📅 2020-yil 27-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 февраля 2020 г. · Постановления Президента
Официальный текст. Официальный документ. Редакционные примечания не включены.
📅 27 February 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Педагогик таълим соҳасини янада ривожлантириш чора-тадбирлари тўғрисида
Мамлакатимизда таълим-тарбия тизимини янги босқичга кўтариш, педагог кадрлар тайёрлаш сифатини илғор халқаро стандартлар асосида такомиллаштириш ва олий педагогик таълим билан қамров даражасини ошириш борасида изчил чора-тадбирлар амалга ошириб келинмоқда.
Жумладан, мактабгача таълим қамровининг ошиши, 11 йиллик умумий ўрта таълим тизимининг жорий қилиниши ҳамда олий маълумотли кадрлар тайёрлаш кўламининг кенгайиши муносабати билан юқори малакали мутахассисларга нисбатан юзага келаётган эҳтиёжни ўз вақтида таъминлаш мақсадида сўнгги йилларда педагог кадрлар тайёрлашга ихтисослашган 1 та хорижий ва 4 та маҳаллий олий таълим муассасаси фаолияти йўлга қўйилди, мазкур таълим соҳаси бўйича хорижий давлатлар билан қўшма таълим дастурлари ташкил этилди.
Шу билан бирга, ижтимоий соҳа ва иқтисодиёт тармоқлари учун юқори малакали кадрлар етказиб бериш борасида ўтказилган таҳлил натижалари аввало таълим соҳаси учун кадрлар тайёрлаш сифатига эътиборни кучайтириш, соҳада илғор хорижий тажрибани кенг жорий этиш, педагогик таълим инфратузилмасини яхшилаш зарурлигини кўрсатмоқда.
Педагогик таълим соҳасини янада такомиллаштириш, замонавий билим ва педагогик технологияларни қўллаш кўникмаларига эга, мамлакатимизни ижтимоий-иқтисодий ривожлантиришда муносиб ҳисса қўшувчи юқори малакали мутахассислар тайёрлаш учун профессионал педагог кадрлар етказиб бериш, соҳага илғор таълим технологияларини жорий қилиш, шунингдек, Ўзбекистон Республикаси Президентининг 2020 йил 24 январдаги Олий Мажлисга Мурожаатномасида белгиланган вазифаларни амалга ошириш мақсадида:
1. Қуйидагилар педагогика таълим соҳасини ривожлантиришнинг устувор йўналишлари этиб белгилансин:
тарбия ва ўқитиш усуллари, ахборот-коммуникация технологиялари ҳамда хорижий тилларни пухта ўзлаштирган, таълим жараёнида замонавий педагогик технологияларни қўллаш кўникмаларига эга профессионал педагог кадрлар тайёрлаш;
педагогик касбга қизиқиши юқори бўлган ёшларни аниқлаш ҳамда уларни мақсадли тайёрлаб ва тарбиялаб боришнинг узлуксиз тизимини жорий қилиш;
педагогик таълим соҳасининг таълим йўналишлари ва мутахассисликлари бўйича ўқув режа ва дастурларини илғор хорижий тажриба асосида такомиллаштириш, инновацион ўқув-меъёрий ва таълим ресурсларини яратиш ҳамда амалиётга жорий этиш;
соҳада таълим, илм-фан ва ишлаб чиқариш уйғунлигини таъминлаш орқали таълим сифатини яхшилаш, рақобатбардош кадрлар тайёрлаш, илмий ва инновацион фаолиятни самарали ташкил этиш;
педагог кадрлар буюртмачилари эҳтиёж ва талабларини мунтазам ўрганиб бориш, улар билан ўзаро ҳамкорликни ривожлантириш ҳамда педагог кадрлар тайёрлашнинг илмий асосланган истиқболли режаларини белгилаш ва уларни амалга ошириш;
олий педагогик таълимга рақамли технологияларни жорий этиш, замонавий ахборот-коммуникация ва таълим технологияларининг мустаҳкам интеграциясини таъминлаш пировардида педагог кадрларнинг касбий маҳоратини узлуксиз ривожлантириб бориш учун қўшимча шароитлар яратиш;
педагог кадрлар тайёрловчи олий таълим муассасаларини тизимли ривожлантириш ва уларда бошқарув фаолиятини такомиллаштириш;
педагогик таълим инфратузилмасини яхшилаш, соҳадаги халқаро ҳамкорликни янада кенгайтириш;
юксак маданиятли, амалий касбий кўникмага эга, тарбия, ўқитиш методлари ва баҳолаш мезонларини пухта эгаллаган замонавий педагог кадрларни шакллантириш жараёнлари самарадорлигини ошириш.
2. Ўзбекистон Республикаси Олий ва ўрта махсус таълим вазирлиги, Халқ таълими вазирлиги ҳамда Вазирлар Маҳкамаси ҳузуридаги Таълим сифатини назорат қилиш давлат инспекциясининг ўқув дастурлари ҳажмини инобатга олган ҳолда олий маълумотли педагог мутахассислар тайёрлаш жараёнини оптималлаштириш мақсадида педагогик таълим соҳасининг айрим таълим йўналишлари бўйича кадрлар тайёрлашни ўқиш муддати 3 йил бўлган бакалавриат таълим дастурлари доирасида амалга ошириш тўғрисидаги таклифига розилик берилсин.
3. 2020/2021 ўқув йилидан бошлаб кадрлар тайёрлаш ўқиш муддати 3 йил бўлган бакалавриат таълим дастурлари асосида амалга ошириладиган педагогик таълим соҳасининг айрим бакалавриат таълим йўналишлари рўйхати иловага мувофиқ тасдиқлансин.
