📅 2020-yil 16-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 16 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 марта 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 16 March 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Жиззах шаҳар ҳокимлиги ҳузуридаги Боғлар ва хиёбонларни кўкаламзорлаштириш, ободонлаштириш ва сақлаш департаменти фаолиятини ташкил этиш тўғрисида
Жиззах шаҳрида барпо этилган Шароф Рашидов хиёбони, Ҳамид Олимжон ва Зулфия боғи, «Хотира майдони», «Тошлоқ» маҳалласи ҳудудидаги боғ, «Ўрда» экологик боғи, вилоят драма театри истироҳат боғи ҳамда вилоят ҳокимлиги ҳудудидаги янги боғни ободонлаштириш ва бошқаришни янада такомиллаштириш, игнабаргли ва манзарали ўсимликларнинг қимматли турлари сақланишини таъминлаш мақсадида Вазирлар Маҳкамаси қарор қилади:
1. Жиззах вилояти ҳокимлигининг мустақил юридик шахс мақомига эга бўлган Жиззах шаҳар ҳокимлиги ҳузурида Боғлар ва хиёбонларни кўкаламзорлаштириш, ободонлаштириш ва сақлаш департаментини (кейинги ўринларда Департамент деб аталади) ташкил этиш тўғрисидаги таклифи маъқуллансин.
2. Қуйидагилар Департаментнинг асосий вазифалари этиб белгилансин:
Жиззах шаҳридаги Шароф Рашидов хиёбони, Ҳамид Олимжон ва Зулфия боғи, «Хотира майдони», «Тошлоқ» маҳалласи ҳудудидаги боғ, «Ўрда» экологик боғи, вилоят драма театри истироҳат боғи ҳамда вилоят ҳокимлиги ҳудудидаги янги боғларнинг намунали сақланишини таъминлаш, ободонлаштириш объектларидан фойдаланиш ишларини техник жиҳатдан тартибга солиш соҳасидаги норматив ҳужжатларга мувофиқ ўз вақтида ва сифатли бажарилишини ташкил этиш;
сунъий суғориш тизимлари, насос станциялари, қудуқлар, қаттиқ қопламалар, йўллар ва йўлаклар, кўчаларни ёритиш воситалари ва фаввораларнинг санитария ва техник жиҳатдан зарур ҳолатда бўлишини таъминлаш;
дов-дарахтлар, буталар ва гулларни сақлаш ва парвариш қилиш, уларнинг зараркунандалари ва касалликларига қарши курашиш, ҳудудни янада кўкаламзорлаштиришнинг агротехник тадбирларини қўл меҳнатини камайтирган ҳолда амалга ошириш;
игнабаргли ва манзарали ўсимликларнинг қимматли турларини сақлаш, улардан фойдаланиш ҳамда уларни сақлаб қолиш ишларини ташкил этиш, яшил майсаларни сақлаш, хизмат кўрсатиладиган ҳудудни янада кўкаламзорлаштириш ва обод қилиш бўйича зарур чораларни кўриш;
ободонлаштириш объектларини сақлаш ва ривожлантириш, уларнинг санитария жиҳатидан тозаланишини таъминлаш.
3. Жиззах шаҳар ҳокимлиги ҳузуридаги Боғлар ва хиёбонларни кўкаламзорлаштириш, ободонлаштириш ва сақлаш департаментининг тузилмаси иловага мувофиқ тасдиқлансин.
4. Жиззах вилояти ҳокимлиги Ўзбекистон Республикаси Уй-жой коммунал хизмат кўрсатиш вазирлиги билан биргаликда бир ой муддатда Жиззах шаҳар Ободонлаштириш бошқармасига тегишли бўлган Шароф Рашидов хиёбони, Ҳамид Олимжон ва Зулфия боғи, «Хотира майдони», «Тошлоқ» маҳалласи ҳудудидаги боғ, «Ўрда» экологик боғи, вилоят драма театри истироҳат боғи ҳамда вилоят ҳокимлиги ҳудудидаги янги боғларга бириктирилган штат бирликлари ва техникаларни белгиланган тартибда Департаментга ўтказилишини таъминласин.
5. Қуйидагилар Департамент фаолиятини молиялаштириш манбалари этиб белгилансин:
ҳар йили Жиззах вилоятининг маҳаллий бюджети параметрларида ободонлаштириш учун назарда тутиладиган маблағлар доирасида ободонлаштириш объектларини сақлаш ва улардан фойдаланишга мақсадли йўналтирилган маблағлар;
фаолият йўналиши бўйича хизматлар кўрсатишдан олинган даромадлар;
жисмоний ва юридик шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
6. Департамент ходимларига Вазирлар Маҳкамасининг 2009 йил 1 апрелдаги 91-сон қарори билан тасдиқланган Шаҳар ва туман ободонлаштириш бошқармалари ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомда назарда тутилган меҳнатга ҳақ тўлаш ва моддий рағбатлантириш тартиби татбиқ этилади.
