UzbekAI

Ўзбекистон Республикаси Президентининг

Қарори

ТАРКИБИ

2020 йилги Наврўз умумхалқ байрамига тайёргарлик кўриш ва уни ўтказиш тўғрисида

Халқимиз миллий юксалиш ва миллий тараққиётнинг янги босқичига қадам қўйган ҳозирги вақтда барча эзгу қадрият ва анъаналаримиз қатори Наврўз байрамининг ҳам ҳаётимиздаги ўрни ва аҳамияти тобора ортиб бормоқда.

Айниқса, ушбу қадимий байрамнинг руҳи ва фалсафасида мужассам бўлган яшариш ва янгиланиш, яхшилик ва бағрикенглик, табиатни асраб-авайлаб, доимо у билан уйғун бўлиб яшаш каби ўлмас ғоялар бугунги кунда мамлакатимизда амалга оширилаётган кенг кўламли ислоҳотларнинг асосий мақсади ва маъно-мазмунига ғоят ҳамоҳанг эканини таъкидлаш лозим.

Халқимиз асрлар давомида катта шоду хуррамлик билан нишонлаб келаётган, Бирлашган Миллатлар Ташкилоти томонидан халқаро байрам сифатида белгиланган Наврўзи оламнинг ана шундай беқиёс аҳамиятини ҳисобга олиб ҳамда бу айёмни янги Ўзбекистоннинг демократик қиёфаси, обрў-эътибори ва нуфузига ҳар томонлама муносиб тарзда ўтказиш мақсадида:

1. 2020 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита таркиби иловага мувофиқ тасдиқлансин.

Ташкилий қўмита Наврўз байрамини Тошкент шаҳрида, Қорақалпоғистон Республикаси ва вилоятлар марказларида, шунингдек, барча шаҳар ва туманлар, қишлоқ ва овулларда умумхалқ сайиллари шаклида юқори савияда нишонлаш бўйича «Наврўзинг — янги кун, янги давронинг муборак, жонажон Ўзбекистоним!» деган бош ғояни ўзида мужассам этган Наврўз умумхалқ байрамини ўтказиш концепцияси ва ташкилий-амалий, маданий-маънавий ҳамда тарғибот-ташвиқот ишлари дастурини бир ҳафта муддатда ишлаб чиқсин ва амалга оширсин.

2. Мазкур концепция ва дастурни тайёрлашда барча тадбирларни том маънода умумхалқ сайли ва шодиёнаси сифатида ўтказиш, уларда кенг халқ оммасининг фаол иштирок этишини таъминлаш мақсадида қуйидаги масалаларга алоҳида эътибор қаратилсин:

Наврўз кунларида инсон ва табиат ўртасидаги уйғунлик, она заминга меҳр ва эътибор яққол ўз ифодасини топишини кўрсатиб берадиган, атроф-муҳитни, унинг неъматларини асраб-авайлаш, бугунги тинч ҳаётни қадрлаб, шукроналик туйғуси билан яшашга даъват этадиган маънавий-маърифий тадбирларни уюштириш;

сўнгги йилларда мамлакатимизда амалга оширилаётган кенг кўламли демократик ислоҳотлар, халқимизнинг ҳаёти, қалби ва онгида юз бераётган ижобий ўзгаришларни Наврўзнинг азалий қадрият ва анъаналарига ҳамоҳанг тарзда, таъсирчан усулларда ифода этиш;

барча шаҳар ва қишлоқларда ташкил этиладиган байрам тадбирларида, оммавий ахборот воситаларида Наврўз байрамининг тарихи, ҳар бир ҳудуд аҳолиси ўртасида уни нишонлаш билан боғлиқ урф-одат ва анъаналарнинг моҳияти ва аҳамиятини кенг ёритиш;

халқимизга хос бўлган меҳр-мурувват, аҳиллик ва ҳамжиҳатлик фазилатлари асосида нуроний кексаларни ҳар томонлама эъзозлаш, кўмакка муҳтож инсонларга беғараз ёрдам бериш билан боғлиқ хайрия тадбирларини амалга ошириш;

