📅 2020-yil 18-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 18 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 февраля 2020 г. · Постановления Президента
Официальный текст. Официальный документ. Редакционные примечания не включены.
📅 18 February 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ПРОГНОЗ ПАРАМЕТРЛАРИ *
Хусусий тиббиёт ташкилотларини ривожлантиришни қўллаб-қувватлашнинг қўшимча чора-тадбирлари тўғрисида
Хусусий соғлиқни сақлаш тизимини янада ривожлантириш, ҳудудлар аҳолиси учун ихтисослаштирилган тиббиёт хизматларидан фойдаланиш имкониятини ошириш, хусусий тиббиёт ташкилотларининг инвестициявий фаоллигини яхшилаш, уларни замонавий юқори технологияли асбоб-ускуналар ва бутловчи қисмлар билан жиҳозлаш, шунингдек, тиббиёт туризмини ривожлантириш учун қулай шарт-шароитлар яратиш мақсадида:
1. «Асака» АТБ орқали 28 миллион АҚШ доллари миқдорида мақсадли имтиёзли ресурслар ажратилиши натижасида республиканинг барча ҳудудларида хусусий тиббиёт ташкилотларини замонавий тиббиёт ускуналари билан жиҳозлаш бўйича 286 та лойиҳа амалга оширилганлиги маълумот учун қабул қилинсин.
2. Ўзбекистон Республикаси Соғлиқни сақлаш вазирлиги, Молия вазирлиги, Инвестициялар ва ташқи савдо вазирлиги, Тикланиш ва тараққиёт жамғармасининг (кейинги ўринларда — Жамғарма) «Асака» АТБга хусусий тиббиёт ташкилотларини ривожлантиришни қўллаб-қувватлаш учун 50 миллион АҚШ доллари миқдорида Жамғарма кредит линиясини тақдим этиш тўғрисидаги таклифига розилик берилсин.
3. Белгилансинки, Жамғарманинг кредит линияси:
Ўзбекистон Республикаси Президентининг 2019 йил 16 апрелдаги «Соғлиқни сақлаш соҳасида давлат-хусусий шерикликни ривожлантириш чора-тадбирлари тўғрисида»ги ПҚ-4290-сон қарорига мувофиқ ажратилган, танланмаган маблағлар қисми ҳисобидан;
10 йилгача муддатга, шу жумладан 3 йиллик имтиёзли давр, «Асака» АТБ маржасини ҳисобга олмасдан йиллик 5 фоиз ставка билан;
лойиҳалар қийматининг кўпи билан 60 фоизини молиялаштириш учун;
пуллик тиббиёт хизматларига бўлган талаб бўйича таҳлилларни ва хусусий тиббиёт ташкилотида харид қилинаётган ускуналарда хизмат кўрсата оладиган малакали ходимларнинг мавжудлигини ҳисобга олган ҳолда иловага мувофиқ ҳудудларда янги импорт тиббиёт ускуналари (косметологияга оидлари бундан мустасно) ва уларга бутловчи қисмларни харид қилиш учун тақдим этилади.
4. Ўзбекистон Республикаси Инвестициялар ва ташқи савдо вазирлиги Соғлиқни сақлаш вазирлиги ва «Асака» АТБ билан биргаликда 2020 йил 1 октябрга қадар халқаро молия институтлари билан хусусий тиббиёт ташкилотларини ривожлантиришни қўллаб-қувватлаш учун 100 миллион АҚШ доллари миқдорида узоқ муддатли кредит линияларини жалб қилишни кўриб чиқсин.
5. Ўзбекистон Республикаси Президентининг 2019 йил 16 апрелдаги «Соғлиқни сақлаш соҳасида давлат-хусусий шерикликни ривожлантириш чора-тадбирлари тўғрисида»ги ПҚ-4290-сон қарори 3-бандининг иккинчи хатбошисидаги «200» рақами «150» рақами билан алмаштирилсин.
