📅 2020-yil 14-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 14 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 апреля 2020 г. · Постановления Президента
Официальный текст. Официальный документ. Редакционные примечания не включены.
📅 14 April 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Навоий вилоятида қуввати 100 МВт бўлган фотоэлектрик станцияни қуриш» инвестиция лойиҳасини амалга ошириш чора-тадбирлари тўғрисида
Қайта тикланадиган энергетикани жадал ривожлантиришни таъминлаш, электр энергияси ишлаб чиқариш манбаларини диверсификациялаш, табиий газдан ёқилғи сифатида фойдаланишни камайтириш, шунингдек, электр энергетика тармоғига тўғридан-тўғри хорижий инвестицияларни кенг жалб қилиш мақсадида:
1. Қуйидагилар:
a) Халқаро молия корпорациясининг молиявий ва техник кўмагида Навоий вилоятида умумий қуввати 100 МВт бўлган фотоэлектрик станцияни лойиҳалаштириш, молиялаштириш, қуриш ва ишлатиш бўйича тажриба-синов лойиҳасини (кейинги ўринларда — инвестиция лойиҳаси) амалга ошириш учун инвестор танлаб олиш жараёни якунланганлиги;
б) инвестиция лойиҳасини амалга ошириш доирасида Жаҳон банки гуруҳи тартиб-таомилларига мувофиқ ўтказилган тендер савдолари натижаларига кўра, «Abu Dhabi Future Energy Company PJSC — Masdar» (БАА) компанияси (кейинги ўринларда — Инвестор) ғолиб деб топилганлиги;
в) Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги ҳамда Инвестор ўртасида 2019 йил 8 ноябрда инвестиция лойиҳасини лойиҳалаштириш, молиялаштириш, қуриш ва ишлатиш мақсадида Навоий вилоятида умумий қуввати 100 МВт бўлган фотоэлектрик станцияни (кейинги ўринларда — ФЭС) лойиҳалаштириш, молиялаштириш, қуриш ва 25 йил давомида ишлатиш билан боғлиқ Инвестор мажбуриятларини назарда тутувчи Инвестиция битими (кейинги ўринларда — Инвестиция битими) тузилганлиги;
г) инвестиция лойиҳасини амалга ошириш учун Инвестор томонидан Ўзбекистон Республикасида Инвестор номидан иш юритадиган «Nur Navoi Solar» масъулияти чекланган жамияти (кейинги ўринларда — Лойиҳа компанияси) таъсис этилганлиги;
д) «Ўзбекистон миллий электр тармоқлари» АЖ ва Инвестор ўртасида 2019 йил 8 ноябрда Электр энергиясини сотиб олиш тўғрисидаги битим (кейинги ўринларда — Электр энергиясини сотиб олиш тўғрисидаги битим) тузилганлиги, унга мувофиқ:
Инвестор ишлаб чиқарилган электр энергиясини кафолатланган тарзда «Ўзбекистон миллий электр тармоқлари» АЖ тимсолида ягона харидорга сотиш мажбуриятини олганлиги;
Инвестор ўзининг ва Лойиҳа компаниясининг мажбуриятларини лозим даражада бажариши бўйича 20 млн АҚШ доллари миқдоридаги банк кафолатини тақдим қилиши;
Инвестор кучланишни оширувчи ФЭС подстанциясини қуриш ва фойдаланишга топширилгандан кейин уни «Ўзбекистон миллий электр тармоқлари» АЖга бепул асосда бериш мажбуриятини олиши;
инвестиция лойиҳасининг бутун 25 йиллик муддати давомида инвестиция лойиҳаси доирасида ишлаб чиқарилган 1 киловатт-соат электр энергияси учун хорижий валютада деноминацияланган 2,679 АҚШ центи миқдорида қатъий тариф белгиланганлиги;
«Ўзбекистон миллий электр тармоқлари» АЖ Электр энергиясини сотиб олиш тўғрисидаги битим шартларига мувофиқ электр энергиясини кафолатланган тарзда харид қилиш мажбуриятини олиши ва электр энергияси учун тўловни маҳаллий валютада амалга ошириши;
«Ўзбекистон миллий электр тармоқлари» АЖ электр энергиясини олти ой мобайнида сотиб олишни қоплаш учун мажбуриятлар бажарилишининг таъминоти сифатида Инвестор фойдасига хорижий валютада тасдиқланган тикланадиган аккредитив очиш мажбуриятини олиши маълумот учун қабул қилинсин.
