UzbekAI

Ўзбекистон Республикаси Вазирлар Маҳкамасининг

қарори

ҚОИДАЛАРИ

Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларини тасдиқлаш тўғрисида

«Нотариат тўғрисида»ги Ўзбекистон Республикасининг Қонунига мувофиқ, шунингдек Ўзбекистон Республикаси Президентининг «Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида» 2019 йил 9 сентябрдаги ПФ-5816-сон Фармони ижросини таъминлаш мақсадида Вазирлар Маҳкамаси қарор қилади:

1. Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидалари иловага мувофиқ тасдиқлансин.

2. Ўзбекистон Республикаси Адлия вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — Ўзбекистон Республикаси иқтисодий тараққиёт ва камбағалликни қисқартириш вазири Ж.А. Қўчқоров ҳамда адлия вазири Р.Қ. Давлетов зиммасига юклансин.

Вазирлар Маҳкамасининг 2020 йил 4 апрелдаги 199-сон қарорига ИЛОВА

Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш

1-боб. Умумий қоидалар

1. Мазкур Қоидалар хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш тартибини белгилайди.

2. Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш хусусий амалиёт билан шуғулланувчи нотариус томонидан амалга оширилган нотариал ҳаракатлар натижасида зарар кўрган шахсларнинг мулкий манфаатларини суғурта тўловлари орқали ҳимоя қилишни таъминлашга қаратилган.

3. Ушбу Қоидаларда қуйидаги асосий тушунчалар қўлланилади:

хусусий амалиёт билан шуғулланувчи нотариус (кейинги ўринларда нотариус деб аталади) — юридик шахс ташкил этмасдан хусусий амалиёт билан шуғулланиш ҳуқуқини берувчи лицензия асосида нотариал фаолиятни амалга оширувчи ва ҳудудий адлия органида ҳисоб рўйхатидан ўтган Ўзбекистон Республикаси фуқароси;

нотариуснинг фуқаролик жавобгарлиги — хусусий амалиёт билан шуғулланувчи нотариуснинг нотариал ҳаракатларни амалга ошириши натижасида нотариал ҳаракатни амалга ошириш учун мурожаат қилган жисмоний ҳамда юридик шахсга ва (ёки) нотариал ҳаракатни амалга оширишдаги учинчи шахсларга етказилган мулкий зарарни қоплаш мажбурияти;

нотариуснинг фуқаролик жавобгарлигини мажбурий суғурта қилиш шартномаси (кейинги ўринларда мажбурий суғурта шартномаси деб аталади) — суғурта шартномаси бўлиб, унга кўра суғурталовчи суғурта ҳодисаси содир бўлганда мазкур Қоидаларга мувофиқ мулкий зарар кўрган шахсларга ушбу суғурта ҳодисаси оқибатида етказилган зарарнинг ўрнини шартномада шартлашилган ҳақ (суғурта мукофоти) эвазига суғурта бадали (суғурта суммаси) доирасида қоплаш мажбуриятини олади;

наф олувчи — мазкур Қоидаларга мувофиқ мажбурий суғурта шартномаси асосида юз берган суғурта ҳодисаси натижасида суғурта товонини олиш ҳуқуқига эга шахс;

суғурта ҳодисаси — мажбурий суғурта шартномаси амал қилиши даврида қонунчилик ҳужжатларига зид нотариал ҳаракатни амалга ошириш натижасида нотариуснинг ҳаракатлари (ҳаракатсизлиги) туфайли жисмоний ёки юридик шахсга мулкий зарар етказилганлигининг суднинг қонуний кучга кирган қарори билан белгиланган ёки суғурта қилувчи томонидан тан олинган факти;

суғурта суммаси — суғурталовчи суғурта ҳодисаси содир бўлганда мазкур Қоидаларга мувофиқ мулкий зарар кўрган шахсларга етказилган зарарнинг ўрнини қоплаш мажбуриятини олган сумма;

суғурта мукофоти — суғурта қилдирувчи мажбурий суғурта шартномасига мувофиқ суғурталовчига тўлаши шарт бўлган пул маблағлари суммаси;

суғурта товони — суғурталовчи томонидан наф олувчига мажбурий суғурта шартномасига мувофиқ суғурта суммаси доирасида тўлаши шарт бўлган пул маблағлари суммаси;

суғурталовчи — тегишли турдаги суғуртани амалга ошириш учун лицензияга эга бўлган ва мажбурий суғурта шартномасига мувофиқ суғурта товонини амалга ошириш мажбуриятини олувчи тижорат ташкилоти бўлган юридик шахс;

суғурта қилдирувчи — суғурталовчи билан мажбурий суғурта шартномасини тузган хусусий амалиёт билан шуғулланувчи нотариус;

учинчи шахс — мажбурий суғурта шартномасининг тарафи бўлмаган, нотариус нотариал ҳаракатларни амалга ошириши натижасида мулкий зарар кўрган шахс.

4. Нотариус нотариал фаолиятни амалга оширишда мажбурий суғурта шартномасини тузиши шарт.

Мажбурий суғурта шартномаси мавжуд бўлмаганлиги ёки тузилган шартнома қонунчилик ҳужжатлари талабларига мувофиқ бўлмаганлиги — бундай шартнома тузилган ёки тузилган шартнома қонун ҳужжатларига мувофиқ ҳолга келтирилган кунга қадар «Нотариат тўғрисида»ги Ўзбекистон Республикасининг Қонунига мувофиқ нотариуснинг лицензиясини тўхтатиб туришга асос ҳисобланади.

5. Нотариуслар фуқаролик жавобгарлигининг қуйидагилар оқибатида юзага келиши суғурта ҳодисаси ҳисобланмайди:

нотариусга мурожаат қилган шахс томонидан нотариал ҳаракат амалга ошириш билан боғлиқ ёлғон маълумотлар, ҳақиқий бўлмаган ёки сохта ҳужжатлар тақдим этилиши;

агар нотариал ҳаракатни амалга оширишни сўраб мурожаат қилган шахс нотариусга ушбу нотариал ҳаракат ҳуқуқ ва қонуний манфаатларига таъсир кўрсатиши мумкин бўлган учинчи шахсларнинг йўқлиги ёки мавжудлигини билдирмаган бўлса.

2-боб. Суғурта объекти ва субъекти, суғурта суммаси миқдори

6. Нотариуснинг нотариал ҳаракатни амалга ошириш учун мурожаат қилган жисмоний ёки юридик шахсга ва (ёки) нотариал фаолиятни амалга оширишдаги учинчи шахсларга мулкий зарар етказилганлиги оқибатида юзага келадиган мажбуриятлари бўйича жавобгарлиги хавфи билан боғлиқ мулкий манфаатлар мажбурий суғурта шартномаси бўйича суғурта объекти ҳисобланади.

Суғурталовчи, суғурта қилдирувчи ва нотариус томонидан амалга оширилган нотариал ҳаракатлар натижасида зарар кўрган учинчи шахслар нотариуснинг фуқаролик жавобгарлигини мажбурий суғурта қилиш субъектларидир.

7. Мажбурий суғурта шартномаси бўйича суғурта суммаси:

Тошкент, Нукус шаҳарларида ва вилоятларнинг маъмурий марказларида хусусий амалиёт билан шуғулланувчи нотариус фаолиятини ташкил этиш учун — базавий ҳисоблаш миқдорининг камида минг бараваридан;

бошқа аҳоли пунктларида хусусий амалиёт билан шуғулланувчи нотариус фаолиятини ташкил этиш учун — базавий ҳисоблаш миқдорининг камида беш юз бараваридан кам бўлиши мумкин эмас.

3-боб. Мажбурий суғурта шартномасини тузиш, ўзгартириш ва муддатидан олдин тўхтатиш тартиби

8. Нотариус мажбурий суғурта шартномасини тузмасдан ўзининг мажбуриятларини ва нотариал ҳаракатларни амалга оширишга ҳақли эмас.

9. Мажбурий суғурта шартномасида суғурта қилдирувчи нотариал ҳаракатларни амалга оширганда наф олувчига етказилган зарар туфайли келиб чиқадиган мажбуриятлар бўйича суғурта тўловларини амалга ошириш назарда тутилади, маънавий зарар, бой берилган фойда ва жарима тўловлари бундан мустасно.

10. Мажбурий суғурта шартномаси суғурта қилдирувчи ва суғурталовчи ўртасида ушбу Қоидаларга 1-иловага мувофиқ шаклда тузилади.

11. Мажбурий суғурта шартномаси суғурта қилдирувчининг ушбу Қоидаларга 2-иловага мувофиқ шакл бўйича мажбурий суғурта шартномасини тузиш тўғрисидаги аризаси асосида тузилади.

12. Суғурта қилдирувчи мажбурий суғурта шартномасини тузиш учун суғурталовчини ихтиёрий танлайди.

13. Агар мажбурий суғурта шартномасида бошқача тартиб назарда тутилмаган бўлса, у суғурта қилдирувчи томонидан суғурта мукофоти тўланган вақтдан, бўлиб-бўлиб тўлашда эса биринчи суғурта мукофоти тўланган вақтдан бошлаб кучга киради ва тарафлар учун мажбурий ҳисобланади.

14. Мажбурий суғурта шартномаси у кучга кирган кундан бошлаб бир йил муддатга тузилади.

Суғурта ҳимоясининг амал қилиш муддати суғурта шартномасининг амал қилиш муддатига тўғри келади.

15. Суғурта полиси суғурта қилдирувчига суғурталовчининг ҳисобварағига мажбурий суғурта шартномаси бўйича суғурта мукофоти келиб тушган кундан кейинги уч иш кунидан кечикмай берилади.

Суғурта полиси бланкаси қатъий ҳисобда турадиган ҳужжат бўлиб, ҳисобга олиш сериясига, рақамига ва ҳимояланганликнинг камида 3 даражасига эга бўлиши керак. Суғурта полиси бланкаси суғурталовчининг буюртмаси бўйича, босмахона усулида, А4 (210 — 297 мм) форматда «Давлат белгиси» давлат-ишлаб чиқариш бирлашмасида ушбу Қоидаларга 3-иловада келтирилган намунага мувофиқ тайёрланади.

16. Суғурта полиси йўқолган ёки яроқсиз ҳолга келган тақдирда суғурта қилдирувчи унинг дубликатини олиш ҳуқуқига эга.

17. Мажбурий суғурта шартномасига ўзгартиришлар томонларнинг келишувига биноан улардан бирининг ёзма аризаси асосида киритилади. Шартномага киритилган барча ўзгартириш ва қўшимчалар улар ёзма равишда ёзилган ва ҳар икки томоннинг ваколатли вакиллари томонидан имзоланган тақдирда қонуний кучга эга.

18. Мажбурий суғурта шартномасининг амал қилиши қуйидаги ҳолларда муддатидан олдин тўхтатилади:

нотариус тугатилганда ёки вафот этганда;

мажбурий суғурта шартномаси суд қарорига кўра ҳақиқий эмас деб эътироф этилганда.

Мажбурий суғурта қилиш шартномасининг амал қилиши қонунчилик ҳужжатларида назарда тутилган бошқа ҳолатларда ҳам муддатидан олдин тўхтатилиши мумкин.

4-боб. Суғурта қилдирувчи ва суғурталовчининг ҳуқуқ ва мажбуриятлари

19. Суғурта қилдирувчи:

суғурталовчини эркин танлаш;

суғурталовчидан мажбурий суғурта шартномаси шартларини, шу жумладан ўз ҳуқуқ ва мажбуриятларини тушунтиришни талаб қилиш;

суғурталовчининг молиявий ҳисоботи билан танишиш;

ушбу Қоидаларда назарда тутилган тартибда ва шартларда суғурта товонини олиш;

суғурталовчининг суғурта товонини тўлашни рад этиш тўғрисидаги қарори юзасидан шикоят қилиш ҳуқуқига эга.

Суғурта қилдирувчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

20. Суғурта қилдирувчи:

мажбурий суғурта шартномасида белгиланган миқдорда, тартибда ва муддатларда суғурталовчига суғурта мукофотини тўлаши;

мажбурий суғурта шартномасини тузишда суғурталовчига ушбу Қоидаларда белгиланган маълумотларни тақдим этиши;

суғурталовчига суғурта ҳодисаси муносабати билан унга нисбатан қўйилаётган барча талаблар ёки унга қарши бошланган суд муҳокамаси тўғрисида дарҳол хабар қилиш, зарар етказилиши ҳолатлари тўғрисидаги барча маълумотларни ва ваколатли органлардан олинган суғурта ҳодисасининг сабаблари ҳамда оқибатларини, зарарнинг хусусияти ва миқдорини белгилаш учун зарур бўлган ҳужжатларни суғурталовчига тақдим этиши;

суғурта ҳодисаси юз берганда зарарнинг олдини олиш ва (ёки) камайтириш юзасидан мумкин бўлган барча чораларни кўриши;

суғурталовчига зарарни қоплаш тўғрисидаги учинчи шахсларнинг талаби билан боғлиқ масалаларни ҳал қилишда иштирок этиш имкониятини бериши;

суғурта ҳодисаси юз берганлиги учун жавобгар шахсга нисбатан регресс талаб қилиш ҳуқуқини суғурта товонини тўлаган суғурталовчига ўтишини таъминлаши шарт.

