UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларини қоплаб бериш тартиби тўғрисидаги низомни тасдиқлаш ҳақида

Ўзбекистон Республикаси Президентининг «Мамлакатда бизнес муҳитини янада яхшилаш ва тадбиркорликни қўллаб-қувватлаш тизимини такомиллаштириш чора-тадбирлари тўғрисида» 2019 йил 20 ноябрдаги ПҚ-4525-сон қарори ижросини таъминлаш мақсадида Вазирлар Маҳкамаси қарор қилади:

1. Ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларини қоплаб бериш тартиби тўғрисидаги низом иловага мувофиқ тасдиқлансин.

2. Белгилансинки:

ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатлари Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги (кейинги ўринларда — Агентлик) томонидан қоплаб берилади;

ваколатли органларнинг 2020 йил 1 январдан бошлаб берилган зарур рухсатнома ва сертификатларни расмийлаштириш билан боғлиқ харажатлари қоплаб берилади.

3. Ўзбекистон Республикаси Молия вазирлиги Агентликнинг буюртманомаларига асосан ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатлари Ўзбекистон Республикаси Президентининг «Экспортга кўмаклашиш ва уни рағбатлантиришни кучайтириш чора-тадбирлари тўғрисида» 2018 йил 20 декабрдаги ПҚ-4069-сон қарорига мувофиқ назарда тутилган маблағлар ҳисобидан қоплаб берилишини таъминласин.

4. Ўзбекистон Республикаси Давлат божхона қўмитаси экспортга расмийлаштирилиши лозим бўлган мева-сабзавотлар, тўқимачилик маҳсулотлари ва буюмлари тўғрисидаги маълумотларни «Ягона дарча» божхона ахборот тизими орқали Агентликка тақдим этиб борсин.

Агентлик Ташқи иқтисодий маълумотлар порталини бир ой муддатда «Ягона дарча» божхона ахборот тизими билан интеграциялаштириш ишларини амалга оширсин.

5. Ўзбекистон Республикаси Президенти ҳузуридаги Лойиҳа бошқаруви миллий агентлигига Агентликка Ташқи савдо операцияларининг ягона электрон ахборот тизимидан фойдаланишга рухсат бериш тавсия қилинсин.

6. Ўзбекистон Республикаси Инвестициялар ва ташқи савдо вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков ва Ўзбекистон Республикаси молия вазири Т.А. Ишметов зиммасига юклансин.

Вазирлар Маҳкамасининг 2020 йил 20 мартдаги 175-сон қарорига ИЛОВА

1-боб. Умумий қоидалар

1. Ушбу Низом Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги (кейинги ўринларда — Агентлик) томонидан ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларини қоплаб бериш тартибини белгилайди.

2. Ушбу Низомда қуйидаги асосий тушунчалардан фойдаланилади:

ваколатли органлар — «Ўзстандарт» агентлигининг «UzTest» давлат корхонаси, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги, Ўсимликлар карантини ва ҳимояси агентлиги, «Ўзбекэкпертиза» АЖ, Экология, атроф-муҳитни муҳофаза қилиш ва иқлим ўзгариши вазирлиги ҳузуридаги «Давлат экологик сертификатлаштириш ва стандартлаштириш маркази» МЧЖ;

экспорт қилувчи ташкилот — Ўзбекистон Республикасида рўйхатга олинган, маҳсулотларни хорижий давлатлардаги харидорларга экспорт шартномаларига (инвойсга) асосан сотувчи, шунингдек, экспорт ва (ёки) воситачилик шартномаларига асосан юк жўнатувчи тадбиркорлик субъекти, шу жумладан, унинг ваколатли вакили;

мева-сабзавот маҳсулотлари — сабзавотлар, мевалар, дуккакли, ёнғоқ, узум ва полиз маҳсулотлари, музлатилган, қуритилган сабзавот ва мевалар (ТИФ ТН бўйича товар коди 07, 08, 0904, 1202);

тўқимачилик маҳсулотлари ва буюмлари — калава ип, газлама ва матолар, трикотаж матолар, тикув ва трикотаж буюмлари, гиламлар, пайпоқларнинг барча турлари (ТИФ ТН бўйича товар коди 5002, 5003 (фақат ипак момиғи экспорти учун), 5004 — 5007, 5111 — 5113, 5208 — 5212, 5309 — 5311, 54, 5512 — 5516, 56, 57, 58, 59, 60, 61, 62, 63);

мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатлар — мувофиқлик сертификати, санитария-эпидемиологик хулоса, фитосанитар сертификати, товарларнинг келиб чиқиши тўғрисидаги сертификат.

