📅 2020-yil 6-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 6 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 марта 2020 г. · Постановления Президента
Официальный текст. Официальный документ. Редакционные примечания не включены.
📅 6 March 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
чора-тадбирлар дастури
Пахтачилик соҳасида бозор тамойилларини кенг жорий этиш чора-тадбирлари тўғрисида
Ўзбекистон Республикаси Президентининг 2019 йил 23 октябрдаги «Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясини тасдиқлаш тўғрисида»ги ПФ-5853-сон Фармони ижросини таъминлаш, жумладан қишлоқ хўжалигида эркин рақобатни таъминлайдиган бозор тамойилларини жорий этиш, пахта ва ғалла етиштиришда давлат буюртмасини бекор қилиш, ишлаб чиқариш иқтисодий самарадорлигини ва маҳсулот ишлаб чиқарувчилар манфаатдорлигини ошириш, инвестицияларни кенг жалб қилиш ҳисобига қўшимча иш ўринларини яратиш мақсадида:
1. Ўзбекистон Республикаси Иқтисодиёт ва саноат вазирлиги, Молия вазирлиги, Қишлоқ хўжалиги вазирлиги, «Ўзпахтасаноат» АЖ, Ўзбекистон фермер, деҳқон хўжаликлари ва томорқа ер эгалари кенгашининг 2020 йил ҳосилидан бошлаб пахта хом ашёсини етиштиришда давлат буюртмасини бекор қилиш тўғрисидаги таклифига розилик берилсин.
Пахтачиликда бозор тамойиллари жорий этилиши муносабати билан пахта етиштирувчи фермер хўжаликлари ва қайта ишловчи корхоналарнинг ўзаро муносабатларини тартибга солиш бўйича амалга ошириладиган чора-тадбирлар дастури 1-иловага мувофиқ тасдиқлансин.
2. Белгилаб қўйилсинки:
а) 2020 йил ҳосилидан бошлаб:
пахта хом ашёсининг харид нархини белгилаш амалиётидан воз кечилади;
пахта хом ашёсини етиштирувчилар (фермер хўжаликлари, пахта-тўқимачилик кластерлари, кооперациялар)га районлаштирилган ғўза навларини эркин жойлаштириш ҳуқуқи берилади;
пахта хом ашёси етиштирувчиларни сифатли уруғлик билан таъминлаш мақсадида сертификатланган уруғлик етказиб бериш тизими (шу жумладан, уруғлик пахта учун амалдаги устама тўлаш тартиби) сақлаб қолинади ҳамда босқичма-босқич Қишлоқ хўжалиги вазирлиги ҳузуридаги Уруғчиликни ривожлантириш маркази таркибидаги уруғчилик кластерлари ҳамда пахта-тўқимачилик кластерлари зиммасига юклатилади;
б) республиканинг барча ҳудудларида фермер хўжаликларининг ихтиёрий кооперациялари ташкил этилади.
Қуйидагилар кооперациянинг асосий вазифалари этиб белгилансин:
кооперация аъзолари билан шартномалар тузиш орқали пахта хом ашёси етиштириш юзасидан келишилган чора-тадбирларни амалга ошириш;
кооперация аъзолари томонидан пахта хом ашёси етиштириш учун зарур бўлган мулк комплекслари, техника, ускуна, транспорт воситаларидан, пахта тозалаш заводларидан биргаликда фойдаланишни ташкил этиш;
кооперация ва уларнинг аъзолари ўртасида имзоланадиган шартнома асосида кооперация аъзоларини қишлоқ хўжалиги техникаси, ёнилғи-мойлаш материаллари, минерал ўғит, уруғлик, шунингдек, кимёвий ва биологик ҳимоя воситалари билан таъминлаш;
пахта хом ашёсини тайёрлаш, ташиш, сақлаш, қайта ишлаш ва тегирмон усулида қайта ишлашни шартномаларга асосан амалга ошириш ва воситачилик шартномалари асосида ишлаб чиқарилган маҳсулотларни сотишни ташкиллаштириш;
кооперация аъзоларига агротехника, бухгалтерлик, консалтинг, воситачилик ва бошқа хизматларни кўрсатиш;
кооперация билан ҳамкорлик қилиш учун экспорт қилувчиларни жалб этиш, ички ва ташқи бозорларда маркетинг тадқиқотлари ўтказиш;
кооперация аъзолари томонидан ишлаб чиқариладиган пахта толаси ва иккиламчи маҳсулотларни биржада ёки биржада шаклланган нархларда тўғридан-тўғри шартномалар асосида сотиш.
Вазирлар Маҳкамасининг тегишли қарорларига мувофиқ ташкил этилган пахта-тўқимачилик кластерларига белгиланган имтиёзлар пахта хом ашёсини етиштирувчи ва қайта ишловчи кооперациялар учун ҳам татбиқ этилади;
в) республикада ишлаб чиқарилган пахта толаси учун биржада бошланғич нарх шаклланишида амалда қўлланилаётган 10 фоиз миқдоридаги чегирма бекор қилинади;
г) қишлоқ хўжалиги маҳсулоти ишлаб чиқарувчиларни ўз вақтида маҳаллий шароитга мос сифатли уруғлик билан таъминлаш, тегишли тартибда ишлов берилмаган уруғлик орқали касалликлар тарқалишининг олдини олиш, пахта хом ашёси ҳосилдорлигини изчил ошириб бориш мақсадида 2020 йил ҳосили учун уруғлик чигит «Ўзпахтасаноат» АЖ тизимидаги уруғчилик цехлари ва пахта-тўқимачилик кластерлари томонидан етказиб берилади.
4. Белгилансинки, Қишлоқ хўжалигини давлат томонидан қўллаб-қувватлаш жамғармасининг имтиёзли кредит ресурслари ҳисобидан тижорат банклари томонидан ажратилган кредит маблағларидан фермер хўжаликлари, пахта-тўқимачилик кластерлари ва уруғчиликни ривожлантириш маркази таркибидаги уруғчилик хўжаликлари агротехник тадбирлардан келиб чиқиб, эркин фойдаланади ҳамда моддий ресурслар етказиб берувчиларни ихтиёрий танлайди.
5. Ўзбекистон Республикаси Молия вазирлиги:
пахта хом ашёси ва донни харид қилиш учун жалб этиладиган тижорат кредитлари фоизининг бир қисмини қоплаб бериш учун республика бюджетидан Тадбиркорлик фаолиятини қўллаб-қувватлаш давлат жамғармасига, эҳтиёжга қараб, 700 млрд сўмгача маблағ ажратсин;
пахта хом ашёси ва ғаллани сотиб олишни кредит ресурслари билан таъминлашда тижорат банкларида маблағларга эҳтиёж туғилганда, Ўзбекистон Республикаси Давлат бюджети ва давлат мақсадли жамғармалари маблағлари, бюджетни қўллаб-қувватлаш учун жалб қилинадиган халқаро молия институтлари ва хорижий ҳукумат молия ташкилотларининг кредитлари, суверен ва корпоратив халқаро облигацияларни чиқариш ва қонун билан тақиқланмаган бошқа манбалар ҳисобидан тижорат банкларини зарур маблағлар билан таъминласин;
икки ой муддатда пахта хом ашёси ва бошоқли дон экинларининг бўлғуси ҳосилини суғурталаш механизмларини такомиллаштириш бўйича Вазирлар Маҳкамасига таклиф киритсин.