4. Барча таълим муассасаларига замонавий билим ва юксак маънавий-ахлоқий фазилатларга эга, мустақил фикрлайдиган ёшларни тарбиялашга қодир бўлган профессионал педагог кадрларни етказиб бериш мақсадида Ўзбекистон Республикаси Вазирлар Маҳкамаси ҳузуридаги Давлат тест маркази, Олий ва ўрта махсус таълим вазирлиги, Халқ таълими вазирлиги, Мактабгача таълим вазирлиги:
2020 йил 1 апрелга қадар педагогика таълим соҳасининг бакалавриат таълим йўналишларига ўқишга қабул қилиш жараёнида абитуриентларнинг педагоглик касбига лаёқати даражасини аниқлаш механизмлари бўйича таклифлар ишлаб чиқсин ҳамда Ўзбекистон Республикаси Ягона интерактив давлат хизматлари портали, шунингдек, оммавий ахборот воситалари ва Интернет жаҳон ахборот тармоғи орқали кенг жамоатчилик муҳокамаси ўтказилишини таъминласин;
2020 йил 20 апрелга қадар ишлаб чиқилган абитуриентларнинг педагоглик касбига лаёқати даражасини аниқлаш механизмлари бўйича муҳокама натижалари юзасидан Ўзбекистон Республикаси Вазирлар Маҳкамасига асослантирилган таклифлар киритсин.
5. Ҳудудларда педагогик таълим инфратузилмасини яхшилаш, таълим соҳаси учун мутахассис тайёрловчи олий таълим муассасаларини тизимли ривожлантириш ва бошқарув фаолиятини такомиллаштириш мақсадида:
Самарқанд давлат университети педагогика таълим соҳасининг бакалавриат таълим йўналишлари ва магистратура мутахассисликлари негизида Самарқанд давлат университетининг Педагогика институти;
Андижон давлат университети педагогика таълим соҳасининг бакалавриат таълим йўналишлари ва магистратура мутахассисликлари негизида Андижон давлат университетининг Педагогика институти;
Бухоро давлат университети педагогика таълим соҳасининг бакалавриат таълим йўналишлари ва магистратура мутахассисликлари негизида Бухоро давлат университетининг Педагогика институти;
Тошкент давлат педагогика университетининг Термиз филиали ҳамда Термиз давлат университети педагогика таълим соҳасининг бакалавриат таълим йўналишлари ва магистратура мутахассисликлари негизида Термиз давлат университетининг Педагогика институти;
Тошкент давлат педагогика университетининг Шаҳрисабз филиали ҳамда Қарши давлат университети педагогика таълим соҳасининг бакалавриат таълим йўналишлари ва магистратура мутахассисликлари негизида Қарши давлат университетининг Педагогика институти ташкил этилсин.
6. Белгилаб қўйилсинки, мазкур қарорнинг 5-бандида ташкил этилиши назарда тутилган педагогика институтлари:
фаолиятини молиялаштириш 2020 йил учун Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Ўзбекистон Республикаси Олий ва ўрта махсус таълим вазирлигига ажратиладиган маблағлар доирасида, етмаган қисми олий таълим муассасаларининг ўз маблағлари ҳисобидан амалга оширилади;
мақоми бўйича маҳаллий олий таълим муассасаси филиалига тенглаштирилади.
7. Ўзбекистон Республикаси Вазирлар Маҳкамаси:
икки ой муддатда мазкур қарорнинг 5-бандида назарда тутилган педагогика институтлари фаолиятини ташкил этиш;
уч ой муддатда Қўқон давлат педагогика институти ва Тошкент вилояти Чирчиқ давлат педагогика институти фаолиятини тубдан такомиллаштириш тўғрисидаги Ҳукумат қарорларини қабул қилсин.
8. Тошкент давлат педагогика университетига мунтазам илмий-педагогик фаолият билан машғул бўлган, юқори малакали, тегишли соҳада чуқур касбий билим ва ютуқларга эришган ходимларга педагогика ва ўқитиш методикаси ихтисосликлари бўйича доцент ва профессор илмий унвонлари бериш ҳуқуқи берилсин.
9. 2020/2021 ўқув йилидан бошлаб:
а) қуйидаги механизмлар жорий этилсин:
тегишли ҳудудда 5 йил ишлаб бериш мажбурияти билан халқ таълими ва мактабгача таълим соҳаларида олий маълумотли педагог кадрларга эҳтиёж юқори бўлган ҳудудлар бўйича давлат буюртмаси параметрларининг давлат гранти асосида ўқишга қабул кўрсаткичлари доирасида мақсадли қабул параметрларини шакллантириш;
тегишли ҳудуддаги олий таълим муассасасида 5 йил ишлаб бериш мажбурияти билан олий таълим соҳасида профессионал педагог кадрларга эҳтиёж юқори бўлган ҳудудлар бўйича салоҳиятли олий таълим муассасалари магистратурасига давлат буюртмаси параметрларининг давлат гранти асосида ўқишга қабул кўрсаткичлари доирасида мақсадли қабул параметрларини шакллантириш;
б) Ўзбекистон Республикаси Халқ таълими вазирлиги, Мактабгача таълим вазирлиги, Олий ва ўрта махсус таълим вазирлиги ҳамда Фанлар академияси ўқишга мақсадли қабул қилинган талабалар билан тегишли қабул йилининг 1 декабрь кунига қадар мазкур банднинг «а» кичик бандида назарда тутилган мажбуриятларни акс эттирган шартномалар расмийлаштирилишини таъминласин;
в) дастлабки босқичда Тошкент давлат педагогика университетида ўқув жараёни ўқув режа ва дастурлар такомиллаштирилган ҳолда таълимнинг кредит-модуль тизими асосида ташкил этилсин.