юртимизда миллатлараро дўстлик ва тотувлик муҳитини мустаҳкамлаш бўйича амалга оширилаётган тизимли ишларнинг амалий натижалари, Ўзбекистон фуқароси бўлган турли миллат ва элат вакилларининг Наврўзни нишонлашга оид урф-одатлари, анъана ва қадриятларини кенг намойиш этиш;

ободлик ва фаровонлик рамзи бўлмиш Наврўз байрами арафасида шаҳар ва қишлоқларда, маҳаллаларда умумхалқ ҳашарлари, кенг қамровли ободончилик ва кўкаламзорлаштириш ишларини ташкил этиш;

тадбирлар бўлиб ўтадиган жойларда ҳунармандчилик кўргазмалари, китоб расталари, кўчма савдо дўконлари, кўклам таомларини тайёрлаш ва уларнинг савдосини ташкил қилиш.

3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

а) бир ҳафта муддатда қуйидагиларни назарда тутувчи Наврўз умумхалқ сайилларини ўтказиш бўйича чора-тадбирлар дастурларини ишлаб чиқсин ва тасдиқласин:

Наврўз умумхалқ сайиллари ўтказиладиган асосий майдонлар, хиёбонлар ва кўчаларни белгилаш, уларни миллий услубда байрамона безатиш ҳамда саҳналарни ўрнатиш;

жойларда бўлиб ўтадиган умумхалқ сайилларига маҳаллий фольклор гуруҳлари, бадиий ҳаваскорлик жамоалари, цирк санъати вакиллари, оилавий ансамбллар, бахшилар, шоирлар, шунингдек, профессионал ижрочилар ва истеъдодли эстрада артистларини кенг жалб этиш;

байрам тадбирлари доирасида ҳар бир ҳудудга хос бўлган халқ ўйинлари, томошалар, кўргазмалар ва мусобақаларни ўтказиш, баҳорий таомлар сотиладиган очиқ ошхоналарни жойлаштириш;

б) байрам дастурларини ва оммавий томошаларни тайёрлашда, кўчалар, хиёбонлар ва майдонларни безатишда катта маҳорат ва тажрибага эга бўлган сценарист ва режиссёрлар, ижодкорлар, композитор ва бастакорлар, балетмейстерлар, саҳна рассомлари, истеъдодли ёш ижрочилар, фольклор санъати вакилларидан иборат ижодий гуруҳларни кенг жалб этсин;

в) Ўзбекистон Республикаси Туризмни ривожлантириш давлат қўмитаси билан биргаликда Наврўз умумхалқ сайилларига хорижий ва маҳаллий туристларнинг ташрифини ташкил этиш мақсадида кенг тарғибот ва тайёргарлик ишларини амалга оширсин.

4. Белгилаб қўйилсинки, ўтказиладиган байрам тадбирлари:

Тошкент шаҳрида республика бюджети ва Тошкент шаҳар маҳаллий бюджети маблағлари ҳисобидан тенг улушларда;

Қорақалпоғистон Республикаси бюджети ва вилоятларда маҳаллий бюджетлар ҳисобидан қопланади.

5. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги ва бошқа оммавий ахборот воситаларига Наврўз умумхалқ байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.

6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.

Ўзбекистон Республикаси Президентининг 2020 йил 3 мартдаги ПҚ-4625-сон қарорига ИЛОВА

