📅 2020-yil 29-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 февраля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 29 February 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Дипломатик ёки расмий паспорти эгалари бўлган Япония фуқароларига Ўзбекистон Республикасига визасиз кириш режимини либераллаштириш тўғрисида
Ўзбекистон Республикаси Президенти Ш. Мирзиёевнинг 2019 йил 17 — 20 декабрь кунлари Японияга расмий ташрифи давомида эришилган келишувларни самарали амалга ошириш, Ўзбекистон Республикаси ва Япония ўртасида ҳар томонлама ўзаро манфаатли алоқаларни янада мустаҳкамлаш, шунингдек, Япония фуқаролари учун амалдаги Ўзбекистон Республикасига визасиз кириш режимини янада либераллаштириш мақсадида Вазирлар Маҳкамаси қарор қилади:
1. Ўзбекистон Республикаси Ташқи ишлар вазирлиги ва Япониянинг Ўзбекистон Республикасидаги Элчихонаси ўртасида 2020 йил 1 мартдан паритет асосда дипломатик ёки расмий (Япония фуқаролари) паспорт эгалари бўлган Ўзбекистон ва Япония фуқароларига икки мамлакат худудига визасиз кириш тартибини жорий этишни назарда тутувчи ноталар алмашинуви амалга оширилгани маълумот учун қабул қилинсин.
2. 2020 йил 1 мартдан бошлаб паритет асосда Япония Ташқи ишлар вазирлиги томонидан берилган дипломатик ёки расмий паспорт эгалари бўлган Япония фуқаролари:
Ўзбекистон Республикасида дипломатик ёки консуллик фаолиятини амалга ошириш ҳамда Япония Ҳукуматининг вазифаларини бажариш билан боғлиқ бўлган, шу жумладан улар билан доимий яшайдиган оила аъзолари (турмуш ўртоғи ва вояга етмаган болалари) учун Ўзбекистон Республикасида бўлиш муддатига;
ушбу банднинг иккинчи хатбошисида назарда тутилгандан бошқа мақсадларда 90 кунгача Ўзбекистон Республикасига визасиз кириш тартиби белгилансин.
3. Ушбу қарорнинг 2-бандида назарда тутилган визасиз кириш тартиби, Ўзбекистон Республикасига меҳнат, касбий ва бошқа фаолиятни (шу жумладан, туризм ва мукофотланадиган спорт тадбирлари) амалга ошириш ёки доимий яшаш учун келадиган Япония фуқароларига нисбатан татбиқ этилмайди.
4. Ўзбекистон Республикаси Ташқи ишлар вазирлиги бир ой муддатда Япониянинг дипломатик, расмий ва умумфуқаролик паспортлари намуналари, шу жумладан, уларнинг батафсил тавсифи ва ҳимоя элементларини сўраб олсин.
5. Мазкур қарорнинг бажарилишини назорат қилиш Ўзбекистон Республикаси ташқи ишлар вазири А.Х. Камилов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 29 февраль,
115-сон
Oʻzbekiston Respublikasi Vazirlar Mahkamasining
qarori
Diplomatik yoki rasmiy pasporti egalari boʻlgan Yaponiya fuqarolariga Oʻzbekiston Respublikasiga vizasiz kirish rejimini liberallashtirish toʻgʻrisida
Oʻzbekiston Respublikasi Prezidenti Sh. Mirziyoyevning 2019-yil 17 — 20-dekabr kunlari Yaponiyaga rasmiy tashrifi davomida erishilgan kelishuvlarni samarali amalga oshirish, Oʻzbekiston Respublikasi va Yaponiya oʻrtasida har tomonlama oʻzaro manfaatli aloqalarni yanada mustahkamlash, shuningdek, Yaponiya fuqarolari uchun amaldagi Oʻzbekiston Respublikasiga vizasiz kirish rejimini yanada liberallashtirish maqsadida Vazirlar Mahkamasi qaror qiladi:
1. Oʻzbekiston Respublikasi Tashqi ishlar vazirligi va Yaponiyaning Oʻzbekiston Respublikasidagi Elchixonasi oʻrtasida 2020-yil 1-martdan paritet asosda diplomatik yoki rasmiy (Yaponiya fuqarolari) pasport egalari boʻlgan Oʻzbekiston va Yaponiya fuqarolariga ikki mamlakat xududiga vizasiz kirish tartibini joriy etishni nazarda tutuvchi notalar almashinuvi amalga oshirilgani maʼlumot uchun qabul qilinsin.