Суғурта қилдирувчи қонунчилик ҳужжатларига мувофиқ бошқа мажбуриятларни ҳам олиши мумкин.

21. Суғурталовчи:

мажбурий суғурта шартномасини тузишда суғурта қилдирувчи шахсдан хусусий амалиёт билан шуғулланувчи нотариусларнинг жавобгарлигини мажбурий суғурта қилиш бўйича олдинги шартномалар, суғурта ҳолатлари, суғурта тўловлари ва мажбурий суғурта шартномасини тузиш учун зарур бўлган бошқа маълумотларни тақдим этишини талаб қилиш;

суғурта қилдирувчи томонидан етказилган зарарни қоплаш тўғрисидаги учинчи шахсларнинг талаблари билан боғлиқ масалаларни ҳал қилишда иштирок этиш;

ушбу Қоидаларда назарда тутилган ҳолларда зарар етказганлик учун жавобгар шахсга нисбатан регресс талаб қилиш ҳуқуқини тақдим этиш;

ушбу Қоидаларда назарда тутилган асослар бўйича суғурта товонини тўлиқ ёки қисман тўлашни рад этиш ҳуқуқига эга.

Суғурталовчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

22. Суғурталовчи:

суғурта қилдирувчини мажбурий суғурта шартномаси шартлари билан таништириши, шу жумладан унинг ҳуқуқ ва мажбуриятларини тушунтириши;

қонунчилик ҳужжатларида белгиланган ҳолларда ва тартибда мажбурий суғурта шартномаси муддатидан олдин бекор қилинганда суғурта қилдирувчига суғурта мукофотини тўлиқ ёки қисман қайтариб бериши;

суғурта ҳодисаси юз берганлиги ва суғурталовчи томонидан тўланиши лозим бўлган зарар миқдорини тасдиқловчи ҳужжатлар етарли бўлмаган тақдирда, улар олинган кундан бошлаб уч иш куни мобайнида ариза берувчига тақдим этилмаган ва (ёки) нотўғри расмийлаштирилган ҳужжатларнинг тўлиқ рўйхати кўрсатилган ҳолда хабар бериши;

суғурта ҳодисаси юз берганда ушбу Қоидаларда назарда тутилган тартибда ва шартларда суғурта тўловини амалга ошириши;

суғурта қилдирувчидан (наф олувчидан) ариза олинганда суғурта қилдирувчининг (наф олувчининг) талабларини кўриб чиқиш ва беш иш куни ичида низони ҳал этишнинг кейинги тартиби кўрсатган ҳолда ёзма жавоб бериши;

суғурта ҳодисаси юз берганда зарарни олдини олиш ва (ёки) камайтириш мақсадида суғурта қилдирувчига етказилган харажатларни қоплаши;

ўз фаолиятини амалга ошириш натижасида суғурта қилдирувчи ва учинчи шахс ёки наф олувчи тўғрисида олинган маълумотларнинг махфийлигини таъминлаши шарт.

Суғурталовчи қонун ҳужжатларига мувофиқ бошқа мажбуриятларни ҳам олиши мумкин.

5-боб. Суғурта мукофотини аниқлаш ва уни тўлаш тартиби

23. Мажбурий суғурта шартномаси бўйича суғурта мукофотининг ҳажми томонларнинг келишуви билан белгиланади, бироқ мажбурий суғурта шартномасида белгиланган суғурта суммасининг бир фоизидан кам бўлмаслиги керак.

24. Суғурталовчи наф олувчига суғурта товонини тўлаш тўғрисида қарор қабул қилиш учун суғурталовчига қуйидаги ҳужжатлар тақдим этилади:

суғурта товонини олиш тўғрисида ушбу Қоидаларга 4-иловага мувофиқ шаклда ариза;

учинчи шахсларнинг етказилган зарарни ва унинг миқдорини тасдиқловчи ҳужжатлар илова қилинган зарарни қоплаш тўғрисидаги талаби ёки суғурта қилдирувчи томонидан нотариал ҳаракатлар содир этилиши натижасида етказилган зарарни қоплаш тўғрисидаги суднинг қонуний кучга кирган қарори;

наф олувчининг шахсини тасдиқловчи ҳужжат ёки юридик шахс вакилига берилган ишончнома;

етказилган зарарнинг олдини олиш ва (ёки) камайтириш чораларини кўриш билан боғлиқ харажатларни тасдиқловчи ҳужжатлар.

25. Ҳужжатларни қабул қилган суғурталовчи ариза берувчига тақдим этилган ҳужжатларнинг тўлиқ рўйхати ва қабул қилинган сана кўрсатилган маълумотнома бериши шарт.

Ариза берувчи томонидан суғурта товонини олиш тўғрисидаги мурожаат электрон шаклда юборилган тақдирда, унга ушбу маълумотнома электрон шаклда тақдим этилиши мумкин.

26. Суғурта ҳодисаси суғурта қилдирувчи томонидан етказилган зарарни қоплаш тўғрисидаги суднинг қарори қонуний кучга кирган ёки суғурта қилдирувчи томонидан зарарни қоплаш тўғрисидаги учинчи шахсларнинг талаблари асосли эканлиги тан олинган ва бу ҳақда суғурталовчининг розилиги олинган кундан бошлаб юз берган ҳисобланади.

27. Суғурталовчи суғурта қилдирувчининг ташаббуси билан ёки суғурталовчининг талабига биноан зарарни бартараф қилиш ва (ёки) камайтириш юзасидан кечиктириб бўлмайдиган чоралар кўрилиши муносабати билан юзага келган суғурта қилдирувчининг барча билдирилган ва исботланадиган харажатларини, ҳатто бу чоралар муваффақиятсиз бўлган ҳолларда ҳам қоплайди.

28. Зарарни бартараф қилиш ва (ёки) камайтириш бўйича харажатлар суғурта товони миқдоридан ортиқ бўлиши мумкин эмас.

29. Суғурта товони етказилган зарар миқдорида, лекин суғурта суммасидан ошмаган миқдорда суғурталовчи томонидан бевосита учинчи шахсга (унинг меросхўрига ёки ҳуқуқий ворисига) тўланади.

30. Агар суғурта қилдирувчи учинчи шахсга етказилган зарарнинг ўрнини суғурталовчининг ёзма розилиги билан ўз ҳисобидан қопласа, суғурта қилдирувчи етказилган зарарнинг ўрнини қоплаш тартибида ўзи амалга оширган тўловларни тасдиқловчи ҳужжатларни тақдим этганидан кейин суғурталовчи суғурта қилдирувчига суғурта товонини тўлайди.

Суғурта қилдирувчи учинчи шахсга етказилган зарарнинг ўрнини ўз ҳисобидан қисман қопласа суғурталовчи суғурта товонининг тегишли қисмини суғурта қилдирувчига, қолган қисмини эса — учинчи шахсга (унинг меросхўрига ёки ҳуқуқий ворисига) тўлайди.

Банкнинг тўлов амалга оширилганлиги тўғрисидаги белгиси қўйилган тўлов топшириқномаси нусхаси етказилган зарар ўрнини қоплаш тартибида суғурта қилдирувчи тўлаганлигини тасдиқловчи ҳужжатлар ҳисобланади.

31. Суғурта товонини тўлашда суғурталовчи наф олувчидан суғурталовчига нисбатан даъвони чеклайдиган шартларни қабул қилишни талаб қилишга ҳақли эмас.

Нотариус томонидан амалга оширилган нотариал ҳаракат натижасида мулкий манфаатлари зарар кўрган учинчи шахс вафот этган тақдирда, унинг меросхўрлари ёки ҳуқуқий ворислари наф олувчи ҳисобланади.

Суғурталовчининг ёзма розилиги билан суғурталовчининг мажбуриятлари доирасида учинчи шахсга (унинг меросхўрларига ёки ҳуқуқий ворисларига) етказилган зарарнинг ўрнини қоплаган суғурта қилдирувчи ҳам наф олувчи бўлиши мумкин.

32. Суғурта товонини тўлаш суғурталовчининг суғурта товонини тўлаш тўғрисидаги қарори қабул қилинган кундан эътиборан беш иш куни мобайнида амалга оширилади.

33. Суғурталовчининг суғурта товонини тўлашни рад этиш тўғрисидаги ёки уни тўлаш ҳақидаги қарори суғурта қилдирувчига у суғурта товони тўлаш тўғрисида ёзма мурожаат этганидан кейин ўн беш кундан кечиктирмай хабар қилиниши керак, товон тўлаш рад этилганда қарорда рад этишнинг асослантирилган сабаблари кўрсатилиши лозим.

34. Агар суғурта товонини тўлаш ушбу Қоидаларда белгиланган муддатда амалга оширилмаган бўлса, суғурталовчи учинчи шахсга (унинг меросхўрига ёки ҳуқуқий ворисига) суғурта товонига қўшимча равишда суғурта товонини тўлаш тўғрисида қарор қабул қилинган кундаги банк фоизининг ҳисоб ставкасидан келиб чиққан ҳолда пеня тўлайди.

35. Агар мажбурий суғурта шартномаси амалда бўлган даврда суғурталовчи учинчи шахсга (унинг меросхўрига ёки ҳуқуқий ворисига) суғурта товони тўласа, у ҳолда суғурта қилдирувчи суғурталовчидан суғурта товони тўланганлиги тўғрисидаги хабарнома олинган кундан эътиборан икки ҳафта муддатда тўланган суғурта товони суммасига ва мажбурий суғурта шартномаси амал қилишининг қолган муддатига мутаносиб равишда қўшимча суғурта мукофотини тўлайди.

36. Суғурталовчи мажбурий суғурта шартномасининг амал қилиши даврида вужудга келган зарарларнинг ўрнини, агар учинчи шахс (унинг меросхўри ёки ҳуқуқий вориси) зарарларни келтириб чиқарган суғурта ҳодисаси ҳақида зарарларнинг ўрнини мажбурий суғурта шартномасининг амал қилиш муддати тугаганидан кейин уч йил ичида ундириш тўғрисида даъво аризаси берган бўлса, қоплайди.

37. Суғурталовчи суғурта ҳодисаси қуйидаги асослар бўйича юзага келган тақдирда суғурта товонини тўлашни рад этиш ҳуқуқига эга:

суғурта қилдирувчининг суғурта ҳодисасини юзага келтиришга қаратилган қасддан қилинган ҳаракатлари;

суғурта қилдирувчи томонидан суғурта ҳодисаси юз берганлиги ҳақида ёлғон маълумотлар тақдим этилиши;

суғурта қилдирувчи томонидан «Нотариат тўғрисида»ги Ўзбекистон Республикасининг Қонунида белгиланган нотариуснинг вазифалари ва мажбуриятларига мувофиқ бўлмаган фаолиятни амалга ошириши;

суғурта қилдирувчи томонидан зарар келтириб чиқаришда айбдор бўлган шахсдан етказилган зарар учун тегишли компенсация олиниши;

суғурта қилдирувчи томонидан суғурталовчига суғурта ҳодисаси юзага келиши ҳолатларини текширишда ва етказилган зарар миқдорини аниқлашда тўсқинлик қилиши.

Суғурталовчи ушбу бандда назарда тутилмаган бошқа асослар бўйича суғурта товонини тўлашни рад этишга ҳақли эмас.

38. Суғурталовчи томонидан қуйидаги ҳолларда суғурта товони қопланмайди:

суғурта қилдирувчи томонидан тан олинган, бироқ суғурталовчининг розилиги олинмаган учинчи шахснинг ёзма талаби билан аниқланган зарар;

мажбурий суғурта шартномаси амал қилиши давомида шартнома кучга киргунга қадар юзага келган сабабларга кўра етказилган зарар;

маънавий зарар, бой берилган фойда ва жарима тўловлари.

6-боб. Суғурталовчининг регресс тартибида талаб қилиш ҳуқуқи

39. Суғурталовчи зарар етказилган шахсга ўзи тўлаган суғурта товони миқдорида қуйидаги ҳолларда регресс тартибида талаб қилиш ҳуқуқига эга, агар:

суғурта ҳодисаси суғурта қилдирувчининг қасддан қилган ҳаракатлари натижасида юзага келган бўлса;

суғурта ҳодисаси суғурта қилдирувчининг қасддан содир этган жинояти натижасида юзага келган бўлса;

суғурта қилдирувчи томонидан зарарнинг олдини олиш ва (ёки) камайтириш чораларини қасддан кўрмаганлиги натижасида зарар миқдори ошиб кетган бўлса;

суғурта қилдирувчи томонидан суғурталовчига суғурта объекти, суғурта хавфи, суғурта ҳодисаси ва унинг натижалари ҳақида ёлғон маълумотлар берилган бўлса.