7. Жиззах вилояти ҳокимлиги:
а) бир ой муддатда:
Жиззах шаҳар ҳокимлиги ҳузуридаги Боғлар ва хиёбонларни кўкаламзорлаштириш, ободонлаштириш ва сақлаш департаменти тўғрисидаги низомни белгиланган тартибда тасдиқласин;
Жиззах шаҳридаги Шароф Рашидов хиёбони, Ҳамид Олимжон ва Зулфия боғи, «Хотира майдони», «Тошлоқ» маҳалласи ҳудудидаги боғ, «Ўрда» экологик боғи, вилоят драма театри истироҳат боғи ва вилоят ҳокимлиги ҳудудидаги янги боғ ҳудудида жойлашган игнабаргли ва манзарали ўсимликлар қимматли турларини, кўчаларни ёритиш объектларини, фаввораларни ва бошқа ободонлаштириш объектларини хатловдан ўтказсин ҳамда хатлов натижалари бўйича ободонлаштириш объектларини келгусида фойдаланиш учун Департаментга белгиланган тартибда ажратиб берсин;
Департаментни малакали муҳандис-техник ходимлар ва ишлаб чиқариш ходимлари билан таъминласин;
б) доимий равишда:
Жиззах шаҳрини ободонлаштириш бўйича амалга ошириладиган ишларга ажратиладиган бюджет маблағларидан самарали ва мақсадли фойдаланилиши юзасидан амалий мониторинг олиб борсин;
ободонлаштириш ишларини шаҳарсозлик ҳамда санитария нормалари ва қоидаларига мувофиқ Жиззах шаҳри ва унинг ташқи қиёфасига қўйиладиган замонавий талабларни ҳисобга олган ҳолда ташкил этсин ва амалга оширсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ҳамда Жиззах вилояти ҳокими Э.А. Салиев зиммасига юклансин.
Вазирлар Маҳкамасининг 2020 йил 16 мартдаги 159-сон қарорига ИЛОВА
Жиззах шаҳар ҳокимлиги ҳузуридаги Боғлар ва хиёбонларни кўкаламзорлаштириш, ободонлаштириш ва сақлаш департаментининг
Директор Директор ўринбосари — бош аграном Иқтисодий таҳлил бўлими 2 Ободонлаштириш объектларини санитария жиҳатидан тозалаш участкаси бошлиғи Кадрлар бў йича инспектор Кўкаламзорлаштириш ва ирригация бўлими 1 Юрисконсульт Автотранспорт воситаларидан фойдаланиш бўлими 1 Техника хавфсизлиги бўйича муҳандис Ёрдамчи ходимлар 6
Ўзбекистон Республикасининг Бош вазири А. АРИПОВ
Тошкент ш.,
2020 йил 16 март,
159-сон
Oʻzbekiston Respublikasi Vazirlar Mahkamasining
qarori
TUZILMASI
Jizzax shahar hokimligi huzuridagi Bogʻlar va xiyobonlarni koʻkalamzorlashtirish, obodonlashtirish va saqlash departamenti faoliyatini tashkil etish toʻgʻrisida
Jizzax shahrida barpo etilgan Sharof Rashidov xiyoboni, Hamid Olimjon va Zulfiya bogʻi, “Xotira maydoni”, “Toshloq” mahallasi hududidagi bogʻ, “Oʻrda” ekologik bogʻi, viloyat drama teatri istirohat bogʻi hamda viloyat hokimligi hududidagi yangi bogʻni obodonlashtirish va boshqarishni yanada takomillashtirish, ignabargli va manzarali oʻsimliklarning qimmatli turlari saqlanishini taʼminlash maqsadida Vazirlar Mahkamasi qaror qiladi:
1. Jizzax viloyati hokimligining mustaqil yuridik shaxs maqomiga ega boʻlgan Jizzax shahar hokimligi huzurida Bogʻlar va xiyobonlarni koʻkalamzorlashtirish, obodonlashtirish va saqlash departamentini (keyingi oʻrinlarda Departament deb ataladi) tashkil etish toʻgʻrisidagi taklifi maʼqullansin.
2. Quyidagilar Departamentning asosiy vazifalari etib belgilansin:
Jizzax shahridagi Sharof Rashidov xiyoboni, Hamid Olimjon va Zulfiya bogʻi, “Xotira maydoni”, “Toshloq” mahallasi hududidagi bogʻ, “Oʻrda” ekologik bogʻi, viloyat drama teatri istirohat bogʻi hamda viloyat hokimligi hududidagi yangi bogʻlarning namunali saqlanishini taʼminlash, obodonlashtirish obyektlaridan foydalanish ishlarini texnik jihatdan tartibga solish sohasidagi normativ hujjatlarga muvofiq oʻz vaqtida va sifatli bajarilishini tashkil etish;
sunʼiy sugʻorish tizimlari, nasos stansiyalari, quduqlar, qattiq qoplamalar, yoʻllar va yoʻlaklar, koʻchalarni yoritish vositalari va favvoralarning sanitariya va texnik jihatdan zarur holatda boʻlishini taʼminlash;
dov-daraxtlar, butalar va gullarni saqlash va parvarish qilish, ularning zararkunandalari va kasalliklariga qarshi kurashish, hududni yanada koʻkalamzorlashtirishning agrotexnik tadbirlarini qoʻl mehnatini kamaytirgan holda amalga oshirish;
ignabargli va manzarali oʻsimliklarning qimmatli turlarini saqlash, ulardan foydalanish hamda ularni saqlab qolish ishlarini tashkil etish, yashil maysalarni saqlash, xizmat koʻrsatiladigan hududni yanada koʻkalamzorlashtirish va obod qilish boʻyicha zarur choralarni koʻrish;
obodonlashtirish obyektlarini saqlash va rivojlantirish, ularning sanitariya jihatidan tozalanishini taʼminlash.