2020 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита

1. А.Н. Арипов — Ўзбекистон Республикасининг Бош вазири, ташкилий қўмита раиси 2. А.А. Абдувахитов — Ўзбекистон Республикаси Президентининг маслаҳатчиси 3. Х.М. Султонов — Ўзбекистон Республикаси Президентининг маслаҳатчиси — Спичрайтери 4. А.А. Абдуҳакимов — Ўзбекистон Республикаси Бош вазирининг ўринбосари Туризмни ривожлантириш давлат қўмитаси раиси, ташкилий қўмита раиси ўринбосари 5. Д.М. Саиджанов — Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директорининг биринчи ўринбосари 6. Ж.А. Артикходжаев — Тошкент шаҳар ҳокими, ташкилий қўмита раиси ўринбосари 7. О.А. Назарбеков — маданият вазири 8. Т.А. Ишметов — молия вазири 9. А.Х. Комилов — ташқи ишлар вазири 10. П.Р. Бобожонов — ички ишлар вазири 11. Б.Х. Ташматов — Миллий гвардия қўмондони 12. М.У. Маджидов — олий ва ўрта махсус таълим вазири 13. Ш.Х. Шерматов — халқ таълими вазири 14. А.В. Шин — мактабгача таълим вазири 15. Б.Н. Қурбонов — мудофаа вазири 16. А.Қ. Шадманов — соғлиқни сақлаш вазири 17. Р.Т. Маматов — маҳалла ва оилани қўллаб-қувватлаш вазири 18. Ш.М. Садиков — ахборот технологиялари ва коммуникацияларини ривожлантириш вазири 19. Р.Ж. Қурбанов — Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси раиси 20. А. Кўчимов — Ўзбекистон Миллий ахборот агентлиги бош директори 21. А.Ж. Хаджаев — Ўзбекистон Миллий телерадиокомпанияси раиси вазифасини бажарувчи 22. Ф.Ф. Абдухолиқов — «Ўзбеккино» Миллий агентлиги бош директори 23. А.В. Нуридинов — Ўзбекистон Бадиий академияси раиси 24. С.С. Саидов — Ўзбекистон Ёзувчилар уюшмаси раиси 25. М.М. Ходжиматов — Республика Маънавият ва маърифат маркази раҳбари 26. Р. Абдуллаев — Ўзбекистон Композиторлар ва бастакорлар уюшмаси раиси 27. А.М. Жумабоев — Ўзбекистон ёшлар иттифоқи Марказий Кенгаши раисининг биринчи ўринбосари 28. Лавозимига кўра — Вазирлар Маҳкамасининг Маҳалла, оила ва ёшларни қўллаб-қувватлаш, маданият, маънавият ва жамоат ташкилотлари масалалари котибияти мудири, ташкилий қўмита котиби 29. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 3 март,

ПҚ-4625-сон

(Қонун ҳужжатлари маълумотлари миллий базаси, 04.03.2020 й., 09/20/4625/0256-сон)

lex.uz

Oʻzbekiston Respublikasi Prezidentining

Qarori

TARKIBI

2020-yilgi Navroʻz umumxalq bayramiga tayyorgarlik koʻrish va uni oʻtkazish toʻgʻrisida

Xalqimiz milliy yuksalish va milliy taraqqiyotning yangi bosqichiga qadam qoʻygan hozirgi vaqtda barcha ezgu qadriyat va anʼanalarimiz qatori Navroʻz bayramining ham hayotimizdagi oʻrni va ahamiyati tobora ortib bormoqda.

Ayniqsa, ushbu qadimiy bayramning ruhi va falsafasida mujassam boʻlgan yasharish va yangilanish, yaxshilik va bagʻrikenglik, tabiatni asrab-avaylab, doimo u bilan uygʻun boʻlib yashash kabi oʻlmas gʻoyalar bugungi kunda mamlakatimizda amalga oshirilayotgan keng koʻlamli islohotlarning asosiy maqsadi va maʼno-mazmuniga gʻoyat hamohang ekanini taʼkidlash lozim.

Xalqimiz asrlar davomida katta shodu xurramlik bilan nishonlab kelayotgan, Birlashgan Millatlar Tashkiloti tomonidan xalqaro bayram sifatida belgilangan Navroʻzi olamning ana shunday beqiyos ahamiyatini hisobga olib hamda bu ayyomni yangi Oʻzbekistonning demokratik qiyofasi, obroʻ-eʼtibori va nufuziga har tomonlama munosib tarzda oʻtkazish maqsadida:

1. 2020-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita tarkibi ilovaga muvofiq tasdiqlansin.

