📅 2020-yil 6-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 6 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 марта 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 6 March 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасида идентификация ID-карталарини расмийлаштириш ва бериш тизимини жорий этиш чора-тадбирлари тўғрисида
[Кўчирма]
Фуқароларни рақамли идентификациялашнинг ягона тизимини жорий этиш, иқтисодиётнинг турли тармоқларида инновацион технологияларни кенг жорий этиш, аҳолини ижтимоий таъминлаш ва муҳофаза қилиш, турли давлат ҳисобига олиш тизимлари ўртасида ахборот ҳамкорлиги учун жисмоний шахслар тўғрисидаги бирламчи маълумотлардан самарали фойдаланиш, шунингдек, Ўзбекистон Республикаси Президентининг « Идоравий ахборот тизимларини жадал интеграциялаштириш ва инновацион лойиҳаларни амалга ошириш бўйича ташкилий чора-тадбирлар тўғрисида » 2018 йил 18 апрелдаги ПҚ-3673-сон ва « Ўзбекистон Республикаси фуқаросининг хорижга чиқиш биометрик паспортини расмийлаштириш ва бериш тизимини яратиш ҳамда Ўзбекистон Республикаси биометрик паспорт тизимини модернизация қилишга доир қўшимча чора-тадбирлар тўғрисида » 2018 йил 26 декабрдаги ПҚ-4079-сон қарорлари ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси фуқаросининг хорижга чиқиш биометрик паспортини расмийлаштириш ва бериш тизимини яратиш ҳамда Ўзбекистон Республикаси биометрик паспорт тизимини модернизация қилишга доир қўшимча чора-тадбирлар тўғрисида» 2018 йил 26 декабрдаги ПҚ-4079-сон қарори билан республиканинг мавжуд биометрик паспорт тизими инфратузилмаси негизида Ўзбекистон Республикаси фуқаросининг 2011 йилги намунадаги биометрик паспорти ўрнига 2021 йилдан бошлаб идентификация ID-карталарини расмийлаштириш ва бериш тизимини (кейинги ўринларда — Тизим) жорий этиш назарда тутилганлиги маълумот учун қабул қилинсин.
2. Белгилаб қўйилсинки:
2021 йил 1 январдан бошлаб янги туғилган болага, Ўзбекистон Республикаси фуқаросига, Ўзбекистон Республикаси ҳудудида доимий яшайдиган фуқаролиги бўлмаган шахсга ва хорижий фуқарога белгиланган намунадаги идентификация ID-картаси (кейинги ўринларда — ID-карта) берилади;
ID-карта унинг эгасининг шахсини, фуқаролигини тасдиқлайдиган ҳужжат ҳисобланади ва Ўзбекистон Республикаси ҳудудида фойдаланилади;
ID-карта у берилган вақтдан бошлаб 10 йил муддатга берилади;
ID-карта расмийлаштирилганлиги ва берилганлиги учун давлат божи миқдори базавий ҳисоблаш миқдорининг 89 фоизини ташкил этади;
Ўзбекистон Республикаси фуқаросининг 2011 йилги намунадаги биометрик паспорти, фуқаролиги бўлмаган шахс ва хорижий фуқаронинг яшаш гувоҳномаси уларнинг амал қилиш муддати тамом бўлгунга қадар ҳақиқийдир. Ушбу ҳужжатларнинг эгалари уларни белгиланган тартибда ID-картага алмаштириш ҳуқуқига эга;
биометрик паспортни ID-картага алмаштириш:
2021 йил 1 январдан 2022 йил 31 декабргача ихтиёрийлик асосида;
2023 йил 1 январдан 2030 йил 31 декабргача мажбурий тартибда амалга оширилади;
Ўзбекистон Республикаси фуқаросининг 2011 йилги намунадаги биометрик паспорти 2030 йил 1 январдан бошлаб ҳақиқий эмас деб ҳисобланади.
8. Ўзбекистон Республикаси Ички ишлар вазирлиги Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази билан биргаликда 2020 йил 1 июнгача бўлган муддатда:
Янги туғилган бола, Ўзбекистон Республикаси фуқароси, Ўзбекистон Республикаси ҳудудида доимий яшайдиган фуқаролиги бўлмаган шахс ва хорижий фуқаронинг ID-картаси давлат стандартини;
Ўзбекистон Республикаси ID-картаси тўғрисидаги низомни;
Тизим доирасида шахсий маълумотларни алмашиш бўйича идоралараро ахборот ҳамкорлиги тартиби тўғрисидаги низомни тасдиқлаш учун белгиланган тартибда киритсин.
