📅 2020-yil 1-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 1 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 1 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент вилоятида замонавий картошкачилик кластерини ташкил этиш чора-тадбирлари тўғрисида
Аграр соҳада таркибий ислоҳотларни янада чуқурлаштириш, мева-сабзавот маҳсулотлари ишлаб чиқаришни ташкил этишда кластер усулини ривожлантириш, қишлоқ хўжалик маҳсулотларини чуқур қайта ишлаш занжирини яратиш, юқори қўшилган қийматга эга экспортга йўналтирилган рақобатбардош маҳсулот ишлаб чиқаришни йўлга қўйиш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ хўжалиги вазирлиги, Картошка етиштирувчилар уюшмаси, Тошкент вилояти ҳокимлиги ва «Agrover» МЧЖнинг Тошкент вилояти ҳудудида «Boʼstonliq kartoshkachilik markazi» МЧЖ, «Solanuz» МЧЖ, «Agrover-urugʼchilik» МЧЖ, «Vernatural» МЧЖ ва «Sof tabiat agro» МЧЖ негизида истеъмолга йўналтирилган картошка ишлаб чиқариш ва чуқур қайта ишлаш бўйича агросаноат кластерини (кейинги ўринларда Агрокластер деб аталади) ташкил этиш ва унинг асосий фаолият йўналишлари этиб қуйидагиларни белгилаш тўғрисидаги таклифига розилик берилсин:
уруғлик картошка етиштириш, шу жумладан, уни вируссиз in vitro технологияси асосида кўпайтириш;
илмий асосланган алмашлаб экиш тизимида қўлланиладиган дуккакли, бошоқли дон ва бошқа қишлоқ хўжалиги экинларининг уруғликларини етиштириш;
маҳаллий ва хорижий селекция ҳамда биотехнологик навларнинг бирламчи уруғчилигини ташкил этиш ва ривожлантириш;
уруғчилик бўйича маҳаллий ва халқаро ташкилотлар билан самарали ҳамкорлик қилиш, уруғликларни экишдан олдин ишлов бериш ва қайта ишлашга оид инновацион технологиялар, шу жумладан, сувни тежовчи технологияларни кенг жорий этиш.
2. Истеъмолга йўналтирилган картошка ишлаб чиқариш ва чуқур қайта ишлаш бўйича агросаноат кластери таркибига кирувчи ташкилотлар томонидан 2020 — 2022 йилларда амалга ошириладиган инвестиция лойиҳаларининг рўйхати ва прогноз кўрсаткичлари иловага мувофиқ маъқуллансин.
3. Тошкент вилояти ҳокимлиги:
Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда «Boʼstonliq kartoshkachilik markazi» МЧЖга Бўстонлиқ туманида фойдаланилмаётган, захирадаги ерлар ҳисобидан ягона ҳудудийлик тамойили бўйича жами 1400 гектар, шу жумладан, «Poytaxt Agro» давлат унитар корхонасига фойдаланишга берилган ер участкалари ҳисобидан 146 гектар суғориладиган ер майдонларини туман ҳокимлиги захирасига олиб, 50 йилгача бўлган, бироқ ўттиз йилдан кам бўлмаган муддатга ижарага берилишини;
инвестициялар киритиш ва янги иш ўринлари ташкил этиш шарти билан «Solanuz» МЧЖга Ўртачирчиқ туманидан замонавий машина-трактор парки, қишлоқ хўжалиги маҳсулотларини қабул қилиш, қадоқлаш ва дастлабки қайта ишлаш бўйича логистика марказлари қуриш учун қонун ҳужжатларида белгиланган тартибда қишлоқ хўжалигига мўлжалланмаган паст балл бонитетли ер майдонлари ажратилишини;
Агрокластер таркибига кирувчи ташкилотлар томонидан инвестиция мажбуриятлари бажарилмаганда, ажратилган ер участкаларидан оқилона фойдаланилмаганда ёхуд тупроқ унумдорлигининг пасайишига, кимёвий ва радиоактив ифлосланишига, атроф муҳитнинг бузилишига, республика ҳудудида карантин объектларининг пайдо бўлишига ва тарқалишига олиб келувчи усуллардан фойдаланилганда ер участкасининг ижара шартномаси қонун ҳужжатларида белгиланган тартибга мувофиқ бекор қилинишини таъминласин.
4. Белгилансинки:
уруғлик картошкани сертификатлаш бўйича тарифлар барча жисмоний ва юридик шахсларга ҳар бир тоннаси учун базавий ҳисоблаш миқдорининг 2 фоизини ташкил этади;
Агрокластер таркибига кирувчи ташкилотлар ички ҳамда ташқи бозордаги эҳтиёж ва тупроқ-иқлим шароитларини ҳисобга олган ҳолда, қишлоқ хўжалиги экинларини жойлаштириш, маҳсулот етиштириш ҳажми, уларнинг нави ва турини белгилаш бўйича мустақил қарор қабул қилади.