40. Суғурта товонини тўлаган суғурталовчига суғурта қилдирувчининг суғурта натижасида қопланган зарар учун жавобгар шахсга нисбатан тўланган сумма доирасида регресс тартибида талаб қилишга бўлган ҳуқуқи ўтади.

41. Суғурталовчи томонидан ундирилган зарарлар бўйича жавобгар бўлган шахсга нисбатан эга бўлган талаб қилиш ҳуқуқи суғурта товонини тўлашни амалга оширган суғурталовчига у тўлаган сумма доирасида ўтади.

42. Суғурта қилдирувчи суғурта товонини олишда суғурталовчига унинг суғурта ҳодисаси юзага келишида айбдор бўлган шахсга нисбатан қайта талаб қилиш ҳуқуқини амалга ошириши учун барча зарур ҳужжатларни бериши шарт.

43. Агар суғурта қилдирувчи суғурталовчи томонидан ундирилган зарар юзасидан жавобгар бўлган шахсга нисбатан ўзининг талаб қилиш ҳуқуқидан воз кечса ёки ушбу ҳуқуқни амалга ошириш суғурта қилдирувчининг айбига кўра мумкин бўлмай қолса суғурталовчи суғурта қилдирувчидан суғурта товонининг тўланган суммасини қайтариб беришни талаб қилишга ҳақлидир.

7-боб. Якунловчи қоида

44. Ушбу Қоидаларни бузганликда айбдор шахслар белгиланган тартибда жавобгар бўладилар.

Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларига 1-ИЛОВА

Хусусий амалиёт билан шуғулланувчи нотариуснинг фуқаролик жавобгарлигини ‎мажбурий суғурта қилиш ‎ШАРТНОМАСИ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ йил «___» ___________‎‎ ‎ Кейинги ўринларда «Суғурта қилдирувчи» деб аталувчи __________________________________‎‎________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (хусусий амалиёт билан‎‎ ______________________________________________________________________________ бир томондан, ва‎‎ шуғулланувчи нотариуснинг Ф.И.О.)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикаси Молия вазирлиги томонидан 20___ йил «___» _____________ да берилган _____ серияли _______-сон лицензия асосида фаолиятни амалга оширадиган, кейинги ўринларда «Суғурталовчи» деб аталувчи ____________________________________________________________________________________ ________________________________________ (суғурталовчининг номи)‎‎‎‎ ____________________________________ асосида ҳаракат қиладиган __________________________________ ‎‎ ‎ ‎ ‎ (ҳужжат номи)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ (Ф.И.О., лавозими)‎‎ ‎ ‎ ‎ орқали, иккинчи томондан, ушбу шартномани қуйидагилар тўғрисида туздилар:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Шартноманинг предмети‎‎ ‎ 1. Суғурталовчи ушбу шартномага ва Вазирлар Маҳкамасининг 20____ йил «_____» _______________ даги ______-сон қарори билан тасдиқланган Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларига (кейинги ўринларда Қоидалар деб аталади) мувофиқ суғурта ҳодисаси юз берган тақдирда, учинчи шахсга ёки наф олувчига ушбу шартноманинг амал қилиши даврида нотариал ҳаракат амалга ошириш натижасида етказилган зарарнинг ўрнини қоплаш мажбуриятини олади.‎‎ ‎ 2. Ушбу шартнома амал қилиши даврида қонунга зид нотариал ҳаракатни амалга ошириш натижасида хусусий амалиёт билан шуғулланувчи нотариуснинг айби билан жисмоний ва юридик шахсга мулкий зарар етказилганлиги қонуний кучга кирган суд қарори билан белгиланган ёки суғурта қилувчи томонидан тан олинган факти суғурта ҳодисаси ҳисобланади.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎2. Суғурта суммаси ва суғурта мукофоти ‎ ‎‎3. Ушбу шартнома бўйича суғурта суммаси __________________________________ сўмни ташкил қилади. ‎ ‎ ‎ ‎ ‎ ‎ ‎ ‎ ‎ ‎ ‎ (суммаси рақамлар ва ёзув билан)‎‎ ‎ ‎ ‎ ‎ ‎ ‎ ‎‎4. Ушбу шартнома бўйича суғурта мукофоти _________________________________ сўмни ташкил қилади. ‎ ‎ ‎ ‎ ‎ ‎ ‎ ‎ ‎ ‎ ‎ (суммаси рақамлар ва ёзув билан)‎‎‎‎ ‎ ‎ ‎ ‎ ‎ ‎ ‎‎5. Суғурта мукофоти ушбу шартнома тузилган санадан бошлаб беш иш куни мобайнида бир йўла тўланади ‎‎ёки ҳар ойнинг 5 санасига қадар бўлиб тўланади. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎3. Шартноманинг кучга кириши ва амал қилиш муддати ‎ ‎‎6. Ушбу шартнома томонлар имзолаган вақтдан бошлаб кучга киради ва бир йил мобайнида амал қилади. ‎‎Суғурталовчининг мажбуриятлари хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш бўйича суғурта полисида кўрсатилган суғурта даврининг бошланғич санасидаги соат 00.00 дақиқадан, лекин суғурта мукофоти Суғурталовчининг ёки суғурта агентининг ҳисоб рақамига тушган кундан кейинги кундан олдин бўлмаган санадан бошлаб кучга киради ва суғурта полисида кўрсатилган суғурта даврининг охирги санасидаги соат 24.00 дақиқада тугайди. ‎ ‎‎7. Суғурта мукофоти Суғурта қилдирувчи томонидан Суғурталовчининг ҳисобварағига пул маблағларини ўтказиш йўли билан тўланади. Пул маблағларининг Суғурталовчининг ҳисобварағига тушган санаси ушбу шартнома бўйича суғурта мукофоти тўланган сана ҳисобланади.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎4. Томонларнинг ҳуқуқ ва мажбуриятлари ‎ ‎‎8. Суғурта қилдирувчи қуйидаги ҳуқуқларга эга:‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Суғурталовчидан ушбу шартнома шартларини тушунтириб беришни талаб қилиш; ‎ ‎‎суғурталовчининг молиявий ҳисоботи билан танишиш; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қоидаларда назарда тутилган тартибда ва шартларда суғурта товонини олиш; ‎ ‎‎Суғурталовчининг суғурта товонини тўлашни рад этиш тўғрисидаги қарори юзасидан шикоят қилиш. ‎ ‎‎Суғурта қилдирувчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин. ‎ 9. Суғурта қилдирувчи:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ушбу шартнома бўйича суғурта мукофотини қонунчилик ҳужжатларида белгиланган шартлар асосида ва тартибда тўлаши; ‎‎‎‎ ‎ ‎‎суғурталовчига суғурта ҳодисаси муносабати билан унга нисбатан қўйилаётган барча талаблар ёки унга қарши бошланган суд муҳокамаси тўғрисида дарҳол хабар қилиш, зарар етказилиши ҳолатлари тўғрисидаги барча маълумотларни ва ваколатли органлардан олинган суғурта ҳодисасининг сабаблари ҳамда оқибатларини, зарарнинг хусусияти ва миқдорини белгилаш учун зарур бўлган ҳужжатларни суғурталовчига тақдим этиш;‎‎ ‎ ‎‎суғурта ҳодисаси юз берганда зарарнинг олдини олиш ва (ёки) камайтириш юзасидан мумкин бўлган барча чораларни кўриш;‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎суғурталовчига зарарни қоплаш тўғрисидаги учинчи шахсларнинг талаби билан боғлиқ масалаларни ҳал ‎‎қилишда иштирок этиш имкониятини бериш; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ суғурта ҳодисаси юз берганлиги учун жавобгар шахсга нисбатан регресс талаб қилиш ҳуқуқини суғурталовчига ўтишини таъминлаши шарт. ‎‎‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Суғурта қилдирувчи қонунчилик ҳужжатларига мувофиқ бошқа мажбуриятларни ҳам олиши мумкин. ‎ ‎‎10. Суғурталовчи қуйидаги ҳуқуқларга эга: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ мажбурий суғурта шартномасини тузишда суғурта қилдирувчи шахсдан хусусий амалиёт билан ‎‎шуғулланувчи нотариусларнинг жавобгарлигини мажбурий суғурта қилиш бўйича олдинги шартномалар, суғурта ҳолатлари, суғурта тўловлари ва мажбурий суғурта шартномасини тузиш учун зарур бўлган бошқа маълумотларни тақдим этишини талаб қилиш;‎‎ ‎ ‎‎суғурта қилдирувчи томонидан етказилган зарарни қоплаш тўғрисидаги учинчи шахсларнинг талаблари билан боғлиқ масалаларни ҳал қилишда иштирок этиш;‎‎ ‎ ‎‎Қоидаларда назарда тутилган ҳолларда зарар етказганлик учун жавобгар шахсга нисбатан регресс талаб ‎‎қилиш ҳуқуқини тақдим этиш; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қоидаларда назарда тутилган асослар бўйича суғурта товонини тўлиқ ёки қисман амалга оширишни рад этиш. ‎ ‎‎Суғурталовчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин. ‎ ‎‎11. Суғурталовчи: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎суғурта қилдирувчини мажбурий суғурта шартномаси шартлари билан таништириши, шу жумладан унинг ‎‎ҳуқуқ ва мажбуриятларини тушунтириши; ‎ ‎‎қонунчилик ҳужжатларида белгиланган ҳолларда ва тартибда мажбурий суғурта шартномаси муддатидан олдин ‎‎бекор қилинганда суғурта қилдирувчига суғурта мукофотини тўлиқ ёки қисман қайтариб бериши; ‎ суғурта ҳодисаси юз берганлиги ва суғурталовчи томонидан тўланиши лозим бўлган зарар миқдорини ‎‎тасдиқловчи ҳужжатлар етарли бўлмаган тақдирда, улар олинган кундан бошлаб уч иш куни мобайнида ариза берувчига тақдим этилмаган ва (ёки) нотўғри расмийлаштирилган ҳужжатларнинг тўлиқ рўйхати кўрсатилган ҳолда хабар бериши;‎‎ ‎ ‎‎суғурта ҳодисаси юз берганда ушбу Қоидаларда назарда тутилган тартибда ва шартларда суғурта товонини ‎‎амалга ошириши; ‎ ‎‎суғурта қилдирувчидан (наф олувчидан) ариза олинганда суғурта қилдирувчининг (наф олувчининг) ‎‎талабларини кўриб чиқиш ва беш иш куни ичида низони ҳал этишнинг кейинги тартиби кўрсатган ҳолда ёзма жавоб бериши; ‎ ‎‎суғурта ҳодисаси юз берганда зарарни олдини олиш ва (ёки) камайтириш мақсадида суғурта қилдирувчига ‎‎етказилган харажатларни қоплаш; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ўз фаолиятини амалга ошириш натижасида суғурта қилдирувчи ва учинчи шахс ёки наф олувчи тўғрисида ‎‎олинган маълумотларнинг махфийлигини таъминлаши; ‎ ‎‎суғурта товонини ўз вақтида амалга оширмаган тақдирда наф олувчига қонунчилик ҳужжатларида белгиланган ‎‎тартибда ва миқдорда жарима тўлаши шарт. ‎ ‎ ‎ ‎ ‎ ‎ ‎ ‎ ‎ ‎ ‎‎Суғурталовчи қонунчилик ҳужжатларига мувофиқ бошқа мажбуриятларни ҳам олиши мумкин. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎5. Томонларнинг жавобгарлиги ‎ 12. Томонлар ушбу шартнома бўйича ўз зиммасига олинган мажбуриятларнинг бажарилмаганлиги ёки зарур даражада бажарилмаганлиги юзасидан қонунчилик ҳужжатларига мувофиқ жавоб берадилар.‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎6. Низоларни ҳал этиш тартиби ‎ ‎‎13. Ушбу шартномадан келиб чиқадиган барча низолар ва келишмовчиликлар қонунчилик ҳужжатларида белгиланган тартибда ҳал этилади.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎7. Якунловчи қоида ‎ ‎‎14. Ушбу шартномани ўзгартириш, бекор қилиш ва муддатидан олдин тўхтатиш тартиби, мазкур шартнома ‎‎бўйича суғурта даъволарини кўриб чиқиш тартиби, етказилган зарар миқдорини аниқлаш ва суғурта товонини тўлаш тартиби Вазирлар Маҳкамасининг 20__ йил «___» ___________ даги ____-сон қарори билан тасдиқланган Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларига мувофиқ белгиланади. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎8. Томонларнинг реквизитлари: ‎‎Суғурталовчи: ________________________________ ‎ Суғурта қилдирувчи:‎‎ __________________________ Манзил:‎‎ _____________________________________ ‎ Манзил: ____________________________________ тел: ________________, факс: ___________________‎‎ ‎ тел: ________________, факс‎‎: __________________ ҳ/р _________________________________________ ‎ ҳ/р ________________________________________ МФО ______________ СТИР ___________________ ‎ МФО ______________ СТИР ___________________‎‎ ______________________‎‎ ‎ ____________‎‎ ‎ ______________________‎‎ ‎ ____________‎‎ (Ф.И.О., лавозими)‎‎ ‎ ‎‎(имзо) ‎ (Ф.И.О., лавозими)‎‎ ‎‎ ‎ ‎‎(имзо) ‎ ‎‎

Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларига 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (суғурталовчининг номи)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Хусусий амалиёт билан шуғулланувчи нотариуснинг фуқаролик жавобгарлигини ‎мажбурий суғурта қилиш шартномасини тузиш тўғрисида ‎АРИЗА ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________‎‎‎ ‎ _________________ асосида ҳаракат қилувчи‎‎ ‎ ‎ (хусусий амалиёт билан шуғулланувчи нотариуснинг Ф.И.О.) ‎‎ ‎ (ҳужжат номи)‎‎ ‎ ‎ ‎ ‎ ‎ ‎ ‎ ____________________________________________________________ орқали Сиздан Хусусий амалиёт билан ‎‎(ваколатли шахснинг Ф.И.О., лавозими) ‎ ‎ ‎ ‎ ‎ ‎ ‎ ‎ ‎ ‎ шуғулланувчи нотариуснинг фуқаролик жавобгарлигини мажбурий суғурта қилиш қоидаларида назарда тутилган шартларда хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш шартномасини тузишни сўрайди.‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Хусусий амалиёт билан шуғулланувчи нотариуснинг реквизитлари:‎‎ почта манзили: _____________________________________________________________; ‎‎телефон: ___________, факс: ____________, эл. манзили:_____________; СТИР __________. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎2. Хусусий амалиёт билан шуғулланувчи нотариуснинг банк реквизитлари: банк номи: ‎‎__________________________________________________________________; банк ҳисобварағи: ‎‎___________________________________________________________; хизмат кўрсатувчи банкнинг МФО ‎‎_____________________________. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 3. Хусусий амалиёт билан шуғулланувчи нотариуснинг фуқаролик жавобгарлигини мажбурий суғурта ‎‎қилиш шартномаси: биринчи марта тузилмоқда / ўтган йилда тузилган.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 4. Ўтган йилда тузилган хусусий амалиёт билан шуғулланувчи нотариуснинг фуқаролик жавобгарлигини ‎‎‎мажбурий суғурта қилиш шартномаси тўғрисида маълумотлар:‎‎ ‎ ‎ ‎ ‎ ‎ ‎ ‎ ‎ ‎ ‎ а) хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш бўйича суғурта полиси: 20____ йил «____» _____________ даги ______ серияли _______-сон;‎‎ б) суғурта мукофоти, сўмда:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎__________________________________________________________; ‎ ‎ ‎ ‎ ‎ ‎ ‎ ‎ ‎ (суммаси рақамлар ва ёзув билан)‎‎ ‎ ‎ ‎ ‎ ‎ ‎ ‎ ‎ ‎ в) жами тўланган суғурта товони, сўмда:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎__________________________________________________________; ‎ ‎ ‎ ‎ ‎ ‎ ‎ ‎ ‎ (суммаси рақамла? ва ёзув билан)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 5. Аризага шунингдек қуйидаги ҳужжатлар илова қилинади:‎‎ а) ________________________________________________________‎‎; ‎ ‎ ‎ ‎ ‎ ‎ ‎ ‎ ‎ б) ________________________________________________________‎‎; ‎ ‎ ‎ ‎ ‎ ‎ ‎ ‎ ‎ в) ________________________________________________________; ‎‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎ ‎‎6. Биз ушбу аризада келтирилган маълумотларнинг ҳаққонийлиги ва тўлиқлигини тасдиқлаймиз. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________________‎‎ ‎ ‎ ‎ _______________________________‎‎ ‎ ‎ ‎ ‎ (имзо)‎‎ ‎ ‎ ‎ (хусусий амалиёт билан шуғулланувчи нотариуснинг Ф.И.О.) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 7. Ариза _______________________________________________ томонидан қабул қилинган.‎‎ ‎ ‎ ‎ ‎ (суғурталовчи ходимининг лавозими ва Ф.И.О.)‎‎ ‎ ‎ ‎ ‎ ‎ ‎ ‎ ‎ ‎ ‎

Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларига 3-ИЛОВА

Хусусий амалиёт билан шуғулланувчи нотариуснинг фуқаролик жавобгарлигини мажбурий ‎суғурта қилиш бўйича суғурта полиси бланкасининг намунаси ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Хусусий амалиёт билан шуғулланувчи нотариуснинг фуқаролик жавобгарлигини мажбурий ‎суғурта қилиш бўйича суғурта полиси бланкасининг олд томони) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикасининг Давлат герби‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Хусусий амалиёт билан шуғулланувчи нотариуснинг фуқаролик жавобгарлигини мажбурий ‎суғурта қилиш шартномаси бўйича ‎СУҒУРТА ПОЛИСИ‎‎ ________________-сон ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Серияси _____‎‎__ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Суғурталовчининг тўлиқ номи ва реквизитлари ____________________________________________________ ‎‎________________________________________________________________________________ 2. Хусусий амалиёт билан шуғулланувчи нотариуснинг тўлиқ номи ва реквизитлари ‎‎________________________ ‎‎________________________________________________________________________________________________________________________________________________________________________________________ ‎‎3. Суғурта суммаси‎‎ ____________________________________________________________________________ _____________________________________________________________________________ сўм. ‎‎(суммаси рақамлар ва ёзув билан) ‎‎4. Суғурта мукофоти __________________________________________________________________________ _________________________________ сўм миқдорида 20____ йил «____» _____________ да тўланган.‎‎ ‎‎(суммаси рақамлар ва ёзув билан) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎5. Суғурта даври: 20____ йил «_____» ___________ дан 20____ йил «____» ___________ гача. ‎‎6. Хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш шартномаси амал қилиши даврида қонунга зид нотариал ҳаракатни амалга ошириш натижасида хусусий амалиёт билан шуғулланувчи нотариуснинг айби билан жисмоний ва юридик шахсга мулкий зарар етказилганлиги қонуний кучга кирган суд қарори билан белгиланган ёки суғурта қилувчи томонидан тан олинган факти суғурта ҳодисаси ҳисобланади. ‎‎(Хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш бўйича суғурта полиси бланкасининг орқа томони) ‎‎7. Суғурталовчининг, шунингдек унинг хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш шартномасини тузишга, хусусий амалиёт билан шуғулланувчи нотариуслар, учинчи шахслар ва наф олувчиларнинг суғурта товони ҳақидаги талабларини кўриб чиқишга ҳамда суғурта товонини амалга оширишга ваколатли барча филиалларининг почта манзиллари, улар билан боғланиш воситалари ва иш вақти тўғрисидаги маълумотлар: ‎‎________________________________________________________________________________________________________________________________________________________________________________________________________________________________________________________________________________________________________________________________ 8. Алоҳида қайдлар ‎‎____________________________________________________________________________ ‎‎________________________________________________________________________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Суғурталовчининг раҳбари ёки ваколатли шахси‎‎ ‎ ‎ ‎ _____________________ ‎ ‎ ‎ ____________________________ ‎ ‎ ‎ ‎ ‎ ‎ (имзо)‎‎‎‎‎ ‎ ‎ ‎ (Ф.И.О.)‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ М.Ў.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Берилган санаси: 20___ йил «___» __________.‎‎ ‎ ‎ ‎ ‎ ‎ ‎ ‎ ‎ ‎ ‎ ‎

Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидаларига 4-ИЛОВА

Суғурта товонини тўлаш тўғрисида ‎АРИЗА‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ушбу билан хусусий амалиёт билан шуғулланувчи нотариуснинг фуқаролик жавобгарлигини мажбурий суғурта қилиш бўйича 20___ йил « ____» ___________даги _____-сон шартномага кўра суғурта ҳодисаси деб эътироф этилиши мумкин бўлган ҳодиса юз берганлигини маълум қиламан.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ҳодисанинг сабаблари ва ҳолатлари тўғрисида қуйидагиларни маълум қиламан: ‎‎ Суғурта ҳодисаси деб эътироф этилиши мумкин бўлган ҳодисага дуч келган учинчи шахс: ____________________ ________________________________________________________________________________.‎‎ (наф олувчининг Ф.И.О.)‎‎ Ҳодисанинг санаси ва вақти:‎‎ _________________________________________________ Ҳодисанинг жойи:‎‎ _________________________________________________________ Ҳодиса тўғрисида ________________________________________га мурожаат қилинган‎‎ Ҳодисанинг ҳолатлари: ‎‎_________________________________________________________________________ ‎‎____________________________________________________________________________________________ Ушбу ҳодиса бўйича ҳаққоний ва менга маълум бўлган барча маълумотларни хабар қилдим.‎‎ ‎ 20____ йил «____» ________________. ‎ _________________‎‎ ‎ _________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (имзо)‎‎ ‎ (аризачининг Ф.И.О)‎‎ ‎ Ариза ________________________________________________________________ томонидан қабул қилинган ‎‎ (суғурталовчи масъул ходимининг лавозими ва Ф.И.О.)‎‎ ‎ ‎ ‎ ‎ ‎ ‎‎ва 20____ йил «____» ______________да ____________ рақами билан дафтарда рўйхатдан ўтказилган. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ушбу аризага илова қилинган ҳужжатлар рўйхати ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎Т/р‎ ‎Ҳужжатнинг номи‎‎ ‎Саҳифалар ‎сони‎‎ Ҳужжатнинг санаси ва тартиб рақами ‎‎ Илова қилинмоқда (ҳа/йўқ)‎‎ ‎1.‎ Учинчи шахсларнинг етказилган зарарни ва унинг миқдорини тасдиқловчи ҳужжатлар илова қилинган зарарни қоплаш тўғрисидаги талаби ёки суғурта қилдирувчи томонидан нотариал ҳаракатлар содир этилиши натижасида етказилган зарарни қоплаш тўғрисидаги суднинг қонуний кучга кирган қарори.‎‎ ‎‎ ‎‎ ‎‎ 2.‎ Наф олувчининг шахсини тасдиқловчи ҳужжат ёки юридик шахс вакилига берилган ишончнома.‎‎ ‎‎ ‎‎ ‎‎ 3.‎ Етказилган зарарнинг олдини олиш ва (ёки) камайтириш чораларини кўриш билан боғлиқ харажатларни тасдиқловчи ҳужжатлар.‎‎ ‎‎ ‎‎ ‎‎

Ўзбекистон Республикасининг Бош вазири А. АРИПОВ

Тошкент ш.,

2020 йил 4 апрель,

199-сон

(Қонун ҳужжатлари маълумотлари миллий базаси, 04.04.2020 й., 09/20/199/0394-сон; Қонунчилик маълумотлари миллий базаси, 05.04.2022 й., 09/22/153/0266-сон)

lex.uz

Oʻzbekiston Respublikasi Vazirlar Mahkamasining

qarori

QOIDALARI

Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalarini tasdiqlash toʻgʻrisida

“Notariat toʻgʻrisida”gi Oʻzbekiston Respublikasining Qonuniga muvofiq, shuningdek Oʻzbekiston Respublikasi Prezidentining “Oʻzbekiston Respublikasida notariat tizimini tubdan isloh qilish chora-tadbirlari toʻgʻrisida” 2019-yil 9-sentabrdagi PF-5816-son Farmoni ijrosini taʼminlash maqsadida Vazirlar Mahkamasi qaror qiladi:

1. Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalari ilovaga muvofiq tasdiqlansin.

2. Oʻzbekiston Respublikasi Adliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va kambagʻallikni qisqartirish vaziri J.A. Qoʻchqorov hamda adliya vaziri R.Q. Davletov zimmasiga yuklansin.

Vazirlar Mahkamasining 2020-yil 4-apreldagi 199-son qaroriga ILOVA

Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish

1-bob. Umumiy qoidalar

1. Mazkur Qoidalar xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish tartibini belgilaydi.

2. Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish xususiy amaliyot bilan shugʻullanuvchi notarius tomonidan amalga oshirilgan notarial harakatlar natijasida zarar koʻrgan shaxslarning mulkiy manfaatlarini sugʻurta toʻlovlari orqali himoya qilishni taʼminlashga qaratilgan.

