📅 2020-yil 27-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 марта 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 27 March 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Сувдан махсус фойдаланиш ёки сувни махсус истеъмол қилишга рухсатнома бериш бўйича давлат хизматлари кўрсатишнинг маъмурий регламентига ўзгартириш ва қўшимчалар киритиш тўғрисида
Вазирлар Маҳкамасининг «Айрим ҳудудларда ер ости сувларидан оқилона фойдаланишни таъминлаш бўйича амалий чора-тадбирлар тўғрисида» 2019 йил 9 октябрдаги 855-сон қарорига асосан сувдан махсус фойдаланиш ёки сувни махсус истеъмол қилишга рухсатнома бериш бўйича давлат хизматлари кўрсатишни янада такомиллаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2018 йил 31 мартдаги 255-сон қарори билан тасдиқланган Сувдан махсус фойдаланиш ёки сувни махсус истеъмол қилишга рухсатнома бериш бўйича давлат хизматлари кўрсатишнинг маъмурий регламентига иловага мувофиқ ўзгартириш ва қўшимчалар киритилсин.
2. Ўзбекистон Республикаси Давлат геология ва минерал ресурслар қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг саноатни ва кооперация алоқаларини ривожлантириш масалалари бўйича маслаҳатчиси Б.А. Ходжаев ва Ўзбекистон Республикаси Давлат геология ва минерал ресурслар қўмитаси раиси Б.Ф. Исламов зиммасига юклансин.
Вазирлар Маҳкамасининг 2020 йил 27 мартдаги 184-сон қарорига ИЛОВА
Сувдан махсус фойдаланиш ёки сувни махсус истеъмол қилишга рухсатнома бериш бўйича давлат хизматлари кўрсатишнинг маъмурий регламентига ўзгартириш ва қўшимчалар
1. Қуйидаги мазмундаги 1 1 -банд билан тўлдирилсин:
«1 1 . Ушбу Регламентда қуйидаги асосий тушунчалардан фойдаланилади:
сув объекти — сувлар доимий равишда ёки вақтинча тўпланадиган ва сув режимининг ўзига хос шакллари ва белгилари бўлган табиий (жилғалар, сойлар, дарёлар ва бошқалар) ҳамда сунъий (очиқ ва ёпиқ каналлар, шунингдек, коллектор-дренаж тармоқлари) сув оқимлари, табиий (кўллар, денгизлар, ер ости сув қатламлари) ва сунъий (сув омборлари, сел сувлари тўпланадиган жойлар, ҳовузлар ва бошқалар) сув ҳавзалари, шунингдек, булоқлар ва бошқа объектлар;
ер усти сувлари — ер қобиғининг устида жойлашган сувлар;
ер ости сувлари — ер сатҳидан пастда ер қобиғининг тоғ жинслари қатламларида жойлашган сувлар;
сув истеъмоли (сувни истеъмол қилиш) — юридик ва жисмоний шахслар томонидан ўз эҳтиёжларини қондириш учун сув ресурсларидан уларни сув объектидан белгиланган тартибда олган холда фойдаланиш;
сув истеъмолчиси — ўз эҳтиёжларини қондириш учун сув объектидан сув ресурсларини белгиланган тартибда олувчи юридик ёки жисмоний шахс;
сувдан фойдаланиш — юридик ва жисмоний шахслар томонидан сув ресурсларини сув объектидан олмаган ҳолда улардан ўз эҳтиёжлари учун фойдаланиш;
сувдан фойдаланувчи — сув ресурсларини сув объектидан олмаган холда улардан ўз эҳтиёжлари учун фойдаланувчи юридик ёки жисмоний шахс».
2. 2-бандда :
а) қуйидаги мазмундаги иккинчи хатбоши билан тўлдирилсин:
«Икки ва ундан ортиқ сув олиш иншоатлари битта тизимга уланган ва бир объектнинг сув таъминоти учун ер ости сувларидан махсус фойдаланиш ёки сувни махсус истеъмол қилиш учун ишлатилганда ягона рухсатнома расмийлаштирилади. Агар жисмоний ва юридик шахсларнинг сув олиш иншоатлари бир тизимга уланмаган холларда ёки икки ва ундан ортиқ объектларнинг сув таъминоти учун ишлатилганда алоҳида рухсатномалар олинади»;
б) иккинчи хатбоши учинчи хатбоши деб ҳисоблансин;
в) учинчи хатбоши қуйидаги таҳрирда баён этилсин.
«Ушбу Регламент талаблари коммунал сув қувурлари ва канализациянинг марказлаштирилган тармоқларидан фойдаланишга жисмоний шахслар томонидан суткасига 5 м 3 гача сувдан умумий фойдаланилганда татбиқ этилмайди».