6. Ўзбекистон Республикаси Вазирлар Маҳкамаси икки ҳафта муддатда:
пахтачилик соҳасида кластер тизимини самарали ташкил этиш мақсадида пахта-тўқимачилик ишлаб чиқаришлари ва кластерлари фаолиятини ташкил этиш тўғрисидаги низомни;
пахта-тўқимачилик кластерлари ташкил этилмаган республика ҳудудларида фермер хўжаликларининг ихтиёрий равишда бирлашиши асосида пахта тозалаш корхоналари негизида пахта хом ашёсини етиштирувчи ва қайта ишловчи кооперациялар ташкил этишни назарда тутувчи қарорни қабул қилсин.
7. Ўзбекистон Республикаси Иқтисодиёт ва саноат вазирлиги, Давлат активларини бошқариш агентлиги, Қишлоқ хўжалиги вазирлиги, Монополияга қарши курашиш қўмитаси, Молия вазирлиги, Давлат солиқ қўмитасининг «Ўзпахтасаноат» АЖни тугатиш тўғрисидаги таклифларига розилик берилсин.
Ўзбекистон Республикаси Вазирлар Маҳкамаси бир ой муддатда «Ўзпахтасаноат» АЖни тугатиш бўйича «йўл харитаси»ни тасдиқласин.
8. Ўзбекистон Республикаси Сув хўжалиги вазирлиги Қишлоқ хўжалиги вазирлиги, «Ўзгидромет» маркази билан биргаликда қишлоқ хўжалиги соҳасига замонавий сервис хизматларини ташкил этиш мақсадида дарёлар ва республика ҳудудларида кутилаётган ва мавжуд сув ресурси, метеорологик, гидрологик ва агрометеорологик маълумотларни «on-line» режимида олиш имконини берувчи махсус электрон саҳифа ташкил этсин ҳамда доимий фаолиятини таъминласин.
9. Ўзбекистон Республикаси ҳудудига пахта толасини импорт қилиш бўйича чекловлар ўрнатилмаганлиги маълумот учун қабул қилинсин.
10. Мазкур қарор қабул қилиниши муносабати билан Вазирлар Маҳкамасининг 2019 йил 12 декабрдаги «2020 йилда ғўзани навлар бўйича жойлаштириш ва пахта хом ашёси етиштиришнинг прогноз ҳажмлари тўғрисида»ги 985-сон қарорининг 1-банди тўртинчи хатбошиси , шунингдек, қарорга 3-илова ўз кучини йўқотган деб ҳисоблансин.
11. Ўзбекистон Миллий ахборот агентлиги ва Ўзбекистон Миллий телерадиокомпанияси Қишлоқ хўжалиги вазирлиги билан биргаликда ушбу қарор мазмун-моҳияти ҳамда мақсад ва вазифаларининг оммавий ахборот воситаларида кенг ёритилишини таъминласин.
12. Ўзбекистон Республикаси Молия вазирлиги, Қишлоқ хўжалиги вазирлиги бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2020 йил 6 мартдаги ПҚ-4633-сон қарорига 1-ИЛОВА
Пахтачиликда бозор тамойиллари жорий этилиши муносабати билан пахта етиштирувчи фермер хўжаликлари ва қайта ишловчи корхоналарнинг ўзаро муносабатларини тартибга солиш бўйича амалга ошириладиган
Т/р Тадбирлар номи Амалга ошириш механизми Ижро муддати Масъул ижрочилар 1. Пахта хом ашёси етиштиришни молиялаштиришнинг янги тартибини ишлаб чиқиш. Бунда, 2021 йил ҳосилидан бошлаб, пахта хом ашёси етиштириш харажатларини молиялаштириш учун имтиёзли кредитларни фермер хўжаликларининг талабидан келиб чиқиб, ажратиш тизимини жорий этиш назарда тутилсин. Норматив-ҳуқуқий ҳужжат лойиҳаси 2020 йил 1 апрель Молия вазирлиги, Марказий банк, Қишлоқ хўжалиги вазирлиги 2. Пахта хом ашёси етиштириш учун кластер корхоналари ва фермер хўжаликларига ажратиладиган кредит маблағларини ягона махсус банк карталари орқали ойма-ой эркин тасарруф қилиш механизмини синов тариқасида Бухоро вилоятида татбиқ этиш ва тажриба натижаларига кўра бошқа ҳудудларда ҳам жорий қилиш. Чора-тадбирлар режаси 2020 йил 1 апрель Марказий банк, тижорат банклари, Қорақалпоғистон Республикаси Вазирлар Кенгаши ва вилоятлар ҳокимликлари 3. 2021 йил ҳосилидан пахта толасини ишлаб чиқариш ва етказиб бериш балансини тасдиқлаш амалиётини бекор қилиш. Чора-тадбирлар режаси 2020 йил 1 сентябрь Иқтисодиёт ва саноат вазирлиги, «Ўзпахтасаноат» АЖ, «Ўзтўқимачиликсаноат» уюшмаси 4. «Ўзагросервис» АЖ тизимидаги туман машина трактор паркларининг вилоят машина трактор парклари бирлашмаларига тегишли улушларини пахта-тўқимачилик кластерларига белгиланган тартибда сотиш. Чора-тадбирлар режаси 2020 йил 1 апрель «Ўзагросервис» АЖ, Давлат активларини бошқариш агентлиги, «Ўзтўқимачиликсаноат» уюшмаси, Иқтисодиёт ва саноат вазирлиги, Молия вазирлиги, «Ўзагролизинг» АЖ, тижорат банклари 5. Нархлари (тарифлари) давлат томонидан тартибга солинадиган ижтимоий аҳамиятга эга товарлар (хизматлар) ва уларнинг стратегик турлари рўйхатидан пахта маҳсулотини чиқариш. Норматив-ҳуқуқий ҳужжат лойиҳаси 2020 йил 10 апрель Монополияга қарши курашиш қўмитаси, Молия вазирлиги, «Ўзпахтасаноат» АЖ 6. «Пахтасаноат ҳудудий акциядорлик» бирлашмаларининг пахта тозалаш заводларидаги акция (улуш) пакетлари сотилишига қадар, ушбу заводлар томонидан пахта хом ашёсини қабул қилиш, сақлаш ва қайта ишлаш хизмати (тегирмон усулида) кўрсатилишини таъминлаш. Чора-тадбирлар режаси 2020 йил 20 март «Ўзпахтасаноат» АЖ, Давлат активларини бошқариш агентлиги, Қишлоқ хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари 7. Пахта хом ашёси ҳисоб-китобини тўғри юритиш мақсадида «Ўзпахтасаноат» АЖнинг «Ўзпахта» автоматлаштирилган тизимини Қишлоқ хўжалиги вазирлигига ўтказиш. Чора-тадбирлар режаси 2020 йил 1 июль «Ўзпахтасаноат» АЖ, Қишлоқ хўжалиги вазирлиги 8. «Ўзпахтасаноат» АЖни тугатиш комиссияси, шу жумладан, унинг активларини тасарруф этиш вазифаларини амалга ошириш учун Давлат активларини бошқариш агентлиги ҳузурида бюджетдан ташқари Давлат активларини бошқариш, трансформация ва хусусийлаштириш жамғармаси маблағлари ҳисобига молиялаштириладиган Лойиҳа офисини ташкил этиш. Қуйидагиларни назарда