2021/2022 ўқув йилидан бошлаб педагогик фаолиятда умумтаълим фанлари муҳим ўрин тутишини инобатга олган ҳолда алоҳида иқтидор талаб этиладиган педагогика таълим соҳасининг бакалавриат таълим йўналишларига ўқишга қабул қилиш учун касбий (ижодий) имтиҳонлар билан биргаликда мажбурий учта — она тили (ўзбек, рус ёки қорақалпоқ тили), математика ва Ўзбекистон тарихи фанлари бўйича тест синовлари топшириш тартиби жорий қилинсин. Бунда, қоида тариқасида, мажбурий учта фан бўйича тест синовлари касбий (ижодий) имтиҳонлар натижалари эълон қилинганидан сўнг ўтказилиши белгилаб қўйилсин.
10. Ўзбекистон Республикаси Олий ва ўрта махсус таълим вазирлиги:
Ўзбекистон Республикаси Молия вазирлиги билан биргаликда икки ой муддатда Тошкент давлат педагогика университети ҳузуридаги Республика илмий-педагогика кутубхонаси фаолиятини такомиллаштириш, моддий-техник базасини яхшилаш мақсадида унинг негизида Республика педагогик таълим ресурс марказини ташкил этиш бўйича Вазирлар Маҳкамасига таклиф киритсин;
Ўзбекистон Республикаси Халқ таълими вазирлиги билан биргаликда олий таълим муассасаларининг таклифлари асосида 2020/2021 ўқув йилидан бошлаб умумий ўрта таълим мактабларини олий маълумотли педагог кадрлар билан тўлиқ таъминлаш мақсадида мазмун жиҳатидан ўқув дастурлари ўзаро яқин бўлган бакалавриат таълим йўналишлари бўйича асосий ва қўшимча мутахассислик (квалификация) бериш тизимини йўлга қўйсин.
11. Ўзбекистон Республикаси Халқ таълими вазирлиги Олий ва ўрта махсус таълим вазирлиги билан биргаликда педагогик амалиёт даврида талабаларга дарс беришлари учун барча зарурий шарт-шароитлар яратилишини таъминласин.
12. Ўзбекистон Республикаси Олий ва ўрта махсус таълим вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарор ижроси қуйидаги тартибда амалга оширилсин:
Ўзбекистон Республикаси олий ва ўрта махсус таълим вазири И.У. Маджидов — ташкил этилаётган педагогика институтлари фаолиятини йўлга қўйиш бўйича зарурий чоралар кўрсин, барча олий таълим муассасаларидаги педагогика таълим соҳасининг бакалавриат таълим йўналишлари ва магистратура мутахассисликларида ўқув жараёнини таълимнинг кредит-модуль тизими асосида йўлга қўйилиши ҳамда ўқув дастурлари ўзаро яқин бўлган бакалавриат таълим йўналишлари бўйича асосий ва қўшимча мутахассислик (квалификация) бериш тизими жорий этилишини таъминласин, мазкур қарорда белгиланган вазифаларни амалга оширишда масъул вазирлик ва идораларга услубий ва амалий ёрдам кўрсатсин;
Андижон вилояти ҳокими Ш.Қ. Абдурахмонов, Бухоро вилояти ҳокими Ў.И. Барноев, Қашқадарё вилояти ҳокими З.Т. Мирзаев, Самарқанд вилояти ҳокими Э.О. Турдимов, Сурхондарё вилояти ҳокими Т.А. Боболов — ҳудудларда ташкил этилаётган педагогика институтлари фаолиятини тўлақонли йўлга қўйишда ҳар томонлама кўмаклашсинлар;
масъул вазирлик ва идоралар раҳбарлари — мазкур қарорда назарда тутилган тадбирларни ўз вақтида, сифатли ва тўлиқ бажариш юзасидан зарур чоралар кўрсинлар;
Ўзбекистон Миллий ахборот агентлиги бош директори А.К. Кўчимов, Ўзбекистон Миллий телерадиокомпанияси раиси в.б. А.Д. Хаджаев — ушбу қарорнинг мазмун-моҳияти ва амалий аҳамиятини ёритишга оид мақолалар, брифинглар, пресс-конференциялар, тематик телекўрсатувлар ташкил этсинлар.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2020 йил 27 февралдаги ПҚ-4623-сон қарорига ИЛОВА
2020/2021 ўқув йилидан бошлаб кадрлар тайёрлаш ўқиш муддати 3 йил бўлган бакалавриат таълим дастурлари асосида амалга ошириладиган педагогик таълим соҳасининг айрим бакалавриат таълим йўналишлари
Т/р Таълим йўналиши номи 1. Мусиқа таълими 2. Жисмоний маданият 3. Технологик таълим 4. Чақириққача ҳарбий таълим 5. Тасвирий санъат ва муҳандислик графикаси 6. Мактабгача ва бошланғич таълимда жисмоний тарбия ва спорт
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 27 февраль,
ПҚ-4623-сон
Oʻzbekiston Respublikasi Prezidentining
Qarori
ROʻYXATI
Pedagogik taʼlim sohasini yanada rivojlantirish chora-tadbirlari toʻgʻrisida
Mamlakatimizda taʼlim-tarbiya tizimini yangi bosqichga koʻtarish, pedagog kadrlar tayyorlash sifatini ilgʻor xalqaro standartlar asosida takomillashtirish va oliy pedagogik taʼlim bilan qamrov darajasini oshirish borasida izchil chora-tadbirlar amalga oshirib kelinmoqda.
