📅 2020-yil 22-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 22 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 22 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Автоматлаштирилган ҳисоб-китоб (биллинг) тизимини ўзгартириш» инвестиция лойиҳаси бўйича техник-иқтисодий асосларининг асосий техник-иқтисодий параметрларини тасдиқлаш тўғрисида
Республикамизда замонавий ахборот-коммуникация технологияларини жадал ривожлантириш учун шарт-шароитлар яратиш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Президентининг «Ахборот технологиялари ва коммуникациялари соҳасини янада такомиллаштириш чора-тадбирлари тўғрисида» 2018 йил 19 февралдаги ПФ-5349-сон Фармонига мувофиқ «COSCOM» масъулияти чекланган жамияти (кейинги ўринларда — «COSCOM» МЧЖ) томонидан «Автоматлаштирилган ҳисоб-китоб (биллинг) тизимини ўзгартириш» инвестиция лойиҳаси (кейинги ўринларда — инвестиция лойиҳаси) амалга оширилаётганлиги;
инвестиция лойиҳаси Ўзбекистон Республикаси Президентининг «Ўзбекистон Республикасининг 2020 — 2022 йилларга мўлжалланган инвестиция дастурини амалга ошириш чора-тадбирлари тўғрисида» 2020 йил 9 январдаги ПҚ-4563-сон қарорининг 7-иловасига асосан 2020 — 2022 йилларда амалга оширилиши белгиланганлиги;
инвестиция лойиҳасининг умумий қиймати 47 834,3 минг АҚШ доллари эквиваленти, шу жумладан, 28 500,0 минг АҚШ доллари-лицензиялар ва автоматлаштирилган ҳисоб-китоб тизимини (BSS) қўллаб-қувватлаш (кейинги ўринларда — 1-босқич), 19 334,3 минг АҚШ доллари-ускуна (аппаратли таъминот) ва учинчи шахслар томонидан етказиб бериладиган дастурий таъминотнинг (кейинги ўринларда — 2-босқич) шартнома қиймати ва бошқа сарф-харажатлар учун ажратилганлиги;
1-босқич доирасида ўтказилган тендер якунлари бўйича тендер ғолиби «Нэксайн» АЖ (Россия Федерацияси) ва «COSCOM» МЧЖ ўртасида шартнома имзоланганлиги;
2-босқич доирасида 2020 йил май ва июнь ойларида «COSCOM» МЧЖ томонидан тендер эълон қилиниши ва унинг натижаларига кўра тендер ғолиби билан шартнома(лар) тузилиши режалаштирилганлиги;
инвестиция лойиҳасини молиялаштириш манбаи этиб «COSCOM» МЧЖнинг ўз маблағлари белгиланганлиги маълумот учун қабул қилинсин.
2. «Автоматлаштирилган ҳисоб-китоб (биллинг) тизимини ўзгартириш» инвестиция лойиҳаси бўйича техник-иқтисодий асосларининг асосий техник-иқтисодий параметрлари иловага мувофиқ тасдиқлансин.
3. Мазкур қарорнинг ижросини назорат қилиш Ўзбекистон Республикаси Давлат активларини бошқариш агентлиги директори С.Х. Бекенов зиммасига ҳамда Ўзбекистон Республикаси Вазирлар Маҳкамасининг Телекоммуникациялар, IT-технологиялар ва инновацион фаолиятни ривожлантириш, ахборот хавфсизлигини таъминлаш масалалари котибиятига юклансин.