3. Қуйидаги ҳолларда ваколатли органлар томонидан берилган рухсатнома ва сертификатлар учун тўловлар экспорт қилувчи ташкилот томонидан тўланади:

ваколатли органлар томонидан аввал берилган, харажатлари Агентлик томонидан қоплаб берилган рухсатнома ва сертификатларни қайта расмийлаштириш билан боғлиқ харажатлар;

экспорт қилувчи ташкилот зарур рухсатнома ва сертификатлар олингандан кейин уч ой муддат ичида белгиланган маҳсулотлар экспорт қилинмаганида;

ваколатли органлар томонидан ушбу Низомда назарда тутилган маҳсулотлар билан бирга бошқа бир маҳсулотлар учун ҳам битта зарур рухсатнома ва сертификат берилганда.

4. Агентлик томонидан ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларини қоплаб бериш учун экспорт қилувчи ташкилот Ўзбекистон Республикасида давлат рўйхатига олинган бўлиши зарур.

2-боб. Ваколатли органларнинг харажатларини қоплаб бериш учун талаб этиладиган ҳужжатлар ва уларни кўриб чиқиш тартиби

5. Ваколатли органларнинг мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларини қоплаб бериш тартиби ушбу Низомга 1-иловадаги схемага мувофиқ амалга оширилади.

6. Ваколатли органлар томонидан Агентликка ҳар ҳафтанинг жума куни қуйидаги ҳужжатлар умумлаштирилган ҳолда тақдим этилади:

ушбу Низомга 2-иловадаги шаклга мувофиқ ариза;

берилган сертификат ва рухсатномаларнинг рўйхати, берилган санаси, нархи, экспорт қилувчи ташкилотнинг номи, маҳсулот тури ва Солиқ тўловчининг идентификация рақами кўрсатилган реестри.

Тақдим этилган реестр бўйича маълумотлар хаққонийлигига ваколатли органлар масъул ҳисобланади.

7. Ваколатли органлардан ушбу Низомнинг 6-бандида кўрсатилган ҳужжатлардан бошқа ҳужжатларни талаб этиш тақиқланади.

8. Ваколатли органлар компенсация олиш учун аризани Агентликка тўғридан-тўғри, почта алоқаси воситалари орқали ёки электрон шаклда, шу жумладан, Ташқи иқтисодий маълумотлар портали орқали улар олинганлиги ҳақида хабардор қилинган ҳолда тақдим этади.

9. Ваколатли органлар томонидан компенсация олиш учун ариза Агентликка тўғридан-тўғри тақдим этилган тақдирда, ушбу Низомнинг 6-бандида қайд этилган ҳужжатлар тўлиқ бўлмаган ҳолларда ариза кўриб чиқиш учун қабул қилинмайди.

10. Ваколатли органлар томонидан компенсация олиш учун ариза Агентликка почта алоқаси воситалари орқали ёки электрон шаклда, шу жумладан, Ташқи иқтисодий маълумотлар портали орқали тақдим этилганда, аммо ариза билан бирга ушбу Низомнинг 6-бандида қайд этилган ҳужжатлар тўлиқ тақдим этилмаган тақдирда, Агентлик бир иш куни давомида ҳужжатларни Агентликнинг мансабдор шахслари имзолаган ва рад этиш сабаблари кўрсатилган асосли хулоса билан бирга ваколатли органларга қайтаради.

11. Ушбу Низомнинг 6-бандида қайд этилган ҳужжатлар билан бирга тўлиқ тақдим этилган аризалар Агентлик томонидан уч иш куни давомида кўриб чиқилади ва харажатларни қоплаб бериш юзасидан хулоса қабул қилинади.

12. Агентлик ваколатли органлар томонидан тақдим этилган ҳужжатларни ушбу Низомнинг 3 ва 4-бандларида кўрсатилган талаблар ва шартларга мувофиқлиги нуқтаи назаридан ўрганиб чиқади.

13. Агентлик ваколатли органлар томонидан тақдим этилган ҳужжатларни ушбу Низомнинг 3 ва 4-бандларида кўрсатилган талаблар ва шартларга мувофиқлигини ахборот тизимлари, шу жумладан, Ташқи савдо операцияларининг ягона электрон ахборот тизими ва «Ягона дарча» божхона ахборот тизими орқали ҳамда сўровномалар юбориб, жавоблар олиш орқали ўрганиб чиқиши мумкин.