9. Белгилансинки:
маълумотлар тўплаш, ID-карталарни олиш, персоналлаштириш ва кейинчалик бериш учун электрон буюртманомаларни шакллантириш Ўзбекистон Республикаси Ички ишлар вазирлигининг миграция ва фуқароликни расмийлаштириш бўлинмалари, Ташқи ишлар вазирлигининг Консуллик бошқармаси ва Адлия вазирлиги томонидан маълумотларни тўплаш пунктларида амалга оширилади;
жисмоний шахснинг шахсий идентификация рақамини марказлаштирилган тартибда пухта ишлаш ва яратиш Ўзбекистон Республикаси Адлия вазирлиги ҳузуридаги Персоналлаштириш агентлиги томонидан амалга оширилади.
10. Ўзбекистон Республикаси Ички ишлар вазирлиги аҳолини ID-карталар билан узлуксиз таъминлаш, биометрик паспортларни ID-карталарга алмаштириш учун аҳолига қулай шарт-шароитлар яратиш чора-тадбирларини кўрсин.
11. Ўзбекистон Республикаси Ички ишлар вазирлиги, Вазирлар Маҳкамаси ҳузуридаги Давлат персоналлаштириш маркази, Адлия вазирлиги, Ташқи ишлар вазирлиги, Ахборот технологияларини ва коммуникацияларини ривожлантириш вазирлиги ҳамда Давлат хавфсизлик хизмати Тизимни ишга тушириш учун зарур инфратузилма тайёрланишини таъминласинлар.
12. Ўзбекистон Республикаси Миллий телерадиокомпанияси ва Миллий ахборот агентлиги ушбу қарор қоидаларини аҳоли орасида кенг ёритиш бўйича оммавий ахборот воситаларида материаллар эълон қилиниши ҳамда мавзуга оид кўрсатувлар ва эшиттиришлар берилишини таъминласинлар.
13. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда қонун ҳужжатларига Тизимни амалга ошириш учун зарур бўлган ўзгартиришлар ва қўшимчалар тўғрисида Вазирлар Маҳкамасига уч ой муддатда таклифлар киритсин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси ички ишлар вазири П.Р. Бобожонов ва Вазирлар Маҳкамаси ҳузуридаги Давлат персоналлаштириш маркази директори Н.С. Тўрахўжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 6 март,
129-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasida identifikatsiya ID-kartalarini rasmiylashtirish va berish tizimini joriy etish chora-tadbirlari toʻgʻrisida
[Koʻchirma]
Fuqarolarni raqamli identifikatsiyalashning yagona tizimini joriy etish, iqtisodiyotning turli tarmoqlarida innovatsion texnologiyalarni keng joriy etish, aholini ijtimoiy taʼminlash va muhofaza qilish, turli davlat hisobiga olish tizimlari oʻrtasida axborot hamkorligi uchun jismoniy shaxslar toʻgʻrisidagi birlamchi maʼlumotlardan samarali foydalanish, shuningdek, Oʻzbekiston Respublikasi Prezidentining “ Idoraviy axborot tizimlarini jadal integratsiyalashtirish va innovatsion loyihalarni amalga oshirish boʻyicha tashkiliy chora-tadbirlar toʻgʻrisida ” 2018-yil 18-apreldagi PQ-3673-son va “ Oʻzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʻzbekiston Respublikasi biometrik pasport tizimini modernizatsiya qilishga doir qoʻshimcha chora-tadbirlar toʻgʻrisida ” 2018-yil 26-dekabrdagi PQ-4079-son qarorlari ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʻzbekiston Respublikasi biometrik pasport tizimini modernizatsiya qilishga doir qoʻshimcha chora-tadbirlar toʻgʻrisida” 2018-yil 26-dekabrdagi PQ-4079-son qarori bilan respublikaning mavjud biometrik pasport tizimi infratuzilmasi negizida Oʻzbekiston Respublikasi fuqarosining 2011-yilgi namunadagi biometrik pasporti oʻrniga 2021-yildan boshlab identifikatsiya ID-kartalarini rasmiylashtirish va berish tizimini (keyingi oʻrinlarda — Tizim) joriy etish nazarda tutilganligi maʼlumot uchun qabul qilinsin.
