📅 2020-yil 14-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 14 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 14 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
АСОСИЙ ТЕХНИК-ИҚТИСОДИЙ ПАРАМЕТРЛАРИ
ПРОГНОЗ ЖАДВАЛИ
ПРОГНОЗИ
Европа тикланиш ва тараққиёт банки иштирокида «Хоразм вилоятининг канализация тизимини реконструкция қилиш ва қуриш» лойиҳасини амалга ошириш чора-тадбирлари тўғрисида
Хоразм вилоятининг Урганч, Хива, Питнак шаҳарлари ва Гурлан шаҳарчасининг аҳоли ва хўжалик юритувчи субъектларининг канализация хизматлари билан таъминланганлик даражасини ошириш, ушбу шаҳарларда санитария-эпидемиологик ҳамда экологик ҳолатни янада яхшилаш, шунингдек, Европа тикланиш ва тараққиёт банки билан ҳамкорликни кенгайтириш мақсадида Вазирлар Маҳкамаси қарор қилади:
1. Қуйидагилар:
а) Европа тикланиш ва тараққиёт банки (кейинги ўринларда — ЕТТБ) билан Ўзбекистон Республикаси ўртасида 2019 йил 20 ноябрда «Хоразм вилоятининг канализация тизимини реконструкция қилиш ва қуриш» лойиҳасини (кейинги ўринларда — лойиҳа) амалга ошириш учун 4 йиллик имтиёзли даврни ўз ичига олган 15 йил мобайнида қайтариш муддати билан 90,0 млн АҚШ доллари миқдорида қарз бериш тўғрисида қарз битими имзоланганлиги;
б) лойиҳанинг умумий қиймати 114,5 млн АҚШ долларини, шу жумладан:
ЕТТБ қарзи — 90,0 млн АҚШ долларини ташкил этиши;
лойиҳани амалга оширишда Ўзбекистон Республикасининг ҳиссаси — 24,5 млн АҚШ долларини, шу жумладан солиқ ва божхона имтиёзлари бериш тарзида 17,4 млн АҚШ долларини ҳамда ЕТТБ қарзи бўйича инвестиция даврида фоизлар ва мажбурият учун воситачилик ҳақи кўринишида 7,1 млн АҚШ долларини ташкил этиши;
в) лойиҳани амалга ошириш даври 8 йилни (2019 — 2027 йиллар) ташкил этиши маълумот учун қабул қилинсин.
2. Белгилаб қўйилсинки:
«Ўзсувтаъминот» акциядорлик жамияти (кейинги ўринларда — «Ўзсувтаъминот» АЖ) лойиҳанинг ўз вақтида ва сифатли амалга оширилишини таъминлайдиган ташкилий-техник тадбирларни ўтказиш, ЕТТБнинг қарзларидан мақсадли ва самарали фойдаланиш учун масъул бўлган ижро этувчи орган ҳисобланади;
қарз умумий суммасининг 1,0 фоизи миқдорида ЕТТБ қарзининг бирйўла воситачилик ҳақини тўлаш ЕТТБнинг қарзлари ҳисобига амалга оширилади.
3. Қуйидагилар:
«Хоразм вилоятининг канализация тизимини реконструкция қилиш ва қуриш» лойиҳасини техник-иқтисодий асослашнинг асосий техник-иқтисодий параметрлари 1-иловага мувофиқ;
«Хоразм вилоятининг канализация тизимини реконструкция қилиш ва қуриш» лойиҳаси бўйича Европа тикланиш ва тараққиёт банки қарзини қайтариш, фоизлар ва воситачилик ҳақини тўлашнинг прогноз жадвали 2-иловага мувофиқ;
«Хоразм вилоятининг канализация тизимини реконструкция қилиш ва қуриш» лойиҳаси доирасида Европа тикланиш ва тараққиёт банки қарзларига хизмат кўрсатиш харажатларини қоплаш бўйича улушлар тақсимотининг прогнози 3-иловага мувофиқ тасдиқлансин.
