UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ДАФТАРИ

Истеъмол этил спирти ишлаб чиқарувчи корхоналарда жойлашган этил спиртининг сифатини аниқлаш бўйича лабораториялар тўғрисидаги низомни тасдиқлаш ҳақида

Ўзбекистон Республикаси Президентининг «Алкоголь ва тамаки маҳсулотларини ишлаб чиқариш ва уларнинг айланмасини давлат томонидан тартибга солишни такомиллаштириш ҳамда узумчилик ва виночиликни ривожлантиришга доир чора-тадбирлар тўғрисида» 2019 йил 5 февралдаги ПФ-5656-сон Фармони ҳамда Ўзбекистон Республикаси Вазирлар Маҳкамасининг «Алкоголь ва тамаки бозорини самарали тартибга солишни таъминлаш тўғрисида» 2019 йил 8 июндаги 474-сон қарори ижросини таъминлаш мақсадида Вазирлар Маҳкамаси қарор қилади:

1. Истеъмол этил спирти ишлаб чиқарувчи корхоналарда жойлашган этил спиртининг сифатини аниқлаш бўйича лабораториялар тўғрисидаги низом иловага мувофиқ тасдиқлансин.

2. Белгилансинки, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг (кейинги ўринларда Инспекция деб аталади) истеъмол этил спирти ишлаб чиқарувчи корхоналарда жойлашган этил спиртининг сифатини аниқлаш бўйича лабораториялар (кейинги ўринларда Лаборатория деб аталади) унинг мудири ва технологидан иборат тузилмада ташкил этилади.

3. Инспекция уч ой муддатда «Бектемир-спирт экспериментал заводи» АЖ ҳудудида Лаборатория ташкил этилишини таъминласин.

4. Истеъмол этил спирти ишлаб чиқарувчи корхоналарга Инспекция Лабораторияларининг самарали ишлаши, шу жумладан, Лаборатория ходимларининг ушбу корхоналар ҳудудига тўсиқсиз ва монеликсиз кириб-чиқишлари ва фаолият кўрсатиши учун зарур шарт-шароитларни таъминлаш тавсия этилсин.

5. Лабораторияларни ташкил этиш, сақлаш ва ходимлар меҳнатига ҳақ тўлаш харажатлари Инспекциянинг оператив бошқарувига ўтган кундан бошлаб Инспекциянинг бюджетдан ташқари жамғармаси маблағлари ҳисобига қопланиши белгилансин.

6. Ўзбекистон Республикаси Молия вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатлар бир ой муддатда ушбу қарорга мувофиқлаштирилишини таъминласин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.

Вазирлар Маҳкамасининг 2020 йил 19 февралдаги 97-сон қарорига ИЛОВА

Истеъмол этил спирти ишлаб чиқарувчи корхоналарда жойлашган этил спиртининг сифатини аниқлаш бўйича лабораториялар тўғрисида

1-боб. Умумий қоидалар

1. Ушбу Низом истеъмол этил спирти ишлаб чиқарувчи корхоналарда (кейинги ўринларда корхона деб аталади) жойлашган этил спирти сифатини аниқлаш бўйича лабораториялар фаолиятини тартибга солади.

2. Мазкур Низомда қуйидаги асосий тушунчалар қўлланилади:

корхона — истеъмол этил спирти ишлаб чиқарувчи корхона;

истеъмол этил спирти — озиқ-овқат хом ашёсидан олинган ректификатланган этил спирти;

Инспекция — Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекцияси;

Лаборатория — Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг корхоналарда жойлашган этил спирти сифатини аниқлаш бўйича лабораторияси;

норматив техник ҳужжатлар — техник жиҳатдан тартибга солиш соҳасидаги норматив ҳужжатлар (техник регламентлар, стандартлаштиришга доир норматив ҳужжатлар, санитария, ветеринария, ветеринария-санитария, фитосанитария қоидалари ва нормалари, шаҳарсозлик нормалари ҳамда қоидалари, экологик нормалар ва қоидалар ҳамда техник жиҳатдан тартибга солиш соҳасидаги бошқа ҳужжатлар).

3. Инспекция лабораторияларида корхоналар томонидан ишлаб чиқарилган истеъмол этил спирти норматив техник ҳужжатлар талабларига мувофиқлиги бўйича синов ва таҳлилдан ўтказилади.

4. Лаборатория Инспекциянинг таркибий тузилмаси ҳисобланади. Лаборатория мудири, технологи ва ходимларининг ҳуқуқлари ва мажбуриятлари, уларга қўйиладиган талаблар, лабораториялар ходимларининг умумий сони Инспекциянинг норматив ҳужжатлари билан белгиланади.

2-боб. Лабораториянинг асосий вазифалари ва функциялари

5. Қуйидагилар Лабораториянинг асосий вазифалари ҳисобланади:

Лабораториядаги ўлчаш асбоблари, синов ускуналари ва жиҳозлар доимо соз ҳолатда бўлишини таъминлаш;

корхоналарда ишлаб чиқарилган истеъмол этил спирти сифатини аниқлаш ва синов натижалари баённомасини (кейинги ўринларда баённома деб аталади) тузиш;

истеъмол этил спирти ишлаб чиқаришда қўлланиладиган хом ашё ва ёрдамчи материаллар сифатини аниқлаш.

6. Лаборатория асосий вазифалардан келиб чиқиб қуйидаги функцияларни амалга оширади:

а) Лабораториядаги ўлчаш асбоблари, синов ускуналари ва жиҳозлар доимо соз ҳолатда бўлишини таъминлаш йўналишида:

Лабораториядаги ўлчаш асбоблари, синов ускуналари ва жиҳозлар ҳолатини мунтазам равишда мониторинг қилиш;

носоз ўлчаш асбоблари, синов ускуналари ва жиҳозлар тўғрисида Инспекцияга хабар бериш ҳамда уларни тузатиш чораларини кўриш;

уларни ўз вақтида белгиланган тартибда давлат қиёслов кўригидан ўтказиш;

б) корхоналарда ишлаб чиқарилган истеъмол этил спирти сифатини аниқлаш йўналишида:

корхонанинг моддий жавобгар шахси билан биргаликда ишлаб чиқариш шароитидан келиб чиқиб, қуйиш бўлимидан норматив техник ҳужжатлар талабига мувофиқ истеъмол этил спирти намуналарини олиш ва лаборатория синовидан ўтказиш;

синов натижалари асосида маҳсулот туркумининг норматив техник ҳужжатлар талабларига мувофиқлиги тўғрисида баённомани расмийлаштириш;

истеъмол этил спиртини сотувчи ва харид қилувчи корхоналар вакиллари иштирокида юкланган маҳсулотдан намуна олиш ва таҳлил қилиш;

в) истеъмол этил спирти ишлаб чиқаришда қўлланиладиган хом ашё ва ёрдамчи материаллар сифатини аниқлаш йўналишида:

корхонага қабул қилинган истеъмол этил спирти ишлаб чиқаришда қўлланиладиган хом ашёнинг Ўзбекистон Республикасида амалда бўлган норматив техник ҳужжатлар талабларига мувофиқлиги юзасидан таҳлил қилиш;

корхонага қабул қилинган ишлаб чиқаришда қўлланиладиган барча ёрдамчи материалларнинг мувофиқлик сертификатига ва норматив техник ҳужжатлар талабларига мувофиқлигини назорат қилиш.