3-боб. Ваколатли органларнинг харажатларини қоплаб беришни рад этиш

14. Ваколатли органлар томонидан тақдим этилган ҳужжатларда ишончсиз ва нотўғри маълумотлар мавжудлиги ёки маълумотларни бузиб кўрсатиш ҳолатларининг аниқланиши, берилган зарур рухсатнома ва сертификатлар ўрнатилган тартибда божхона юк декларацияси асосида расмийлаштирилмаганлиги ваколатли органларга харажатларни қоплаб беришни рад этиш тўғрисида хулоса бериш учун асос бўлади.

15. Ушбу Низом талабларидан бошқа асосларга кўра, ваколатли органларга харажатларнинг қоплаб берилишини рад этиш тўғрисида хулоса берилишига йўл қўйилмайди.

16. Ваколатли органлар рад этиш тўғрисида хулоса олингандан кейин кўрсатилган камчиликларни бартараф этган ҳолда, харажатларни қоплаш бўйича маблағлар олиш учун Агентликка ариза билан ўн иш куни давомида қайта мурожаат қилишга ҳақли.

Аризани қайта кўриб чиқишда Агентлик томонидан рад этишнинг аввал ёзма равишда айтилмаган сабабларини кўрсатишга йўл қўйилмайди.

4-боб. Ваколатли органларнинг харажатларини қоплаш учун тўловларни амалга ошириш тартиби

17. Ваколатли органларнинг харажатлари Ўзбекистон Республикаси Президентининг «Экспортга кўмаклашиш ва уни рағбатлантиришни кучайтириш чора-тадбирлари тўғрисида» 2018 йил 20 декабрдаги ПҚ-4069-сон қарори доирасида Агентликка Ўзбекистон Республикаси Давлат бюджетидан ажратиладиган маблағлар ҳисобидан қопланади (агар ваколатли органлар қўшимча қиймат солиғи тўловчиси бўлса, қилинган харажатлар қўшимча қиймат солиғи ставкаси билан кўрсатилади ва қопланади).

18. Ваколатли органлар молиявий йилнинг III чораги якунига қадар кейинги молиявий йил учун Агентликка бюджет прогнози бўйича ҳисоб-китобларни тақдим этади.

19. Ҳар бир молиявий йил бошида Ўзбекистон Республикаси Молия вазирлиги Ўзбекистон Республикаси Президентининг «Экспортга кўмаклашиш ва уни рағбатлантиришни кучайтириш чора-тадбирлари тўғрисида» 2018 йил 20 декабрдаги ПҚ-4069-сон қарорига мувофиқ Агентликнинг тасдиқланган смета бўйича буюртманомаси олинган кундан бошлаб уч банк иш куни мобайнида Агентликни молиялаштиради.

Молиявий йил давомида ваколатли органлар тақдим этган аризаларга мувофиқ молиялаштириш зарурлигидан келиб чиқиб, Ўзбекистон Республикаси Молия вазирлиги билан келишилган ҳолда тасдиқланган сметага тегишли ўзгартиришлар киритилиши мумкин.

20. Молия йили якуни бўйича Агентлик шахсий ғазна ҳисобварағида фойдаланилмай қолган бюджет маблағлари Ўзбекистон Республикаси Давлат бюджетига қайтарилади.

21. Агентлик ваколатли органларнинг зарур рухсатнома ва сертификатларни расмийлаштириш билан боғлиқ харажатларини қоплаб бериш юзасидан хулоса қабул қилинган кундан бошлаб бир иш куни давомида компенсация маблағларини ажратиш учун Ўзбекистон Республикаси Молия вазирлигига буюртманома тақдим этади.

Ўзбекистон Республикаси Молия вазирлиги тақдим этилган буюртманомаларга мувофиқ уч иш куни давомида компенсация маблағларини Агентликнинг ҳисобварағига ўтказиб беради.

Агентлик ҳисобварағига компенсация маблағлари тушган кундан бошлаб бир иш куни давомида харажатларни қоплаш учун компенсация маблағларини ваколатли органларнинг ҳисобварағига ўтказиб беради.

22. Агентлик ва ваколатли органлар ҳар ой якуни билан мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатлар ҳамда уларни қоплаш учун ажратилган маблағлар юзасидан ўзаро таққослаш далолатномаларини расмийлаштиради.

5-боб. Якунловчи қоидалар

23. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.

24. Бюджет маблағларидан мақсадли фойдаланиш учун жавобгарлик Агентликка юкланади.

