📅 2020-yil 6-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 6 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 марта 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 6 March 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
УСТАВИ
Тошкент шаҳрида Замонавий санъат маркази фаолиятини ташкил этиш чора-тадбирлари тўғрисида
Ўзбекистон Республикаси Президентининг «Ўзбекистон Республикасида маданият ва санъат соҳасини инновацион ривожлантириш чора-тадбирлари тўғрисида» 2018 йил 26 августдаги ПҚ-3920-сон қарори ижросини таъминлаш, шунингдек, маданият ва санъатни ривожлантириш учун зарур шарт-шароитлар яратиш, жаҳон маданий саҳнасида мамлакатнинг ижобий имиджини мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлиги, Молия вазирлиги, Бандлик ва меҳнат муносабатлари вазирлиги, Aдлия вазирлиги, Энергетика вазирлиги, Тошкент шаҳар ҳокимлиги ва «Hududiy elektr tarmoqlari» акциядорлик жамиятининг (кейинги ўринларда — Жамият):
а) Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси (кейинги ўринларда — Жамғарма) ҳузурида давлат муассасаси шаклидаги Замонавий санъат марказини (кейинги ўринларда — Марказ) ташкил этиш;
б) Ўзбекистон Республикаси Маданият вазирлигининг Тошкент шаҳар, Миробод тумани, Aмир Темур тор кўчаси, 6а-уй манзилидаги биносини;
«Toshkent shahar elektr tarmoqlari korxonasi» акциядорлик жамиятининг Тошкент шаҳар, Миробод тумани, Aмир Темур тор кўчаси, 6-уй манзилидаги биносининг «А» ва «Г» блокларини (кейинги ўринларда — Мажмуа) оператив бошқарув ҳуқуқи асосида Марказга бериш тўғрисидаги таклифларига розилик берилсин.
2. Қуйидагилар Марказнинг асосий вазифалари этиб белгилансин:
замонавий санъат соҳасида ижодкорлар билан оммавий мулоқотни йўлга қўйиш;
тасвирий ва амалий санъатнинг барча турлари вакилларини профессионал равишда бирлаштиришга йўналтирилган замонавий санъатни инновацион ва технологик ривожлантиришда узоқ муддатли ташаббусларнинг фанлараро ўзаро платформаси яратилишини таъминлаш;
Ўзбекистонда маданият ва санъатнинг ривожланишини қўллаб-қувватлайдиган ёш санъат намояндалари ва педагоглар ҳамжамиятини ташкил этиш ва унинг фаолиятига кўмаклашиш;
Ўзбекистон санъати тарихи ва тадқиқот ташаббуслари бўйича ихтисослаштирилган кутубхоналар ҳамда босма, фото, видео ва аудио материаллар архивини яратиш ва бошқариш;
замонавий санъат соҳасида таълим ташаббусларини амалга ошириш бўйича қўшимча шароитлар;
замонавий маданият ва санъат соҳасида спектакллар, перфоманслар, кино намойишлари, аудиовизуал лойиҳаларни амалга ошириш лабораториясини ташкил этиш ва бошқариш.
3. Қуйидагилар:
Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси ҳузуридаги Замонавий санъат маркази бошқарув ходимларининг умумий чекланган сони 19 нафардан иборат бўлган тузилмаси 1-иловага мувофиқ;
Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси ҳузуридаги Замонавий санъат марказининг устави 2-иловага мувофиқ тасдиқлансин.
Марказ директорига Жамғарма билан келишган ҳолда Марказнинг тузилмасига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиш ҳуқуқи берилсин.
4. Тошкент шаҳар ҳокимлиги Ўзбекистон Республикаси Давлат активларини бошқариш агентлиги билан биргаликда бир ой муддатда «Toshkent shahar elektr tarmoqlari korxonasi» акциядорлик жамиятига баланс қиймати Мажмуа қийматидан паст бўлмаган қийматдаги бинонинг берилишини таъминласин.
Белгилансинки, бошқа бино берилгунга қадар «Toshkent shahar elektr tarmoqlari korxonasi» акциядорлик жамияти ўз фаолиятини Мажмуада давом эттиради.