3-боб. Лабораториянинг ҳуқуқ ва мажбуриятлари

7. Лаборатория қуйидаги асосий ҳуқуқларга эга:

истеъмол этил спирти ишлаб чиқаришда қўлланиладиган хом ашё ва барча ёрдамчи материалларни корхонага қабул қилишда иштирок этиш;

корхонанинг барча хом ашё ва бошқа ёрдамчи материалларни сақлаш бўлим (жой)ларига ҳамда тайёр маҳсулотлар сақланадиган омборларига тўғридан-тўғри корхона вакили билан биргаликда намуна олиш учун кириш;

корхонага технологик ускуналар ҳолати ва ишлаб чиқариш шарт-шароитларининг санитария-гигиена талабларига жавоб бериши бўйича тавсия киритиш;

корхонага тегишли тарзда ишлаш учун зарур техник шароитларни таъминлаш бўйича тавсия киритиш;

ишлаб чиқарилган этил спирти сифатини аниқлаш учун барча маълумот ва ахборотларни олиш;

истеъмол этил спирти сифатини аниқлаш учун зарур бўлган кимёвий реактивлар, намунавий эритмалар, шунингдек, Лабораториянинг жорий фаолиятини амалга ошириш учун зарур ашёлар билан таъминлаш тўғрисида Инспекцияга мурожаат қилиш.

Лаборатория қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

8. Лаборатория қуйидаги мажбуриятларга эга:

ишлаб чиқарилган истеъмол этил спиртидан олинган намуналарнинг норматив техник ҳужжатлар талабларига мувофиқлиги юзасидан баённомани расмийлаштириш ва ишлаб чиқарувчи корхонага тақдим этиш;

Лаборатория иш фаолияти, синов натижалари, истеъмол этил спирти сифатига таъсир кўрсатиши мумкин бўлган омиллар ва салбий ҳолатлар ҳақида доимий равишда корхона раҳбари ва Инспекцияга ёзма равишда ахборот бериб бориш;

Лабораториядаги ўлчаш асбоблари, синов ускуналари ва жиҳозларининг доимо соз ҳолатда бўлишини таъминлаш, уларни ўз вақтида белгиланган тартибда давлат қиёсловидан ўтказишга тақдим этиш;

носоз ўлчов асбоблари, синов ускуналари ва жиҳозлар тўғрисида Инспекцияга хабар бериш ҳамда уларни тузатиш чораларини кўриш;

намуна сифатида олинган истеъмол этил спирти норматив техник ҳужжатлар талабларига мос ҳолда сақланишини таъминлаш;

намуна сифатида олинган истеъмол этил спиртини Лабораторияда норматив техник ҳужжатларда белгиланган сақлаш муддати ўтгандан сўнг корхонанинг ишлаб чиқариш жараёнига қайтариш;

корхонада ишлаб чиқарилган истеъмол этил спиртининг ҳажми ва сифати бўйича Инспекция томонидан белгиланган тартибда Инспекцияга ҳар ойлик ҳисоботларни тақдим этиб бориш.

Лаборатория қонунчилик ҳужжатларига мувофиқ бошқа мажбуриятларга ҳам эга бўлиши мумкин.

4-боб. Лаборатория фаолиятини ташкил этиш

9. Лабораторияга Инспекция бошлиғининг ўринбосари тақдимномаси бўйича Инспекция бошлиғи томонидан лавозимга тайинланадиган ва лавозимдан озод этиладиган мудир бошчилик қилади.

Лаборатория технологи Инспекция бошлиғининг ўринбосари ҳамда лаборатория мудирининг тақдимномаси бўйича Инспекция бошлиғи томонидан лавозимга тайинланади ва лавозимдан озод этилади.

10. Лаборатория мудири бўлмаган даврда унинг ваколатлари ва вазифалари Лаборатория технологи томонидан амалга оширилади.

11. Лаборатория ходимларига корхонада амалда бўлган иш режими татбиқ қилинади. Истеъмол этил спирти ишлаб чиқариш жараёнининг узлуксизлигини инобатга олган ҳолда Лаборатория ходимларининг иш вақти корхона ва Инспекция томонидан келишилган жадвалга мувофиқ белгиланади.

5-боб. Лабораториянинг Инспекция олдидаги ҳисобдорлиги

12. Лаборатория мудири Инспекция олдида Лаборатория фаолияти натижалари тўғрисида мунтазам равишда ҳисобот беради.

13. Инспекция Лабораторияга юкланган вазифаларни самарали бажарилиши бўйича унинг фаолиятини доимий мониторингини олиб боради, Лаборатория фаолияти самарадорлигига ҳар ойда (чоракда) холисона баҳо беради.

6-боб. Хом ашё ва ёрдамчи материаллар сифатини назорат қилиш ҳамда ишлаб чиқарилган истеъмол этил спиртини синовдан ўтказиш тартиби

14. Лаборатория томонидан хом ашё ва ёрдамчи материаллар сифатини назорат қилиш, истеъмол этил спиртидан намуналар олиш ҳамда синовдан ўтказиш ушбу Низомга 1-иловага мувофиқ схема бўйича амалга оширилади.

15. Корхонага ҳар бир хом ашё ва ёрдамчи материаллар тушган вақтда корхона вакили билан биргаликда норматив техник ҳужжатлар асосида намуна олинади ва синовдан ўтказилади.

16. Хом ашё ва ёрдамчи материаллардан олинган намуналарнинг синов натижаларига кўра уларнинг сифат кўрсаткичлари норматив техник ҳужжатлар талабларига мувофиқлиги назорат қилиб борилади.

17. Лаборатория мудири ёки ходими корхонанинг моддий жавобгар шахси билан биргаликда ишлаб чиқариш шароитидан келиб чиқиб, истеъмол этил спиртидан норматив техник ҳужжатлар асосида намуналар танлаб олади.

18. Намуналар корхона томонидан ишлаб чиқарилган истеъмол этил спиртидан ушбу Низомга 2-иловада келтирилган Намуналарни танлаш далолатномасига мувофиқ олинади ва расмийлаштирилади.

19. Танлаб олинган намуналарнинг бир қисми лабораторияда таҳлил қилиш учун ишлатилади ва қолган қисми Лабораторияда норматив техник ҳужжатларга мувофиқ белгиланган муддатгача сақланади.

20. Истеъмол этил спирти белгиланган тартибда Лаборатория мудири ва ходими томонидан лаборатория синовидан ўтказилади.

21. Синов натижалари асосида Лаборатория мудири томонидан маҳсулот туркумининг норматив техник ҳужжатлар талабларига мувофиқлиги ҳақида ушбу Низомга 3-иловада келтирилган баённома билан расмийлаштирилади ҳамда рўйхатга олинади.

22. Намуналарнинг синовдан ортган қисми сақлаш муддати ўтгандан сўнг корхонанинг ишлаб чиқариш жараёнига қайтарилади ва Лаборатория мудири томонидан ушбу Низомга 4-иловада келтирилган Қайтариш далолатномаси расмийлаштирилади.

23. Истеъмол этил спиртидан намуналар танлаш ва қайтариш далолатномалари ушбу Низомга 5-иловага мувофиқ Лаборатория мудири томонидан қайд этиш дафтарига киритиб борилади.

24. Истеъмол этил спирти туркуми бўйича Лабораториянинг баённомаси ижобий бўлса, маҳсулот тайёр маҳсулотлар омборхонасига юборилади.

