UzbekAI

Ўзбекистон Республикаси Президентининг

Қарори

Халқаро шартномаларга қўшилиш тўғрисида

«Ўзбекистон Республикасининг халқаро шартномалари тўғрисида» Ўзбекистон Республикаси Қонунининг 23-моддасига мувофиқ:

1. Қуйидагиларга:

2005 йил 25 ноябрда Москва шаҳрида Мустақил Давлатлар Ҳамдўстлиги иштирокчи-давлатларининг Ҳукумат раҳбарлари кенгаши йиғилишида имзоланган Мустақил Давлатлар Ҳамдўстлиги иштирокчи-давлатларининг ёшлар билан ишлаш соҳасида ҳамкорлик тўғрисида Битимига;

2011 йил 19 майда Минск шаҳрида Мустақил Давлатлар Ҳамдўстлиги иштирокчи-давлатларининг Ҳукумат раҳбарлари кенгаши йиғилишида имзоланган Мустақил Давлатлар Ҳамдўстлиги иштирокчи-давлатларининг ёшлар билан ишлаш соҳасида ҳамкорлик тўғрисида 2005 йил 25 ноябрдаги Битимига ўзгартириш ва қўшимчалар киритиш ҳақидаги Баённомага қўшилинсин.

2. Ўзбекистон Республикаси Ташқи ишлар вазирлиги Ўзбекистон Республикасининг мазкур халқаро шартномаларга қўшилганлиги тўғрисида депозитарийга тегишли билдиришнома йўлласин.

3. Ўзбекистон Республикаси Вазирлар Маҳкамаси, тегишли вазирлик ва идоралар раҳбарлари ушбу халқаро шартномалар кучга кирганидан кейин уларнинг амалга оширилиши учун масъул бўлган ваколатли органларни аниқласин ҳамда Ўзбекистон Республикаси мажбуриятларининг бажарилиши устидан ўрнатилган тартибда назоратни таъминласин.

4. Мазкур қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчиси А.А. Абдувахитов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 20 март,

ПҚ-4646-сон

(Қонун ҳужжатлари маълумотлари миллий базаси, 20.03.2020 й., 07/20/4646/0360-сон)

lex.uz

Oʻzbekiston Respublikasi Prezidentining

Qarori

Xalqaro shartnomalarga qoʻshilish toʻgʻrisida

“Oʻzbekiston Respublikasining xalqaro shartnomalari toʻgʻrisida” Oʻzbekiston Respublikasi Qonunining 23-moddasiga muvofiq:

1. Quyidagilarga:

2005-yil 25-noyabrda Moskva shahrida Mustaqil Davlatlar Hamdoʻstligi ishtirokchi-davlatlarining Hukumat rahbarlari kengashi yigʻilishida imzolangan Mustaqil Davlatlar Hamdoʻstligi ishtirokchi-davlatlarining yoshlar bilan ishlash sohasida hamkorlik toʻgʻrisida Bitimiga;

2011-yil 19-mayda Minsk shahrida Mustaqil Davlatlar Hamdoʻstligi ishtirokchi-davlatlarining Hukumat rahbarlari kengashi yigʻilishida imzolangan Mustaqil Davlatlar Hamdoʻstligi ishtirokchi-davlatlarining yoshlar bilan ishlash sohasida hamkorlik toʻgʻrisida 2005-yil 25-noyabrdagi Bitimiga oʻzgartirish va qoʻshimchalar kiritish haqidagi Bayonnomaga qoʻshilinsin.

2. Oʻzbekiston Respublikasi Tashqi ishlar vazirligi Oʻzbekiston Respublikasining mazkur xalqaro shartnomalarga qoʻshilganligi toʻgʻrisida depozitariyga tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi, tegishli vazirlik va idoralar rahbarlari ushbu xalqaro shartnomalar kuchga kirganidan keyin ularning amalga oshirilishi uchun masʼul boʻlgan vakolatli organlarni aniqlasin hamda Oʻzbekiston Respublikasi majburiyatlarining bajarilishi ustidan oʻrnatilgan tartibda nazoratni taʼminlasin.

4. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 20-mart,

PQ-4646-son

(Qonun hujjatlari maʼlumotlari milliy bazasi, 20.03.2020-y., 07/20/4646/0360-son)

lex.uz

Президента Республики Узбекистан

Постановление

О присоединении к международным договорам

В соответствии со статьей 23 Закона Республики Узбекистан «О международных договорах Республики Узбекистан»:

1. Присоединиться к:

Соглашению государств-участников Содружества Независимых Государств о сотрудничестве в сфере работы с молодежью, подписанному на заседании Совета глав правительств государств-участников Содружества Независимых Государств 25 ноября 2005 года в г. Москве;

Протоколу о внесении изменений и дополнений в Соглашение государств-участников Содружества Независимых Государств о сотрудничестве в сфере работы с молодежью от 25 ноября 2005 года, подписанному на заседании Совета глав правительств государств-участников Содружества Независимых Государств 19 мая 2011 года в г. Минске.

2. Министерству иностранных дел Республики Узбекистан направить депозитарию соответствующее уведомление о присоединении Республики Узбекистан к указанным международным договорам.

3. Кабинету Министров Республики Узбекистан, руководителям соответствующих министерств и ведомств после вступления в силу указанных международных договоров определить компетентные органы, ответственные за их реализацию, а также обеспечить контроль за выполнением обязательств Республики Узбекистан в установленном порядке.

4. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.

Президент Республики Узбекистан Ш. МИРЗИЁЕВ

г. Ташкент,

20 марта 2020 г.,

№ ПП-4646

(Национальная база данных законодательства, 20.03.2020 г., № 07/20/4646/0360)

lex.uz