4. Ўзбекистон Республикаси молия вазирига ЕТТБ қарзини Ўзбекистон Республикаси Хоразм вилояти ҳокимлиги ва «Ўзсувтаъминот» акциядорлик жамиятининг (кейинги ўринларда — «Ўзсувтаъминот» АЖ) «Хоразм сув таъминоти» масъулияти чекланган жамияти (кейинги ўринларда — «Хоразм сув таъминоти» МЧЖ) ўртасида қайта кредитлаш тўғрисидаги битимни (кейинги ўринларда — қайта кредитлаш тўғрисидаги битим) имзолаш ваколати берилсин.
5. Ўзбекистон Республикаси Адлия вазирлиги Ўзбекистон Республикаси ва ЕТТБ ўртасидаги қарз битими, қайта кредитлаш тўғрисидаги битим бўйича белгиланган тартибда юридик хулоса берсин.
6. «Ўзсувтаъминот» АЖ бошқарув раиси зиммасига қайта кредитлаш тўғрисидаги битим шартларига мувофиқ ЕТТБ қарзини қайтариш ва у бўйича фоизларни тўлаш учун зарур бўлган маблағлар «Ўзсувтаъминот» АЖнинг «Хоразм сув таъминоти» МЧЖ томонидан ўз вақтида жамланиб борилишини таъминлаш учун шахсий жавобгарлик юклансин.
7. Хоразм вилояти ҳокимлиги:
канализация тармоқлари ва иншоотлари қуриш учун зарур бўлган ер участкалари белгиланган тартибда ажратилишини, шунингдек, заруратга кўра ер участкалари ажратилиши натижасида компенсация тўловлари тўланишини;
2020 йилдан бошлаб Хоразм вилояти маҳаллий бюджети параметрларида ЕТТБ қарзи бўйича фоизларни ва асосий қарзни қайтаришга «Ўзсувтаъминот» АЖнинг «Хоразм сув таъминоти» МЧЖнинг ушбу мақсадларга йўналтириладиган ўз маблағларига қўшимча равишда маблағларни назарда тутсин.
8. Европа тикланиш ва тараққиёт банки лойиҳаларини мувофиқлаштириш гуруҳига лойиҳани мувофиқлаштириш ва бошқариш функциялари юклансин.
9. Ўзбекистон Республикаси Инвестициялар ва ташқи савдо вазирлиги Молия вазирлиги билан биргаликда ҳар бир йил учун асосий кўрсаткичларни аниқлаштириб ва янгилаб борган ҳолда, 2020 — 2022 йиллар учун Ўзбекистон Республикаси Инвестиция дастурларини шакллантиришда ушбу лойиҳа доирасида ажратиладиган маблағларни инобатга олсин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси уй-жой коммунал хизмат кўрсатиш вазири М.Х. Салиев зиммасига юклансин.
Вазирлар Маҳкамасининг 2020 йил 14 апрелдаги 221-сон қарорига 1-ИЛОВА
«Хоразм вилоятининг канализация тизимини реконструкция қилиш ва қуриш» лойиҳасини техник-иқтисодий асослашнинг
Т/р Компонент номи Ўлчов бирлиги Ҳаммаси * Молиялаштириш манбаси, шу жумладан: ЕТТБнинг қарзи Ўзбекистон Республикаси ҳиссаси 1. Лойиҳанинг умумий қиймати минг АҚШ долл. экв. 114 487,58 90 000,00 24 487,58 2. Капитал қўйилмалар қиймати, ҳаммаси минг АҚШ долл. экв. 97 067,58 90 000,00 7 067,58 шу жумладан: 2.1. Товар ва хизматлар минг АҚШ долл. экв. 82 200,00 82 200,00 шундан: Ташкилот фаолиятининг самарадорлигини ошириш харажатлари минг АҚШ долл. экв. 1 900,00 1 900,00 Қурилиш-таъмирлаш ишлари минг АҚШ долл. экв. 80 300,00 80 300,00 2.2. Маслаҳат хизматлари минг АҚШ долл. экв. 4 900,00 4 900,00 шундан: Лойиҳалаштириш, лойиҳани бошқариш ва қурилиш ишлари назорати бўйича маслаҳатчининг хизматлари минг АҚШ долл. экв. 4 700,00 4 700,00 Лойихани мувофиқлаштириш гуруҳи ҳаражатлари минг АҚШ долл. экв. 200,00 200,00 2.3. Лойиха бўйича кўзда тутилмаган ҳаражатлар минг АҚШ долл. экв. 2 000,00 2 000,00 2.4. Инвестиция даврида молиявий харажатлар минг АҚШ долл. экв. 7 967,58 900,00 7 067,58 3. Солиқ ва божхона имтиёзлари минг АҚШ долл. экв. 17 420,00 17 420,00