25. Қабул қилинаётган истеъмол этил спиртининг туркуми норматив техник ҳужжатлар талабларига мувофиқ бўлмаган тақдирда, лаборатория ва корхона вакиллари томонидан қайта синовдан ўтказилади.

26. Қайта синов натижаларига кўра истеъмол этил спирти норматив техник ҳужжатлар талабларига мувофиқ бўлмаган тақдирда, истеъмол этил спирти туркуми белгиланган тартибда корхонанинг ишлаб чиқариш жараёнига қайтарилади. Лаборатория мудири ушбу ҳолат бўйича Инспекция бошлиғини ёзма равишда хабардор қилади.

Корхона томонидан эса ишлаб чиқаришдаги технологик жараёнлар таҳлил қилиниб норматив техник ҳужжатлар талабларига мувофиқ бўлмаган истеъмол этил спирти ишлаб чиқарилганлиги сабаблари аниқланади ва аниқланган камчилик бартараф этилади. Ишлаб чиқариш жараёнига қайтарилган спирт қайта тозаланади ҳамда ушбу Низомнинг 17-бандига мувофиқ намуналар олинади ва белгиланган тартибда синовдан ўтказилади.

Синовдан қайтган ва қайта тозалашдан ўтган истеъмол этил спирти сифати такроран норматив техник ҳужжатлар талабларига мувофиқ бўлмаган тақдирда корхонага Инспекция томонидан белгиланган тартибда чора кўрилади.

27. Норматив техник ҳужжатлар талабларига мувофиқлиги тўғрисида Лабораториянинг баённомаси олинмаган ишлаб чиқарилган истеъмол этил спиртини тайёр маҳсулотлар омборига юбориш тақиқланади.

7-боб. Якунловчи қоидалар

28. Лаборатория мудири ишлаб чиқарилган истеъмол этил спиртининг синов натижалари бўйича расмийлаштирган баённомалари учун жавобгар ҳисобланади.

29. Лаборатория томонидан юритиладиган барча иш журналлари ва дафтарлари рақамланган, тикилган, шунингдек, Инспекция бошлиғи ёки унинг ўринбосари томонидан белгиланган тартибда имзоланган ҳамда муҳрланган бўлиши лозим.

30. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Истеъмол этил спирти ишлаб чиқарувчи корхоналарда жойлашган этил спирти сифатини аниқлаш бўйича лабораториялар тўғрисидаги низомга 1-ИЛОВА

Истеъмол этил спирти ишлаб чиқарувчи корхоналарда жойлашган этил спирти сифатини аниқлаш бўйича лабораторияларнинг фаолияти

Босқич Субъектлар Тадбирлар Бажариш муддати 1-босқич Ишлаб чиқарувчи корхона 1. Корхонага тушган барча хом ашё ва ёрдамчи материаллари бўйича Лабораторияни хабардор қилиш. 1. Ҳар бир хом ашё ва ёрдамчи материаллар тушган вақтда. 2. Ишлаб чиқарилган тайёр маҳсулот бўйича Лабораторияни хабардор қилиш. 2. Ишлаб чиқарилган тайёр маҳсулот омборга юборилмасдан аввал. Лаборатория ва ишлаб чиқарувчи корхона вакили 1. Корхонага тушган барча хом ашёдан намуна олиш ва синовдан ўтказиш. 1. Хом ашё олинган вақтда. 2. Корхонанинг ёрдамчи материалларидан намуна олиш ва синовдан ўтказиш. 2. Ёрдамчи материаллар олинганда. 3. Хом ашё ва ёрдамчи материаллардан олинган намуналарнинг синов натижаларига кўра уларнинг сифат кўрсаткичлари техник норматив ҳужжатлар талабларига мувофиқлигини назорат қилиш. 3. Доимий равишда. 2-босқич Лаборатория 1. Истеъмол этил спиртидан техник норматив ҳужжатлар асосида намуналар танлаб олиш. Бунда ушбу Низомга 2-иловада келтирилган Намуналарни танлаш далолатномасига мувофиқ олинади ва расмийлаштирилади. 1. Ҳар куни. 2. Намуналарни норматив ҳужжатлар асосида лаборатория синовидан ўтказиш. 2. Намуналар олиб бўлгандан кейин. 3. Синов натижалари бўйича Низомга 3-иловага мувофиқ баённомани расмийлаштириш ҳамда рўйхатга олиш. 3. Синов ўтказилгандан кейин. 4. Намуналарнинг синовдан ортган қисмини корхонанинг ишлаб чиқариш жараёнига қайтариш ва уни ушбу Низомга 4-иловада келтирилган қайтариш далолатномаси билан расмийлаштириш. 4. Намунани сақлаш муддати тугагандан сўнг 5. Қайтариш далолатномаларини ушбу Низомга 5-иловага мувофиқ қайд этиш дафтарига киритиб бориш. 5. Далолатнома тузилгандан кейин. 3-босқич Лаборатория 1. Қабул қилинаётган истеъмол этил спиртининг туркуми техник жиҳатдан тартибга солиш соҳасидаги норматив ҳужжатлар талабларига мувофиқ бўлмаган тақдирда, уни қайта синовдан ўтказиш. Ҳар бир туркум номувофиқ деб топилган пайтда 2. Қайта синов натижаларига кўра истеъмол этил спирти техник жиҳатдан тартибга солиш соҳасидаги норматив ҳужжатлар талабларига мувофиқ бўлмаган тақдирда истеъмол этил спирти туркумини белгиланган тартибда корхонанинг ишлаб чиқариш жараёнига қайтариш. 4-босқич Лаборатория 1. Истеъмол этил спирти туркуми бўйича лабораториянинг баённомаси ижобий бўлса, маҳсулотни тайёр маҳсулотлар омборхонасига юбориш. 1. Доимий равишда 2. Лаборатория иш фаолияти, синов натижалари, истеъмол этил спирти сифатига таъсир кўрсатиши мумкин бўлган омиллар ва салбий ҳолатлар ҳақида корхона раҳбари ва Инспекцияга ёзма равишда ахборот бериб бориш. 2. Доимий равишда 3. Корхонада ишлаб чиқарилган истеъмол этил спиртининг ҳажми ва сифати бўйича Инспекцияга ҳисоботлар тақдим этиб бориш. 3. Ҳар ойда 5-босқич Инспекция 1. Лабораторияга юкланган вазифалар самарали бажарилиши бўйича унинг фаолияти мониторингини олиб бориш. 1. Доимий равишда 2. Лаборатория фаолияти самарадорлигига холисона баҳо бериш. 2. Ҳар ойда (чоракда)

Истеъмол этил спирти ишлаб чиқарувчи корхоналарда жойлашган этил спирти сифатини аниқлаш бўйича лабораториялар тўғрисидаги низомга 2-ИЛОВА

OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI ‎BOZORINI TARTIBGA SOLISH INSPEKSIYASI ИНСПЕКЦИЯ ПО РЕГУЛИРОВАНИЮ АЛКОГОЛЬНОГО И ТАБАЧНОГО РЫНКА ПРИ ДЕПАРТАМЕНТЕ ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН _______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ «__________________________________________» АЖ томонидан 20__ йил «____» ______________да ишлаб чиқарилган истеъмол этил спиртидан намуналар танлаш _________- сон ДАЛОЛАТНОМАСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Мен (Биз), Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг этил спирти сифатини аниқлаш бўйича лабораторияси ходими(лари)_____________________________ «____________________________» АЖнинг 20__ йил «____»_____________даги ______-сон «Билдиришнома»сига асосан ___________________________________________________________________ ‎‎___________________________________________________иштирокида корхонанинг _____________________________ бўлимида истеъмол спиртининг тайёр маҳсулотлар омборхонасига топширилишидан олдин маҳсулотлар сифатини акс эттирувчи тўпларидан ___________________________________________________________________________________ ‎________________________________________________ стандартлар талабларига мослигини лабораторияда текшириш мақсадида намуналар танлаб олдим (олдик): ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р Текшириладиган маҳсулот намуналари Стандарт белгиланиши Ўлчов бирлиги Тўпдаги сони Ишлаб чиқариш санаси Намуналар ташқи кўрик синов учун ‎ ‎ ‎ ‎ Қўшимча маълумотлар: __________________________________________________________________________________ ‎_______________________________________________________________________________________________________ Корхона раҳбариятига: синов тугагунча ёки хулоса берилмагунча намуналар танланган маҳсулот тўпини омборхонага расмийлаштириш тақиқланади. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Лаборатория ходими(лари) ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (имзо, ФИО) ‎ ‎ Корхона вакили (лари): ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (имзо, ФИО) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Истеъмол этил спирти ишлаб чиқарувчи корхоналарда жойлашган этил спирти сифатини аниқлаш бўйича лабораториялар тўғрисидаги низомга 3-ИЛОВА

OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI ‎BOZORINI TARTIBGA SOLISH INSPEKSIYASI ИНСПЕКЦИЯ ПО РЕГУЛИРОВАНИЮ АЛКОГОЛЬНОГО И ТАБАЧНОГО РЫНКА ПРИ ДЕПАРТАМЕНТЕ ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН _______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________ АЖ ____________________________________________________________________________________ (корхона томонидан берилган «Билдиришнома»нинг тартиб рақами ва санаси) 20___ й «____» ______________даги ____-сон ишлаб чиқарилган истеъмол этил спирти намунасини танлаш далолатномаси ____________________________________________________________________________________ ‎(маҳсулот тури) ‎____________________________________________________________________________________ ‎(маҳсулот миқдори, далда) ‎СИНОВ НАТИЖАЛАРИ БАЁННОМАСИ №___ Маҳсулот учун стандарт ________________________________________________________________________ ‎Синов учун стандарт ___________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Физик-кимёвий кўрсаткичлар номи Стандарт талаби Синов натижалари Этил спиртининг ҳажмий улуши, %, кам эмас Сульфат кислота билан тозалигини синаш 200 С ҳароратда оксидланишни синаш, кам эмас (дақиқа) Сувсиз спиртдаги (сирка альдегидига қайта ҳисобланганда) альдегидларнинг масса улуши, мг/дм 3 , кўп эмас Сувсиз спиртдаги (изоамил ва изобутил спирт аралашмаларига (3:1) қайта ҳисобланганда) сивуш мойининг масса улуши, мг/дм 3 , кўп эмас Сувсиз спиртдаги (сирка — этил эфирига қайта ҳисобланганда) эфирларнинг масса улуши, мг/дм 3 , кўп эмас Сувсиз спиртга қайта ҳисобланганда метил спиртининг ҳажмий улуши, %, кўп эмас Сувсиз спиртдаги (СО 2 -сиз) озод кислоталарнинг масса улуши, мг/дм 3 , кўп эмас Таркибида фурфурол ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________________ намуналар стандарт талабларига жавоб беради (бермайди). Лаборатория мудири ‎ _________________ ‎ _______________________________ ‎ ‎ ‎ ‎ ‎ ‎ ‎ ‎ (имзо) ‎ (ФИО) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Истеъмол этил спирти ишлаб чиқарувчи корхоналарда жойлашган этил спирти сифатини аниқлаш бўйича лабораториялар тўғрисидаги низомга 4-ИЛОВА

OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI ‎BOZORINI TARTIBGA SOLISH INSPEKSIYASI ИНСПЕКЦИЯ ПО РЕГУЛИРОВАНИЮ АЛКОГОЛЬНОГО И ТАБАЧНОГО РЫНКА ПРИ ДЕПАРТАМЕНТЕ ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН _______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ «__________________________________________» АЖ томонидан 20__ йил «____» ______________да ишлаб чиқарилган истеъмол этил спиртидан танланган намуналар қайтариш _________- сон ДАЛОЛАТНОМАСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Мен (Биз), Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг этил спирти сифатини аниқлаш бўйича лабораторияси ходими(лари)_____________________________ «____________________________» АЖнинг 20__ йил «____»_____________даги ______-сон «Билдиришнома»сига асосан ___________________________________________________________________ ‎‎___________________________________________________иштирокида корхонанинг _____________________________ бўлимида истеъмол спиртининг тайёр маҳсулотлар омборхонасига топширилишидан олдин маҳсулотлар сифатини акс эттирувчи тўпларидан ___________________________________________________________________________________ ‎________________________________________________ стандартлар талабларига мослигини лабораторияда текшириш мақсадида танлаб олинган намуналарни қайтардим (қайтардик): ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р Текширилган маҳсулот намуналари Стандарт белгиланиши Ўлчов бирлиги Тўпдаги сони Ишлаб чиқариш санаси Намуналар ташқи кўрик синов учун ‎ ‎ ‎ ‎ Қўшимча маълумотлар: __________________________________________________________________________________ ‎_______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Лаборатория ходими(лари) ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (имзо, ФИО) ‎ ‎ Корхона вакили (лари): ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (имзо, ФИО) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Истеъмол этил спирти ишлаб чиқарувчи корхоналарда жойлашган этил спирти сифатини аниқлаш бўйича лабораториялар тўғрисидаги низомга 5-ИЛОВА

Олинган истеъмол этил спирти намуналарининг синовдан ортган қисмини ишлаб чиқарувчи корхонага қайтариб топшириш

Т/р Сана (кун, ой, йил) Намуна танлаб олиш далолатномасининг тартиб рақами ва санаси Танлаб олинган намунанинг миқдори (литр) Синовдан кейин корхонага қайтарилган миқдори (литр) Қабул қилиб олган шахснинг фамилияси, исми, отасининг исми, имзоси ва сана Қолдиқ миқдор (литр) Қолдиқ миқдорни қабул қилиб олган шахснинг фамилияси, исми, отасининг исми, имзоси ва сана 1. 2. 3. 4. 5.

Ўзбекистон Республикасининг Бош вазири А. АРИПОВ

Тошкент ш.,

2020 йил 19 февраль,

97-сон

(Қонун ҳужжатлари маълумотлари миллий базаси, 20.02.2020 й., 09/20/97/2020-сон; Қонунчилик маълумотлари миллий базаси, 05.04.2022 й., 09/22/153/0266-сон; 30.01.2025 й., 09/25/45/0084-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

DAFTARI

Isteʼmol etil spirti ishlab chiqaruvchi korxonalarda joylashgan etil spirtining sifatini aniqlash boʻyicha laboratoriyalar toʻgʻrisidagi nizomni tasdiqlash haqida

Oʻzbekiston Respublikasi Prezidentining “Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar toʻgʻrisida” 2019-yil 5-fevraldagi PF-5656-son Farmoni hamda Oʻzbekiston Respublikasi Vazirlar Mahkamasining “Alkogol va tamaki bozorini samarali tartibga solishni taʼminlash toʻgʻrisida” 2019-yil 8-iyundagi 474-son qarori ijrosini taʼminlash maqsadida Vazirlar Mahkamasi qaror qiladi:

1. Isteʼmol etil spirti ishlab chiqaruvchi korxonalarda joylashgan etil spirtining sifatini aniqlash boʻyicha laboratoriyalar toʻgʻrisidagi nizom ilovaga muvofiq tasdiqlansin.