Вазирлар Маҳкамасининг 2020 йил 22 апрелдаги 246-сон қарорига ИЛОВА
«Автоматлаштирилган ҳисоб-китоб (биллинг) тизимини ўзгартириш» инвестиция лойиҳаси бўйича техник-иқтисодий асосларининг асосий техник-иқтисодий параметрлари
минг долл. Т/р Кўрсаткич номланиши Жами ўзлаштириладиган инвестициялар Шундан, марказлашмаган инвестициялар 1. Лойиҳанинг умумий қиймати 47 834,3 47 834,3 2. Капитал қўйилмаларнинг қиймати 47 834,3 47 834,3 Шу жумладан: Машина, ускуналар ва лицензиялар 47 834,3 47 834,3 Қурилиш-монтаж ишлари - - Инвестиция давридаги молиявий харажатлар - - Дастлабки айланма капитал - - Бошқа харажатлар - - 3. Мавжуд асосий фондларнинг қиймати - - 4. Ташкилотнинг қуввати, шу жумладан, ишлаб чиқариладиган маҳсулотнинг йиллик ҳажми, мўлжалланаётган йиллик экспорт ҳажми 12 миллион абонентга хизмат кўрсатувчи ускуна (аппаратли таъминот); 10 миллион абонентга хизмат кўрсатадиган дастурий таъминот, шундан олдиндан тўлов (prepaid) — камида 9,1 миллион дона ва кейинги тўлов (postpaid) — камида 900 000 дона. Индикатив кўрсаткичлар: а) овозли алоқа: ҳар бир абонент учун ҳисобдаги пул маблағларининг ўртача баланслари сони — 30 та; бир абонент учун уланиш мумкин бўлган даврий хизматлар (пакет) сони — 5 та; GSM тармоғидаги ҳар бир фаол абонент учун энг банд соатда (ЭБС) овозли қўнғироқлар сони — 3,5 та; б) маълумотларни узатиш: секундига транзакциялар сони — 15 000 та; интернет-сессиянинг ўртача давомийлиги камида 40 дақиқа; битта интернет-сессиядаги янгиланишлар сони — 5 та; бир вақтнинг ўзида ўтказиладиган интернет- сессиялар сони — 7 000 000 та; в) CMC: смс-сессиялар учун сониялар сони — 1 500 та; г) қўшимча кўрсаткичлар: ЭБСда тўлдириш сони — 250 000 та; кунига буюртмалар сони — 1 500 000 та; замонавий технологияларни қўллаб- қувватлаш, шу жумладан: LTE технологиясидаги роуминг; талаб бўйича видео (VoD); видеоузатма (streaming); IP турмаклари орқали овоз (VoIP); уяли алоқа оператори рақамини алоқа операторлари (MNP) ўртасида ўтказиш; 5G авлод технологиялари. 5. Ташкил этиладиган янги иш ўринлари сони - 6. Лойиҳанинг мўлжалланаётган ўзини қоплаш муддати 53 ой (4,4 йил) 7. Инвестиция даврининг давомийлиги 6 ой 8. Ишлаб чиқариш фондларининг қиймати 19 334,3 9. Кредит ва бошқа қарз маблағларини сўндириш муддати, шу жумладан, валютадаги қарзлар -
Ўзбекистон Республикасининг Бош вазири А. АРИПОВ
Тошкент ш.,
2020 йил 22 апрель,
246-сон
Oʻzbekiston Respublikasi Vazirlar Mahkamasining
qarori
“Avtomatlashtirilgan hisob-kitob (billing) tizimini oʻzgartirish” investitsiya loyihasi boʻyicha texnik-iqtisodiy asoslarining asosiy texnik-iqtisodiy parametrlarini tasdiqlash toʻgʻrisida
Respublikamizda zamonaviy axborot-kommunikatsiya texnologiyalarini jadal rivojlantirish uchun shart-sharoitlar yaratish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Prezidentining “Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida” 2018-yil 19-fevraldagi PF-5349-son Farmoniga muvofiq “COSCOM” masʼuliyati cheklangan jamiyati (keyingi oʻrinlarda — “COSCOM” MChJ) tomonidan “Avtomatlashtirilgan hisob-kitob (billing) tizimini oʻzgartirish” investitsiya loyihasi (keyingi oʻrinlarda — investitsiya loyihasi) amalga oshirilayotganligi;
investitsiya loyihasi Oʻzbekiston Respublikasi Prezidentining “Oʻzbekiston Respublikasining 2020 — 2022-yillarga moʻljallangan investitsiya dasturini amalga oshirish chora-tadbirlari toʻgʻrisida” 2020-yil 9-yanvardagi PQ-4563-son qarorining 7-ilovasiga asosan 2020 — 2022-yillarda amalga oshirilishi belgilanganligi;
investitsiya loyihasining umumiy qiymati 47 834,3 ming AQSh dollari ekvivalenti, shu jumladan, 28 500,0 ming AQSh dollari-litsenziyalar va avtomatlashtirilgan hisob-kitob tizimini (BSS) qoʻllab-quvvatlash (keyingi oʻrinlarda — 1-bosqich), 19 334,3 ming AQSh dollari-uskuna (apparatli taʼminot) va uchinchi shaxslar tomonidan yetkazib beriladigan dasturiy taʼminotning (keyingi oʻrinlarda — 2-bosqich) shartnoma qiymati va boshqa sarf-xarajatlar uchun ajratilganligi;
1-bosqich doirasida oʻtkazilgan tender yakunlari boʻyicha tender gʻolibi “Neksayn” AJ (Rossiya Federatsiyasi) va “COSCOM” MChJ oʻrtasida shartnoma imzolanganligi;
2-bosqich doirasida 2020-yil may va iyun oylarida “COSCOM” MChJ tomonidan tender eʼlon qilinishi va uning natijalariga koʻra tender gʻolibi bilan shartnoma(lar) tuzilishi rejalashtirilganligi;
investitsiya loyihasini moliyalashtirish manbai etib “COSCOM” MChJning oʻz mablagʻlari belgilanganligi maʼlumot uchun qabul qilinsin.