тутувчи «Йўл харитаси»ни тасдиқлаш учун Вазирлар Маҳкамасига киритиш: а) «Ўзпахтасаноат» АЖнитугатиш, активларини ва мажбуриятларини хатловдан ўтказиш, унинг тизимидаги корхоналарни хусусийлаштириш жараёнларини мувофиқлаштириш; б) «Ўзпахтасаноат» АЖни тугатиш комиссияси томонидан бажариладиган тадбирларни белгилаш. Бунда: пахта тозалаш корхоналаридаги «Пахтасаноат» ҳудудий акциядорлик бирлашмалари акция (улуш) пакетларини белгиланган тартибда сотиш; Ҳукумат қарорларига асосан пахта-тўқимачилик кластерларига бўлиб тўлаш шарти билан сотилган ҳамда тузилган олди-сотди шартномаси мажбуриятлари пахта-тўқимачилик кластерлари томонидан бажарилмаган тақдирда, мазкур пахта тозалаш корхоналаридаги «Пахтасаноат» ҳудудий акциядорлик бирлашмаларига тегишли акция (улуш) пакетларни белгиланган тартибда сотиш; пахта тозалаш корхоналаридаги «Пахтасаноат» ҳудудий акциядорлик бирлашмалари улушларини сотиш жараёнлари якунлангандан сўнг «Ўзпахтасаноат» АЖ ва «Пахтасаноат» ҳудудий акциядорлик бирлашмаларини тугатиш; в) Лойиҳа офиси «Ўзпахтасаноат» АЖ ва «Пахтасаноат» ҳудудий акциядорлик бирлашмаларини тугатиш жараёнини назорат қилиши ва тугатилганидан сўнг активларини қабул қилиши назарда тутилади. Лойиҳа офисини тузиш Чора-тадбирлар режаси 2020 йил 20 март 2020 йил 1 май Давлат активларини бошқариш агентлиги, Молия вазирлиги, манфаатдор вазирлик ва идоралар Молия вазирлиги, Давлат активларини бошқариш агентлиги, Лойиҳа офиси, «Ўзпахтасаноат» АЖ, Монополияга қарши курашиш қўмитаси, Давлат солиқ қўмитаси, тижорат банклари, Қорақалпоғистон Республикаси Вазирлар кенгаши ва вилоятлар ҳокимликлари 9. Ўзбекистон Республикаси Президентининг «Республика ҳудудларида тикув-трикотаж маҳсулотлари ишлаб чиқаришни ташкил этиш ва аҳоли бандлигини таъминлаш чора-тадбирлари тўғрисида» 2019 йил 28 майдаги ПҚ-4341-сон қарорига мувофиқ 2020-2021 йилларда республика ҳудудларида ташкил этилиши белгиланган тикув-трикотаж мажмуаларини пахта-тўқимачилик кластерлари томонидан ишга туширилишини таъминлаш. Бунда, пахта-тўқимачилик кластерларига тикув-трикотаж мажмуаларини ишга тушириш учун алоҳида имтиёзли кредитларни ажратиш назарда тутилади. 2020-2021 йилларда мажмуаларни ташкил этиш бўйича манзилли (дислокация) дастурга ўзгартириш киритиш ва зарурий молиявий манбалар билан таъминлаш Ўзбекистон Республикаси Президентининг 2019 йил 28 майдаги ПҚ-4341-сон қарорида белгиланган муддатларда Иқтисодиёт ва саноат вазирлиги, Молия вазирлиги, «Ўзтўқимачиликсаноат» уюшмаси, «Ўзпахтасаноат» АЖ, тегишли тижорат банклари, Қорақалпоғистон Республикаси Вазирлар Кенгаши ва вилоятлар ҳокимликлари 10. Жаҳон банкининг «Қишлоқ хўжалигини модернизация қилиш» лойиҳаси доирасида туманларда қишлоқ хўжалиги маҳсулотлари, шу жумладан пахта ва ғалла экилган майдонларда, экинларнинг ривожланиш ҳолати ва кутилаётган ҳосил прогнози билан шуғулланувчи ахборот-маслаҳат марказларини ташкил этиш ва уларни техник воситалар билан таъминлаш. Ахборот-маслаҳат марказлари томонидан: кутилаётган ҳосил, экинларнинг ривожланиш ҳолати, омборлардаги маҳсулот ҳажми бўйича ҳудудлар кесимида маълумотларнинг даврий равишда эълон қилиб борилиши; хўжаликларга тупроқ унумдорлигини аниқлаш ва уни ошириш, агротехник тадбирларни мақбул муддат ва даражада ўтказиш, зараркунандаларнинг тарқалиши ва уларга қарши курашиш тадбирларини ўтказиш, маҳсулотларни сотиш ва бошқа масалаларида консультатив хизматлари берилиши йўлга қўйилади. Чора-тадбирлар режаси 2020 йил 1 сентябрь Қишлоқ хўжалиги вазирлиги, Молия вазирлиги 11. Жаҳон бозори нархлари таҳлилидан келиб чиқиб, ҳосил йилида кутилаётган минимал нархларни эълон қилиш. Бюллетень чоп этиш, ОАВда эълон қилиш Ҳар йили 1 декабрь Қишлоқ хўжалиги вазирлиги, Иқтисодиёт ва саноат вазирлиги, Ўзбекистон фермер, деҳқон хўжаликлари ва томорқа ер эгалари кенгаши, «Ўзтўқимачиликсаноат» уюшмаси 12. Ушбу қарорнинг мазмун-моҳияти ҳамда мақсад ва вазифалари тўғрисида махсус телекўрсатувлар ташкил этиш, реклама роликлари тайёрлаш орқали оммавий ахборот воситаларида кенг ёритилишини таъминлаш. Амалий чора-тадбирлар Ҳар ҳафта Ўзбекистон Миллий телерадиокомпанияси, Ўзбекистон Миллий ахборот агентлиги, Қишлоқ хўжалиги вазирлиги
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 6 март,
ПҚ-4633-сон
Oʻzbekiston Respublikasi Prezidentining
Qarori
chora-tadbirlar dasturi
Paxtachilik sohasida bozor tamoyillarini keng joriy etish chora-tadbirlari toʻgʻrisida
Oʻzbekiston Respublikasi Prezidentining 2019-yil 23-oktabrdagi “Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini tasdiqlash toʻgʻrisida”gi PF-5853-son Farmoni ijrosini taʼminlash, jumladan qishloq xoʻjaligida erkin raqobatni taʼminlaydigan bozor tamoyillarini joriy etish, paxta va gʻalla yetishtirishda davlat buyurtmasini bekor qilish, ishlab chiqarish iqtisodiy samaradorligini va mahsulot ishlab chiqaruvchilar manfaatdorligini oshirish, investitsiyalarni keng jalb qilish hisobiga qoʻshimcha ish oʻrinlarini yaratish maqsadida:
1. Oʻzbekiston Respublikasi Iqtisodiyot va sanoat vazirligi, Moliya vazirligi, Qishloq xoʻjaligi vazirligi, “Oʻzpaxtasanoat” AJ, Oʻzbekiston fermer, dehqon xoʻjaliklari va tomorqa yer egalari kengashining 2020-yil hosilidan boshlab paxta xom ashyosini yetishtirishda davlat buyurtmasini bekor qilish toʻgʻrisidagi taklifiga rozilik berilsin.