5. Жамғарма юридик ва жисмоний шахсларнинг ҳомийлик хайриялари, шунингдек, халқаро ва хорижий ташкилотларнинг грантлари эвазига шакллантириладиган маблағлар ҳисобига ушбу қарорнинг 1-бандига мувофиқ берилаётган биноларни маданият ва санъат объектларини меъморий лойиҳалаштириш соҳасидаги замонавий жаҳон тажрибаларига мос равишда реконструкция қилиш, мукаммал таъмирлаш ва жиҳозлаш ишларини амалга оширсин.
6. Қуйидагилар Марказ фаолиятини молиялаштириш манбалари этиб белгилансин:
Жамғарма томонидан белгиланган миқдордаги Марказни сақлаш ва унга юкланган вазифаларни амалга ошириш мақсадлари учун Жамғарма маблағлари ҳисобидан ажратилган маблағлар;
хўжалик фаолиятидан тушган тушумлар;
меценатлик кўмаги;
жисмоний ва юридик шахсларнинг ҳомийлик хайриялари;
халқаро молиявий ташкилотларнинг грантлари;
қонунчиликда тақиқланмаган бошқа манбалар.
7. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси маданият вазири О.А. Назарбеков зиммасига ва Ўзбекистон Республикаси Вазирлар Маҳкамасининг Маҳалла, оила ва ёшларни қўллаб-қувватлаш, маданият, маънавият ва жамоат ташкилотлари масалалари котибиятига юклансин.
Вазирлар Маҳкамасининг 2020 йил 6 мартдаги 131-сон қарорига 1-ИЛОВА
Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси ҳузуридаги Замонавий санъат марказининг
Вазирлар Маҳкамасининг 2020 йил 6 мартдаги 131-сон қарорига 2-ИЛОВА
Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси ҳузуридаги Замонавий санъат маркази
1-боб. Умумий қоидалар
1. Ушбу Устав Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси ҳузуридаги Замонавий санъат марказининг (кейинги ўринларда — Марказ) мақоми, асосий вазифалари ва функциялари, ҳуқуқ ва мажбуриятлари, шунингдек, фаолиятини ташкил этиш тартибини белгилайди.
2. Марказ ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, шунингдек, ушбу Уставга ҳамда бошқа қонун ҳужжатларига амал қилади.
3. Марказ давлат муассасаси шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, Ўзбекистон Республикаси Молия вазирлигининг Ғазначилигида шахсий ғазна ҳисобварақларига, хорижий валютадаги банк ҳисобварақларига эга бўлади.
2-боб. Марказнинг асосий вазифалари ва функциялари
4. Марказ халқаро лойиҳалар — конференциялар, кўргазмалар, семинарлар ва нашрлар учун замонавий фан ва санъат ҳақидаги билимларни тўплаш ва тарқатиш, жамоатчилик мулоқоти ва янги асарлар яратиш учун фанлараро платформани яратиш мақсадида ташкил этилган.
5. Марказнинг асосий вазифалари қуйидагилардан иборат:
замонавий санъат соҳасида ижодкорлар билан оммавий мулоқотни йўлга қўйиш;
тасвирий ва амалий санъатнинг барча турлари вакилларини профессионал равишда бирлаштиришга йўналтирилган замонавий санъатни инновацион ва технологик ривожлантиришда узоқ муддатли ташаббусларнинг фанлараро ўзаро платформаси яратилишини таъминлаш;
Ўзбекистонда маданият ва санъатнинг ривожини қўллаб-қувватлайдиган ёш санъат намояндалари ва педагоглари ҳамжамиятини ташкил этиш ва унинг фаолиятига кўмаклашиш;
Ўзбекистон санъати тарихи ва тадқиқот ташаббуслари бўйича ихтисослаштирилган кутубхоналар ҳамда босма, фото, видео ва аудио материаллар архивини яратиш ва бошқариш;
замонавий санъат соҳасида таълим ташаббусларини амалга ошириш бўйича платформани яратиш ва бошқариш;
замонавий маданият ва санъат соҳасида спектакллар, перфоманслар, кино намойишлари, аудио-визуал лойиҳаларни амалга ошириш лабораториясини ташкил этиш ва бошқариш.