2. Belgilansinki, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining (keyingi oʻrinlarda Inspeksiya deb ataladi) isteʼmol etil spirti ishlab chiqaruvchi korxonalarda joylashgan etil spirtining sifatini aniqlash boʻyicha laboratoriyalar (keyingi oʻrinlarda Laboratoriya deb ataladi) uning mudiri va texnologidan iborat tuzilmada tashkil etiladi.

3. Inspeksiya uch oy muddatda “Bektemir-spirt eksperimental zavodi” AJ hududida Laboratoriya tashkil etilishini taʼminlasin.

4. Isteʼmol etil spirti ishlab chiqaruvchi korxonalarga Inspeksiya Laboratoriyalarining samarali ishlashi, shu jumladan, Laboratoriya xodimlarining ushbu korxonalar hududiga toʻsiqsiz va moneliksiz kirib-chiqishlari va faoliyat koʻrsatishi uchun zarur shart-sharoitlarni taʼminlash tavsiya etilsin.

5. Laboratoriyalarni tashkil etish, saqlash va xodimlar mehnatiga haq toʻlash xarajatlari Inspeksiyaning operativ boshqaruviga oʻtgan kundan boshlab Inspeksiyaning budjetdan tashqari jamgʻarmasi mablagʻlari hisobiga qoplanishi belgilansin.

6. Oʻzbekiston Respublikasi Moliya vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlar bir oy muddatda ushbu qarorga muvofiqlashtirilishini taʼminlasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

Vazirlar Mahkamasining 2020-yil 19-fevraldagi 97-son qaroriga ILOVA

Isteʼmol etil spirti ishlab chiqaruvchi korxonalarda joylashgan etil spirtining sifatini aniqlash boʻyicha laboratoriyalar toʻgʻrisida

1-bob. Umumiy qoidalar

1. Ushbu Nizom isteʼmol etil spirti ishlab chiqaruvchi korxonalarda (keyingi oʻrinlarda korxona deb ataladi) joylashgan etil spirti sifatini aniqlash boʻyicha laboratoriyalar faoliyatini tartibga soladi.

2. Mazkur Nizomda quyidagi asosiy tushunchalar qoʻllaniladi:

korxona — isteʼmol etil spirti ishlab chiqaruvchi korxona;

isteʼmol etil spirti — oziq-ovqat xom ashyosidan olingan rektifikatlangan etil spirti;

Inspeksiya — Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi;

Laboratoriya — Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining korxonalarda joylashgan etil spirti sifatini aniqlash boʻyicha laboratoriyasi;

normativ texnik hujjatlar — texnik jihatdan tartibga solish sohasidagi normativ hujjatlar (texnik reglamentlar, standartlashtirishga doir normativ hujjatlar, sanitariya, veterinariya, veterinariya-sanitariya, fitosanitariya qoidalari va normalari, shaharsozlik normalari hamda qoidalari, ekologik normalar va qoidalar hamda texnik jihatdan tartibga solish sohasidagi boshqa hujjatlar).

3. Inspeksiya laboratoriyalarida korxonalar tomonidan ishlab chiqarilgan isteʼmol etil spirti normativ texnik hujjatlar talablariga muvofiqligi boʻyicha sinov va tahlildan oʻtkaziladi.

4. Laboratoriya Inspeksiyaning tarkibiy tuzilmasi hisoblanadi. Laboratoriya mudiri, texnologi va xodimlarining huquqlari va majburiyatlari, ularga qoʻyiladigan talablar, laboratoriyalar xodimlarining umumiy soni Inspeksiyaning normativ hujjatlari bilan belgilanadi.

2-bob. Laboratoriyaning asosiy vazifalari va funksiyalari

5. Quyidagilar Laboratoriyaning asosiy vazifalari hisoblanadi:

Laboratoriyadagi oʻlchash asboblari, sinov uskunalari va jihozlar doimo soz holatda boʻlishini taʼminlash;

korxonalarda ishlab chiqarilgan isteʼmol etil spirti sifatini aniqlash va sinov natijalari bayonnomasini (keyingi oʻrinlarda bayonnoma deb ataladi) tuzish;

isteʼmol etil spirti ishlab chiqarishda qoʻllaniladigan xom ashyo va yordamchi materiallar sifatini aniqlash.

6. Laboratoriya asosiy vazifalardan kelib chiqib quyidagi funksiyalarni amalga oshiradi:

a) Laboratoriyadagi oʻlchash asboblari, sinov uskunalari va jihozlar doimo soz holatda boʻlishini taʼminlash yoʻnalishida:

Laboratoriyadagi oʻlchash asboblari, sinov uskunalari va jihozlar holatini muntazam ravishda monitoring qilish;

nosoz oʻlchash asboblari, sinov uskunalari va jihozlar toʻgʻrisida Inspeksiyaga xabar berish hamda ularni tuzatish choralarini koʻrish;

ularni oʻz vaqtida belgilangan tartibda davlat qiyoslov koʻrigidan oʻtkazish;

b) korxonalarda ishlab chiqarilgan isteʼmol etil spirti sifatini aniqlash yoʻnalishida:

korxonaning moddiy javobgar shaxsi bilan birgalikda ishlab chiqarish sharoitidan kelib chiqib, quyish boʻlimidan normativ texnik hujjatlar talabiga muvofiq isteʼmol etil spirti namunalarini olish va laboratoriya sinovidan oʻtkazish;

sinov natijalari asosida mahsulot turkumining normativ texnik hujjatlar talablariga muvofiqligi toʻgʻrisida bayonnomani rasmiylashtirish;

isteʼmol etil spirtini sotuvchi va xarid qiluvchi korxonalar vakillari ishtirokida yuklangan mahsulotdan namuna olish va tahlil qilish;

v) isteʼmol etil spirti ishlab chiqarishda qoʻllaniladigan xom ashyo va yordamchi materiallar sifatini aniqlash yoʻnalishida:

korxonaga qabul qilingan isteʼmol etil spirti ishlab chiqarishda qoʻllaniladigan xom ashyoning Oʻzbekiston Respublikasida amalda boʻlgan normativ texnik hujjatlar talablariga muvofiqligi yuzasidan tahlil qilish;

korxonaga qabul qilingan ishlab chiqarishda qoʻllaniladigan barcha yordamchi materiallarning muvofiqlik sertifikatiga va normativ texnik hujjatlar talablariga muvofiqligini nazorat qilish.

