📅 2020-yil 11-mart · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 11 март · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 11 марта 2020 г. · Законы и кодексы
Официальный текст. Официальный документ. Редакционные примечания не включены.
📅 11 March 2020 · Laws and codes
Official text. Official document. Editorial notes are not included.
Ўзбекистон Республикасининг Қонуни
НИЗОМ
ТАВСИФИ
«Олий Даражали Дўстлик» орденини таъсис этиш тўғрисида
Қонунчилик палатаси томонидан 2019 йил 30 сентябрда қабул қилинган Сенат томонидан 2019 йил 11 октябрда маъқулланган
1-модда. «Олий Даражали Дўстлик» ордени таъсис этилсин.
2-модда. «Олий Даражали Дўстлик» ордени тўғрисидаги низом тасдиқлансин ( илова қилинади).
3-модда. «Олий Даражали Дўстлик» орденининг тавсифи тасдиқлансин ( илова қилинади).
4-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонунига (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда) қуйидаги қўшимча ва ўзгартишлар киритилсин:
1) 8-модда қуйидаги мазмундаги иккинчи қисм билан тўлдирилсин:
«Ўзбекистон Республикасининг орденлари таркибига «Олий Даражали Дўстлик» ордени ҳам киради»;
2) 15-модда қуйидаги мазмундаги саккизинчи қисм билан тўлдирилсин:
«Олий Даражали Дўстлик» ордени кўкракнинг ўнг томонига ёки орден занжирида тақилади»;
саккизинчи — ўн тўртинчи қисмлари тегишинча тўққизинчи — ўн бешинчи қисмлар деб ҳисоблансин;
ўн иккинчи қисми қуйидаги таҳрирда баён этилсин:
«Планкалардаги ленталарни тақиб юриш қоидалари олий мукофот белгиси — «Олтин Юлдуз» медалига, «Мустақиллик», «Амир Темур», «Жалолиддин Мангуберди», «Олий Даражали Дўстлик» орденларига, шунингдек Ўзбекистон Республикасининг фахрий унвонларига доир кўкрак нишонларига нисбатан қўлланилмайди».
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг 2020 йил 11 мартдаги ЎРҚ-609-сонли Қонуни билан ТАСДИҚЛАНГАН
«Олий Даражали Дўстлик» ордени тўғрисида
1. «Олий Даражали Дўстлик» ордени билан Ўзбекистон Республикаси халқининг чексиз ҳурмат ва эҳтиром рамзи сифатида Ўзбекистон Республикаси билан ўзаро дўстлик, ҳар томонлама стратегик шериклик муносабатларини барқарор ривожлантиришда, минтақавий ва халқаро аҳамиятга молик долзарб масалаларни ҳал этишда юксак сиёсий ирода намоён этган, фаол ташаббусларни илгари сурган ва кўп қиррали ҳамкорлик алоқаларини янада ривожлантиришга янгича руҳ, чуқур ва амалий мазмун бағишлаган ҳамда Ўзбекистон Республикаси олдидаги алоҳида эътироф этилган юксак хизматлари учун:
хорижий давлатлар ва ҳукуматлар раҳбарлари;
хорижий мамлакатлар парламентлари вакиллари;
халқаро ташкилотлар, дипломатик ваколатхоналар, консуллик муассасалари ҳамда уларга тенглаштирилган бошқа ташкилотларнинг раҳбарлари ва вакиллари;
атоқли давлат ва жамоат арбоблари, илм-фан, таълим ва тарбия, соғлиқни сақлаш, маънавият, маданият ва спорт соҳаларининг кўзга кўринган улкан намояндалари, инсонпарварлик руҳидаги эзгу ишлари билан ном қозонган меценатлар, бизнес ҳамжамиятининг таниқли вакиллари мукофотланади.