25. Ўзбекистон Республикаси Инвестициялар ва ташқи савдо вазирлиги ушбу Низомга мувофиқ ваколатли органларга мева-сабзавотлар, тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларни қоплаб бериш бўйича Агентлик фаолиятининг самарадорлигини мониторинг қилади ва ҳар ойда Ўзбекистон Республикаси Вазирлар Маҳкамасига тегишли ахборот киритади.

Босқичлар Масъул ижрочилар Тадбирлар Бажариш муддатлари 1-босқич Ваколатли органлар («Ўзстандарт» агентлигининг «UzTest» давлат корхонаси, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги, Ўсимликлар карантини ва ҳимояси агентлиги, «Ўзбекэкпертиза» АЖ, Экология, атроф-муҳитни муҳофаза қилиш ва иқлим ўзгариши вазирлиги ҳузуридаги «Давлат экологик сертификатлаштириш ва стандартлаштириш маркази» МЧЖ) Экспортни рағбатлантириш агентлигига умумлаштирилган ҳолда ҳужжатларни тақдим этиш: ушбу Низомга 2-иловадаги шаклга мувофиқ ариза; берилган сертификат ва рухсатномаларнинг рўйхати, берилган санаси, нархи, экспорт қилувчи ташкилотнинг номи, маҳсулот тури ва Солиқ тўловчининг идентификация рақами кўрсатилган реестри. Ҳар ҳафтанинг жума куни 2-босқич Экспортни рағбатлантириш агентлиги 1. Ҳужжатларни кўриб чиқиш, ваколатли органларнинг зарур рухсатнома ва сертификатларни расмийлаштириш билан боғлиқ харажатларини қоплаб бериш юзасидан хулоса қабул қилиш. 2. Ўзбекистон Республикаси Молия вазирлигига буюртманома юбориш. Ариза қабул қилинган кундан бошлаб 1 иш куни давомида 3-босқич Ўзбекистон Республикаси Молия вазирлиги Компенсация маблағларини Агентликнинг ҳисобварағига ўтказиб бериш. 3 иш куни давомида 4-босқич Экспортни рағбатлантириш агентлиги Ваколатли органларнинг ҳисобварағига тегишли маблағларни ўтказиб бериш. Маблағлар тушган кундан бошлаб 1 иш куни давомида

‎ ‎ Ўзбекистон Республикаси Инвестициялар ва ташқи савдо вазирлиги ҳузуридаги ‎‎Экспортни рағбатлантириш агентлигига _____________________________ дан ‎‎ ‎ ‎ (ваколатли органнинг номи) ‎‎ ‎ ‎ ‎ ‎ ‎ Ариза‎‎ ‎ __________________________________________________________________ томонидан мева-сабзавотлар, (ваколатли органнинг номи) ‎ ‎ тўқимачилик маҳсулотлари ва буюмларини экспорт қилиш учун зарур рухсатнома ва сертификатларни расмийлаштириш билан боғлиқ харажатларни реестрга мувофиқ қоплаб бериш масаласини кўриб чиқишингизни ва тегишли компенсация тўловини бизнинг ‎ _________________________ ҳисобвараққа ўтказиб беришингизни сўраймиз. (ҳисобварақ) ‎ ‎ ‎ ‎ ‎ ‎‎ Аризага берилган сертификат ва рухсатномаларнинг рўйхати, санаси, нархи, экспорт қилувчи ташкилотнинг номи, маҳсулот тури ва Солиқ тўловчининг идентификация рақами кўрсатилган реестри илова қилинмоқда. ‎ ‎ ‎ ‎ ‎‎____________ раҳбари __________________ ‎‎ ‎ ‎ (Ф.И.О.) Боғланиш учун телефон: +998 (___)___________________ ‎

Ўзбекистон Республикасининг Бош вазири А. АРИПОВ

Тошкент ш.,

2020 йил 20 март,

175-сон

(Қонун ҳужжатлари маълумотлари миллий базаси, 20.03.2020 й., 09/20/175/0357-сон; Қонунчилик маълумотлари миллий базаси, 16.12.2021 й., 09/21/752/1166-сон, 05.04.2022 й., 09/22/153/0266-сон; 21.01.2025 й., 09/25/20/0054-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Mamlakatda biznes muhitini yanada yaxshilash va tadbirkorlikni qoʻllab-quvvatlash tizimini takomillashtirish chora-tadbirlari toʻgʻrisida” 2019-yil 20-noyabrdagi PQ-4525-son qarori ijrosini taʼminlash maqsadida Vazirlar Mahkamasi qaror qiladi:

1. Vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish tartibi toʻgʻrisidagi nizom ilovaga muvofiq tasdiqlansin.

2. Belgilansinki:

vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlari Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi (keyingi oʻrinlarda — Agentlik) tomonidan qoplab beriladi;

vakolatli organlarning 2020-yil 1-yanvardan boshlab berilgan zarur ruxsatnoma va sertifikatlarni rasmiylashtirish bilan bogʻliq xarajatlari qoplab beriladi.