3. Jizzax shahar hokimligi huzuridagi Bogʻlar va xiyobonlarni koʻkalamzorlashtirish, obodonlashtirish va saqlash departamentining tuzilmasi ilovaga muvofiq tasdiqlansin.
4. Jizzax viloyati hokimligi Oʻzbekiston Respublikasi Uy-joy kommunal xizmat koʻrsatish vazirligi bilan birgalikda bir oy muddatda Jizzax shahar Obodonlashtirish boshqarmasiga tegishli boʻlgan Sharof Rashidov xiyoboni, Hamid Olimjon va Zulfiya bogʻi, “Xotira maydoni”, “Toshloq” mahallasi hududidagi bogʻ, “Oʻrda” ekologik bogʻi, viloyat drama teatri istirohat bogʻi hamda viloyat hokimligi hududidagi yangi bogʻlarga biriktirilgan shtat birliklari va texnikalarni belgilangan tartibda Departamentga oʻtkazilishini taʼminlasin.
5. Quyidagilar Departament faoliyatini moliyalashtirish manbalari etib belgilansin:
har yili Jizzax viloyatining mahalliy budjeti parametrlarida obodonlashtirish uchun nazarda tutiladigan mablagʻlar doirasida obodonlashtirish obyektlarini saqlash va ulardan foydalanishga maqsadli yoʻnaltirilgan mablagʻlar;
faoliyat yoʻnalishi boʻyicha xizmatlar koʻrsatishdan olingan daromadlar;
jismoniy va yuridik shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
6. Departament xodimlariga Vazirlar Mahkamasining 2009-yil 1-apreldagi 91-son qarori bilan tasdiqlangan Shahar va tuman obodonlashtirish boshqarmalari xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomda nazarda tutilgan mehnatga haq toʻlash va moddiy ragʻbatlantirish tartibi tatbiq etiladi.
7. Jizzax viloyati hokimligi:
a) bir oy muddatda:
Jizzax shahar hokimligi huzuridagi Bogʻlar va xiyobonlarni koʻkalamzorlashtirish, obodonlashtirish va saqlash departamenti toʻgʻrisidagi nizomni belgilangan tartibda tasdiqlasin;
Jizzax shahridagi Sharof Rashidov xiyoboni, Hamid Olimjon va Zulfiya bogʻi, “Xotira maydoni”, “Toshloq” mahallasi hududidagi bogʻ, “Oʻrda” ekologik bogʻi, viloyat drama teatri istirohat bogʻi va viloyat hokimligi hududidagi yangi bogʻ hududida joylashgan ignabargli va manzarali oʻsimliklar qimmatli turlarini, koʻchalarni yoritish obyektlarini, favvoralarni va boshqa obodonlashtirish obyektlarini xatlovdan oʻtkazsin hamda xatlov natijalari boʻyicha obodonlashtirish obyektlarini kelgusida foydalanish uchun Departamentga belgilangan tartibda ajratib bersin;
Departamentni malakali muhandis-texnik xodimlar va ishlab chiqarish xodimlari bilan taʼminlasin;
b) doimiy ravishda:
Jizzax shahrini obodonlashtirish boʻyicha amalga oshiriladigan ishlarga ajratiladigan budjet mablagʻlaridan samarali va maqsadli foydalanilishi yuzasidan amaliy monitoring olib borsin;
obodonlashtirish ishlarini shaharsozlik hamda sanitariya normalari va qoidalariga muvofiq Jizzax shahri va uning tashqi qiyofasiga qoʻyiladigan zamonaviy talablarni hisobga olgan holda tashkil etsin va amalga oshirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov hamda Jizzax viloyati hokimi E.A. Saliyev zimmasiga yuklansin.
Vazirlar Mahkamasining 2020-yil 16-martdagi 159-son qaroriga ILOVA
Jizzax shahar hokimligi huzuridagi Bogʻlar va xiyobonlarni koʻkalamzorlashtirish, obodonlashtirish va saqlash departamentining
Direktor Direktor oʻrinbosari — bosh agranom Iqtisodiy �ahlil boʻlimi 2 Obodonlashtirish obyektlarini sanitariya jihatidan tozalash uchastkasi boshligʻi Kadrlar boʻ yicha inspektor Koʻkalamzorlashtirish va irrigatsiya boʻlimi 1 Yuriskonsult Avtotransport vositalaridan foydalanish boʻlimi 1 Texnika xavfsizligi boʻyicha muhandis Yordamchi xodimlar 6
Oʻzbekiston Respublikasining Bosh vaziri A. ARIPOV
Toshkent sh.,
2020-yil 16-mart,
159-son