3. Ushbu Qoidalarda quyidagi asosiy tushunchalar qoʻllaniladi:

xususiy amaliyot bilan shugʻullanuvchi notarius (keyingi oʻrinlarda notarius deb ataladi) — yuridik shaxs tashkil etmasdan xususiy amaliyot bilan shugʻullanish huquqini beruvchi litsenziya asosida notarial faoliyatni amalga oshiruvchi va hududiy adliya organida hisob roʻyxatidan oʻtgan Oʻzbekiston Respublikasi fuqarosi;

notariusning fuqarolik javobgarligi — xususiy amaliyot bilan shugʻullanuvchi notariusning notarial harakatlarni amalga oshirishi natijasida notarial harakatni amalga oshirish uchun murojaat qilgan jismoniy hamda yuridik shaxsga va (yoki) notarial harakatni amalga oshirishdagi uchinchi shaxslarga yetkazilgan mulkiy zararni qoplash majburiyati;

notariusning fuqarolik javobgarligini majburiy sugʻurta qilish shartnomasi (keyingi oʻrinlarda majburiy sugʻurta shartnomasi deb ataladi) — sugʻurta shartnomasi boʻlib, unga koʻra sugʻurtalovchi sugʻurta hodisasi sodir boʻlganda mazkur Qoidalarga muvofiq mulkiy zarar koʻrgan shaxslarga ushbu sugʻurta hodisasi oqibatida yetkazilgan zararning oʻrnini shartnomada shartlashilgan haq (sugʻurta mukofoti) evaziga sugʻurta badali (sugʻurta summasi) doirasida qoplash majburiyatini oladi;

naf oluvchi — mazkur Qoidalarga muvofiq majburiy sugʻurta shartnomasi asosida yuz bergan sugʻurta hodisasi natijasida sugʻurta tovonini olish huquqiga ega shaxs;

sugʻurta hodisasi — majburiy sugʻurta shartnomasi amal qilishi davrida qonunchilik hujjatlariga zid notarial harakatni amalga oshirish natijasida notariusning harakatlari (harakatsizligi) tufayli jismoniy yoki yuridik shaxsga mulkiy zarar yetkazilganligining sudning qonuniy kuchga kirgan qarori bilan belgilangan yoki sugʻurta qiluvchi tomonidan tan olingan fakti;

sugʻurta summasi — sugʻurtalovchi sugʻurta hodisasi sodir boʻlganda mazkur Qoidalarga muvofiq mulkiy zarar koʻrgan shaxslarga yetkazilgan zararning oʻrnini qoplash majburiyatini olgan summa;

sugʻurta mukofoti — sugʻurta qildiruvchi majburiy sugʻurta shartnomasiga muvofiq sugʻurtalovchiga toʻlashi shart boʻlgan pul mablagʻlari summasi;

sugʻurta tovoni — sugʻurtalovchi tomonidan naf oluvchiga majburiy sugʻurta shartnomasiga muvofiq sugʻurta summasi doirasida toʻlashi shart boʻlgan pul mablagʻlari summasi;

sugʻurtalovchi — tegishli turdagi sugʻurtani amalga oshirish uchun litsenziyaga ega boʻlgan va majburiy sugʻurta shartnomasiga muvofiq sugʻurta tovonini amalga oshirish majburiyatini oluvchi tijorat tashkiloti boʻlgan yuridik shaxs;

sugʻurta qildiruvchi — sugʻurtalovchi bilan majburiy sugʻurta shartnomasini tuzgan xususiy amaliyot bilan shugʻullanuvchi notarius;

uchinchi shaxs — majburiy sugʻurta shartnomasining tarafi boʻlmagan, notarius notarial harakatlarni amalga oshirishi natijasida mulkiy zarar koʻrgan shaxs.

4. Notarius notarial faoliyatni amalga oshirishda majburiy sugʻurta shartnomasini tuzishi shart.

Majburiy sugʻurta shartnomasi mavjud boʻlmaganligi yoki tuzilgan shartnoma qonunchilik hujjatlari talablariga muvofiq boʻlmaganligi — bunday shartnoma tuzilgan yoki tuzilgan shartnoma qonun hujjatlariga muvofiq holga keltirilgan kunga qadar “Notariat toʻgʻrisida”gi Oʻzbekiston Respublikasining Qonuniga muvofiq notariusning litsenziyasini toʻxtatib turishga asos hisoblanadi.

5. Notariuslar fuqarolik javobgarligining quyidagilar oqibatida yuzaga kelishi sugʻurta hodisasi hisoblanmaydi:

notariusga murojaat qilgan shaxs tomonidan notarial harakat amalga oshirish bilan bogʻliq yolgʻon maʼlumotlar, haqiqiy boʻlmagan yoki soxta hujjatlar taqdim etilishi;

agar notarial harakatni amalga oshirishni soʻrab murojaat qilgan shaxs notariusga ushbu notarial harakat huquq va qonuniy manfaatlariga taʼsir koʻrsatishi mumkin boʻlgan uchinchi shaxslarning yoʻqligi yoki mavjudligini bildirmagan boʻlsa.

2-bob. Sugʻurta obyekti va subyekti, sugʻurta summasi miqdori

6. Notariusning notarial harakatni amalga oshirish uchun murojaat qilgan jismoniy yoki yuridik shaxsga va (yoki) notarial faoliyatni amalga oshirishdagi uchinchi shaxslarga mulkiy zarar yetkazilganligi oqibatida yuzaga keladigan majburiyatlari boʻyicha javobgarligi xavfi bilan bogʻliq mulkiy manfaatlar majburiy sugʻurta shartnomasi boʻyicha sugʻurta obyekti hisoblanadi.

Sugʻurtalovchi, sugʻurta qildiruvchi va notarius tomonidan amalga oshirilgan notarial harakatlar natijasida zarar koʻrgan uchinchi shaxslar notariusning fuqarolik javobgarligini majburiy sugʻurta qilish subyektlaridir.

7. Majburiy sugʻurta shartnomasi boʻyicha sugʻurta summasi:

Toshkent, Nukus shaharlarida va viloyatlarning maʼmuriy markazlarida xususiy amaliyot bilan shugʻullanuvchi notarius faoliyatini tashkil etish uchun — bazaviy hisoblash miqdorining kamida ming baravaridan;

boshqa aholi punktlarida xususiy amaliyot bilan shugʻullanuvchi notarius faoliyatini tashkil etish uchun — bazaviy hisoblash miqdorining kamida besh yuz baravaridan kam boʻlishi mumkin emas.

3-bob. Majburiy sugʻurta shartnomasini tuzish, oʻzgartirish va muddatidan oldin toʻxtatish tartibi

8. Notarius majburiy sugʻurta shartnomasini tuzmasdan oʻzining majburiyatlarini va notarial harakatlarni amalga oshirishga haqli emas.

9. Majburiy sugʻurta shartnomasida sugʻurta qildiruvchi notarial harakatlarni amalga oshirganda naf oluvchiga yetkazilgan zarar tufayli kelib chiqadigan majburiyatlar boʻyicha sugʻurta toʻlovlarini amalga oshirish nazarda tutiladi, maʼnaviy zarar, boy berilgan foyda va jarima toʻlovlari bundan mustasno.

10. Majburiy sugʻurta shartnomasi sugʻurta qildiruvchi va sugʻurtalovchi oʻrtasida ushbu Qoidalarga 1-ilovaga muvofiq shaklda tuziladi.

11. Majburiy sugʻurta shartnomasi sugʻurta qildiruvchining ushbu Qoidalarga 2-ilovaga muvofiq shakl boʻyicha majburiy sugʻurta shartnomasini tuzish toʻgʻrisidagi arizasi asosida tuziladi.

12. Sugʻurta qildiruvchi majburiy sugʻurta shartnomasini tuzish uchun sugʻurtalovchini ixtiyoriy tanlaydi.

13. Agar majburiy sugʻurta shartnomasida boshqacha tartib nazarda tutilmagan boʻlsa, u sugʻurta qildiruvchi tomonidan sugʻurta mukofoti toʻlangan vaqtdan, boʻlib-boʻlib toʻlashda esa birinchi sugʻurta mukofoti toʻlangan vaqtdan boshlab kuchga kiradi va taraflar uchun majburiy hisoblanadi.

14. Majburiy sugʻurta shartnomasi u kuchga kirgan kundan boshlab bir yil muddatga tuziladi.

Sugʻurta himoyasining amal qilish muddati sugʻurta shartnomasining amal qilish muddatiga toʻgʻri keladi.

15. Sugʻurta polisi sugʻurta qildiruvchiga sugʻurtalovchining hisobvaragʻiga majburiy sugʻurta shartnomasi boʻyicha sugʻurta mukofoti kelib tushgan kundan keyingi uch ish kunidan kechikmay beriladi.

Sugʻurta polisi blankasi qatʼiy hisobda turadigan hujjat boʻlib, hisobga olish seriyasiga, raqamiga va himoyalanganlikning kamida 3 darajasiga ega boʻlishi kerak. Sugʻurta polisi blankasi sugʻurtalovchining buyurtmasi boʻyicha, bosmaxona usulida, A4 (210 — 297 mm) formatda “Davlat belgisi” davlat-ishlab chiqarish birlashmasida ushbu Qoidalarga 3-ilovada keltirilgan namunaga muvofiq tayyorlanadi.

16. Sugʻurta polisi yoʻqolgan yoki yaroqsiz holga kelgan taqdirda sugʻurta qildiruvchi uning dublikatini olish huquqiga ega.

17. Majburiy sugʻurta shartnomasiga oʻzgartirishlar tomonlarning kelishuviga binoan ulardan birining yozma arizasi asosida kiritiladi. Shartnomaga kiritilgan barcha oʻzgartirish va qoʻshimchalar ular yozma ravishda yozilgan va har ikki tomonning vakolatli vakillari tomonidan imzolangan taqdirda qonuniy kuchga ega.

18. Majburiy sugʻurta shartnomasining amal qilishi quyidagi hollarda muddatidan oldin toʻxtatiladi:

notarius tugatilganda yoki vafot etganda;

majburiy sugʻurta shartnomasi sud qaroriga koʻra haqiqiy emas deb eʼtirof etilganda.

Majburiy sugʻurta qilish shartnomasining amal qilishi qonunchilik hujjatlarida nazarda tutilgan boshqa holatlarda ham muddatidan oldin toʻxtatilishi mumkin.

4-bob. Sugʻurta qildiruvchi va sugʻurtalovchining huquq va majburiyatlari

19. Sugʻurta qildiruvchi:

sugʻurtalovchini erkin tanlash;

sugʻurtalovchidan majburiy sugʻurta shartnomasi shartlarini, shu jumladan oʻz huquq va majburiyatlarini tushuntirishni talab qilish;

sugʻurtalovchining moliyaviy hisoboti bilan tanishish;

ushbu Qoidalarda nazarda tutilgan tartibda va shartlarda sugʻurta tovonini olish;

sugʻurtalovchining sugʻurta tovonini toʻlashni rad etish toʻgʻrisidagi qarori yuzasidan shikoyat qilish huquqiga ega.

Sugʻurta qildiruvchi qonunchilik hujjatlariga muvofiq boshqa huquqlarga ham ega boʻlishi mumkin.

20. Sugʻurta qildiruvchi:

majburiy sugʻurta shartnomasida belgilangan miqdorda, tartibda va muddatlarda sugʻurtalovchiga sugʻurta mukofotini toʻlashi;

majburiy sugʻurta shartnomasini tuzishda sugʻurtalovchiga ushbu Qoidalarda belgilangan maʼlumotlarni taqdim etishi;

sugʻurtalovchiga sugʻurta hodisasi munosabati bilan unga nisbatan qoʻyilayotgan barcha talablar yoki unga qarshi boshlangan sud muhokamasi toʻgʻrisida darhol xabar qilish, zarar yetkazilishi holatlari toʻgʻrisidagi barcha maʼlumotlarni va vakolatli organlardan olingan sugʻurta hodisasining sabablari hamda oqibatlarini, zararning xususiyati va miqdorini belgilash uchun zarur boʻlgan hujjatlarni sugʻurtalovchiga taqdim etishi;

sugʻurta hodisasi yuz berganda zararning oldini olish va (yoki) kamaytirish yuzasidan mumkin boʻlgan barcha choralarni koʻrishi;

sugʻurtalovchiga zararni qoplash toʻgʻrisidagi uchinchi shaxslarning talabi bilan bogʻliq masalalarni hal qilishda ishtirok etish imkoniyatini berishi;

sugʻurta hodisasi yuz berganligi uchun javobgar shaxsga nisbatan regress talab qilish huquqini sugʻurta tovonini toʻlagan sugʻurtalovchiga oʻtishini taʼminlashi shart.

Sugʻurta qildiruvchi qonunchilik hujjatlariga muvofiq boshqa majburiyatlarni ham olishi mumkin.

21. Sugʻurtalovchi:

majburiy sugʻurta shartnomasini tuzishda sugʻurta qildiruvchi shaxsdan xususiy amaliyot bilan shugʻullanuvchi notariuslarning javobgarligini majburiy sugʻurta qilish boʻyicha oldingi shartnomalar, sugʻurta holatlari, sugʻurta toʻlovlari va majburiy sugʻurta shartnomasini tuzish uchun zarur boʻlgan boshqa maʼlumotlarni taqdim etishini talab qilish;

sugʻurta qildiruvchi tomonidan yetkazilgan zararni qoplash toʻgʻrisidagi uchinchi shaxslarning talablari bilan bogʻliq masalalarni hal qilishda ishtirok etish;

ushbu Qoidalarda nazarda tutilgan hollarda zarar yetkazganlik uchun javobgar shaxsga nisbatan regress talab qilish huquqini taqdim etish;

ushbu Qoidalarda nazarda tutilgan asoslar boʻyicha sugʻurta tovonini toʻliq yoki qisman toʻlashni rad etish huquqiga ega.