Paxtachilikda bozor tamoyillari joriy etilishi munosabati bilan paxta yetishtiruvchi fermer xoʻjaliklari va qayta ishlovchi korxonalarning oʻzaro munosabatlarini tartibga solish boʻyicha amalga oshiriladigan chora-tadbirlar dasturi 1-ilovaga muvofiq tasdiqlansin.
2. Belgilab qoʻyilsinki:
a) 2020-yil hosilidan boshlab:
paxta xom ashyosining xarid narxini belgilash amaliyotidan voz kechiladi;
paxta xom ashyosini yetishtiruvchilar (fermer xoʻjaliklari, paxta-toʻqimachilik klasterlari, kooperatsiyalar)ga rayonlashtirilgan gʻoʻza navlarini erkin joylashtirish huquqi beriladi;
paxta xom ashyosi yetishtiruvchilarni sifatli urugʻlik bilan taʼminlash maqsadida sertifikatlangan urugʻlik yetkazib berish tizimi (shu jumladan, urugʻlik paxta uchun amaldagi ustama toʻlash tartibi) saqlab qolinadi hamda bosqichma-bosqich Qishloq xoʻjaligi vazirligi huzuridagi Urugʻchilikni rivojlantirish markazi tarkibidagi urugʻchilik klasterlari hamda paxta-toʻqimachilik klasterlari zimmasiga yuklatiladi;
b) respublikaning barcha hududlarida fermer xoʻjaliklarining ixtiyoriy kooperatsiyalari tashkil etiladi.
Quyidagilar kooperatsiyaning asosiy vazifalari etib belgilansin:
kooperatsiya aʼzolari bilan shartnomalar tuzish orqali paxta xom ashyosi yetishtirish yuzasidan kelishilgan chora-tadbirlarni amalga oshirish;
kooperatsiya aʼzolari tomonidan paxta xom ashyosi yetishtirish uchun zarur boʻlgan mulk komplekslari, texnika, uskuna, transport vositalaridan, paxta tozalash zavodlaridan birgalikda foydalanishni tashkil etish;
kooperatsiya va ularning aʼzolari oʻrtasida imzolanadigan shartnoma asosida kooperatsiya aʼzolarini qishloq xoʻjaligi texnikasi, yonilgʻi-moylash materiallari, mineral oʻgʻit, urugʻlik, shuningdek, kimyoviy va biologik himoya vositalari bilan taʼminlash;
paxta xom ashyosini tayyorlash, tashish, saqlash, qayta ishlash va tegirmon usulida qayta ishlashni shartnomalarga asosan amalga oshirish va vositachilik shartnomalari asosida ishlab chiqarilgan mahsulotlarni sotishni tashkillashtirish;
kooperatsiya aʼzolariga agrotexnika, buxgalterlik, konsalting, vositachilik va boshqa xizmatlarni koʻrsatish;
kooperatsiya bilan hamkorlik qilish uchun eksport qiluvchilarni jalb etish, ichki va tashqi bozorlarda marketing tadqiqotlari oʻtkazish;
kooperatsiya aʼzolari tomonidan ishlab chiqariladigan paxta tolasi va ikkilamchi mahsulotlarni birjada yoki birjada shakllangan narxlarda toʻgʻridan-toʻgʻri shartnomalar asosida sotish.
Vazirlar Mahkamasining tegishli qarorlariga muvofiq tashkil etilgan paxta-toʻqimachilik klasterlariga belgilangan imtiyozlar paxta xom ashyosini yetishtiruvchi va qayta ishlovchi kooperatsiyalar uchun ham tatbiq etiladi;
v) respublikada ishlab chiqarilgan paxta tolasi uchun birjada boshlangʻich narx shakllanishida amalda qoʻllanilayotgan 10 foiz miqdoridagi chegirma bekor qilinadi;
g) qishloq xoʻjaligi mahsuloti ishlab chiqaruvchilarni oʻz vaqtida mahalliy sharoitga mos sifatli urugʻlik bilan taʼminlash, tegishli tartibda ishlov berilmagan urugʻlik orqali kasalliklar tarqalishining oldini olish, paxta xom ashyosi hosildorligini izchil oshirib borish maqsadida 2020-yil hosili uchun urugʻlik chigit “Oʻzpaxtasanoat” AJ tizimidagi urugʻchilik sexlari va paxta-toʻqimachilik klasterlari tomonidan yetkazib beriladi.
4. Belgilansinki, Qishloq xoʻjaligini davlat tomonidan qoʻllab-quvvatlash jamgʻarmasining imtiyozli kredit resurslari hisobidan tijorat banklari tomonidan ajratilgan kredit mablagʻlaridan fermer xoʻjaliklari, paxta-toʻqimachilik klasterlari va urugʻchilikni rivojlantirish markazi tarkibidagi urugʻchilik xoʻjaliklari agrotexnik tadbirlardan kelib chiqib, erkin foydalanadi hamda moddiy resurslar yetkazib beruvchilarni ixtiyoriy tanlaydi.
5. Oʻzbekiston Respublikasi Moliya vazirligi:
paxta xom ashyosi va donni xarid qilish uchun jalb etiladigan tijorat kreditlari foizining bir qismini qoplab berish uchun respublika budjetidan Tadbirkorlik faoliyatini qoʻllab-quvvatlash davlat jamgʻarmasiga, ehtiyojga qarab, 700 mlrd soʻmgacha mablagʻ ajratsin;
paxta xom ashyosi va gʻallani sotib olishni kredit resurslari bilan taʼminlashda tijorat banklarida mablagʻlarga ehtiyoj tugʻilganda, Oʻzbekiston Respublikasi Davlat budjeti va davlat maqsadli jamgʻarmalari mablagʻlari, budjetni qoʻllab-quvvatlash uchun jalb qilinadigan xalqaro moliya institutlari va xorijiy hukumat moliya tashkilotlarining kreditlari, suveren va korporativ xalqaro obligatsiyalarni chiqarish va qonun bilan taqiqlanmagan boshqa manbalar hisobidan tijorat banklarini zarur mablagʻlar bilan taʼminlasin;
ikki oy muddatda paxta xom ashyosi va boshoqli don ekinlarining boʻlgʻusi hosilini sugʻurtalash mexanizmlarini takomillashtirish boʻyicha Vazirlar Mahkamasiga taklif kiritsin.