Jumladan, maktabgacha taʼlim qamrovining oshishi, 11 yillik umumiy oʻrta taʼlim tizimining joriy qilinishi hamda oliy maʼlumotli kadrlar tayyorlash koʻlamining kengayishi munosabati bilan yuqori malakali mutaxassislarga nisbatan yuzaga kelayotgan ehtiyojni oʻz vaqtida taʼminlash maqsadida soʻnggi yillarda pedagog kadrlar tayyorlashga ixtisoslashgan 1 ta xorijiy va 4 ta mahalliy oliy taʼlim muassasasi faoliyati yoʻlga qoʻyildi, mazkur taʼlim sohasi boʻyicha xorijiy davlatlar bilan qoʻshma taʼlim dasturlari tashkil etildi.
Shu bilan birga, ijtimoiy soha va iqtisodiyot tarmoqlari uchun yuqori malakali kadrlar yetkazib berish borasida oʻtkazilgan tahlil natijalari avvalo taʼlim sohasi uchun kadrlar tayyorlash sifatiga eʼtiborni kuchaytirish, sohada ilgʻor xorijiy tajribani keng joriy etish, pedagogik taʼlim infratuzilmasini yaxshilash zarurligini koʻrsatmoqda.
Pedagogik taʼlim sohasini yanada takomillashtirish, zamonaviy bilim va pedagogik texnologiyalarni qoʻllash koʻnikmalariga ega, mamlakatimizni ijtimoiy-iqtisodiy rivojlantirishda munosib hissa qoʻshuvchi yuqori malakali mutaxassislar tayyorlash uchun professional pedagog kadrlar yetkazib berish, sohaga ilgʻor taʼlim texnologiyalarini joriy qilish, shuningdek, Oʻzbekiston Respublikasi Prezidentining 2020-yil 24-yanvardagi Oliy Majlisga Murojaatnomasida belgilangan vazifalarni amalga oshirish maqsadida:
1. Quyidagilar pedagogika taʼlim sohasini rivojlantirishning ustuvor yoʻnalishlari etib belgilansin:
tarbiya va oʻqitish usullari, axborot-kommunikatsiya texnologiyalari hamda xorijiy tillarni puxta oʻzlashtirgan, taʼlim jarayonida zamonaviy pedagogik texnologiyalarni qoʻllash koʻnikmalariga ega professional pedagog kadrlar tayyorlash;
pedagogik kasbga qiziqishi yuqori boʻlgan yoshlarni aniqlash hamda ularni maqsadli tayyorlab va tarbiyalab borishning uzluksiz tizimini joriy qilish;
pedagogik taʼlim sohasining taʼlim yoʻnalishlari va mutaxassisliklari boʻyicha oʻquv reja va dasturlarini ilgʻor xorijiy tajriba asosida takomillashtirish, innovatsion oʻquv-meʼyoriy va taʼlim resurslarini yaratish hamda amaliyotga joriy etish;
sohada taʼlim, ilm-fan va ishlab chiqarish uygʻunligini taʼminlash orqali taʼlim sifatini yaxshilash, raqobatbardosh kadrlar tayyorlash, ilmiy va innovatsion faoliyatni samarali tashkil etish;
pedagog kadrlar buyurtmachilari ehtiyoj va talablarini muntazam oʻrganib borish, ular bilan oʻzaro hamkorlikni rivojlantirish hamda pedagog kadrlar tayyorlashning ilmiy asoslangan istiqbolli rejalarini belgilash va ularni amalga oshirish;
oliy pedagogik taʼlimga raqamli texnologiyalarni joriy etish, zamonaviy axborot-kommunikatsiya va taʼlim texnologiyalarining mustahkam integratsiyasini taʼminlash pirovardida pedagog kadrlarning kasbiy mahoratini uzluksiz rivojlantirib borish uchun qoʻshimcha sharoitlar yaratish;
pedagog kadrlar tayyorlovchi oliy taʼlim muassasalarini tizimli rivojlantirish va ularda boshqaruv faoliyatini takomillashtirish;
pedagogik taʼlim infratuzilmasini yaxshilash, sohadagi xalqaro hamkorlikni yanada kengaytirish;
yuksak madaniyatli, amaliy kasbiy koʻnikmaga ega, tarbiya, oʻqitish metodlari va baholash mezonlarini puxta egallagan zamonaviy pedagog kadrlarni shakllantirish jarayonlari samaradorligini oshirish.
2. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi hamda Vazirlar Mahkamasi huzuridagi Taʼlim sifatini nazorat qilish davlat inspeksiyasining oʻquv dasturlari hajmini inobatga olgan holda oliy maʼlumotli pedagog mutaxassislar tayyorlash jarayonini optimallashtirish maqsadida pedagogik taʼlim sohasining ayrim taʼlim yoʻnalishlari boʻyicha kadrlar tayyorlashni oʻqish muddati 3 yil boʻlgan bakalavriat taʼlim dasturlari doirasida amalga oshirish toʻgʻrisidagi taklifiga rozilik berilsin.
3. 2020/2021 oʻquv yilidan boshlab kadrlar tayyorlash oʻqish muddati 3 yil boʻlgan bakalavriat taʼlim dasturlari asosida amalga oshiriladigan pedagogik taʼlim sohasining ayrim bakalavriat taʼlim yoʻnalishlari roʻyxati ilovaga muvofiq tasdiqlansin.