Sugʻurtalovchi qonunchilik hujjatlariga muvofiq boshqa huquqlarga ham ega boʻlishi mumkin.

22. Sugʻurtalovchi:

sugʻurta qildiruvchini majburiy sugʻurta shartnomasi shartlari bilan tanishtirishi, shu jumladan uning huquq va majburiyatlarini tushuntirishi;

qonunchilik hujjatlarida belgilangan hollarda va tartibda majburiy sugʻurta shartnomasi muddatidan oldin bekor qilinganda sugʻurta qildiruvchiga sugʻurta mukofotini toʻliq yoki qisman qaytarib berishi;

sugʻurta hodisasi yuz berganligi va sugʻurtalovchi tomonidan toʻlanishi lozim boʻlgan zarar miqdorini tasdiqlovchi hujjatlar yetarli boʻlmagan taqdirda, ular olingan kundan boshlab uch ish kuni mobaynida ariza beruvchiga taqdim etilmagan va (yoki) notoʻgʻri rasmiylashtirilgan hujjatlarning toʻliq roʻyxati koʻrsatilgan holda xabar berishi;

sugʻurta hodisasi yuz berganda ushbu Qoidalarda nazarda tutilgan tartibda va shartlarda sugʻurta toʻlovini amalga oshirishi;

sugʻurta qildiruvchidan (naf oluvchidan) ariza olinganda sugʻurta qildiruvchining (naf oluvchining) talablarini koʻrib chiqish va besh ish kuni ichida nizoni hal etishning keyingi tartibi koʻrsatgan holda yozma javob berishi;

sugʻurta hodisasi yuz berganda zararni oldini olish va (yoki) kamaytirish maqsadida sugʻurta qildiruvchiga yetkazilgan xarajatlarni qoplashi;

oʻz faoliyatini amalga oshirish natijasida sugʻurta qildiruvchi va uchinchi shaxs yoki naf oluvchi toʻgʻrisida olingan maʼlumotlarning maxfiyligini taʼminlashi shart.

Sugʻurtalovchi qonun hujjatlariga muvofiq boshqa majburiyatlarni ham olishi mumkin.

5-bob. Sugʻurta mukofotini aniqlash va uni toʻlash tartibi

23. Majburiy sugʻurta shartnomasi boʻyicha sugʻurta mukofotining hajmi tomonlarning kelishuvi bilan belgilanadi, biroq majburiy sugʻurta shartnomasida belgilangan sugʻurta summasining bir foizidan kam boʻlmasligi kerak.

24. Sugʻurtalovchi naf oluvchiga sugʻurta tovonini toʻlash toʻgʻrisida qaror qabul qilish uchun sugʻurtalovchiga quyidagi hujjatlar taqdim etiladi:

sugʻurta tovonini olish toʻgʻrisida ushbu Qoidalarga 4-ilovaga muvofiq shaklda ariza;

uchinchi shaxslarning yetkazilgan zararni va uning miqdorini tasdiqlovchi hujjatlar ilova qilingan zararni qoplash toʻgʻrisidagi talabi yoki sugʻurta qildiruvchi tomonidan notarial harakatlar sodir etilishi natijasida yetkazilgan zararni qoplash toʻgʻrisidagi sudning qonuniy kuchga kirgan qarori;

naf oluvchining shaxsini tasdiqlovchi hujjat yoki yuridik shaxs vakiliga berilgan ishonchnoma;

yetkazilgan zararning oldini olish va (yoki) kamaytirish choralarini koʻrish bilan bogʻliq xarajatlarni tasdiqlovchi hujjatlar.

25. Hujjatlarni qabul qilgan sugʻurtalovchi ariza beruvchiga taqdim etilgan hujjatlarning toʻliq roʻyxati va qabul qilingan sana koʻrsatilgan maʼlumotnoma berishi shart.

Ariza beruvchi tomonidan sugʻurta tovonini olish toʻgʻrisidagi murojaat elektron shaklda yuborilgan taqdirda, unga ushbu maʼlumotnoma elektron shaklda taqdim etilishi mumkin.

26. Sugʻurta hodisasi sugʻurta qildiruvchi tomonidan yetkazilgan zararni qoplash toʻgʻrisidagi sudning qarori qonuniy kuchga kirgan yoki sugʻurta qildiruvchi tomonidan zararni qoplash toʻgʻrisidagi uchinchi shaxslarning talablari asosli ekanligi tan olingan va bu haqda sugʻurtalovchining roziligi olingan kundan boshlab yuz bergan hisoblanadi.

27. Sugʻurtalovchi sugʻurta qildiruvchining tashabbusi bilan yoki sugʻurtalovchining talabiga binoan zararni bartaraf qilish va (yoki) kamaytirish yuzasidan kechiktirib boʻlmaydigan choralar koʻrilishi munosabati bilan yuzaga kelgan sugʻurta qildiruvchining barcha bildirilgan va isbotlanadigan xarajatlarini, hatto bu choralar muvaffaqiyatsiz boʻlgan hollarda ham qoplaydi.

28. Zararni bartaraf qilish va (yoki) kamaytirish boʻyicha xarajatlar sugʻurta tovoni miqdoridan ortiq boʻlishi mumkin emas.

29. Sugʻurta tovoni yetkazilgan zarar miqdorida, lekin sugʻurta summasidan oshmagan miqdorda sugʻurtalovchi tomonidan bevosita uchinchi shaxsga (uning merosxoʻriga yoki huquqiy vorisiga) toʻlanadi.

30. Agar sugʻurta qildiruvchi uchinchi shaxsga yetkazilgan zararning oʻrnini sugʻurtalovchining yozma roziligi bilan oʻz hisobidan qoplasa, sugʻurta qildiruvchi yetkazilgan zararning oʻrnini qoplash tartibida oʻzi amalga oshirgan toʻlovlarni tasdiqlovchi hujjatlarni taqdim etganidan keyin sugʻurtalovchi sugʻurta qildiruvchiga sugʻurta tovonini toʻlaydi.

Sugʻurta qildiruvchi uchinchi shaxsga yetkazilgan zararning oʻrnini oʻz hisobidan qisman qoplasa sugʻurtalovchi sugʻurta tovonining tegishli qismini sugʻurta qildiruvchiga, qolgan qismini esa — uchinchi shaxsga (uning merosxoʻriga yoki huquqiy vorisiga) toʻlaydi.

Bankning toʻlov amalga oshirilganligi toʻgʻrisidagi belgisi qoʻyilgan toʻlov topshiriqnomasi nusxasi yetkazilgan zarar oʻrnini qoplash tartibida sugʻurta qildiruvchi toʻlaganligini tasdiqlovchi hujjatlar hisoblanadi.

31. Sugʻurta tovonini toʻlashda sugʻurtalovchi naf oluvchidan sugʻurtalovchiga nisbatan daʼvoni cheklaydigan shartlarni qabul qilishni talab qilishga haqli emas.

Notarius tomonidan amalga oshirilgan notarial harakat natijasida mulkiy manfaatlari zarar koʻrgan uchinchi shaxs vafot etgan taqdirda, uning merosxoʻrlari yoki huquqiy vorislari naf oluvchi hisoblanadi.

Sugʻurtalovchining yozma roziligi bilan sugʻurtalovchining majburiyatlari doirasida uchinchi shaxsga (uning merosxoʻrlariga yoki huquqiy vorislariga) yetkazilgan zararning oʻrnini qoplagan sugʻurta qildiruvchi ham naf oluvchi boʻlishi mumkin.

32. Sugʻurta tovonini toʻlash sugʻurtalovchining sugʻurta tovonini toʻlash toʻgʻrisidagi qarori qabul qilingan kundan eʼtiboran besh ish kuni mobaynida amalga oshiriladi.

33. Sugʻurtalovchining sugʻurta tovonini toʻlashni rad etish toʻgʻrisidagi yoki uni toʻlash haqidagi qarori sugʻurta qildiruvchiga u sugʻurta tovoni toʻlash toʻgʻrisida yozma murojaat etganidan keyin oʻn besh kundan kechiktirmay xabar qilinishi kerak, tovon toʻlash rad etilganda qarorda rad etishning asoslantirilgan sabablari koʻrsatilishi lozim.

34. Agar sugʻurta tovonini toʻlash ushbu Qoidalarda belgilangan muddatda amalga oshirilmagan boʻlsa, sugʻurtalovchi uchinchi shaxsga (uning merosxoʻriga yoki huquqiy vorisiga) sugʻurta tovoniga qoʻshimcha ravishda sugʻurta tovonini toʻlash toʻgʻrisida qaror qabul qilingan kundagi bank foizining hisob stavkasidan kelib chiqqan holda penya toʻlaydi.

35. Agar majburiy sugʻurta shartnomasi amalda boʻlgan davrda sugʻurtalovchi uchinchi shaxsga (uning merosxoʻriga yoki huquqiy vorisiga) sugʻurta tovoni toʻlasa, u holda sugʻurta qildiruvchi sugʻurtalovchidan sugʻurta tovoni toʻlanganligi toʻgʻrisidagi xabarnoma olingan kundan eʼtiboran ikki hafta muddatda toʻlangan sugʻurta tovoni summasiga va majburiy sugʻurta shartnomasi amal qilishining qolgan muddatiga mutanosib ravishda qoʻshimcha sugʻurta mukofotini toʻlaydi.

36. Sugʻurtalovchi majburiy sugʻurta shartnomasining amal qilishi davrida vujudga kelgan zararlarning oʻrnini, agar uchinchi shaxs (uning merosxoʻri yoki huquqiy vorisi) zararlarni keltirib chiqargan sugʻurta hodisasi haqida zararlarning oʻrnini majburiy sugʻurta shartnomasining amal qilish muddati tugaganidan keyin uch yil ichida undirish toʻgʻrisida daʼvo arizasi bergan boʻlsa, qoplaydi.

37. Sugʻurtalovchi sugʻurta hodisasi quyidagi asoslar boʻyicha yuzaga kelgan taqdirda sugʻurta tovonini toʻlashni rad etish huquqiga ega:

sugʻurta qildiruvchining sugʻurta hodisasini yuzaga keltirishga qaratilgan qasddan qilingan harakatlari;

sugʻurta qildiruvchi tomonidan sugʻurta hodisasi yuz berganligi haqida yolgʻon maʼlumotlar taqdim etilishi;

sugʻurta qildiruvchi tomonidan “Notariat toʻgʻrisida”gi Oʻzbekiston Respublikasining Qonunida belgilangan notariusning vazifalari va majburiyatlariga muvofiq boʻlmagan faoliyatni amalga oshirishi;

sugʻurta qildiruvchi tomonidan zarar keltirib chiqarishda aybdor boʻlgan shaxsdan yetkazilgan zarar uchun tegishli kompensatsiya olinishi;

sugʻurta qildiruvchi tomonidan sugʻurtalovchiga sugʻurta hodisasi yuzaga kelishi holatlarini tekshirishda va yetkazilgan zarar miqdorini aniqlashda toʻsqinlik qilishi.

Sugʻurtalovchi ushbu bandda nazarda tutilmagan boshqa asoslar boʻyicha sugʻurta tovonini toʻlashni rad etishga haqli emas.

38. Sugʻurtalovchi tomonidan quyidagi hollarda sugʻurta tovoni qoplanmaydi:

sugʻurta qildiruvchi tomonidan tan olingan, biroq sugʻurtalovchining roziligi olinmagan uchinchi shaxsning yozma talabi bilan aniqlangan zarar;

majburiy sugʻurta shartnomasi amal qilishi davomida shartnoma kuchga kirgunga qadar yuzaga kelgan sabablarga koʻra yetkazilgan zarar;

maʼnaviy zarar, boy berilgan foyda va jarima toʻlovlari.

6-bob. Sugʻurtalovchining regress tartibida talab qilish huquqi

39. Sugʻurtalovchi zarar yetkazilgan shaxsga oʻzi toʻlagan sugʻurta tovoni miqdorida quyidagi hollarda regress tartibida talab qilish huquqiga ega, agar:

sugʻurta hodisasi sugʻurta qildiruvchining qasddan qilgan harakatlari natijasida yuzaga kelgan boʻlsa;

sugʻurta hodisasi sugʻurta qildiruvchining qasddan sodir etgan jinoyati natijasida yuzaga kelgan boʻlsa;

sugʻurta qildiruvchi tomonidan zararning oldini olish va (yoki) kamaytirish choralarini qasddan koʻrmaganligi natijasida zarar miqdori oshib ketgan boʻlsa;

sugʻurta qildiruvchi tomonidan sugʻurtalovchiga sugʻurta obyekti, sugʻurta xavfi, sugʻurta hodisasi va uning natijalari haqida yolgʻon maʼlumotlar berilgan boʻlsa.