6. Oʻzbekiston Respublikasi Vazirlar Mahkamasi ikki hafta muddatda:
paxtachilik sohasida klaster tizimini samarali tashkil etish maqsadida paxta-toʻqimachilik ishlab chiqarishlari va klasterlari faoliyatini tashkil etish toʻgʻrisidagi nizomni;
paxta-toʻqimachilik klasterlari tashkil etilmagan respublika hududlarida fermer xoʻjaliklarining ixtiyoriy ravishda birlashishi asosida paxta tozalash korxonalari negizida paxta xom ashyosini yetishtiruvchi va qayta ishlovchi kooperatsiyalar tashkil etishni nazarda tutuvchi qarorni qabul qilsin.
7. Oʻzbekiston Respublikasi Iqtisodiyot va sanoat vazirligi, Davlat aktivlarini boshqarish agentligi, Qishloq xoʻjaligi vazirligi, Monopoliyaga qarshi kurashish qoʻmitasi, Moliya vazirligi, Davlat soliq qoʻmitasining “Oʻzpaxtasanoat” AJni tugatish toʻgʻrisidagi takliflariga rozilik berilsin.
Oʻzbekiston Respublikasi Vazirlar Mahkamasi bir oy muddatda “Oʻzpaxtasanoat” AJni tugatish boʻyicha “yoʻl xaritasi”ni tasdiqlasin.
8. Oʻzbekiston Respublikasi Suv xoʻjaligi vazirligi Qishloq xoʻjaligi vazirligi, “Oʻzgidromet” markazi bilan birgalikda qishloq xoʻjaligi sohasiga zamonaviy servis xizmatlarini tashkil etish maqsadida daryolar va respublika hududlarida kutilayotgan va mavjud suv resursi, meteorologik, gidrologik va agrometeorologik maʼlumotlarni “on-line” rejimida olish imkonini beruvchi maxsus elektron sahifa tashkil etsin hamda doimiy faoliyatini taʼminlasin.
9. Oʻzbekiston Respublikasi hududiga paxta tolasini import qilish boʻyicha cheklovlar oʻrnatilmaganligi maʼlumot uchun qabul qilinsin.
10. Mazkur qaror qabul qilinishi munosabati bilan Vazirlar Mahkamasining 2019-yil 12-dekabrdagi “2020-yilda gʻoʻzani navlar boʻyicha joylashtirish va paxta xom ashyosi yetishtirishning prognoz hajmlari toʻgʻrisida”gi 985-son qarorining 1-bandi toʻrtinchi xatboshisi , shuningdek, qarorga 3-ilova oʻz kuchini yoʻqotgan deb hisoblansin.
11. Oʻzbekiston Milliy axborot agentligi va Oʻzbekiston Milliy teleradiokompaniyasi Qishloq xoʻjaligi vazirligi bilan birgalikda ushbu qaror mazmun-mohiyati hamda maqsad va vazifalarining ommaviy axborot vositalarida keng yoritilishini taʼminlasin.
12. Oʻzbekiston Respublikasi Moliya vazirligi, Qishloq xoʻjaligi vazirligi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2020-yil 6-martdagi PQ-4633-son qaroriga 1-ILOVA
Paxtachilikda bozor tamoyillari joriy etilishi munosabati bilan paxta yetishtiruvchi fermer xoʻjaliklari va qayta ishlovchi korxonalarning oʻzaro munosabatlarini tartibga solish boʻyicha amalga oshiriladigan
T/r Tadbirlar nomi Amalga oshirish mexanizmi Ijro muddati Masʼul ijrochilar 1. Paxta xom ashyosi yetishtirishni moliyalashtirishning yangi tartibini ishlab chiqish. Bunda, 2021-yil hosilidan boshlab, paxta xom ashyosi yetishtirish xarajatlarini moliyalashtirish uchun imtiyozli kreditlarni fermer xoʻjaliklarining talabidan kelib chiqib, ajratish tizimini joriy etish nazarda tutilsin. Normativ-huquqiy hujjat loyihasi 2020-yil 1-aprel Moliya vazirligi, Markaziy bank, Qishloq xoʻjaligi vazirligi 2. Paxta xom ashyosi yetishtirish uchun klaster korxonalari va fermer xoʻjaliklariga ajratiladigan kredit mablagʻlarini yagona maxsus bank kartalari orqali oyma-oy erkin tasarruf qilish mexanizmini sinov tariqasida Buxoro viloyatida tatbiq etish va tajriba natijalariga koʻra boshqa hududlarda ham joriy qilish. Chora-tadbirlar rejasi 2020-yil 1-aprel Markaziy bank, tijorat banklari, Qoraqalpogʻiston Respublikasi Vazirlar Kengashi va viloyatlar hokimliklari 3. 2021-yil hosilidan paxta tolasini ishlab chiqarish va yetkazib berish balansini tasdiqlash amaliyotini bekor qilish. Chora-tadbirlar rejasi 2020-yil 1-sentabr Iqtisodiyot va sanoat vazirligi, “Oʻzpaxtasanoat” AJ, “Oʻztoʻqimachiliksanoat” uyushmasi 4. “Oʻzagroservis” AJ tizimidagi tuman mashina traktor parklarining viloyat mashina traktor parklari birlashmalariga tegishli ulushlarini paxta-toʻqimachilik klasterlariga belgilangan tartibda sotish. Chora-tadbirlar rejasi 2020-yil 1-aprel “Oʻzagroservis” AJ, Davlat aktivlarini boshqarish agentligi, “Oʻztoʻqimachiliksanoat” uyushmasi, Iqtisodiyot va sanoat vazirligi, Moliya vazirligi, “Oʻzagrolizing” AJ, tijorat banklari 5. Narxlari (tariflari) davlat tomonidan tartibga solinadigan ijtimoiy ahamiyatga ega tovarlar (xizmatlar) va ularning strategik turlari roʻyxatidan paxta mahsulotini chiqarish. Normativ-huquqiy hujjat loyihasi 2020-yil 10-aprel Monopoliyaga qarshi kurashish qoʻmitasi, Moliya vazirligi, “Oʻzpaxtasanoat” AJ 6. “Paxtasanoat hududiy aksiyadorlik” birlashmalarining paxta tozalash zavodlaridagi aksiya (ulush) paketlari sotilishiga qadar, ushbu zavodlar tomonidan paxta xom ashyosini qabul qilish, saqlash va qayta ishlash xizmati (tegirmon usulida) koʻrsatilishini taʼminlash. Chora-tadbirlar rejasi 2020-yil 20-mart “Oʻzpaxtasanoat” AJ, Davlat aktivlarini boshqarish agentligi, Qishloq xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari 7. Paxta xom ashyosi hisob-kitobini toʻgʻri yuritish maqsadida “Oʻzpaxtasanoat” AJning “Oʻzpaxta” avtomatlashtirilgan tizimini Qishloq xoʻjaligi vazirligiga oʻtkazish. Chora-tadbirlar rejasi 2020-yil 1-iyul “Oʻzpaxtasanoat” AJ, Qishloq xoʻjaligi vazirligi 8. “Oʻzpaxtasanoat” AJni tugatish komissiyasi, shu jumladan, uning aktivlarini tasarruf etish vazifalarini amalga oshirish uchun Davlat aktivlarini boshqarish agentligi huzurida budjetdan tashqari Davlat aktivlarini boshqarish, transformatsiya va xususiylashtirish jamgʻarmasi mablagʻlari hisobiga moliyalashtiriladigan Loyiha