2. «Ўзбекистон миллий электр тармоқлари» АЖ ва Инвестор ўртасидаги Электр энергиясини сотиб олиш тўғрисидаги битим маъқуллансин.
3. Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги ҳамда Инвестор ўртасидаги Инвестиция битими тасдиқлансин.
Белгилансики, Инвестиция битими у имзоланган кундан эътиборан кучга киради.
4. Инвестиция битимига мувофиқ унинг амал қилиш муддати давомида электр энергиясини сотиб олиш учун хорижий валютада деноминацияланган қатъий тариф ўрнатилганлиги белгилаб қўйилсин.
5. Ўзбекистон Республикаси Инвестициялар ва ташқи савдо вазирлиги, «Ўзбекистон миллий электр тармоқлари» АЖ ва Навоий вилояти ҳокимлигига Лойиҳа компанияси ва инвестиция лойиҳасини молиялаштиришда иштирок этаётган кредиторлар билан инвестиция лойиҳасини амалга ошириш доирасида имзоланган битимлар бўйича мажбуриятлар Лойиҳа компанияси томонидан бажарилмаган тақдирда Лойиҳа компанияси ҳуқуқларини кредиторларга бериш юзасидан битимлар тузиш ҳуқуқи берилсин.
6. Электр энергиясини сотиб олиш тўғрисидаги битимга мувофиқ «Ўзбекистон миллий электр тармоқлари» АЖ:
Электр энергиясини сотиб олиш тўғрисидаги битим шартларига мувофиқ Лойиҳа компанияси билан Харидорнинг уланиш воситаларини бериш тўғрисидаги битимни тузсин;
Харидорнинг уланиш воситаларини бериш тўғрисидаги битим шартларига мувофиқ кучланишни оширувчи ФЭС подстанцияси фойдаланишга топширилгандан кейин уни Лойиҳа компаниясидан ўз мулкига қабул қилиб олсин;
ФЭСда ишлаб чиқариладиган электр энергиясини олти ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига хорижий валютада тасдиқланган тикланадиган аккредитивни очсин.
7. Инвестиция лойиҳасини амалга ошириш доирасида Лойиҳа компаниясига қуйидаги ҳуқуқлар берилсин:
кредитлаш, хорижий валютадаги маблағларни олиш ва улардан фойдаланиш (шу жумладан, бошқалардан ташқари хорижий валютада кредит маблағлари тушумлари) учун чет эллардаги хорижий банкларда банк ҳисобварақлари очиш;
Ўзбекистон Республикасининг ташқарисидаги хорижий пудратчилар, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан тўғридан-тўғри амалга ошириш.
8. Белгилансинки, Ўзбекистон Республикаси Президентининг 2015 йил 5 майдаги «2015 — 2019 йилларда иқтисодиёт тармоқлари ва ижтимоий соҳада энергия сиғимини қисқартириш, энергия тежайдиган технологияларни жорий этиш чора-тадбирлари Дастури тўғрисида»ги ПҚ-2343-сон қарорининг 5-банди иккинчи хатбошисида назарда тутилган қўшилган қиймат солиғидан озод қилиш инвестиция лойиҳасини амалга ошириш доирасида сотиладиган электр энергияси ҳажмларига нисбатан татбиқ этилмайди.