4. Barcha taʼlim muassasalariga zamonaviy bilim va yuksak maʼnaviy-axloqiy fazilatlarga ega, mustaqil fikrlaydigan yoshlarni tarbiyalashga qodir boʻlgan professional pedagog kadrlarni yetkazib berish maqsadida Oʻzbekiston Respublikasi Vazirlar Mahkamasi huzuridagi Davlat test markazi, Oliy va oʻrta maxsus taʼlim vazirligi, Xalq taʼlimi vazirligi, Maktabgacha taʼlim vazirligi:
2020-yil 1-aprelga qadar pedagogika taʼlim sohasining bakalavriat taʼlim yoʻnalishlariga oʻqishga qabul qilish jarayonida abituriyentlarning pedagoglik kasbiga layoqati darajasini aniqlash mexanizmlari boʻyicha takliflar ishlab chiqsin hamda Oʻzbekiston Respublikasi Yagona interaktiv davlat xizmatlari portali, shuningdek, ommaviy axborot vositalari va Internet jahon axborot tarmogʻi orqali keng jamoatchilik muhokamasi oʻtkazilishini taʼminlasin;
2020-yil 20-aprelga qadar ishlab chiqilgan abituriyentlarning pedagoglik kasbiga layoqati darajasini aniqlash mexanizmlari boʻyicha muhokama natijalari yuzasidan Oʻzbekiston Respublikasi Vazirlar Mahkamasiga asoslantirilgan takliflar kiritsin.
5. Hududlarda pedagogik taʼlim infratuzilmasini yaxshilash, taʼlim sohasi uchun mutaxassis tayyorlovchi oliy taʼlim muassasalarini tizimli rivojlantirish va boshqaruv faoliyatini takomillashtirish maqsadida:
Samarqand davlat universiteti pedagogika taʼlim sohasining bakalavriat taʼlim yoʻnalishlari va magistratura mutaxassisliklari negizida Samarqand davlat universitetining Pedagogika instituti;
Andijon davlat universiteti pedagogika taʼlim sohasining bakalavriat taʼlim yoʻnalishlari va magistratura mutaxassisliklari negizida Andijon davlat universitetining Pedagogika instituti;
Buxoro davlat universiteti pedagogika taʼlim sohasining bakalavriat taʼlim yoʻnalishlari va magistratura mutaxassisliklari negizida Buxoro davlat universitetining Pedagogika instituti;
Toshkent davlat pedagogika universitetining Termiz filiali hamda Termiz davlat universiteti pedagogika taʼlim sohasining bakalavriat taʼlim yoʻnalishlari va magistratura mutaxassisliklari negizida Termiz davlat universitetining Pedagogika instituti;
Toshkent davlat pedagogika universitetining Shahrisabz filiali hamda Qarshi davlat universiteti pedagogika taʼlim sohasining bakalavriat taʼlim yoʻnalishlari va magistratura mutaxassisliklari negizida Qarshi davlat universitetining Pedagogika instituti tashkil etilsin.
6. Belgilab qoʻyilsinki, mazkur qarorning 5-bandida tashkil etilishi nazarda tutilgan pedagogika institutlari:
faoliyatini moliyalashtirish 2020-yil uchun Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Oʻzbekiston Respublikasi Oliy va oʻrta maxsus taʼlim vazirligiga ajratiladigan mablagʻlar doirasida, yetmagan qismi oliy taʼlim muassasalarining oʻz mablagʻlari hisobidan amalga oshiriladi;
maqomi boʻyicha mahalliy oliy taʼlim muassasasi filialiga tenglashtiriladi.
7. Oʻzbekiston Respublikasi Vazirlar Mahkamasi:
ikki oy muddatda mazkur qarorning 5-bandida nazarda tutilgan pedagogika institutlari faoliyatini tashkil etish;
uch oy muddatda Qoʻqon davlat pedagogika instituti va Toshkent viloyati Chirchiq davlat pedagogika instituti faoliyatini tubdan takomillashtirish toʻgʻrisidagi Hukumat qarorlarini qabul qilsin.
8. Toshkent davlat pedagogika universitetiga muntazam ilmiy-pedagogik faoliyat bilan mashgʻul boʻlgan, yuqori malakali, tegishli sohada chuqur kasbiy bilim va yutuqlarga erishgan xodimlarga pedagogika va oʻqitish metodikasi ixtisosliklari boʻyicha dotsent va professor ilmiy unvonlari berish huquqi berilsin.
9. 2020/2021 oʻquv yilidan boshlab:
a) quyidagi mexanizmlar joriy etilsin:
tegishli hududda 5 yil ishlab berish majburiyati bilan xalq taʼlimi va maktabgacha taʼlim sohalarida oliy maʼlumotli pedagog kadrlarga ehtiyoj yuqori boʻlgan hududlar boʻyicha davlat buyurtmasi parametrlarining davlat granti asosida oʻqishga qabul koʻrsatkichlari doirasida maqsadli qabul parametrlarini shakllantirish;
tegishli hududdagi oliy taʼlim muassasasida 5 yil ishlab berish majburiyati bilan oliy taʼlim sohasida professional pedagog kadrlarga ehtiyoj yuqori boʻlgan hududlar boʻyicha salohiyatli oliy taʼlim muassasalari magistraturasiga davlat buyurtmasi parametrlarining davlat granti asosida oʻqishga qabul koʻrsatkichlari doirasida maqsadli qabul parametrlarini shakllantirish;
b) Oʻzbekiston Respublikasi Xalq taʼlimi vazirligi, Maktabgacha taʼlim vazirligi, Oliy va oʻrta maxsus taʼlim vazirligi hamda Fanlar akademiyasi oʻqishga maqsadli qabul qilingan talabalar bilan tegishli qabul yilining 1-dekabr kuniga qadar mazkur bandning “a” kichik bandida nazarda tutilgan majburiyatlarni aks ettirgan shartnomalar rasmiylashtirilishini taʼminlasin;
v) dastlabki bosqichda Toshkent davlat pedagogika universitetida oʻquv jarayoni oʻquv reja va dasturlar takomillashtirilgan holda taʼlimning kredit-modul tizimi asosida tashkil etilsin.