ofisini tashkil etish. Quyidagilarni nazarda tutuvchi “Yoʻl xaritasi”ni tasdiqlash uchun Vazirlar Mahkamasiga kiritish: a) “Oʻzpaxtasanoat” AJnitugatish, aktivlarini va majburiyatlarini xatlovdan oʻtkazish, uning tizimidagi korxonalarni xususiylashtirish jarayonlarini muvofiqlashtirish; b) “Oʻzpaxtasanoat” AJni tugatish komissiyasi tomonidan bajariladigan tadbirlarni belgilash. Bunda: paxta tozalash korxonalaridagi “Paxtasanoat” hududiy aksiyadorlik birlashmalari aksiya (ulush) paketlarini belgilangan tartibda sotish; Hukumat qarorlariga asosan paxta-toʻqimachilik klasterlariga boʻlib toʻlash sharti bilan sotilgan hamda tuzilgan oldi-sotdi shartnomasi majburiyatlari paxta-toʻqimachilik klasterlari tomonidan bajarilmagan taqdirda, mazkur paxta tozalash korxonalaridagi “Paxtasanoat” hududiy aksiyadorlik birlashmalariga tegishli aksiya (ulush) paketlarni belgilangan tartibda sotish; paxta tozalash korxonalaridagi “Paxtasanoat” hududiy aksiyadorlik birlashmalari ulushlarini sotish jarayonlari yakunlangandan soʻng “Oʻzpaxtasanoat” AJ va “Paxtasanoat” hududiy aksiyadorlik birlashmalarini tugatish; v) Loyiha ofisi “Oʻzpaxtasanoat” AJ va “Paxtasanoat” hududiy aksiyadorlik birlashmalarini tugatish jarayonini nazorat qilishi va tugatilganidan soʻng aktivlarini qabul qilishi nazarda tutiladi. Loyiha ofisini tuzish Chora-tadbirlar rejasi 2020-yil 20-mart 2020-yil 1-may Davlat aktivlarini boshqarish agentligi, Moliya vazirligi, manfaatdor vazirlik va idoralar Moliya vazirligi, Davlat aktivlarini boshqarish agentligi, Loyiha ofisi, “Oʻzpaxtasanoat” AJ, Monopoliyaga qarshi kurashish qoʻmitasi, Davlat soliq qoʻmitasi, tijorat banklari, Qoraqalpogʻiston Respublikasi Vazirlar kengashi va viloyatlar hokimliklari 9. Oʻzbekiston Respublikasi Prezidentining “Respublika hududlarida tikuv-trikotaj mahsulotlari ishlab chiqarishni tashkil etish va aholi bandligini taʼminlash chora-tadbirlari toʻgʻrisida” 2019-yil 28-maydagi PQ-4341-son qaroriga muvofiq 2020-2021-yillarda respublika hududlarida tashkil etilishi belgilangan tikuv-trikotaj majmualarini paxta-toʻqimachilik klasterlari tomonidan ishga tushirilishini taʼminlash. Bunda, paxta-toʻqimachilik klasterlariga tikuv-trikotaj majmualarini ishga tushirish uchun alohida imtiyozli kreditlarni ajratish nazarda tutiladi. 2020-2021-yillarda majmualarni tashkil etish boʻyicha manzilli (dislokatsiya) dasturga oʻzgartirish kiritish va zaruriy moliyaviy manbalar bilan taʼminlash Oʻzbekiston Respublikasi Prezidentining 2019-yil 28-maydagi PQ-4341-son qarorida belgilangan muddatlarda Iqtisodiyot va sanoat vazirligi, Moliya vazirligi, “Oʻztoʻqimachiliksanoat” uyushmasi, “Oʻzpaxtasanoat” AJ, tegishli tijorat banklari, Qoraqalpogʻiston Respublikasi Vazirlar Kengashi va viloyatlar hokimliklari 10. Jahon bankining “Qishloq xoʻjaligini modernizatsiya qilish” loyihasi doirasida tumanlarda qishloq xoʻjaligi mahsulotlari, shu jumladan paxta va gʻalla ekilgan maydonlarda, ekinlarning rivojlanish holati va kutilayotgan hosil prognozi bilan shugʻullanuvchi axborot-maslahat markazlarini tashkil etish va ularni texnik vositalar bilan taʼminlash. Axborot-maslahat markazlari tomonidan: kutilayotgan hosil, ekinlarning rivojlanish holati, omborlardagi mahsulot hajmi boʻyicha hududlar kesimida maʼlumotlarning davriy ravishda eʼlon qilib borilishi; xoʻjaliklarga tuproq unumdorligini aniqlash va uni oshirish, agrotexnik tadbirlarni maqbul muddat va darajada oʻtkazish, zararkunandalarning tarqalishi va ularga qarshi kurashish tadbirlarini oʻtkazish, mahsulotlarni sotish va boshqa masalalarida konsultativ xizmatlari berilishi yoʻlga qoʻyiladi. Chora-tadbirlar rejasi 2020-yil 1-sentabr Qishloq xoʻjaligi vazirligi, Moliya vazirligi 11. Jahon bozori narxlari tahlilidan kelib chiqib, hosil yilida kutilayotgan minimal narxlarni eʼlon qilish. Byulleten chop etish, OAVda eʼlon qilish Har yili 1-dekabr Qishloq xoʻjaligi vazirligi, Iqtisodiyot va sanoat vazirligi, Oʻzbekiston fermer, dehqon xoʻjaliklari va tomorqa yer egalari kengashi, “Oʻztoʻqimachiliksanoat” uyushmasi 12. Ushbu qarorning mazmun-mohiyati hamda maqsad va vazifalari toʻgʻrisida maxsus telekoʻrsatuvlar tashkil etish, reklama roliklari tayyorlash orqali ommaviy axborot vositalarida keng yoritilishini taʼminlash. Amaliy chora-tadbirlar Har hafta Oʻzbekiston Milliy teleradiokompaniyasi, Oʻzbekiston Milliy axborot agentligi, Qishloq xoʻjaligi vazirligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 6-mart,
PQ-4633-son
Президента Республики Узбекистан
Постановление
ПРОГРАММА МЕР
О мерах по широкому внедрению рыночных принципов в сферу хлопководства
В целях обеспечения исполнения Указа Президента Республики Узбекистан от 23 октября 2019 года № УП-5853 «Об утверждении Стратегии развития сельского хозяйства Республики Узбекистан на 2020 — 2030 годы», в том числе внедрения рыночных принципов, обеспечивающих свободную конкуренцию в сельском хозяйстве, отмены государственного заказа на производство хлопка и зерна, повышения экономической эффективности производства и заинтересованности производителей продукции, создания дополнительных рабочих мест за счет широкого привлечения инвестиций:
1. Согласиться с предложением Министерства экономики и промышленности, Министерства финансов, Министерства сельского хозяйства Республики Узбекистан, АО «Узпахтасаноат» и Совета фермерских, дехканских хозяйств и владельцев приусадебных земель Узбекистана об отмене, начиная с урожая 2020 года, государственного заказа на производство хлопка-сырца.