3. Oʻzbekiston Respublikasi Moliya vazirligi Agentlikning buyurtmanomalariga asosan vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlari Oʻzbekiston Respublikasi Prezidentining “Eksportga koʻmaklashish va uni ragʻbatlantirishni kuchaytirish chora-tadbirlari toʻgʻrisida” 2018-yil 20-dekabrdagi PQ-4069-son qaroriga muvofiq nazarda tutilgan mablagʻlar hisobidan qoplab berilishini taʼminlasin.

4. Oʻzbekiston Respublikasi Davlat bojxona qoʻmitasi eksportga rasmiylashtirilishi lozim boʻlgan meva-sabzavotlar, toʻqimachilik mahsulotlari va buyumlari toʻgʻrisidagi maʼlumotlarni “Yagona darcha” bojxona axborot tizimi orqali Agentlikka taqdim etib borsin.

Agentlik Tashqi iqtisodiy maʼlumotlar portalini bir oy muddatda “Yagona darcha” bojxona axborot tizimi bilan integratsiyalashtirish ishlarini amalga oshirsin.

5. Oʻzbekiston Respublikasi Prezidenti huzuridagi Loyiha boshqaruvi milliy agentligiga Agentlikka Tashqi savdo operatsiyalarining yagona elektron axborot tizimidan foydalanishga ruxsat berish tavsiya qilinsin.

6. Oʻzbekiston Respublikasi Investitsiyalar va tashqi savdo vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov va Oʻzbekiston Respublikasi moliya vaziri T.A. Ishmetov zimmasiga yuklansin.

Vazirlar Mahkamasining 2020-yil 20-martdagi 175-son qaroriga ILOVA

1-bob. Umumiy qoidalar

1. Ushbu Nizom Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi (keyingi oʻrinlarda — Agentlik) tomonidan vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

vakolatli organlar — “Oʻzstandart” agentligining “UzTest” davlat korxonasi, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligi, Oʻsimliklar karantini va himoyasi agentligi, “Oʻzbekekpertiza” AJ, Ekologiya, atrof-muhitni muhofaza qilish va iqlim oʻzgarishi vazirligi huzuridagi “Davlat ekologik sertifikatlashtirish va standartlashtirish markazi” MChJ;

eksport qiluvchi tashkilot — Oʻzbekiston Respublikasida roʻyxatga olingan, mahsulotlarni xorijiy davlatlardagi xaridorlarga eksport shartnomalariga (invoysga) asosan sotuvchi, shuningdek, eksport va (yoki) vositachilik shartnomalariga asosan yuk joʻnatuvchi tadbirkorlik subyekti, shu jumladan, uning vakolatli vakili;

meva-sabzavot mahsulotlari — sabzavotlar, mevalar, dukkakli, yongʻoq, uzum va poliz mahsulotlari, muzlatilgan, quritilgan sabzavot va mevalar (TIF TN boʻyicha tovar kodi 07, 08, 0904, 1202);

toʻqimachilik mahsulotlari va buyumlari — kalava ip, gazlama va matolar, trikotaj matolar, tikuv va trikotaj buyumlari, gilamlar, paypoqlarning barcha turlari (TIF TN boʻyicha tovar kodi 5002, 5003 (faqat ipak momigʻi eksporti uchun), 5004 — 5007, 5111 — 5113, 5208 — 5212, 5309 — 5311, 54, 5512 — 5516, 56, 57, 58, 59, 60, 61, 62, 63);

meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlar — muvofiqlik sertifikati, sanitariya-epidemiologik xulosa, fitosanitar sertifikati, tovarlarning kelib chiqishi toʻgʻrisidagi sertifikat.