Вазирлар Маҳкамасининг 2020 йил 14 апрелдаги 221-сон қарорига 2-ИЛОВА
«Хоразм вилоятининг канализация тизимини реконструкция қилиш ва қуриш» лойиҳаси бўйича Европа тикланиш ва тараққиёт банки қарзини қайтариш, фоизлар ва воситачилик ҳақини тўлашнинг
Қарз миқдори - 90,0 млн АҚШ долл. Қарз муддати - 15 йил * Имтиёзли давр - 4 йил Фоиз ставкаси ** - Ўзгарувчан фоиз ставкаси (LIBOR USD 6 m + 1 %) Мажбурият учун воситачилик ҳақи - 0,50 _ % минг АҚШ долл. Йиллар Тўланадиган фоизлар Мажбурият учун воситачилик ҳақи Асосий қарзни қайтариш Жами қайтариладиган маблағ 15.04.2020 18,3 226,5 244,8 15.10.2020 48,0 222,8 270,7 15.04.2021 77,2 217,8 295,1 15.10.2021 474,8 169,4 644,2 15.04.2022 867,2 119,1 986,3 15.10.2022 1 250,4 72,5 1 322,8 15.04.2023 1 619,9 25,0 4 090,9 5 735,8 15.10.2023 1 646,2 12,6 4 090,9 5 749,7 15.04.2024 1 663,6 4 090,9 5 754,5 15.10.2024 1 580,5 4 090,9 5 671,4 15.04.2025 1 489,1 4 090,9 5 580,0 15.10.2025 1 414,1 4 090,9 5 505,0 15.04.2026 1 323,6 4 090,9 5 414,5 15.10.2026 1 247,7 4 090,9 5 338,6 15.04.2027 1 158,2 4 090,9 5 249,1 15.10.2027 1 081,4 4 090,9 5 172,3 15.04.2028 998,2 4 090,9 5 089,1 15.10.2028 915,0 4 090,9 5 005,9 15.04.2029 827,3 4 090,9 4 918,2 15.10.2029 748,6 4 090,9 4 839,5 15.04.2030 661,8 4 090,9 4 752,7 15.10.2030 582,3 4 090,9 4 673,2 15.04.2031 496,4 4 090,9 4 587,3 15.10.2031 415,9 4 090,9 4 506,8 15.04.2032 332,7 4 090,9 4 423,6 15.10.2032 249,5 4 090,9 4 340,5 15.04.2033 165,5 4 090,9 4 256,4 15.10.2033 83,2 4 090,9 4 174,1 Жами: 23 436,5 1 065,6 90 000,0 114 502,1
Вазирлар Маҳкамасининг 2020 йил 14 апрелдаги 221-сон қарорига 3-ИЛОВА
«Хоразм вилоятининг канализация тизимини реконструкция қилиш ва қуриш» лойиҳаси доирасида Европа тикланиш ва тараққиёт банки қарзларига хизмат кўрсатиш харажатларини қоплаш бўйича улушлар тақсимотининг
Йиллар «Ўзсувтаъминот» АЖнинг «Хоразм сув таъминоти» МЧЖ улуши Хоразм вилояти маҳаллий бюджетининг улуши 2020 0,0% 100,0% 2021 0,0% 100,0% 2022 0,0% 100,0% 2023 0,0% 100,0% 2024 39,9% 60,1% 2025 43,8% 56,2% 2026 49,4% 50,6% 2027 53,6% 46,4% 2028 59,9% 40,1% 2029 65,9% 34,1% 2030 68,6% 31,4% 2031 71,5% 28,5% 2032 68,0% 32,0% 2033 63,0% 37,0% Жами: 49,8 50,2
Ўзбекистон Республикасининг Бош вазири А. АРИПОВ
Тошкент ш.,
2020 йил 14 апрель,
221-сон
Oʻzbekiston Respublikasi Vazirlar Mahkamasining
qarori
ASOSIY TEXNIK-IQTISODIY PARAMETRLARI
PROGNOZ JADVALI
PROGNOZI
Yevropa tiklanish va taraqqiyot banki ishtirokida “Xorazm viloyatining kanalizatsiya tizimini rekonstruksiya qilish va qurish” loyihasini amalga oshirish chora-tadbirlari toʻgʻrisida
