📅 2020-yil 8-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 8 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 8 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
ФАРМОЙИШИ
Самарқанд вилоятидаги бўш турган ва фойдаланилмаётган бино ва иншоотлардан самарали фойдаланиш ҳамда амалга оширилаётган меъморий, бунёдкорлик ва ободонлаштириш ишларини жадаллаштириш мақсадида:
1. Самарқанд вилояти ҳокимлиги, Ўзбекистон Республикаси Транспорт вазирлиги, Давлат активларини бошқариш агентлиги ва «Ўзбекистон темир йўллари» акциядорлик жамиятининг «Бухоро минтақавий темир йўл узели» унитар корхонасига қарашли Самарқанд шаҳри, Гўрўғли кўчаси, 13-уй манзилида жойлашган умумий ер майдони 2,06 га, шундан, қурилиш ости майдони 6 728,7 кв метрдан иборат бўлган «Локомотив депоси» бино ва иншоотларини (кейинги ўринларда — объект) баланс (қолдиқ) қийматида Самарқанд шаҳар ҳокимлигига давлат мулки сифатида оператив бошқарув ҳуқуқи билан бериш тўғрисидаги таклифи маъқуллансин.
Белгилансинки, объект Самарқанд шаҳар ҳокимлигига «Ўзбекистон темир йўллари» акциядорлик жамиятининг устав капиталидаги давлат улушини объектнинг баланс (қолдиқ) қийматига камайтириш ҳисобига берилади.
2. Самарқанд вилояти ҳокимлиги бир ой муддатда:
«Ўзбекистон темир йўллари» акциядорлик жамияти билан биргаликда объектни Самарқанд шаҳар ҳокимлигига топшириш ва қабул-қилишни;
Самарқанд шаҳар ҳокимлиги Ободонлаштириш бошқармасининг махсус техника ва автотранспорт воситалари ҳамда моддий-техник инвентарларининг белгиланган тартибда объектда жойлаштирилишини таъминласин.
3. Ўзбекистон Республикаси Давлат активларини бошқариш агентлиги «Ўзбекистон темир йўллари» акциядорлик жамиятининг устав капиталини белгиланган тартибда объектнинг баланс (қолдиқ) қийматида камайтиришни таъминласин.
4. Мазкур фармойишнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Давлат активларини бошқариш агентлиги директори С.Х. Бекенов ва Самарқанд вилояти ҳокими Э.О. Турдимов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 8 апрель,
187-Ф-сон
Oʻzbekiston Respublikasi Vazirlar Mahkamasining
FARMOYIShI
Samarqand viloyatidagi boʻsh turgan va foydalanilmayotgan bino va inshootlardan samarali foydalanish hamda amalga oshirilayotgan meʼmoriy, bunyodkorlik va obodonlashtirish ishlarini jadallashtirish maqsadida:
1. Samarqand viloyati hokimligi, Oʻzbekiston Respublikasi Transport vazirligi, Davlat aktivlarini boshqarish agentligi va “Oʻzbekiston temir yoʻllari” aksiyadorlik jamiyatining “Buxoro mintaqaviy temir yoʻl uzeli” unitar korxonasiga qarashli Samarqand shahri, Goʻroʻgʻli koʻchasi, 13-uy manzilida joylashgan umumiy yer maydoni 2,06 ga, shundan, qurilish osti maydoni 6 728,7 kv metrdan iborat boʻlgan “Lokomotiv deposi” bino va inshootlarini (keyingi oʻrinlarda — obyekt) balans (qoldiq) qiymatida Samarqand shahar hokimligiga davlat mulki sifatida operativ boshqaruv huquqi bilan berish toʻgʻrisidagi taklifi maʼqullansin.
Belgilansinki, obyekt Samarqand shahar hokimligiga “Oʻzbekiston temir yoʻllari” aksiyadorlik jamiyatining ustav kapitalidagi davlat ulushini obyektning balans (qoldiq) qiymatiga kamaytirish hisobiga beriladi.
2. Samarqand viloyati hokimligi bir oy muddatda:
“Oʻzbekiston temir yoʻllari” aksiyadorlik jamiyati bilan birgalikda obyektni Samarqand shahar hokimligiga topshirish va qabul-qilishni;
Samarqand shahar hokimligi Obodonlashtirish boshqarmasining maxsus texnika va avtotransport vositalari hamda moddiy-texnik inventarlarining belgilangan tartibda obyektda joylashtirilishini taʼminlasin.
3. Oʻzbekiston Respublikasi Davlat aktivlarini boshqarish agentligi “Oʻzbekiston temir yoʻllari” aksiyadorlik jamiyatining ustav kapitalini belgilangan tartibda obyektning balans (qoldiq) qiymatida kamaytirishni taʼminlasin.
4. Mazkur farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Davlat aktivlarini boshqarish agentligi direktori S.X. Bekenov va Samarqand viloyati hokimi E.O. Turdimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 8-aprel,
187-F-son