📅 2020-yil 11-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 11 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 11 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Хусусий нотариал фаолиятни ташкил этишни қўллаб-қувватлаш чора-тадбирлари тўғрисида
Ўзбекистон Республикаси Президентининг «Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида» 2019 йил 9 сентябрдаги ПФ-5816-сон Фармони ижросини таъминлаш ҳамда хусусий амалиёт билан шуғулланувчи нотариусларнинг моддий-техник базасини мустаҳкамлаш орқали аҳолига сифатли ва узлуксиз нотариал хизматлар кўрсатилишини таъминлаш мақсадида Вазирлар Маҳкамаси қарор қилади:
1. Белгилансинки:
хусусий амалиёт билан шуғулланувчи нотариусларга Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларига (кейинги ўринлардаҳудудий адлия органлари деб юритилади) оператив бошқарув ҳуқуқи асосида бириктирилган ҳамда давлат нотариал идоралари нотариуслари фойдаланувида бўлган бино ва иншоотларни ижарага бериш, шунингдек, идора анжомлари, мебеллар, темир шкаф, стеллаж, сейф, компьютер, оргтехника воситалари ва бошқа воситаларни (кейинги ўринлардаинвентарлар деб аталади) сотиш ҳудудий адлия органлари ҳамда хусусий амалиёт билан шуғулланувчи нотариуслар ўртасида қонунчилик ҳужжатларида белгиланган тартибда амалга оширилади;
хусусий амалиёт билан шуғулланиш истагини билдирган давлат нотариал идоралари нотариуслари, ушбу давлат нотариал идоралари нотариуслари фойдаланувида бўлган бино ва иншоотларни ижарага олишда бошқа хусусий амалиёт билан шуғулланувчи нотариусларга нисбатан устунликка эга бўлади. Бунда, давлат нотариал идоралари нотариуслари, бино ва иншоотларни ижарага олишни ёзма равишда рад этган тақдирда ёки икки ой давомида устунлик ҳуқуқидан фойдаланмаганда ушбу бино ва иншоотлар ҳудудий адлия органларига бириктирилмаган бинода фаолият кўрсатаётган бошқа хусусий амалиёт билан шуғулланувчи нотариусларга ижарага берилади;
давлат нотариал идораси нотариусига бириктирилган инвентарлар уларни сотиб олиш истагини билдирган хусусий амалиёт билан шуғулланувчи нотариусларга баланс қийматида сотилади.
2. Бино ва иншоотларни ижарага бериш ҳамда инвентарларни сотишдан тушадиган маблағлар бюджетдан ташқари Адлия органлари ва муассасаларини ривожлантириш жамғармасига йўналтирилади ҳамда давлат нотариал идораларини, адлия органлари ва муассасаларини ривожлантириш учун қонунчилик ҳужжатларида белгиланган тартибда сарфланади.
3. Бино ва иншоотларни ижарага беришда Вазирлар Маҳкамасининг 2009 йил 8 апрелдаги 102-сон қарори билан тасдиқланган Давлат мулкини ижарага бериш тартиби тўғрисидаги низомнинг мазкур қарорга зид келмайдиган қоидалари амал қилади.
4. Бино ва иншоотлар хусусий амалиёт билан шуғулланувчи нотариуслар томонидан ижарага олинмаган ҳолларда уларда давлат нотариал идоралари нотариусларини жойлаштирилиши, шунингдек, Ўзбекистон Республикаси Адлия вазирлиги билан келишилган ҳолда ҳудудий адлия органлари томонидан қонунчилик ҳужжатларида белгиланган тартибда фойдаланилиши ёки ижарага берилиши мумкин.
5. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов ва Ўзбекистон Республикаси Давлат активларини бошқариш агентлиги директори С.Х. Бекенов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 11 апрель,
213-сон
Oʻzbekiston Respublikasi Vazirlar Mahkamasining
qarori
Xususiy notarial faoliyatni tashkil etishni qoʻllab-quvvatlash chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasida notariat tizimini tubdan isloh qilish chora-tadbirlari toʻgʻrisida” 2019-yil 9-sentabrdagi PF-5816-son Farmoni ijrosini taʼminlash hamda xususiy amaliyot bilan shugʻullanuvchi notariuslarning moddiy-texnik bazasini mustahkamlash orqali aholiga sifatli va uzluksiz notarial xizmatlar koʻrsatilishini taʼminlash maqsadida Vazirlar Mahkamasi qaror qiladi:
1. Belgilansinki:
xususiy amaliyot bilan shugʻullanuvchi notariuslarga Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga (keyingi oʻrinlardahududiy adliya organlari deb yuritiladi) operativ boshqaruv huquqi asosida biriktirilgan hamda davlat notarial idoralari notariuslari foydalanuvida boʻlgan bino va inshootlarni ijaraga berish, shuningdek, idora anjomlari, mebellar, temir shkaf, stellaj, seyf, kompyuter, orgtexnika vositalari va boshqa vositalarni (keyingi oʻrinlardainventarlar deb ataladi) sotish hududiy adliya organlari hamda xususiy amaliyot bilan shugʻullanuvchi notariuslar oʻrtasida qonunchilik hujjatlarida belgilangan tartibda amalga oshiriladi;
xususiy amaliyot bilan shugʻullanish istagini bildirgan davlat notarial idoralari notariuslari, ushbu davlat notarial idoralari notariuslari foydalanuvida boʻlgan bino va inshootlarni ijaraga olishda boshqa xususiy amaliyot bilan shugʻullanuvchi notariuslarga nisbatan ustunlikka ega boʻladi. Bunda, davlat notarial idoralari notariuslari, bino va inshootlarni ijaraga olishni yozma ravishda rad etgan taqdirda yoki ikki oy davomida ustunlik huquqidan foydalanmaganda ushbu bino va inshootlar hududiy adliya organlariga biriktirilmagan binoda faoliyat koʻrsatayotgan boshqa xususiy amaliyot bilan shugʻullanuvchi notariuslarga ijaraga beriladi;
davlat notarial idorasi notariusiga biriktirilgan inventarlar ularni sotib olish istagini bildirgan xususiy amaliyot bilan shugʻullanuvchi notariuslarga balans qiymatida sotiladi.
2. Bino va inshootlarni ijaraga berish hamda inventarlarni sotishdan tushadigan mablagʻlar budjetdan tashqari Adliya organlari va muassasalarini rivojlantirish jamgʻarmasiga yoʻnaltiriladi hamda davlat notarial idoralarini, adliya organlari va muassasalarini rivojlantirish uchun qonunchilik hujjatlarida belgilangan tartibda sarflanadi.
3. Bino va inshootlarni ijaraga berishda Vazirlar Mahkamasining 2009-yil 8-apreldagi 102-son qarori bilan tasdiqlangan Davlat mulkini ijaraga berish tartibi toʻgʻrisidagi nizomning mazkur qarorga zid kelmaydigan qoidalari amal qiladi.
4. Bino va inshootlar xususiy amaliyot bilan shugʻullanuvchi notariuslar tomonidan ijaraga olinmagan hollarda ularda davlat notarial idoralari notariuslarini joylashtirilishi, shuningdek, Oʻzbekiston Respublikasi Adliya vazirligi bilan kelishilgan holda hududiy adliya organlari tomonidan qonunchilik hujjatlarida belgilangan tartibda foydalanilishi yoki ijaraga berilishi mumkin.
5. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov va Oʻzbekiston Respublikasi Davlat aktivlarini boshqarish agentligi direktori S.X. Bekenov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 11-aprel,
213-son