Xorazm viloyatining Urganch, Xiva, Pitnak shaharlari va Gurlan shaharchasining aholi va xoʻjalik yurituvchi subyektlarining kanalizatsiya xizmatlari bilan taʼminlanganlik darajasini oshirish, ushbu shaharlarda sanitariya-epidemiologik hamda ekologik holatni yanada yaxshilash, shuningdek, Yevropa tiklanish va taraqqiyot banki bilan hamkorlikni kengaytirish maqsadida Vazirlar Mahkamasi qaror qiladi:
1. Quyidagilar:
a) Yevropa tiklanish va taraqqiyot banki (keyingi oʻrinlarda — YETTB) bilan Oʻzbekiston Respublikasi oʻrtasida 2019-yil 20-noyabrda “Xorazm viloyatining kanalizatsiya tizimini rekonstruksiya qilish va qurish” loyihasini (keyingi oʻrinlarda — loyiha) amalga oshirish uchun 4 yillik imtiyozli davrni oʻz ichiga olgan 15 yil mobaynida qaytarish muddati bilan 90,0 mln AQSH dollari miqdorida qarz berish toʻgʻrisida qarz bitimi imzolanganligi;
b) loyihaning umumiy qiymati 114,5 mln AQSH dollarini, shu jumladan:
YETTB qarzi — 90,0 mln AQSH dollarini tashkil etishi;
loyihani amalga oshirishda Oʻzbekiston Respublikasining hissasi — 24,5 mln AQSH dollarini, shu jumladan soliq va bojxona imtiyozlari berish tarzida 17,4 mln AQSH dollarini hamda YETTB qarzi boʻyicha investitsiya davrida foizlar va majburiyat uchun vositachilik haqi koʻrinishida 7,1 mln AQSH dollarini tashkil etishi;
v) loyihani amalga oshirish davri 8 yilni (2019 — 2027-yillar) tashkil etishi maʼlumot uchun qabul qilinsin.
2. Belgilab qoʻyilsinki:
“Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ) loyihaning oʻz vaqtida va sifatli amalga oshirilishini taʼminlaydigan tashkiliy-texnik tadbirlarni oʻtkazish, YETTBning qarzlaridan maqsadli va samarali foydalanish uchun masʼul boʻlgan ijro etuvchi organ hisoblanadi;
qarz umumiy summasining 1,0 foizi miqdorida YETTB qarzining biryoʻla vositachilik haqini toʻlash YETTBning qarzlari hisobiga amalga oshiriladi.
3. Quyidagilar:
“Xorazm viloyatining kanalizatsiya tizimini rekonstruksiya qilish va qurish” loyihasini texnik-iqtisodiy asoslashning asosiy texnik-iqtisodiy parametrlari 1-ilovaga muvofiq;
“Xorazm viloyatining kanalizatsiya tizimini rekonstruksiya qilish va qurish” loyihasi boʻyicha Yevropa tiklanish va taraqqiyot banki qarzini qaytarish, foizlar va vositachilik haqini toʻlashning prognoz jadvali 2-ilovaga muvofiq;
“Xorazm viloyatining kanalizatsiya tizimini rekonstruksiya qilish va qurish” loyihasi doirasida Yevropa tiklanish va taraqqiyot banki qarzlariga xizmat koʻrsatish xarajatlarini qoplash boʻyicha ulushlar taqsimotining prognozi 3-ilovaga muvofiq tasdiqlansin.
4. Oʻzbekiston Respublikasi moliya vaziriga YETTB qarzini Oʻzbekiston Respublikasi Xorazm viloyati hokimligi va “Oʻzsuvtaʼminot” aksiyadorlik jamiyatining (keyingi oʻrinlarda — “Oʻzsuvtaʼminot” AJ) “Xorazm suv taʼminoti” masʼuliyati cheklangan jamiyati (keyingi oʻrinlarda — “Xorazm suv taʼminoti” MCHJ) oʻrtasida qayta kreditlash toʻgʻrisidagi bitimni (keyingi oʻrinlarda — qayta kreditlash toʻgʻrisidagi bitim) imzolash vakolati berilsin.