6. Мазкур қарор ижроси устидан назорат қилишнинг қуйидаги тартиби ўрнатилсин:
Ўзбекистон Республикаси Президентининг маслаҳатчиси Р.А. Гулямов — мазкур қарорнинг самарали амалга оширилиши, унинг қоидалари ўз вақтида ижро этилиши бўйича масъул вазирликлар, идоралар ва «Асака» АТБ раҳбарларининг ҳисоботлари мунтазам эшитиб борилиши, зарур ҳолларда мазкур соҳани янада такомиллаштириш бўйича таклифлар киритилишини таъминласин;
Ўзбекистон Республикаси Инвестициялар ва ташқи савдо вазирлиги (С.У. Умурзаков, Ш.А. Вафаев) — мазкур қарорга мувофиқ хусусий тиббиёт ташкилотларини қўллаб-қувватлаш учун Жамғарманинг кредит линиялари ўз вақтида ажратилиши, соғлиқни сақлашнинг хусусий секторини янада ривожлантириш учун халқаро молия институтлари ва хорижий ҳукумат молия ташкилотларининг маблағлари жалб этилиши бўйича чораларни кўрсин;
Ўзбекистон Республикаси соғлиқни сақлаш вазири А.К. Шадманов — сифатли хусусий соғлиқни сақлаш тизимини, айниқса ҳудудларда янада кенгайтириш, ушбу соҳада мавжуд муаммо ва камчиликларни бартараф этиш, тиббиёт туризмини ривожлантириш учун қулай шарт-шароитлар яратиш бўйича зарур чораларни (таклифларни) кўрсин (киритсин).
Ўзбекистон Республикаси Президентининг 2020 йил 18 февралдаги ПҚ-4606-сон қарорига ИЛОВА
Ўзбекистон Республикаси Тикланиш ва тараққиёт жамғармаси маблағлари ҳисобидан хусусий тиббиёт ташкилотларини ривожлантиришни қўллаб-қувватлашни молиялаштиришнинг
млн долл. Т/р Ҳудудлар Суммаси ЖАМИ: 50 1. Қорақалпоғистон Республикаси 3 2. Андижон вилояти 5 3. Бухоро вилояти 3,1 4. Жиззах вилояти 2,2 5. Қашқадарё вилояти 5,2 6. Навоий вилояти 1,6 7. Наманган вилояти 4,5 8. Самарқанд вилояти 6,2 9. Сурхондарё вилояти 4,2 10. Сирдарё вилояти 1,4 11. Тошкент вилояти 4,6 12. Фарғона вилояти 6 13. Хоразм вилояти 3
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 18 февраль,
ПҚ-4606-сон
Oʻzbekiston Respublikasi Prezidentining
Qarori
PROGNOZ PARAMETRLARI *
Xususiy tibbiyot tashkilotlarini rivojlantirishni qoʻllab-quvvatlashning qoʻshimcha chora-tadbirlari toʻgʻrisida
Xususiy sogʻliqni saqlash tizimini yanada rivojlantirish, hududlar aholisi uchun ixtisoslashtirilgan tibbiyot xizmatlaridan foydalanish imkoniyatini oshirish, xususiy tibbiyot tashkilotlarining investitsiyaviy faolligini yaxshilash, ularni zamonaviy yuqori texnologiyali asbob-uskunalar va butlovchi qismlar bilan jihozlash, shuningdek, tibbiyot turizmini rivojlantirish uchun qulay shart-sharoitlar yaratish maqsadida:
1. “Asaka” ATB orqali 28 million AQSH dollari miqdorida maqsadli imtiyozli resurslar ajratilishi natijasida respublikaning barcha hududlarida xususiy tibbiyot tashkilotlarini zamonaviy tibbiyot uskunalari bilan jihozlash boʻyicha 286 ta loyiha amalga oshirilganligi maʼlumot uchun qabul qilinsin.
2. Oʻzbekiston Respublikasi Sogʻliqni saqlash vazirligi, Moliya vazirligi, Investitsiyalar va tashqi savdo vazirligi, Tiklanish va taraqqiyot jamgʻarmasining (keyingi oʻrinlarda — Jamgʻarma) “Asaka” ATBga xususiy tibbiyot tashkilotlarini rivojlantirishni qoʻllab-quvvatlash uchun 50 million AQSH dollari miqdorida Jamgʻarma kredit liniyasini taqdim etish toʻgʻrisidagi taklifiga rozilik berilsin.