2. «Олий Даражали Дўстлик» ордени билан:
Ўзбекистон Республикаси билан чет давлатлари ўртасида ҳар томонлама манфаатли шериклик муносабатларини ривожлантириш, ўзаро ҳурмат ва ишончни кучайтиришдаги шахсий ҳиссаси;
хорижий мамлакатларнинг халқлари билан дўстлик, ҳамжиҳатлик ва ҳамкорлик муносабатларини мустаҳкамлаш борасида кўрсатган алоҳида хизматлари;
умуминсоний ва миллий маънавий қадриятларни, тарихий меросимизни асраб-авайлаш, ўрганиш ва кенг тарғиб этиш, турли халқлар маданияти ва санъатини янада бойитишдаги фаол иштироки;
ташқи иқтисодий фаолиятни кенгайтириш, йирик ижтимоий-иқтисодий ва инвестиция лойиҳаларини амалга ошириш, шунингдек инновацион ғоя ва технологияларни яратиш ҳамда турли соҳаларга татбиқ этишда эришган салмоқли натижалари;
илм-фан ва маърифат, маданият, санъат ва адабиёт, таълим, соғлиқни сақлаш ва спорт соҳаларини, шунингдек инсон капиталини ривожлантириш борасидаги катта ютуқлари;
инсон ҳуқуқлари, эркинликлари ва қонуний манфаатларини ҳимоя қилиш, хотин-қизлар ва болаларни қўллаб-қувватлаш, оила институтини мустаҳкамлашдаги кўп йиллик ва фидокорона меҳнати;
кучли ва адолатли фуқаролик жамиятини барпо этиш, фуқаролик жамияти институтларининг мамлакатимизни демократик янгилашдаги роли ва аҳамиятини ошириш, жамият ва давлат ўртасидаги тизимли ва самарали мулоқотни йўлга қўйиш ва мустаҳкамлашдаги улкан хизматлари;
экологик муаммоларни ҳал этиш, сайёрамиз ва мамлакатимизда қулай атроф-муҳитни таъминлаш, инсон генофондини сақлаш, биохилма-хиллик ва табиий бойликларни асраб-авайлаш, ҳозирги ва келгуси авлоднинг экологик хавфсизлиги ҳақида ғамхўрлик қилишга қаратилган кўп йиллик самарали фаолияти;
халқаро миқёсдаги улкан жамоатчилик, гуманитар ва хайрия фаолияти учун мукофотланади.
3. «Олий Даражали Дўстлик» ордени билан Ўзбекистон Республикаси фуқаролари, чет эл фуқаролари ва фуқаролиги бўлмаган шахслар тақдирланиши мумкин. Бунда «Олий Даражали Дўстлик» ордени чет эл фуқаролари ва фуқаролиги бўлмаган шахслар учун Ўзбекистон Республикасининг олий давлат мукофоти ҳисобланади.
4. «Олий Даражали Дўстлик» ордени билан мукофотлаш Ўзбекистон Республикаси Президенти ташаббуси билан амалга оширилади. Орден билан мукофотлаш тўғрисидаги Ўзбекистон Республикаси Президенти Фармони оммавий ахборот воситаларида эълон қилинади.
5. «Олий Даражали Дўстлик» орденини ва мукофотлаш тўғрисидаги тегишли ҳужжатни топшириш Ўзбекистон Республикаси Президенти томонидан ёки унинг топшириғига биноан бошқа мутасадди раҳбарлар томонидан тантанали вазиятда амалга оширилади.
6. Ўзбекистон Республикаси Президентини «Олий Даражали Дўстлик» ордени билан мукофотлаш Ўзбекистон Республикаси Олий Мажлиси палаталари ташаббуси билан амалга оширилади.
7. «Олий Даражали Дўстлик» ордени билан мукофотланган шахслар базавий ҳисоблаш миқдорининг икки юз баравари миқдоридаги бир марталик пул мукофоти ёки эсдалик совғаларини оладилар, шунингдек қонунчиликда белгиланган имтиёзлардан фойдаланадилар.
8. «Олий Даражали Дўстлик» ордени тегишли кетма-кетликка риоя этган ҳолда кўкракнинг ўнг томонига ёки орден занжирида тақиб юрилади.
