📅 2020-yil 18-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 18 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 марта 2020 г. · Постановления Президента
Официальный текст. Официальный документ. Редакционные примечания не включены.
📅 18 March 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аграр ва озиқ-овқат соҳаларини бошқариш тизимини янада такомиллаштириш чора-тадбирлари тўғрисида
Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясида белгиланган ислоҳотларни самарали амалга ошириш, ер ва сув ресурсларидан оқилона фойдаланилишини таъминлаш, соҳага бозор механизмларини кенг жорий этиш мақсадида:
3. Қуйидаги лавозимлар киритилсин:
а) Ўзбекистон Республикаси Бош прокуратураси тузилмасида қишлоқ хўжалиги ва озиқ-овқат хавфсизлиги соҳасида қонун ҳужжатлари талабларига риоя этилиши ва уларнинг ижроси устидан назоратни амалга оширишга масъул бўлган:
Ўзбекистон Республикаси Бош прокурорининг ўринбосари;
Қорақалпоғистон Республикаси ва вилоятлар прокурорларининг ўринбосарлари, Ўзбекистон Республикаси транспорт прокурорининг катта ёрдамчиси;
б) экин майдонларини ўзбошимчалик билан эгалланишининг олдини олиш, қишлоқ хўжалиги техникалари ҳолатини назорат қилиш, минерал ўғитларнинг мақсадли ишлатилишини, пахта ва ғалла ҳосилини йиғиб олишда жамоат тартиби, йўл ҳаракати хавфсизлигини таъминлашга масъул бўлган Ўзбекистон Республикаси ички ишлар вазирининг ўринбосари.
4. Белгилансинки:
а) Ўзбекистон Республикаси Бош прокуратурасининг Қишлоқ хўжалиги соҳасида қонунчилик ижроси устидан назорат бошқармаси Аграр ва озиқ-овқат соҳаларини ривожлантиришга оид қонунчилик ижроси устидан назорат бошқармаси деб қайта номланади;
Қорақалпоғистон Республикаси ва вилоятлар прокуратураларининг қишлоқ хўжалиги соҳасида қонунчилик ижроси устидан назорат бўлимлари аграр ва озиқ-овқат соҳаларини ривожлантиришга оид қонунчилик ижроси устидан назорат бўлимлари деб қайта номланиб, уларга қўшимча 145 та штат бирликлари ажратилади;
б) Ўзбекистон Республикаси ички ишлар вазири ўринбосарининг бошқарма мақомига эга бўлган 12 нафар ходимдан иборат бошқарув аппарати ташкил этилади;
в) Ўзбекистон Республикаси ички ишлар вазири ўринбосарига:
мазкур соҳадаги фаолиятни амалга ошириш борасида Қорақалпоғистон Республикаси ички ишлар вазирининг, вилоят ички ишлар бошқармалари (бош бошқармаси) бошлиқларининг жамоат тартибини сақлаш бўйича ўринбосарлари бўйсундирилади;
ўзига юклатилган вазифаларни бажаришда тегишли соҳавий хизмат ходимларини (ички ишлар органлари таянч пункти профилактика инспекторларидан ташқари) жалб этиш ваколати берилади;
е) Ўзбекистон Республикаси ички ишлар вазири ўринбосари лавозимини ва унинг бошқарув аппаратини киритиш Ички ишлар вазирлиги ходимларининг умумий чекланган сони доирасида амалга оширилади;
ж) прокуратура органлари тузилмасига янги киритилаётган лавозимлар ва ажратилаётган қўшимча штат бирликлари Вазирлар Маҳкамаси ҳузуридаги Агросаноат мажмуи устидан назорат қилиш инспекцияси тизимидаги 160 та штатлар сонини қисқартириш ҳисобидан амалга оширилади.
5. Ўзбекистон Республикаси ички ишлар вазирининг ўринбосари — Молия ва моддий-техника таъминоти бош бошқармаси бошлиғи, Қорақалпоғистон Республикаси ички ишлар вазирининг, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари бошлиқларининг ўринбосари — Молия ва моддий-техника таъминоти бошқармаси бошлиғи лавозимлари тугатилсин.
Ўзбекистон Республикаси Ички ишлар вазирлиги Молия ва моддий-техника таъминоти бош бошқармаси вазирлик Молия ва моддий-техника таъминоти департаменти этиб қайта ташкил этилсин.