5. Ўзбекистон Республикаси Соғлиқни сақлаш вазирлиги манфаатдор вазирлик ва идоралар билан биргаликда бир ой муддатда озиқ-овқат маҳсулотлари билан таъминлашга сарфланаётган давлат харажатларининг самарадорлигини ошириш мақсадида бюджет маблағлари олувчилар учун (мактаб ва мактабгача таълим муассасалари бундан мустасно) тасдиқланган овқатланиш меъёрларида назарда тутилган озиқ-овқат маҳсулотларига ўриндош сифатида қуруқ картошка пюресини киритиш бўйича Вазирлар Маҳкамасига таклиф киритсин.
6. Тадбиркорлик субъектлари томонидан республикада ишлаб чиқарилган қуруқ картошка пюреси (ТИФ ТН коди 1105200000) экспортини амалга оширишга рухсат берилсин.
7. Мазкур қарорнинг ижросини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ў.И. Барноев зиммасига юклансин.
Вазирлар Маҳкамасининг 2020 йил 1 апрелдаги 193-сон қарорига ИЛОВА
Истеъмолга йўналтирилган картошка ишлаб чиқариш ва чуқур қайта ишлаш бўйича агросаноат кластери таркибига кирувчи ташкилотлар томонидан 2020 — 2022 йилларда амалга ошириладиган инвестиция лойиҳаларининг рўйхати ва прогноз кўрсаткичлари
Т/р Инвестиция лойиҳасининг номи Асосий ижро этувчи Лойиҳа қиймати (эквивалентда млн. АҚШ доллари) Молиялаштириш манбалари Йиллик қуввати Ташкил этилаётган иш ўринлари сони Амалга ошириш муддатлари лойиҳа ташаббускорларининг ўз маблағлари (млн. АҚШ доллари) хорижий инвестициялари (млн. АҚШ доллари) 1 Картошка ва бошқа сабзавот экинларини сақлаш бўйича логистика маркази қуриш «Boʼstonliq kartoshkachilik markazi» МЧЖ 14,8 4,8 10,0 30,0 минг тоннагача узоқ муддатли сақлаш 250 та доимий ва 100 та мавсумий 2020 йил II чорак 2 Картошка ва бошқа сабзавот экинларини бирламчи қадоқлаш ва қайта ишлаш бўйича корхона ташкил этиш «Agrover-urugʼchilik» МЧЖ 1,2 0,2 1,0 10,0 минг тонна 40 та доимий 2020 йил II чорак 3 Ихтисослаштирилган машина-трактор паркини (МТП) ташкил этиш «Solanuz» МЧЖ ва «Boʼstonliq kartoshkachilik markazi» МЧЖ 1,3 0,3 1,0 Jondeer 110 - 6 та Jondeer 135 - 6 та Orion 630 - 8 та Картошка комбайни - 2 та МТЗ 80.1 - 12 та Эксковатор JSB 4 сх - 1 та Тиркамалар - 13 та 40 та бошқа қишлоқ хўжалиги агрегатлари 100 та доимий ва 40 та мавсумий 2021 йил I чорак 4 1000 гектардан ортиқ майдонга замонавий ресурс тежовчи спринклер ва ёмғирлатиб суғориш тизимларини босқичма-босқич жорий этиш «Boʼstonliq kartoshkachilik markazi» МЧЖ, «Agrover-urugʼchilik» МЧЖ, «Solanuz» МЧЖ 4,5 2 2,5 2020 йил - 500 гектар, 2021 йил - 500 гектар 200 та доимий ва 800 та мавсумий 2021 йил II чорак 5 Вирусли ва бошқа инфекциялардан холи уруғлик картошкани «in vitro» технологияси бўйича етиштириш лабораторияси қурилишини якунлаш «Sof tabiat agro» МЧЖ 1,5 1,5 0 1,0 минг тоннагача вируслардан ҳоли уруғлик картошка 30 та доимий 2020 йил III чорак 23,3 8,8 14,5 620 та доимий ва 940 та мавсумий
Ўзбекистон Республикасининг Бош вазири А. АРИПОВ
Тошкент ш.,
2020 йил 1 апрель,
193-сон
Oʻzbekiston Respublikasi Vazirlar Mahkamasining
qarori
Toshkent viloyatida zamonaviy kartoshkachilik klasterini tashkil etish chora-tadbirlari toʻgʻrisida