6. Марказ юкланган вазифаларни бажариш учун қуйидаги функцияларни амалга оширади:
Марказ томонидан амалга ошириладиган тадбирлар календарь режасини шакллантириш ва тасдиқлаш;
аҳолига кўрсатилган пуллик хизматларнинг амалдаги ҳолатини ўрганиш, шунингдек, уларнинг ҳажмини ошириш бўйича таклифлар тайёрлаш;
таълим хизматлари кўрсатиш;
маблағларнинг ўз вақтида тушишини таъминлаш ва таҳлил қилиш;
Марказнинг даромадлари ва харажатларини прогноз қилиш;
ажратилган маблағларнинг мақсадли ишлатилиши мониторингини олиб бориш;
Марказ учун харажатлар сметасини ишлаб чиқиш ва уни Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармасига (кейинги ўринларда — Жамғарма) тасдиқлаш учун киритиш;
Марказнинг моддий-техник базасини мустаҳкамлаш ҳамда мукаммал ва жорий таъмирлаш ишларини амалга ошириш бўйича тадбирлар режасини шакллантириш;
тадбирлар ўтказиш учун Марказ биносини ижарага бериш;
хорижий давлатлар тажрибасини ўрганиш;
маданият ва санъат соҳасида, шу жумладан, халқаро миқёсда ташкилий тадбирларни ташкил этиш ва ўтказиш.
3-боб. Марказнинг ҳуқуқ ва мажбуриятлари
7. Марказ ўзига юкланган вазифалар ва функцияларни бажариш доирасида қуйидаги ҳуқуқларга эга:
давлат бошқаруви органлари ва маҳаллий ижро этувчи ҳокимият органларидан ахборотни белгиланган тартибда сўраш ва олиш;
ушбу Уставнинг 12-бандида белгиланган манбалардан тушган маблағларни ўзининг банк ҳисобварақларида жамлаш;
Марказга юкланган вазифалар ижросини таъминлаш учун, шу жумладан, хорижий шериклар билан шартномалар тузиш;
тижорат фаолиятининг барча турларини амалга ошириш;
маданият ва санъатни ривожлантиришнинг турли масалалари бўйича белгиланган тартибда ташаббус билан чиқиш;
ўз фаолияти тўғрисида оммавий ахборот воситаларида материалларни жойлаштириш;
Марказнинг ваколатига кирадиган масалалар бўйича халқаро ҳамкорлик қилиш.
8. Марказ:
ушбу Уставда белгиланган асосий вазифалар бажарилишини таъминлашга;
Марказ даромадларининг истиқболли кўрсаткичлари ижроси натижадорлигини таҳлил қилишга ва маблағлар тушумига салбий таъсир кўрсатаётган аниқланган камчиликларни бартараф этишга мажбурдир.
Марказ қонун ҳужжатларига мувофиқ бошқа ҳуқуқларга ҳам эга бўлиши ва мажбуриятларни олиши мумкин.
4-боб. Марказни ташкил этиш
9. Марказ ўз фаолиятини ушбу Уставга мувофиқ амалга оширади.
10. Марказга Жамғарма раиси томонидан лавозимга тайинланадиган ва лавозимдан озод қилинадиган директор раҳбарлик қилади.
11. Марказ директори:
Марказга юкланган асосий вазифалар ва функцияларга мувофиқ Марказ фаолиятини ташкил этади, Марказ номидан хўжалик ва меҳнат шартномаларини, бошқа шартномалар ва ҳужжатларни имзолайди;
Марказнинг харажатлар сметасини тайёрлайди ва тасдиқлаш учун Жамғармага тақдим этади;
ушбу Уставга ва бошқа қонун ҳужжатларига мувофиқ бошқа ваколатларни амалга оширади.
5-боб. Марказни молиялаштириш манбалари
12. Қуйидагилар Марказ фаолиятини молиялаштириш манбалари ҳисобланади:
Жамғарма томонидан белгиланган ҳажмдаги Марказни сақлаш ва унга юкланган вазифаларни амалга ошириш мақсадлари учун Жамғарма ҳисобидан ажратилган маблағлар;
хўжалик фаолиятидан тушган тушумлар;
меценатлик кўмаги маблағлари;
жисмоний ва юридик шахсларнинг ҳомийлик хайриялари;
халқаро молия ташкилотларининг грантлари;
қонун ҳужжатларида тақиқланмаган бошқа манбалар.
6-боб. Марказ ходимларини моддий рағбатлантириш
13. Марказ ходимларининг иш ҳақи лавозим маоши, мукофотлар, қўшимча ҳақлар, устамалар ва қонун ҳужжатларида назарда тутилган бошқа тўловлардан иборат.