Ўзбекистон Республикасининг 2020 йил 11 мартдаги ЎРҚ-609-сонли Қонуни билан ТАСДИҚЛАНГАН
«Олий Даражали Дўстлик» орденининг
«Олий Даражали Дўстлик» ордени 1 микрон қалинликдаги 999 пробали олтин билан қопланган 110 грамм оғирликдаги 916 пробали кумушдан тайёрланади ва тўртта қопламали медальондан иборат бўлади.
Биринчи ва иккинчи медальонлар ўзаро уйғунликда қуёш тимсолидаги ўн олти қиррали юлдузни ифодалайди.
Диаметри 63,4 миллиметрли оксидланган кумушдан тайёрланган биринчи саккиз қиррали юлдуз қирраларининг ҳар бири учта нурдан ташкил топган.
Диаметри 70 миллиметрли иккинчи саккиз қиррали юлдуз оч хира кумушдан тайёрланган ва зарҳал ҳошияли қавариқ нурлардан иборат. Нурларнинг устки қисмига узунлиги 7,8 миллиметрли зарҳалланган шаклдор барглар ётқизилган.
Учинчи медальон диаметри 42,1 миллиметрли, зарҳалланган, икки қиррали нурларга эга бўлган саккиз қиррали юлдузни ифодалайди ҳамда унинг устки қисмига сирланган кумушдан ва нақшли тошлардан тайёрланган диаметри 39,5 миллиметрли тўрт қиррали нурларга эга бўлган саккиз қиррали юлдуз жойлаштирилган.
Орденнинг марказида жойлашган тўртинчи медальон диаметри 24,6 миллиметрли, кўк рангли эмаль билан қопланган, зарҳалланган айлана билан ўралган ва пастки четлари 2,4 миллиметр ўлчамдаги 0,96 каратли 6 та бриллиант билан нақшланган доирани ифодалайди. Медальоннинг юқори қисмида зарҳалланган «OLIY DARAJALI DOʻSTLIK» ёзуви туширилган. Ҳарфларнинг баландлиги 2,3 миллиметр.
Медальон марказида диаметри 17,2 миллиметрли зарҳал доира ичида тинчлик ва дўстлик рамзи бўлган очиқ кафтлар ҳамда тумшуғида зайтун новдасини тутиб турган кабутарнинг зарҳалланган қавариқ тасвири ифодаланган.
Орден иккита маҳкамлагичга эга:
1) гайкага бураб қотириладиган бурама маҳкамлагич;
2) орден занжирига мустаҳкамланадиган ечиладиган қисқич.
Орденнинг орқа томонига 2 миллиметрли ўлчамдаги ботиқ шрифт билан мукофот рақами туширилади.
Узунлиги 700 миллиметрли орден занжири 916 пробали, оғирлиги 170 грамм бўлган, 1 микрон қалинликдаги 999 пробали олтин билан қопланган кумушдан тайёрланади. Занжир йирик ва майда ҳалқаларга бўлинади. Диаметри 45 миллиметр бўлган йирик ҳалқалар орденнинг марказий медальони тасвирини ифодалайди, кичик ҳалқалар 18 миллиметрли саккиз қиррали юлдузлардан иборат. Занжир 22 та ҳалқалар, шу жумладан илгакдан иборат.
Орден занжирининг марказий ҳалқаси кўк рангдаги эмаль билан қопланган доирага туширилган иккита ўзаро боғлиқ саккизбурчакни ташкил қилади. Кўтарилаётган қуёш фонида Ҳумо қуши тасвирланган.
Ўзбекистон Республикасининг Президенти Ш. МИРЗИЁЕВ
Тошкент ш.,
2020 йил 11 март,
ЎРҚ-609-сон
Oʻzbekiston Respublikasining Qonuni
NIZOM
TAVSIFI
“Oliy Darajali Doʻstlik” ordenini taʼsis etish toʻgʻrisida
Qonunchilik palatasi tomonidan 2019-yil 30-sentabrda qabul qilingan Senat tomonidan 2019-yil 11-oktabrda maʼqullangan
1-modda. “Oliy Darajali Doʻstlik” ordeni taʼsis etilsin.