3. Belgilansinki, Jamgʻarmaning kredit liniyasi:
Oʻzbekiston Respublikasi Prezidentining 2019-yil 16-apreldagi “Sogʻliqni saqlash sohasida davlat-xususiy sheriklikni rivojlantirish chora-tadbirlari toʻgʻrisida”gi PQ-4290-son qaroriga muvofiq ajratilgan, tanlanmagan mablagʻlar qismi hisobidan;
10 yilgacha muddatga, shu jumladan 3 yillik imtiyozli davr, “Asaka” ATB marjasini hisobga olmasdan yillik 5 foiz stavka bilan;
loyihalar qiymatining koʻpi bilan 60 foizini moliyalashtirish uchun;
pullik tibbiyot xizmatlariga boʻlgan talab boʻyicha tahlillarni va xususiy tibbiyot tashkilotida xarid qilinayotgan uskunalarda xizmat koʻrsata oladigan malakali xodimlarning mavjudligini hisobga olgan holda ilovaga muvofiq hududlarda yangi import tibbiyot uskunalari (kosmetologiyaga oidlari bundan mustasno) va ularga butlovchi qismlarni xarid qilish uchun taqdim etiladi.
4. Oʻzbekiston Respublikasi Investitsiyalar va tashqi savdo vazirligi Sogʻliqni saqlash vazirligi va “Asaka” ATB bilan birgalikda 2020-yil 1-oktabrga qadar xalqaro moliya institutlari bilan xususiy tibbiyot tashkilotlarini rivojlantirishni qoʻllab-quvvatlash uchun 100 million AQSH dollari miqdorida uzoq muddatli kredit liniyalarini jalb qilishni koʻrib chiqsin.
5. Oʻzbekiston Respublikasi Prezidentining 2019-yil 16-apreldagi “Sogʻliqni saqlash sohasida davlat-xususiy sheriklikni rivojlantirish chora-tadbirlari toʻgʻrisida”gi PQ-4290-son qarori 3-bandining ikkinchi xatboshisidagi “200” raqami “150” raqami bilan almashtirilsin.
6. Mazkur qaror ijrosi ustidan nazorat qilishning quyidagi tartibi oʻrnatilsin:
Oʻzbekiston Respublikasi Prezidentining maslahatchisi R.A. Gulyamov — mazkur qarorning samarali amalga oshirilishi, uning qoidalari oʻz vaqtida ijro etilishi boʻyicha masʼul vazirliklar, idoralar va “Asaka” ATB rahbarlarining hisobotlari muntazam eshitib borilishi, zarur hollarda mazkur sohani yanada takomillashtirish boʻyicha takliflar kiritilishini taʼminlasin;
Oʻzbekiston Respublikasi Investitsiyalar va tashqi savdo vazirligi (S.U. Umurzakov, Sh.A. Vafayev) — mazkur qarorga muvofiq xususiy tibbiyot tashkilotlarini qoʻllab-quvvatlash uchun Jamgʻarmaning kredit liniyalari oʻz vaqtida ajratilishi, sogʻliqni saqlashning xususiy sektorini yanada rivojlantirish uchun xalqaro moliya institutlari va xorijiy hukumat moliya tashkilotlarining mablagʻlari jalb etilishi boʻyicha choralarni koʻrsin;
Oʻzbekiston Respublikasi sogʻliqni saqlash vaziri A.K. Shadmanov — sifatli xususiy sogʻliqni saqlash tizimini, ayniqsa hududlarda yanada kengaytirish, ushbu sohada mavjud muammo va kamchiliklarni bartaraf etish, tibbiyot turizmini rivojlantirish uchun qulay shart-sharoitlar yaratish boʻyicha zarur choralarni (takliflarni) koʻrsin (kiritsin).
Oʻzbekiston Respublikasi Prezidentining 2020-yil 18-fevraldagi PQ-4606-son qaroriga ILOVA
Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan xususiy tibbiyot tashkilotlarini rivojlantirishni qoʻllab-quvvatlashni moliyalashtirishning
mln doll. T/r Hududlar Summasi JAMI: 50 1. Qoraqalpogʻiston Respublikasi 3 2. Andijon viloyati 5 3. Buxoro viloyati 3,1 4. Jizzax viloyati 2,2 5. Qashqadaryo viloyati 5,2 6. Navoiy viloyati 1,6 7. Namangan viloyati 4,5 8. Samarqand viloyati 6,2 9. Surxondaryo viloyati 4,2 10. Sirdaryo viloyati 1,4 11. Toshkent viloyati 4,6 12. Fargʻona viloyati 6 13. Xorazm viloyati 3
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 18-fevral,
PQ-4606-son
Президента Республики Узбекистан
Постановление
ПРОГНОЗНЫЕ ПАРАМЕТРЫ
О дополнительных мерах поддержки развития частных медицинских организаций
В целях дальнейшего развития системы частного здравоохранения, повышения доступности специализированной медицинской помощи населению регионов, улучшения инвестиционной активности частных медицинских организаций, оснащения их современным высокотехнологичным оборудованием и комплектующими, а также создания благоприятных условий для развития медицинского туризма:
1. Принять к сведению, что в результате выделения через АКБ «Асака» целевых льготных ресурсов в размере 28 миллионов долларов США во всех регионах республики реализовано 286 проектов по оснащению современным медицинским оборудованием частных медицинских организаций.