Марказ ходимларининг лавозим маошларига рағбатлантирувчи тусдаги ойлик устамалар ва қўшимча ҳақлар директор томонидан тасдиқланадиган низомларга мувофиқ тўланади.
14. Марказ директори Марказнинг ўз даромадлари ҳисобига:
хизмат вазифаларини бажаришда ташаббус кўрсатган ва виждонан ишлаган ходимларни моддий рағбатлантириш мақсадида лавозим маошининг 100 фоизгача миқдорда ойлик устамалар белгилаш;
ўз вазифаларини виждонан бажарадиган Марказ ходимларини лавозим маошининг 50 фоизигача миқдорда ҳар чоракда мукофотлаш;
Марказ ходимларига бир йилда бир марта лавозим маоши миқдорида бир йўла моддий ёрдам бериш;
Ўзбекистон Республикасининг Меҳнат кодексида белгиланган байрам кунлари муносабати билан Марказ ходимларини ҳар бир байрам учун бир лавозим маоши миқдорида мукофотлаш;
ҳар ойда иш ҳақининг энг кам миқдорида овқатланиш ва йўлкира учун тўловлар тўлаш ҳуқуқига эга.
7-боб. Ҳисобот бериш
15. Марказ директори ҳар йили 1 февралгача Ўзбекистон Республикаси Жамғармага олдинги йил учун Марказнинг фаолияти тўғрисида ҳисобот, шу жумладан, молиявий ҳисобот тақдим этади.
16. Марказнинг ҳисобот бериши қонун ҳужжатларига мувофиқ амалга оширилади.
8-боб. Якунловчи қоидалар
17. Марказни қайта ташкил этиш ва тугатиш қонун ҳужжатларида белгиланган тартибда амалга оширилади.
18. Ушбу Устав талаблари бузилишида айбдор бўлган шахслар қонун ҳужжатларига мувофиқ жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2020 йил 6 март,
131-сон
Oʻzbekiston Respublikasi Vazirlar Mahkamasining
qarori
TUZILMASI
USTAVI
Toshkent shahrida Zamonaviy sanʼat markazi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasida madaniyat va sanʼat sohasini innovatsion rivojlantirish chora-tadbirlari toʻgʻrisida” 2018-yil 26-avgustdagi PQ-3920-son qarori ijrosini taʼminlash, shuningdek, madaniyat va sanʼatni rivojlantirish uchun zarur shart-sharoitlar yaratish, jahon madaniy sahnasida mamlakatning ijobiy imidjini mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligi, Moliya vazirligi, Bandlik va mehnat munosabatlari vazirligi, Adliya vazirligi, Energetika vazirligi, Toshkent shahar hokimligi va “Hududiy elektr tarmoqlari” aksiyadorlik jamiyatining (keyingi oʻrinlarda — Jamiyat):
a) Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma) huzurida davlat muassasasi shaklidagi Zamonaviy sanʼat markazini (keyingi oʻrinlarda — Markaz) tashkil etish;
b) Oʻzbekiston Respublikasi Madaniyat vazirligining Toshkent shahar, Mirobod tumani, Amir Temur tor koʻchasi, 6a-uy manzilidagi binosini;
“Toshkent shahar elektr tarmoqlari korxonasi” aksiyadorlik jamiyatining Toshkent shahar, Mirobod tumani, Amir Temur tor koʻchasi, 6-uy manzilidagi binosining “A” va “G” bloklarini (keyingi oʻrinlarda — Majmua) operativ boshqaruv huquqi asosida Markazga berish toʻgʻrisidagi takliflariga rozilik berilsin.