3. Quyidagi hollarda vakolatli organlar tomonidan berilgan ruxsatnoma va sertifikatlar uchun toʻlovlar eksport qiluvchi tashkilot tomonidan toʻlanadi:

vakolatli organlar tomonidan avval berilgan, xarajatlari Agentlik tomonidan qoplab berilgan ruxsatnoma va sertifikatlarni qayta rasmiylashtirish bilan bogʻliq xarajatlar;

eksport qiluvchi tashkilot zarur ruxsatnoma va sertifikatlar olingandan keyin uch oy muddat ichida belgilangan mahsulotlar eksport qilinmaganida;

vakolatli organlar tomonidan ushbu Nizomda nazarda tutilgan mahsulotlar bilan birga boshqa bir mahsulotlar uchun ham bitta zarur ruxsatnoma va sertifikat berilganda.

4. Agentlik tomonidan vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish uchun eksport qiluvchi tashkilot Oʻzbekiston Respublikasida davlat roʻyxatiga olingan boʻlishi zarur.

2-bob. Vakolatli organlarning xarajatlarini qoplab berish uchun talab etiladigan hujjatlar va ularni koʻrib chiqish tartibi

5. Vakolatli organlarning meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish tartibi ushbu Nizomga 1-ilovadagi sxemaga muvofiq amalga oshiriladi.

6. Vakolatli organlar tomonidan Agentlikka har haftaning juma kuni quyidagi hujjatlar umumlashtirilgan holda taqdim etiladi:

ushbu Nizomga 2-ilovadagi shaklga muvofiq ariza;

berilgan sertifikat va ruxsatnomalarning roʻyxati, berilgan sanasi, narxi, eksport qiluvchi tashkilotning nomi, mahsulot turi va Soliq toʻlovchining identifikatsiya raqami koʻrsatilgan reyestri.

Taqdim etilgan reyestr boʻyicha maʼlumotlar xaqqoniyligiga vakolatli organlar masʼul hisoblanadi.

7. Vakolatli organlardan ushbu Nizomning 6-bandida koʻrsatilgan hujjatlardan boshqa hujjatlarni talab etish taqiqlanadi.

8. Vakolatli organlar kompensatsiya olish uchun arizani Agentlikka toʻgʻridan-toʻgʻri, pochta aloqasi vositalari orqali yoki elektron shaklda, shu jumladan, Tashqi iqtisodiy maʼlumotlar portali orqali ular olinganligi haqida xabardor qilingan holda taqdim etadi.

9. Vakolatli organlar tomonidan kompensatsiya olish uchun ariza Agentlikka toʻgʻridan-toʻgʻri taqdim etilgan taqdirda, ushbu Nizomning 6-bandida qayd etilgan hujjatlar toʻliq boʻlmagan hollarda ariza koʻrib chiqish uchun qabul qilinmaydi.

10. Vakolatli organlar tomonidan kompensatsiya olish uchun ariza Agentlikka pochta aloqasi vositalari orqali yoki elektron shaklda, shu jumladan, Tashqi iqtisodiy maʼlumotlar portali orqali taqdim etilganda, ammo ariza bilan birga ushbu Nizomning 6-bandida qayd etilgan hujjatlar toʻliq taqdim etilmagan taqdirda, Agentlik bir ish kuni davomida hujjatlarni Agentlikning mansabdor shaxslari imzolagan va rad etish sabablari koʻrsatilgan asosli xulosa bilan birga vakolatli organlarga qaytaradi.

11. Ushbu Nizomning 6-bandida qayd etilgan hujjatlar bilan birga toʻliq taqdim etilgan arizalar Agentlik tomonidan uch ish kuni davomida koʻrib chiqiladi va xarajatlarni qoplab berish yuzasidan xulosa qabul qilinadi.

12. Agentlik vakolatli organlar tomonidan taqdim etilgan hujjatlarni ushbu Nizomning 3 va 4-bandlarida koʻrsatilgan talablar va shartlarga muvofiqligi nuqtai nazaridan oʻrganib chiqadi.

13. Agentlik vakolatli organlar tomonidan taqdim etilgan hujjatlarni ushbu Nizomning 3 va 4-bandlarida koʻrsatilgan talablar va shartlarga muvofiqligini axborot tizimlari, shu jumladan, Tashqi savdo operatsiyalarining yagona elektron axborot tizimi va “Yagona darcha” bojxona axborot tizimi orqali hamda soʻrovnomalar yuborib, javoblar olish orqali oʻrganib chiqishi mumkin.