2. “Avtomatlashtirilgan hisob-kitob (billing) tizimini oʻzgartirish” investitsiya loyihasi boʻyicha texnik-iqtisodiy asoslarining asosiy texnik-iqtisodiy parametrlari ilovaga muvofiq tasdiqlansin.
3. Mazkur qarorning ijrosini nazorat qilish Oʻzbekiston Respublikasi Davlat aktivlarini boshqarish agentligi direktori S.X. Bekenov zimmasiga hamda Oʻzbekiston Respublikasi Vazirlar Mahkamasining Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini taʼminlash masalalari kotibiyatiga yuklansin.
Vazirlar Mahkamasining 2020-yil 22-apreldagi 246-son qaroriga ILOVA
“Avtomatlashtirilgan hisob-kitob (billing) tizimini oʻzgartirish” investitsiya loyihasi boʻyicha texnik-iqtisodiy asoslarining asosiy texnik-iqtisodiy parametrlari
ming doll. T/r Koʻrsatkich nomlanishi Jami oʻzlashtiriladigan investitsiyalar Shundan, markazlashmagan investitsiyalar 1. Loyihaning umumiy qiymati 47 834,3 47 834,3 2. Kapital qoʻyilmalarning qiymati 47 834,3 47 834,3 Shu jumladan: Mashina, uskunalar va litsenziyalar 47 834,3 47 834,3 Qurilish-montaj ishlari - - Investitsiya davridagi moliyaviy xarajatlar - - Dastlabki aylanma kapital - - Boshqa xarajatlar - - 3. Mavjud asosiy fondlarning qiymati - - 4. Tashkilotning quvvati, shu jumladan, ishlab chiqariladigan mahsulotning yillik hajmi, moʻljallanayotgan yillik eksport hajmi 12 million abonentga xizmat koʻrsatuvchi uskuna (apparatli taʼminot); 10 million abonentga xizmat koʻrsatadigan dasturiy taʼminot, shundan oldindan toʻlov (prepaid) — kamida 9,1 million dona va keyingi toʻlov (postpaid) — kamida 900 000 dona. Indikativ koʻrsatkichlar: a) ovozli aloqa: har bir abonent uchun hisobdagi pul mablagʻlarining oʻrtacha balanslari soni — 30 ta; bir abonent uchun ulanish mumkin boʻlgan davriy xizmatlar (paket) soni — 5 ta; GSM tarmogʻidagi har bir faol abonent uchun eng band soatda (EBS) ovozli qoʻngʻiroqlar soni — 3,5 ta; b) maʼlumotlarni uzatish: sekundiga tranzaksiyalar soni — 15 000 ta; internet-sessiyaning oʻrtacha davomiyligi kamida 40 daqiqa; bitta internet-sessiyadagi yangilanishlar soni — 5 ta; bir vaqtning oʻzida oʻtkaziladigan internet- sessiyalar soni — 7 000 000 ta; v) CMC: sms-sessiyalar uchun soniyalar soni — 1 500 ta; g) qoʻshimcha koʻrsatkichlar: EBSda toʻldirish soni — 250 000 ta; kuniga buyurtmalar soni — 1 500 000 ta; zamonaviy texnologiyalarni qoʻllab- quvvatlash, shu jumladan: LTE texnologiyasidagi rouming; talab boʻyicha video (VoD); videouzatma (streaming); IP turmaklari orqali ovoz (VoIP); uyali aloqa operatori raqamini aloqa operatorlari (MNP) oʻrtasida oʻtkazish; 5G avlod texnologiyalari. 5. Tashkil etiladigan yangi ish oʻrinlari soni - 6. Loyihaning moʻljallanayotgan oʻzini qoplash muddati 53 oy (4,4 yil) 7. Investitsiya davrining davomiyligi 6 oy 8. Ishlab chiqarish fondlarining qiymati 19 334,3 9. Kredit va boshqa qarz mablagʻlarini soʻndirish muddati, shu jumladan, valyutadagi qarzlar -
Oʻzbekiston Respublikasining Bosh vaziri A. ARIPOV
Toshkent sh.,
2020-yil 22-aprel,
246-son