2021/2022 oʻquv yilidan boshlab pedagogik faoliyatda umumtaʼlim fanlari muhim oʻrin tutishini inobatga olgan holda alohida iqtidor talab etiladigan pedagogika taʼlim sohasining bakalavriat taʼlim yoʻnalishlariga oʻqishga qabul qilish uchun kasbiy (ijodiy) imtihonlar bilan birgalikda majburiy uchta — ona tili (oʻzbek, rus yoki qoraqalpoq tili), matematika va Oʻzbekiston tarixi fanlari boʻyicha test sinovlari topshirish tartibi joriy qilinsin. Bunda, qoida tariqasida, majburiy uchta fan boʻyicha test sinovlari kasbiy (ijodiy) imtihonlar natijalari eʼlon qilinganidan soʻng oʻtkazilishi belgilab qoʻyilsin.
10. Oʻzbekiston Respublikasi Oliy va oʻrta maxsus taʼlim vazirligi:
Oʻzbekiston Respublikasi Moliya vazirligi bilan birgalikda ikki oy muddatda Toshkent davlat pedagogika universiteti huzuridagi Respublika ilmiy-pedagogika kutubxonasi faoliyatini takomillashtirish, moddiy-texnik bazasini yaxshilash maqsadida uning negizida Respublika pedagogik taʼlim resurs markazini tashkil etish boʻyicha Vazirlar Mahkamasiga taklif kiritsin;
Oʻzbekiston Respublikasi Xalq taʼlimi vazirligi bilan birgalikda oliy taʼlim muassasalarining takliflari asosida 2020/2021 oʻquv yilidan boshlab umumiy oʻrta taʼlim maktablarini oliy maʼlumotli pedagog kadrlar bilan toʻliq taʼminlash maqsadida mazmun jihatidan oʻquv dasturlari oʻzaro yaqin boʻlgan bakalavriat taʼlim yoʻnalishlari boʻyicha asosiy va qoʻshimcha mutaxassislik (kvalifikatsiya) berish tizimini yoʻlga qoʻysin.
11. Oʻzbekiston Respublikasi Xalq taʼlimi vazirligi Oliy va oʻrta maxsus taʼlim vazirligi bilan birgalikda pedagogik amaliyot davrida talabalarga dars berishlari uchun barcha zaruriy shart-sharoitlar yaratilishini taʼminlasin.
12. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qaror ijrosi quyidagi tartibda amalga oshirilsin:
Oʻzbekiston Respublikasi oliy va oʻrta maxsus taʼlim vaziri I.U. Madjidov — tashkil etilayotgan pedagogika institutlari faoliyatini yoʻlga qoʻyish boʻyicha zaruriy choralar koʻrsin, barcha oliy taʼlim muassasalaridagi pedagogika taʼlim sohasining bakalavriat taʼlim yoʻnalishlari va magistratura mutaxassisliklarida oʻquv jarayonini taʼlimning kredit-modul tizimi asosida yoʻlga qoʻyilishi hamda oʻquv dasturlari oʻzaro yaqin boʻlgan bakalavriat taʼlim yoʻnalishlari boʻyicha asosiy va qoʻshimcha mutaxassislik (kvalifikatsiya) berish tizimi joriy etilishini taʼminlasin, mazkur qarorda belgilangan vazifalarni amalga oshirishda masʼul vazirlik va idoralarga uslubiy va amaliy yordam koʻrsatsin;
Andijon viloyati hokimi Sh.Q. Abduraxmonov, Buxoro viloyati hokimi Oʻ.I. Barnoyev, Qashqadaryo viloyati hokimi Z.T. Mirzayev, Samarqand viloyati hokimi E.O. Turdimov, Surxondaryo viloyati hokimi T.A. Bobolov — hududlarda tashkil etilayotgan pedagogika institutlari faoliyatini toʻlaqonli yoʻlga qoʻyishda har tomonlama koʻmaklashsinlar;
masʼul vazirlik va idoralar rahbarlari — mazkur qarorda nazarda tutilgan tadbirlarni oʻz vaqtida, sifatli va toʻliq bajarish yuzasidan zarur choralar koʻrsinlar;
Oʻzbekiston Milliy axborot agentligi bosh direktori A.K. Koʻchimov, Oʻzbekiston Milliy teleradiokompaniyasi raisi v.b. A.D. Xadjayev — ushbu qarorning mazmun-mohiyati va amaliy ahamiyatini yoritishga oid maqolalar, brifinglar, press-konferensiyalar, tematik telekoʻrsatuvlar tashkil etsinlar.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2020-yil 27-fevraldagi PQ-4623-son qaroriga ILOVA
2020/2021 oʻquv yilidan boshlab kadrlar tayyorlash oʻqish muddati 3 yil boʻlgan bakalavriat taʼlim dasturlari asosida amalga oshiriladigan pedagogik taʼlim sohasining ayrim bakalavriat taʼlim yoʻnalishlari
T/r Taʼlim yoʻnalishi nomi 1. Musiqa taʼlimi 2. Jismoniy madaniyat 3. Texnologik taʼlim 4. Chaqiriqqacha harbiy taʼlim 5. Tasviriy sanʼat va muhandislik grafikasi 6. Maktabgacha va boshlangʻich taʼlimda jismoniy tarbiya va sport
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 27-fevral,
PQ-4623-son
Президента Республики Узбекистан
Постановление
ПЕРЕЧЕНЬ
О мерах по дальнейшему развитию сферы педагогического образования
В стране реализуются последовательные меры по поднятию на новый этап системы образования и воспитания, совершенствованию качества подготовки педагогических кадров на основе передовых международных стандартов, а также повышению уровня охвата высшим педагогическим образованием.
В частности, в целях своевременного удовлетворения потребности в высококвалифицированных специалистах, возникшей в результате расширения охвата дошкольным образованием, внедрения системы 11-летнего общего среднего образования и расширения масштаба подготовки кадров с высшим образованием в последние годы налажена деятельность 1 зарубежного и 4 отечественных высших образовательных учреждений, специализированных на подготовке педагогических кадров, а также организованы совместные образовательные программы с зарубежными государствами в данной сфере образования.