40. Sugʻurta tovonini toʻlagan sugʻurtalovchiga sugʻurta qildiruvchining sugʻurta natijasida qoplangan zarar uchun javobgar shaxsga nisbatan toʻlangan summa doirasida regress tartibida talab qilishga boʻlgan huquqi oʻtadi.

41. Sugʻurtalovchi tomonidan undirilgan zararlar boʻyicha javobgar boʻlgan shaxsga nisbatan ega boʻlgan talab qilish huquqi sugʻurta tovonini toʻlashni amalga oshirgan sugʻurtalovchiga u toʻlagan summa doirasida oʻtadi.

42. Sugʻurta qildiruvchi sugʻurta tovonini olishda sugʻurtalovchiga uning sugʻurta hodisasi yuzaga kelishida aybdor boʻlgan shaxsga nisbatan qayta talab qilish huquqini amalga oshirishi uchun barcha zarur hujjatlarni berishi shart.

43. Agar sugʻurta qildiruvchi sugʻurtalovchi tomonidan undirilgan zarar yuzasidan javobgar boʻlgan shaxsga nisbatan oʻzining talab qilish huquqidan voz kechsa yoki ushbu huquqni amalga oshirish sugʻurta qildiruvchining aybiga koʻra mumkin boʻlmay qolsa sugʻurtalovchi sugʻurta qildiruvchidan sugʻurta tovonining toʻlangan summasini qaytarib berishni talab qilishga haqlidir.

7-bob. Yakunlovchi qoida

44. Ushbu Qoidalarni buzganlikda aybdor shaxslar belgilangan tartibda javobgar boʻladilar.

Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalariga 1-ILOVA

Xususiy amaliyot bilan shugʻullanuvchi notariusning fuqarolik javobgarligini ‎majburiy sugʻurta qilish ‎ShARTNOMASI ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ yil “___” ___________‎‎ ‎ Keyingi oʻrinlarda “Sugʻurta qildiruvchi” deb ataluvchi __________________________________‎‎________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (xususiy amaliyot bilan‎‎ ______________________________________________________________________________ bir tomondan, va‎‎ shugʻullanuvchi notariusning F.I.O.)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasi Moliya vazirligi tomonidan 20___ yil “___” _____________ da berilgan _____ seriyali _______-son litsenziya asosida faoliyatni amalga oshiradigan, keyingi oʻrinlarda “Sugʻurtalovchi” deb ataluvchi ____________________________________________________________________________________ ________________________________________ (sugʻurtalovchining nomi)‎‎‎‎ ____________________________________ asosida harakat qiladigan __________________________________ ‎‎ ‎ ‎ ‎ (hujjat nomi)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ (F.I.O., lavozimi)‎‎ ‎ ‎ ‎ orqali, ikkinchi tomondan, ushbu shartnomani quyidagilar toʻgʻrisida tuzdilar:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Shartnomaning predmeti‎‎ ‎ 1. Sugʻurtalovchi ushbu shartnomaga va Vazirlar Mahkamasining 20____ yil “_____” _______________ dagi ______-son qarori bilan tasdiqlangan Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalariga (keyingi oʻrinlarda Qoidalar deb ataladi) muvofiq sugʻurta hodisasi yuz bergan taqdirda, uchinchi shaxsga yoki naf oluvchiga ushbu shartnomaning amal qilishi davrida notarial harakat amalga oshirish natijasida yetkazilgan zararning oʻrnini qoplash majburiyatini oladi.‎‎ ‎ 2. Ushbu shartnoma amal qilishi davrida qonunga zid notarial harakatni amalga oshirish natijasida xususiy amaliyot bilan shugʻullanuvchi notariusning aybi bilan jismoniy va yuridik shaxsga mulkiy zarar yetkazilganligi qonuniy kuchga kirgan sud qarori bilan belgilangan yoki sugʻurta qiluvchi tomonidan tan olingan fakti sugʻurta hodisasi hisoblanadi.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎2. Sugʻurta summasi va sugʻurta mukofoti ‎ ‎‎3. Ushbu shartnoma boʻyicha sugʻurta summasi __________________________________ soʻmni tashkil qiladi. ‎ ‎ ‎ ‎ ‎ ‎ ‎ ‎ ‎ ‎ ‎ (summasi raqamlar va yozuv bilan)‎‎ ‎ ‎ ‎ ‎ ‎ ‎ ‎‎4. Ushbu shartnoma boʻyicha sugʻurta mukofoti _________________________________ soʻmni tashkil qiladi. ‎ ‎ ‎ ‎ ‎ ‎ ‎ ‎ ‎ ‎ ‎ (summasi raqamlar va yozuv bilan)‎‎‎‎ ‎ ‎ ‎ ‎ ‎ ‎ ‎‎5. Sugʻurta mukofoti ushbu shartnoma tuzilgan sanadan boshlab besh ish kuni mobaynida bir yoʻla toʻlanadi ‎‎yoki har oyning 5 sanasiga qadar boʻlib toʻlanadi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎3. Shartnomaning kuchga kirishi va amal qilish muddati ‎ ‎‎6. Ushbu shartnoma tomonlar imzolagan vaqtdan boshlab kuchga kiradi va bir yil mobaynida amal qiladi. ‎‎Sugʻurtalovchining majburiyatlari xususiy amaliyot bila� shugʻullanuvchi notariusning fuqarolik javobgarligini majburiy sugʻurta qilish boʻyicha sugʻurta polisida koʻrsatilgan sugʻurta davrining boshlangʻich sanasidagi soat 00.00 daqiqadan, lekin sugʻurta mukofoti Sugʻurtalovchining yoki sugʻurta agentining hisob raqamiga tushgan kundan keyingi kundan oldin boʻlmagan sanadan boshlab kuchga kiradi va sugʻurta polisida koʻrsatilgan sugʻurta davrining oxirgi sanasidagi soat 24.00 daqiqada tugaydi. ‎ ‎‎7. Sugʻurta mukofoti Sugʻurta qildiruvchi tomonidan Sugʻurtalovchining hisobvaragʻiga pul mablagʻlarini oʻtkazish yoʻli bilan toʻlanadi. Pul mablagʻlarining Sugʻurtalovchining hisobvaragʻiga tushgan sanasi ushbu shartnoma boʻyicha sugʻurta mukofoti toʻlangan sana hisoblanadi.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎4. Tomonlarning huquq va majburiyatlari ‎ ‎‎8. Sugʻurta qildiruvchi quyidagi huquqlarga ega:‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Sugʻurtalovchidan ushbu shartnoma shartlarini tushuntirib berishni talab qilish; ‎ ‎‎sugʻurtalovchining moliyaviy hisoboti bilan tanishish; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qoidalarda nazarda tutilgan tartibda va shartlarda sugʻurta tovonini olish; ‎ ‎‎Sugʻurtalovchining sugʻurta tovonini toʻlashni rad etish toʻgʻrisidagi qarori yuzasidan shikoyat qilish. ‎ ‎‎Sugʻurta qildiruvchi qonunchilik hujjatlariga muvofiq boshqa huquqlarga ham ega boʻlishi mumkin. ‎ 9. Sugʻurta qildiruvchi:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ushbu shartnoma boʻyicha sugʻurta mukofotini qonunchilik hujjatlarida belgilangan shartlar asosida va tartibda toʻlashi; ‎‎‎‎ ‎ ‎‎sugʻurtalovchiga sugʻurta hodisasi munosabati bilan unga nisbatan qoʻyilayotgan barcha talablar yoki unga qarshi boshlangan sud muhokamasi toʻgʻrisida darhol xabar qilish, zarar yetkazilishi holatlari toʻgʻrisidagi barcha maʼlumotlarni va vakolatli organlardan olingan sugʻurta hodisasining sabablari hamda oqibatlarini, zararning xususiyati va miqdorini belgilash uchun zarur boʻlgan hujjatlarni sugʻurtalovchiga taqdim etish;‎‎ ‎ ‎‎sugʻurta hodisasi yuz berganda zararning oldini olish va (yoki) kamaytirish yuzasidan mumkin boʻlgan barcha choralarni koʻrish;‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎sugʻurtalovchiga zararni qoplash toʻgʻrisidagi uchinchi shaxslarning talabi bilan bogʻliq masalalarni hal ‎‎qilishda ishtirok etish imkoniyatini berish; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ sugʻurta hodisasi yuz berganligi uchun javobgar shaxsga nisbatan regress talab qilish huquqini sugʻurtalovchiga oʻtishini taʼminlashi shart. ‎‎‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Sugʻurta qildiruvchi qonunchilik hujjatlariga muvofiq boshqa majburiyatlarni ham olishi mumkin. ‎ ‎‎10. Sugʻurtalovchi quyidagi huquqlarga ega: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ majburiy sugʻurta shartnomasini tuzishda sugʻurta qildiruvchi shaxsdan xususiy amaliyot bilan ‎‎shugʻullanuvchi notariuslarning javobgarl�gini majburiy sugʻurta qilish boʻyicha oldingi shartnomalar, sugʻurta holatlari, sugʻurta toʻlovlari va majburiy sugʻurta shartnomasini tuzish uchun zarur boʻlgan boshqa maʼlumotlarni taqdim etishini talab qilish;‎‎ ‎ ‎‎sugʻurta qildiruvchi tomonidan yetkazilgan zararni qoplash toʻgʻrisidagi uchinchi shaxslarning talablari bilan bogʻliq masalalarni hal qilishda ishtirok etish;‎‎ ‎ ‎‎Qoidalarda nazarda tutilgan hollarda zarar yetkazganlik uchun javobgar shaxsga nisbatan regress talab ‎‎qilish huquqini taqdim etish; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qoidalarda nazarda tutilgan asoslar boʻyicha sugʻurta tovonini toʻliq yoki qisman amalga oshirishni rad etish. ‎ ‎‎Sugʻurtalovchi qonunchilik hujjatlariga muvofiq boshqa huquqlarga ham ega boʻlishi mumkin. ‎ ‎‎11. Sugʻurtalovchi: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎sugʻurta qildiruvchini majburiy sugʻurta shartnomasi shartlari bilan tanishtirishi, shu jumladan uning ‎‎huquq va majburiyatlarini tushuntirishi; ‎ ‎‎qonunchilik hujjatlarida belgilangan hollarda va tartibda majburiy sugʻurta shartnomasi muddatidan oldin ‎‎bekor qilinganda sugʻurta qildiruvchiga sugʻurta mukofotini toʻliq yoki qisman qaytarib berishi; ‎ sugʻurta hodisasi yuz berganligi va sugʻurtalovchi tomonidan toʻlanishi lozim boʻlgan zarar miqdorini ‎‎tasdiqlovchi hujjatlar yetarli boʻlmagan taqdirda, ular olingan kundan boshlab uch ish kuni mobaynida ariza beruvchiga taqdim etilmagan va (yoki) notoʻgʻri rasmiylashtirilgan hujjatlarning toʻliq roʻyxati koʻrsatilgan holda xabar berishi;‎‎ ‎ ‎‎sugʻurta hodisasi yuz berganda ushbu Qoidalarda nazarda tutilgan tartibda va shartlarda sugʻurta tovonini ‎‎amalga oshirishi; ‎ ‎‎sugʻurta qildiruvchidan (naf oluvchidan) ariza olinganda sugʻurta qildiruvchining (naf oluvchining) ‎‎talablarini koʻrib chiqish va besh ish kuni ichida nizoni hal etishning keyingi tartibi koʻrsatgan holda yozma javob berishi; ‎ ‎‎sugʻurta hodisasi yuz berganda zararni oldini olish va (yoki) kamaytirish maqsadida sugʻurta qildiruvchiga ‎‎yetkazilgan xarajatlarni qoplash; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎oʻz faoliyatini amalga oshirish natijasida sugʻurta qildiruvchi va uchinchi shaxs yoki naf oluvchi toʻgʻrisida ‎‎olingan maʼlumotlarning maxfiyligini taʼminlashi; ‎ ‎‎sugʻurta tovonini oʻz vaqtida amalga oshirmagan taqdirda naf oluvchiga qonunchilik hujjatlarida belgilangan ‎‎tartibda va miqdorda jarima toʻlashi shart. ‎ ‎ ‎ ‎ ‎ ‎ ‎ ‎ ‎ ‎ ‎‎Sugʻurtalovchi qonunchilik hujjatlariga muvofiq boshqa majburiyatlarni ham olishi mumkin. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎5. Tomonlarning javobgarligi ‎ 12. Tomonlar ushbu shartnoma boʻyicha oʻz zimmasiga olingan majburiyatlarning bajarilmaganligi yok� zarur darajada bajarilmaganligi yuzasidan qonunchilik hujjatlariga muvofiq javob beradilar.‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎6. Nizolarni hal etish tartibi ‎ ‎‎13. Ushbu shartnomadan kelib chiqadigan barcha nizolar va kelishmovchiliklar qonunchilik hujjatlarida belgilangan tartibda hal etiladi.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎7. Yakunlovchi qoida ‎ ‎‎14. Ushbu shartnomani oʻzgartirish, bekor qilish va muddatidan oldin toʻxtatish tartibi, mazkur shartnoma ‎‎boʻyicha sugʻurta daʼvolarini koʻrib chiqish tartibi, yetkazilgan zarar miqdorini aniqlash va sugʻurta tovonini toʻlash tartibi Vazirlar Mahkamasining 20__ yil “___” ___________ dagi ____-son qarori bilan tasdiqlangan Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalariga muvofiq belgilanadi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎8. Tomonlarning rekvizitlari: ‎‎Sugʻurtalovchi: ________________________________ ‎ Sugʻurta qildiruvchi:‎‎ __________________________ Manzil:‎‎ _____________________________________ ‎ Manzil: ____________________________________ tel: ________________, faks: ___________________‎‎ ‎ tel: ________________, faks‎‎: __________________ h/r _________________________________________ ‎ h/r ________________________________________ MFO ______________ STIR ___________________ ‎ MFO ______________ STIR ___________________‎‎ ______________________‎‎ ‎ ____________‎‎ ‎ ______________________‎‎ ‎ ____________‎‎ (F.I.O., lavozimi)‎‎ ‎ ‎‎(imzo) ‎ (F.I.O., lavozimi)‎‎ ‎‎ ‎ ‎‎(imzo) ‎ ‎‎

Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalariga 2-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (sugʻurtalovchining nomi)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Xususiy amaliyot bilan shugʻullanuvchi notariusning fuqarolik javobgarligini ‎majburiy sugʻurta qilish shartnomasini tuzish toʻgʻrisida ‎ARIZA ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________‎‎‎ ‎ _________________ asosida harakat qiluvchi‎‎ ‎ ‎ (xususiy amaliyot bilan shugʻullanuvchi notariusning F.I.O.) ‎‎ ‎ (hujjat nomi)‎‎ ‎ ‎ ‎ ‎ ‎ ‎ ‎ ____________________________________________________________ orqali Sizdan Xususiy amaliyot bilan ‎‎(vakolatli shaxsning F.I.O., lavozimi) ‎ ‎ ‎ ‎ ‎ ‎ ‎ ‎ ‎ ‎ shugʻullanuvchi notariusning fuqarolik javobgarligini majburiy sugʻurta qilish qoidalarida nazarda tutilgan shartlarda xususiy amaliyot bilan shugʻullanuvchi notariusning fuqarolik javobgarligini majburiy sugʻurta qilish shartnomasini tuzishni soʻraydi.‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Xususiy amaliyot bilan shugʻullanuvchi notariusning rekvizitlari:‎‎ pochta manzili: _____________________________________________________________; ‎‎telefon: ___________, faks: ____________, el. manzili:_____________; STIR __________. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎2. Xususiy amaliyot bilan shugʻullanuvchi notariusning bank rekvizitlari: bank nomi: ‎‎__________________________________________________________________; bank hisobvaragʻi: ‎‎___________________________________________________________; xizmat koʻrsatuvchi bankning MFO ‎‎_____________________________. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 3. Xususiy amaliyot bilan shugʻullanuvchi notariusning fuqarolik javobgarligini majburiy sugʻurta ‎‎qilish shartnomasi: birinchi marta tuzilmoqda / oʻtgan yilda tuzilgan.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 4. Oʻtgan yilda tuzilgan xususiy amaliyot bilan shugʻullanuvchi notariusning fuqarolik javobgarligini ‎‎‎majburiy sugʻurta qilish shartnomasi toʻgʻrisida maʼlumotlar:‎‎ ‎ ‎ ‎ ‎ ‎ ‎ ‎ ‎ ‎ ‎ a) xususiy amaliyot bilan shugʻullanuvchi notariusning fuqarolik javobgarligini majburiy sugʻurta qilish boʻyicha sugʻurta polisi: 20____ yil “____” _____________ dagi ______ seriyali _______-son;‎‎ b) sugʻurta mukofoti, soʻmda:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎__________________________________________________________; ‎ ‎ ‎ ‎ ‎ ‎ ‎ ‎ ‎ (summasi raqamlar va yozuv bilan)‎‎ ‎ ‎ ‎ ‎ ‎ ‎ ‎ ‎ ‎ v) jami toʻlangan sugʻurta tovoni, soʻmda:‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎__________________________________________________________; ‎ ‎ ‎ ‎ ‎ ‎ ‎ ‎ ‎ (summasi raqamla? va yozuv bilan)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 5. Arizaga shuningdek quyidagi hujjatlar ilova qilinadi:‎‎ a) ________________________________________________________‎‎; ‎ ‎ ‎ ‎ ‎ ‎ ‎ ‎ ‎ b) ________________________________________________________‎‎; ‎ ‎ ‎ ‎ ‎ ‎ ‎ ‎ ‎ v) ________________________________________________________; ‎‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎ ‎‎6. Biz ushbu arizada keltirilgan maʼlumotlarning haqqoniyligi va toʻliqligini tasdiqlaymiz. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________________‎‎ ‎ ‎ ‎ _______________________________‎‎ ‎ ‎ ‎ ‎ (imzo)‎‎ ‎ ‎ ‎ (xususiy amaliyot bilan shugʻullanuvchi notariusning F.I.O.) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 7. Ariza _______________________________________________ tomonidan qabul qilingan.‎‎ ‎ ‎ ‎ ‎ (sugʻurtalovchi xodimining lavozimi va F.I.O.)‎‎ ‎ ‎ ‎ ‎ ‎ ‎ ‎ ‎ ‎ ‎

Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalariga 3-ILOVA

Xususiy amaliyot bilan shugʻullanuvchi notariusning fuqarolik javobgarligini majburiy ‎sugʻurta qilish boʻyicha sugʻurta polisi blankasining namunasi ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Xususiy amaliyot bilan shugʻullanuvchi notariusning fuqarolik javobgarligini majburiy ‎sugʻurta qilish boʻyicha sugʻurta polisi blankasining old tomoni) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasining Davlat gerbi‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Xususiy amaliyot bilan shugʻullanuvchi notariusning fuqarolik javobgarligini majburiy ‎sugʻurta qilish shartnomasi boʻyicha ‎SUGʻURTA POLISI‎‎ ________________-son ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Seriyasi _____‎‎__ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Sugʻurtalovchining toʻliq nomi va rekvizitlari ____________________________________________________ ‎‎________________________________________________________________________________ 2. Xususiy amaliyot bilan shugʻullanuvchi notariusning toʻliq nomi va rekvizitlari ‎‎________________________ ‎‎________________________________________________________________________________________________________________________________________________________________________________________ ‎‎3. Sugʻurta summasi‎‎ ____________________________________________________________________________ _____________________________________________________________________________ soʻm. ‎‎(summasi raqamlar va yozuv bilan) ‎‎4. Sugʻurta mukofoti __________________________________________________________________________ _________________________________ soʻm miqdorida 20____ yil “____” _____________ da toʻlangan.‎‎ ‎‎(summasi raqamlar va yozuv bilan) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎5. Sugʻurta davri: 20____ yil “_____” ___________ dan 20____ yil “____” ___________ gacha. ‎‎6. Xususiy amaliyot bilan shugʻullanuvchi notariusning fuqarolik javobgarligini majburiy sugʻurta qilish shartnomasi amal qilishi davrida qonunga zid notarial harakatni amalga oshirish natijasida xususiy amaliyot bilan shugʻullanuvchi notariusning aybi bilan jismoniy va yuridik shaxsga mulkiy zarar yetkazilganligi qonuniy kuchga kirgan sud qarori bilan belgilangan yoki sugʻurta qiluvchi tomonidan tan olingan fakti sugʻurta hodisasi hisoblanadi. ‎‎(Xususiy amaliyot bilan shugʻullanuvchi notariusning fuqarolik javobgarligini majburiy sugʻurta qilish boʻyicha sugʻurta polisi blankasining orqa tomoni) ‎‎7. Sugʻurtalovchining, shuningdek uning xususiy amaliyot bilan shugʻullanuvchi notariusning fuqarolik javobgarligini majburiy sugʻurta qilish shartnomasini tuzishga, xususiy amaliyot bilan shugʻullanuvchi notariuslar, uchinchi shaxslar va naf oluvchilarning sugʻurta tovoni haqidagi talablarini koʻrib chiqishga hamda sugʻurta tovonini amalga oshirishga vakolatli barcha filiallarining pochta manzillari, ular bilan bogʻlanish vositalari va ish vaqti toʻgʻrisidagi maʼlumotlar: ‎‎________________________________________________________________________________________________________________________________________________________________________________________________________________________________________________________________________________________________________________________________ 8. Alohida qaydlar ‎‎____________________________________________________________________________ ‎‎________________________________________________________________________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Sugʻurtalovchining rahbari yoki vakolatli shaxsi‎‎ ‎ ‎ ‎ _____________________ ‎ ‎ ‎ ____________________________ ‎ ‎ ‎ ‎ ‎ ‎ (imzo)‎‎‎‎‎ ‎ ‎ ‎ (F.I.O.)‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ M.Oʻ.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sanasi: 20___ yil “___” __________.‎‎ ‎ ‎ ‎ ‎ ‎ ‎ ‎ ‎ ‎ ‎ ‎

Xususiy amaliyot bilan shugʻullanuvchi notariuslarning fuqarolik javobgarligini majburiy sugʻurta qilish qoidalariga 4-ILOVA

Sugʻurta tovonini toʻlash toʻgʻrisida ‎ARIZA‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ushbu bilan xususiy amaliyot bilan shugʻullanuvchi notariusning fuqarolik javobgarligini majburiy sugʻurta qilish boʻyicha 20___ yil “ ____” ___________dagi _____-son shartnomaga koʻra sugʻurta hodisasi deb eʼtirof etilishi mumkin boʻlgan hodisa yuz berganligini maʼlum qilaman.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Hodisaning sabablari va holatlari toʻgʻrisida quyidagilarni maʼlum qilaman: ‎‎ Sugʻurta hodisasi deb eʼtirof etilishi mumkin boʻlgan hodisaga duch kelgan uchinchi shaxs: ____________________ ________________________________________________________________________________.‎‎ (naf oluvchining F.I.O.)‎‎ Hodisaning sanasi va vaqti:‎‎ _________________________________________________ Hodisaning joyi:‎‎ _________________________________________________________ Hodisa toʻgʻrisida ________________________________________ga murojaat qilingan‎‎ Hodisaning holatlari: ‎‎_________________________________________________________________________ ‎‎____________________________________________________________________________________________ Ushbu hodisa boʻyicha haqqoniy va menga maʼlum boʻlgan barcha maʼlumotlarni xabar qildim.‎‎ ‎ 20____ yil “____” ________________. ‎ _________________‎‎ ‎ _________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (imzo)‎‎ ‎ (arizachining F.I.O)‎‎ ‎ Ariza ________________________________________________________________ tomonidan qabul qilingan ‎‎ (sugʻurtalovchi masʼul xodimining lavozimi va F.I.O.)‎‎ ‎ ‎ ‎ ‎ ‎ ‎‎va 20____ yil “____” ______________da ____________ raqami bilan daftarda roʻyxatdan oʻtkazilgan. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ushbu arizaga ilova qilingan hujjatlar roʻyxati ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎T/r‎ ‎Hujjatning nomi‎‎ ‎Sahifalar ‎soni‎‎ Hujjatning sanasi va tartib raqami ‎‎ Ilova qilinmoqda (ha/yoʻq)‎‎ ‎1.‎ Uchinchi shaxslarning yetkazilgan zararni va uning miqdorini tasdiqlovchi hujjatlar ilova qilingan zararni qoplash toʻgʻrisidagi talabi yoki sugʻurta qildiruvchi tomonidan notarial harakatlar sodir etilishi natijasida yetkazilgan zararni qoplash toʻgʻrisidagi sudning qonuniy kuchga kirgan qarori.‎‎ ‎‎ ‎‎ ‎‎ 2.‎ Naf oluvchining shaxsini tasdiqlovchi hujjat yoki yuridik shaxs vakiliga berilgan ishonchnoma.‎‎ ‎‎ ‎‎ ‎‎ 3.‎ Etkazilgan zararning oldini olish va (yoki) kamaytirish choralarini koʻrish bilan bogʻliq xarajatlarni tasdiqlovchi hujjatlar.‎‎ ‎‎ ‎‎ ‎‎

Oʻzbekiston Respublikasining Bosh vaziri A. ARIPOV

Toshkent sh.,

2020-yil 4-aprel,

199-son

(Qonun hujjatlari maʼlumotlari milliy bazasi, 04.04.2020-y., 09/20/199/0394-son; Qonunchilik maʼlumotlari milliy bazasi, 05.04.2022-y., 09/22/153/0266-son)

lex.uz