6. Шундай тартиб ўрнатилсинки, унга кўра, туман ва шаҳар ҳокимларига ўз ҳудудида жойлашган қишлоқ хўжалиги экин майдонларидаги ҳақиқий аҳволни ўрганиш мақсадида Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги ёки унинг ҳудудий бошқармаларига учувчисиз учиш аппаратлардан фойдаланиш бўйича буюртма бериш ваколати берилади.
7. Ўзбекистон Республикаси Ер ресурслари, геодезия, картография ва давлат кадастри давлат қўмитаси бир ой муддатда:
Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлиги билан биргаликда қишлоқ хўжалиги ерларининг мониторинги самарадорлигини ошириш, уларнинг ўзбошимчалик билан эгалланишининг олдини олиш мақсадида космосуратлар билан ишлаш, уларни дешифровка қилиш ва Миллий геоахборот тизими имкониятларидан кенг фойдаланишни йўлга қўйсин;
Қишлоқ хўжалиги вазирлиги, Сув хўжалиги вазирлиги, Ахборот технологиялари ва коммуникацияларини ривожлантириш вазирлиги билан биргаликда қишлоқ хўжалигига оид маълумотлар базасини Миллий геоахборот тизими билан интеграция қилсин ҳамда ер ва сув ресурслари бўйича узлуксиз маълумотлар алмашинувини таъминласин;
учувчисиз учиш аппаратларини бошқарувчи сертификатланган пилотларни 2020 йил якунига қадар 100 нафарга, 2021 йил якунига қадар 200 нафарга етказиш чораларини кўрсин;
учувчисиз учиш аппаратлари ҳар бир туман ва шаҳарда ишлатилишини инобатга олган ҳолда, уларнинг самарадорлигини оширувчи дастурий таъминотларни жорий этиш, шунингдек, учиш харажатларини камайтириш бўйича Вазирлар Маҳкамасига таклиф киритсин.
8. Ўзбекистон Республикаси Иқтисодиёт ва молия вазирлиги ҳузуридаги Кадастр агентлигига:
аэрофотосурат олишга мўлжалланган ресурстежамкор самолётни ҳамда уни жиҳозловчи лазерли мультиспектрал камерани, истисно тариқасида, тендер савдоларисиз, ишлаб чиқарувчилар билан тўғридан-тўғри шартнома тузиш орқали Ер муносабатлари ва давлат кадастрларини ривожлантириш жамғармаси маблағлари ҳисобидан харид қилишга;
Қишлоқ хўжалиги вазирлиги билан биргаликда Ўзбекистон Республикаси Рақамли технологиялар вазирлиги ҳузуридаги Космик тадқиқотлар ва технологиялар агентлиги маълумотлар базасидаги сунъий йўлдош орқали ерни масофадан зондлаш суратларидан беғараз фойдаланиш ва ўзаро ахборот алмашувини телекоммуникация тармоқлари орқали амалга оширишга рухсат берилсин.
9. Ўзбекистон Республикаси Бош прокуратураси ва Ички ишлар вазирлиги бир ҳафта муддатда тегишинча Бош прокурор ва ички ишлар вазирининг аграр ва озиқ-овқат соҳаларига бириктирилган ўринбосарларига керакли таркибий тузилмаларнинг ажратилишини таъминласин.
10. Ўзбекистон миллий телерадиокомпаниясига Қишлоқ хўжалиги вазирлиги билан биргаликда аграр ва озиқ-овқат соҳаларини ривожлантириш бўйича амалга оширилаётган ислоҳотлар, ер ва сув ресурсларидан оқилона фойдаланиш, ресурстежовчи илғор технологияларни кенг жорий этишга оид «Маҳалла», «Ўзбекистон 24», «Ёшлар» ва маҳаллий телеканалларда махсус кўрсатувлар ташкил этиш ҳамда мунтазам намойиш этиб бориш юклатилсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 18 март,
ПҚ-4643-сон
Oʻzbekiston Respublikasi Prezidentining
Qarori
Agrar va oziq-ovqat sohalarini boshqarish tizimini yanada takomillashtirish chora-tadbirlari toʻgʻrisida
Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasida belgilangan islohotlarni samarali amalga oshirish, yer va suv resurslaridan oqilona foydalanilishini taʼminlash, sohaga bozor mexanizmlarini keng joriy etish maqsadida:
3. Quyidagi lavozimlar kiritilsin:
a) Oʻzbekiston Respublikasi Bosh prokuraturasi tuzilmasida qishloq xoʻjaligi va oziq-ovqat xavfsizligi sohasida qonun hujjatlari talablariga rioya etilishi va ularning ijrosi ustidan nazoratni amalga oshirishga masʼul boʻlgan:
Oʻzbekiston Respublikasi Bosh prokurorining oʻrinbosari;
Qoraqalpogʻiston Respublikasi va viloyatlar prokurorlarining oʻrinbosarlari, Oʻzbekiston Respublikasi transport prokurorining katta yordamchisi;
b) ekin maydonlarini oʻzboshimchalik bilan egallanishining oldini olish, qishloq xoʻjaligi texnikalari holatini nazorat qilish, mineral oʻgʻitlarning maqsadli ishlatilishini, paxta va gʻalla hosilini yigʻib olishda jamoat tartibi, yoʻl harakati xavfsizligini taʼminlashga masʼul boʻlgan Oʻzbekiston Respublikasi ichki ishlar vazirining oʻrinbosari.
