📅 2020-yil 14-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 14 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 14 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Цемент ишлаб чиқариш ташкилотлари фаолияти устидан экологик назоратни кучайтириш тўғрисида
Экологик назоратни амалга оширишга автоматлаштирилган тизимларни жорий этиш, атроф табиий муҳит давлат мониторингини олиб боришда таҳлилий лабораторияларнинг моддий-техник базасини такомиллаштириш, атмосфера ҳавоси ифлосланишининг олдини олишда цемент ишлаб чиқариш ташкилотларининг масъулиятини янада ошириш мақсадида Вазирлар Маҳкамаси қарор қилади:
1. Белгилансинки:
2022 йил 1 январдан бошлаб республикада фаолият юритувчи барча цемент ишлаб чиқариш ташкилотларининг атмосфера ҳавосини ифлослантириш манбаларида намуналарни олиш ва таҳлил қилиш бўйича автоматик станциялар, шунингдек, уларга туташ ҳудудларда стационар кузатиш пунктлари (постлар) мажбурий тартибда ушбу ташкилотлар маблағлари ҳисобига ўрнатилади, бундан Ўзбекистон Республикаси Вазирлар Маҳкамасининг «Ўзбекистон Республикасида атроф табиий муҳитнинг давлат мониторинги тизимини такомиллаштириш тўғрисида 2019 йил 5 сентябрдаги 737-сон қарорининг 2-бандида назарда тутилган ҳолатлар мустасно;
стационар кузатиш пунктлари (постлар) атмосфера ҳавосининг ифлосланиш даражаси мониторингини олиб бориш учун масофадан узатиш қурилмалари билан жиҳозланади.
2. Ўзбекистон Республикаси Экология ва атроф муҳитни муҳофаза қилиш давлат қўмитаси икки ой муддатда цемент ишлаб чиқариш ташкилотлари Ифлосланиш манбалари мониторинги олиб бориладиган хўжалик юритувчи субъектлар рўйхатига киритилишини таъминласин ва уларда атроф табиий муҳит мониторинги амалга оширилишини йўлга қўйсин.
3. 2020 — 2023 йилларда Ўзбекистон Республикаси Экология ва атроф муҳитни муҳофаза қилиш давлат қўмитаси тизимидаги таҳлилий лабораторияларнинг моддий-техник базасини такомиллаштириш кўрсаткичлари (кейинги ўринда — кўрсаткичлар) иловага мувофиқ тасдиқлансин.
4. Ўзбекистон Республикаси Экология ва атроф муҳитни муҳофаза қилиш давлат қўмитаси кўрсаткичлар бажарилиши доирасида:
тизимидаги таҳлилий лабораторияларни моддий-техник воситалар билан марказлаштирилган ҳолда таъминласин;
Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармасидан маблағлар ажратсин;
Инвестициялар ва ташқи савдо вазирлиги билан биргаликда халқаро молия институтларининг тегишли грантларини жалб қилсин;
Молия вазирлиги билан биргаликда 2021 — 2023 йилларда Давлат бюджетидан тегишли маблағлар ажратилиши чораларини кўрсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Экология ва атроф муҳитни муҳофаза қилиш давлат қўмитаси раиси Ш.Ш. Абдуразаков зиммасига юклансин.