2-modda. “Oliy Darajali Doʻstlik” ordeni toʻgʻrisidagi nizom tasdiqlansin ( ilova qilinadi).
3-modda. “Oliy Darajali Doʻstlik” ordenining tavsifi tasdiqlansin ( ilova qilinadi).
4-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuniga (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda) quyidagi qoʻshimcha va oʻzgartishlar kiritilsin:
1) 8-modda quyidagi mazmundagi ikkinchi qism bilan toʻldirilsin:
“Oʻzbekiston Respublikasining ordenlari tarkibiga “Oliy Darajali Doʻstlik” ordeni ham kiradi”;
2) 15-modda quyidagi mazmundagi sakkizinchi qism bilan toʻldirilsin:
“Oliy Darajali Doʻstlik” ordeni koʻkrakning oʻng tomoniga yoki orden zanjirida taqiladi”;
sakkizinchi — oʻn toʻrtinchi qismlari tegishincha toʻqqizinchi — oʻn beshinchi qismlar deb hisoblansin;
oʻn ikkinchi qismi quyidagi tahrirda bayon etilsin:
“Plankalardagi lentalarni taqib yurish qoidalari oliy mukofot belgisi — “Oltin Yulduz” medaliga, “Mustaqillik”, “Amir Temur”, “Jaloliddin Manguberdi”, “Oliy Darajali Doʻstlik” ordenlariga, shuningdek Oʻzbekiston Respublikasining faxriy unvonlariga doir koʻkrak nishonlariga nisbatan qoʻllanilmaydi”.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining 2020-yil 11-martdagi OʻRQ-609-sonli Qonuni bilan TASDIQLANGAN
“Oliy Darajali Doʻstlik” ordeni toʻgʻrisida
1. “Oliy Darajali Doʻstlik” ordeni bilan Oʻzbekiston Respublikasi xalqining cheksiz hurmat va ehtirom ramzi sifatida Oʻzbekiston Respublikasi bilan oʻzaro doʻstlik, har tomonlama strategik sheriklik munosabatlarini barqaror rivojlantirishda, mintaqaviy va xalqaro ahamiyatga molik dolzarb masalalarni hal etishda yuksak siyosiy iroda namoyon etgan, faol tashabbuslarni ilgari surgan va koʻp qirrali hamkorlik aloqalarini yanada rivojlantirishga yangicha ruh, chuqur va amaliy mazmun bagʻishlagan hamda Oʻzbekiston Respublikasi oldidagi alohida eʼtirof etilgan yuksak xizmatlari uchun:
xorijiy davlatlar va hukumatlar rahbarlari;
xorijiy mamlakatlar parlamentlari vakillari;
xalqaro tashkilotlar, diplomatik vakolatxonalar, konsullik muassasalari hamda ularga tenglashtirilgan boshqa tashkilotlarning rahbarlari va vakillari;
atoqli davlat va jamoat arboblari, ilm-fan, taʼlim va tarbiya, sogʻliqni saqlash, maʼnaviyat, madaniyat va sport sohalarining koʻzga koʻringan ulkan namoyandalari, insonparvarlik ruhidagi ezgu ishlari bilan nom qozongan metsenatlar, biznes hamjamiyatining taniqli vakillari mukofotlanadi.