Вместе с тем результаты проведенного анализа обеспечения высококвалифицированными кадрами социальной сферы и отраслей экономики показывают прежде всего необходимость усиления внимания к качеству подготовки кадров для сферы образования, широкого внедрения передового зарубежного опыта в данную сферу, улучшения инфраструктуры педагогического образования.
В целях дальнейшего совершенствования сферы педагогического образования, обеспечения профессиональными педагогическими кадрами для подготовки высококвалифицированных специалистов, обладающих современными знаниями и навыками применения педагогических технологий, вносящих достойный вклад в социально-экономическое развитие страны, внедрения передовых образовательных технологий в данную сферу, а также осуществления задач, определенных в Послании Президента Республики Узбекистан Олий Мажлису от 24 января 2020 года:
1. Определить приоритетными направлениями развития сферы педагогического образования:
подготовку профессиональных педагогических кадров, прочно освоивших методы воспитания и обучения, информационно-коммуникационные технологии и иностранные языки, обладающих навыками применения современных педагогических технологий в образовательном процессе;
выявление молодежи, проявляющей повышенный интерес к педагогической профессии, а также внедрение непрерывной системы ее целевой подготовки и воспитания;
совершенствование учебных планов и программ по направлениям образования и специальностям сферы педагогического образования на основе передового зарубежного опыта, создание и внедрение в практику инновационных учебно-нормативных и образовательных ресурсов;
улучшение качества образования, подготовку конкурентоспособных кадров, эффективную организацию научной и инновационной деятельности путем обеспечения в сфере тесной взаимосвязи образования, науки и производства;
регулярное изучение запросов и требований заказчиков педагогических кадров, развитие взаимного сотрудничества с ними, а также определение и реализацию научно обоснованных перспективных планов подготовки педагогических кадров;
создание дополнительных условий для непрерывного развития профессионального мастерства педагогических кадров в результате внедрения цифровых технологий в высшее педагогическое образование и обеспечения прочной интеграции современных информационно-коммуникационных и образовательных технологий;
системное развитие и совершенствование управленческой деятельности в высших образовательных учреждениях по подготовке педагогических кадров;
улучшение инфраструктуры и дальнейшее расширение международного сотрудничества в сфере педагогического образования;
повышение эффективности процессов формирования современных педагогических кадров, обладающих высокой культурой, практическими профессиональными навыками, прочно освоивших методы воспитания и обучения, критерии оценки.
2. Согласиться с предложением Министерства высшего и среднего специального образования, Министерства народного образования и Государственной инспекции по контролю за качеством образования при Кабинете Министров Республики Узбекистан о подготовке кадров по некоторым направлениям сферы педагогического образования в рамках образовательных программ бакалавриата со сроком обучения 3 года в целях оптимизации процесса подготовки специалистов-педагогов с высшим образованием принимая во внимание объем учебных программ.
3. Утвердить Перечень некоторых направлений образования бакалавриата сферы педагогического образования, подготовка кадров в которых начиная с 2020/2021 учебного года осуществляется на основе образовательных программ бакалавриата со сроком обучения 3 года, согласно приложению .
4. Государственному центру тестирования при Кабинете Министров, Министерству высшего и среднего специального образования, Министерству народного образования, Министерству дошкольного образования Республики Узбекистан в целях обеспечения всех образовательных учреждений профессиональными педагогическими кадрами, способными воспитать самостоятельно мыслящую молодежь, обладающую современными знаниями и высокими духовно-нравственными качествами:
в срок до 1 апреля 2020 года разработать предложения по механизмам определения уровня склонности абитуриентов к педагогической профессии при приеме на учебу на направления образования бакалавриата сферы педагогического образования, а также обеспечить проведение их широкого общественного обсуждения посредством Единого портала интерактивных государственных услуг Республики Узбекистан, средств массовой информации и всемирной информационной сети Интернет;
в срок до 20 апреля 2020 года внести в Кабинет Министров Республики Узбекистан обоснованные предложения о результатах обсуждения механизмов определения уровня склонности абитуриентов к педагогической профессии.
5. В целях улучшения инфраструктуры педагогического образования в регионах, системного развития и совершенствования управленческой деятельности высших образовательных учреждений по подготовке специалистов для сферы образования создать:
Педагогический институт Самаркандского государственного университета на базе направлений образования бакалавриата и специальностей магистратуры сферы педагогического образования Самаркандского государственного университета;
Педагогический институт Андижанского государственного университета на базе направлений образования бакалавриата и специальностей магистратуры сферы педагогического образования Андижанского государственного университета;
Педагогический институт Бухарского государственного университета на базе направлений образования бакалавриата и специальностей магистратуры сферы педагогического образования Бухарского государственного университета;
Педагогический институт Термезского государственного университета на базе Термезского филиала Ташкентского государственного педагогического университета, а также направлений образования бакалавриата и специальностей магистратуры сферы педагогического образования Термезского государственного университета;
Педагогический институт Каршинского государственного университета на базе Шахрисабзского филиала Ташкентского государственного педагогического университета, а также направлений образования бакалавриата и специальностей магистратуры сферы педагогического образования Каршинского государственного университета.
6. Установить, что педагогические институты, образование которых предусмотрено пунктом 5 настоящего постановления:
финансируются в рамках средств, выделяемых Министерству высшего и среднего специального образования Республики Узбекистан на 2020 год как распределителю бюджетных средств первого уровня республиканского бюджета Республики Узбекистан, недостающая часть — за счет собственных средств высших образовательных учреждений;
по статусу приравниваются к филиалу отечественного высшего образовательного учреждения.