3. 4-банднинг «б)» кичик банди қуйидаги таҳрирда баён этилсин:
«б) сув хўжалиги органлари (табиий сув объектлари сувларидан фойдаланилганида ёки истеъмол қилинганида), санитария ва эпидемиолигия назорати органлари (ичимлик сув таъминоти мақсадлари учун сув олинганда) (кейинги ўринларда — келишувчи органлар) ўзларининг идоравий мансублигига қарашли рухсатномани келишади».
4. 8-банднинг иккинчи хатбошисидаги «3з-иловаларга» сўзлари «3и-иловаларга» сўзлари билан алмаштирилсин;
5. 12-банднинг биринчи хатбошиси «кўрсатилиши» сўзидан кейин «ҳужжатларнинг тўлиқ бўлмаган ҳолатларда илова қилиниши,» сўзлари билан тўлдирилсин.
6. Маъмурий регламентга 2-иловадаги «II. Сувдан махсус фойдаланиш ёки сувни махсус истеъмол қилиш манбаи ҳақида маълумот» бўлими қуйидаги таҳрирда баён этилсин:
« 1. Сув манбаи: табиий ер усти сув объектлари ». табиий ер ости сув объектлари сунъий сув объектлари 2. Сувдан фойдаланиш ёки сувни истеъмол қилишдан мақсад: хўжалик-ичимлик ва даволаш-соғломлаштириш саноат ва ишлаб чиқариш-техник қишлоқ хўжалиги зах қочириш балнеологик энергетика (гидроэнергетика ва иссиқлик энергетикаси) балиқчилик қадоқлаш, шахтадан сув чиқариш ва шу кабилар 3. Жами сув олиш миқдори. минг.м 3 /йил
7. Маъмурий регламентга 3а-иловада :
а) 2-банддаги «суғуриш қудуқлари ва вертикал дренаж қудуқлари, ичимлик ва техник мақсадларга мўлжалланган қудуқлар ва улардаги иншоатлар» сўзлари чиқариб ташлансин;
б) 3-банддан «ер ости» сўзлари чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 27 март,
184-сон
Oʻzbekiston Respublikasi Vazirlar Mahkamasining
qarori
Suvdan maxsus foydalanish yoki suvni maxsus isteʼmol qilishga ruxsatnoma berish boʻyicha davlat xizmatlari koʻrsatishning maʼmuriy reglamentiga oʻzgartirish va qoʻshimchalar kiritish toʻgʻrisida
Vazirlar Mahkamasining “Ayrim hududlarda yer osti suvlaridan oqilona foydalanishni taʼminlash boʻyicha amaliy chora-tadbirlar toʻgʻrisida” 2019-yil 9-oktabrdagi 855-son qaroriga asosan suvdan maxsus foydalanish yoki suvni maxsus isteʼmol qilishga ruxsatnoma berish boʻyicha davlat xizmatlari koʻrsatishni yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2018-yil 31-martdagi 255-son qarori bilan tasdiqlangan Suvdan maxsus foydalanish yoki suvni maxsus isteʼmol qilishga ruxsatnoma berish boʻyicha davlat xizmatlari koʻrsatishning maʼmuriy reglamentiga ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Davlat geologiya va mineral resurslar qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining sanoatni va kooperatsiya aloqalarini rivojlantirish masalalari boʻyicha maslahatchisi B.A. Xodjayev va Oʻzbekiston Respublikasi Davlat geologiya va mineral resurslar qoʻmitasi raisi B.F. Islamov zimmasiga yuklansin.