9. Навоий вилояти ҳокимлиги инвестиция лойиҳасини амалга ошириш доирасида Инвестиция битимида белгиланган ер участкасини ажратиб берсин ва Инвестиция битими шартларига мувофиқ Лойиҳа компанияси билан ерни ижарага бериш тўғрисидаги шартномани имзоласин.
10. Ўзбекистон Республикаси Адлия вазирлиги инвестиция лойиҳасини амалга ошириш доирасида Инвестиция битими қоидаларига мувофиқ имзоланган битимлар юзасидан юридик хулоса берсин.
11. Ўзбекистон Республикаси Экология ва атроф-муҳитни муҳофаза қилиш давлат қўмитаси лойиҳа ҳужжатларининг давлат экология экспертизасидан ўтказилишини ва инвестиция лойиҳасини амалга оширишда табиатни муҳофаза қилишга оид қонунчиликка риоя қилиниши устидан лозим даражада назорат ўрнатилишини белгиланган тартибда таъминласин.
12. Ўзбекистон Республикаси Ташқи ишлар вазирлиги Лойиҳа компанияси буюртманомаларига асосан инвестиция лойиҳасини амалга оширишда иштирок этадиган хорижий мутахассисларга кириш визалари расмийлаштирилишини (муддати узайтирилишини) белгиланган тартибда таъминласин.
13. Ўзбекистон Республикаси Ички ишлар вазирлиги Лойиҳа компанияси буюртманомаларига асосан инвестиция лойиҳасини амалга оширишда иштирок этадиган хорижий мутахассисларга кўп марталик визалар расмийлаштирилиши, берилиши (муддати узайтирилиши) ҳамда турган жойи бўйича рўйхатдан ўтказилиши ва унинг муддати узайтирилишини белгиланган тартибда таъминласин.
14. Ўзбекистон Республикаси Бандлик ва меҳнат муносабатлари вазирлиги Лойиҳа компанияси буюртманомаларига асосан Ўзбекистон Республикасига хорижий ишчи кучини (Ўзбекистон Республикаси фуқаролари бўлмаганлар орасидан) жалб этишга рухсатномалар берилишини (муддати узайтирилишини), шунингдек, хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
15. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — инвестициялар ва ташқи савдо вазири С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 14 апрель,
ПҚ-4677-сон
Oʻzbekiston Respublikasi Prezidentining
Qarori
“Navoiy viloyatida quvvati 100 MVt boʻlgan fotoelektrik stansiyani qurish” investitsiya loyihasini amalga oshirish chora-tadbirlari toʻgʻrisida
Qayta tiklanadigan energetikani jadal rivojlantirishni taʼminlash, elektr energiyasi ishlab chiqarish manbalarini diversifikatsiyalash, tabiiy gazdan yoqilgʻi sifatida foydalanishni kamaytirish, shuningdek, elektr energetika tarmogʻiga toʻgʻridan-toʻgʻri xorijiy investitsiyalarni keng jalb qilish maqsadida:
1. Quyidagilar:
a) Xalqaro moliya korporatsiyasining moliyaviy va texnik koʻmagida Navoiy viloyatida umumiy quvvati 100 MVt boʻlgan fotoelektrik stansiyani loyihalashtirish, moliyalashtirish, qurish va ishlatish boʻyicha tajriba-sinov loyihasini (keyingi oʻrinlarda — investitsiya loyihasi) amalga oshirish uchun investor tanlab olish jarayoni yakunlanganligi;
b) investitsiya loyihasini amalga oshirish doirasida Jahon banki guruhi tartib-taomillariga muvofiq oʻtkazilgan tender savdolari natijalariga koʻra, “Abu Dhabi Future Energy Company PJSC — Masdar” (BAA) kompaniyasi (keyingi oʻrinlarda — Investor) gʻolib deb topilganligi;
v) Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi hamda Investor oʻrtasida 2019-yil 8-noyabrda investitsiya loyihasini loyihalashtirish, moliyalashtirish, qurish va ishlatish maqsadida Navoiy viloyatida umumiy quvvati 100 MVt boʻlgan fotoelektrik stansiyani (keyingi oʻrinlarda — FES) loyihalashtirish, moliyalashtirish, qurish va 25 yil davomida ishlatish bilan bogʻliq Investor majburiyatlarini nazarda tutuvchi Investitsiya bitimi (keyingi oʻrinlarda — Investitsiya bitimi) tuzilganligi;
g) investitsiya loyihasini amalga oshirish uchun Investor tomonidan Oʻzbekiston Respublikasida Investor nomidan ish yuritadigan “Nur Navoi Solar” masʼuliyati cheklangan jamiyati (keyingi oʻrinlarda — Loyiha kompaniyasi) taʼsis etilganligi;
d) “Oʻzbekiston milliy elektr tarmoqlari” AJ va Investor oʻrtasida 2019-yil 8-noyabrda Elektr energiyasini sotib olish toʻgʻrisidagi bitim (keyingi oʻrinlarda — Elektr energiyasini sotib olish toʻgʻrisidagi bitim) tuzilganligi, unga muvofiq:
Investor ishlab chiqarilgan elektr energiyasini kafolatlangan tarzda “Oʻzbekiston milliy elektr tarmoqlari” AJ timsolida yagona xaridorga sotish majburiyatini olganligi;
Investor oʻzining va Loyiha kompaniyasining majburiyatlarini lozim darajada bajarishi boʻyicha 20 mln AQSH dollari miqdoridagi bank kafolatini taqdim qilishi;
Investor kuchlanishni oshiruvchi FES podstansiyasini qurish va foydalanishga topshirilgandan keyin uni “Oʻzbekiston milliy elektr tarmoqlari” AJga bepul asosda berish majburiyatini olishi;
investitsiya loyihasining butun 25 yillik muddati davomida investitsiya loyihasi doirasida ishlab chiqarilgan 1 kilovatt-soat elektr energiyasi uchun xorijiy valyutada denominatsiyalangan 2,679 AQSH senti miqdorida qatʼiy tarif belgilanganligi;
“Oʻzbekiston milliy elektr tarmoqlari” AJ Elektr energiyasini sotib olish toʻgʻrisidagi bitim shartlariga muvofiq elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni mahalliy valyutada amalga oshirishi;
“Oʻzbekiston milliy elektr tarmoqlari” AJ elektr energiyasini olti oy mobaynida sotib olishni qoplash uchun majburiyatlar bajarilishining taʼminoti sifatida Investor foydasiga xorijiy valyutada tasdiqlangan tiklanadigan akkreditiv ochish majburiyatini olishi maʼlumot uchun qabul qilinsin.
2. “Oʻzbekiston milliy elektr tarmoqlari” AJ va Investor oʻrtasidagi Elektr energiyasini sotib olish toʻgʻrisidagi bitim maʼqullansin.
3. Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi hamda Investor oʻrtasidagi Investitsiya bitimi tasdiqlansin.
Belgilansiki, Investitsiya bitimi u imzolangan kundan eʼtiboran kuchga kiradi.
4. Investitsiya bitimiga muvofiq uning amal qilish muddati davomida elektr energiyasini sotib olish uchun xorijiy valyutada denominatsiyalangan qatʼiy tarif oʻrnatilganligi belgilab qoʻyilsin.
5. Oʻzbekiston Respublikasi Investitsiyalar va tashqi savdo vazirligi, “Oʻzbekiston milliy elektr tarmoqlari” AJ va Navoiy viloyati hokimligiga Loyiha kompaniyasi va investitsiya loyihasini moliyalashtirishda ishtirok etayotgan kreditorlar bilan investitsiya loyihasini amalga oshirish doirasida imzolangan bitimlar boʻyicha majburiyatlar Loyiha kompaniyasi tomonidan bajarilmagan taqdirda Loyiha kompaniyasi huquqlarini kreditorlarga berish yuzasidan bitimlar tuzish huquqi berilsin.
