить словами «государственного предприятия «Узбекский центр научных испытаний и контроля качества».
Премьер-министр Республики Узбекистан А. АРИПОВ
г. Ташкент,
17 февраля 2020 г.,
№ 89