2. Quyidagilar Markazning asosiy vazifalari etib belgilansin:
zamonaviy sanʼat sohasida ijodkorlar bilan ommaviy muloqotni yoʻlga qoʻyish;
tasviriy va amaliy sanʼatning barcha turlari vakillarini professional ravishda birlashtirishga yoʻnaltirilgan zamonaviy sanʼatni innovatsion va texnologik rivojlantirishda uzoq muddatli tashabbuslarning fanlararo oʻzaro platformasi yaratilishini taʼminlash;
Oʻzbekistonda madaniyat va sanʼatning rivojlanishini qoʻllab-quvvatlaydigan yosh sanʼat namoyandalari va pedagoglar hamjamiyatini tashkil etish va uning faoliyatiga koʻmaklashish;
Oʻzbekiston sanʼati tarixi va tadqiqot tashabbuslari boʻyicha ixtisoslashtirilgan kutubxonalar hamda bosma, foto, video va audio materiallar arxivini yaratish va boshqarish;
zamonaviy sanʼat sohasida taʼlim tashabbuslarini amalga oshirish boʻyicha qoʻshimcha sharoitlar;
zamonaviy madaniyat va sanʼat sohasida spektakllar, perfomanslar, kino namoyishlari, audiovizual loyihalarni amalga oshirish laboratoriyasini tashkil etish va boshqarish.
3. Quyidagilar:
Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasi huzuridagi Zamonaviy sanʼat markazi boshqaruv xodimlarining umumiy cheklangan soni 19 nafardan iborat boʻlgan tuzilmasi 1-ilovaga muvofiq;
Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasi huzuridagi Zamonaviy sanʼat markazining ustavi 2-ilovaga muvofiq tasdiqlansin.
Markaz direktoriga Jamgʻarma bilan kelishgan holda Markazning tuzilmasiga xodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.
4. Toshkent shahar hokimligi Oʻzbekiston Respublikasi Davlat aktivlarini boshqarish agentligi bilan birgalikda bir oy muddatda “Toshkent shahar elektr tarmoqlari korxonasi” aksiyadorlik jamiyatiga balans qiymati Majmua qiymatidan past boʻlmagan qiymatdagi binoning berilishini taʼminlasin.
Belgilansinki, boshqa bino berilgunga qadar “Toshkent shahar elektr tarmoqlari korxonasi” aksiyadorlik jamiyati oʻz faoliyatini Majmuada davom ettiradi.
5. Jamgʻarma yuridik va jismoniy shaxslarning homiylik xayriyalari, shuningdek, xalqaro va xorijiy tashkilotlarning grantlari evaziga shakllantiriladigan mablagʻlar hisobiga ushbu qarorning 1-bandiga muvofiq berilayotgan binolarni madaniyat va sanʼat obyektlarini meʼmoriy loyihalashtirish sohasidagi zamonaviy jahon tajribalariga mos ravishda rekonstruksiya qilish, mukammal taʼmirlash va jihozlash ishlarini amalga oshirsin.
6. Quyidagilar Markaz faoliyatini moliyalashtirish manbalari etib belgilansin:
Jamgʻarma tomonidan belgilangan miqdordagi Markazni saqlash va unga yuklangan vazifalarni amalga oshirish maqsadlari uchun Jamgʻarma mablagʻlari hisobidan ajratilgan mablagʻlar;
xoʻjalik faoliyatidan tushgan tushumlar;
metsenatlik koʻmagi;
jismoniy va yuridik shaxslarning homiylik xayriyalari;
xalqaro moliyaviy tashkilotlarning grantlari;
qonunchilikda taqiqlanmagan boshqa manbalar.
7. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi madaniyat vaziri O.A. Nazarbekov zimmasiga va Oʻzbekiston Respublikasi Vazirlar Mahkamasining Mahalla, oila va yoshlarni qoʻllab-quvvatlash, madaniyat, maʼnaviyat va jamoat tashkilotlari masalalari kotibiyatiga yuklansin.
Vazirlar Mahkamasining 2020-yil 6-martdagi 131-son qaroriga 1-ILOVA
Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasi huzuridagi Zamonaviy sanʼat markazining
Vazirlar Mahkamasining 2020-yil 6-martdagi 131-son qaroriga 2-ILOVA
Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasi huzuridagi Zamonaviy sanʼat markazi
1-bob. Umumiy qoidalar
1. Ushbu Ustav Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasi huzuridagi Zamonaviy sanʼat markazining (keyingi oʻrinlarda — Markaz) maqomi, asosiy vazifalari va funksiyalari, huquq va majburiyatlari, shuningdek, faoliyatini tashkil etish tartibini belgilaydi.
2. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, ushbu Ustavga hamda boshqa qonun hujjatlariga amal qiladi.
3. Markaz davlat muassasasi shaklidagi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻazna hisobvaraqlariga, xorijiy valyutadagi bank hisobvaraqlariga ega boʻladi.