2. “Oliy Darajali Doʻstlik” ordeni bilan:
Oʻzbekiston Respublikasi bilan chet davlatlari oʻrtasida har tomonlama manfaatli sheriklik munosabatlarini rivojlantirish, oʻzaro hurmat va ishonchni kuchaytirishdagi shaxsiy hissasi;
xorijiy mamlakatlarning xalqlari bilan doʻstlik, hamjihatlik va hamkorlik munosabatlarini mustahkamlash borasida koʻrsatgan alohida xizmatlari;
umuminsoniy va milliy maʼnaviy qadriyatlarni, tarixiy merosimizni asrab-avaylash, oʻrganish va keng targʻib etish, turli xalqlar madaniyati va sanʼatini yanada boyitishdagi faol ishtiroki;
tashqi iqtisodiy faoliyatni kengaytirish, yirik ijtimoiy-iqtisodiy va investitsiya loyihalarini amalga oshirish, shuningdek innovatsion gʻoya va texnologiyalarni yaratish hamda turli sohalarga tatbiq etishda erishgan salmoqli natijalari;
ilm-fan va maʼrifat, madaniyat, sanʼat va adabiyot, taʼlim, sogʻliqni saqlash va sport sohalarini, shuningdek inson kapitalini rivojlantirish borasidagi katta yutuqlari;
inson huquqlari, erkinliklari va qonuniy manfaatlarini himoya qilish, xotin-qizlar va bolalarni qoʻllab-quvvatlash, oila institutini mustahkamlashdagi koʻp yillik va fidokorona mehnati;
kuchli va adolatli fuqarolik jamiyatini barpo etish, fuqarolik jamiyati institutlarining mamlakatimizni demokratik yangilashdagi roli va ahamiyatini oshirish, jamiyat va davlat oʻrtasidagi tizimli va samarali muloqotni yoʻlga qoʻyish va mustahkamlashdagi ulkan xizmatlari;
ekologik muammolarni hal etish, sayyoramiz va mamlakatimizda qulay atrof-muhitni taʼminlash, inson genofondini saqlash, bioxilma-xillik va tabiiy boyliklarni asrab-avaylash, hozirgi va kelgusi avlodning ekologik xavfsizligi haqida gʻamxoʻrlik qilishga qaratilgan koʻp yillik samarali faoliyati;
xalqaro miqyosdagi ulkan jamoatchilik, gumanitar va xayriya faoliyati uchun mukofotlanadi.
3. “Oliy Darajali Doʻstlik” ordeni bilan Oʻzbekiston Respublikasi fuqarolari, chet el fuqarolari va fuqaroligi boʻlmagan shaxslar taqdirlanishi mumkin. Bunda “Oliy Darajali Doʻstlik” ordeni chet el fuqarolari va fuqaroligi boʻlmagan shaxslar uchun Oʻzbekiston Respublikasining oliy davlat mukofoti hisoblanadi.
4. “Oliy Darajali Doʻstlik” ordeni bilan mukofotlash Oʻzbekiston Respublikasi Prezidenti tashabbusi bilan amalga oshiriladi. Orden bilan mukofotlash toʻgʻrisidagi Oʻzbekiston Respublikasi Prezidenti Farmoni ommaviy axborot vositalarida eʼlon qilinadi.
5. “Oliy Darajali Doʻstlik” ordenini va mukofotlash toʻgʻrisidagi tegishli hujjatni topshirish Oʻzbekiston Respublikasi Prezidenti tomonidan yoki uning topshirigʻiga binoan boshqa mutasaddi rahbarlar tomonidan tantanali vaziyatda amalga oshiriladi.
6. Oʻzbekiston Respublikasi Prezidentini “Oliy Darajali Doʻstlik” ordeni bilan mukofotlash Oʻzbekiston Respublikasi Oliy Majlisi palatalari tashabbusi bilan amalga oshiriladi.
7. “Oliy Darajali Doʻstlik” ordeni bilan mukofotlangan shaxslar bazaviy hisoblash miqdorining ikki yuz baravari miqdoridagi bir martalik pul mukofoti yoki esdalik sovgʻalarini oladilar, shuningdek qonunchilikda belgilangan imtiyozlardan foydalanadilar.
8. “Oliy Darajali Doʻstlik” ordeni tegishli ketma-ketlikka rioya etgan holda koʻkrakning oʻng tomoniga yoki orden zanjirida taqib yuriladi.
