📅 2020-yil 31-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 31 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 марта 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 31 March 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
ФАРМОЙИШИ
Фарғона вилояти Марғилон шаҳрининг саноат салоҳиятини янада ошириш, тадбиркорлик субъектларига қулай шарт-шароитлар яратиш орқали замонавий тўқимачилик маҳсулотлари ишлаб чиқаришни йўлга қўйиш ҳамда янги иш ўринларини ташкил этиш мақсадида:
1. Вазирлар Маҳкамасининг 2019 йил 2 январдаги 3-Ф-сон фармойишига иловага мувофиқ ўзгартиришлар киритилсин.
2. Ўзбекистон Республикаси Давлат активларини бошқариш агентлиги Фарғона вилояти ҳокимлиги билан биргаликда мазкур фармойиш талабларидан келиб чиқиб, Давлат активларини бошқариш агентлигининг Фарғона вилояти ҳудудий бошқармаси ва «Narimteks» масъулияти чекланган жамияти ўртасида ҳамда Марғилон шаҳар ҳокимлиги иштирокида 2019 йил 7 январда тузилган 138-сон олди-сотди шартномасига тегишли ўзгартиришлар киритиш тўғрисида бир ой муддатда қўшимча келишув тузилишини таъминласин.
3. Мазкур фармойишнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликии қисқартириш масалалари бўйича ўринбосари — Ўзбекистон Республикаси иқтисодий тараққиёт ва камбағалликни қисқартириш вазири Д.А. Кучкаров ва Ўзбекистон Республикаси Давлат активларини бошқариш агентлиги директори С.Х. Бекенов ва Фарғона вилояти ҳокими Ш.М. Ғаниев зиммасига юклансин.
Вазирлар Маҳкамасининг 2020 йил 31 мартдаги 173-Ф-сон фармойишига ИЛОВА
Вазирлар Маҳкамасииинг 2019 йил 2 январдаги 3-Ф-сон фармойишига киритилаётган ўзгартиришлар
1. 1-банд қўйидаги таҳрирда баён қилинсин:
«Фарғона вилояти ҳокимлиги, Ўзбекистон Республикаси Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги, Давлат активларини бошқариш агентлиги ҳамда «Ўзтўқимачиликсаноат» уюшмасининг Фарғона вилояти, Марғилон шаҳри, «Роҳат» МФЙ, Б. Марғилоний кўчаси 440-уйда жойлашган бино ва иншоотларини (кейинги ўринларда — объект) «Uzwoolentex» масъулияти чекланган жамияти қўшма корхонасига инвестициявий ва ижтимоий мажбуриятларни бажариш шарти билан «ноль» харид қийматида сотиш тўғрисидаги таклифи мақуллансин».
2. 2-бандда :
а) биринчи хатбошидаги «Narimteks» масъулияти чекланган жамияти» сўзлари «Uzwoolentex» масъулияти чекланган жамияти қўшма корхонаси» сўзлари билан алмаштирилсин;
б) иккинчи хатбоши қуйидаги таҳрирда баён қилинсин:
«объектга 2022 йил 31 декабрга қадар камида 15 млн АҚШ доллари миқдорида инвестиция киритиш орқали технологик асбоб-ускуналар сотиб олиш ва қурилиш-монтаж ишларини амалга ошириш ҳисобидан лойиҳанинг 2022 йил 31 декабрга қадар тўлиқ ишга туширилишини таъминлаш»;
в) тўртинчи хатбошидаги «500» рақами «700» рақами билан алмаштирилсин.
3. 3-бандда :
а) биринчи хатбошидаги «Хусусийлаштирилган корхоналарга кўмаклашиш ва рақобатни ривожлантириш давлат қўмитаси» сўзлари «Давлат активларини бошқариш агентлиги» сўзлари билан алмаштирилсин;
б) иккинчи хатбоши қуйидаги таҳрирда баён қилинсин:
«Фарғона вилояти ҳокимлиги ва «Ўзтўқимачиликсаноат» уюшмаси билан биргаликда мазкур қарорнинг 2-бандида белгиланган шартларда «Uzwoolentex» масъулияти чекланган жамияти қўшма корхонаси билан олди-сотди шартномаси тузилишини ҳамда қабул қилинган инвестициявий ва ижтимоий мажбуриятлар бажарилиши юзасидан мониторинг юритилишини;»;
в) учинчи хатбошидаги «Narimteks» масъулияти чекланган жамиятига» сўзлари «Uzwoolentex» масъулияти чекланган жамияти қўшма корхонасига» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2020 йил 31 март,
173-Ф-сон
Oʻzbekiston Respublikasi Vazirlar Mahkamasining
FARMOYIShI
Fargʻona viloyati Margʻilon shahrining sanoat salohiyatini yanada oshirish, tadbirkorlik subyektlariga qulay shart-sharoitlar yaratish orqali zamonaviy toʻqimachilik mahsulotlari ishlab chiqarishni yoʻlga qoʻyish hamda yangi ish oʻrinlarini tashkil etish maqsadida:
1. Vazirlar Mahkamasining 2019-yil 2-yanvardagi 3-F-son farmoyishiga ilovaga muvofiq oʻzgartirishlar kiritilsin.
2. Oʻzbekiston Respublikasi Davlat aktivlarini boshqarish agentligi Fargʻona viloyati hokimligi bilan birgalikda mazkur farmoyish talablaridan kelib chiqib, Davlat aktivlarini boshqarish agentligining Fargʻona viloyati hududiy boshqarmasi va “Narimteks” masʼuliyati cheklangan jamiyati oʻrtasida hamda Margʻilon shahar hokimligi ishtirokida 2019-yil 7-yanvarda tuzilgan 138-son oldi-sotdi shartnomasiga tegishli oʻzgartirishlar kiritish toʻgʻrisida bir oy muddatda qoʻshimcha kelishuv tuzilishini taʼminlasin.
3. Mazkur farmoyishning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikii qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va kambagʻallikni qisqartirish vaziri D.A. Kuchkarov va Oʻzbekiston Respublikasi Davlat aktivlarini boshqarish agentligi direktori S.X. Bekenov va Fargʻona viloyati hokimi Sh.M. Gʻaniyev zimmasiga yuklansin.
Vazirlar Mahkamasining 2020-yil 31-martdagi 173-F-son farmoyishiga ILOVA
Vazirlar Mahkamasiiing 2019-yil 2-yanvardagi 3-F-son farmoyishiga kiritilayotgan oʻzgartirishlar
1. 1-band qoʻyidagi tahrirda bayon qilinsin:
“Fargʻona viloyati hokimligi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Davlat aktivlarini boshqarish agentligi hamda “Oʻztoʻqimachiliksanoat” uyushmasining Fargʻona viloyati, Margʻilon shahri, “Rohat” MFY, B. Margʻiloniy koʻchasi 440-uyda joylashgan bino va inshootlarini (keyingi oʻrinlarda — obyekt) “Uzwoolentex” masʼuliyati cheklangan jamiyati qoʻshma korxonasiga investitsiyaviy va ijtimoiy majburiyatlarni bajarish sharti bilan “nol” xarid qiymatida sotish toʻgʻrisidagi taklifi maqullansin”.
2. 2-bandda :
a) birinchi xatboshidagi “Narimteks” masʼuliyati cheklangan jamiyati” soʻzlari “Uzwoolentex” masʼuliyati cheklangan jamiyati qoʻshma korxonasi” soʻzlari bilan almashtirilsin;
b) ikkinchi xatboshi quyidagi tahrirda bayon qilinsin:
“obyektga 2022-yil 31-dekabrga qadar kamida 15 mln AQSh dollari miqdorida investitsiya kiritish orqali texnologik asbob-uskunalar sotib olish va qurilish-montaj ishlarini amalga oshirish hisobidan loyihaning 2022-yil 31-dekabrga qadar toʻliq ishga tushirilishini taʼminlash”;
v) toʻrtinchi xatboshidagi “500” raqami “700” raqami bilan almashtirilsin.
3. 3-bandda :
a) birinchi xatboshidagi “Xususiylashtirilgan korxonalarga koʻmaklashish va raqobatni rivojlantirish davlat qoʻmitasi” soʻzlari “Davlat aktivlarini boshqarish agentligi” soʻzlari bilan almashtirilsin;
b) ikkinchi xatboshi quyidagi tahrirda bayon qilinsin:
“Fargʻona viloyati hokimligi va “Oʻztoʻqimachiliksanoat” uyushmasi bilan birgalikda mazkur qarorning 2-bandida belgilangan shartlarda “Uzwoolentex” masʼuliyati cheklangan jamiyati qoʻshma korxonasi bilan oldi-sotdi shartnomasi tuzilishini hamda qabul qilingan investitsiyaviy va ijtimoiy majburiyatlar bajarilishi yuzasidan monitoring yuritilishini;”;
v) uchinchi xatboshidagi “Narimteks” masʼuliyati cheklangan jamiyatiga” soʻzlari “Uzwoolentex” masʼuliyati cheklangan jamiyati qoʻshma korxonasiga” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 31-mart,
173-F-son