3-bob. Laboratoriyaning huquq va majburiyatlari

7. Laboratoriya quyidagi asosiy huquqlarga ega:

isteʼmol etil spirti ishlab chiqarishda qoʻllaniladigan xom ashyo va barcha yordamchi materiallarni korxonaga qabul qilishda ishtirok etish;

korxonaning barcha xom ashyo va boshqa yordamchi materiallarni saqlash boʻlim (joy)lariga hamda tayyor mahsulotlar saqlanadigan omborlariga toʻgʻridan-toʻgʻri korxona vakili bilan birgalikda namuna olish uchun kirish;

korxonaga texnologik uskunalar holati va ishlab chiqarish shart-sharoitlarining sanitariya-gigiyena talablariga javob berishi boʻyicha tavsiya kiritish;

korxonaga tegishli tarzda ishlash uchun zarur texnik sharoitlarni taʼminlash boʻyicha tavsiya kiritish;

ishlab chiqarilgan etil spirti sifatini aniqlash uchun barcha maʼlumot va axborotlarni olish;

isteʼmol etil spirti sifatini aniqlash uchun zarur boʻlgan kimyoviy reaktivlar, namunaviy eritmalar, shuningdek, Laboratoriyaning joriy faoliyatini amalga oshirish uchun zarur ashyolar bilan taʼminlash toʻgʻrisida Inspeksiyaga murojaat qilish.

Laboratoriya qonunchilik hujjatlariga muvofiq boshqa huquqlarga ham ega boʻlishi mumkin.

8. Laboratoriya quyidagi majburiyatlarga ega:

ishlab chiqarilgan isteʼmol etil spirtidan olingan namunalarning normativ texnik hujjatlar talablariga muvofiqligi yuzasidan bayonnomani rasmiylashtirish va ishlab chiqaruvchi korxonaga taqdim etish;

Laboratoriya ish faoliyati, sinov natijalari, isteʼmol etil spirti sifatiga taʼsir koʻrsatishi mumkin boʻlgan omillar va salbiy holatlar haqida doimiy ravishda korxona rahbari va Inspeksiyaga yozma ravishda axborot berib borish;

Laboratoriyadagi oʻlchash asboblari, sinov uskunalari va jihozlarining doimo soz holatda boʻlishini taʼminlash, ularni oʻz vaqtida belgilangan tartibda davlat qiyoslovidan oʻtkazishga taqdim etish;

nosoz oʻlchov asboblari, sinov uskunalari va jihozlar toʻgʻrisida Inspeksiyaga xabar berish hamda ularni tuzatish choralarini koʻrish;

namuna sifatida olingan isteʼmol etil spirti normativ texnik hujjatlar talablariga mos holda saqlanishini taʼminlash;

namuna sifatida olingan isteʼmol etil spirtini Laboratoriyada normativ texnik hujjatlarda belgilangan saqlash muddati oʻtgandan soʻng korxonaning ishlab chiqarish jarayoniga qaytarish;

korxonada ishlab chiqarilgan isteʼmol etil spirtining hajmi va sifati boʻyicha Inspeksiya tomonidan belgilangan tartibda Inspeksiyaga har oylik hisobotlarni taqdim etib borish.

Laboratoriya qonunchilik hujjatlariga muvofiq boshqa majburiyatlarga ham ega boʻlishi mumkin.

4-bob. Laboratoriya faoliyatini tashkil etish

9. Laboratoriyaga Inspeksiya boshligʻining oʻrinbosari taqdimnomasi boʻyicha Inspeksiya boshligʻi tomonidan lavozimga tayinlanadigan va lavozimdan ozod etiladigan mudir boshchilik qiladi.

Laboratoriya texnologi Inspeksiya boshligʻining oʻrinbosari hamda laboratoriya mudirining taqdimnomasi boʻyicha Inspeksiya boshligʻi tomonidan lavozimga tayinlanadi va lavozimdan ozod etiladi.

10. Laboratoriya mudiri boʻlmagan davrda uning vakolatlari va vazifalari Laboratoriya texnologi tomonidan amalga oshiriladi.

11. Laboratoriya xodimlariga korxonada amalda boʻlgan ish rejimi tatbiq qilinadi. Isteʼmol etil spirti ishlab chiqarish jarayonining uzluksizligini inobatga olgan holda Laboratoriya xodimlarining ish vaqti korxona va Inspeksiya tomonidan kelishilgan jadvalga muvofiq belgilanadi.

5-bob. Laboratoriyaning Inspeksiya oldidagi hisobdorligi

12. Laboratoriya mudiri Inspeksiya oldida Laboratoriya faoliyati natijalari toʻgʻrisida muntazam ravishda hisobot beradi.

13. Inspeksiya Laboratoriyaga yuklangan vazifalarni samarali bajarilishi boʻyicha uning faoliyatini doimiy monitoringini olib boradi, Laboratoriya faoliyati samaradorligiga har oyda (chorakda) xolisona baho beradi.

6-bob. Xom ashyo va yordamchi materiallar sifatini nazorat qilish hamda ishlab chiqarilgan isteʼmol etil spirtini sinovdan oʻtkazish tartibi

14. Laboratoriya tomonidan xom ashyo va yordamchi materiallar sifatini nazorat qilish, isteʼmol etil spirtidan namunalar olish hamda sinovdan oʻtkazish ushbu Nizomga 1-ilovaga muvofiq sxema boʻyicha amalga oshiriladi.

15. Korxonaga har bir xom ashyo va yordamchi materiallar tushgan vaqtda korxona vakili bilan birgalikda normativ texnik hujjatlar asosida namuna olinadi va sinovdan oʻtkaziladi.

16. Xom ashyo va yordamchi materiallardan olingan namunalarning sinov natijalariga koʻra ularning sifat koʻrsatkichlari normativ texnik hujjatlar talablariga muvofiqligi nazorat qilib boriladi.

17. Laboratoriya mudiri yoki xodimi korxonaning moddiy javobgar shaxsi bilan birgalikda ishlab chiqarish sharoitidan kelib chiqib, isteʼmol etil spirtidan normativ texnik hujjatlar asosida namunalar tanlab oladi.

18. Namunalar korxona tomonidan ishlab chiqarilgan isteʼmol etil spirtidan ushbu Nizomga 2-ilovada keltirilgan Namunalarni tanlash dalolatnomasiga muvofiq olinadi va rasmiylashtiriladi.

19. Tanlab olingan namunalarning bir qismi laboratoriyada tahlil qilish uchun ishlatiladi va qolgan qismi Laboratoriyada normativ texnik hujjatlarga muvofiq belgilangan muddatgacha saqlanadi.

20. Isteʼmol etil spirti belgilangan tartibda Laboratoriya mudiri va xodimi tomonidan laboratoriya sinovidan oʻtkaziladi.

21. Sinov natijalari asosida Laboratoriya mudiri tomonidan mahsulot turkumining normativ texnik hujjatlar talablariga muvofiqligi haqida ushbu Nizomga 3-ilovada keltirilgan bayonnoma bilan rasmiylashtiriladi hamda roʻyxatga olinadi.

22. Namunalarning sinovdan ortgan qismi saqlash muddati oʻtgandan soʻng korxonaning ishlab chiqarish jarayoniga qaytariladi va Laboratoriya mudiri tomonidan ushbu Nizomga 4-ilovada keltirilgan Qaytarish dalolatnomasi rasmiylashtiriladi.

23. Isteʼmol etil spirtidan namunalar tanlash va qaytarish dalolatnomalari ushbu Nizomga 5-ilovaga muvofiq Laboratoriya mudiri tomonidan qayd etish daftariga kiritib boriladi.

24. Isteʼmol etil spirti turkumi boʻyicha Laboratoriyaning bayonnomasi ijobiy boʻlsa, mahsulot tayyor mahsulotlar omborxonasiga yuboriladi.