Tashkiliy qoʻmita Navroʻz bayramini Toshkent shahrida, Qoraqalpogʻiston Respublikasi va viloyatlar markazlarida, shuningdek, barcha shahar va tumanlar, qishloq va ovullarda umumxalq sayillari shaklida yuqori saviyada nishonlash boʻyicha “Navroʻzing — yangi kun, yangi davroning muborak, jonajon Oʻzbekistonim!” degan bosh gʻoyani oʻzida mujassam etgan Navroʻz umumxalq bayramini oʻtkazish konsepsiyasi va tashkiliy-amaliy, madaniy-maʼnaviy hamda targʻibot-tashviqot ishlari dasturini bir hafta muddatda ishlab chiqsin va amalga oshirsin.

2. Mazkur konsepsiya va dasturni tayyorlashda barcha tadbirlarni tom maʼnoda umumxalq sayli va shodiyonasi sifatida oʻtkazish, ularda keng xalq ommasining faol ishtirok etishini taʼminlash maqsadida quyidagi masalalarga alohida eʼtibor qaratilsin:

Navroʻz kunlarida inson va tabiat oʻrtasidagi uygʻunlik, ona zaminga mehr va eʼtibor yaqqol oʻz ifodasini topishini koʻrsatib beradigan, atrof-muhitni, uning neʼmatlarini asrab-avaylash, bugungi tinch hayotni qadrlab, shukronalik tuygʻusi bilan yashashga daʼvat etadigan maʼnaviy-maʼrifiy tadbirlarni uyushtirish;

soʻnggi yillarda mamlakatimizda amalga oshirilayotgan keng koʻlamli demokratik islohotlar, xalqimizning hayoti, qalbi va ongida yuz berayotgan ijobiy oʻzgarishlarni Navroʻzning azaliy qadriyat va anʼanalariga hamohang tarzda, taʼsirchan usullarda ifoda etish;

barcha shahar va qishloqlarda tashkil etiladigan bayram tadbirlarida, ommaviy axborot vositalarida Navroʻz bayramining tarixi, har bir hudud aholisi oʻrtasida uni nishonlash bilan bogʻliq urf-odat va anʼanalarning mohiyati va ahamiyatini keng yoritish;

xalqimizga xos boʻlgan mehr-muruvvat, ahillik va hamjihatlik fazilatlari asosida nuroniy keksalarni har tomonlama eʼzozlash, koʻmakka muhtoj insonlarga begʻaraz yordam berish bilan bogʻliq xayriya tadbirlarini amalga oshirish;

yurtimizda millatlararo doʻstlik va totuvlik muhitini mustahkamlash boʻyicha amalga oshirilayotgan tizimli ishlarning amaliy natijalari, Oʻzbekiston fuqarosi boʻlgan turli millat va elat vakillarining Navroʻzni nishonlashga oid urf-odatlari, anʼana va qadriyatlarini keng namoyish etish;

obodlik va farovonlik ramzi boʻlmish Navroʻz bayrami arafasida shahar va qishloqlarda, mahallalarda umumxalq hasharlari, keng qamrovli obodonchilik va koʻkalamzorlashtirish ishlarini tashkil etish;

tadbirlar boʻlib oʻtadigan joylarda hunarmandchilik koʻrgazmalari, kitob rastalari, koʻchma savdo doʻkonlari, koʻklam taomlarini tayyorlash va ularning savdosini tashkil qilish.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

a) bir hafta muddatda quyidagilarni nazarda tutuvchi Navroʻz umumxalq sayillarini oʻtkazish boʻyicha chora-tadbirlar dasturlarini ishlab chiqsin va tasdiqlasin:

Navroʻz umumxalq sayillari oʻtkaziladigan asosiy maydonlar, xiyobonlar va koʻchalarni belgilash, ularni milliy uslubda bayramona bezatish hamda sahnalarni oʻrnatish;

joylarda boʻlib oʻtadigan umumxalq sayillariga mahalliy folklor guruhlari, badiiy havaskorlik jamoalari, sirk sanʼati vakillari, oilaviy ansambllar, baxshilar, shoirlar, shuningdek, professional ijrochilar va isteʼdodli estrada artistlarini keng jalb etish;

bayram tadbirlari doirasida har bir hududga xos boʻlgan xalq oʻyinlari, tomoshalar, koʻrgazmalar va musobaqalarni oʻtkazish, bahoriy taomlar sotiladigan ochiq oshxonalarni joylashtirish;