2. Согласиться с предложением Министерства здравоохранения, Министерства финансов, Министерства инвестиций и внешней торговли, Фонда реконструкции и развития Республики Узбекистан (далее — Фонд) о предоставлении АКБ «Асака» кредитной линии Фонда в размере 50 миллионов долларов США на поддержку развития частных медицинских организаций.
3. Установить, что кредитная линия Фонда предоставляется:
за счет части невыбранных средств, выделенных согласно постановлению Президента Республики Узбекистан от 16 апреля 2019 года № ПП-4290 «О мерах по развитию государственно-частного партнерства в сфере здравоохранения»;
сроком до 10 лет, включая 3-летний льготный период, с процентной ставкой 5 процентов годовых без учета маржи АКБ «Асака»;
для финансирования не более чем 60 процентов стоимости проектов;
на приобретение нового импортного медицинского оборудования (за исключением косметологического) и комплектующих изделий к нему в регионах согласно приложению с учетом анализа спроса на платные медицинские услуги и наличия в частной медицинской организации квалифицированного персонала, способного обслуживать приобретаемое оборудование.
4. Министерству инвестиций и внешней торговли совместно с Министерством здравоохранения Республики Узбекистан и АКБ «Асака» в срок до 1 октября 2020 года проработать с международными финансовыми институтами привлечение долгосрочной кредитной линии на сумм у 100 миллионов долларов США для поддержки развития частных медицинских организаций.
5. В абзаце втором пункта 3 постановления Президента Республики Узбекистан от 16 апреля 2019 года № ПП-4290 «О мерах по развитию государственно-частного партнерства в сфере здравоохранения» цифру «200» заменить цифрой «150».
6. Установить следующий порядок контроля за исполнением настоящего постановления:
советнику Президента Республики Узбекистан Р.А. Гулямову — обеспечить эффективную практическую реализацию настоящего постановления, регулярное заслушивание отчетов руководителей ответственных министерств, ведомств и АКБ «Асака» по своевременному исполнению его норм, при необходимости внесение предложений по дальнейшему совершенствованию данной сферы;
Министерству инвестиций и внешней торговли Республики Узбекистан (С.У. Умурзаков, Ш.А. Вафаев ) — принять меры по своевременному выделению кредитной линии Фонда на поддержку частных медицинских организаций в соответствии с настоящим постановлением, привлечению средств международных финансовых институтов и иностранных правительственных финансовых организаций на дальнейшее развитие частного сектора здравоохранения;
министру здравоохранения Республики Узбекистан А.К. Шадманову — принять (внести) необходимые меры (предложения) по дальнейшему расширению системы качественного частного здравоохранения, особенно в регионах, устранению имеющихся проблем и недостатков в данной сфере, созданию благоприятных условий для развития медицинского туризма.
ПРИЛОЖЕНИЕ к постановлению Президента Республики Узбекистан от 18 февраля 2020 года № ПП-4606
финансирования поддержки развития частных медицинских организаций за счет средств Фонда реконструкции и развития Республики Узбекистан *
млн долл № Регионы Сумма ИТОГО: 50 1. Республика Каракалпакстан 3 2. Андижанская область 5 3. Бухарская область 3,1 4. Джизакская область 2,2 5. Кашкадарьинская область 5,2 6. Навоийская область 1,6 7. Наманганская область 4,5 8. Самаркандская область 6,2 9. Сурхандарьинская область 4,2 10. Сырдарьинская область 1,4 11. Ташкентская область 4,6 12. Ферганская область 6 13. Хорезмская область 3
Президент Республики Узбекистан Ш. МИРЗИЁЕВ
г. Ташкент,
18 февраля 2020 г.,
№ ПП-4606