7. Кабинету Министров Республики Узбекистан принять правительственные решения:
в двухмесячный срок по организации деятельности педагогических институтов, предусмотренных пунктом 5 настоящего постановления;
в трехмесячный срок по кардинальному совершенствованию деятельности Кокандского государственного педагогического института и Чирчикского государственного педагогического института Ташкентской области.
8. Предоставить Ташкентскому государственному педагогическому университету право присвоения научных званий доцента и профессора по специализациям педагогики и методики преподавания высококвалифицированным работникам, ведущим непрерывную научно-педагогическую деятельность, обладающим глубокими профессиональными знаниями и достижениями в соответствующей сфере.
9. Начиная с 2020/2021 учебного года:
а) внедрить следующие механизмы:
формирования целевых параметров приема по регионам с высокой потребностью в педагогических кадрах с высшим образованием в сферах народного образования и дошкольного образования в рамках показателей приема на учебу на основе государственного гранта параметров государственного заказа с условием пятилетней отработки в соответствующем регионе;
формирования целевых параметров приема по регионам с высокой потребностью в профессиональных педагогических кадрах в сфере высшего образования в рамках показателей приема на учебу на основе государственного гранта параметров государственного заказа в магистратуру высших образовательных учреждений, обладающих высоким потенциалом, с условием пятилетней отработки в высшем образовательном учреждении соответствующего региона;
б) Министерству народного образования, Министерству дошкольного образования, Министерству высшего и среднего специального образования, а также Академии наук Республики Узбекистан в срок до 1 декабря соответствующего года приема обеспечить оформление со студентами, принятыми на учебу по целевым параметрам, договоров, отображающих обязательства, предусмотренные в подпункте «а» данного пункта;
в) организовать на первоначальном этапе учебный процесс в Ташкентском государственном педагогическом университете на основе кредитно-модульной системы образования с совершенствованием при этом учебных планов и программ.
Принимая во внимание важное значение общеобразовательных предметов в педагогической деятельности, внедрить начиная с 2021/2022 учебного года порядок сдачи наряду с профессиональными (творческими) экзаменами тестовых испытаний по трем обязательным предметам — родному языку (узбекскому, русскому или каракалпакскому языку), математике и истории Узбекистана для приема на учебу на направления образования бакалавриата сферы педагогического образования, требующих специальных навыков. При этом установить проведение тестовых испытаний по трем обязательным предметам, как правило, после объявления результатов профессиональных (творческих) экзаменов.
10. Министерству высшего и среднего специального образования Республики Узбекистан:
совместно с Министерством финансов в двухмесячный срок внести в Кабинет Министров Республики Узбекистан предложение о создании Республиканского педагогического образовательного ресурсного центра на базе Республиканской научно-педагогической библиотеки при Ташкентском государственном педагогическом университете в целях совершенствования деятельности и улучшения ее материально-технической базы;
совместно с Министерством народного образования Республики Узбекистан на основе предложений высших образовательных учреждений, начиная с 2020/2021 учебного года наладить систему выдачи базовой и дополнительной специальностей (квалификаций) по направлениям образования бакалавриата, учебные программы которых близки по содержанию, в целях полноценного обеспечения общеобразовательных средних школ педагогическими кадрами с высшим образованием.
11. Министерству народного образования совместно с Министерством высшего и среднего специального образования Республики Узбекистан обеспечить создание всех необходимых условий для преподавания студентами в период прохождения ими педагогической практики.
12. Министерству высшего и среднего специального образования совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Установить следующий порядок исполнения настоящего постановления:
министру высшего и среднего специального образования Республики Узбекистан И.У. Маджидову — принять необходимые меры по налаживанию деятельности создаваемых педагогических институтов, обеспечить налаживание учебного процесса по направлениям образования бакалавриата и специальностям магистратуры сферы педагогического образования всех высших образовательных учреждений на основе кредитно-модульной системы образования, а также внедрение системы выдачи базовой и дополнительной специальностей (квалификаций) по направлениям образования бакалавриата, учебные программы которых близки по содержанию, оказать методическую и практическую помощь ответственным министерствам и ведомствам в реализации задач, определенных в настоящем постановлении;
хокиму Андижанской области Ш.К. Абдурахмонову, хокиму Бухарской области У.И. Барноеву, хокиму Кашкадарьинской области З.Т. Мирзаеву, хокиму Самаркандской области Э.О. Турдимову, хокиму Сурхандарьинской области Т.А. Боболову — оказать всестороннее содействие в полноценном налаживании деятельности педагогических институтов, создаваемых в регионах;
руководителям ответственных министерств и ведомств — принять необходимые меры по своевременному, качественному и полноценному выполнению мероприятий, предусмотренных в настоящем постановлении;
генеральному директору Национального информационного агентства Узбекистана А.К. Кучимову, исполняющему обязанности председателя Национальной телерадиокомпании Узбекистана А.Д. Хаджаеву — организовать статьи, брифинги, пресс-конференции, тематические передачи по освещению сути и содержания, а также практического значения настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к постановлению Президента Республики Узбекистан от 27 февраля 2020 года № ПП-4623
некоторых направлений образования бакалавриата сферы педагогического образования, подготовка кадров в которых начиная с 2020/2021 учебного года осуществляется на основе образовательных программ бакалавриата со сроком обучения 3 года
№ Наименование направлений образования 1. Музыкальное образование 2. Физическая культура 3. Технологическое образование 4. Допризывное военное образование 5. Изобразительное искусство и инженерная графика 6. Физическое воспитание и спорт в дошкольном и начальном образовании
Президент Республики Узбекистан Ш. МИРЗИЁЕВ
г. Ташкент,
27 февраля 2020 г.,
№ ПП-4623