6. Elektr energiyasini sotib olish toʻgʻrisidagi bitimga muvofiq “Oʻzbekiston milliy elektr tarmoqlari” AJ:
Elektr energiyasini sotib olish toʻgʻrisidagi bitim shartlariga muvofiq Loyiha kompaniyasi bilan Xaridorning ulanish vositalarini berish toʻgʻrisidagi bitimni tuzsin;
Xaridorning ulanish vositalarini berish toʻgʻrisidagi bitim shartlariga muvofiq kuchlanishni oshiruvchi FES podstansiyasi foydalanishga topshirilgandan keyin uni Loyiha kompaniyasidan oʻz mulkiga qabul qilib olsin;
FESda ishlab chiqariladigan elektr energiyasini olti oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga xorijiy valyutada tasdiqlangan tiklanadigan akkreditivni ochsin.
7. Investitsiya loyihasini amalga oshirish doirasida Loyiha kompaniyasiga quyidagi huquqlar berilsin:
kreditlash, xorijiy valyutadagi mablagʻlarni olish va ulardan foydalanish (shu jumladan, boshqalardan tashqari xorijiy valyutada kredit mablagʻlari tushumlari) uchun chet ellardagi xorijiy banklarda bank hisobvaraqlari ochish;
Oʻzbekiston Respublikasining tashqarisidagi xorijiy pudratchilar, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan toʻgʻridan-toʻgʻri amalga oshirish.
8. Belgilansinki, Oʻzbekiston Respublikasi Prezidentining 2015-yil 5-maydagi “2015 — 2019-yillarda iqtisodiyot tarmoqlari va ijtimoiy sohada energiya sigʻimini qisqartirish, energiya tejaydigan texnologiyalarni joriy etish chora-tadbirlari Dasturi toʻgʻrisida”gi PQ-2343-son qarorining 5-bandi ikkinchi xatboshisida nazarda tutilgan qoʻshilgan qiymat soligʻidan ozod qilish investitsiya loyihasini amalga oshirish doirasida sotiladigan elektr energiyasi hajmlariga nisbatan tatbiq etilmaydi.
9. Navoiy viloyati hokimligi investitsiya loyihasini amalga oshirish doirasida Investitsiya bitimida belgilangan yer uchastkasini ajratib bersin va Investitsiya bitimi shartlariga muvofiq Loyiha kompaniyasi bilan yerni ijaraga berish toʻgʻrisidagi shartnomani imzolasin.
10. Oʻzbekiston Respublikasi Adliya vazirligi investitsiya loyihasini amalga oshirish doirasida Investitsiya bitimi qoidalariga muvofiq imzolangan bitimlar yuzasidan yuridik xulosa bersin.
11. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi loyiha hujjatlarining davlat ekologiya ekspertizasidan oʻtkazilishini va investitsiya loyihasini amalga oshirishda tabiatni muhofaza qilishga oid qonunchilikka rioya qilinishi ustidan lozim darajada nazorat oʻrnatilishini belgilangan tartibda taʼminlasin.
12. Oʻzbekiston Respublikasi Tashqi ishlar vazirligi Loyiha kompaniyasi buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga kirish vizalari rasmiylashtirilishini (muddati uzaytirilishini) belgilangan tartibda taʼminlasin.
13. Oʻzbekiston Respublikasi Ichki ishlar vazirligi Loyiha kompaniyasi buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga koʻp martalik vizalar rasmiylashtirilishi, berilishi (muddati uzaytirilishi) hamda turgan joyi boʻyicha roʻyxatdan oʻtkazilishi va uning muddati uzaytirilishini belgilangan tartibda taʼminlasin.