b) bayram dasturlarini va ommaviy tomoshalarni tayyorlashda, koʻchalar, xiyobonlar va maydonlarni bezatishda katta mahorat va tajribaga ega boʻlgan ssenarist va rejissorlar, ijodkorlar, kompozitor va bastakorlar, baletmeysterlar, sahna rassomlari, isteʼdodli yosh ijrochilar, folklor sanʼati vakillaridan iborat ijodiy guruhlarni keng jalb etsin;

v) Oʻzbekiston Respublikasi Turizmni rivojlantirish davlat qoʻmitasi bilan birgalikda Navroʻz umumxalq sayillariga xorijiy va mahalliy turistlarning tashrifini tashkil etish maqsadida keng targʻibot va tayyorgarlik ishlarini amalga oshirsin.

4. Belgilab qoʻyilsinki, oʻtkaziladigan bayram tadbirlari:

Toshkent shahrida respublika budjeti va Toshkent shahar mahalliy budjeti mablagʻlari hisobidan teng ulushlarda;

Qoraqalpogʻiston Respublikasi budjeti va viloyatlarda mahalliy budjetlar hisobidan qoplanadi.

5. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va boshqa ommaviy axborot vositalariga Navroʻz umumxalq bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borish tavsiya etilsin.

6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidentining 2020-yil 3-martdagi PQ-4625-son qaroriga ILOVA

2020-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita

1. A.N. Aripov — Oʻzbekiston Respublikasining Bosh vaziri, tashkiliy qoʻmita raisi 2. A.A. Abduvaxitov — Oʻzbekiston Respublikasi Prezidentining maslahatchisi 3. X.M. Sultonov — Oʻzbekiston Respublikasi Prezidentining maslahatchisi — Spichrayteri 4. A.A. Abduhakimov — Oʻzbekiston Respublikasi Bosh vazirining oʻrinbosari Turizmni rivojlantirish davlat qoʻmitasi raisi, tashkiliy qoʻmita raisi oʻrinbosari 5. D.M. Saidjanov — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktorining birinchi oʻrinbosari 6. J.A. Artikxodjayev — Toshkent shahar hokimi, tashkiliy qoʻmita raisi oʻrinbosari 7. O.A. Nazarbekov — madaniyat vaziri 8. T.A. Ishmetov — moliya vaziri 9. A.X. Komilov — tashqi ishlar vaziri 10. P.R. Bobojonov — ichki ishlar vaziri 11. B.X. Tashmatov — Milliy gvardiya qoʻmondoni 12. M.U. Madjidov — oliy va oʻrta maxsus taʼlim vaziri 13. Sh.X. Shermatov — xalq taʼlimi vaziri 14. A.V. Shin — maktabgacha taʼlim vaziri 15. B.N. Qurbonov — mudofaa vaziri 16. A.Q. Shadmanov — sogʻliqni saqlash vaziri 17. R.T. Mamatov — mahalla va oilani qoʻllab-quvvatlash vaziri 18. Sh.M. Sadikov — axborot texnologiyalari va kommunikatsiyalarini rivojlantirish vaziri 19. R.J. Qurbanov — Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi 20. A. Koʻchimov — Oʻzbekiston Milliy axborot agentligi bosh direktori 21. A.J. Xadjayev — Oʻzbekiston Milliy teleradiokompaniyasi raisi vazifasini bajaruvchi 22. F.F. Abduxoliqov — “Oʻzbekkino” Milliy agentligi bosh direktori 23. A.V. Nuridinov — Oʻzbekiston Badiiy akademiyasi raisi 24. S.S. Saidov — Oʻzbekiston Yozuvchilar uyushmasi raisi 25. M.M. Xodjimatov — Respublika Maʼnaviyat va maʼrifat markazi rahbari 26. R. Abdullayev — Oʻzbekiston Kompozitorlar va bastakorlar uyushmasi raisi 27. A.M. Jumaboyev — Oʻzbekiston yoshlar ittifoqi Markaziy Kengashi raisining birinchi oʻrinbosari 28. Lavozimiga koʻra — Vazirlar Mahkamasining Mahalla, oila va yoshlarni qoʻllab-quvvatlash, madaniyat, maʼnaviyat va jamoat tashkilotlari masalalari kotibiyati mudiri, tashkiliy qoʻmita kotibi 29. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 3-mart,