Agrar sohada tarkibiy islohotlarni yanada chuqurlashtirish, meva-sabzavot mahsulotlari ishlab chiqarishni tashkil etishda klaster usulini rivojlantirish, qishloq xoʻjalik mahsulotlarini chuqur qayta ishlash zanjirini yaratish, yuqori qoʻshilgan qiymatga ega eksportga yoʻnaltirilgan raqobatbardosh mahsulot ishlab chiqarishni yoʻlga qoʻyish maqsadida Vazirlar Mahkamasi qaror qiladi:
1. Oʻzbekiston Respublikasi Qishloq xoʻjaligi vazirligi, Kartoshka yetishtiruvchilar uyushmasi, Toshkent viloyati hokimligi va “Agrover” MChJning Toshkent viloyati hududida “Boʼstonliq kartoshkachilik markazi” MChJ, “Solanuz” MChJ, “Agrover-urugʼchilik” MChJ, “Vernatural” MChJ va “Sof tabiat agro” MChJ negizida isteʼmolga yoʻnaltirilgan kartoshka ishlab chiqarish va chuqur qayta ishlash boʻyicha agrosanoat klasterini (keyingi oʻrinlarda Agroklaster deb ataladi) tashkil etish va uning asosiy faoliyat yoʻnalishlari etib quyidagilarni belgilash toʻgʻrisidagi taklifiga rozilik berilsin:
urugʻlik kartoshka yetishtirish, shu jumladan, uni virussiz in vitro texnologiyasi asosida koʻpaytirish;
ilmiy asoslangan almashlab ekish tizimida qoʻllaniladigan dukkakli, boshoqli don va boshqa qishloq xoʻjaligi ekinlarining urugʻliklarini yetishtirish;
mahalliy va xorijiy seleksiya hamda biotexnologik navlarning birlamchi urugʻchiligini tashkil etish va rivojlantirish;
urugʻchilik boʻyicha mahalliy va xalqaro tashkilotlar bilan samarali hamkorlik qilish, urugʻliklarni ekishdan oldin ishlov berish va qayta ishlashga oid innovatsion texnologiyalar, shu jumladan, suvni tejovchi texnologiyalarni keng joriy etish.
2. Isteʼmolga yoʻnaltirilgan kartoshka ishlab chiqarish va chuqur qayta ishlash boʻyicha agrosanoat klasteri tarkibiga kiruvchi tashkilotlar tomonidan 2020 — 2022-yillarda amalga oshiriladigan investitsiya loyihalarining roʻyxati va prognoz koʻrsatkichlari ilovaga muvofiq maʼqullansin.
3. Toshkent viloyati hokimligi:
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda “Boʼstonliq kartoshkachilik markazi” MChJga Boʻstonliq tumanida foydalanilmayotgan, zaxiradagi yerlar hisobidan yagona hududiylik tamoyili boʻyicha jami 1400 gektar, shu jumladan, “Poytaxt Agro” davlat unitar korxonasiga foydalanishga berilgan yer uchastkalari hisobidan 146 gektar sugʻoriladigan yer maydonlarini tuman hokimligi zaxirasiga olib, 50 yilgacha boʻlgan, biroq oʻttiz yildan kam boʻlmagan muddatga ijaraga berilishini;
investitsiyalar kiritish va yangi ish oʻrinlari tashkil etish sharti bilan “Solanuz” MChJga Oʻrtachirchiq tumanidan zamonaviy mashina-traktor parki, qishloq xoʻjaligi mahsulotlarini qabul qilish, qadoqlash va dastlabki qayta ishlash boʻyicha logistika markazlari qurish uchun qonun hujjatlarida belgilangan tartibda qishloq xoʻjaligiga moʻljallanmagan past ball bonitetli yer maydonlari ajratilishini;
Agroklaster tarkibiga kiruvchi tashkilotlar tomonidan investitsiya majburiyatlari bajarilmaganda, ajratilgan yer uchastkalaridan oqilona foydalanilmaganda yoxud tuproq unumdorligining pasayishiga, kimyoviy va radioaktiv ifloslanishiga, atrof muhitning buzilishiga, respublika hududida karantin obyektlarining paydo boʻlishiga va tarqalishiga olib keluvchi usullardan foydalanilganda yer uchastkasining ijara shartnomasi qonun hujjatlarida belgilangan tartibga muvofiq bekor qilinishini taʼminlasin.