3-bob. Vakolatli organlarning xarajatlarini qoplab berishni rad etish

14. Vakolatli organlar tomonidan taqdim etilgan hujjatlarda ishonchsiz va notoʻgʻri maʼlumotlar mavjudligi yoki maʼlumotlarni buzib koʻrsatish holatlarining aniqlanishi, berilgan zarur ruxsatnoma va sertifikatlar oʻrnatilgan tartibda bojxona yuk deklaratsiyasi asosida rasmiylashtirilmaganligi vakolatli organlarga xarajatlarni qoplab berishni rad etish toʻgʻrisida xulosa berish uchun asos boʻladi.

15. Ushbu Nizom talablaridan boshqa asoslarga koʻra, vakolatli organlarga xarajatlarning qoplab berilishini rad etish toʻgʻrisida xulosa berilishiga yoʻl qoʻyilmaydi.

16. Vakolatli organlar rad etish toʻgʻrisida xulosa olingandan keyin koʻrsatilgan kamchiliklarni bartaraf etgan holda, xarajatlarni qoplash boʻyicha mablagʻlar olish uchun Agentlikka ariza bilan oʻn ish kuni davomida qayta murojaat qilishga haqli.

Arizani qayta koʻrib chiqishda Agentlik tomonidan rad etishning avval yozma ravishda aytilmagan sabablarini koʻrsatishga yoʻl qoʻyilmaydi.

4-bob. Vakolatli organlarning xarajatlarini qoplash uchun toʻlovlarni amalga oshirish tartibi

17. Vakolatli organlarning xarajatlari Oʻzbekiston Respublikasi Prezidentining “Eksportga koʻmaklashish va uni ragʻbatlantirishni kuchaytirish chora-tadbirlari toʻgʻrisida” 2018-yil 20-dekabrdagi PQ-4069-son qarori doirasida Agentlikka Oʻzbekiston Respublikasi Davlat budjetidan ajratiladigan mablagʻlar hisobidan qoplanadi (agar vakolatli organlar qoʻshimcha qiymat soligʻi toʻlovchisi boʻlsa, qilingan xarajatlar qoʻshimcha qiymat soligʻi stavkasi bilan koʻrsatiladi va qoplanadi).

18. Vakolatli organlar moliyaviy yilning III choragi yakuniga qadar keyingi moliyaviy yil uchun Agentlikka budjet prognozi boʻyicha hisob-kitoblarni taqdim etadi.

19. Har bir moliyaviy yil boshida Oʻzbekiston Respublikasi Moliya vazirligi Oʻzbekiston Respublikasi Prezidentining “Eksportga koʻmaklashish va uni ragʻbatlantirishni kuchaytirish chora-tadbirlari toʻgʻrisida” 2018-yil 20-dekabrdagi PQ-4069-son qaroriga muvofiq Agentlikning tasdiqlangan smeta boʻyicha buyurtmanomasi olingan kundan boshlab uch bank ish kuni mobaynida Agentlikni moliyalashtiradi.

Moliyaviy yil davomida vakolatli organlar taqdim etgan arizalarga muvofiq moliyalashtirish zarurligidan kelib chiqib, Oʻzbekiston Respublikasi Moliya vazirligi bilan kelishilgan holda tasdiqlangan smetaga tegishli oʻzgartirishlar kiritilishi mumkin.

20. Moliya yili yakuni boʻyicha Agentlik shaxsiy gʻazna hisobvaragʻida foydalanilmay qolgan budjet mablagʻlari Oʻzbekiston Respublikasi Davlat budjetiga qaytariladi.

21. Agentlik vakolatli organlarning zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish yuzasidan xulosa qabul qilingan kundan boshlab bir ish kuni davomida kompensatsiya mablagʻlarini ajratish uchun Oʻzbekiston Respublikasi Moliya vazirligiga buyurtmanoma taqdim etadi.

Oʻzbekiston Respublikasi Moliya vazirligi taqdim etilgan buyurtmanomalarga muvofiq uch ish kuni davomida kompensatsiya mablagʻlarini Agentlikning hisobvaragʻiga oʻtkazib beradi.

Agentlik hisobvaragʻiga kompensatsiya mablagʻlari tushgan kundan boshlab bir ish kuni davomida xarajatlarni qoplash uchun kompensatsiya mablagʻlarini vakolatli organlarning hisobvaragʻiga oʻtkazib beradi.

22. Agentlik va vakolatli organlar har oy yakuni bilan meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlar hamda ularni qoplash uchun ajratilgan mablagʻlar yuzasidan oʻzaro taqqoslash dalolatnomalarini rasmiylashtiradi.