14. Oʻzbekiston Respublikasi Bandlik va mehnat munosabatlari vazirligi Loyiha kompaniyasi buyurtmanomalariga asosan Oʻzbekiston Respublikasiga xorijiy ishchi kuchini (Oʻzbekiston Respublikasi fuqarolari boʻlmaganlar orasidan) jalb etishga ruxsatnomalar berilishini (muddati uzaytirilishini), shuningdek, xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
15. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 14-aprel,
PQ-4677-son
Президента Республики Узбекистан
Постановление
О мерах по реализации инвестиционного проекта «Строительство фотоэлектрической станции в Навоийской области мощностью 100 МВт»
В целях обеспечения ускоренного развития возобновляемой энергетики, диверсификации источников выработки электрической энергии, снижения использования в качестве топлива природного газа, а также широкого привлечения прямых иностранных инвестиций в электроэнергетическую отрасль:
1. Принять к сведению, что:
а) при финансовой и технической поддержке Международной финансовой корпорации завершен конкурсный отбор инвестора на реализацию пилотного проекта по проектированию, финансированию, строительству и эксплуатации фотоэлектрической станции общей мощностью 100 МВт в Навоийской области (далее — инвестиционный проект);
б) по результатам тендерных торгов, проведенных согласно процедурам Группы Всемирного банка в рамках реализации инвестиционного проекта, компания «Abu Dhabi Future Energy Company PJSC — Masdar» (ОАЭ) (далее — Инвестор) признана победителем;
в) между Правительством Республики Узбекистан в лице Министерства инвестиций и внешней торговли Республики Узбекистан и Инвестором для проектирования, финансирования, строительства и эксплуатации инвестиционного проекта заключено Инвестиционное соглашение от 8 ноября 2019 года (далее — Инвестиционное соглашение), предусматривающее обязательства Инвестора по проектированию, финансированию, строительству и эксплуатации в течение 25 лет фотоэлектрической станции (далее — ФЭС) общей мощностью 100 МВт в Навоийской области;
г) для реализации инвестиционного проекта Инвестором учреждено в Республике Узбекистан общество с ограниченной ответственностью «Nur Navoi Solar» (далее — Проектная компания), которое действует от имени Инвестора;
д) между АО «Национальные электрические сети Узбекистана» и Инвестором заключено Соглашение о закупке электроэнергии от 8 ноября 2019 года (далее — Соглашение о закупке электроэнергии), в соответствии с которым:
Инвестор принимает обязательство по гарантированной продаже выработанной электрической энергии единому покупателю в лице АО «Национальные электрические сети Узбекистана»;
Инвестор представляет банковскую гарантию надлежащего исполнения его обязательств и обязательств Проектной компании на сумму 20 млн долл. США;
Инвестор принимает обязательства по строительству и передаче АО «Национальные электрические сети Узбекистана» на безвозмездной основе повышающей подстанции ФЭС после ее ввода в эксплуатацию;
установлен фиксированный тариф в размере 2,679 цента США за 1 киловатт-час выработанной в рамках инвестиционного проекта электрической энергии, деноминированный в иностранной валюте на весь 25-летний срок инвестиционного проекта;
АО «Национальные электрические сети Узбекистана» принимает обязательство по гарантированной закупке электрической энергии в соответствии с условиями Соглашения о закупке электроэнергии и осуществляет оплату за электрическую энергию в местной валюте;
АО «Национальные электрические сети Узбекистана» обязуется открыть, в качестве обеспечения исполнения обязательств, подтвержденный возобновляемый аккредитив в иностранной валюте в пользу Инвестора для покрытия шестимесячной покупки электрической энергии.
2. Одобрить Соглашение о закупке электроэнергии между АО «Национальные электрические сети Узбекистана» и Инвестором.
3. Утвердить Инвестиционное соглашение между Правительством Республики Узбекистан в лице Министерства инвестиций и внешней торговли Республики Узбекистан и Инвестором.