5. Oʻzbekiston Respublikasi Adliya vazirligi Oʻzbekiston Respublikasi va YETTB oʻrtasidagi qarz bitimi, qayta kreditlash toʻgʻrisidagi bitim boʻyicha belgilangan tartibda yuridik xulosa bersin.
6. “Oʻzsuvtaʼminot” AJ boshqaruv raisi zimmasiga qayta kreditlash toʻgʻrisidagi bitim shartlariga muvofiq YETTB qarzini qaytarish va u boʻyicha foizlarni toʻlash uchun zarur boʻlgan mablagʻlar “Oʻzsuvtaʼminot” AJning “Xorazm suv taʼminoti” MCHJ tomonidan oʻz vaqtida jamlanib borilishini taʼminlash uchun shaxsiy javobgarlik yuklansin.
7. Xorazm viloyati hokimligi:
kanalizatsiya tarmoqlari va inshootlari qurish uchun zarur boʻlgan yer uchastkalari belgilangan tartibda ajratilishini, shuningdek, zaruratga koʻra yer uchastkalari ajratilishi natijasida kompensatsiya toʻlovlari toʻlanishini;
2020-yildan boshlab Xorazm viloyati mahalliy budjeti parametrlarida YETTB qarzi boʻyicha foizlarni va asosiy qarzni qaytarishga “Oʻzsuvtaʼminot” AJning “Xorazm suv taʼminoti” MCHJning ushbu maqsadlarga yoʻnaltiriladigan oʻz mablagʻlariga qoʻshimcha ravishda mablagʻlarni nazarda tutsin.
8. Yevropa tiklanish va taraqqiyot banki loyihalarini muvofiqlashtirish guruhiga loyihani muvofiqlashtirish va boshqarish funksiyalari yuklansin.
9. Oʻzbekiston Respublikasi Investitsiyalar va tashqi savdo vazirligi Moliya vazirligi bilan birgalikda har bir yil uchun asosiy koʻrsatkichlarni aniqlashtirib va yangilab borgan holda, 2020 — 2022-yillar uchun Oʻzbekiston Respublikasi Investitsiya dasturlarini shakllantirishda ushbu loyiha doirasida ajratiladigan mablagʻlarni inobatga olsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi uy-joy kommunal xizmat koʻrsatish vaziri M.X. Saliyev zimmasiga yuklansin.
Vazirlar Mahkamasining 2020-yil 14-apreldagi 221-son qaroriga 1-ILOVA
“Xorazm viloyatining kanalizatsiya tizimini rekonstruksiya qilish va qurish” loyihasini texnik-iqtisodiy asoslashning
T/r Komponent nomi Oʻlchov birligi Hammasi * Moliyalashtirish manbasi, shu jumladan: YETTBning qarzi Oʻzbekiston Respublikasi hissasi 1. Loyihaning umumiy qiymati ming AQSH doll. ekv. 114 487,58 90 000,00 24 487,58 2. Kapital qoʻyilmalar qiymati, hammasi ming AQSH doll. ekv. 97 067,58 90 000,00 7 067,58 shu jumladan: 2.1. Tovar va xizmatlar ming AQSH doll. ekv. 82 200,00 82 200,00 shundan: Tashkilot faoliyatining samaradorligini oshirish xarajatlari ming AQSH doll. ekv. 1 900,00 1 900,00 Qurilish-taʼmirlash ishlari ming AQSH doll. ekv. 80 300,00 80 300,00 2.2. Maslahat xizmatlari ming AQSH doll. ekv. 4 900,00 4 900,00 shundan: Loyihalashtirish, loyihani boshqarish va qurilish ishlari nazorati boʻyicha maslahatchining xizmatlari ming AQSH doll. ekv. 4 700,00 4 700,00 Loyixani muvofiqlashtirish guruhi harajatlari ming AQSH doll. ekv. 200,00 200,00 2.3. Loyixa boʻyicha koʻzda tutilmagan harajatlar ming AQSH doll. ekv. 2 000,00 2 000,00 2.4. Investitsiya davrida moliyaviy xarajatlar ming AQSH doll. ekv. 7 967,58 900,00 7 067,58 3. Soliq va bojxona imtiyozlari ming AQSH doll. ekv. 17 420,00 17 420,00