Утвердить Программу мер по регулированию взаимоотношений хлопкосеющих фермерских хозяйств и хлопкоперерабатывающих предприятий в связи с внедрением рыночных принципов в хлопководство согласно приложению № 1 .
2. Установить, что:
а) начиная с урожая 2020 года:
отменяется практика установления закупочных цен на хлопок-сырец;
производителям хлопка-сырца (фермерским хозяйствам, хлопково-текстильным кластерам, кооперациям) предоставляется право свободного сорторазмещения районированного хлопчатника;
в целях обеспечения производителей хлопка-сырца качественными семенами сохраняется система поставки сертифицированных семян (в том числе действующий порядок выплаты надбавок за семенной хлопок) с поэтапным возложением на семеноводческие кластеры в структуре Центра развития семеноводства при Министерстве сельского хозяйства, а также хлопково-текстильные кластеры;
б) во всех регионах республики создаются добровольные кооперации фермерских хозяйств.
Определить основными задачами кооперации:
реализацию согласованных мер по производству хлопка-сырца путем заключения договоров с членами кооперации;
организацию совместного использования членами кооперации имущественных комплексов, техники, оборудования, транспортных средств и хлопкоочистительных заводов, необходимых для производства хлопка-сырца;
обеспечение членов кооперации сельскохозяйственной техникой, горюче-смазочными материалами, минеральными удобрениями, семенами, а также химическими и биологическими средствами защиты на основе договоров, заключаемых между кооперациями и их членами;
заготовку, транспортировку, хранение и переработку хлопка-сырца, в том числе методом мельницы, на основе договоров и организацию реализации произведенной продукции на основе посреднических договоров;
оказание членам кооперации агротехнических, бухгалтерских, консалтинговых, посреднических и иных услуг;
привлечение экспортеров для сотрудничества с кооперацией, проведение маркетинговых исследований на внутреннем и внешнем рынках;
реализацию хлопкового волокна и вторичной продукции, произведенных членами кооперации, на бирже либо по ценам, сформированным на бирже, на основе прямых договоров.
Распространить на кооперации по производству и переработке хлопка-сырца льготы, установленные для хлопково-текстильных кластеров, созданных на основе соответствующих постановлений Кабинета Министров;
в) отменяется скидка в размере 10 процентов на хлопковое волокно, произведенное в республике, действующая при формировании стартовой цены на бирже;
г) в целях своевременного обеспечения производителей сельскохозяйственной продукции качественными семенами, адаптированными к местным условиям, предупреждения распространения болезней через семена, не обработанные в установленном порядке, а также последовательного повышения урожайности хлопка-сырца семена хлопчатника для урожая 2020 года поставляются семеноводческими цехами и хлопково-текстильными кластерами системы АО «Узпахтасаноат».
4. Определить, что фермерские хозяйства, хлопково-текстильные кластеры и семеноводческие хозяйства в структуре Центра развития семеноводства, исходя из агротехнических мероприятий, самостоятельно распоряжаются кредитными средствами, выделенными коммерческими банками за счет льготных кредитных ресурсов Фонда государственной поддержки сельского хозяйства, и добровольно выбирают поставщиков материальных ресурсов.
5. Министерству финансов Республики Узбекистан:
выделить Фонду государственной поддержки предпринимательской деятельности по мере необходимости из республиканского бюджета средства до 700 млрд сумов на возмещение части процентов по коммерческим кредитам, привлекаемым на закупку хлопка-сырца и зерна;
обеспечить необходимыми средствами коммерческие банки за счет средств Государственного бюджета Республики Узбекистан и государственных целевых фондов, кредитов международных финансовых институтов и зарубежных правительственных финансовых организаций, привлекаемых для поддержки бюджета, выпуска суверенных и корпоративных международных облигаций, и иных источников, не запрещенных законодательством, при возникновении у коммерческих банков потребности в денежных средствах для обеспечения закупок хлопка-сырца и зерна кредитными ресурсами;
в двухмесячный срок внести в Кабинет Министров предложение по совершенствованию механизмов страхования будущего урожая хлопка-сырца и зерновых колосовых культур.
6. Кабинету Министров Республики Узбекистан в двухнедельный срок принять:
положение об организации деятельности хлопково-текстильных производств и кластеров с целью эффективной организации кластерной системы в сфере хлопководства;
постановление, предусматривающее создание в регионах республики, в которых отсутствуют хлопково-текстильные кластеры, коопераций-производителей и переработчиков хлопка-сырца на базе хлопкоочистительных предприятий на основе добровольного объединения фермерских хозяйств.
7. Согласиться с предложениями Министерства экономики и промышленности, Агентства по управлению государственными активами, Министерства сельского хозяйства, Антимонопольного комитета, Министерства финансов и Государственного налогового комитета Республики Узбекистан об упразднении АО «Узпахтасаноат».
Кабинету Министров Республики Узбекистан в месячный срок утвердить «Дорожную карту» по упразднению АО «Узпахтасаноат».
8. Министерству водного хозяйства совместно с Министерством сельского хозяйства Республики Узбекистан и Центром «Узгидромет» создать и обеспечить регулярное функционирование специальной электронной страницы, позволяющей в режиме «онлайн» получать сведения об имеющихся либо прогнозируемых водных ресурсах в реках и регионах республики, а также метеорологических, гидрологических и агрометеорологических данных с целью организации современных сервисных услуг в сфере сельского хозяйства.
9. Принять к сведению, что по импорту хлопкового волокна на территорию Республики Узбекистан ограничения не установлены.
10. В связи с принятием настоящего постановления признать утратившими силу абзац четвертый пункта 1 постановления Кабинета Министров от 12 декабря 2019 года № 985 «О сортовом размещении хлопчатника и прогнозируемых объемах производства хлопка-сырца в 2020 году», а также приложение № 3 к данному постановлению.
11. Национальному информационному агентству Узбекистана и Национальной телерадиокомпании Узбекистана совместно с Министерством сельского хозяйства Республики Узбекистан обеспечить широкое освещение в средствах массовой информации сути и содержания, а также целей и задач настоящего постановления.