Vazirlar Mahkamasining 2020-yil 27-martdagi 184-son qaroriga ILOVA
Suvdan maxsus foydalanish yoki suvni maxsus isteʼmol qilishga ruxsatnoma berish boʻyicha davlat xizmatlari koʻrsatishning maʼmuriy reglamentiga oʻzgartirish va qoʻshimchalar
1. Quyidagi mazmundagi 1 1 -band bilan toʻldirilsin:
“1 1 . Ushbu Reglamentda quyidagi asosiy tushunchalardan foydalaniladi:
suv obyekti — suvlar doimiy ravishda yoki vaqtincha toʻplanadigan va suv rejimining oʻziga xos shakllari va belgilari boʻlgan tabiiy (jilgʻalar, soylar, daryolar va boshqalar) hamda sunʼiy (ochiq va yopiq kanallar, shuningdek, kollektor-drenaj tarmoqlari) suv oqimlari, tabiiy (koʻllar, dengizlar, yer osti suv qatlamlari) va sunʼiy (suv omborlari, sel suvlari toʻplanadigan joylar, hovuzlar va boshqalar) suv havzalari, shuningdek, buloqlar va boshqa obyektlar;
yer usti suvlari — yer qobigʻining ustida joylashgan suvlar;
yer osti suvlari — yer sathidan pastda yer qobigʻining togʻ jinslari qatlamlarida joylashgan suvlar;
suv isteʼmoli (suvni isteʼmol qilish) — yuridik va jismoniy shaxslar tomonidan oʻz ehtiyojlarini qondirish uchun suv resurslaridan ularni suv obyektidan belgilangan tartibda olgan xolda foydalanish;
suv isteʼmolchisi — oʻz ehtiyojlarini qondirish uchun suv obyektidan suv resurslarini belgilangan tartibda oluvchi yuridik yoki jismoniy shaxs;
suvdan foydalanish — yuridik va jismoniy shaxslar tomonidan suv resurslarini suv obyektidan olmagan holda ulardan oʻz ehtiyojlari uchun foydalanish;
suvdan foydalanuvchi — suv resurslarini suv obyektidan olmagan xolda ulardan oʻz ehtiyojlari uchun foydalanuvchi yuridik yoki jismoniy shaxs”.
2. 2-bandda :
a) quyidagi mazmundagi ikkinchi xatboshi bilan toʻldirilsin:
“Ikki va undan ortiq suv olish inshoatlari bitta tizimga ulangan va bir obyektning suv taʼminoti uchun yer osti suvlaridan maxsus foydalanish yoki suvni maxsus isteʼmol qilish uchun ishlatilganda yagona ruxsatnoma rasmiylashtiriladi. Agar jismoniy va yuridik shaxslarning suv olish inshoatlari bir tizimga ulanmagan xollarda yoki ikki va undan ortiq obyektlarning suv taʼminoti uchun ishlatilganda alohida ruxsatnomalar olinadi”;
b) ikkinchi xatboshi uchinchi xatboshi deb hisoblansin;
v) uchinchi xatboshi quyidagi tahrirda bayon etilsin.
“Ushbu Reglament talablari kommunal suv quvurlari va kanalizatsiyaning markazlashtirilgan tarmoqlaridan foydalanishga jismoniy shaxslar tomonidan sutkasiga 5 m 3 gacha suvdan umumiy foydalanilganda tatbiq etilmaydi”.
3. 4-bandning “b)” kichik bandi quyidagi tahrirda bayon etilsin:
“b) suv xoʻjaligi organlari (tabiiy suv obyektlari suvlaridan foydalanilganida yoki isteʼmol qilinganida), sanitariya va epidemioligiya nazorati organlari (ichimlik suv taʼminoti maqsadlari uchun suv olinganda) (keyingi oʻrinlarda — kelishuvchi organlar) oʻzlarining idoraviy mansubligiga qarashli ruxsatnomani kelishadi”.
4. 8-bandning ikkinchi xatboshisidagi “3z-ilovalarga” soʻzlari “3i-ilovalarga” soʻzlari bilan almashtirilsin;
5. 12-bandning birinchi xatboshisi “koʻrsatilishi” soʻzidan keyin “hujjatlarning toʻliq boʻlmagan holatlarda ilova qilinishi,” soʻzlari bilan toʻldirilsin.
6. Maʼmuriy reglamentga 2-ilovadagi “II. Suvdan maxsus foydalanish yoki suvni maxsus isteʼmol qilish manbai haqida maʼlumot” boʻlimi quyidagi tahrirda bayon etilsin:
“ 1. Suv manbai: tabiiy yer usti suv obyektlari ”. tabiiy yer osti suv obyektlari sunʼiy suv obyektlari 2. Suvdan foydalanish yoki suvni isteʼmol qilishdan maqsad: xoʻjalik-ichimlik va davolash-sogʻlomlashtirish sanoat va ishlab chiqarish-texnik qishloq xoʻjaligi zax qochirish balneologik energetika (gidroenergetika va issiqlik energetikasi) baliqchilik qadoqlash, shaxtadan suv chiqarish va shu kabilar 3. Jami suv olish miqdori. ming.m 3 /yil
7. Maʼmuriy reglamentga 3a-ilovada :
a) 2-banddagi “sugʻurish quduqlari va vertikal drenaj quduqlari, ichimlik va texnik maqsadlarga moʻljallangan quduqlar va ulardagi inshoatlar” soʻzlari chiqarib tashlansin;
b) 3-banddan “yer osti” soʻzlari chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-mart,
184-son