Oʻzbekiston Respublikasining 2020-yil 11-martdagi OʻRQ-609-sonli Qonuni bilan TASDIQLANGAN
“Oliy Darajali Doʻstlik” ordenining
“Oliy Darajali Doʻstlik” ordeni 1 mikron qalinlikdagi 999 probali oltin bilan qoplangan 110 gramm ogʻirlikdagi 916 probali kumushdan tayyorlanadi va toʻrtta qoplamali medalondan iborat boʻladi.
Birinchi va ikkinchi medalonlar oʻzaro uygʻunlikda quyosh timsolidagi oʻn olti qirrali yulduzni ifodalaydi.
Diametri 63,4 millimetrli oksidlangan kumushdan tayyorlangan birinchi sakkiz qirrali yulduz qirralarining har biri uchta nurdan tashkil topgan.
Diametri 70 millimetrli ikkinchi sakkiz qirrali yulduz och xira kumushdan tayyorlangan va zarhal hoshiyali qavariq nurlardan iborat. Nurlarning ustki qismiga uzunligi 7,8 millimetrli zarhallangan shakldor barglar yotqizilgan.
Uchinchi medalon diametri 42,1 millimetrli, zarhallangan, ikki qirrali nurlarga ega boʻlgan sakkiz qirrali yulduzni ifodalaydi hamda uning ustki qismiga sirlangan kumushdan va naqshli toshlardan tayyorlangan diametri 39,5 millimetrli toʻrt qirrali nurlarga ega boʻlgan sakkiz qirrali yulduz joylashtirilgan.
Ordenning markazida joylashgan toʻrtinchi medalon diametri 24,6 millimetrli, koʻk rangli emal bilan qoplangan, zarhallangan aylana bilan oʻralgan va pastki chetlari 2,4 millimetr oʻlchamdagi 0,96 karatli 6 ta brilliant bilan naqshlangan doirani ifodalaydi. Medalonning yuqori qismida zarhallangan “OLIY DARAJALI DOʻSTLIK” yozuvi tushirilgan. Harflarning balandligi 2,3 millimetr.
Medalon markazida diametri 17,2 millimetrli zarhal doira ichida tinchlik va doʻstlik ramzi boʻlgan ochiq kaftlar hamda tumshugʻida zaytun novdasini tutib turgan kabutarning zarhallangan qavariq tasviri ifodalangan.
Orden ikkita mahkamlagichga ega:
1) gaykaga burab qotiriladigan burama mahkamlagich;
2) orden zanjiriga mustahkamlanadigan yechiladigan qisqich.
Ordenning orqa tomoniga 2 millimetrli oʻlchamdagi botiq shrift bilan mukofot raqami tushiriladi.
Uzunligi 700 millimetrli orden zanjiri 916 probali, ogʻirligi 170 gramm boʻlgan, 1 mikron qalinlikdagi 999 probali oltin bilan qoplangan kumushdan tayyorlanadi. Zanjir yirik va mayda halqalarga boʻlinadi. Diametri 45 millimetr boʻlgan yirik halqalar ordenning markaziy medaloni tasvirini ifodalaydi, kichik halqalar 18 millimetrli sakkiz qirrali yulduzlardan iborat. Zanjir 22 ta halqalar, shu jumladan ilgakdan iborat.
Orden zanjirining markaziy halqasi koʻk rangdagi emal bilan qoplangan doiraga tushirilgan ikkita oʻzaro bogʻliq sakkizburchakni tashkil qiladi. Koʻtarilayotgan quyosh fonida Humo qushi tasvirlangan.
Oʻzbekiston Respublikasining Prezidenti Sh. MIRZIYOYEV
Toshkent sh.,
2020-yil 11-mart,
OʻRQ-609-son
Закон Республики Узбекистан
ПОЛОЖЕНИЕ
ОПИСАНИЕ
Об учреждении ордена «Олий Даражали Дўстлик»
Принят Законодательной палатой 30 сентября 2019 года Одобрен Сенатом 11 октября 2019 года
Статья 1. Учредить орден «Олий Даражали Дўстлик».