2. 2020-yil 1-martdan boshlab paritet asosda Yaponiya Tashqi ishlar vazirligi tomonidan berilgan diplomatik yoki rasmiy pasport egalari boʻlgan Yaponiya fuqarolari:
Oʻzbekiston Respublikasida diplomatik yoki konsullik faoliyatini amalga oshirish hamda Yaponiya Hukumatining vazifalarini bajarish bilan bogʻliq boʻlgan, shu jumladan ular bilan doimiy yashaydigan oila aʼzolari (turmush oʻrtogʻi va voyaga yetmagan bolalari) uchun Oʻzbekiston Respublikasida boʻlish muddatiga;
ushbu bandning ikkinchi xatboshisida nazarda tutilgandan boshqa maqsadlarda 90 kungacha Oʻzbekiston Respublikasiga vizasiz kirish tartibi belgilansin.
3. Ushbu qarorning 2-bandida nazarda tutilgan vizasiz kirish tartibi, Oʻzbekiston Respublikasiga mehnat, kasbiy va boshqa faoliyatni (shu jumladan, turizm va mukofotlanadigan sport tadbirlari) amalga oshirish yoki doimiy yashash uchun keladigan Yaponiya fuqarolariga nisbatan tatbiq etilmaydi.
4. Oʻzbekiston Respublikasi Tashqi ishlar vazirligi bir oy muddatda Yaponiyaning diplomatik, rasmiy va umumfuqarolik pasportlari namunalari, shu jumladan, ularning batafsil tavsifi va himoya elementlarini soʻrab olsin.
5. Mazkur qarorning bajarilishini nazorat qilish Oʻzbekiston Respublikasi tashqi ishlar vaziri A.X. Kamilov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 29-fevral,
115-son
Кабинета Министров Республики Узбекистан
Постановление
О либерализации безвизового режима въезда в Республику Узбекистан для граждан Японии — владельцев дипломатических или официальных паспортов
В целях эффективной реализации договоренностей, достигнутых в ходе официального визита Президента Республики Узбекистан Ш. Мирзиёева в Японию 17 — 20 декабря 2019 года, дальнейшего укрепления всесторонних взаимовыгодных отношений Республики Узбекистан с Японией, а также либерализации действующего безвизового режима въезда в Республику Узбекистан для граждан Японии Кабинет Министров постановляет:
1. Принять к сведению, что между Министерством иностранных дел Республики Узбекистан и Посольством Японии в Республике Узбекистан осуществлен обмен нотами, предусматривающими введение с 1 марта 2020 года на паритетной основе безвизового режима для граждан двух стран — владельцев дипломатических или официальных (для граждан Японии) паспортов.
2. Установить с 1 марта 2020 года на паритетной основе безвизовый режим въезда в Республику Узбекистан для граждан Японии — владельцев дипломатических и официальных паспортов, выданных Министерством иностранных дел Японии:
на срок их пребывания в Республике Узбекистан, связанный с осуществлением дипломатической или консульской деятельности, а также выполнением задач Правительства Японии, включая членов их семей (супруг/супруга и несовершеннолетние дети), постоянно проживающих вместе с ними;
до 90 дней — для въезжающих в Республику Узбекистан в иных целях, не предусмотренных в абзаце втором настоящего пункта.
3. Определить, что безвизовый режим, предусмотренный пунктом 2 настоящего постановления, не распространяется на граждан Японии, въезжающих в Республику Узбекистан для осуществления трудовой, профессиональной или иной деятельности (в том числе туризм и вознаграждаемые спортивные мероприятия) либо на постоянное место жительства.
4. Министерству иностранных дел Республики Узбекистан в месячный срок запросить образцы дипломатических, официальных и общегражданских паспортов Японии, включая подробное их описание и защитные элементы.
5. Контроль за исполнением настоящего постановления возложить на министра иностранных дел Республики Узбекистан А.Х. Камилова.
Премьер-министр Республики Узбекистан А. АРИПОВ
г. Ташкент,
29 февраля 2020 г.,
№ 115