4. Belgilansinki:
a) Oʻzbekiston Respublikasi Bosh prokuraturasining Qishloq xoʻjaligi sohasida qonunchilik ijrosi ustidan nazorat boshqarmasi Agrar va oziq-ovqat sohalarini rivojlantirishga oid qonunchilik ijrosi ustidan nazorat boshqarmasi deb qayta nomlanadi;
Qoraqalpogʻiston Respublikasi va viloyatlar prokuraturalarining qishloq xoʻjaligi sohasida qonunchilik ijrosi ustidan nazorat boʻlimlari agrar va oziq-ovqat sohalarini rivojlantirishga oid qonunchilik ijrosi ustidan nazorat boʻlimlari deb qayta nomlanib, ularga qoʻshimcha 145 ta shtat birliklari ajratiladi;
b) Oʻzbekiston Respublikasi ichki ishlar vaziri oʻrinbosarining boshqarma maqomiga ega boʻlgan 12 nafar xodimdan iborat boshqaruv apparati tashkil etiladi;
v) Oʻzbekiston Respublikasi ichki ishlar vaziri oʻrinbosariga:
mazkur sohadagi faoliyatni amalga oshirish borasida Qoraqalpogʻiston Respublikasi ichki ishlar vazirining, viloyat ichki ishlar boshqarmalari (bosh boshqarmasi) boshliqlarining jamoat tartibini saqlash boʻyicha oʻrinbosarlari boʻysundiriladi;
oʻziga yuklatilgan vazifalarni bajarishda tegishli sohaviy xizmat xodimlarini (ichki ishlar organlari tayanch punkti profilaktika inspektorlaridan tashqari) jalb etish vakolati beriladi;
e) Oʻzbekiston Respublikasi ichki ishlar vaziri oʻrinbosari lavozimini va uning boshqaruv apparatini kiritish Ichki ishlar vazirligi xodimlarining umumiy cheklangan soni doirasida amalga oshiriladi;
j) prokuratura organlari tuzilmasiga yangi kiritilayotgan lavozimlar va ajratilayotgan qoʻshimcha shtat birliklari Vazirlar Mahkamasi huzuridagi Agrosanoat majmui ustidan nazorat qilish inspeksiyasi tizimidagi 160 ta shtatlar sonini qisqartirish hisobidan amalga oshiriladi.
5. Oʻzbekiston Respublikasi ichki ishlar vazirining oʻrinbosari — Moliya va moddiy-texnika taʼminoti bosh boshqarmasi boshligʻi, Qoraqalpogʻiston Respublikasi ichki ishlar vazirining, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari boshliqlarining oʻrinbosari — Moliya va moddiy-texnika taʼminoti boshqarmasi boshligʻi lavozimlari tugatilsin.
Oʻzbekiston Respublikasi Ichki ishlar vazirligi Moliya va moddiy-texnika taʼminoti bosh boshqarmasi vazirlik Moliya va moddiy-texnika taʼminoti departamenti etib qayta tashkil etilsin.
6. Shunday tartib oʻrnatilsinki, unga koʻra, tuman va shahar hokimlariga oʻz hududida joylashgan qishloq xoʻjaligi ekin maydonlaridagi haqiqiy ahvolni oʻrganish maqsadida Oʻzbekiston Respublikasi Iqtisodiyot va moliya vazirligi huzuridagi Kadastr agentligi yoki uning hududiy boshqarmalariga uchuvchisiz uchish apparatlardan foydalanish boʻyicha buyurtma berish vakolati beriladi.
7. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bir oy muddatda:
Oʻzbekiston Respublikasi Vazirlar Mahkamasi huzuridagi Kosmik tadqiqotlar va texnologiyalar agentligi bilan birgalikda qishloq xoʻjaligi yerlarining monitoringi samaradorligini oshirish, ularning oʻzboshimchalik bilan egallanishining oldini olish maqsadida kosmosuratlar bilan ishlash, ularni deshifrovka qilish va Milliy geoaxborot tizimi imkoniyatlaridan keng foydalanishni yoʻlga qoʻysin;
Qishloq xoʻjaligi vazirligi, Suv xoʻjaligi vazirligi, Axborot texnologiyalari va kommunikatsiyalarini rivojlantirish vazirligi bilan birgalikda qishloq xoʻjaligiga oid maʼlumotlar bazasini Milliy geoaxborot tizimi bilan integratsiya qilsin hamda yer va suv resurslari boʻyicha uzluksiz maʼlumotlar almashinuvini taʼminlasin;
uchuvchisiz uchish apparatlarini boshqaruvchi sertifikatlangan pilotlarni 2020-yil yakuniga qadar 100 nafarga, 2021-yil yakuniga qadar 200 nafarga yetkazish choralarini koʻrsin;
uchuvchisiz uchish apparatlari har bir tuman va shaharda ishlatilishini inobatga olgan holda, ularning samaradorligini oshiruvchi dasturiy taʼminotlarni joriy etish, shuningdek, uchish xarajatlarini kamaytirish boʻyicha Vazirlar Mahkamasiga taklif kiritsin.
8. Oʻzbekiston Respublikasi Iqtisodiyot va moliya vazirligi huzuridagi Kadastr agentligiga:
aerofotosurat olishga moʻljallangan resurstejamkor samolyotni hamda uni jihozlovchi lazerli multispektral kamerani, istisno tariqasida, tender savdolarisiz, ishlab chiqaruvchilar bilan toʻgʻridan-toʻgʻri shartnoma tuzish orqali Yer munosabatlari va davlat kadastrlarini rivojlantirish jamgʻarmasi mablagʻlari hisobidan xarid qilishga;
Qishloq xoʻjaligi vazirligi bilan birgalikda Oʻzbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi maʼlumotlar bazasidagi sunʼiy yoʻldosh orqali yerni masofadan zondlash suratlaridan begʻaraz foydalanish va oʻzaro axborot almashuvini telekommunikatsiya tarmoqlari orqali amalga oshirishga ruxsat berilsin.
9. Oʻzbekiston Respublikasi Bosh prokuraturasi va Ichki ishlar vazirligi bir hafta muddatda tegishincha Bosh prokuror va ichki ishlar vazirining agrar va oziq-ovqat sohalariga biriktirilgan oʻrinbosarlariga kerakli tarkibiy tuzilmalarning ajratilishini taʼminlasin.
10. Oʻzbekiston milliy teleradiokompaniyasiga Qishloq xoʻjaligi vazirligi bilan birgalikda agrar va oziq-ovqat sohalarini rivojlantirish boʻyicha amalga oshirilayotgan islohotlar, yer va suv resurslaridan oqilona foydalanish, resurstejovchi ilgʻor texnologiyalarni keng joriy etishga oid “Mahalla”, “Oʻzbekiston 24”, “Yoshlar” va mahalliy telekanallarda maxsus koʻrsatuvlar tashkil etish hamda muntazam namoyish etib borish yuklatilsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 18-mart,
PQ-4643-son
Президента Республики Узбекистан
Постановление
О мерах по дальнейшему совершенствованию системы управления аграрной и продовольственной сферами
В целях эффективной реализации реформ, определенных в Стратегии развития сельского хозяйства Республики Узбекистан на 2020 — 2030 годы, обеспечения рационального использования земельных и водных ресурсов, широкого внедрения рыночных механизмов в сферу:
3. Ввести следующие должности:
а) в структуре Генеральной прокуратуры Республики Узбекистан — ответственных за соблюдение требований законодательства в сфере сельского хозяйства и продовольственной безопасности и надзор за их исполнением:
заместителя Генерального прокурора Республики Узбекистан;
заместителей прокуроров Республики Каракалпакстан и областей, старшего помощника транспортного прокурора Республики Узбекистан;
б) заместителя министра внутренних дел Республики Узбекистан, ответственного за предупреждение самовольного захвата посевных площадей, осуществление контроля за состоянием сельскохозяйственной техники, обеспечение целевого использования минеральных удобрений, общественного порядка и безопасности дорожного движения при сборе урожая хлопка и зерна.