Статья 2. Утвердить Положение об ордене «Олий Даражали Дўстлик» ( прилагается ).
Статья 3. Утвердить Описание ордена «Олий Даражали Дўстлик» ( прилагается ).
Статья 4. Внести в Закон Республики Узбекистан от 22 декабря 1995 года № 176-I «О государственных наградах» (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589) следующие дополнения и изменения:
1) статью 8 дополнить частью второй следующего содержания:
«К числу орденов Республики Узбекистан относится также орден «Олий Даражали Дўстлик»;
2) статью 15 дополнить частью восьмой следующего содержания:
«Орден «Олий Даражали Дўстлик» носится на правой стороне груди или на орденской цепи»;
части восьмую — четырнадцатую считать соответственно частями девятой — пятнадцатой;
часть двенадцатую изложить в следующей редакции:
«Правила ношения лент на планках не применяются к высшему знаку отличия — медали «Олтин Юлдуз», орденам «Мустақиллик», «Амир Темур», «Жалолиддин Мангуберди», «Олий Даражали Дўстлик», а также к нагрудным знакам почетных званий Республики Узбекистан».
Статья 5. Настоящий Закон вступает в силу со дня его официального опубликования.
УТВЕРЖДЕНО Законом Республики Узбекистан от 11 марта 2020 года № ЗРУ-609
об ордене «Олий Даражали Дўстлик»
1. Орденом «Олий Даражали Дўстлик» в качестве символа безграничного уважения и почтения народа Республики Узбекистан награждаются проявившие высокую политическую волю в устойчивом развитии отношений дружбы и всестороннего стратегического партнерства с Республикой Узбекистан, решении актуальных вопросов регионального и международного значения, активно выдвигавшие инициативы и придавшие новый дух, глубокий и практический смысл дальнейшему развитию многогранных партнерских связей, а также за особые высокие заслуги перед Республикой Узбекистан:
главы иностранных государств и правительств;
представители парламентов зарубежных стран;
руководители и представители международных организаций, дипломатических представительств, консульских учреждений и иных приравненных к ним организаций;
видные государственные и общественные деятели, проявившие себя выдающиеся деятели сферы науки, образования и воспитания, здравоохранения, духовности, культуры и спорта, а также меценаты, прославившиеся благородными делами в духе гуманизма, известные представители бизнес-сообщества.
2. Орденом «Олий Даражали Дўстлик» награждаются за:
личный вклад в развитие всесторонних выгодных отношений партнерства, усиление взаимоуважения и доверия между Республикой Узбекистан и другими государствами;
особые заслуги в укреплении отношений дружбы, взаимопонимания и сотрудничества с народами зарубежных стран;
активное участие в работе по бережному сохранению, изучению и широкой пропаганде общечеловеческих и национальных духовных ценностей, исторического наследия, дальнейшему взаимообогащению культур и искусства разных народов;
значимые результаты в расширении внешнеэкономической деятельности, реализации крупных социально-экономических и инвестиционных проектов, а также создании и внедрении в разные сферы инновационных идей и технологий;
большие достижения по обеспечению прогресса в сферах науки и просвещения, культуры, искусства и литературы, образования, здравоохранения и спорта, а также в области развития человеческого капитала;
самоотверженную и многолетнюю деятельность в сферах защиты прав, свобод и законных интересов человека, поддержки женщин и детей, укрепления института семьи;
выдающиеся заслуги в создании сильного и справедливого гражданского общества, повышении роли и значения институтов гражданского общества в демократическом обновлении страны, налаживании и укреплении системного и эффективного диалога общества и государства;
многолетнюю плодотворную работу, направленную на практическое решение экологических проблем, обеспечение в мире и стране благоприятной окружающей среды, сохранение генофонда человека, биоразнообразия и природных богатств, заботу об экологической безопасности во имя нынешнего и будущих поколений;
выдающуюся международную общественную, гуманитарную и благотворительную деятельность.