12. Министерству финансов, Министерству сельского хозяйства Республики Узбекистан совместно с другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ № 1 к постановлению Президента Республики Узбекистан от 6 марта 2020 года № ПП-4633
по регулированию взаимоотношений хлопкосеющих фермерских хозяйств и хлопкоперерабатывающих предприятий в связи с внедрением рыночных принципов в хлопководство
№ Наименование мероприятий Механизм реализации Срок исполнения Ответственные исполнители 1. Разработка нового порядка финансирования производства хлопка-сырца. При этом предусмотреть внедрение, начиная с урожая 2021 года, системы выделения льготных кредитов на финансирование затрат по производству хлопка-сырца исходя из требований фермерских хозяйств. Проект нормативно-правового акта 1 апреля 2020 года Министерство финансов, Центральный банк, Министерство сельского хозяйства 2. Внедрение в Бухарской области в порядке экспериментамеханизма помесячного свободного распоряжения кредитными средствами, выделяемыми кластерным предприятиям и фермерским хозяйствам для производства хлопка-сырца через единые специальные банковские карты с последующим внедрением данного механизма в других регионах по итогам эксперимента. План мероприятий 1 апреля 2020 года Центральный банк, коммерческие банки, Совет Министров Республики Каракалпакстан и хокимияты областей 3. Отмена, начиная с урожая 2021 года, практики утверждения баланса производства и поставки хлопкового волокна. План мероприятий 1 сентября 2020 года Министерство экономики и промышленности, АО «Узпахтасаноат», Ассоциация «Узтукимачиликсаноат» 4. Реализация в установленном порядке хлопково-текстильным кластерам долей в районных машинно-тракторных парках системы АО «Узагросервис», принадлежащих областным объединениям машинно-тракторных парков. План мероприятий 1 апреля 2020 года АО «Узагросервис», Агентство по управлению государственными активами, Ассоциация «Узтукимачиликсаноат», Министерство экономики и промышленности, Министерство финансов, АО «Узагролизинг», коммерческие банки 5. Исключение хлопковой продукции из перечня социально значимых товаров (услуг) и их стратегических видов, цены (тарифы) на которые регулируются государством. Проект нормативно-правового акта 10 апреля 2020 года Антимонопольный комитет, Министерство финансов, АО «Узпахтасаноат» 6. Обеспечение до реализации на хлопкоочистительных заводах пакетов акций (доли) территориальных акционерных объединений «Пахтасаноат» оказания данными заводами услуг по приемке, хранению и переработке (методом мельницы) хлопка-сырца. План мероприятий 20 марта 2020 года АО «Узпахтасаноат», Агентство по управлению государственными активами, Министерство сельского хозяйства, Совет Министров Республики Каракалпакстан и хокимияты областей 7. Передача автоматизированной системы «Узпахта» АО «Узпахтасаноат» в ведение Министерства сельского хозяйства. План мероприятий 1 июля 2020 года АО «Узпахтасаноат», Министерство сельского хозяйства 8. Создание Проектного офиса по упразднению АО «Узпахтасаноат», для реализации задач ликвидационной комиссии финансируемого за счет средств внебюджетного Фонда по управлению, трансформации и приватизации государственных активов при Агентстве по управлению государственными активами. Внесение на утверждение в Кабинет Министров «Дорожной карты», предусматривающей: а) упразднение АО «Узпахтасаноат», инвентаризацию его активов и обязательств, координацию процессов приватизации предприятий, входящих в его систему; б) установление мероприятий, осуществляемых комиссией по ликвидации АО «Узпахтасаноат», предусмотрев: реализацию в установленном порядке пакетов акций (доли) территориальных акционерных объединений «Пахтасаноат» на хлопкоочистительных предприятиях; реализацию проданных хлопково-текстильным кластерам в соответствии с правительственными решениями на условиях оплаты в рассрочку пакетов акций (доли), принадлежащих территориальным акционерным объединениям «Пахтасаноат», на данных хлопкоочистительных предприятиях в установленном порядке в случае невыполнения хлопково-текстильными кластерами обязательств по заключенным договорам купли-продажи; упразднение по завершении процессов реализации долей территориальных акционерных объединений «Пахтасаноат» на хлопкоочистительных предприятиях АО «Узпахтасаноат» и территориальных акционерных объединений «Пахтасаноат»; в) осуществление Проектным офисом контроля за процессом упразднения АО «Узпахтасаноат» и территориальных акционерных объединений «Пахтасаноат», а также принятие их активов после упразднения. Создание Проектного офиса План мероприятий 20 марта 2020 года 1 мая 2020 года Агентство по управлению государственными активами, Министерство финансов, заинтересованные министерства и ведомства Министерство финансов, Агентство по управлению государственными активами, Проектный офис, АО «Узпахтасаноат», Антимонопольный комитет, Государственный налоговый комитет, коммерческие банки, Совет Министров Республики Каракалпакстан и хокимияты областей 9. Обеспечение ввода в эксплуатацию хлопково-текстильными кластерами швейно-трикотажных комплексов, создание которых предусмотрено в регионах республики в 2020-2021 годах в соответствии с постановлением Президента Республики Узбекистан от 28 мая 2019 года № ПП-4341 «О мерах по организации производства швейно-трикотажной продукции и обеспечению занятости населения в регионах республики». При этом предусмотреть выделение отдельных льготных кредитов хлопково-текстильным кластерам для ввода в эксплуатацию швейно-трикотажных комплексов. Внесение изменений в Адреснуюпрограмму (дислокацию) по созданию комплексов в 2020-2021 годах и обеспечение необходимыми финансовыми источниками В сроки, установленные постановлением Президента Республики Узбекистан от 28 мая 2019 года № ПП-4341 Министерство экономики и промышленности, Министерство финансов, Ассоциация «Узтукимачиликсаноат», АО «Узпахтасаноат», соответствующие коммерческие банки, Совет Министров Республики Каракалпакстан и хокимияты областей 10. Создание и обеспечение техническими средствами информационно-консультативных центров, занимающихся прогнозом состояния развития посевов и ожидаемого урожая сельскохозяйственной продукции в районах, в том числе на посевных хлопковых и зерновых площадях в рамках проекта Всемирного банка «Модернизация сельского хозяйства». Информационно-консультативными центрами организуется: опубликование на периодической основе сведений об ожидаемом урожае, состоянии развития посевов, объеме продукции на складах в разрезе регионов; оказание консультативных услуг хозяйствам по вопросам определения и повышения плодородия почвы, проведения в оптимальные сроки и на должном уровне агротехнических мероприятий, проведения мероприятий по борьбе с распространением вредителей. План мероприятий 1 сентября 2020 года Министерство сельского хозяйства, Министерство финансов 11. Объявление ожидаемых минимальных цен в год урожая исходя из анализа цен на мировом рынке. Издание бюллетеня, опубликование в средствах массовой информации Ежегодно 1 декабря Министерство экономики и промышленности, Министерство сельского хозяйства, Совет фермерских, дехканских хозяйств и владельцев приусадебных земель Узбекистана, Ассоциация «Узтукимачиликсаноат» 12. Обеспечение широкого освещения в средствах массовой информации сути и значения, целей и задач настоящего постановления путем подготовки рекламных роликов, организация специальных телепередач. Практические мероприятия Еженедельно Национальная телерадиокомпания Узбекистана, Национальное информационное агентство Узбекистана, Министерство сельского хозяйства
Президент Республики Узбекистан Ш. МИРЗИЁЕВ
г. Ташкент,
6 марта 2020 г.,
№ ПП-4633