5-bob. Yakunlovchi qoidalar

23. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

24. Budjet mablagʻlaridan maqsadli foydalanish uchun javobgarlik Agentlikka yuklanadi.

25. Oʻzbekiston Respublikasi Investitsiyalar va tashqi savdo vazirligi ushbu Nizomga muvofiq vakolatli organlarga meva-sabzavotlar, toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarni qoplab berish boʻyicha Agentlik faoliyatining samaradorligini monitoring qiladi va har oyda Oʻzbekiston Respublikasi Vazirlar Mahkamasiga tegishli axborot kiritadi.

Bosqichlar Masʼul ijrochilar Tadbirlar Bajarish muddatlari 1-bosqich Vakolatli organlar (“Oʻzstandart” agentligining “UzTest” davlat korxonasi, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligi, Oʻsimliklar karantini va himoyasi agentligi, “Oʻzbekekpertiza” AJ, Ekologiya, atrof-muhitni muhofaza qilish va iqlim oʻzgarishi vazirligi huzuridagi “Davlat ekologik sertifikatlashtirish va standartlashtirish markazi” MChJ) Eksportni ragʻbatlantirish agentligiga umumlashtirilgan holda hujjatlarni taqdim etish: ushbu Nizomga 2-ilovadagi shaklga muvofiq ariza; berilgan sertifikat va ruxsatnomalarning roʻyxati, berilgan sanasi, narxi, eksport qiluvchi tashkilotning nomi, mahsulot turi va Soliq toʻlovchining identifikatsiya raqami koʻrsatilgan reyestri. Har haftaning juma kuni 2-bosqich Eksportni ragʻbatlantirish agentligi 1. Hujjatlarni koʻrib chiqish, vakolatli organlarning zarur ruxsatnoma va sertifikatlarni rasmiylashtirish bilan bogʻliq xarajatlarini qoplab berish yuzasidan xulosa qabul qilish. 2. Oʻzbekiston Respublikasi Moliya vazirligiga buyurtmanoma yuborish. Ariza qabul qilingan kundan boshlab 1 ish kuni davomida 3-bosqich Oʻzbekiston Respublikasi Moliya vazirligi Kompensatsiya mablagʻlarini Agentlikning hisobvaragʻiga oʻtkazib berish. 3 ish kuni davomida 4-bosqich Eksportni ragʻbatlantirish agentligi Vakolatli organlarning hisobvaragʻiga tegishli mablagʻlarni oʻtkazib berish. Mablagʻlar tushgan kundan boshlab 1 ish kuni davomida

‎ ‎ Oʻzbekiston Respublikasi Investitsiyalar va tashqi savdo vazirligi huzuridagi ‎‎Eksportni ragʻbatlantirish agentligiga _____________________________ dan ‎‎ ‎ ‎ (vakolatli organning nomi) ‎‎ ‎ ‎ ‎ ‎ ‎ Ariza‎‎ ‎ __________________________________________________________________ tomonidan meva-sabzavotlar, (vakolatli organning nomi) ‎ ‎ toʻqimachilik mahsulotlari va buyumlarini eksport qilish uchun zarur ruxsatnoma va sertifikatlarni rasmiylashtirish bilan bogʻliq xarajatlarni reyestrga muvofiq qoplab berish masalasini koʻrib chiqishingizni va tegishli kompensatsiya toʻlovini bizning ‎ _________________________ hisobvaraqqa oʻtkazib berishingizni soʻraymiz. (hisobvaraq) ‎ ‎ ‎ ‎ ‎ ‎‎ Arizaga berilgan sertifikat va ruxsatnomalarning roʻyxati, sanasi, narxi, eksport qiluvchi tashkilotning nomi, mahsulot turi va Soliq toʻlovchining identifikatsiya raqami koʻrsatilgan reyestri ilova qilinmoqda. ‎ ‎ ‎ ‎ ‎‎____________ rahbari __________________ ‎‎ ‎ ‎ (F.I.O.) Bogʻlanish uchun telefon: +998 (___)___________________ ‎

Oʻzbekiston Respublikasining Bosh vaziri A. ARIPOV

Toshkent sh.,

2020-yil 20-mart,

175-son

(Qonun hujjatlari maʼlumotlari milliy bazasi, 20.03.2020-y., 09/20/175/0357-son; Qonunchilik maʼlumotlari milliy bazasi, 16.12.2021-y., 09/21/752/1166-son, 05.04.2022-y., 09/22/153/0266-son; 21.01.2025-y., 09/25/20/0054-son)

lex.uz