Вазирлар Маҳкамасининг 2020 йил 14 апрелдаги 223-сон қарорига ИЛОВА
2020 — 2023 йилларда Ўзбекистон Республикаси Экология ва атроф муҳитни муҳофаза қилиш давлат қўмитаси тизимидаги таҳлилий лабораторияларнинг моддий-техник базасини такомиллаштириш кўрсаткичлари
Т/р Моддий-техник воситалар Харид қилиш режалаштирилган давр 2020 йилда 2021 йилда 2022 йилда 2023 йилда дона млн сўм шундан: дона млн сўм шундан: дона млн сўм шундан: дона млн сўм шундан: жами, млн сум грантлар жамғарма маблағлари давлат бюджети грантлар жамғарма маблағлари давлат бюджети грантлар жамғарма маблағлари давлат бюджети грантлар жамғарма маблағлари 1. Асбоб-ускуналар ва жиҳозлар 184 5341,8 645,9 4695,9 63 21706,0 17570,5 3247,4 888,1 108 9608,5 4197,4 4334,6 1076,6 254 9580,5 5985,3 2152,6 1442,6 46235,8 2. Мобиль экологик лабораториялар 2 3840,0 3840,0 - - - - - - * 7 13440,0 13440,0 - - 6 11520,0 11520,0 - - 28800,0 3. Мобиль радиостанциялар - - - - - - * - - - 2 2,8 1,4 1,4 - 13 18,2 16,8 - 1,4 21,0 4. Лаборатория учун мебель жиҳозлари 17 1305,6 76,8 1228,8 17 1305,6 0,0 230,4 1075,2 8 614,4 - - 614,4 - - - - 3225,6 5. Лаборатория идишлари ва кимёвий реактивлар - 30,3 - 30,3 - - - - - - 90,9 - - 90,9 - 333,3 - - 333,3 454,5 6. Якка тартибда ҳимояланиш воситалари 3 45,5 - 45,5 - - - - - 5 76,0 76,0 - - 14 212,7 212,7 - - 334,1 Жами: 10563,2 4562,7 6000,5 80 23011,6 17570,5 3477,8 1963,3 133 23832,6 17714,7 4336,0 1781,9 298 21663,7 17734,7 2152,6 1777,3 79072,1 Шундан: бюджет маблағлари 53020,0 грантлар 14529,1 Экология, атроф муҳитни муҳофаза қилиш ва чиқиндилар билан боғлик ишларни амалга ошириш жамғармаси маблағлари 11523,0
Ўзбекистон Республикасининг Бош вазири А. АРИПОВ
Тошкент ш.,
2020 йил 14 апрель,
223-сон
Oʻzbekiston Respublikasi Vazirlar Mahkamasining
qarori
Sement ishlab chiqarish tashkilotlari faoliyati ustidan ekologik nazoratni kuchaytirish toʻgʻrisida
Ekologik nazoratni amalga oshirishga avtomatlashtirilgan tizimlarni joriy etish, atrof tabiiy muhit davlat monitoringini olib borishda tahliliy laboratoriyalarning moddiy-texnik bazasini takomillashtirish, atmosfera havosi ifloslanishining oldini olishda sement ishlab chiqarish tashkilotlarining masʼuliyatini yanada oshirish maqsadida Vazirlar Mahkamasi qaror qiladi:
1. Belgilansinki:
2022-yil 1-yanvardan boshlab respublikada faoliyat yurituvchi barcha sement ishlab chiqarish tashkilotlarining atmosfera havosini ifloslantirish manbalarida namunalarni olish va tahlil qilish boʻyicha avtomatik stansiyalar, shuningdek, ularga tutash hududlarda statsionar kuzatish punktlari (postlar) majburiy tartibda ushbu tashkilotlar mablagʻlari hisobiga oʻrnatiladi, bundan Oʻzbekiston Respublikasi Vazirlar Mahkamasining “Oʻzbekiston Respublikasida atrof tabiiy muhitning davlat monitoringi tizimini takomillashtirish toʻgʻrisida 2019-yil 5-sentabrdagi 737-son qarorining 2-bandida nazarda tutilgan holatlar mustasno;
statsionar kuzatish punktlari (postlar) atmosfera havosining ifloslanish darajasi monitoringini olib borish uchun masofadan uzatish qurilmalari bilan jihozlanadi.