4. Установить, что:
а) Управление по надзору за исполнением законодательства в сфере сельского хозяйства Генеральной прокуратуры Республики Узбекистан переименовывается в Управление по надзору за исполнением законодательства по развитию аграрной и продовольственной сфер;
отделы по надзору за исполнением законодательства в сфере сельского хозяйства прокуратур Республики Каракалпакстан и областей переименовываются в отделы по надзору за исполнением законодательства по развитию аграрной и продовольственной сфер с выделением им дополнительно 145 штатных единиц;
б) создается аппарат управления заместителя министра внутренних дел Республики Узбекистан, имеющий статус управления, численностью 12 единиц;
в) заместителю министра внутренних дел Республики Узбекистан:
передаются в подчинение заместители министра внутренних дел Республики Каракалпакстан и начальников управлений (главных управлений) внутренних дел областей по охране общественного порядка — в части отраслевой деятельности;
предоставляются полномочия по привлечению сотрудников соответствующих отраслевых служб (за исключением инспекторов по профилактике опорных пунктов органов внутренних дел) для исполнения возложенных на него обязанностей;
е) введение должности заместителя министра внутренних дел Республики Узбекистан и его аппарата управления осуществляется в рамках общей предельной численности сотрудников Министерства внутренних дел;
ж) введение в структуру органов прокуратуры новых должностей и выделение дополнительных штатных единиц осуществляются за счет сокращения 160 штатных единиц в системе Инспекции по контролю за агропромышленным комплексом при Кабинете Министров Республики Узбекистан.
5. Упразднить должности заместителя министра внутренних дел Республики Узбекистан — начальника Главного управления финансового и материально-технического обеспечения, заместителей министра внутренних дел Республики Каракалпакстан, начальников главных управлений внутренних дел города Ташкента и Ташкентской области, начальников управлений внутренних дел областей — начальников управлений финансового и материально-технического обеспечения.
Преобразовать Главное управление финансового и материально-технического обеспечения Министерства внутренних дел Республики Узбекистан в Департамент финансового и материально-технического обеспечения министерства.
6. Установить порядок, в соответствии с которым хокимам районов и городов предоставляются полномочия по подаче в Агентство по кадастру при Министерстве экономики и финансов или его территориальные управления заявок на использование беспилотных летательных аппаратов с целью изучения фактического состояния сельскохозяйственных посевных площадей на соответствующей территории.
7. Государственному комитету Республики Узбекистан по земельным ресурсам, геодезии, картографии и государственному кадастру в месячный срок:
совместно с Агентством космических исследований и технологий при Кабинете Министров Республики Узбекистан наладить работу с космическими снимками, их дешифровку, а также широкое использование возможностей Национальной геоинформационной системы с целью повышения эффективности мониторинга сельскохозяйственных земель, предупреждения их самовольного захвата;
совместно с Министерством сельского хозяйства, Министерством водного хозяйства, Министерством по развитию информационных технологий и коммуникаций интегрировать базу данных о сельском хозяйстве с Национальной геоинформационной системой с обеспечением непрерывного обмена данными по земельным и водным ресурсам;
принять меры по доведению численности сертифицированных пилотов, управляющих беспилотными летательными аппаратами, до конца 2020 года до 100 единиц, до конца 2021 года — до 200 единиц;
внести в Кабинет Министров предложение по внедрению программного обеспечения, повышающего эффективность беспилотных летательных аппаратов и уменьшающего затраты на полеты, принимая при этом во внимание их использование в каждом районе и городе.
8. Разрешить Агентству по кадастру при Министерстве экономики и финансов:
приобретение ресурсосберегающего самолета для аэрофотосъемки и комплектующей лазерной мультиспектральной камеры за счет средств Фонда развития земельных отношений и государственного кадастра без проведения тендерных торгов в порядке исключения путем заключения прямого договора с производителями;
совместно с Министерством сельского хозяйства безвозмездное использование снимков спутника дистанционного зондирования Земли, находящихся в базе данных Агентства космических исследований и технологий при Министерстве цифровых технологий Республики Узбекистан, а также осуществление взаимного обмена информацией посредством сетей телекоммуникаций.
9. Генеральной прокуратуре и Министерству внутренних дел Республики Узбекистан в недельный срок обеспечить выделение необходимых структурных подразделений соответственно заместителям Генерального прокурора и министра внутренних дел, закрепленных за аграрной и продовольственной сферами.
10. Возложить на Национальную телерадиокомпанию Узбекистана совместно с Министерством сельского хозяйства организацию и демонстрацию на регулярной основе на телеканалах «Махалла», «Узбекистон 24», «Ёшлар» и местных телеканалах специальных передач о проводимых реформах по развитию аграрной и продовольственной сфер, рациональному использованию земельных и водных ресурсов, широкому внедрению передовых ресурсосберегающих технологий.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
18 марта 2020 г.,
№ ПП-4643