3. Орденом «Олий Даражали Дўстлик» могут быть награждены граждане Республики Узбекистан, иностранные граждане и лица без гражданства. При этом орден «Олий Даражали Дўстлик» является высшей государственной наградой Республики Узбекистан для иностранных граждан и лиц без гражданства.
4. Награждение орденом «Олий Даражали Дўстлик» производится по инициативе Президента Республики Узбекистан. Указ Президента Республики Узбекистан о награждении орденом публикуется в средствах массовой информации.
5. Вручение ордена «Олий Даражали Дўстлик» и соответствующего документа о награждении производится Президентом Республики Узбекистан или по его поручению другими ответственными руководителями в торжественной обстановке.
6. Награждение Президента Республики Узбекистан орденом «Олий Даражали Дўстлик» производится по инициативе палат Олий Мажлиса Республики Узбекистан.
7. Лица, награжденные орденом «Олий Даражали Дўстлик», получают единовременное денежное вознаграждение в размере двухсоткратной базовой расчетной величины или памятные подарки, а также пользуются льготами, устанавливаемыми законодательством.
8. Орден «Олий Даражали Дўстлик» носится на правой стороне груди с соблюдением соответствующей последовательности или на орденской цепи.
УТВЕРЖДЕНО Законом Республики Узбекистан от 11 марта 2020 года № ЗРУ-609
ордена «Олий Даражали Дўстлик»
Орден «Олий Даражали Дўстлик» изготавливается из серебра 916 пробы весом 110 граммов, покрытого золотом 999 пробы толщиной 1 микрон, и состоит из четырех накладных медальонов.
Первый и второй медальоны в совокупности представляют собой шестнадцатиконечную звезду, символизирующую солнце.
Грани первой восьмиконечной звезды, изготовленной из оксидированного серебра диаметром 63,4 миллиметра, состоят из трех лучей каждая.
Вторая восьмиконечная звезда диаметром 70 миллиметров выполнена из светлого матового серебра и состоит из рельефных лучей, окаймленных позолоченным кантом. Поверх лучей наложены позолоченные фигурные листья длиной 7,8 миллиметра.
Третий медальон представляет собой позолоченную восьмиконечную звезду диаметром 42,1 миллиметра с двухгранными лучами, поверх которой расположена восьмиконечная звезда диаметром 39,5 миллиметра с четырехгранными лучами, выполненная из полированного серебра и инкрустированная камнями.
Четвертый медальон, расположенный в центре ордена, представляет собой круг диаметром 24,6 миллиметра, покрытый синей эмалью, окантованный позолоченным ободком и инкрустированный по нижнему краю 6 бриллиантами размером 2,4 миллиметра по 0,96 карата. В верхней части медальона нанесена позолоченная надпись «OLIY DARAJALI DOʻSTLIK». Высота букв 2,3 миллиметра.
В центре медальона рельефное позолоченное изображение раскрытых ладоней и голубя, держащего в клюве оливковую ветвь, символизирующую мир и дружбу, окаймленное позолоченной окружностью диаметром 17,2 миллиметра.
Орден имеет два крепления:
1) винтовое крепление с закручиванием на гайку;
2) съемный карабин, который крепится к орденской цепи.
На оборотной стороне ордена наносится номер награды вогнутым шрифтом размером 2 миллиметра.
Орденская цепь длиной 700 миллиметров изготавливается из серебра 916 пробы весом 170 граммов, покрытого золотом 999 пробы толщиной 1 микрон. Цепь делится на крупные и мелкие звенья. Крупные представляют собой изображение центрального медальона ордена и имеют диаметр 45 миллиметров, мелкие восьмиконечные звезды — 18 миллиметров. Цепь состоит из 22 звеньев, включая застежку.
Центральное звено орденской цепи образуют два связанных восьмигранника с вписанным кругом, покрытым синей эмалью. На фоне восходящего солнца изображена птица Хумо.
Орден «Олий даражали Дўстлик»
Президент Республики Узбекистан Ш. МИРЗИЁЕВ
г. Ташкент,
11 марта 2020 г.,
№ ЗРУ-609