2. Oʻzbekiston Respublikasi Ekologiya va atrof muhitni muhofaza qilish davlat qoʻmitasi ikki oy muddatda sement ishlab chiqarish tashkilotlari Ifloslanish manbalari monitoringi olib boriladigan xoʻjalik yurituvchi subyektlar roʻyxatiga kiritilishini taʼminlasin va ularda atrof tabiiy muhit monitoringi amalga oshirilishini yoʻlga qoʻysin.
3. 2020 — 2023-yillarda Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimidagi tahliliy laboratoriyalarning moddiy-texnik bazasini takomillashtirish koʻrsatkichlari (keyingi oʻrinda — koʻrsatkichlar) ilovaga muvofiq tasdiqlansin.
4. Oʻzbekiston Respublikasi Ekologiya va atrof muhitni muhofaza qilish davlat qoʻmitasi koʻrsatkichlar bajarilishi doirasida:
tizimidagi tahliliy laboratoriyalarni moddiy-texnik vositalar bilan markazlashtirilgan holda taʼminlasin;
Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasidan mablagʻlar ajratsin;
Investitsiyalar va tashqi savdo vazirligi bilan birgalikda xalqaro moliya institutlarining tegishli grantlarini jalb qilsin;
Moliya vazirligi bilan birgalikda 2021 — 2023-yillarda Davlat budjetidan tegishli mablagʻlar ajratilishi choralarini koʻrsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi Sh.Sh. Abdurazakov zimmasiga yuklansin.
Vazirlar Mahkamasining 2020-yil 14-apreldagi 223-son qaroriga ILOVA
2020 — 2023-yillarda Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimidagi tahliliy laboratoriyalarning moddiy-texnik bazasini takomillashtirish koʻrsatkichlari
T/r Moddiy-texnik vositalar Xarid qilish rejalashtirilgan davr 2020-yilda 2021-yilda 2022-yilda 2023-yilda dona mln soʻm shundan: dona mln soʻm shundan: dona mln soʻm shundan: dona mln soʻm shundan: jami, mln sum grantlar jamgʻarma mablagʻlari davlat budjeti grantlar jamgʻarma mablagʻlari davlat budjeti grantlar jamgʻarma mablagʻlari davlat budjeti grantlar jamgʻarma mablagʻlari 1. Asbob-uskunalar va jihozlar 184 5341,8 645,9 4695,9 63 21706,0 17570,5 3247,4 888,1 108 9608,5 4197,4 4334,6 1076,6 254 9580,5 5985,3 2152,6 1442,6 46235,8 2. Mobil ekologik laboratoriyalar 2 3840,0 3840,0 - - - - - - * 7 13440,0 13440,0 - - 6 11520,0 11520,0 - - 28800,0 3. Mobil radiostansiyalar - - - - - - * - - - 2 2,8 1,4 1,4 - 13 18,2 16,8 - 1,4 21,0 4. Laboratoriya uchun mebel jihozlari 17 1305,6 76,8 1228,8 17 1305,6 0,0 230,4 1075,2 8 614,4 - - 614,4 - - - - 3225,6 5. Laboratoriya idishlari va kimyoviy reaktivlar - 30,3 - 30,3 - - - - - - 90,9 - - 90,9 - 333,3 - - 333,3 454,5 6. Yakka tartibda himoyalanish vositalari 3 45,5 - 45,5 - - - - - 5 76,0 76,0 - - 14 212,7 212,7 - - 334,1 Jami: 10563,2 4562,7 6000,5 80 23011,6 17570,5 3477,8 1963,3 133 23832,6 17714,7 4336,0 1781,9 298 21663,7 17734,7 2152,6 1777,3 79072,1 Shundan: budjet mablagʻlari 53020,0 grantlar 14529,1 Ekologiya, atrof muhitni muhofaza qilish va chiqindilar bilan bogʻlik ishlarni amalga oshirish jamgʻarmasi mablagʻlari 11523,0
Oʻzbekiston Respublikasining Bosh vaziri A. ARIPOV
Toshkent sh.,
2020-yil 14-aprel,
223-son