2-bob. Markazning asosiy vazifalari va funksiyalari
4. Markaz xalqaro loyihalar — konferensiyalar, koʻrgazmalar, seminarlar va nashrlar uchun zamonaviy fan va sanʼat haqidagi bilimlarni toʻplash va tarqatish, jamoatchilik muloqoti va yangi asarlar yaratish uchun fanlararo platformani yaratish maqsadida tashkil etilgan.
5. Markazning asosiy vazifalari quyidagilardan iborat:
zamonaviy sanʼat sohasida ijodkorlar bilan ommaviy muloqotni yoʻlga qoʻyish;
tasviriy va amaliy sanʼatning barcha turlari vakillarini professional ravishda birlashtirishga yoʻnaltirilgan zamonaviy sanʼatni innovatsion va texnologik rivojlantirishda uzoq muddatli tashabbuslarning fanlararo oʻzaro platformasi yaratilishini taʼminlash;
Oʻzbekistonda madaniyat va sanʼatning rivojini qoʻllab-quvvatlaydigan yosh sanʼat namoyandalari va pedagoglari hamjamiyatini tashkil etish va uning faoliyatiga koʻmaklashish;
Oʻzbekiston sanʼati tarixi va tadqiqot tashabbuslari boʻyicha ixtisoslashtirilgan kutubxonalar hamda bosma, foto, video va audio materiallar arxivini yaratish va boshqarish;
zamonaviy sanʼat sohasida taʼlim tashabbuslarini amalga oshirish boʻyicha platformani yaratish va boshqarish;
zamonaviy madaniyat va sanʼat sohasida spektakllar, perfomanslar, kino namoyishlari, audio-vizual loyihalarni amalga oshirish laboratoriyasini tashkil etish va boshqarish.
6. Markaz yuklangan vazifalarni bajarish uchun quyidagi funksiyalarni amalga oshiradi:
Markaz tomonidan amalga oshiriladigan tadbirlar kalendar rejasini shakllantirish va tasdiqlash;
aholiga koʻrsatilgan pullik xizmatlarning amaldagi holatini oʻrganish, shuningdek, ularning hajmini oshirish boʻyicha takliflar tayyorlash;
taʼlim xizmatlari koʻrsatish;
mablagʻlarning oʻz vaqtida tushishini taʼminlash va tahlil qilish;
Markazning daromadlari va xarajatlarini prognoz qilish;
ajratilgan mablagʻlarning maqsadli ishlatilishi monitoringini olib borish;
Markaz uchun xarajatlar smetasini ishlab chiqish va uni Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasiga (keyingi oʻrinlarda — Jamgʻarma) tasdiqlash uchun kiritish;
Markazning moddiy-texnik bazasini mustahkamlash hamda mukammal va joriy taʼmirlash ishlarini amalga oshirish boʻyicha tadbirlar rejasini shakllantirish;
tadbirlar oʻtkazish uchun Markaz binosini ijaraga berish;
xorijiy davlatlar tajribasini oʻrganish;
madaniyat va sanʼat sohasida, shu jumladan, xalqaro miqyosda tashkiliy tadbirlarni tashkil etish va oʻtkazish.
3-bob. Markazning huquq va majburiyatlari
7. Markaz oʻziga yuklangan vazifalar va funksiyalarni bajarish doirasida quyidagi huquqlarga ega:
davlat boshqaruvi organlari va mahalliy ijro etuvchi hokimiyat organlaridan axborotni belgilangan tartibda soʻrash va olish;
ushbu Ustavning 12-bandida belgilangan manbalardan tushgan mablagʻlarni oʻzining bank hisobvaraqlarida jamlash;
Markazga yuklangan vazifalar ijrosini taʼminlash uchun, shu jumladan, xorijiy sheriklar bilan shartnomalar tuzish;
tijorat faoliyatining barcha turlarini amalga oshirish;
madaniyat va sanʼatni rivojlantirishning turli masalalari boʻyicha belgilangan tartibda tashabbus bilan chiqish;
oʻz faoliyati toʻgʻrisida ommaviy axborot vositalarida materiallarni joylashtirish;
Markazning vakolatiga kiradigan masalalar boʻyicha xalqaro hamkorlik qilish.