Определить, что Инвестиционное соглашение вступает в силу с даты его подписания.
4. Установить, что в соответствии с Инвестиционным соглашением на срок его действия установлен фиксированный тариф для закупки электрической энергии, деноминированный в иностранной валюте.
5. Предоставить право Министерству инвестиций и внешней торговли Республики Узбекистан, АО «Национальные электрические сети Узбекистана» и хокимияту Навоийской области на заключение с Проектной компанией и кредиторами, участвующими в финансировании инвестиционного проекта, соглашений по уступке прав Проектной компании кредиторам в случае неисполнения обязательств со стороны Проектной компании по подписанным соглашениям в рамках реализации инвестиционного проекта.
6. АО «Национальные электрические сети Узбекистана» в соответствии с Соглашением о закупке электроэнергии:
заключить с Проектной компанией Соглашение о передаче средств подключения покупателя в соответствии с условиями Соглашения о закупке электроэнергии;
принять в собственность от Проектной компании повышающую подстанцию ФЭС после ее ввода в эксплуатацию в соответствии с положениями Соглашения о передаче средств подключения покупателя;
открыть, в качестве обеспечения исполнения обязательств, подтвержденный возобновляемый аккредитив в иностранной валюте в пользу Проектной компании для покрытия шестимесячной покупки электрической энергии, вырабатываемой на ФЭС.
7. Предоставить право Проектной компании в рамках реализации инвестиционного проекта:
открывать банковские счета за рубежом в иностранных банках для кредитования, получения и использования средств в иностранной валюте на таких счетах (включая, помимо прочего, поступления кредитных средств в иностранной валюте);
напрямую осуществлять платежи иностранным подрядчикам, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
8. Установить, что в отношении объемов реализуемой электрической энергии в рамках реализации инвестиционного проекта не применяется освобождение от налога на добавленную стоимость, предусмотренное абзацем вторым пункта 5 постановления Президента Республики Узбекистан от 5 мая 2015 года № ПП-2343 «О программе мер по сокращению энергоемкости, внедрению энергосберегающих технологий в отраслях экономики и социальной сфере на 2015 — 2019 годы».
9. Хокимияту Навоийской области в рамках реализации инвестиционного проекта выделить земельный участок, определенный в Инвестиционном соглашении, и заключить с Проектной компанией договор на аренду земли в соответствии с условиями Инвестиционного соглашения.
10. Министерству юстиции Республики Узбекистан выдать юридическое заключение по подписанным соглашениям в рамках реализации инвестиционного проекта в соответствии с положениями Инвестиционного соглашения.
11. Государственному комитету Республики Узбекистан по экологии и охране окружающей среды в установленном порядке обеспечить проведение государственной экологической экспертизы проектной документации и надлежащий контроль за соблюдением природоохранного законодательства при реализации инвестиционного проекта.
12. Министерству иностранных дел Республики Узбекистан обеспечить в установленном порядке по заявкам Проектной компании оформление (продление) въездных виз иностранным специалистам, участвующим в реализации инвестиционного проекта.
13. Министерству внутренних дел Республики Узбекистан обеспечить в установленном порядке по заявкам Проектной компании оформление, выдачу (продление) многократных виз, а также регистрацию по месту пребывания и продление ее срока иностранным специалистам, участвующим в реализации инвестиционного проекта.
14. Министерству занятости и трудовых отношений Республики Узбекистан в установленном порядке обеспечить по заявкам Проектной компании выдачу (продление) разрешений на привлечение в Республику Узбекистан иностранной рабочей силы (не из числа граждан Республики Узбекистан), а также выдачу (продление) иностранным гражданам подтверждений на право трудовой деятельности на территории Республики Узбекистан.
15. Контроль за исполнением настоящего постановления возложить на заместителя Премьер-министра Республики Узбекистан — министра инвестиций и внешней торговли С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
14 апреля 2020 г.,
№ ПП-4677