UzbekAI

Ўзбекистон Республикаси Вазирлар Маҳкамасининг

ФАРМОЙИШИ

Хотин-қизлар муаммоларини ўрганиш ва ҳал этиш, уларни моддий ва маънавий қўллаб-қувватлаш чора-тадбирларини янада кучайтириш мақсадида:

1. Ўзбекистон Касаба уюшмалари Федерацияси Кенгаши (кейинги ўринларда — Федерация) ва Ўзбекистон Республикаси Молия вазирлигининг хотин-қизлар муаммоларини ўрганиш ва ҳал этиш, уларни моддий ва маънавий қўллаб-қувватлаш чора-тадбирларини амалга ошириш учун Федерацияга Молия вазирлиги ҳузуридаги Инқирозга қарши курашиш жамғармаси маблағлари ҳисобидан 100,0 млрд сўм маблағ ажратиш тўғрисидаги таклифига розилик берилсин.

2. Федерация ушбу фармойишга асосан ажратиладиган маблағларни ҳудудларда ўтказиладиган ўрганишлар натижалари бўйича Ўзбекистон Республикаси Олий Мажлиси Сенати Раиси, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари билан биргаликда тасдиқланадиган манзилли чора-тадбирлар дастурларига иловага мувофиқ йўналтирсин ҳамда улардан мақсадли фойдаланишни таъминласин.

3. Федерациянинг хотин-қизлар муаммоларини ўрганиш ва ҳал этиш, уларни моддий ва маънавий қўллаб-қувватлаш чора-тадбирлари доирасида сотиб олинган ёки қурилган уй-жойларни тегишли туман (шаҳар) ҳокимликлари тасарруфига ўтказиш ҳамда мазкур уй-жойларни сотиб олиш ҳуқуқисиз узоқ муддатга (5 йилгача) шартнома асосида текин фойдаланишга бериш тўғрисидаги таклифи маъқуллансин.

4. Мазкур фармойишнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — Ўзбекистон Республикаси иқтисодий тараққиёт ва камбағалликни қисқартириш вазири Д.А. Кучкаров ҳамда Маҳалла, оила ва ёшларни қўллаб-қувватлаш, маданият, маънавият ва жамоат ташкилотлари масалалари котибияти зиммасига юклансин.

Вазирлар Маҳкамасининг 2020 йил 9 апрелдаги 189-Ф-сон фармойишига ИЛОВА

Молия вазирлиги ҳузуридаги Инқирозга қарши курашиш жамғармаси маблағлари ҳисобидан Ўзбекистон Касаба уюшмалари Федерациясига ажратиладиган маблағларнинг ҳудудлар бўйича тақсимоти

Т/Р Ҳудудлар номи Маблағ миқдори, млн сўмда 1. Қорақалпоғистон Республикаси 6 798,8 2. Андижон вилояти 6 724,4 3. Бухоро вилояти 5 675,1 4. Жиззах вилояти 13 000,0 5. Қашқадарё вилояти 6 774,2 6. Навоий вилояти 5 940,8 7. Наманган вилояти 6 290,3 8. Самарканд вилояти 10 237,6 9. Сурхондарё вилояти 6 754,7 10. Сирдарё вилояти 4 196,3 11. Тошкент вилояти 7 175,2 12. Фарғона вилояти 7 142,3 13. Хоразм вилояти 6 705,6 14. Тошкент шаҳри 6 584,7 Жами: 100 000,0

Ўзбекистон Республикасининг Бош вазири А. АРИПОВ

Тошкент ш.,

2020 йил 9 апрель,

189-Ф-сон

lex.uz

Oʻzbekiston Respublikasi Vazirlar Mahkamasining

FARMOYIShI

Xotin-qizlar muammolarini oʻrganish va hal etish, ularni moddiy va maʼnaviy qoʻllab-quvvatlash chora-tadbirlarini yanada kuchaytirish maqsadida:

1. Oʻzbekiston Kasaba uyushmalari Federatsiyasi Kengashi (keyingi oʻrinlarda — Federatsiya) va Oʻzbekiston Respublikasi Moliya vazirligining xotin-qizlar muammolarini oʻrganish va hal etish, ularni moddiy va maʼnaviy qoʻllab-quvvatlash chora-tadbirlarini amalga oshirish uchun Federatsiyaga Moliya vazirligi huzuridagi Inqirozga qarshi kurashish jamgʻarmasi mablagʻlari hisobidan 100,0 mlrd soʻm mablagʻ ajratish toʻgʻrisidagi taklifiga rozilik berilsin.

2. Federatsiya ushbu farmoyishga asosan ajratiladigan mablagʻlarni hududlarda oʻtkaziladigan oʻrganishlar natijalari boʻyicha Oʻzbekiston Respublikasi Oliy Majlisi Senati Raisi, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan birgalikda tasdiqlanadigan manzilli chora-tadbirlar dasturlariga ilovaga muvofiq yoʻnaltirsin hamda ulardan maqsadli foydalanishni taʼminlasin.

3. Federatsiyaning xotin-qizlar muammolarini oʻrganish va hal etish, ularni moddiy va maʼnaviy qoʻllab-quvvatlash chora-tadbirlari doirasida sotib olingan yoki qurilgan uy-joylarni tegishli tuman (shahar) hokimliklari tasarrufiga oʻtkazish hamda mazkur uy-joylarni sotib olish huquqisiz uzoq muddatga (5 yilgacha) shartnoma asosida tekin foydalanishga berish toʻgʻrisidagi taklifi maʼqullansin.

4. Mazkur farmoyishning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va kambagʻallikni qisqartirish vaziri D.A. Kuchkarov hamda Mahalla, oila va yoshlarni qoʻllab-quvvatlash, madaniyat, maʼnaviyat va jamoat tashkilotlari masalalari kotibiyati zimmasiga yuklansin.

Vazirlar Mahkamasining 2020-yil 9-apreldagi 189-F-son farmoyishiga ILOVA

Moliya vazirligi huzuridagi Inqirozga qarshi kurashish jamgʻarmasi mablagʻlari hisobidan Oʻzbekiston Kasaba uyushmalari Federatsiyasiga ajratiladigan mablagʻlarning hududlar boʻyicha taqsimoti

T/R Hududlar nomi Mablagʻ miqdori, mln soʻmda 1. Qoraqalpogʻiston Respublikasi 6 798,8 2. Andijon viloyati 6 724,4 3. Buxoro viloyati 5 675,1 4. Jizzax viloyati 13 000,0 5. Qashqadaryo viloyati 6 774,2 6. Navoiy viloyati 5 940,8 7. Namangan viloyati 6 290,3 8. Samarkand viloyati 10 237,6 9. Surxondaryo viloyati 6 754,7 10. Sirdaryo viloyati 4 196,3 11. Toshkent viloyati 7 175,2 12. Fargʻona viloyati 7 142,3 13. Xorazm viloyati 6 705,6 14. Toshkent shahri 6 584,7 Jami: 100 000,0

Oʻzbekiston Respublikasining Bosh vaziri A. ARIPOV

Toshkent sh.,

2020-yil 9-aprel,

189-F-son

lex.uz