8. Markaz:
ushbu Ustavda belgilangan asosiy vazifalar bajarilishini taʼminlashga;
Markaz daromadlarining istiqbolli koʻrsatkichlari ijrosi natijadorligini tahlil qilishga va mablagʻlar tushumiga salbiy taʼsir koʻrsatayotgan aniqlangan kamchiliklarni bartaraf etishga majburdir.
Markaz qonun hujjatlariga muvofiq boshqa huquqlarga ham ega boʻlishi va majburiyatlarni olishi mumkin.
4-bob. Markazni tashkil etish
9. Markaz oʻz faoliyatini ushbu Ustavga muvofiq amalga oshiradi.
10. Markazga Jamgʻarma raisi tomonidan lavozimga tayinlanadigan va lavozimdan ozod qilinadigan direktor rahbarlik qiladi.
11. Markaz direktori:
Markazga yuklangan asosiy vazifalar va funksiyalarga muvofiq Markaz faoliyatini tashkil etadi, Markaz nomidan xoʻjalik va mehnat shartnomalarini, boshqa shartnomalar va hujjatlarni imzolaydi;
Markazning xarajatlar smetasini tayyorlaydi va tasdiqlash uchun Jamgʻarmaga taqdim etadi;
ushbu Ustavga va boshqa qonun hujjatlariga muvofiq boshqa vakolatlarni amalga oshiradi.
5-bob. Markazni moliyalashtirish manbalari
12. Quyidagilar Markaz faoliyatini moliyalashtirish manbalari hisoblanadi:
Jamgʻarma tomonidan belgilangan hajmdagi Markazni saqlash va unga yuklangan vazifalarni amalga oshirish maqsadlari uchun Jamgʻarma hisobidan ajratilgan mablagʻlar;
xoʻjalik faoliyatidan tushgan tushumlar;
metsenatlik koʻmagi mablagʻlari;
jismoniy va yuridik shaxslarning homiylik xayriyalari;
xalqaro moliya tashkilotlarining grantlari;
qonun hujjatlarida taqiqlanmagan boshqa manbalar.
6-bob. Markaz xodimlarini moddiy ragʻbatlantirish
13. Markaz xodimlarining ish haqi lavozim maoshi, mukofotlar, qoʻshimcha haqlar, ustamalar va qonun hujjatlarida nazarda tutilgan boshqa toʻlovlardan iborat.
Markaz xodimlarining lavozim maoshlariga ragʻbatlantiruvchi tusdagi oylik ustamalar va qoʻshimcha haqlar direktor tomonidan tasdiqlanadigan nizomlarga muvofiq toʻlanadi.
14. Markaz direktori Markazning oʻz daromadlari hisobiga:
xizmat vazifalarini bajarishda tashabbus koʻrsatgan va vijdonan ishlagan xodimlarni moddiy ragʻbatlantirish maqsadida lavozim maoshining 100 foizgacha miqdorda oylik ustamalar belgilash;
oʻz vazifalarini vijdonan bajaradigan Markaz xodimlarini lavozim maoshining 50 foizigacha miqdorda har chorakda mukofotlash;
Markaz xodimlariga bir yilda bir marta lavozim maoshi miqdorida bir yoʻla moddiy yordam berish;
Oʻzbekiston Respublikasining Mehnat kodeksida belgilangan bayram kunlari munosabati bilan Markaz xodimlarini har bir bayram uchun bir lavozim maoshi miqdorida mukofotlash;
har oyda ish haqining eng kam miqdorida ovqatlanish va yoʻlkira uchun toʻlovlar toʻlash huquqiga ega.
7-bob. Hisobot berish
15. Markaz direktori har yili 1-fevralgacha Oʻzbekiston Respublikasi Jamgʻarmaga oldingi yil uchun Markazning faoliyati toʻgʻrisida hisobot, shu jumladan, moliyaviy hisobot taqdim etadi.
16. Markazning hisobot berishi qonun hujjatlariga muvofiq amalga oshiriladi.
8-bob. Yakunlovchi qoidalar
17. Markazni qayta tashkil etish va tugatish qonun hujjatlarida belgilangan tartibda amalga oshiriladi.
18. Ushbu Ustav talablari buzilishida aybdor boʻlgan shaxslar qonun hujjatlariga muvofiq javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 6-mart,
131-son