Vazirlar Mahkamasining 2020-yil 14-apreldagi 221-son qaroriga 2-ILOVA
“Xorazm viloyatining kanalizatsiya tizimini rekonstruksiya qilish va qurish” loyihasi boʻyicha Yevropa tiklanish va taraqqiyot banki qarzini qaytarish, foizlar va vositachilik haqini toʻlashning
Qarz miqdori - 90,0 mln AQSH doll. Qarz muddati - 15 yil * Imtiyozli davr - 4 yil Foiz stavkasi ** - Oʻzgaruvchan foiz stavkasi (LIBOR USD 6 m + 1 %) Majburiyat uchun vositachilik haqi - 0,50 _ % ming AQSH doll. Yillar Toʻlanadigan foizlar Majburiyat uchun vositachilik haqi Asosiy qarzni qaytarish Jami qaytariladigan mablagʻ 15.04.2020 18,3 226,5 244,8 15.10.2020 48,0 222,8 270,7 15.04.2021 77,2 217,8 295,1 15.10.2021 474,8 169,4 644,2 15.04.2022 867,2 119,1 986,3 15.10.2022 1 250,4 72,5 1 322,8 15.04.2023 1 619,9 25,0 4 090,9 5 735,8 15.10.2023 1 646,2 12,6 4 090,9 5 749,7 15.04.2024 1 663,6 4 090,9 5 754,5 15.10.2024 1 580,5 4 090,9 5 671,4 15.04.2025 1 489,1 4 090,9 5 580,0 15.10.2025 1 414,1 4 090,9 5 505,0 15.04.2026 1 323,6 4 090,9 5 414,5 15.10.2026 1 247,7 4 090,9 5 338,6 15.04.2027 1 158,2 4 090,9 5 249,1 15.10.2027 1 081,4 4 090,9 5 172,3 15.04.2028 998,2 4 090,9 5 089,1 15.10.2028 915,0 4 090,9 5 005,9 15.04.2029 827,3 4 090,9 4 918,2 15.10.2029 748,6 4 090,9 4 839,5 15.04.2030 661,8 4 090,9 4 752,7 15.10.2030 582,3 4 090,9 4 673,2 15.04.2031 496,4 4 090,9 4 587,3 15.10.2031 415,9 4 090,9 4 506,8 15.04.2032 332,7 4 090,9 4 423,6 15.10.2032 249,5 4 090,9 4 340,5 15.04.2033 165,5 4 090,9 4 256,4 15.10.2033 83,2 4 090,9 4 174,1 Jami: 23 436,5 1 065,6 90 000,0 114 502,1
Vazirlar Mahkamasining 2020-yil 14-apreldagi 221-son qaroriga 3-ILOVA
“Xorazm viloyatining kanalizatsiya tizimini rekonstruksiya qilish va qurish” loyihasi doirasida Yevropa tiklanish va taraqqiyot banki qarzlariga xizmat koʻrsatish xarajatlarini qoplash boʻyicha ulushlar taqsimotining
Yillar “Oʻzsuvtaʼminot” AJning “Xorazm suv taʼminoti” MCHJ ulushi Xorazm viloyati mahalliy budjetining ulushi 2020 0,0% 100,0% 2021 0,0% 100,0% 2022 0,0% 100,0% 2023 0,0% 100,0% 2024 39,9% 60,1% 2025 43,8% 56,2% 2026 49,4% 50,6% 2027 53,6% 46,4% 2028 59,9% 40,1% 2029 65,9% 34,1% 2030 68,6% 31,4% 2031 71,5% 28,5% 2032 68,0% 32,0% 2033 63,0% 37,0% Jami: 49,8 50,2
Oʻzbekiston Respublikasining Bosh vaziri A. ARIPOV
Toshkent sh.,
2020-yil 14-aprel,
221-son