📅 2020-yil 13-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 13 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 марта 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 13 March 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
«Ўзбекнефтгаз» АЖ ташкилотларининг фойдаланилмаётган ва ихтисосли бўлмаган активларидан самарали фойдаланиш қўшимча чора-тадбирлари тўғрисида
«Ўзбекнефтгаз» АЖ ва унинг таркибига кирувчи ташкилотларнинг фойдаланилмаётган ва ихтисосли бўлмаган активларидан самарали фойдаланишни таъминлаш ҳамда Хоразм вилояти Гурлан туманида пахта кластерини ташкил қилиш орқали вилоятда тўқимачилик саноатини янада ривожлантириш максадида Вазирлар Маҳкамаси қарор қилади:
1. «Мурувват текс» МЧЖнинг Хоразм вилояти, Гурлан тумани, Мустақиллик кўчаси, 5-уй манзилида жойлашган Гурлан трикотаж фабрикаси ҳамда «Мурувват текс Хоразм» шуъба корхонасини (кейинги ўринларда — мулкий мажмуалар) белгиланган тартибда «Е-IJRO AUKSION» ягона электрон савдо майдончасида электрон онлайн-аукцион орқали 119 млрд. сўм баҳолаш қийматида сотувга қўйилганлиги;
онлайн-аукционларда иштирок этиш учун талабгорлардан аризалар келиб тушмаганлиги сабабли мулкий-мажмуалар бугунги кунга қадар сотилмаганлиги маълумот учун қабул қилинсин.
2. Давлат активларини бошқариш агентлиги (кейинги ўринларда — Агентлик), Хоразм вилоят ҳокимлиги, «Ўзбекнефтгаз» АЖнинг мулкий-мажмуаларни келгусида белгиланган тартибда сотиш учун Агентликка бериш бунда харидорга мулкий мажмуаларнинг қийматини 7 йил муддатгача ҳар чоракда тенг улушларда бўлиб тўлаш ҳуқуқини бериш тўғрисидаги таклифига розилик берилсин.
3. Белгилансинки, мулкий-мажмуаларни Агентликка бериш «Ўзбекнефтгаз» АЖнинг устав капиталидаги давлат улушини ҳамда ўз навбатида «Мурувват текс» МЧЖнинг устав капиталидаги «Ўзбекнефтгаз» АЖга тегишли улушини мулкий-мажмуаларнинг баланс (қолдиқ) қиймати миқдорига камайтириш ҳисобига амалга оширилади.
4. Ўзбекистон Республикаси Ҳукуматининг иловага мувофиқ айрим қарорлари ўз кучини йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикаси Давлат активларини бошқариш агентлиги директори С.Х. Бекенов ва «Ўзбекнефтгаз» АЖ бошқаруви раиси М.Р. Абдуллаев зиммасига юклансин.
Вазирлар Маҳкамасининг 2020 йил 13 мартдаги 147-сон қарорига ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган қарорлари
1. Вазирлар Маҳкамасининг «Хоразм вилоятида кичик саноат зоналарини ташкил этиш чора-тадбирлари тўғрисида» 2018 йил 26 апрелдаги 308-сон қарорининг 2-банди.
2. Вазирлар Маҳкамасининг «Нефть-газ тармоғи ташкилотларининг активларидан янада самарали фойдаланиш чора-тадбирлари тўғрисида» 2018 йил 25 августдаги 685-сон қарорига 1-илованинг 154-позицияси.
Ўзбекистон Республикасининг Бош вазири А. АРИПОВ
Тошкент ш.,
2020 йил 13 март,
147-сон
Oʻzbekiston Respublikasi Vazirlar Mahkamasining
qarori
ROʻYXATI
“Oʻzbekneftgaz” AJ tashkilotlarining foydalanilmayotgan va ixtisosli boʻlmagan aktivlaridan samarali foydalanish qoʻshimcha chora-tadbirlari toʻgʻrisida
“Oʻzbekneftgaz” AJ va uning tarkibiga kiruvchi tashkilotlarning foydalanilmayotgan va ixtisosli boʻlmagan aktivlaridan samarali foydalanishni taʼminlash hamda Xorazm viloyati Gurlan tumanida paxta klasterini tashkil qilish orqali viloyatda toʻqimachilik sanoatini yanada rivojlantirish maksadida Vazirlar Mahkamasi qaror qiladi:
1. “Muruvvat teks” MChJning Xorazm viloyati, Gurlan tumani, Mustaqillik koʻchasi, 5-uy manzilida joylashgan Gurlan trikotaj fabrikasi hamda “Muruvvat teks Xorazm” shuʼba korxonasini (keyingi oʻrinlarda — mulkiy majmualar) belgilangan tartibda “E-IJRO AUKSION” yagona elektron savdo maydonchasida elektron onlayn-auksion orqali 119 mlrd. soʻm baholash qiymatida sotuvga qoʻyilganligi;
onlayn-auksionlarda ishtirok etish uchun talabgorlardan arizalar kelib tushmaganligi sababli mulkiy-majmualar bugungi kunga qadar sotilmaganligi maʼlumot uchun qabul qilinsin.
2. Davlat aktivlarini boshqarish agentligi (keyingi oʻrinlarda — Agentlik), Xorazm viloyat hokimligi, “Oʻzbekneftgaz” AJning mulkiy-majmualarni kelgusida belgilangan tartibda sotish uchun Agentlikka berish bunda xaridorga mulkiy majmualarning qiymatini 7 yil muddatgacha har chorakda teng ulushlarda boʻlib toʻlash huquqini berish toʻgʻrisidagi taklifiga rozilik berilsin.
3. Belgilansinki, mulkiy-majmualarni Agentlikka berish “Oʻzbekneftgaz” AJning ustav kapitalidagi davlat ulushini hamda oʻz navbatida “Muruvvat teks” MChJning ustav kapitalidagi “Oʻzbekneftgaz” AJga tegishli ulushini mulkiy-majmualarning balans (qoldiq) qiymati miqdoriga kamaytirish hisobiga amalga oshiriladi.
4. Oʻzbekiston Respublikasi Hukumatining ilovaga muvofiq ayrim qarorlari oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori S.X. Bekenov va “Oʻzbekneftgaz” AJ boshqaruvi raisi M.R. Abdullayev zimmasiga yuklansin.
Vazirlar Mahkamasining 2020-yil 13-martdagi 147-son qaroriga ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari
1. Vazirlar Mahkamasining “Xorazm viloyatida kichik sanoat zonalarini tashkil etish chora-tadbirlari toʻgʻrisida” 2018-yil 26-apreldagi 308-son qarorining 2-bandi.
2. Vazirlar Mahkamasining “Neft-gaz tarmogʻi tashkilotlarining aktivlaridan yanada samarali foydalanish chora-tadbirlari toʻgʻrisida” 2018-yil 25-avgustdagi 685-son qaroriga 1-ilovaning 154-pozitsiyasi.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 13-mart,
147-son