2. Belgilab qoʻyilsinki:
2021-yil 1-yanvardan boshlab yangi tugʻilgan bolaga, Oʻzbekiston Respublikasi fuqarosiga, Oʻzbekiston Respublikasi hududida doimiy yashaydigan fuqaroligi boʻlmagan shaxsga va xorijiy fuqaroga belgilangan namunadagi identifikatsiya ID-kartasi (keyingi oʻrinlarda — ID-karta) beriladi;
ID-karta uning egasining shaxsini, fuqaroligini tasdiqlaydigan hujjat hisoblanadi va Oʻzbekiston Respublikasi hududida foydalaniladi;
ID-karta u berilgan vaqtdan boshlab 10 yil muddatga beriladi;
ID-karta rasmiylashtirilganligi va berilganligi uchun davlat boji miqdori bazaviy hisoblash miqdorining 89 foizini tashkil etadi;
Oʻzbekiston Respublikasi fuqarosining 2011-yilgi namunadagi biometrik pasporti, fuqaroligi boʻlmagan shaxs va xorijiy fuqaroning yashash guvohnomasi ularning amal qilish muddati tamom boʻlgunga qadar haqiqiydir. Ushbu hujjatlarning egalari ularni belgilangan tartibda ID-kartaga almashtirish huquqiga ega;
biometrik pasportni ID-kartaga almashtirish:
2021-yil 1-yanvardan 2022-yil 31-dekabrgacha ixtiyoriylik asosida;
2023-yil 1-yanvardan 2030-yil 31-dekabrgacha majburiy tartibda amalga oshiriladi;
Oʻzbekiston Respublikasi fuqarosining 2011-yilgi namunadagi biometrik pasporti 2030-yil 1-yanvardan boshlab haqiqiy emas deb hisoblanadi.
8. Oʻzbekiston Respublikasi Ichki ishlar vazirligi Oʻzbekiston Respublikasi Vazirlar Mahkamasi huzuridagi Davlat personallashtirish markazi bilan birgalikda 2020-yil 1-iyungacha boʻlgan muddatda:
Yangi tugʻilgan bola, Oʻzbekiston Respublikasi fuqarosi, Oʻzbekiston Respublikasi hududida doimiy yashaydigan fuqaroligi boʻlmagan shaxs va xorijiy fuqaroning ID-kartasi davlat standartini;
Oʻzbekiston Respublikasi ID-kartasi toʻgʻrisidagi nizomni;
Tizim doirasida shaxsiy maʼlumotlarni almashish boʻyicha idoralararo axborot hamkorligi tartibi toʻgʻrisidagi nizomni tasdiqlash uchun belgilangan tartibda kiritsin.
9. Belgilansinki:
maʼlumotlar toʻplash, ID-kartalarni olish, personallashtirish va keyinchalik berish uchun elektron buyurtmanomalarni shakllantirish Oʻzbekiston Respublikasi Ichki ishlar vazirligining migratsiya va fuqarolikni rasmiylashtirish boʻlinmalari, Tashqi ishlar vazirligining Konsullik boshqarmasi va Adliya vazirligi tomonidan maʼlumotlarni toʻplash punktlarida amalga oshiriladi;
jismoniy shaxsning shaxsiy identifikatsiya raqamini markazlashtirilgan tartibda puxta ishlash va yaratish Oʻzbekiston Respublikasi Adliya vazirligi huzuridagi Personallashtirish agentligi tomonidan amalga oshiriladi.
10. Oʻzbekiston Respublikasi Ichki ishlar vazirligi aholini ID-kartalar bilan uzluksiz taʼminlash, biometrik pasportlarni ID-kartalarga almashtirish uchun aholiga qulay shart-sharoitlar yaratish chora-tadbirlarini koʻrsin.
11. Oʻzbekiston Respublikasi Ichki ishlar vazirligi, Vazirlar Mahkamasi huzuridagi Davlat personallashtirish markazi, Adliya vazirligi, Tashqi ishlar vazirligi, Axborot texnologiyalarini va kommunikatsiyalarini rivojlantirish vazirligi hamda Davlat xavfsizlik xizmati Tizimni ishga tushirish uchun zarur infratuzilma tayyorlanishini taʼminlasinlar.
12. Oʻzbekiston Respublikasi Milliy teleradiokompaniyasi va Milliy axborot agentligi ushbu qaror qoidalarini aholi orasida keng yoritish boʻyicha ommaviy axborot vositalarida materiallar eʼlon qilinishi hamda mavzuga oid koʻrsatuvlar va eshittirishlar berilishini taʼminlasinlar.
13. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda qonun hujjatlariga Tizimni amalga oshirish uchun zarur boʻlgan oʻzgartirishlar va qoʻshimchalar toʻgʻrisida Vazirlar Mahkamasiga uch oy muddatda takliflar kiritsin.
14. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi ichki ishlar vaziri P.R. Bobojonov va Vazirlar Mahkamasi huzuridagi Davlat personallashtirish markazi direktori N.S. Toʻraxoʻjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 6-mart,
129-son
Кабинета Министров Республики Узбекистан
Постановление
О мерах по внедрению системы оформления и выдачи идентификационных ID-карт в Республике Узбекистан
[Извлечение]
В целях внедрения единой системы цифровой идентификации граждан, широкого внедрения инновационных технологий в различных отраслях экономики, социального обеспечения и защиты населения, эффективного использования первичных данных о физических лицах для информационного взаимодействия между различными государственными системами учета, а также во исполнение постановлений Президента Республики Узбекистан от 18 апреля 2018 года № ПП-3673 « Об организационных мерах по ускоренной интеграции ведомственных информационных систем и реализации инновационных проектов » и от 26 декабря 2018 года № ПП-4079 « О дальнейших мерах по созданию системы оформления и выдачи биометрического паспорта гражданина Республики Узбекистан для выезда за границу и модернизации биометрической паспортной системы Республики Узбекистан » Кабинет Министров постановляет:
1. Принять к сведению, что постановлением Президента Республики Узбекистан от 26 декабря 2018 года № ПП-4079 «О дальнейших мерах по созданию системы оформления и выдачи биометрического паспорта гражданина Республики Узбекистан для выезда за границу и модернизации биометрической паспортной системы Республики Узбекистан» предусмотрено внедрение с 2021 года на базе существующей инфраструктуры биометрической паспортной системы республики системы оформления и выдачи идентификационных ID-карт (далее — Система) взамен биометрического паспорта гражданина Республики Узбекистан образца 2011 года.
2. Установить, что:
с 1 января 2021 года новорожденному, гражданину Республики Узбекистан, лицу без гражданства и иностранному гражданину, постоянно проживающему на территории Республики Узбекистан, выдаются идентификационные ID-карты установленного образца (далее — ID-карта);
ID-карта является документом, удостоверяющим личность, гражданство его владельца, и используется на территории Республики Узбекистан;
ID-карта выдается сроком на 10 лет со дня ее выдачи;
размер государственной пошлины за оформление и выдачу ID-карт составляет 89 процентов от базовой расчетной величины;
биометрический паспорт гражданина Республики Узбекистан образца 2011 года, вид на жительство лица без гражданства и иностранного гражданина действительны до окончания срока их действия. При этом владельцы данных документов в установленном порядке имеют право заменить их на ID-карту;
замена биометрических паспортов на ID-карту осуществляется:
с 1 января 2021 года по 31 декабря 2022 года на добровольной основе;
с 1 января 2023 года по 31 декабря 2030 года в обязательном порядке;
биометрический паспорт гражданина Республики Узбекистан образца 2011 года с 1 января 2030 года считается недействительным.
8. Министерству внутренних дел Республики Узбекистан совместно с Государственным центром персонализации при Кабинете Министров Республики Узбекистан в срок до 1 июня 2020 года внести на утверждение в установленном порядке:
Государственный стандарт ID-карты для новорожденного, гражданина Республики Узбекистан, лица без гражданства Республики Узбекистан, иностранного гражданина, постоянно проживающего на территории Республики Узбекистан;
Положение об ID-карте Республики Узбекистан;
Положение о порядке межведомственного информационного взаимодействия по обмену персональными данными в рамках Системы.
9. Определить, что:
сбор данных, формирование электронной заявки на получение, персонализация и последующая выдача ID-карты осуществляются в пунктах сбора данных — подразделениями миграции и оформления гражданства Министерства внутренних дел, Консульским управлением Министерства иностранных дел и Министерством юстиции Республики Узбекистан;
централизованная обработка и генерация персонального идентификационного номера физического лица осуществляется Агентством персонализации при Министерстве юстиции Республики Узбекистан.
10. Министерству внутренних дел Республики Узбекистан принять меры по бесперебойному обеспечению населения ID-картами, созданию благоприятных условий для населения по замене биометрических паспортов на ID-карты.
11. Министерству внутренних дел, Государственному центру персонализации при Кабинете Министров, Министерству юстиции, Министерству иностранных дел, Министерству по развитию информационных технологий и коммуникаций и Службе государственной безопасности Республики Узбекистан обеспечить подготовку необходимой инфраструктуры для ввода Системы.
12. Национальной телерадиокомпании Узбекистана и Национальному информационному агентству Республики Узбекистан обеспечить выпуск в средствах массовой информации публикаций и тематических передач по широкому освещению среди населения положений настоящего постановления.
13. Министерству внутренних дел совместно с заинтересованными министерствами и ведомствами в трехмесячный срок внести в Кабинет Министров Республики Узбекистан предложения по изменениям и дополнениям в законодательство, необходимым для реализации Системы.
14. Контроль за исполнением настоящего постановления возложить на первого заместителя Премьер-министра Республики Узбекистан А.Ж. Раматова, министра внутренних дел Республики Узбекистан П.Р. Бобожонова и директора Государственного центра персонализации при Кабинете Министров Республики Узбекистан Н.С. Тураходжаева.
Премьер-министр Республики Узбекистан А. АРИПОВ
г. Ташкент,
6 марта 2020 г.,
№ 129