4. Belgilansinki:
urugʻlik kartoshkani sertifikatlash boʻyicha tariflar barcha jismoniy va yuridik shaxslarga har bir tonnasi uchun bazaviy hisoblash miqdorining 2 foizini tashkil etadi;
Agroklaster tarkibiga kiruvchi tashkilotlar ichki hamda tashqi bozordagi ehtiyoj va tuproq-iqlim sharoitlarini hisobga olgan holda, qishloq xoʻjaligi ekinlarini joylashtirish, mahsulot yetishtirish hajmi, ularning navi va turini belgilash boʻyicha mustaqil qaror qabul qiladi.
5. Oʻzbekiston Respublikasi Sogʻliqni saqlash vazirligi manfaatdor vazirlik va idoralar bilan birgalikda bir oy muddatda oziq-ovqat mahsulotlari bilan taʼminlashga sarflanayotgan davlat xarajatlarining samaradorligini oshirish maqsadida budjet mablagʻlari oluvchilar uchun (maktab va maktabgacha taʼlim muassasalari bundan mustasno) tasdiqlangan ovqatlanish meʼyorlarida nazarda tutilgan oziq-ovqat mahsulotlariga oʻrindosh sifatida quruq kartoshka pyuresini kiritish boʻyicha Vazirlar Mahkamasiga taklif kiritsin.
6. Tadbirkorlik subyektlari tomonidan respublikada ishlab chiqarilgan quruq kartoshka pyuresi (TIF TN kodi 1105200000) eksportini amalga oshirishga ruxsat berilsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev zimmasiga yuklansin.
Vazirlar Mahkamasining 2020-yil 1-apreldagi 193-son qaroriga ILOVA
Isteʼmolga yoʻnaltirilgan kartoshka ishlab chiqarish va chuqur qayta ishlash boʻyicha agrosanoat klasteri tarkibiga kiruvchi tashkilotlar tomonidan 2020 — 2022-yillarda amalga oshiriladigan investitsiya loyihalarining roʻyxati va prognoz koʻrsatkichlari
T/r Investitsiya loyihasining nomi Asosiy ijro etuvchi Loyiha qiymati (ekvivalentda mln. AQSh dollari) Moliyalashtirish manbalari Yillik quvvati Tashkil etilayotgan ish oʻrinlari soni Amalga oshirish muddatlari loyiha tashabbuskorlarining oʻz mablagʻlari (mln. AQSh dollari) xorijiy investitsiyalari (mln. AQSh dollari) 1 Kartoshka va boshqa sabzavot ekinlarini saqlash boʻyicha logistika markazi qurish “Boʼstonliq kartoshkachilik markazi” MChJ 14,8 4,8 10,0 30,0 ming tonnagacha uzoq muddatli saqlash 250 ta doimiy va 100 ta mavsumiy 2020-yil II chorak 2 Kartoshka va boshqa sabzavot ekinlarini birlamchi qadoqlash va qayta ishlash boʻyicha korxona tashkil etish “Agrover-urugʼchilik” MChJ 1,2 0,2 1,0 10,0 ming tonna 40 ta doimiy 2020-yil II chorak 3 Ixtisoslashtirilgan mashina-traktor parkini (MTP) tashkil etish “Solanuz” MChJ va “Boʼstonliq kartoshkachilik markazi” MChJ 1,3 0,3 1,0 Jondeer 110 - 6 ta Jondeer 135 - 6 ta Orion 630 - 8 ta Kartoshka kombayni - 2 ta MTZ 80.1 - 12 ta Ekskovator JSB 4 sx - 1 ta Tirkamalar - 13 ta 40 ta boshqa qishloq xoʻjaligi agregatlari 100 ta doimiy va 40 ta mavsumiy 2021-yil I chorak 4 1000 gektardan ortiq maydonga zamonaviy resurs tejovchi sprinkler va yomgʻirlatib sugʻorish tizimlarini bosqichma-bosqich joriy etish “Boʼstonliq kartoshkachilik markazi” MChJ, “Agrover-urugʼchilik” MChJ, “Solanuz” MChJ 4,5 2 2,5 2020-yil - 500 gektar, 2021-yil - 500 gektar 200 ta doimiy va 800 ta mavsumiy 2021-yil II chorak 5 Virusli va boshqa infeksiyalardan xoli urugʻlik kartoshkani “in vitro” texnologiyasi boʻyicha yetishtirish laboratoriyasi qurilishini yakunlash “Sof tabiat agro” MChJ 1,5 1,5 0 1,0 ming tonnagacha viruslardan holi urugʻlik kartoshka 30 ta doimiy 2020-yil III chorak 23,3 8,8 14,5 620 ta doimiy va 940 ta mavsumiy
Oʻzbekiston Respublikasining Bosh vaziri A. ARIPOV
Toshkent sh.,
2020-yil 1-aprel,
193-son