PQ-4625-son

(Qonun hujjatlari maʼlumotlari milliy bazasi, 04.03.2020-y., 09/20/4625/0256-son)

lex.uz

Президента Республики Узбекистан

Постановление

СОСТАВ

О подготовке и проведении всенародного праздника Навруз в 2020 году

Сегодня Узбекистан вступил в новый этап своего развития на пути от национального возрождения к национальному прогрессу. В этот исторический период наряду с другими нашими духовными ценностями и благородными традициями все более глубокий смысл и значение приобретает праздник Навруз.

Такие высокие качества нашего народа, как гуманизм, доброта и толерантность, стремление к обновлению жизни, гармонии человека и природы, проникнутые духом и философией Навруза, полностью созвучны целям широкомасштабных реформ, осуществляемых в стране.

Учитывая огромную значимость Навруза, установленного Организацией Объединенных Наций в качестве международного праздника, а также в целях его проведения в соответствии с новым обликом динамично развивающегося Узбекистана:

1. Утвердить состав Организационного комитета по подготовке и проведению всенародного праздника Навруз в 2020 году согласно приложению .

Организационному комитету в недельный срок разработать и приступить к осуществлению концепции предстоящего праздника и соответствующей программы организационно-практических, культурно-просветительских и пропагандистско-разъяснительных мероприятий для его проведения в городе Ташкенте, Республике Каракалпакстан и областных центрах, во всех городах и районах, селах и аулах на высоком уровне как всенародного сайиля под девизом: «С Наврузом — праздником обновления, мой родной Узбекистан!».

2. При подготовке концепции и программы в целях обеспечения активного участия в торжествах широких слоев населения особое внимание уделить:

организации духовно-просветительских мероприятий, способствующих глубокому осознанию неразрывной связи человека с природой, родной землей, непреходящей ценности мирной и благополучной жизни;

отражению действенными методами, в созвучии с ценностями и традициями Навруза, осуществляемых в последние годы в стране масштабных демократических реформ, позитивных преобразований, происходящих в жизни наших людей;

широкому освещению в ходе праздничных мероприятий во всех городах и селах, в средствах массовой информации истории Навруза, сути и значения связанных с ним обычаев и традиций жителей каждого региона;

проведению благотворительных мероприятий, направленных на оказание всесторонней заботы и внимания уважаемым ветеранам, малообеспеченным семьям, всем, кто нуждается в помощи и поддержке;

информированию общественности о практических результатах осуществляемой системной работы по укреплению в стране атмосферы гражданского и межнационального согласия, а также о связанных с празднованием Навруза обычаях, традициях и духовных ценностях разных наций и народностей, представители которых проживают в Узбекистане;

проведению накануне праздника Навруз, являющегося символом обновления и благополучия, в городах и селах, махаллях всенародного хашара, масштабных работ по благоустройству и озеленению;

организации в местах проведения мероприятий выставок ремесленничества, книжных рядов, передвижных магазинов, а также приготовления и продажи традиционных весенних блюд.

3. Совету Министров Республики Каракалпакстан, хокимиятам областей и города Ташкента:

а) в недельный срок разработать и утвердить программы мер по проведению народных сайилей, посвященных Наврузу, в которых предусмотреть:

определение конкретных площадей, парков и скверов, где будут проходить народные сайили, их праздничное оформление;

широкое привлечение к проведению народных сайилей местных фольклорных групп, коллективов художественной самодеятельности, представителей циркового искусства, семейных ансамблей, бахши, поэтов, а также профессиональных исполнителей и талантливых эстрадных артистов;

проведение в рамках праздничных мероприятий традиционных для каждого региона народных игр, представлений, выставок и состязаний, организацию открытых павильонов для приготовления и продажи весенних блюд;

б) обеспечить широкое привлечение к подготовке праздничных программ и массовых представлений, оформлению соответствующих территорий творческих групп из числа высокопрофессиональных сценаристов и режиссеров, композиторов и бастакоров, балетмейстеров, художников-декораторов, талантливых молодых исполнителей и представителей фольклорного искусства;

в) совместно с Государственным комитетом Республики Узбекистан по развитию туризма провести масштабную пропагандистскую и подготовительную работу с целью организации посещения иностранными и местными туристами мероприятий в рамках народных сайилей, посвященных Наврузу.

