UzbekAI

Ўзбекистон Республикаси Вазирлар Маҳкамасининг

ФАРМОЙИШИ

Ўзбекистон Республикаси Президентининг «Диний-маърифий соҳа фаолиятини тубдан такомиллаштириш чора-тадбирлари тўғрисида» 2018 йил 16 апрелдаги ПФ-5416-сон Фармонига мувофиқ ҳамда Ўзбекистон халқаро ислом академиясининг академик лицейи моддий-техник базасини мустаҳкамлаш мақсадида:

1. Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон Республикаси Олий ва ўрта махсус таълим вазирлиги, Давлат активларини бошқариш агентлиги ҳамда Ўзбекистон мусулмонлари идорасининг Тошкент шаҳар, Шайхонтоҳур тумани, Самарқанд Дарбоза кўчаси, 60-уй манзилида жойлашган Тошкент кимё-технология институти (собиқ Тошкент меҳмонхона хўжалиги ва сервис касб-ҳунар коллежи) биносининг 4 ва 5-қаватларини тегишли жиҳозлари билан биргаликда Ўзбекистон халқаро ислом академиясининг академик лицейига оператив бошқарув ҳуқуқи асосида текин бериш тўғрисидаги таклифи маъқуллансин.

2. Ўзбекистон Республикаси Олий ва ўрта махсус таълим вазирлиги бир ой муддатда мазкур фармойишнинг 1-бандида назарда тутилган объектларнинг Ўзбекистон халқаро ислом академиясининг академик лицейига белгиланган тартибда топширилиши, Ўзбекистон халқаро ислом академиясининг академик лицей эса уларнинг қабул қилиб олинишини таъминласин.

3. Вазирлар Маҳкамасининг 2018 йил 18 апрелдаги 303-Ф-сон фармойишига иловадан 27-позиция чиқариб ташлансин.

4. Мазкур фармойишнинг бажарилишини назорат қилиш Вазирлар Маҳкамасининг Маҳалла, оила ва ёшларни қўллаб-қувватлаш, маданият, маънавият ва жамоат ташкилотлари масалалари котибиятига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 6 апрель,

185-Ф-сон

lex.uz

Oʻzbekiston Respublikasi Vazirlar Mahkamasining

FARMOYIShI

Oʻzbekiston Respublikasi Prezidentining “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida” 2018-yil 16-apreldagi PF-5416-son Farmoniga muvofiq hamda Oʻzbekiston xalqaro islom akademiyasining akademik litseyi moddiy-texnik bazasini mustahkamlash maqsadida:

1. Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita, Oʻzbekiston Respublikasi Oliy va oʻrta maxsus taʼlim vazirligi, Davlat aktivlarini boshqarish agentligi hamda Oʻzbekiston musulmonlari idorasining Toshkent shahar, Shayxontohur tumani, Samarqand Darboza koʻchasi, 60-uy manzilida joylashgan Toshkent kimyo-texnologiya instituti (sobiq Toshkent mehmonxona xoʻjaligi va servis kasb-hunar kolleji) binosining 4 va 5-qavatlarini tegishli jihozlari bilan birgalikda Oʻzbekiston xalqaro islom akademiyasining akademik litseyiga operativ boshqaruv huquqi asosida tekin berish toʻgʻrisidagi taklifi maʼqullansin.

2. Oʻzbekiston Respublikasi Oliy va oʻrta maxsus taʼlim vazirligi bir oy muddatda mazkur farmoyishning 1-bandida nazarda tutilgan obyektlarning Oʻzbekiston xalqaro islom akademiyasining akademik litseyiga belgilangan tartibda topshirilishi, Oʻzbekiston xalqaro islom akademiyasining akademik litsey esa ularning qabul qilib olinishini taʼminlasin.

3. Vazirlar Mahkamasining 2018-yil 18-apreldagi 303-F-son farmoyishiga ilovadan 27-pozitsiya chiqarib tashlansin.

4. Mazkur farmoyishning bajarilishini nazorat qilish Vazirlar Mahkamasining Mahalla, oila va yoshlarni qoʻllab-quvvatlash, madaniyat, maʼnaviyat va jamoat tashkilotlari masalalari kotibiyatiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 6-aprel,

185-F-son

lex.uz