25. Qabul qilinayotgan isteʼmol etil spirtining turkumi normativ texnik hujjatlar talablariga muvofiq boʻlmagan taqdirda, laboratoriya va korxona vakillari tomonidan qayta sinovdan oʻtkaziladi.

26. Qayta sinov natijalariga koʻra isteʼmol etil spirti normativ texnik hujjatlar talablariga muvofiq boʻlmagan taqdirda, isteʼmol etil spirti turkumi belgilangan tartibda korxonaning ishlab chiqarish jarayoniga qaytariladi. Laboratoriya mudiri ushbu holat boʻyicha Inspeksiya boshligʻini yozma ravishda xabardor qiladi.

Korxona tomonidan esa ishlab chiqarishdagi texnologik jarayonlar tahlil qilinib normativ texnik hujjatlar talablariga muvofiq boʻlmagan isteʼmol etil spirti ishlab chiqarilganligi sabablari aniqlanadi va aniqlangan kamchilik bartaraf etiladi. Ishlab chiqarish jarayoniga qaytarilgan spirt qayta tozalanadi hamda ushbu Nizomning 17-bandiga muvofiq namunalar olinadi va belgilangan tartibda sinovdan oʻtkaziladi.

Sinovdan qaytgan va qayta tozalashdan oʻtgan isteʼmol etil spirti sifati takroran normativ texnik hujjatlar talablariga muvofiq boʻlmagan taqdirda korxonaga Inspeksiya tomonidan belgilangan tartibda chora koʻriladi.

27. Normativ texnik hujjatlar talablariga muvofiqligi toʻgʻrisida Laboratoriyaning bayonnomasi olinmagan ishlab chiqarilgan isteʼmol etil spirtini tayyor mahsulotlar omboriga yuborish taqiqlanadi.

7-bob. Yakunlovchi qoidalar

28. Laboratoriya mudiri ishlab chiqarilgan isteʼmol etil spirtining sinov natijalari boʻyicha rasmiylashtirgan bayonnomalari uchun javobgar hisoblanadi.

29. Laboratoriya tomonidan yuritiladigan barcha ish jurnallari va daftarlari raqamlangan, tikilgan, shuningdek, Inspeksiya boshligʻi yoki uning oʻrinbosari tomonidan belgilangan tartibda imzolangan hamda muhrlangan boʻlishi lozim.

30. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Isteʼmol etil spirti ishlab chiqaruvchi korxonalarda joylashgan etil spirti sifatini aniqlash boʻyicha laboratoriyalar toʻgʻrisidagi nizomga 1-ILOVA

Isteʼmol etil spirti ishlab chiqaruvchi korxonalarda joylashgan etil spirti sifatini aniqlash boʻyicha laboratoriyalarning faoliyati

Bosqich Subyektlar Tadbirlar Bajarish muddati 1-bosqich Ishlab chiqaruvchi korxona 1. Korxonaga tushgan barcha xom ashyo va yordamchi materiallari boʻyicha Laboratoriyani xabardor qilish. 1. Har bir xom ashyo va yordamchi materiallar tushgan vaqtda. 2. Ishlab chiqarilgan tayyor mahsulot boʻyicha Laboratoriyani xabardor qilish. 2. Ishlab chiqarilgan tayyor mahsulot omborga yuborilmasdan avval. Laboratoriya va ishlab chiqaruvchi korxona vakili 1. Korxonaga tushgan barcha xom ashyodan namuna olish va sinovdan oʻtkazish. 1. Xom ashyo olingan vaqtda. 2. Korxonaning yordamchi materiallaridan namuna olish va sinovdan oʻtkazish. 2. Yordamchi materiallar olinganda. 3. Xom ashyo va yordamchi materiallardan olingan namunalarning sinov natijalariga koʻra ularning sifat koʻrsatkichlari texnik normativ hujjatlar talablariga muvofiqligini nazorat qilish. 3. Doimiy ravishda. 2-bosqich Laboratoriya 1. Isteʼmol etil spirtidan texnik normativ hujjatlar asosida namunalar tanlab olish. Bunda ushbu Nizomga 2-ilovada keltirilgan Namunalarni tanlash dalolatnomasiga muvofiq olinadi va rasmiylashtiriladi. 1. Har kuni. 2. Namunalarni normativ hujjatlar asosida laboratoriya sinovidan oʻtkazish. 2. Namunalar olib boʻlgandan keyin. 3. Sinov natijalari boʻyicha Nizomga 3-ilovaga muvofiq bayonnomani rasmiylashtirish hamda roʻyxatga olish. 3. Sinov oʻtkazilgandan keyin. 4. Namunalarning sinovdan ortgan qismini korxonaning ishlab chiqarish jarayoniga qaytarish va uni ushbu Nizomga 4-ilovada keltirilgan qaytarish dalolatnomasi bilan rasmiylashtirish. 4. Namunani saqlash muddati tugagandan soʻng 5. Qaytarish dalolatnomalarini ushbu Nizomga 5-ilovaga muvofiq qayd etish daftariga kiritib borish. 5. Dalolatnoma tuzilgandan keyin. 3-bosqich Laboratoriya 1. Qabul qilinayotgan isteʼmol etil spirtining turkumi texnik jihatdan tartibga solish sohasidagi normativ hujjatlar talablariga muvofiq boʻlmagan taqdirda, uni qayta sinovdan oʻtkazish. Har bir turkum nomuvofiq deb topilgan paytda 2. Qayta sinov natijalariga koʻra isteʼmol etil spirti texnik jihatdan tartibga solish sohasidagi normativ hujjatlar talablariga muvofiq boʻlmagan taqdirda isteʼmol etil spirti turkumini belgilangan tartibda korxonaning ishlab chiqarish jarayoniga qaytarish. 4-bosqich Laboratoriya 1. Isteʼmol etil spirti turkumi boʻyicha laboratoriyaning bayonnomasi ijobiy boʻlsa, mahsulotni tayyor mahsulotlar omborxonasiga yuborish. 1. Doimiy ravishda 2. Laboratoriya ish faoliyati, sinov natijalari, isteʼmol etil spirti sifatiga taʼsir koʻrsatishi mumkin boʻlgan omillar va salbiy holatlar haqida korxona rahbari va Inspeksiyaga yozma ravishda axborot berib borish. 2. Doimiy ravishda 3. Korxonada ishlab chiqarilgan isteʼmol etil spirtining hajmi va sifati boʻyicha Inspeksiyaga hisobotlar taqdim etib borish. 3. Har oyda 5-bosqich Inspeksiya 1. Laboratoriyaga yuklangan vazifalar samarali bajarilishi boʻyicha uning faoliyati monitoringini olib borish. 1. Doimiy ravishda 2. Laboratoriya faoliyati samaradorligiga xolisona baho berish. 2. Har oyda (chorakda)

Isteʼmol etil spirti ishlab chiqaruvchi korxonalarda joylashgan etil spirti sifatini aniqlash boʻyicha laboratoriyalar toʻgʻrisidagi nizomga 2-ILOVA

OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI ‎BOZORINI TARTIBGA SOLISH INSPEKSIYASI INSPEKSIYA PO REGULIROVANIYU ALKOGOLNOGO I TABACHNOGO RINKA PRI DEPARTAMENTE PO BORBE S EKONOMICHESKIMI PRESTUPLENIYAMI PRI GENERALNOY PROKURATURE RESPUBLIKI UZBEKISTAN _______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ “__________________________________________” AJ tomonidan 20__ yil “____” ______________da ishlab chiqarilgan isteʼmol etil spirtidan namunalar tanlash _________- son DALOLATNOMASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Men (Biz), Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining etil spirti sifatini aniqlash boʻyicha laboratoriyasi xodimi(lari)_____________________________ “____________________________” AJning 20__ yil “____”_____________dagi ______-son “Bildirishnoma”siga asosan ___________________________________________________________________ ‎‎___________________________________________________ishtirokida korxonaning _____________________________ boʻlimida isteʼmol spirtining tayyor mahsulotlar omborxonasiga topshirilishidan oldin mahsulotlar sifatini aks ettiruvchi toʻplaridan ___________________________________________________________________________________ ‎________________________________________________ standartlar talablariga mosligini laboratoriyada tekshirish maqsadida namunalar tanlab oldim (oldik): ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Tekshiriladigan mahsulot namunalari Standart belgilanishi Oʻlchov birligi Toʻpdagi soni Ishlab chiqarish sanasi Namunalar tashqi koʻrik sinov uchun ‎ ‎ ‎ ‎ Qoʻshimcha maʼlumotlar: __________________________________________________________________________________ ‎_______________________________________________________________________________________________________ Korxona rahbariyatiga: sinov tugaguncha yoki xulosa berilmaguncha namunalar tanlangan mahsulot toʻpini omborxonaga rasmiylashtirish taqiqlanadi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Laboratoriya xodimi(lari) ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (imzo, FIO) ‎ ‎ Korxona vakili (lari): ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (imzo, FIO) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Isteʼmol etil spirti ishlab chiqaruvchi korxonalarda joylashgan etil spirti sifatini aniqlash boʻyicha laboratoriyalar toʻgʻrisidagi nizomga 3-ILOVA

OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI ‎BOZORINI TARTIBGA SOLISH INSPEKSIYASI INSPEKSIYA PO REGULIROVANIYU ALKOGOLNOGO I TABACHNOGO RINKA PRI DEPARTAMENTE PO BORBE S EKONOMICHESKIMI PRESTUPLENIYAMI PRI GENERALNOY PROKURATURE RESPUBLIKI UZBEKISTAN _______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________ AJ ____________________________________________________________________________________ (korxona tomonidan berilgan “Bildirishnoma”ning tartib raqami va sanasi) 20___ y “____” ______________dagi ____-son ishlab chiqarilgan isteʼmol etil spirti namunasini tanlash dalolatnomasi ____________________________________________________________________________________ ‎(mahsulot turi) ‎____________________________________________________________________________________ ‎(mahsulot miqdori, dalda) ‎SINOV NATIJALARI BAYONNOMASI №___ Mahsulot uchun standart ________________________________________________________________________ ‎Sinov uchun standart ___________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Fizik-kimyoviy koʻrsatkichlar nomi Standart talabi Sinov natijalari Etil spirtining hajmiy ulushi, %, kam emas Sulfat kislota bilan tozaligini sinash 200 S haroratda oksidlanishni sinash, kam emas (daqiqa) Suvsiz spirtdagi (sirka aldegidiga qayta hisoblanganda) aldegidlarning massa ulushi, mg/dm 3 , koʻp emas Suvsiz spirtdagi (izoamil va izobutil spirt aralashmalariga (3:1) qayta hisoblanganda) sivush moyining massa ulushi, mg/dm 3 , koʻp emas Suvsiz spirtdagi (sirka — etil efiriga qayta hisoblanganda) efirlarning massa ulushi, mg/dm 3 , koʻp emas Suvsiz spirtga qayta hisoblanganda metil spirtining hajmiy ulushi, %, koʻp emas Suvsiz spirtdagi (SO 2 -siz) ozod kislotalarning massa ulushi, mg/dm 3 , koʻp emas Tarkibida furfurol ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________________ namunalar standart talablariga javob beradi (bermaydi). Laboratoriya mudiri ‎ _________________ ‎ _______________________________ ‎ ‎ ‎ ‎ ‎ ‎ ‎ ‎ (imzo) ‎ (FIO) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Isteʼmol etil spirti ishlab chiqaruvchi korxonalarda joylashgan etil spirti sifatini aniqlash boʻyicha laboratoriyalar toʻgʻrisidagi nizomga 4-ILOVA

OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI ‎BOZORINI TARTIBGA SOLISH INSPEKSIYASI INSPEKSIYA PO REGULIROVANIYU ALKOGOLNOGO I TABACHNOGO RINKA PRI DEPARTAMENTE PO BORBE S EKONOMICHESKIMI PRESTUPLENIYAMI PRI GENERALNOY PROKURATURE RESPUBLIKI UZBEKISTAN _______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ “__________________________________________” AJ tomonidan 20__ yil “____” ______________da ishlab chiqarilgan isteʼmol etil spirtidan tanlangan namunalar qaytarish _________- son DALOLATNOMASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Men (Biz), Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining etil spirti sifatini aniqlash boʻyicha laboratoriyasi xodimi(lari)_____________________________ “____________________________” AJning 20__ yil “____”_____________dagi ______-son “Bildirishnoma”siga asosan ___________________________________________________________________ ‎‎___________________________________________________ishtirokida korxonaning _____________________________ boʻlimida isteʼmol spirtining tayyor mahsulotlar omborxonasiga topshirilishidan oldin mahsulotlar sifatini aks ettiruvchi toʻplaridan ___________________________________________________________________________________ ‎________________________________________________ standartlar talablariga mosligini laboratoriyada tekshirish maqsadida tanlab olingan namunalarni qaytardim (qaytardik): ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Tekshirilgan mahsulot namunalari Standart belgilanishi Oʻlchov birligi Toʻpdagi soni Ishlab chiqarish sanasi Namunalar tashqi koʻrik sinov uchun ‎ ‎ ‎ ‎ Qoʻshimcha maʼlumotlar: __________________________________________________________________________________ ‎_______________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Laboratoriya xodimi(lari) ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (imzo, FIO) ‎ ‎ Korxona vakili (lari): ‎ ‎ ________________________________________________ ‎ ‎ ‎ ‎ ‎ ‎ ‎ ‎ ‎ ‎ (imzo, FIO) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Isteʼmol etil spirti ishlab chiqaruvchi korxonalarda joylashgan etil spirti sifatini aniqlash boʻyicha laboratoriyalar toʻgʻrisidagi nizomga 5-ILOVA

Olingan isteʼmol etil spirti namunalarining sinovdan ortgan qismini ishlab chiqaruvchi korxonaga qaytarib topshirish

T/r Sana (kun, oy, yil) Namuna tanlab olish dalolatnomasining tartib raqami va sanasi Tanlab olingan namunaning miqdori (litr) Sinovdan keyin korxonaga qaytarilgan miqdori (litr) Qabul qilib olgan shaxsning familiyasi, ismi, otasining ismi, imzosi va sana Qoldiq miqdor (litr) Qoldiq miqdorni qabul qilib olgan shaxsning familiyasi, ismi, otasining ismi, imzosi va sana 1. 2. 3. 4. 5.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 19-fevral,

97-son

(Qonun hujjatlari maʼlumotlari milliy bazasi, 20.02.2020-y., 09/20/97/2020-son; Qonunchilik maʼlumotlari milliy bazasi, 05.04.2022-y., 09/22/153/0266-son; 30.01.2025-y., 09/25/45/0084-son)

lex.uz