4. Установить, что расходы, связанные с проведение праздничных мероприятий, возмещаются:

в городе Ташкенте — за счет средств республиканского бюджета и местного бюджета города Ташкента в равных долях;

в Республике Каракалпакстан и областях — за счет средств бюджета Республики Каракалпакстан и местных бюджетов областей.

5. Национальному информационному агентству Узбекистана, Национальной телерадиокомпании Узбекистана, информационному агентству «Дунё» и другим средствам массовой информации рекомендовать широко освещать ход подготовки и проведения всенародного праздника Навруз.

6. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.

ПРИЛОЖЕНИЕ к Постановлению Президента Республики Узбекистан от 3 марта 2020 года № ПП-4625

Организационного комитета по подготовке и проведению всенародного праздника Навруз в 2020 году

1. Арипов А.Н. — Премьер-министр Республики Узбекистан, председатель организационного комитета 2. Абдувахитов А.А. — советник Президента Республики Узбекистан 3. Султонов Х.М. — советник-спичрайтер Президента Республики Узбекистан 4. Абдухакимов А.А. — заместитель Премьер-министра Республики Узбекистан — председатель Государственного комитета Республики Узбекистан по развитию туризма, заместитель председателя организационного комитета 5. Саиджанов Д.М. — первый заместитель директора Агентства информации и массовых коммуникаций при Администрации Президента Республики Узбекистан 6. Артикходжаев Ж.А. — хоким города Ташкента, заместитель председателя организационного комитета 7. Назарбеков О.А. — министр культуры 8. Ишметов Т.А. — министр финансов 9. Комилов А.Х. — министр иностранных дел 10. Бобожонов П.Р. — министр внутренних дел 11. Ташматов Б.Х. — командующий Национальной гвардией 12. Маджидов М.У. — министр высшего и среднего специального образования 13. Шерматов Ш.Х. — министр народного образования 14. Шин А.В. — министр дошкольного образования 15. Курбонов Б.Н. — министр обороны 16. Шадманов А.К. — министр здравоохранения 17. Маматов Р.Т. — министр по поддержке махалли и семьи 18. Садиков Ш.М. — министр по развитию информационных технологий и коммуникаций 19. Курбанов Р.Ж. — председатель Комитета по межнациональным отношениям и дружественным связям с зарубежными странами при Кабинете Министров 20. Кучимов А. — генеральный директор Национального информационного агентства Узбекистана 21. Хаджаев А.Ж. — исполняющий обязанности председателя Национальной телерадиокомпании Узбекистана 22. Абдухоликов Ф.Ф. — генеральный директор Национального агентства «Узбеккино» 23. Нуридинов А.В. — председатель Академии художеств Узбекистана 24. Саидов С.С. — председатель Союза писателей Узбекистана 25. Ходжиматов М.М. — руководитель Республиканского центра духовности и просветительства 26. Абдуллаев Р. — председатель Союза композиторов и бастакоров Узбекистана 27. Жумабоев А.М. — первый заместитель председателя Центрального совета Союза молодежи Узбекистана 28. по должности — заведующий секретариатом по вопросам поддержки махалли, семьи и молодежи, культуры, духовности и общественных организаций Кабинета Министров, секретарь организационного комитета 29. по должности — Председатель Совета Министров Республики Каракалпакстан и хокимы областей

Президент Республики Узбекистан Ш. МИРЗИЁЕВ

г. Ташкент,

3 марта 2020 г.,

№ ПП-4625

(Национальная база данных законодательства, 04.03.2020 г., № 09/20/4625/0256)

lex.uz